ചെറായിയിൽ ഉ​ത്ത​രേ​ന്ത്യ​ന്‍ കു​ടും​ബ​ത്തെ ക​ത്തികാണിച്ച് ഭീ​ഷ​ണി​പ്പെ​ടു​ത്തി 55,000 രൂ​പ ക​വ​ര്‍​ന്നു! പ​ണം ത​ട്ടി​യ​ത് അ​നാ​ശാ​സ്യ​ത്തി​നും മ​ദ്യ​പാ​ന​ത്തി​നും

ചെ​റാ​യി: ചെ​റാ​യി ബീ​ച്ചി​ല്‍ സ​ന്ദ​ര്‍​ശ​ന​ത്തി​നെ​ത്തിയ ഉ​ത്ത​രേ​ന്ത്യ​ന്‍ കു​ടും​ബ​ത്തെ ക​ത്തി കാ​ണി​ച്ച് ഭീ​ഷ​ണി​പ്പെ​ടു​ത്തി 55,000 രൂ​പ ക​വ​ര്‍​ന്ന മൂ​ന്നം​ഗ ത​മി​ഴ് സം​ഘ​ത്തി​ലെ ഒ​രാ​ളെ ഹോം ​സ്റ്റേ മാ​നേ​ജ​രും നാ​ട്ടു​കാ​രും ഓ​ടി​ച്ചി​ട്ടു പി​ടി​കൂ​ടി മു​ന​മ്പം പോ​ലീ​സി​ലേ​ല്‍​പ്പി​ച്ചു.

ബീ​ഹാ​ര്‍ സ്വ​ദേ​ശി​യാ​യ ആ​ഷി​ക് കു​മാ​ര്‍ ചൗ​ധ​രി​യേ​യും കു​ടും​ബ​ത്തേ​യു​മാ​ണ് ഭീ​ഷ​ണി​പ്പെ​ടു​ത്തി പ​ണം ത​ട്ടി​യ​ത്. സം​ഭ​വ​ത്തി​ല്‍ ത​മി​ഴ്‌​നാ​ട് കാ​രൂ​ര്‍ സ്വ​ദേ​ശി വി​ഘ്‌​നേ​ഷ് -26 ആ​ണ് പി​ടി​യി​ലാ​യ​ത്.

ബാ​ക്കി ര​ണ്ടു​പേ​രെ പോ​ലീ​സ് തെ​ര​യു​ക​യാ​ണെ​ന്ന് കേ​സ് അ​ന്വ​ഷി​ക്കു​ന്ന മു​ന​മ്പം സി​ഐ എ.​എ​ല്‍. യേ​ശു​ദാ​സ് അ​റി​യി​ച്ചു.

വ്യാ​ഴാ​ഴ്ച ഉ​ച്ച​യോ​ടെ​യാ​ണ് ആ​ഷി​ക് കു​മാ​റും ഭാ​ര്യ​യും കു​ഞ്ഞു​മാ​യി ചെ​റാ​യി​യി​ലെ ഹോം ​സ്റ്റേ​യി​ലെ​ത്തി​യ​ത്. തു​ട​ര്‍​ന്ന് വി​ശ്ര​മി​ക്കു​ന്ന​തി​നി​ടെ​യാ​ണ് മൂ​ന്നം​ഗ​സം​ഘം എ​ത്തി​യ​ത്.

ഈ ​സ​മ​യം ഹോം ​സ്റ്റേ മാ​നേ​ജ​ര്‍ സ്ഥ​ല​ത്തു​ണ്ടാ​യി​രു​ന്നി​ല്ല. മു​റി​യി​ലെ​ത്തി​യ സം​ഘം ക​ഴു​ത്തി​ല്‍ ക​ത്തി​വ​ച്ച​ശേ​ഷം ആ​ദ്യം ആ​ഷി​ക് കു​മാ​റി​ന്‍റെ ഭാ​ര്യ​യു​ടെ സ്വ​ര്‍​ണാ​ഭ​ര​ണ​ങ്ങ​ളാ​ണ് ആ​വ​ശ്യ​പ്പെ​ട്ട​ത്.

എ​ന്നാ​ല്‍ ഇ​തെ​ല്ലാം മു​ക്കു​പ​ണ്ട​ങ്ങ​ളാ​ണെ​ന്ന് പ​റ​ഞ്ഞ​തോ​ടെ പ​ണം ആ​വ​ശ്യ​പ്പെ​ട്ടു. കൈ​യി​ല്‍ പ​ണ​മി​ല്ലെ​ന്ന​റി​ഞ്ഞ​തോ​ടെ ഗൂ​ഗി​ള്‍ പേ ​വ​ഴി പ​ണം മാ​റ്റം ചെ​യ്യാ​ന്‍ ആ​വ​ശ്യ​പ്പെ​ട്ടു.

ഇ​തു പ്ര​കാ​രം ഇ​വ​ര്‍ പ​റ​ഞ്ഞ ന​മ്പ​റി​ലേ​ക്ക് 55,000 രൂ​പ ഗൂ​ഗി​ള്‍ പേ ​ചെ​യ്തു കൊ​ടു​ക്കു​ക​യാ​യി​രു​ന്നു. സം​ഭ​വ​ത്തി​നു​ശേ​ഷം സം​ഘം കു​ടും​ബ​ത്തെ മു​റി​യി​ല്‍ പൂ​ട്ടി​യി​ട്ട് ക​ട​ന്നു ക​ള​ഞ്ഞു.

സ​ഹാ​യ​ത്തി​നാ​യി വി​ളി​ക്കു​ന്ന​ത് അ​ടു​ത്തു​ള്ള വീ​ട്ടി​ലെ വീ​ട്ട​മ്മ കേ​ള്‍​ക്കാ​നി​ട​യാ​യ​തി​നെ തു​ട​ര്‍​ന്ന് ഇ​വ​രെ​ത്തി മു​റി തു​റ​ക്കു​ക​യാ​യി​രു​ന്നു.

ഭ​യ​പ്പെ​ട്ട കു​ടും​ബം ഉ​ട​ന്‍​ത​ന്നെ പെ​ട്ടി​യും മ​റ്റും എ​ടു​ത്ത് ഓ​ട്ടോ​യി​ല്‍ ക​യ​റി സ്ഥ​ലം വി​ടു​ക​യും ചെ​യ്തു. ഇ​തി​നി​ടെ സ്ഥ​ല​ത്തെ​ത്തി​യ മാ​നേ​ജ​ര്‍ വി​വ​ര​മ​റി​ഞ്ഞ​ഉ​ട​നെ ത​സ്‌​ക​ര സം​ഘ​ത്തെ തേ​ടു​ക​യാ​യി​രു​ന്നു.

ഈ ​സ​മ​യം സം​ഘ​ത്തി​ലൊ​രാ​ള്‍ ചെ​റാ​യി ദേ​വ​സ്വം ന​ട​യി​ലെ എ​ടി​എം കൗ​ണ്ട​റി​ല്‍ നി​ന്നും പ​ണം എ​ടു​ത്ത് ഓ​ട്ടോ​യി​ല്‍ തി​രി​കെ ബീ​ച്ചി​ലേ​ക്ക് വ​രു​ന്ന​ത് മാ​നേ​ജ​രു​ടെ ശ്ര​ദ്ധ​യി​ല്‍ പെ​ടു​ക​യും നാ​ട്ടു​കാ​രു​ടെ സ​ഹാ​യ​ത്തോ​ടെ പി​ടി​കൂ​ടി പോ​ലീ​സി​നെ ഏ​ല്‍​പ്പി​ക്കു​ക​യാ​യി​രു​ന്നു.

ഇ​തി​നി​ടെ സ്ഥ​ലം വി​ട്ട ആ​ഷി​ക് കു​മാ​റി​നെ​യും കു​ടും​ബ​ത്തെ​യും മാ​നേ​ജ​ര്‍ വി​ളി​ച്ചു​വ​രു​ത്തി പോ​ലീ​സി​ല്‍ പ​രാ​തി​യും ന​ല്‍​കി.

പ​ണം ത​ട്ടി​യ​ത് അ​നാ​ശാ​സ്യ​ത്തി​നും മ​ദ്യ​പാ​ന​ത്തി​നും

പ്രതികളായ മൂ​ന്നം​ഗ ത​മി​ഴ് സം​ഘ​ം പണം തട്ടിയത് അ​നാ​ശാ​സ്യ​ത്തി​നും മ​ദ്യ​പാ​ന​ത്തി​നും വേണ്ടിയാണെന്ന് പോ​ലീ​സ്.

ബീ​ച്ചി​ല്‍ അ​നാ​ശാ​സ്യ​ത്തി​നും മ​ദ്യ​പാ​ന​ത്തി​നു​മാ​യി എ​ത്തി​യ ഈ ​സം​ഘം ആ​ദ്യം ഹോം ​സ്റ്റേ​യി​ലെ​ത്തി മു​റി ആ​വ​ശ്യ​പ്പെ​ട്ടി​രു​ന്നു​. എ​ന്നാ​ല്‍ വാ​ട​ക പ​റ​ഞ്ഞ​പ്പോ​ള്‍ അ​ത്ര​യും തു​ക ഇ​വ​രു​ടെ പ​ക്ക​ല്‍ കൊ​ടു​ക്കാ​നി​ല്ലാ​യി​രു​ന്നു.

കൂ​ടാ​തെ ഇ​വ​ര്‍ സ്ത്രീ​യേ​യും ആ​വ​ശ്യ​പ്പെ​ട്ടു​വ​ത്രേ. തു​ട​ര്‍​ന്ന് ഹോം ​സ്റ്റേ മാ​നേ​ജ​ര്‍ ഇ​വ​രെ തി​രി​ച്ച​യ​ച്ചു. ഇ​തി​നു​ശേ​ഷ​മാ​ണ​ത്രേ ഇ​വ​ര്‍ പ​ണ​മു​ണ്ടാ​ക്കാ​ന്‍ പ​ദ്ധ​തി ആ​വി​ഷ്‌​ക​രി​ക്കു​ക​യും പാ​ളി​യ​തോ​ടെ പോ​ലീ​സ് പി​ടി​യി​ലാ​യ​തും.