പത്തനംതിട്ട: ബസ് യാത്രക്കാരിയിൽനിന്ന് അഞ്ച് പവന്റെ മാല മോഷ്ടിച്ച തമിഴ്നാട് സ്വദേശികളായ മൂന്ന് സ്ത്രീകൾ പിടിയിൽ. മാടമണ് സ്വദേശി സതിയമ്മ പത്തനംതിട്ടയിലേക്ക് ബസിൽ യാത്ര ചെയ്യുന്നതിനിടെയാണ് മാല മോഷണം പോയത്. ബസ് സ്റ്റാൻഡിൽഎത്തിയശേഷമാണ് മാല നഷ്ടപ്പെട്ട വിവരം ഇവരുടെ ശ്രദ്ധയിൽപ്പെടുന്നത്. ഉടൻതന്നെ ഇവർ പത്തനംതിട്ട പോലീസ് സ്റ്റേഷനിലെത്തി പരാതി നൽകുകയായിരുന്നു. പോലീസ് ഇവരെയുംകൂട്ടി നഗരത്തിൽ നടത്തിയ തെരച്ചിലിലാണ് ബസിലെ യാത്രക്കാരായിരുന്ന മൂന്ന ്സ്ത്രീകൾ ഓട്ടോറിക്ഷയിൽ പോകുന്നതു ശ്രദ്ധയിൽപെട്ടത്.തൂത്തുക്കുടി സ്വദേശികളായ അഞ്ജലി (28), സുമതി (40), പ്രിയ (20) എന്നിവരാണ് പിടിയിലായത്. എന്നാൽ പേര് വ്യക്തമാണെന്ന് ഉറപ്പാക്കാൻ കഴിയില്ലെന്നും ഇവർക്ക് തിരുവനന്തപുരം, കൊല്ലം ജില്ലകളിൽ സമാന കേസുകൾ ഉണ്ടെന്നുള്ളത് അന്വേഷിച്ച് വരികയാണെന്നും സിഐ ടി. ബിജു, എസ്ഐ യു. ബിജു എന്നിവർ പറഞ്ഞു.
Read MoreCategory: Alappuzha
തുഴവേഗത്തിന്റെ ജലപൂരത്തിനു ദിവസങ്ങൾ..! പുന്നമടയിൽ അവസാനവട്ട പരിശീലനത്തിൽ ചുണ്ടനുകൾ; പരിശീലന തുഴച്ചിൽ കാണാൻ ആർപ്പു വിളിച്ച് വിനോദസഞ്ചാരികളും
ആലപ്പുഴ: ജലോത്സവങ്ങളുടെ രാജാവായ നെഹ്റുട്രോഫി ജലമേളയ്ക്ക് ഇനി ദിവസങ്ങളുടെ കാത്തിരിപ്പുമാത്രം. തുഴവേഗത്തിന്റെ ജലപൂരത്തിൽ ജേതാവായി ചാച്ചാജിയുടെ കൈയൊപ്പുപതിഞ്ഞ വെള്ളിക്കപ്പ് ആകാശത്തേക്ക് ഉയർത്തി ഞങ്ങൾ ജലരാജാക്കന്മാരെന്ന് പറയാനുള്ള ഒരുക്കത്തിലാണ് ചുണ്ടന്മാരൊന്നാകെ. കരകളിലെ ജലാശയങ്ങളിൽ ആഴ്ചകളായി നടത്തിവന്ന പരിശീലനം പൂർത്തിയാക്കിയ ചുണ്ടനുകൾ പുന്നമടയിലെ ട്രാക്കിൽ തീവ്ര പരിശീലനം ആരംഭിച്ചുകഴിഞ്ഞു. വ്യാഴാഴ്ച വൈകുന്നേരത്തോടെയാണ് ചുണ്ടനുകളുടെ അവസാനവട്ട പരിശീലന തുഴച്ചിൽ നടത്തുക. കുറഞ്ഞ സമയത്തിനുള്ളിൽ 1250 മീറ്റർ ദൈർഘ്യം തുഴഞ്ഞെത്തുന്നതിനുള്ള തന്ത്രങ്ങളൊരുക്കിയാണ് ക്ലബുകളെല്ലാം പരിശീലനം കൊഴുപ്പിക്കുന്നത്. വൈകുന്നേരങ്ങളിൽ പുന്നമടയിൽ നടത്തുന്ന പരിശീലന തുഴച്ചിൽകാണാൻ വിനോദസഞ്ചാരികളടക്കം നൂറുകണക്കിന് ആളുകളാണെത്തുന്നത്. ചിട്ടയായ പരിശീലനത്തിനൊപ്പം സാങ്കേതിക വിദ്യകൾ കൂടി പ്രയോജനപ്പെടുത്തിയാണ് ക്ലബുകൾ തങ്ങളുടെ തുഴച്ചിൽകാരുടെ മികവ് ഓരോദിവസവും മെച്ചപ്പെടുത്തുന്നത്. പരിശീലന തുഴച്ചിൽ കാമറയിൽ പകർത്തി പോരായ്മകൾ മനസിലാക്കി അത് കളിക്കാർക്ക് വിശദമാക്കി കൊടുക്കുകയും അതിനെ മറികടക്കാനുള്ള തന്ത്രങ്ങൾ പുറത്തെടുത്തുമാണ് പരിശീലനം സജീവമാകുന്നത്. വ്യാഴാഴ്ച പരിശീലന തുഴച്ചിലിനുശേഷം ചുണ്ടൻ…
Read Moreപതിനാറിന് സുനി വെളിപ്പെടുത്തുന്നതെന്താകും? ഇനി സിനിമാ മേഖലയിൽ നിന്ന് കൂടുതൽ പ്രതികളില്ല; ബാക്കി കാര്യങ്ങൾ പതിനാറിന് പറയാമെന്ന് പറഞ്ഞ് പൾസർ സുനി
ചേർത്തല: യുവനടിയെ തട്ടിക്കൊണ്ടുപോയി ഉപദ്രവിച്ച കേസിൽ സിനിമാ മേഖലയിൽ നിന്നു കൂടുതൽ പ്രതികൾ ഇനി ഇല്ലെന്നു പൾസർ സുനി. മറ്റൊരു കേസുമായി ബന്ധപ്പെട്ടു ചേർത്തല കോടതിയിൽ ഹാജരാക്കാൻ എത്തിച്ചപ്പോഴാണു മാധ്യമങ്ങളോട് സുനി ഇങ്ങനെ പറഞ്ഞത്. കനത്ത സുരക്ഷാവലയത്തിൽ എത്തിച്ച സുനിയെ മാധ്യമപ്രവർത്തകരോട് സംസാരിക്കുന്നത് പോലീസ് തടസപ്പെടുത്തിയെങ്കിലും 16 കഴിയുന്പോൾ ബാക്കി കാര്യങ്ങൾ പറയാമെന്ന് പൾസർ പറഞ്ഞു. അരൂരിൽ നിന്നു ബൈക്ക് മോഷ്ടിച്ച കേസിലെ പ്രതിയാണ് സുനി. ഈ കേസിന്റെ അവധിക്കാണ് ഇന്നലെ രാവിലെ ചേർത്തല ജുഡീഷൽ ഫസ്റ്റ്ക്ലാസ് മജിസ്ട്രേട്ട് കോടതിയിൽ ഹാജരാക്കിയത്. കോടതി ഇയാളുടെ റിമാൻഡ് കാലാവധി 14 ദിവസത്തേക്ക് കൂടി നീട്ടി.
Read Moreദേശീയപാതയിൽ വാഹനാപകടത്തിൽ 10 പേർക്ക് പരിക്ക്; കെഎസ്ആർടിസി ബസും മലപ്പുറം രജിസ്ട്രേഷനുള്ള കാറും കൂട്ടിയി ടിച്ചാണ് അപകടമുണ്ടായത്; പരിക്കേറ്റവരെ മെഡിക്കൽ കോളജിൽ പ്രവേശിപ്പിച്ചു
ആലപ്പുഴ: ദേശീയപാതയിൽ കലവൂർ കൃപാസനത്തിനു വടക്കുഭാഗത്തായി സൂപ്പർഫാസ്റ്റും ടൊയോറ്റ ഫോർച്യൂണറും തമ്മിൽ ഇടിച്ച് പത്തു പേർക്ക് പരിക്ക്. പരിക്കേറ്റ നസീറ(28), നസീമ(38), സൈനുദ്ദീൻ(45), ഫാത്തിമ(20), ഐഷ(12), രാധമ്മ(58), ഉത്തമൻ(50), കുഞ്ഞുമോൻ(60), ഗുരുപ്രസാദ്(38) എന്നിവരെ ജനറൽ ആശുപത്രിയിൽ പ്രവേശിപ്പിച്ചു. ഗുരുതര പരിക്കുള്ള നസീറ, നസീമ, സൈനുദ്ദീൻ, ഫാത്തിമ, ഐഷ എന്നിവരെ വിദഗ്ധ ചികിത്സയ്ക്കായി വണ്ടാനം മെഡിക്കൽ കോളജിലേക്കു മാറ്റി. ഇടിയുടെ ആഘാതത്തിൽ ഫോർച്യൂണർ തലകീഴായി മറിഞ്ഞു. ഇന്നുരാവിലെ ഒന്പതുമണിയോടെയായിരുന്നു അപകടം. എറണാകുളം ഭാഗത്തേക്കു പോകുകയായിരുന്ന സൂപ്പർ ഫാസ്റ്റും എതിരെ വരികയായിരുന്ന മലപ്പുറം രജിസ്ട്രേഷനിലുള്ള ഫോർച്യൂണറും തമ്മിലിടിക്കുകയായിരുന്നു. മറ്റൊരു വാഹനത്തെ മറികടക്കാൻ ശ്രമിക്കുന്നതിനിടെയാണ് അപകടമുണ്ടായതെന്നും പറയുന്നു. അപകടത്തെ തുടർന്ന് ദേശീയപാതയിൽ ഗതാഗതവും സ്തംഭിച്ചു. പോലീസും ഫയർഫോഴ്സും സംഭവസ്ഥലത്തെത്തിയിരുന്നു.
Read Moreകാഷ്മീരി മുളക് മതിയോ സാറേ..! പെണ്കുട്ടികൾ സ്വയരക്ഷയ്ക്കായി മുളക് സ്പ്രേ കരുതണം; സ്കൂളിൽ പെണ്കുട്ടികളെ ശല്യം ചെയ്യുന്നവരെ തല്ലുകൊടുത്ത് തിരുത്താൻ അധ്യാപകർ തയ്യാറാവണമെന്നും ഋഷിരാജ് സിംഗ്
ചാരുംമൂട്: പെണ്കുട്ടികൾ സ്വയരക്ഷയ്ക്കായി മുളക് സ്പ്രേയും മൂർച്ചയുള്ള പിച്ചാത്തിയും കരുതണമെന്ന് എക്സൈസ് കമ്മീഷണർ ഋഷിരാജ് സിംഗ് .നൂറനാട് സി.ബി.എം എച്ച് എസ്.എസിൽ സ്കൂൾ വിമുക്തി ക്ലബിന്റെ ലഹരിക്കെതിരെയുള്ള കുട്ടായ്മ ഉദ്ഘാടനം ചെയ്യുകയായിരുന്നു അദ്ദേഹം. ലഹരി ഉപയോഗം തടയാൻ സമൂഹത്തിന്റെ ശക്തമായ ഇടപെടൽ ഉണ്ടാകുന്നില്ല. കുട്ടികളെ ലഹരി ഉപയോഗത്തിൽ നിന്ന് പിന്തിരിപ്പിക്കാൻ രക്ഷകർത്താക്കൾക്കും അധ്യാപകർക്കും ഒരേപോലെ ബാധ്യതയുണ്ട്. സ്കൂളിൽ പെണ്കുട്ടികളെ ശല്യം ചെയ്യുന്നവരെ തല്ലുകൊടുത്ത് തിരുത്താൻ അധ്യാപകർ തയ്യാറാവണമെന്നും ഋഷിരാജ് സിംഗ് പറഞ്ഞു. പിറ്റിഎ പ്രസിഡന്റ് പ്രഭ വി. മറ്റപ്പള്ളി അധ്യക്ഷത വഹിച്ചു. എക്സൈസ് ഡെപ്യൂട്ടി കമ്മീഷണർ കെ.രാധാകൃഷ്ണപിള്ള, ജില്ലാ എക്സൈസ് കമ്മീഷണർ എൻ.എസ്. സലീംകുമാർ, മാനേജർ ജയശ്രീ തന്പി, ആക്ടിംഗ് മാനേജർ പി.ആർ. കൃഷ്ണൻനായർ, ഹെഡ്മിസ്ട്രസ് ആർ. സജിനി, പഞ്ചായത്ത് അംഗങ്ങളായ ആർ. മഞ്ജു, എസ്.രജനി, സോമലത, കണ്വീനർ വി. വിജയകുമാർ, എച്ച്. സജിത്ത്, ശോഭ ജയകൃഷ്ണൻ,…
Read Moreഒടുക്കം നാട്ടുകാർ അതു ചെയ്തു…! തെരുവുനായ്ക്കളുടെ ആക്രമണത്തിൽ നാലുവയസുകാരി ഉൾപ്പെടെ എട്ടുപേർക്ക് പരിക്ക്; ഒടുവിൽ നാട്ടുകാർ സംഘടിച്ച് തെരുവുനായ്ക്കളെ തല്ലിക്കൊന്നു
മാന്നാർ: പരുമലയിൽ തെരുവുനായ്ക്കളുടെ അക്രമണത്തിൽ കുട്ടികളടക്കം എട്ടോളം പേർക്കു പരിക്കേറ്റു. പരിക്കേറ്റവർ വിവിധ ആശുപത്രികളിൽ ചികിത്സ തേടി. പരുമല കന്യാത്തറയിൽ പ്രകാശിന്റെ നാലുവയസുള്ള മകൾ ദിയ, അഞ്ച് വയസുള്ള അതുല്യ എന്നീ കുട്ടികൾക്കാണ് കടിയേറ്റത്. മുറ്റത്ത് കളിച്ചുകൊണ്ടിരുന്ന കുട്ടികളെ തെരുവുനായ അക്രമിക്കുകയായിരുന്നു. കുട്ടികൾക്ക് മുഖത്തും കൈക്കും ഗുരുഗതര പരിക്കേറ്റു. ഇവർ മാവേലിക്കര ജില്ലാ ആശുപത്രിയിൽ ചികിത്സയിലാണ്. വഴി യാത്രക്കാരായ നിരവധി പേർക്കും തെരുവുനായയുടെ കടിയേറ്റു. നാട്ടുകാർ സംഘടിച്ച് കുറെ തെരുവുനായ്ക്കളെ തല്ലിക്കൊന്നു.
Read Moreപെൻഷൻ വേണേ എണ്പതു പടികളും കയറണം..! എണ്പതാം വയസിൽ പെൻഷൻ ലഭിക്കുന്നതിന് എണ്പത് പടികൾ കയറിയിറങ്ങണമെന്ന അവസ്ഥ കഠിനമെന്ന് പെൻഷൻകാർ
എടത്വ: എണ്പതാം വയസിൽ പെൻഷൻ ലഭിക്കുന്നതിന് എണ്പത് പടികൾ കയറിയിറങ്ങണമെന്നുള്ള അവസ്ഥക്ക് എന്ന് മാറ്റം ഉണ്ടാകും. കഴിഞ്ഞദിവസം എടത്വ സബ്ട്രഷറിയിൽ നിന്നും പെൻഷൻ വാങ്ങാനെത്തിയ റിട്ടയേർഡ് കൃഷിവകുപ്പ് ഉദ്യോഗസ്ഥന്റെ വാക്കുകളാണിത്.എടത്വയിൽ മൂന്നാം നില കെട്ടിടത്തിൽ വാടകയ്ക്ക് പ്രവർത്തിക്കുന്ന സബ്ട്രഷറിയിൽ പെൻഷൻ വാങ്ങാനെത്തുന്നവരുടെ ദുരവസ്ഥ തുടങ്ങിയിട്ട് മൂന്നര പതിറ്റാണ്ടായി. ഈ ട്രഷറിയിൽ എത്തിച്ചേരണമെങ്കിൽ നാൽപ്പത് പടികൾ കയറണം.അവശരായവർക്ക് പരസഹായമില്ലാതെ കയറുവാൻ കഴിയുകയില്ല. വൃദ്ധ ദന്പതികളാണെങ്കിൽ അവരുടെ അവസ്ഥ ഇരട്ടി ദുരിതമാണ്. തനിച്ചു വരുന്നവർ പടികൾ കയറുവാൻ സാധിക്കാതെ പടിയിൽ അവശരായി ഇരിക്കുന്പോൾ സമീപത്തുള്ള ഓട്ടോ സ്റ്റാൻഡിലെ ഡ്രൈവർമാർ ഇവരെ മുകളിൽ എത്തുവാൻ സഹായിക്കുന്നുണ്ട്. കൂടുതൽ അവശരായവരുടെ അവസ്ഥ ട്രഷറി ജീവനക്കാരെ അറയിക്കുന്പോൾ ജീവനക്കാർ ജോലിത്തിരക്കെല്ലാം കഴിഞ്ഞ് ബന്ധപ്പെട്ട രേഖകളുമായി താഴെ വന്ന് രജിസ്റ്ററിൽ ഒപ്പുവപ്പിച്ച് പെൻഷൻ കൊടുക്കാറുണ്ടെന്ന് കേരളാ സ്റ്റേറ്റ് സർവീസ് പെൻഷനേഴ്സ് യൂണിയൻ എടത്വ യൂണിറ്റ് പ്രസിഡന്റ്…
Read Moreപൈപ്പ് പൊട്ടിയത് അടച്ചിരുന്നെങ്കിൽ! മാവേലിക്കര വാട്ടർ അഥോറിറ്റി വീണ്ടും പണി തുടങ്ങി; ഉപയോഗിക്കാത്ത വെള്ള ത്തിനും കരം നൽകണമെന്നാവശ്യപ്പെട്ടുള്ള തട്ടിപ്പു പരിപാടി തുടങ്ങിയതായി ആക്ഷേപം
മാവേലിക്കര: ഉപയോഗിക്കാത്ത കുടിവെള്ളത്തിനു കരം ആവശ്യപ്പെട്ടുള്ള സംഭവങ്ങൾ മാവേലിക്കര വാട്ടർ അഥോറിറ്റിയിൽ തുടർക്കഥയാകുന്നതായി ആക്ഷേപം.മാവേലിക്കര മണക്കാട് ത്രിവേണിയിൽ ദേവരാജനാണ് ഏറ്റവും ഒടുവിലത്തെ ഇര. കഴിഞ്ഞ ഒന്പതുമാസമായി ആൾ താമസമില്ലാത്ത വീട്ടിൽ കഴിഞ്ഞ ജൂണ് ആറിലെ റീഡിംഗ് പ്രകാരം 187 ലിറ്റർ കുടിവെള്ളം ഉപയോഗിച്ചതായി കാട്ടി ബിൽ നന്പർ 26653010 പ്രകാരം 28,540 രൂപ അടയ്ക്കുവാൻ അഥോറിറ്റി ആവശ്യപ്പെട്ടതായി ദേവരാജൻ പറയുന്നു. ഓരോ വർഷത്തെയും വെള്ളക്കരം ഒരുമിച്ച് അടയ്ക്കുന്ന ഇയാൾ കഴിഞ്ഞ ഡിസംബറിൽ ആ വർഷത്തെ തുകയടച്ചപ്പോൾ കുടിശികയൊന്നുമില്ലെന്നു ഉറപ്പുവരുത്തിയിരുന്നു. ഇത്തരം അനുഭവങ്ങൾ നഗരത്തിലെ പല ഉപഭോക്താക്കൾക്കും ഉണ്ടായിട്ടുള്ളതായി നാട്ടുകാർ പറയുന്നു. വാട്ടർ അഥോറിട്ടി ഓഫീസിനു നൂറുമീറ്റർ അകലെ ബിഷപ് ഹോഡ്ജസ് ഹയർ സെക്കൻഡറി സ്കൂളിനു സമീപം പൈപ്പ് പൊട്ടി ശുദ്ധജലം പാഴാകാൻ തുടങ്ങിയിട്ട് മാസങ്ങളായി. ഇതൊന്നും പരിഹരിക്കുവാൻ ഉദ്യോഗസ്ഥർ താൽപ്പര്യം കാട്ടാതെ പാവപ്പെട്ട ഉപഭോക്താക്കളെ പിഴിയുന്ന നിലപാടാണ്…
Read Moreഅയൽവാസിയുടെ തോന്ന്യാസം..! ളാഹ വനത്തിന് സമീപം വീട്ടമ്മയെ പീഡിപ്പിക്കാൻ ശ്രമം; എതിർത്ത തന്നെ ഷാൾ മുറുക്കി കൊല്ലാനും ശ്രമം നടത്തിയതായി വീട്ടമ്മ; പ്രതിയെ പോലീസ് അറസ്റ്റു ചെയ്തു
റാന്നി: വീട്ടമ്മയെ പീഡിപ്പിക്കാന് ശ്രമിച്ച 55 കാരൻ പിടിയിൽ.ളാഹയ്ക്കു സമീപം വേലന്പാറ കോളനിയില് താമസിക്കുന്ന ഓലിയ്ക്കല് കൃഷ്ണന്കുട്ടി (55)യെയാണ് പോലീസ് പിടികൂടിയത്.വനത്തിന് സമീപം താമസിക്കുന്ന 32 കാരിയായ വീട്ടമ്മ രാവിലെ തന്റെ മക്കളെ സ്കൂള് ബസില് കയറ്റിവിട്ടശേഷം തിരികെ വരുന്പോഴാണ് പീഡനശ്രമമുണ്ടായത്. ളാഹ വനത്തിനു സമീപം ഒഴിഞ്ഞ സ്ഥലത്തു ഇയാൾ വീട്ടമ്മയെ കടന്നുപിടിക്കുകയും പീഡനശ്രമം ചെറുത്തപ്പോള് ഷാള് ഉപയോഗിച്ച് കഴുത്തുഞെരിച്ച് കൊല്ലാന് ശ്രമിക്കുകയും ചെയ്തുവെന്നാണ് പരാതി.പീഡനം ചെറുക്കുന്നതിനിടയില് വീട്ടമ്മ കൃഷ്ണന്കുട്ടിയെ പിടിച്ച് തള്ളി വീഴ്ത്തിയ ശേഷം ഓടി രക്ഷപെടുകയായിരുന്നു.സംഭവത്തെ തുടര്ന്ന് വീട്ടമ്മ പത്തനംതിട്ട ജനറല് ആശുപത്രിയില് ചികിത്സ തേടി. ആശുപത്രിയില് നടന്ന പരിശോധനയില് പീഡനശ്രമം നടന്നതായി ബോധ്യപ്പെട്ടതിനെ തുടര്ന്ന് അധികൃതരുടെ നിര്ദ്ദേശപ്രകാരം പെരുനാട് പോലീസ് കേസെടുക്കുകയും വീട്ടമ്മയുടെ മൊഴി രേഖപ്പെടുത്തുകയും ചെയ്തു. സംഭവത്തില് അന്വേഷണം നടത്തിയ പെരുനാട് പോലീസ് പീഡനത്തിനും കൊലപാതകശ്രമത്തിനുമാണ് കേസെടുത്തത്. പ്രതി വലയിലായതായി പോലീസ്…
Read Moreആദ്യം സംസ്കാരം എന്തെന്ന് മനസിലാക്കണം..! മുഖ്യമന്ത്രിക്കു വേണ്ടത് പാർട്ടി സെക്രട്ടറിയുടെ പ്രകൃതമല്ല; സ്ഥാനത്തിന്റെ മഹത്വവും ഉത്തരവാദിത്വവും പിണറായി വിജയൻ മനസിലാക്കണമെന്ന് അടൂർ പ്രകാശ്
റാന്നി: പാർട്ടി സെക്രട്ടറിയെപ്പോലെ പ്രവർത്തിക്കുന്ന മുഖ്യമന്ത്രിയെയല്ല കേരളത്തിലെ ജനങ്ങൾ പ്രതീക്ഷിക്കുന്നതെന്ന് അടൂർ പ്രകാശ് എംഎൽഎ. റാന്നി ഇടത്തറയിലെ കോൺഗ്രസ് ബൂത്ത് കമ്മിറ്റികളുടെ നേതൃത്വത്തിൽ സംഘടിപ്പിച്ച ഇന്ദിരാഗാന്ധി ജന്മശതാബ്ദി കുടുംബസംഗമം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. മുഖ്യമന്ത്രി സ്ഥാനത്തിന്റെ മഹത്വവും ഉത്തരവാദിത്വവും പിണറായി വിജയൻ മനസിലാക്കണം. പിണറായിയുടെ ഏകാധിപത്യശൈലിയും ധാർഷ്ഠ്യവും കേരളത്തിന്റെ സംസ്കാരത്തിനു ചേർന്നതല്ല. രാജ്യത്തിനുവേണ്ടി ഒന്നും ചെയ്യാത്ത സംഘപരിവാർ നേതാക്കന്മാർക്ക് ജനങ്ങളെ രാജ്യസ്നേഹം പഠിപ്പിക്കാൻ എന്ത് അവകാശമാണുള്ളതെന്നും അടൂർ പ്രകാശ് ചോദിച്ചു. ബൂത്ത് പ്രസിഡന്റ് ഒ.സി. മാത്യു അധ്യക്ഷത വഹിച്ചു. റിങ്കു ചെറിയാൻ, ലിജു ജോർജ്, സാമുവേൽ കിഴക്കുപുറം, തോമസ് അലക്സ്, മണിയാർ രാധാകൃഷ്ണൻ, ഫ്രെഡി ഉമ്മൻ, ലത സുരേഷ്, ജോജി തോമസ്, റീന ജയിംസ്, ജിനു ഡേവിഡ്, തോമസ് മാത്യു, ജോർജ് മാത്യു, കെ.പി. ഗോപാലകൃഷ്ണൻ നായർ, കുഞ്ഞുമോൻ വലിയകാലായിൽ, ഷാജി മാനാപ്പള്ളി, രാജു ആന്റണി,…
Read More