ചേർത്തല: സിപിഎം എക്സറേ ലോക്കൽ കമ്മിറ്റി സെക്രട്ടറിടയക്കം ഏഴു പേർക്കെതിരേ നടപടിയെടുക്കാൻ സിപിഎം ചേർത്തല ഏരിയാ കമ്മിറ്റി യോഗം തീരുമാനിച്ചു.സഹകരണ ബാങ്ക് തെരഞ്ഞെടുപ്പു സ്ഥാനാർഥി നിർണയത്തിന്റെ പേരിൽ ഏരിയാ കമ്മിറ്റിയുമായി കലഹിച്ചു രാജി സമർപ്പിച്ചവർക്കെതിരേയാണു നടപടി. പാർട്ടി അച്ചടക്കം ലംഘിച്ചു വെല്ലുവിളി ഉയർത്തിയതിന്റെ പേരിലാണ് നടപടിയെന്നാണ് വിവരം. നടപടിക്കു വിധേയരായവർ പഴയ പിണറായി പക്ഷത്തിലുൾപ്പെട്ടവരാണ്. നിലവിൽ ഒൗദ്യോഗിക പക്ഷത്തിനാണ് ഏരിയാ കമ്മിറ്റിയിൽ മേധാവിത്തം. ലോക്കൽ സെക്രട്ടറിയായിരുന്ന പി.ടി സതീശൻ, മുനിസിപ്പൽ കൗണ്സിലർമാരായ രത്നവല്ലി, എം.പി. മനോജ്, മറ്റംഗങ്ങളായ എസ്.ജി രാജു, ജി. സൈജു, സുനിൽകുമാർ, കൃഷ്ണൻകുട്ടി എന്നിവർക്കെതിരെയാണു നടപടി. വ്യാഴാഴ്ച ജില്ലാ സെക്രട്ടറി ആർ. നാസറിന്റെ സാന്നിധ്യത്തിൽ കൂടിയ യോഗത്തിലാണ് തീരുമാനം. ഒരു വിഭാഗം നടപടി വേണ്ടെന്നു വാദിച്ചെങ്കിലും ഒൗദ്യോഗിക പക്ഷം നടപടിയിൽ ഉറച്ചു നിൽക്കുയായിരുന്നു. 14 അംഗ ലോക്കൽ കമ്മിറ്റിയിൽ നിന്നും പകുതി പേരും രാജിവച്ചത്…
Read MoreCategory: Alappuzha
നിരോധിത പുകയില ഉത്പന്ന വിൽപ്പന; പരിശോധനയ്ക്കെത്തിയ എക്സൈസ് സംഘത്തിനുനേരേ ആക്രമണം; ഇൻസ്പെക്ടർ ഉൾപ്പെടെ നാല് ഉദ്യോഗസ്ഥർക്ക് പരിക്ക്
ആലപ്പുഴ: നിരോധിത പുകയില ഉത്പന്നങ്ങളുടെ വിൽപനയുമായി ബന്ധപ്പെട്ട് കടയിൽ പരിശോധയ്ക്കെത്തിയ എക്സൈസ് സംഘത്തിന് നേരെ ആക്രമണം. ആലപ്പുഴ എക്സൈസ് ഇൻസ്പെക്ടർ ഉൾപ്പടെ നാലു ഉദ്യോഗസ്ഥർക്ക്് ആക്രമണത്തിൽ പരിക്കേറ്റു. എക്സൈസ് റേഞ്ച് ഇൻസ്പെക്ടർ അനീഷ്, പ്രിവന്റീവ് ഓഫീസർ സുധീർ, സിവിൽ ഓഫീസർ വികാസ്, ഡ്രൈവർ പ്രഭാത് എന്നിവർക്കാണ് പരിക്കേറ്റത്. ഇന്നലെ രാത്രിയിലായിരുന്നു സംഭവം. ആലപ്പുഴ ബീച്ചിനു തെക്കുഭാഗത്തുള്ള കടയിൽ നിരോധിത പുകയില ഉത്പന്നങ്ങളുടെ വിൽപ്പന നടക്കുന്നത് അറിഞ്ഞ് പരിശോധയ്ക്കെത്തിയതായിരുന്നു സംഘം.പ്രദേശത്തെത്തിയ സംഘം കച്ചവട സ്ഥാപനം നിരീക്ഷിക്കുന്നതിനിടയിൽ ഒരു വിദ്യാർഥി പുകയില ഉത്പന്നം വാങ്ങുന്നത് ശ്രദ്ധയിൽപ്പെട്ടു. വിദ്യാർഥിയെ പിന്നീട് പിടികൂടിയ എക്സൈസ് സംഘം ഇയാളുമായി കടയിലെത്തിയെങ്കിലും കടയുടമ ഇത് നിഷേധിക്കുകയും എക്സൈസ് സംഘത്തിന് നേരെ അതിക്രമം നടത്തുകയായിരുന്നു. കടയുടമയും ബന്ധുക്കളും ചേർന്നാണ് അക്രമണം നടത്തിയതെന്നാണ് എക്സൈസ് സംഘം പോലീസിന് നൽകിയ മൊഴിയിൽ പറയുന്നത്. ആക്രമണത്തിൽ പരിക്കേറ്റ എക്സൈസ് ഉദ്യോഗസ്ഥർ ജനറൽ…
Read Moreവീട്ടുജോലിക്കെത്തിയ യുവതിയെ അനാശാസ്യത്തിനു പ്രേരിപ്പിച്ച യുവാവ് അറസ്റ്റിൽ; അനാശാസ്യ പ്രവർത്തനങ്ങളുടെ പേരിൽ പ്രതിക്കെതിരേ നിരവധി കേസുകളുണ്ടെന്ന് പോലീസ്
ചങ്ങനാശേരി: വീട്ടുജോലിക്കെന്ന വ്യാജേന വിളിച്ചുവരുത്തിയ യുവതിയെ അനാശാസ്യത്തിനു പ്രേരിപ്പിച്ച സംഭവത്തിൽ യുവാവിനെ പോലീസ് അറസ്റ്റ് ചെയ്തു. കങ്ങഴ ഇടയിരിക്കപ്പുഴ രാജിഭവനിൽ രാഹുൽ എസ്. മേനോൻ (34) ആണ് അറസ്റ്റിലായത്. കോട്ടയം ജില്ലാ പോലീസ് ചീഫ് ആർ. ഹരിശങ്കറിന്റെ നിർദേശപ്രകാരം ചങ്ങനാശേരി ഡിവൈഎസ്പി സുരേഷ്കുമാർ, വാകത്താനം സിഐ മനോജ്കുമാർ, എസ്ഐ അഭിലാഷ്കുമാർ എന്നിവരുടെ നേതൃത്വത്തിലുള്ള സംഘമാണ് പ്രതിയെ അറസ്റ്റ് ചെയ്തത്. ഭാര്യക്ക് സുഖമില്ലാത്തതിനാൽ വീട്ടുജോലിക്ക് ആളെ വേണമെന്ന വ്യാജേനയാണ് ഇയാൾ യുവതിയെ വിളിച്ചുവരുത്തിയത്. തുടർന്ന് ഇയാൾ മാറ്റാളുകളോടൊപ്പം അനാശാസ്യത്തിനു പ്രേരിപ്പിക്കുകയായിരുന്നു. ഇതിനെ എതിർത്ത യുവതിയെ രാഹുൽ മർദിച്ചെന്നാണു പരാതി. യുവതി വാകത്താനം പോലീസിനു നല്കിയ പരാതിയുടെ അടിസ്ഥാനത്തിലാണ് ഇയാളെ അറസ്റ്റ് ചെയ്തത്. ഇയാളെ ഇന്നു കോടതിയിൽ ഹാജരാക്കും. അനാശാസ്യ പ്രവർത്തനങ്ങളുടെ പേരിൽ കോട്ടയം ഈസ്റ്റ്, കറുകച്ചാൽ പോലീസ് സ്റ്റേഷനുകളിൽ ഇയാളുടെ പേരിൽ കേസുള്ളതായും വാകത്താനം എസ്ഐ അഭിലാഷ്കുമാർ പറഞ്ഞു.
Read Moreപ്രളയബാധിതര്ക്ക് കുടുംബശ്രീ വഴി ഒരു ലക്ഷം രൂപയുടെ വായ്പ; അര്ഹരായവരെ കുടംബശ്രീ, അയല്ക്കൂട്ടങ്ങള് കണ്ടെത്തി ശിപാര്ശ ചെയ്യണം
പത്തനംതിട്ട: പ്രളയബാധിതര്ക്കായി കുടുംബശ്രീ മുഖേന ഒരു ലക്ഷം രൂപയുടെ വായ്പ സര്ക്കാര് ലഭ്യമാക്കും. റീസര്ജന്റ് കേരള ലോണ് സ്കീം എന്ന് പേരിട്ട പദ്ധതി പ്രകാരമാണ് പ്രളയബാധിതര്ക്കായി തങ്ങളുടെ ജീവനോപാധികള് തിരിച്ചുപിടിക്കുക എന്ന ലക്ഷ്യം മുന്നിര്ത്തി സര്ക്കാര് സാമ്പത്തിക സഹായം ലഭ്യമാക്കുന്നത്. സര്ക്കാര് പ്രഖ്യാപിച്ച അടിയന്തര സഹായമായ 10000 രൂപ ലഭിക്കുകയും കുടുംബശ്രീയില് അംഗത്വവുമുള്ള കുടുംബത്തിനാണ് വായ്പ ലഭിക്കാന് അര്ഹതയുള്ളത്. നിലവില് കുടുംബശ്രീ അംഗങ്ങളല്ലാത്ത അര്ഹരായ കുടുംബങ്ങളിലെ സ്ത്രീകള്ക്ക് അംഗത്വം സ്വീകരിച്ച് ഈ പദ്ധതിയിലൂടെ വായ്പയ്ക്കായി അപേക്ഷിക്കാന് സാധിക്കും. മാത്രമല്ല, ബാങ്ക് വായ്പയ്ക്ക് അര്ഹരായവരെ കുടംബശ്രീ അയല്ക്കൂട്ടങ്ങള് കണ്ടെത്തി ശിപാര്ശ ചെയ്യുകയും വേണം. 18 ന് മുമ്പ് അയല്ക്കൂട്ടങ്ങള് സിഡിഎസ് ശിപാര്ശ ചെയ്ത അപേക്ഷകള് ബാങ്കിലെത്തിക്കണം. പ്രളയബാധിതര്ക്ക് വേഗത്തില് ധനസഹായം ലഭ്യമാക്കുകയെന്നതാണ് റീസര്ജന്റ് കേരള ലോണ് സ്കീം കൊണ്ട് ലക്ഷ്യമിടുന്നത്. വീട്ടുപകരണങ്ങള് നഷ്ടമായവര്ക്കും വീടിനുണ്ടായിട്ടുള്ള കേടുപാടുകള് പരിഹരിക്കുന്നതിനും ജീവനോപാധികള്…
Read Moreപ്രളയത്തിന്റെ രക്തസാക്ഷിയായി പാണ്ടനാട്ടെ തെങ്ങിൻ തോപ്പിൽ മത്സ്യബന്ധനബോട്ട് തകർന്ന നിലയിൽ;
മാന്നാർ: പാണ്ടനാട്ടിൽ ഏറെ ജീവനുകൾ കൈപിടിച്ച് കരയ്ക്കെത്തിച്ച മത്സ്യബന്ധബോട്ട് പ്രളയത്തിന്റെ ബാക്കി പത്രമായി. ഏറെ ദുരിതം വിതച്ച പാണ്ടനാട്ടിലാണ് രക്ഷാപ്രവർത്തനത്തിനിടയിൽ ബോട്ട് തകർന്നത്. ഇതേ തുടർന്ന് മത്സ്യത്തൊഴിലാളികൾ ഉപേക്ഷിച്ച ബോട്ടാണ് പ്രളയത്തിന്റെ ബാക്കി പത്രമായി ഇവിടെ കിടക്കുന്നത്. കഴിഞ്ഞ 17-നാണ് മത്സ്യത്തൊഴിലാളികളായ രക്ഷാ പ്രവർത്തകർ സഞ്ചരിച്ച ബോട്ട് മരത്തിൽ ഇടിച്ച് തകർന്നത്. ഇടിച്ച് തകരുന്പോൾ രക്ഷകരായ മത്സ്യത്തൊഴിലാളികൾ ഉൾപ്പടെ 15 ജീവനുകൾ ബോട്ടിൽ ഉണ്ടായിരുന്നു. കുത്തൊഴുക്കിൽ ഒന്നും ചെയ്യാനാകാതെ ബോട്ട് തകരുന്നത് നിസഹായതയോടെ നോക്കി നിൽക്കുവാനെ എല്ലാവർക്കും കഴിഞ്ഞുള്ളു. ബോട്ടിൽ ഉണ്ടായിരുന്നവർ തെങ്ങിൻതോപ്പിലെ ഓലയിലും മറ്റും പിടിച്ച് കിടന്നു. തുടർന്ന് മറ്റൊരു ബോട്ടെത്തിയാണ് എല്ലാവരെയും കരയ്ക്കെത്തിച്ചത്. മുങ്ങിപോയ ബോട്ട് വെള്ളമെല്ലാം ഇറങ്ങി കഴിഞ്ഞപ്പോൾ പ്രളയത്തിന്റെ മരിക്കാത്ത ഓർമകളായി പാണ്ടാനാട്ടിലെ തെങ്ങും തോപ്പിൽ കിടക്കുന്നു. 16 നും 17-ന് ബോട്ട് തകരുന്നത് വരെയും നൂറ് കണക്കിന് ജീവനുകൾ കരയ്ക്കെത്തിച്ച…
Read Moreഅർഹതപ്പെട്ട അവസാനത്തെയാൾക്കും 10,000 രൂപ നൽകുമെന്ന് മന്ത്രി ജി. സുധാകരൻ
ആലപ്പുഴ: പ്രളയ ബാധിതർക്കായി സംസ്ഥാന സർക്കാർ പ്രഖ്യാപിച്ച അടിയന്തിര ധനസഹായമായ 10,000 രൂപ അർഹതപ്പെട്ട അവസാനയാൾക്കും നൽകുമെന്ന് പൊതുമരാമത്ത് മന്ത്രി ജി. സുധാകരൻ പറഞ്ഞു. ഇതിനായി ഓരോ മണ്ഡലത്തിലും അദാലത്തുകൾ സംഘടിപ്പിക്കും. മന്ത്രിമാരും ഉദ്യോഗസ്ഥരും ഇതിൽ പങ്കെടുക്കും. ജില്ലയിൽ ഇന്നലെവരെ 1,06,659 പേർക്കാണ് 10,000 രൂപ വീതം ധനസഹായം നൽകിയത്. 1,54,819പേർക്ക് അവശ്യ സാധനങ്ങളടങ്ങിയ കിറ്റുകളും നൽകി. ചിലയിടങ്ങളിൽ ഏതെങ്കിലും കാരണങ്ങളാൽ ഇവ ലഭ്യമായിട്ടില്ലെങ്കിൽ അത് പരിഹരിക്കുന്നതിനായാണ് അദാലത്തുകൾ സംഘടിപ്പിക്കുന്നതെന്ന് മന്ത്രി പറഞ്ഞു.
Read Moreകുടിവെള്ളം ശേഖരിക്കുന്നതിനിടെ അയൽവാസിയുടെ മർദനത്തിൽ കാൻസർ രോഗിയായ അമ്മയ്ക്കും മകനും പരിക്ക്; സാരമായി പരിക്കേറ്റ വീട്ടമ്മ ആശുപത്രിയിൽ ചികിത്സയിൽ
മങ്കൊന്പ്: കുടിവെള്ളം ശേഖരിക്കാനെത്തിയ പട്ടികജാതിയിൽപ്പെട്ട അമ്മയേയും മകനേയും അയൽവാസികൾ ആക്രമിച്ചതായി പരാതി. പുളിങ്കുന്ന് ഗ്രാമപഞ്ചായത്ത് എട്ടാംവാർഡ് മൂശാരിത്തറ വീട്ടിൽ രാധാമണിയും മകൻ അമലുമാണ് ആക്രമണത്തിനിരയായെന്നു കാണിച്ച് പുളിങ്കുന്ന് പോലീസിൽ പരാതി നല്കിയത്. സാക്ഷിപറയാ നെത്തിയവരെ പ്രതികൾ ഭീഷണിപ്പെടുത്തിയതായും ആരോപ ണമുണ്ട്. കാൻസർ കിത്സയിലായിരുന്ന വീട്ടമ്മ സംഭവത്തെ തുടർന്നു ശാരീരിക അവശതയിലാണ്. സംഭവത്തെക്കുറിച്ച് പോലീസ് പറയുന്നതിങ്ങനെ: ഇന്നലെ രാവിലെ ഗ്രാമപഞ്ചായത്തിൽനിന്നും ടാങ്കർലോറിയിൽ വിതരണത്തിനെത്തിച്ച കുടിവെള്ളം ശേഖരിക്കാനെത്തിയതായിരുന്നു ഇവർ. രണ്ടു കന്നാസുകളിൽ വെള്ളം നിറച്ച ഇവരെ മൂന്നാമത്തെ കന്നാസിൽ വെള്ളം നിറയ്ക്കുന്നതിൽ നിന്നും അയൽവാസികളും ലോറി ജീവനക്കാരും തടഞ്ഞത്രേ. തുടർന്നുണ്ടായ വാക്കുതർക്കത്തിൽ അയൽവാസികളായ മൂന്നു ചെറുപ്പക്കാർ അമലിനെ ആക്രമിക്കുകയായിരുന്നു. തടയാനെത്തിയ രാധാമണിയെയും അയൽവാസിയായ സ്ത്രീയും ഭർത്താവും ചേർന്ന് ആക്രമിച്ചു. ഇവർ പുളിങ്കുന്നു താലൂക്ക് ആശുപത്രിയിൽ ചികിത്സയിലാണ്. സംഭവവുമായി ബന്ധപ്പെട്ടു ഇരു കൂട്ടരും പരാതി നല്കിയെന്നു പോലീസ് പറഞ്ഞു.
Read Moreവെള്ളപ്പൊക്ക കെടുതികളില് നിന്നു മോചിതമാകാതെ അപ്പര്കുട്ടനാട്; മണ്ണും ചെളിയും അടിഞ്ഞ് കൃഷിയോഗ്യമല്ലാതായി പാടശേഖരങ്ങൾ
പത്തനംതിട്ട: ജില്ലയുടെ നെല്ലറയായ അപ്പര്കുട്ടനാട് കാര്ഷികമേഖലയെയും പ്രളയം വല്ലാതെ തളര്ത്തി. തുടര്ച്ചയായ വെള്ളപ്പൊക്ക കെടുതികളില് നിന്നു മോചിതമായിട്ടില്ലാത്ത അപ്പര്കുട്ടനാട്ടിലെ പാടശേഖരങ്ങള് പലതും കൃഷിയോഗ്യമല്ലാതായി. പ്രളയജലം കയറി പാടശേഖരങ്ങളില് പുളിരസം നിലനില്ക്കുന്നു, മണ്ണും ചെളിയും അടിഞ്ഞ് കൃഷിയോഗ്യമല്ലാതായിട്ടുണ്ട്. പുളിരസം നീക്കിയെങ്കില് മാത്രമേ അടുത്ത കൃഷി നടത്താനാകൂ. ഇതിനായി പാടങ്ങളില് കുമ്മായം വിതറുകയാണ് ആദ്യം വേണ്ടതെന്ന് കര്ഷകര് പറഞ്ഞു. നിരണം, നെടുമ്പ്രം, പെരിങ്ങര, കടപ്ര പഞ്ചായത്തുകളിലെ പാടങ്ങളില് ഇപ്പോഴും വെള്ളക്കെട്ടുകളും തുടരുകയാണ്. പമ്പ് ഹൗസുകളും മറ്റും വെള്ളത്തിനടിയിലാണ്. ഇവയില് പലതും ഉപയോഗയോഗ്യമല്ല. നഷ്ടത്തിന്റെ പടുകുഴിയിലായ കര്ഷകര് പ്രളയക്കെടുതിയിലെ ദുരിതത്തിനുശേഷം കാര്ഷിക മേഖലയിലേക്കു കാലെടുത്തുവയ്ക്കണമെങ്കില് ആരെങ്കിലുമൊക്കെ കൈപിടിച്ചുയര്ത്തിയേ മതിയാകൂ. കഴിഞ്ഞവര്ഷം പെരിങ്ങര ഗ്രാമപഞ്ചായത്ത് ഹെക്ടറിന് 1000 രൂപ വച്ച് കര്ഷകര്ക്കു നല്കിയിരുന്നു. ഇത്തവണ ഇതു ലഭിച്ചാലും അപര്യാപ്തമാണ്.
Read Moreപ്രളയക്കെടുതി കൂടുതൽ നാശം വിതച്ച പത്തനംതിട്ടയിൽ 114 പേർ ഇനിയും ദുരിതാശ്വാസ ക്യാമ്പുകളിൽ
പത്തനംതിട്ട: പ്രളയക്കെടുതി കൂടുതൽ നാശം വിതച്ച ജില്ലകളിലൊന്നായ പത്തനംതിട്ടയിൽ ഇനിയും 114 പേർ ദുരിതാശ്വാസ ക്യാന്പുകളിൽ. പ്രളയക്കെടുതിയിൽ വീടുകൾ പൂർണമായും നഷ്ടപ്പെട്ടവരും വാസയോഗ്യമല്ലാത്ത വീടുകൾ ഉള്ളവരുമാണ് ക്യാന്പുകളിൽ കഴിയുന്നത്. കോഴഞ്ചേരിയിലാണ് കൂടുതൽ കുടുംബങ്ങൾ ക്യാന്പുകളിൽ കഴിയുന്നത്. 27 കുടുംബങ്ങളിലെ 70 പേരാണ് കോഴഞ്ചേരിയിലെ ഒരു ക്യാന്പിൽ കഴിയുന്നത്. തിരുവല്ലയിൽ 17 കുടുംബങ്ങളിലെ 44 പേരും ക്യാന്പിൽ കഴിയുന്നുണ്ട്.
Read Moreദുരിതാശ്വാസത്തിന്റെ പേരിൽ പണപ്പിരിവ്; രസീത് ബുക്കുകൾ ഉപേക്ഷിച്ച നിലയിൽ; സംഘടനയുടെപേരോ രജിസ്ട്രേഷൻ നമ്പറോ രസീതിൽ രേഖപ്പെടുത്തിയിട്ടില്ല
പന്തളം: പ്രളയദുരിതാശ്വാസത്തിന്റെ പേരിൽ പണപ്പിരിവിനുപയോഗിച്ചിരുന്നതെന്ന് സംശയിക്കുന്ന രസീത് ബുക്കുകൾ ഉപേക്ഷിക്കപ്പെട്ട നിലയിൽ കണ്ടെത്തി.കുരന്പാല-പെരുന്പുളിക്കൽ റോഡിൽ കുളവള്ളി പാലത്തിലും പാലത്തിന്റെ താഴെയുമായാണ് ബുക്കുകൾ കണ്ടെത്തിയത്. കേരളാ റിലീഫ് ഫണ്ട് എന്നാണ് രസീതിന്റെ തലക്കെട്ട്. ഏതെങ്കിലും സംഘടനയുടെപേരോ രജിസ്ട്രേഷൻ നന്പറോ രസീതിൽ രേഖപ്പെടുത്തിയിട്ടില്ല. സ്വീകരിക്കുന്ന തുക എഴുതാനുള്ള ഭാഗമാണ് പിന്നെയുള്ളത്. ദുരിതാശ്വാസത്തിന്റെ പേരിൽ പണം പിരിക്കാനായി അച്ചടിച്ച ശേഷം സംഭാവനയ്ക്കായി ഇറങ്ങിയപ്പോൾ ആളുകൾ ചോദ്യം ചെയ്തതിനെ തുടർന്ന് ആളൊഴിഞ്ഞ സ്ഥലത്ത് ഉപേക്ഷിച്ചതാകാമെന്നാണ് നിഗമനം. എസ്ഐ ബി. അജീഷ്കുമാറിന്റെ നേതൃത്വത്തിലുള്ള പോലീസ് സംഘമെത്തി രസീത് ബുക്കുകൾ കസ്റ്റഡിയിലെടുത്തു.
Read More