പയ്യന്നൂർ: രാമന്തളി കക്കംമ്പാറ, ചിറ്റടി മേഖലയിൽ ബോംബ് നിർമാണവും പരീക്ഷണങ്ങളും നടക്കുന്നുണ്ടെന്നു സൂചന. ഇന്നലെ ഉഗ്രശേഷിയുള്ള രണ്ടു സ്റ്റീൽ ബോംബുകൾ കൂടി കണ്ടെത്തിയതോടെയാണു പോലീസിന് ഇതു സംബന്ധിച്ച സൂചനകൾ ലഭിച്ചത്. നിരവധി ദിവസങ്ങളിൽ സ്ഫോടനങ്ങൾ അരങ്ങേറിയ ചിറ്റടിയിലെ പൂട്ടിക്കിടക്കുന്ന പീടികയ്ക്കു സമീപത്തെ ചെങ്കൽപണയിൽ നിന്നാണ് ഒരു സ്റ്റീൽ ബോംബും ബോംബ് നിർമാണത്തിന് ഉപയോഗിക്കുന്ന സ്റ്റീൽ കണ്ടെയ്നറും കണ്ടെത്തിയത്. ഇതിനു ശേഷം കക്കംപാറ ജംഗ്ഷനു സമീപം ടോപ് റോഡാരംഭിക്കുന്ന വളവിൽ റോഡരികിലെ കുറ്റിക്കാട്ടിൽ ഒളിപ്പിച്ചുവച്ച നിലയിലായിരുന്നു രണ്ടാമത്തെ ബോംബ് കണ്ടെത്തിയത്. ഇന്നലെ കക്കംപാറയിൽ നിന്നും ചിറ്റടിയിൽ നിന്നും പിടികൂടിയത് അത്യുഗ്രശേഷിയുള്ള സ്റ്റീൽബോംബുകളാണെന്നു ബോംബ് സ്ക്വാഡ് എസ്ഐ ടി.വി.ശശീധരൻ പറഞ്ഞു. ഇതിൽ തന്നെ മാരക സ്ഫോടന ശേഷിയുള്ളതാണു സിലിണ്ടർ ആകൃതിയിലുള്ള ഒരു ബോംബെന്നും അദ്ദേഹം പറഞ്ഞു. ഈ പ്രദേശങ്ങളിൽ ബോംബ് നിർമാണം നടക്കുന്നുവെന്നു മാത്രമല്ല സ്ഫോടന ശേഷി കൂട്ടുന്നതിനുള്ള ഗവേഷണങ്ങളും…
Read MoreCategory: Kannur
ആശുപത്രികളിൽ നിന്നും ഓക്സിജൻ സിലിണ്ടർ കവരുന്ന രണ്ടംഗസംഘം തലശേരിയിൽ അറസ്റ്റിൽ; സിലണ്ടറുകൾ വിറ്റിരുന്നത് വെൽഡിംഗ് ഗ്യാസ് നിറയ്ക്കുന്നവർക്കെന്ന് പ്രതികൾ
തലശേരി: കണ്ണൂർ-കാസർഗോഡ് ജില്ലകളിലെ ആശുപത്രികളിൽനിന്ന് ലക്ഷക്കണക്കിന് രൂപയുടെ ഓക്സിജൻ സിലിണ്ടറുകൾ കവർന്ന സംഘത്തിൽ രണ്ടുപേർ തലശേരിയിൽ അറസ്റ്റിൽ. കാസർഗോഡ് അണങ്കൂരിലെ ദാമോദർഭട്ട് (47), പാപ്പിനിശേരിയിലെ രാജേഷ് (24) എന്നിവരെയാണ് എഎസ്പി ചൈത്ര തെരേസ ജോൺ, സിഎ എം.പി. ആസാദ്, എസ്ഐ എ. അഷറഫ്, എഎസ്ഐ അജയൻ എന്നിവരുടെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്. സംഘത്തിലെ അംഗമെന്നു കരുതുന്ന കാസർഗോഡ് സ്വദേശിയായ മറ്റൊരാളെകൂടി പോലീസ് കസ്റ്റഡിയിലെടുത്ത് ചോദ്യം ചെയ്തുവരികയാണ്. തലശേരിയിലെ ഇന്ദിരാഗാന്ധി ആശുപത്രി, ജോസ്ഗിരി ആശുപത്രി, മിഷൻ ആശുപത്രി എന്നിവിടങ്ങളിൽനിന്നു 14 ഓക്സിജൻ സിലിണ്ടറുകളാണ് ഈ സംഘം കവർന്നതായി ഇപ്പോൾ തെളിഞ്ഞിട്ടുള്ളതെന്ന് പോലീസ് പറഞ്ഞു. ആശുപത്രികളിൽ ഓക്സിജൻ സിലിണ്ടർ വിതരണം ചെയ്യുന്ന ഏജൻസിയിലെ ജീവനക്കാരനാണ് അറസ്റ്റിലായ രാജേഷ്. ഇയാളുടെ നേതൃത്വത്തിലാണ് കവർച്ച നടത്തിയിരുന്നത്. മോഷ്ടിക്കുന്ന സിലിണ്ടറുകൾ ദാമോദർ ഭട്ട് വഴിയാണ് വിൽപന നടത്തിയിരുന്നത്. സിലിണ്ടറുകളുടെ പേരുകൾ മായ്ച്ച്…
Read Moreവരൂ, നമുക്ക് കുളിച്ചിട്ട് പോകാം…പയ്യന്നൂർ പെരുമ്പ മുതല് കണ്ടോത്ത് വരെയുള്ള ദേശീയപാതയിലാണ് കുളിക്കാനുള്ള ഇത്തരം സൗകര്യം ഒരുക്കിയിട്ടുള്ളത്
പയ്യന്നൂര്: രാവിലെ കുളി കഴിഞ്ഞ് അലക്കിതേച്ച വസ്ത്രവുമണിഞ്ഞ് റോഡിലേക്കിറങ്ങുന്നവരെ കുളിപ്പിച്ച് വിടാന് ദേശീയ പാതയില് സൗകര്യമൊരുങ്ങി. പയ്യന്നൂർ പെരുമ്പ മുതല് കണ്ടോത്ത് വരെയുള്ള ദേശീയപാതയിലാണ് ഇതിനുള്ള സൗകര്യം ദേശീയപാത വിഭാഗം ഒരുക്കിയിട്ടുള്ളത്. കഴിഞ്ഞവര്ഷത്തെ വേനല്ക്കാലത്ത് റോഡിന്റെ ഇരുഭാഗവും വീതികൂട്ടി ടാര് ചെയ്തിരുന്നു. അനുബന്ധമായി പലയിടങ്ങളിലും ബസ് ബേയും നിര്മിച്ചിരുന്നു. ഇതിന് ശേഷം പലയിടങ്ങളിലും താഴ്ന്നുപോയ റോഡില് അറ്റകുറ്റപ്പണി ചെയ്യാതിരുന്നതാണ് ഇപ്പോള് വെള്ളം കെട്ടിയതുമൂലമുള്ള ദുരിതത്തിനിടയാക്കിയത്. ഗട്ടറുകളില്ലാത്ത ദേശീയപാതയായതിനാല് ഇതിലൂടെ അതിവേഗം ഓടിച്ചു വരുന്ന വാഹനങ്ങള്ക്ക് റോഡിൽ വെള്ളം കെട്ടി “തടാകങ്ങള്’ രൂപപ്പെട്ടത് അറിയാന് കഴിയില്ല. ഈ “തടാകങ്ങളിലെ’ വെള്ളമാണ് ഇരുഭാഗത്തുകൂടി പോകുന്ന ഇരുചക്ര വാഹന യാത്രക്കാരേയും കാല്നടയാത്രക്കാരേയും കുളിപ്പിച്ച് വിടാനിടയാക്കുന്നത്. ദേശീയപാതയിലെ ഈ “സൗകര്യം’ കാരണം യാത്ര മുടങ്ങിയ ദേഷ്യത്തിന് രാവിലെ കണികണ്ടവരെ ശപിച്ച്കൊണ്ട് വീടുകളിലേക്ക് തിരിച്ച് പോകേണ്ട അവസ്ഥയാണ് പലര്ക്കുമുണ്ടായത്. വാഹനങ്ങളില് യാത്ര ചെയ്യുന്നവര്ക്ക് “സ്പീഡ്…
Read Moreലോഡ്ജിൽ മുറിയെടുത്ത വിരുതൻ എൽഇഡി ടിവിയുമായി മുങ്ങി; കണ്ണൂരിൽ നടന്ന മോഷണത്തിൽ ഞെട്ടി ലോഡ്ജ് ഉടമകൾ
ഇരിട്ടി(കണ്ണൂർ): ലോഡ്ജില് മുറിയെടുത്ത് താമസിച്ചയാള് ഇരുപതിനായിരം രൂപ വില വരുന്ന എല്ഇഡി ടിവിയുമായി കടന്നുകളഞ്ഞു. ഇരിട്ടി നിത്യസഹായമാതാ പള്ളിക്ക് സമീപമുള്ള ഇസെഡ് സ്ക്വയര് എന്ന ലോഡ്ജില് ശങ്കരനാരായണന് എന്ന പേരില് താമസമാക്കിയ വിരുതനാണ് ടിവിയുമായി സ്ഥലം വിട്ടത്. 15ന് മുറിയെടുത്ത ഇയാള് 17നാണ് സ്ഥലംവിട്ടത്. ക്ഷേത്രദര്ശനത്തിന് പോകുന്നുവെന്ന് പറഞ്ഞ് ലോഡ്ജില് നിന്ന് പോയ ഇയാള് തിരിച്ചെത്താത്തതിനാല് സംശയം തോന്നി ജീവനക്കാര് മുറി പരിശോധിച്ചപ്പോഴാണ് ടിവി കവര്ച്ച ചെയ്തത് മനസിലായത്. ഇരിട്ടി പോലീസ് കേസെടുത്ത് അന്വേഷണം തുടങ്ങി.
Read Moreസ്കൂട്ടറിൽ സഞ്ചരിക്കുകയായിരുന്ന ആദിവാസിയുവാവിനെ കാട്ടാന ആക്രമിച്ചു; കാലിന് സാരമായി പരിക്കേറ്റ അനീഷ് ആശുപത്രിയിൽ പ്രവേശിപ്പിച്ചു
ഇരിട്ടി(കണ്ണൂർ): ആറളം ഫാമില് ആദിവാസി യുവാവിനെ കാട്ടാന അക്രമിച്ചു. ഏഴാം ബ്ലോക്കിലെ അനീഷിനെ (30)യാണ് ഇന്നലെ രാത്രി കാട്ടാന ആക്രമിച്ചത്.സ്കൂട്ടിയില് വീട്ടിലേക്ക് പോകുമ്പോള് കാട്ടാന തട്ടിയിടുകയും നിലത്തുവീണ അനീഷിനെ ചവിട്ടുകയുമായിരുന്നത്രെ. കാലിന് സാരമായി പരിക്കേറ്റ അനീഷിനെ തലശേരി ജനറല് ആശുപത്രിയില് പ്രവേശിപ്പിച്ചു. എന്നാല്, സംഭവം അറിഞ്ഞയുടന് വനപാലകര് സ്ഥലത്തെത്തി പരിശോധന നടത്തിയെങ്കിലും ആനയെ കണ്ടെത്താനായില്ല. ഇന്നും മേഖലയില് പരിശോധന നടത്തുന്നുണ്ട്. ആറളം ഫാം ജനവാസ മേഖലയില്കാട്ടാനയുടെ വിളയാട്ടം വ്യാപകമാണ്. കഴിഞ്ഞദിവസം ഫാം നഴ്സറി പരിസരത്ത് കാട്ടാന ഇറങ്ങി വ്യാപകമായി തെങ്ങ് ഉൾപ്പെടെയുള്ള കാര്ഷികവിളകള് നശിപ്പിച്ചിരുന്നു. എന്നാല്, ഫാമിലും പരിസര പ്രദേശങ്ങളായ ജനവാസമേഖലയിലും കാട്ടാന വിളയാട്ടം പതിവായിട്ടും വനപാലകര് നടപടിയെടുക്കുന്നില്ലെന്ന ആരോപണം ശക്തമാണ്.
Read Moreകാറ്റടിച്ചാൽ മരങ്ങൾ വീണ് വൈദ്യുതി ലൈനുകൾ പൊട്ടുന്നത് പതിവാകുന്നു; വീഴാൻകാത്ത് ഇനിയുമേറെ മരങ്ങൾ
മാഹി: മഴയും കാറ്റും ശക്തമായതോടെ മാഹി മേഖലയിൽ വൈദ്യുതി ലൈനിനു മുകളിൽ മരങ്ങൾ പൊട്ടിവീഴുന്നതും വൈദ്യുതി തൂണുകൾ തകരുന്നതും പതിവായി. മാഹി ടൗണിനെ അപേക്ഷിച്ച് പള്ളൂർ മേഖലയിലാണ് അപകടങ്ങൾ പെരുകുന്നത്. മരങ്ങൾ റോഡരികിൽ വൈദ്യുതിലൈനിൽ മുട്ടിനിൽക്കുന്ന അവസ്ഥയിലാണ്. ചില വൈദ്യുതി തൂണുകളുടെ അടിഭാഗം ദ്രവിച്ചു നിൽക്കുകയാണ്. മാറ്റിയിടണമെങ്കിൽ വൈദ്യുതി തൂണുകൾ പുതുച്ചേരിയിൽ നിന്ന് എത്തിക്കണം. മരങ്ങൾ പൊട്ടിവീഴുമ്പോൾ മുറിച്ചുനീക്കുവാൻ കരാറുകാരും മാഹിയിൽ ഇല്ല. മരങ്ങൾ ലൈനിനു മുകളിൽ വീണാൽ നാട്ടുകാരോടും സ്ഥലം ഉടമയോടും സ്വന്തം ചെലവിൽ മുറിച്ചുമാറ്റുവാനാണ് വൈദ്യുത ബോർഡിന്റെ ഉത്തരവ്. ചില സന്ദർഭങ്ങളിൽ മാഹി അഗ്നിരക്ഷാ സേനയും മരങ്ങൾ വെട്ടിമാറ്റും. മാഹി വൈദ്യുതി ബോർഡിൽ ഏഴു ജൂണിയർ എൻജിനിയർമാർ വേണ്ടിടത്ത് രണ്ട് എൻജിനിയർമാരാണുള്ളത്. പള്ളൂർ സബ് സ്റ്റേഷനിൽ തന്നെ നാലു ജെഇമാരുടെ സേവനം ആവശ്യമുണ്ട്. ആവശ്യത്തിന് വാഹനവും ഇല്ല. ഉദ്യോഗസ്ഥർക്ക് സഞ്ചരിക്കാൻ തുരുമ്പുപിടിച്ച ഒരു ജീപ്പാണുള്ളത്.…
Read Moreകണ്ണൂർ വിമാനത്താവള റൺവേ 4000 മീറ്ററാകും; നീളം വർധിപ്പിക്കാൻ 250 ഏക്കർ സ്ഥലം കൂടി ഏറ്റെടുക്കാൻ സർക്കാർ തീരുമാനം
മട്ടന്നൂർ: രാജ്യത്തെ നാലാമത്തെ ഹമ്പ് വിമാനത്താവളമാക്കി കണ്ണൂർ വിമാനത്താവളമാക്കി മാറ്റുന്നതിനുള്ള നടപടികൾ തുടങ്ങി. നിലവിൽ റൺവേ 3050 മീറ്റർ നീളത്തിൽ നിർമാണം പൂർത്തിയാക്കിയെങ്കിലും 4000 മീറ്ററാക്കാനുള്ള പരിശ്രമത്തിലാണ് വിമാനത്താവള കമ്പനിയായ കിയാൽ. കഴിഞ്ഞ യുഡിഎഫ് സർക്കാരിന്റെ കാലത്ത് തന്നെ റൺവേയുടെ പ്രവൃത്തി പൂർത്തിയായിരുന്നു. റൺവേ 3050 മീറ്ററിൽ ഒതുങ്ങാൻ പാടില്ലെന്നും 4000 മീറ്ററാക്കണമെന്നും ആവശ്യപ്പെട്ടു സിപിഎം നേതാക്കൾ ഉൾപ്പെടെ രംഗത്ത് വന്നതോടെ റൺവേ 4000 മീറ്ററാക്കാൻ അന്നത്തെ മുഖ്യമന്ത്രി ഉമ്മൻചാണ്ടി തീരുമാനിക്കുകയായിരുന്നു. റൺവേയുടെ നീളം വർധിപ്പിക്കാൻ 250 ഏക്കർ സ്ഥലം കൂടി ഏറ്റെടുക്കാനാണ് സർക്കാർ തീരുമാനിച്ചത്. കീഴല്ലൂർ പഞ്ചായത്തിൽ വരുന്ന കാനാട് പ്രദേശത്താണ് സ്ഥലം ഏറ്റെടുക്കുന്നത്. സ്ഥലം ഏറ്റെടുക്കുന്നതിനു മുന്നോടിയായുള്ള ടെക്നിക്കൽ സർവേ മാസങ്ങൾക്ക് മുമ്പ് തന്നെ പൂർത്തിയാക്കിയിരുന്നു. സർവേ പൂർത്തിയായതിനാൽ കിൻഫ്ര നോട്ടിഫിക്കേഷനു അയച്ചിരിക്കുകയാണ്. സർക്കാർ ഉത്തരവ് വരുന്നത് പ്രകാരം 250 ഏക്കർ സ്ഥലം ഏറ്റെടുക്കുമ്പോൾ…
Read Moreചാലാട്ടെ ഷെൽട്ടർ ഹോമിൽ നിന്ന് കുട്ടികളുടെ “ചാട്ടം’ പതിവാകുന്നു; ഒരുമാസത്തിനിടെ എട്ടു വയസുകാരൻ ഉൾപ്പെടെ ചാടിപ്പോയത് നാല് കുട്ടികൾ
കണ്ണൂർ: സംരക്ഷണ വാതിൽ തുറന്ന് അന്തേവാസികളായ കുട്ടികൾ ഇരുട്ടിൽ ഓടിമറയുന്നത് അധികൃതർക്ക് തലവേദനയാകുന്നു. കണ്ണൂർ നഗരത്തിൽനിന്ന് രണ്ടു കിലോമീറ്റർ അകലെയുള്ള ചാലാട് ഡ്രീം ഷെൽട്ടർ ഹോമിൽനിന്ന് ഒരുമാസത്തിനിടെ എട്ടു വയസുകാരൻ ഉൾപ്പെടെ നാല് കുട്ടികളാണ് ചാടിപ്പോയത്. പിന്നീട് രണ്ടു കുട്ടികളെ മയ്യിലിൽനിന്ന് കണ്ടെത്തി പോലീസ് തിരികെ എത്തിക്കുകയായിരുന്നു. ചാടിപ്പോയ മറ്റൊരു കുട്ടിയെ കോഴിക്കോടുനിന്നാണ് കണ്ടെത്തിയത്. കേന്ദ്രസർക്കാരിന്റെ നിയന്ത്രണത്തിലുള്ള ഈ സ്ഥാപനത്തിന്റെ മേൽനോട്ടചുമതല ചൈൽഡ് വെൽഫെയർ കമ്മിറ്റിക്കാണ്. 12 വർഷമായി പ്രവർത്തിക്കുന്ന ഈ സ്ഥാപനം അടിസ്ഥാനസൗകര്യങ്ങളില്ലാതെ വീർപ്പുമുട്ടുകയാണ്.നഗരത്തിൽ അലഞ്ഞുതിരിയുന്ന കുട്ടികളെയും മാതാപിതാക്കൾ ഉപേക്ഷിച്ച കുട്ടികളെയുമാണ് ചാലാട് ഡ്രീം ഷെൽട്ടർ ഹോമിൽ താമസിപ്പിക്കുന്നത്. കുട്ടികൾക്ക് ആവശ്യമായ വിദ്യാഭ്യാസവും ഭക്ഷണവും നൽകുകയെന്നതാണ് ഇതിന്റെ ലക്ഷ്യം. ആറു വയസിനും 18 നും ഇടയിലുള്ള 16 കുട്ടികളാണ് നിലവിൽ ഇവിടെയുള്ളത്. അടിസ്ഥാന സൗകര്യങ്ങളുടെ അപര്യാപ്തത ആവശ്യമായ അടിസ്ഥാന സൗകര്യങ്ങൾ ഇല്ലാത്തതാണ് കുട്ടികൾ ഇടയ്ക്കിടെ ചാടിപ്പോകാൻ…
Read Moreമട്ടന്നൂർ മത്സ്യ മാർക്കറ്റിൽ നിന്നും പഴകിയ മത്സ്യം പിടികൂടി; പിടിച്ചെടുത്തത് 40 കിലോ മത്സ്യം; പഴകിയ മത്സ്യം കഴിച്ച് വീട്ടമ്മയ്ക്ക് ഛർദി
മട്ടന്നൂർ: മത്സ്യത്തിൽ ഫോർമലിൻ ചേർക്കുന്നതായുള്ള പരാതി ഉയർന്ന സാഹചര്യത്തിൽ നഗരസഭ ആരോഗ്യ വിഭാഗം മട്ടന്നൂർ മാർക്കറ്റിൽ നടത്തിയ പരിശോധനയിൽ പഴകിയതും ദുർഗന്ധമുള്ളതുമായ മത്സ്യം പിടിച്ചെടുത്തു. രണ്ടു പ്ലാസ്റ്റിക് പെട്ടിയിലായി സൂക്ഷിച്ചു വച്ച 40 കിലോയോളം തൂക്കം വരുന്ന തിരണ്ടിയും മുള്ളനുമാണ് പിടികൂടിയത്. കഴിഞ്ഞ ദിവസം ആണിക്കരിയിലെ ഒരു കുടുംബം മട്ടന്നൂർ മാർക്കറ്റിൽ നിന്നു വാങ്ങിയ തിരണ്ടി പാചകം ചെയ്തിനു ശേഷം ദുർഗന്ധം കാരണം കഴിക്കാൻ കഴിയാത്ത അവസ്ഥയുള്ളതായി പരാതിയുണ്ടായിരുന്നു. സ്ത്രീക്ക് ഛർദ്ദിയുണ്ടാകുകയും ചെയ്തിരുന്നു. ഇത്തരം മൂന്നു പരാതികൾ ലഭിച്ചതിനെ തുടർന്നാണ് ഇന്നലെ രാത്രി 11 ഓടെ ഹെൽത്ത് ഇൻസ്പെക്ടർ പി.പി.രാജശേഖരൻ നായരുടെ നേതൃത്വത്തിൽ മാർക്കറ്റിൽ പരിശോധന നടത്തിയത്. പിടിച്ചെടുത്തത് പഴകിയതും ദുർഗന്ധമുള്ളതും ഉപയോഗിക്കാൻ പറ്റാത്തതുമായ മത്സ്യമാണെന്ന് രാജശേഖരൻ നായർ പറഞ്ഞു. പിടിച്ചെടുത്ത മത്സ നഗരസഭ ഓഫീസിനു മുന്നിൽ പ്രദർശിപ്പിച്ചു. മത്സ്യമാർക്കറ്റ് മിക്കയിടങ്ങളിലും പ്രവർത്തിക്കുന്നുണ്ടെങ്കിലും കാര്യമായ പരിശോധന ആരോഗ്യ…
Read Moreഓവുചാലുകൾ മാലിന്യങ്ങൾ കൊണ്ട് നിറഞ്ഞു ; വിദ്യർഥികൾക്കും അധ്യാപകർക്കും സ്കൂളിലെത്താൻ നീന്തൽ പഠിക്കേണ്ട അവസ്ഥ
തൃക്കരിപ്പൂർ: തൃക്കരിപ്പൂർ ജിവിഎച്ച്എസ്എസിൽ വിദ്യാർഥികളെയും അധ്യാപകരെയും ദുരിതത്തിലാക്കി വെള്ളക്കെട്ട്. പ്രധാന കവാടത്തിന് അടുത്തു മുതൽ സ്കൂൾ ഓഫീസ് വരെയുള്ള ഭാഗങ്ങളെല്ലാം വെള്ളത്തിൽ മുങ്ങി നിൽക്കുകയാണ്. പ്രധാന കവാടത്തോടു ചേർന്നുള്ള റോഡിലെ ഓവുചാലുകൾ മണ്ണും മാലിന്യങ്ങളും അടിഞ്ഞ് മൂടിയതിനാൽ വെള്ളം ഒഴുകിപ്പോകാതെ കെട്ടിക്കിടക്കുകയാണ്. ടൗണിലെ ഓവുചാലുകൾ ശുചീകരിച്ചപ്പോൾ സ്കൂളിനു മുന്നിലെ ഭാഗത്തുള്ള മണ്ണും മാലിന്യങ്ങളും ഒഴിവാക്കുകയായിരുന്നുവെന്ന്നാണ് സ്കൂൾ അധികൃതർ പറയുന്നത്. നൂറുകണക്കിന് വിദ്യാർഥികൾ പഠനം നടത്തുന്ന സ്കൂളിലെ വെള്ളക്കെട്ട് നീക്കിക്കളയാൻ സ്കൂൾ അധികൃതരും താത്പര്യം കാട്ടുന്നില്ലെന്ന് രക്ഷിതാക്കളും പറയുന്നു.മഴ ഇനിയും തുടർന്നാൽ വിദ്യാർഥികൾക്ക് സ്കൂളിലെത്താൻ കഴിയാത്ത അവസ്ഥയുണ്ടാകുമെന്നും രക്ഷിതാക്കൾ ആശങ്കപ്പെടുന്നു.
Read More