കായംകുളം: വയോധികയുടെ തലയ്ക്കടിച്ച് മാല മോഷ്ടിക്കാൻ ശ്രമം. മോഷ്ടാവിന്റെ അടിയേറ്റ വയോധികയ്ക്ക് പരിക്കേറ്റു. കായംകുളം പുതുപ്പള്ളി ചാലായിൽ തെക്കതിൽ സുധാമണിയു(65) ടെ കഴുത്തിൽ കിടന്ന മാല മോഷ്ടിക്കാനുള്ള ശ്രമത്തിനിടെ മോഷ്ടാവ് ഇവരുടെ തലയ്ക്കടിക്കുകയായിരുന്നു. പരിക്കേറ്റ ഇവരെ കായംകുളം താലൂക്കാശുപത്രിയിൽ പ്രവേശിപ്പിച്ചു. വയോധിക ബഹളം കൂട്ടിയതോടെ മോഷ്ടാവ് രക്ഷപ്പെട്ടു. കഴിഞ്ഞദിവസം രാത്രി ഏഴോടെ വീടിന്റ ഉമ്മറത്ത് വിളക്കു കത്തിച്ചശേഷം അകത്തേക്കു കയറാൻ ശ്രമിക്കുന്പോൾ പിന്നിൽ നിന്നെത്തിയ മോഷ്ടാവ് തലയ്ക്കടിക്കുകയും കഴുത്തിൽ കിടന്ന മാല പൊട്ടിച്ചെടുക്കാൻ ശ്രമിക്കുകയുമായിരുന്നു. കായംകുളം പോലീസ് അന്വേഷണം ആരംഭിച്ചു.
Read MoreCategory: Alappuzha
ഇതാ ഒരു മാതൃക..! കളഞ്ഞു കിട്ടിയ പഴ്സ് ഉടമസ്ഥനു നല്കി ലോട്ടറി വില്പനക്കാരൻ
പൂച്ചാക്കൽ: കളഞ്ഞുകിട്ടിയ പഴ്സ് ഉടമസ്ഥനു നൽകി ലോട്ടറി വില്പനക്കാരൻ മാതൃകയായി. പാണാവള്ളി പഞ്ചായത്ത് ഏഴാംവാർഡ് കുറ്റിയിടയിൽ സദാനന്ദനാണ് പണം അടങ്ങിയ പഴ്സ് ഉടമയ്ക്ക് നൽകി മാതൃകയായത്. ഇന്നലെ ഉച്ചയ്ക്ക് അരൂർ ബൈപ്പാസിന് സമീപം ലോട്ടറി വില്പന നടത്തുന്നതിനിടയിലാണ് റോഡരികിൽനിന്നും പഴ്സ് കിട്ടിയത്. ഉടൻ വില്പന നിർത്തി വച്ച് പൂച്ചാക്കൽ പോലീസ് സ്റ്റേഷനിലെത്തി പഴ്സ് ഏൽപ്പിക്കുകയായിരുന്നു. പോലിസിനു പഴ്സിനുള്ളിൽനിന്നും ലഭിച്ച ഫോണ്നന്പരിൽ ബന്ധപ്പെട്ട് ഡ്രൈവറായ ഇടപ്പള്ളി സ്വദേശിമോഹൻകുമാറിനെ വിളിച്ചു വരുത്തുകയായിരുന്നു. പണം, എടിഎം കാർഡ്, തിരിച്ചറിയൽ കാർഡ്, പാൻ കാർഡ് എന്നിവ അടങ്ങിയ പഴ്സ് ഇന്നലെ വൈകുന്നേരം സദാനന്ദൻ പൂച്ചാക്കൽ എസ്ഐ രാജീവ് കുമാർ, എഎസ്ഐ സുരേഷ് കുമാർ, വാർഡ് മെന്പർ സി.പി. വിനോദ് കുമാർ എന്നിവരുടെ സാന്നിധ്യത്തിൽ ഉടമയ്ക്ക് കൈമാറി.
Read Moreപ്രളയാനന്തരം ആറന്മുളയിൽ മണ്ണിന് രാസമാറ്റം ; സംസ്ഥാന സയൻസ് കോണ്ഗ്രസിൽ തിളങ്ങി പത്തനംതിട്ടയിലെ കുട്ടികൾ; ഹേമന്ദിന്റെയും നന്ദുവിന്റെയും കണ്ടെത്തിൽ ഇങ്ങനെ…
പത്തനംതിട്ട: പ്രളയത്തെ തുടർന്ന് ആറന്മുള പഞ്ചായത്തിലെ മണ്ണിന് രാസപരമായ മാറ്റം സംഭവിച്ചതായി പഠനം. തെങ്ങ്, റബർ, മാംഗോസ്റ്റീൻ എന്നിവയ്ക്കല്ലാതെ പച്ചക്കറി, ഇതരവിളകൾ എന്നിവയ്ക്ക് ആറന്മുളയിലെ ഇപ്പോഴത്തെ മണ്ണ് പറ്റിയതല്ലെന്ന് പത്തനംതിട്ട മാർത്തോമ്മാ ഹയർസെക്കൻഡറി സ്കൂൾ സയൻസ് വിഭാഗം പ്ളസ് വണ് വിദ്യാർഥികളായ ഹേമന്ദ് അലക്സ് തോമസ്, നന്ദു കൃഷ്ണ എന്നിവർ നടത്തിയ പഠനത്തിൽ കണ്ടെത്തി. തലശേരി ബ്രണ്ണൻ കോളജിൽ നടന്ന സംസ്ഥാന സയൻസ് കോണ്ഗ്രസിൽ ഇവർ അവതരിപ്പിച്ച പ്രോജക്ടിന് രണ്ടാം സ്ഥാനം ലഭിച്ചു. സംസ്ഥാനത്തെ എല്ലാ ജില്ലകളിൽ നിന്നും രണ്ടു ടീമുകൾ സയൻസ് കോണ്ഗ്രസിൽ പ്രളയം അടിസ്ഥാനമാക്കി വിവിധ പ്രോജക്ടുകൾ അവതരിപ്പിച്ചിരുന്നു. ആറൻമുള പഞ്ചായത്തിലെ കൃഷി ഭൂമിയിലെ മണ്ണ് ശേഖരിച്ച് ദിവസങ്ങൾ നീണ്ട പഠനമാണ് ഹേമന്ദും നന്ദുവും നടത്തിയത്.പ്രളയത്തിൽ പന്പാ നദിയിലൂടെ കുത്തിയൊഴുകി ആറന്മുളയിലെ മേൽമണ്ണ് ഒലിച്ചു പോയി. കൃഷിക്കനുയോജ്യമായ മണ്ണിന്റെ അമ്ലഗുണം നഷ്ടമായി. പച്ചക്കറികൾ, ഇഞ്ചി,…
Read Moreഅവരെത്തി, തങ്ങളുടെ ജീവിതം സിനിമയിലൂടെ കാണാൻ; സിനിമ കണ്ടിറങ്ങിയപ്പോൾ കുട്ടികൾക്ക് സന്തോഷം അടക്കാനായിരുന്നില്ല.
ആലപ്പുഴ: ശാരീരിക മാനസിക വെല്ലുവിളികൾ നേരിടുന്ന തങ്ങളുടെ ജീവിതത്തിന്റെ പ്രതിനിധിയെ വെള്ളിത്തിരയിലെ കഥാപാത്രത്തിലൂടെ കണ്ടപ്പോൾ അവരിലെ ആവേശവും പ്രതീക്ഷയും വാനോളമായി. പേരൻപ് എന്ന മമ്മുട്ടിച്ചിത്രം കാണാനെത്തിയ ആലപ്പുഴ രൂപതയുടെ കീഴിൽ ബീച്ചിനു സമീപം പ്രവർത്തിക്കുന്ന സാന്ത്വനം സ്പെഷൽ സ്കൂളിലെ 20 ഓളം വരുന്ന ഭിന്നശേഷിക്കാരായ കുട്ടികൾക്ക് സിനിമ കണ്ടിറങ്ങിയപ്പോൾ സന്തോഷം അടക്കാനായിരുന്നില്ല. സാമൂഹ്യപ്രതിബദ്ധതയോടെ പുറത്തിറങ്ങുന്ന ചില സിനിമകൾക്ക് തളരുന്ന മനസുകളെ ഉണർത്താനാകുമെന്നതിന്റെ നേർസാക്ഷ്യവുമായി അത്.ആലപ്പുഴ റെയ്ബാൻ സിനിഹൗസ് തീയേറ്ററിലെത്തിയാണ് കുട്ടികൾ ചിത്രം കണ്ടത്. സ്പാറ്റിക് പരാലിസിസ് എന്ന പ്രത്യേക ശാരീരിക മാനസിക അവസ്ഥയിലൂടെ സഞ്ചരിക്കുന്ന ഒരു പെണ്കുട്ടിയുടെ ജീവിതത്തിലെ വെല്ലുവിളികളാണ് ചിത്രത്തിൽ പ്രതിപാദിക്കുന്നത്. ശാരീരിക മാനസിക വെല്ലുവിളി നേരിടുന്ന മകൾ കൗമാരത്തിലേക്കെത്തുന്പോൾ അമ്മയുടെ അഭാവത്തിൽ പിതാവ് എന്ന നിലയിൽ അമുദൻ എന്ന കഥാപാത്രം നേരിടുന്ന മാനസിക സംഘർഷം യഥാർഥമായാണ് മമ്മൂട്ടി അവതരിപ്പിച്ചിരിക്കുന്നതെന്നും തങ്ങൾക്കിത് ഏറെ പ്രചോദനം നൽകുന്നുവെന്നും…
Read Moreറിട്ടയേഡ് അധ്യാപികയുടെ കൊലപാതകം: പ്രതിക്ക് ജീവപര്യന്തം തടവും പിഴയും; ഒൻപത് വർഷത്തിന് മുമ്പ് നടന്ന കൊലപാതകത്തിലെ പൊലീസിന്റെ കണ്ടെത്തൽ ഇങ്ങനെ…
പത്തനംതിട്ട: റിട്ടയേഡ് അധ്യാപിക കടപ്ര പളളത്തുവീട്ടിൽ റേച്ചൽ ശാമുവേലിനെ തലയ്ക്കടിച്ച് കൊലപ്പെടുത്തിയ കേസിലെ പ്രതി കടപ്ര പരുമല കോട്ടയ്ക്കാമാലി കോളനിയിൽ സബീറിനെ (36) ജീവപര്യന്തം തടവിനും 680,00രൂപ പിഴയടക്കാനും അഡീഷണൽ സെഷൻസ് കോടതി (ഒന്ന്) ജഡ്ജി എൻ.ഹരികുമാർ ശിക്ഷിച്ചു. തിരുവല്ല സിഐ ആയിരുന്ന ആർ. ജയരാജിന്റെയും തുടർന്ന് ക്രൈബ്രാഞ്ച് കൊല്ലം യൂണിറ്റ് ഡിവൈഎസ്പി ഡി.രാജഗോപാലിന്റെയും നേതൃത്വത്തിൽ അന്വേഷിച്ച കേസിലാണ് പ്രതിയെ ശിക്ഷിച്ചത്.ഒറ്റയ്ക്കു താമസിക്കുകയായിരുന്ന റേച്ചൽ ശാമുവേലിന്റെ വീട്ടിൽ 2010 മേയ് ഒന്നിന് രാത്രി ഒന്പതോടെ അതിക്രമിച്ചു കയറിയാണ് പ്രതി കൊലപാതകവും കവർച്ചയും നടത്തിയത്. റേച്ചൽ ശാമുവേൽ ഉപയോഗിച്ചുകൊണ്ടിരുന്ന വാക്കിംഗ് സ്റ്റിക്ക് ഉപയോഗിച്ച് തലയ്ക്കടിച്ച് ബോധരഹിതയാക്കി. തുടർന്ന് സ്വർണാഭരണങ്ങൾ കവർന്ന ശേഷം വലച്ചിഴച്ച് വീടിനു പുറത്തെ കൊക്കോമരച്ചുവട്ടിൽ കിടത്തി പീഡിപ്പിച്ചശേഷം തോർത്ത് കഴുത്തിൽ മുറുക്കി കൊലപ്പെടുത്തിയെന്നാണ് കേസ്. സാഹചര്യ തെളിവുകളും ശാസ്ത്രീയ തെളിവുകളും ശേഖരിച്ചാണ് അന്വേഷണം പൂർത്തിയാക്കിയത്. പ്രോസിക്യൂഷനുവേണ്ടി…
Read Moreബസിൽ മോഷണം നടത്തുന്നതിനിടെ തമിഴ് സ്ത്രീയെ യാത്രക്കാർ പിടികൂടി ; ബസിൽ മോഷണം നടത്തുന്ന തമിഴ് സ്ത്രീസംഘങ്ങൾ ജില്ലയിലെത്തിയിട്ടുണ്ടെന്ന് പോലീസ്
മാന്നാർ: ബസുകളിൽ യാത്ര ചെയ്ത് മാല പൊട്ടിക്കുന്ന തമിഴ്നാട് കേന്ദ്രീകരിച്ചുള്ള സ്ത്രീ സംഘങ്ങൾ സജീവമാകുന്നു. കായുകുളം-തിരുവല്ല, മാന്നാർ-ചെങ്ങന്നൂർ, മാന്നാർ-ഹരിപ്പാട് തുടങ്ങി യാത്രാ തിരക്കുളള സ്വകാര്യ ബസുകളിലാണ് ഇത്തരക്കാർ യാത്ര ചെയ്ത് കുഞ്ഞുങ്ങൾ അടക്കമുള്ളവരുടെ മാലകൾ പറിക്കുന്നത്. കേരളത്തിൽ ഉത്സവ സീസണ് തുടങ്ങിയതോടെ നൂറോളം ഇത്തരത്തിലുള്ള സ്ത്രീകൾ പലയിടങ്ങളിലായി ക്യാന്പ് ചെയ്യുന്നുണ്ട്. കഴിഞ്ഞ ദിവസം ബസ് യാത്രക്കിടെ വീട്ടമ്മയുടെ മാല പൊട്ടിച്ച തമിഴ്നാട് സ്വദേശി അസ്റ്റിലായതിൽ നിന്നാണ് പോലീസിന് കൂടുതൽ വിവരങ്ങൾ ഇത് സംബന്ധിച്ച് ലഭിച്ചിരിക്കുന്നത്. തമിഴ്നാട് തിരുന്നൽവേലി തൂത്തുക്കുടി അണ്ണാനഗർ 13-ാം നന്പർ വീട്ടിൽ കല്യാണി(38)യെ കഴിഞ്ഞ ദിവസം പോലീസ് ബസിൽ യാത്ര ചെയ്ത വീട്ടമ്മയുടെ മാല പൊട്ടിച്ചതിന് അറസ്റ്റിലായിരുന്നു. ചെന്നിത്തല കല്ലൂംമൂട് ജംഗ്നിൽ വച്ച് വീട്ടമ്മയുടെ മാല പൊട്ടിച്ചെടുക്കുന്നത് യാത്രക്കാരാണ് കണ്ടത്. എണ്ണയ്ക്കാട് കുഴിവേലിൽ പുത്തൻ വീട്ടിൽ രാഘവന്റെ ഭാര്യ സരസമ്മയുടെ രണ്ടര പവൻ വരുന്ന…
Read Moreകോന്നിക്ക് ഒന്നും നൽകിയില്ല;കോന്നി മെഡിക്കൽ കോളജിന്റെ കാര്യത്തിൽ സർക്കാർ രാഷ്ട്രീയലക്ഷ്യത്തോടെയാണ് നീങ്ങുന്നതെന്ന് അടൂർ പ്രകാശ്
കോന്നി: സംസ്ഥാന ബജറ്റിൽ ഇത്തവണയും കോന്നി നിയോജകമണ്ഡലത്തെ അവഗണിച്ചതായി അടൂർ പ്രകാശ് എംഎൽഎ. മെഡിക്കൽ കോളജിന്റെ അടുത്തഘട്ടത്തിനുവേണ്ടി പണം ആവശ്യപ്പെട്ടിരുന്നു. പ്രാഥമിക ഘട്ടം ഏറെക്കുറെ പൂർത്തീകരിച്ച് ഇക്കൊല്ലം ക്ലാസുകൾ തുടങ്ങാമെന്ന ഘട്ടത്തിലാണ്. പ്രാഥമിക സൗകര്യങ്ങൾ ഒരുക്കി 50 കുട്ടികൾക്ക് മെഡിക്കൽ പ്രവേശനം സാധ്യമാകുന്ന തരത്തിൽ മെഡിക്കൽ കോളജ് ആരംഭിക്കാമെന്നിരിക്കേ രാഷ്ട്രീയലക്ഷ്യത്തോടെയാണ് ഗവണ്മെന്റ് നീങ്ങുന്നതെന്ന് പ്രകാശ് കുറ്റപ്പെടുത്തി. കോന്നി മെഡിക്കൽ കോളജിനെ സംബന്ധിച്ച് നയപ്രഖ്യാപനത്തിലും ബജറ്റിലും പരമാർശമേ ഉണ്ടായില്ല. സർക്കാരും എൽഡിഎഫും പുലർത്തിവന്ന തെറ്റായ നയങ്ങളുടെ ഫലമായി ശബരിമലയിൽ ഭക്തരുടെ എണ്ണം കുറയുകയും വരുമാനത്തിൽ കുറവുണ്ടാകുകയും ചെയ്തപ്പോൾ ഇതിനു പരിഹാരമായി ഖജനാവിൽ നിന്ന് 100 കോടി അനുവദിച്ചുവെന്ന് വീന്പിളക്കുന്നത് അർഥശൂന്യമാണ്. മുന്പും സർക്കാരുകൾ ശബരിമല വികസനത്തിന് പദ്ധതികൾ പ്രഖ്യാപിച്ച് പണം അനുവദിച്ചിരുന്നു. റോഡുവികസനത്തിനായാലും മാസ്റ്റർപ്ലാൻ അനുസരിച്ചുള്ള പദ്ധതികൾക്കായാലും സർക്കാരുകൾ ശബരിമലയെ പിന്തുണച്ചിട്ടുണ്ട്. ഇവയെല്ലാം ആദ്യമാണെന്ന തരത്തിൽ അനുവദിച്ചിരിക്കുന്ന തുകയും…
Read Moreകെട്ടിട അനുമതി നൽകാൻ കൈക്കൂലി വാങ്ങിയ ഓവർസിയർ പിടിയിൽ; ഫയൽ മനപൂർവം താമസം വരുത്തി അനുമതിക്കായി പണം ആവശ്യപ്പെടുകയായിരുന്നുവെന്ന് പരാതിക്കാരൻ
തിരുവല്ല: കൈക്കൂലി വാങ്ങിയ നഗരസഭാ ജീവനക്കാരനെ വിജിലൻസ് സംഘം പിടികൂടി. തിരുവല്ല നഗരസഭ എൽഎസ്ജിഡി ഓവർസിയർ നെയ്യാറ്റിൻകര സ്വദേശി കെ.അയ്യപ്പനാണ് (45) അറസ്റ്റിലായത്.കിഴക്കൻമുത്തൂർ എബനേസർ കെ.കെ.കോശിയുടെ കെട്ടിടത്തിന് പെർമിറ്റ് ലഭിക്കാനായി നഗരസഭയിൽ അപേക്ഷ നൽകിയിരുന്നു. കാലതാമസം വരുത്തിയശേഷം കെട്ടിടത്തിന് അനുമതി നൽകാനായി ഓവർസിയർ അയ്യപ്പൻ 2000 രൂപ കൈക്കൂലി ആവശ്യപ്പെട്ടു. തുടർന്ന് കോശിയുടെ ബന്ധു രാജു, പത്തനംതിട്ട വിജിലൻസ് ഓഫീസിൽ പരാതി നൽകി. അവിടെനിന്നും ലഭിച്ച അഞ്ഞൂറ് രൂപയുടെ നാല് നോട്ടുകളുമായി രാജു ബുധനാഴ്ച ഉച്ചകഴിഞ്ഞ് നഗരസഭ ഓഫീസിലെത്തി അയ്യപ്പന് കൈമാറുകയായിരുന്നു. ഉടനെ സ്ഥലത്തുണ്ടായിരുന്ന വിജിലൻസ് സംഘം പരിശോധന നടത്തി അയ്യപ്പനെ പിടികൂടി. തുടർന്ന് എൻജിനിയറിംഗ് വിഭാഗത്തിൽ പരിശോധന നടത്തിയ വിജിലൻസ് സംഘം ഫയലുകൾ പിടിച്ചെടുത്തു. വിജിലൻസ് ഡിവൈഎസ്പി പി.ഡി.ശശി, സിഐ മുഹമ്മദ് ഇസ്മയിൽ, എഎസ്ഐമാരായ അജികുമാർ, രാധാകൃഷ്ണൻ, അനിൽ, ശ്രീകുമാർ എന്നിവർ റെയ്ഡിന് നേതൃത്വം നൽകി.
Read Moreമൂന്നാമത്തെ കുട്ടിയെ വളർത്താൻ വരുമാനമില്ല; നവജാതശിശുവിനെ കൊലപ്പെടുത്തിയ വീട്ടമ്മയ്ക്ക് അഞ്ചുവർഷം തടവ്
ആലപ്പുഴ: വീടിനുള്ളിൽ നവജാത ശിശുവിന്റെ ജഡം കണ്ടെത്തിയ കേസിൽ പ്രതിയായ അമ്മയ്ക്ക് അഞ്ചു വർഷം തടവ്. മാവേലിക്കര വെട്ടിയാർ പ്ലാവിലയിൽ അനിത കുമാരി (30) യെയാണ് ആലപ്പുഴ അഡീഷണൽ സെഷൻസ് ജഡ്ജി എസ്.എച്ച് പഞ്ചാപ കേശൻ ശിക്ഷിച്ചത്. 2016 ജൂണ് 15നാണ് കേസിനു ആസ്പദമായ സംഭവം. അനിതകുമാരി വീട്ടിൽ പ്രസവിച്ചതറിഞ്ഞ് എത്തിയ വെട്ടിയാർ ആശുപത്രിയിലെ നഴ്സാണ് കുഞ്ഞിനെ ചോരയിൽ കുളിച്ച നിലയിൽ കണ്ടെത്തിയത്. ഉടൻ തന്നെ അമ്മയേയും കുഞ്ഞിനെയും കായംകുളം ആശുപത്രിയിൽ എത്തിച്ചു. കുഞ്ഞ് മരിച്ചു. അനിതകുമാരിക്ക് മൂന്നും അഞ്ചും വയസുള്ള രണ്ടു മക്കളുണ്ട്. മൂന്നാമത് കുഞ്ഞ് പിറന്നപ്പോൾ വളർത്താൻ വരുമാനമില്ലാത്തതിനാൽ കൊലപ്പെടുത്തിയെന്നാണ് പ്രോസിക്യൂഷൻ കേസ്. മാവേലിക്കര സിഐ കുറ്റപത്രം സമർപ്പിച്ച കേസിൽ കൊലപാതക കുറ്റം നിലനിൽക്കില്ലെന്ന് കണ്ടെത്തിയ കോടതി മനഃപൂർവമല്ലാത്ത നരഹത്യക്കാണ് പ്രതിയെ ശിക്ഷിച്ചത്. സംഭവം കഴിഞ്ഞ നാൾ മുതൽ അനിതകുമാരി ജയിലിലാണ്. പ്രോസിക്യൂഷന് വേണ്ടി…
Read Moreപകൽ സമയത്തെ വൈദ്യുതി നിയന്ത്രണം; ധനകാര്യ സ്ഥാപനങ്ങളിലെ പ്രവർത്തനം അവതാളത്തിൽ; വൈദ്യുതി വകുപ്പിന്റെ അനാസ്ഥയ്ക്കെതിരേ നാട്ടുകാർ
എടത്വ: കെഎസ്ഇബി എടത്വ സബ് ഡിവിഷൻ പരിധിയിൽ വൈദ്യുതി നിയന്ത്രണം തുടരുന്നതോടെ ധനകാര്യ സ്ഥാപനങ്ങളിലെ പ്രവർത്തനം അനിശ്ചിതത്വത്തിൽ. തപാൽ ഓഫീസ്, സർക്കാർ-സ്വകാര്യ ബാങ്കുകൾ, മറ്റ് പണമിടപാട് സ്ഥാപനങ്ങൾ എന്നിവിടങ്ങളിലെ പ്രവർത്തനമാണ് അനിശ്ചിതത്വത്തിലായത്. മാസാവസാനം ആണന്നിരിക്കേ പോസ്റ്റോഫീസുകളിൽ സ്വീകരിക്കേണ്ട മാസചിട്ടികൾ, ഇൻഷ്യുറൻസ് തവണകൾ, മണിയോർഡറുകൾ, രജിസ്റ്റേഡ്, സ്പീഡ് പോസ്റ്റ്, പാഴ്സൽ എന്നിവ അടയ്ക്കാൻ ഗുണഭോക്താക്കൾക്ക് കഴിയുന്നില്ല. എടത്വയിലെത്തുന്ന പണമിടപാട് തവണകൾ എടത്വ കഐസ്ഇബിയുടെ ഏരിയാവിട്ട പോസ്റ്റോഫീസുകളിലേക്ക് പറഞ്ഞുവിടുകയാണ് ജീവനക്കാർ. പണം കൈപ്പറ്റാൻ സാധിക്കാത്ത ഗുണഭോക്താക്കൾക്ക് അടുത്ത മാസം പലിശ നൽകേണ്ട അവസ്ഥയാണ്. വൈദ്യുതി വകുപ്പിന്റെ അനാസ്ഥമൂലം സാധാരണക്കാരന്റെ പണമാണ് നഷ്ടപ്പെടുന്നത്. പകൽ സമയങ്ങളിലെ വൈദ്യുതി നീയന്ത്രണം മൂലം കന്പ്യൂട്ടർ പ്രവർത്തിക്കാൻ കഴിയാത്തതാണ് പ്രതിസന്ധിക്ക് കാരണം. സമാന അവസ്ഥയാണ് ബാങ്കുകൾ ഉൾപ്പെടെയുള്ള മറ്റ് പണമിടപാട് സ്ഥാപനങ്ങളുടേയും അവസ്ഥ. അന്യസംസ്ഥാനത്ത് പഠിക്കുന്ന വിദ്യാർഥികൾക്ക് പണം അയച്ചുനൽകാനും രക്ഷിതാക്കൾ ബുദ്ധിമുട്ടുകയാണ്. കൂടാതെ കന്പ്യൂട്ടർവത്കരണത്തോടെ…
Read More