ആലപ്പുഴ: കനാൽ നവീകരണത്തിനെത്തിയ ലോറികൾ തകർത്ത രണ്ടു പേരെ ആലപ്പുഴ നോർത്ത് പോലീസ് അറസ്റ്റു ചെയ്തു. ആര്യാട് പുതുവൽ കോളനിയിൽരതീഷി(ശങ്കു-32), പുതുവൽ കോളനിയിൽ സൗമ്യരാജ്(അജിത്ത്-32) എന്നിവരെയാണ് അറസ്ററു ചെയ്തത്. ഇന്നലെ വൈകുന്നേരം അഞ്ചു മണിയോടെ പൂങ്കാവ് പ്രൊവിഡൻസ് ആശുപത്രിക്കു പിറകുവശമാണ് സംഭവം. എഎസ് കനാൽ ശുചീകരണത്തിനെത്തിയ രണ്ടു ടിപ്പർ ലോറികളും ഒരു ജെസിബിയും തടഞ്ഞു നിർത്തിയ പ്രതികൾ വാഹനം ഓടിക്കാൻ അനുവദിക്കണമെന്ന് ആവശ്യപ്പെട്ടു. ഇത് അനുവദിക്കാതിരുന്നതിനെത്തുടർന്ന് മൂന്നു വാഹനങ്ങളും തല്ലി തകർക്കുകയായിരുന്നു. പ്രതികൾ ലഹരിക്കടിമകളാണെന്ന് സംശയിക്കുന്നതായി പോലീസ് പറഞ്ഞു.
Read Moreലോറി ഓടിക്കാൻ അനുവദിച്ചില്ലെന്ന് ആരോപിച്ച് വാഹനം തല്ലിത്തകർത്തു; രണ്ടു പേർ പോലീസ് പിടിയിൽ
