വൈക്കത്ത് എ​യ​ർ ഗ​ണ്ണി​ൽ നി​ന്നു വെ​ടി​യേ​റ്റ  സുജാതയുടെ പൊന്നോമന പൂ​ച്ച​യ്ക്ക് ദാ​രു​ണാ​ന്ത്യം; ക​ര​ളി​ന് മു​റി​വും കു​ട​ലി​ന് ക്ഷ​ത​വും ഏ​റ്റി​രു​ന്നു; അയൽവാസി രമേശൻ അറസ്റ്റിൽ

കോ​ട്ട​യം: വൈ​ക്ക​ത്ത് വ​ള​ർ​ത്തു പൂ​ച്ച​യെ വെ​ടി​വെ​ച്ച് കൊ​ന്ന സം​ഭ​വ​ത്തി​ൽ അ​യ​ൽ​വാ​സി അ​റ​സ്റ്റി​ൽ. ത​ല​യാ​ഴം മു​രി​യം​കേ​രി​ത്ത​റ ര​മേ​ശ​നെ​യാ​ണ് പോ​ലീ​സ് അ​റ​സ്റ്റ് ചെ​യ്ത​ത്. ഇ​യാ​ളു​ടെ തോ​ക്ക് ക​സ്റ്റ​ഡി​യി​ലെ​ടു​ത്തു. മൃ​ഗ​ങ്ങ​ൾ​ക്കെ​തി​രാ​യ അ​ക്ര​മ​ത്തി​നാ​ണ് കേ​സെ​ടു​ത്തി​രി​ക്കു​ന്ന​ത്.

വൈ​ക്കം ത​ല​യാ​ഴം ആ​ല​ത്തൂ​ർ പാ​ര​ണ​ത്ര രാ​ജു-​സു​ജാ​ത ദ​ന്പ​തി​ക​ളു​ടെ എ​ട്ടു മാ​സം പ്രാ​യ​മു​ള്ള ചി​ന്നു എ​ന്ന വ​ള​ർ​ത്തു​പൂ​ച്ച​യ്ക്കാ​ണ് ഞാ​യ​റാ​ഴ്ച രാ​ത്രി എ​ട്ടോ​ടെ ര​മേ​ശി​ന്‍റെ എ​യ​ർ ഗ​ണ്ണി​ൽ​നി​ന്നു വെ​ടി​യേ​റ്റ​ത്. ത​ന്‍റെ പ്രാ​വി​നെ ആ​ക്ര​മി​ച്ച​ത് പൂ​ച്ച​യാ​ണെ​ന്ന് ആ​രോ​പി​ച്ചാ​യി​രു​ന്നു ആ​ക്ര​മ​ണം.

ഗു​രു​ത​ര​മാ​യി പ​രി​ക്കേ​റ്റ പൂ​ച്ച​യെ കോ​ട്ട​യം മൃ​ഗാ​ശു​പ​ത്രി​യി​ൽ ശ​സ്ത്ര​ക്രി​യ​യ്ക്ക് വി​ധേ​യ​മാ​ക്കി​യി​രു​ന്നു. വെ​ടി​വ​യ്പ്പി​ൽ ക​ര​ളി​ൽ മു​റി​വും കു​ട​ലി​ന് ക്ഷ​ത​വും ഏ​റ്റി​രു​ന്നു. ആ​രോ​ഗ്യ​നി​ല വീ​ണ്ടെ​ടു​ക്കു​ന്ന​തി​നി​ടെ​യാ​ണ് ചൊ​വ്വാ​ഴ്ച രാ​ത്രി​യോ​ടെ പൂ​ച്ച ച​ത്ത​ത്.

ഇ​തി​നു​മു​ന്പും അ​യ​ൽ​വാ​സി​യി​ൽ​നി​ന്ന് സ​മാ​ന സം​ഭ​വ​ങ്ങ​ൾ പ​ല​ഘ​ട്ട​ങ്ങ​ളി​ൽ ഉ​ണ്ടാ​യി​ട്ടു​ണ്ടെ​ന്നും പ​ല മൃ​ഗ​ങ്ങ​ൾ​ക്കും ഇ​ത്ത​ര​ത്തി​ൽ വെ​ടി​യേ​റ്റി​ട്ടു​ണ്ടെ​ന്നും കു​ടും​ബം ആ​രോ​പി​ക്കു​ന്നു. സം​ഭ​വ​ത്തി​ൽ കു​ടും​ബം വൈ​ക്കം പോ​ലീ​സ് സ്റ്റേ​ഷ​നി​ലാ​ണ് പ​രാ​തി ന​ൽ​കി​യ​ത്.