‘കരുണ ചെയ്‌വാനെന്തു താമസം..?’ പെ​രു​മ​ഴ​യി​ൽ ഒ​റ്റ​മു​റിവീ​ട് ത​ക​ർ​ന്നു; അ​ധി​കാ​രി​ക​ളു​ടെ ക​നി​വുകാ​ത്ത് നി​ർ​ധ​ന കു​ടും​ബം

ചാ​രും​മൂ​ട്: ആ​കെ​യു​ള്ള ഒ​റ്റ​മു​റി വീ​ട് പെ​രു​മ​ഴ​യി​ൽ ത​ക​ർ​ന്ന​തോ​ടെ നി​ർ​ധ​ന കു​ടും​ബം ദു​രി​ത​ക്ക​യ​ത്തി​ലാ​യി . താ​മ​ര​ക്കു​ളം കി​ഴ​ക്കും​മു​റി വൈ​ഷ്ണ​വി ഭ​വ​ന​ത്തി​ൽ ബി​നുവിന്‍റെ വീ​ടാ​ണ് ഇ​ന്ന​ലെയു​ണ്ടാ​യ ശ​ക്ത​മാ​യ പെ​രു​മ​ഴ​യി​ലും കാ​റ്റി​ലും ത​ക​ർ​ന്ന​ത്.

ബി​നു​വും ഭാ​ര്യ സു​നി​ത യും ​മ​ക്ക​ളാ​യ പ്ല​സ് വ​ണ്‍ വി​ദ്യാ​ർ​ഥി​നി വൈ​ഷ്ണ​വി (16) , ഒ​ന്പതാം ക്ലാ​സ് വി​ദ്യാ​ർ​ഥി​നി വി​ന​യ (13) എ​ന്നി​വ​രാ​ണ് അ​ട​ച്ചു​റ​പ്പി​ല്ലാ​ത്ത ഈ ​ഒ​റ്റ​മു​റി വീ​ട്ടി​ൽ ക​ഴി​ഞ്ഞി​രു​ന്ന​ത്. ജന്മനാ ഉ​യ​ര​ക്കു​റ​വു​ള്ള ഇ​വ​രെ വി​വി​ധ രോ​ഗ​ങ്ങ​ൾ അ​ല​ട്ടു​ന്നു​ണ്ടെ​ങ്കി​ലും കൂ​ലി​വേ​ല ചെ​യ്താ​ണ് ഇ​വ​ർ കു​ടും​ബം പോ​റ്റു​ന്ന​ത്. ഇ​പ്പോ​ൾ മ​ഴ​യി​ൽ ആ​കെ​യു​ള്ള കി​ട​പ്പാ​ട​വും ഇ​ല്ലാ​താ​യി.

മ​ഴ പെ​യ്താ​ൽ ചോ​ർ​ന്നൊ​ലി​ക്കു​ന്ന വ​ർ​ഷ​ങ്ങ​ൾ പ​ഴ​ക്ക​മു​ള്ള ഒ​റ്റ​മു​റി വീ​ട് ഏ​തു നേ​ര​വും നി​ലം​പൊ​ത്താ​വു​ന്ന നി​ല​യി​ലാ​ണെ​ന്ന് ചൂ​ണ്ടി​ക്കാ​ട്ടി ഇ​വ​ർ നി​ര​ന്ത​രം പ​ഞ്ചാ​യ​ത്തി​ൽ അ​പേ​ക്ഷ ന​ൽ​കി​യി​രു​ന്നു. പ​ഞ്ചാ​യ​ത്ത് അം​ഗ​വും ഇ​ട​പെ​ട്ടി​രു​ന്നു. തു​ട​ർ​ന്ന് ഈ ​കു​ടും​ബ​ത്തെ ലൈ​ഫ് പ​ദ്ധ​തി​യി​ൽ ഉ​ൾ​പ്പെ​ടു​ത്തി താ​മ​ര​ക്കു​ളം പ​ഞ്ചാ​യ​ത്ത് വീ​ട് അ​നു​വ​ദി​ച്ചി​രു​ന്നു.

എ​ന്നാ​ൽ വീ​ടി​ന്‍റെ നി​ല​വി​ലെ അ​വ​സ്ഥ​യ​റി​യാ​ൻ സ്ഥ​ല​ത്തെ​ത്തി​യ അ​ധി​കാ​രി​ക​ൾ ഇ​വ​ർ​ക്ക് വീ​ടു​കി​ട്ടാ​ൻ യോ​ഗ്യ​ത​യി​ല്ല​ന്നും വീ​ട് വെ​ട്ടു​ക​ല്ലും സി​മ​ന്‍റും ഉ​പ​യോ​ഗി​ച്ച് പ​ണി​ത​തി​നാ​ൽ ലൈ​ഫ് പ​ദ്ധ​തി​യി​ൽ ഉ​ൾ​പ്പെ​ടു​ത്താ​ൻ ക​ഴി​യി​ല്ലെ​ന്നും റി​പ്പോ​ർ​ട്ട് ന​ൽ​കി​യെ​ന്നും തു​ട​ർ​ന്ന് പ​ദ്ധ​തി​യി​ൽ നി​ന്ന് ത​ങ്ങ​ളെ ഒ​ഴി​വാ​ക്കി​യെ​ന്നും വീ​ട്ടു​കാ​ർ പ​റ​യു​ന്നു.

ഇ​പ്പോ​ൾ ഉ​ള്ള വീ​ടു​കൂ​ടി ത​ക​ർ​ന്ന​തോ​ടെ അ​ധി​കാ​രി​ക​ളു​ടെ ക​നി​വി​നാ​യി കാ​ത്തി​രി​ക്കു​ക​യാ​ണ് ഈ ​കു​ടും​ബം.