കണ്ണൂർ: ബൈക്കിടിച്ച് വീട്ടമ്മ മരിച്ച സംഭവത്തിൽ ബൈക്ക് ഓടിച്ച വിദ്യാർഥിക്കും പിതാവിനുമെതിരേ കേസ്. ചക്കരക്കൽ മൗവഞ്ചേരി സ്വദേശി ചന്ദ്രനും മകനും എതിരേയാണു കേസ്. കഴിഞ്ഞ ശനിയാഴ്ച രാവിലെയായിരുന്നു അപകടം. മാച്ചേരി കണ്ടന്പേത്ത് സാവിത്രി (62) യാണ് മരിച്ചത്. അസുഖബാധിതയായ അമ്മയെ കാണാനായി പോകുന്നതിനിടെ സാവിത്രിയെ പള്ളിപ്പൊയിൽ മഹാത്മാ മന്ദിരത്തിന് സമീപം ബൈക്കിടിക്കുകയായിരുന്നു. ഉടൻതന്നെ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. അപകടത്തിൽ പരിക്കേറ്റ കുട്ടി ആശുപത്രിയിൽ ചികിത്സയിലാണ്. പ്രായപൂർത്തിയാകാത്തവർക്ക് വാഹനം ഓടിക്കാൻ നൽകിയാൽ രക്ഷിതാക്കൾക്കെതിരേ കേസെടുക്കാനുള്ള വകുപ്പുപയോഗിച്ചാണ് കുട്ടിയുടെ പിതാവിനെതിരേ കേസ് രജിസ്റ്റർ ചെയ്തിരിക്കുന്നത്. ലൈസൻസില്ലാതെ വാഹനം ഉപയോഗിച്ച് അപകടത്തിൽപ്പെട്ടാൽ ഇൻഷ്വറൻസ് കന്പനികൾ നഷ്ടപരിഹാരം നൽകില്ല. കോടതി വിധിക്കുന്ന നഷ്ടപരിഹാരത്തുക രക്ഷിതാക്കളിൽനിന്ന് ഈടാക്കുകയും ചെയ്യും. സമാനമായ സംഭവത്തിൽ ലൈസൻസില്ലാതെ പ്രായപൂർത്തിയാകാത്ത കുട്ടി ഓടിച്ച ബൈക്ക് അപകടത്തിൽപ്പെട്ട് ഓടിച്ചയാളും അപകടത്തിൽപ്പെട്ടയാളും മരിച്ച സംഭവത്തിൽ 30 ലക്ഷത്തിലധികം രൂപ കോടതി നഷ്ടപരിഹാരം വിധിച്ചിരുന്നു.…
Read MoreCategory: Kannur
10 കിലോ അരി വാങ്ങിയാല് കിട്ടുന്നത് 7 കിലോ! റേഷൻ കടയിൽ തൂക്കത്തിൽ തട്ടിപ്പ്; തട്ടിപ്പ് കൈയോടെ പിടികൂടി
ബേക്കൽ: റേഷൻ കടയിൽ തൂക്കത്തിന്റെ പേരിൽ തട്ടിപ്പ് നടത്തുന്നുവെന്ന നാട്ടുകാരുടെയും കേരള ക്രൈം ആൻഡ് കറപ്ഷൻ കണ്ട്രോൾ അസോസിയേഷൻ പ്രവർത്തകരുടെയും പരാതിയുടെ അടിസ്ഥാനത്തിൽ ലീഗൽ മെട്രോളജി ഉദ്യോഗസ്ഥരെത്തി റേഷൻ കടയിൽ പരിശോധന നടത്തി. പള്ളിക്കര കീക്കാനിലെ എആർഡി ഒൻപതാം നന്പർ റേഷൻ കടയിൽ 10 കിലോ അരി നൽകിയ ആൾക്ക് ഏഴു കിലോ മാത്രമേ അരി ലഭിച്ചിട്ടുള്ളൂവെന്ന് അന്വേഷണത്തിൽ കണ്ടെത്തി. റേഷൻ കടകളിൽ തൂക്കത്തിന്റെ പേരിൽ വൻ തട്ടിപ്പ് നടക്കുന്നുണ്ടെന്ന പരാതിയിൽ ഹൊസ്ദുർഗ് താലൂക്ക് സപ്ലൈ ഓഫീസർ ബീനയുടെ നേതൃത്വത്തിൽ പള്ളിക്കര കീക്കാനിലെ എആർഡി ഒൻപതാം നന്പർ റേഷൻ കടയിലെത്തി പരിശോധന നടത്തിയതിൽ 12 കിലോ അരി സ്റ്റോക്കിൽ അധികമുള്ളതായി കണ്ടെത്തി. ഇതിന്റെ അടിസ്ഥാനത്തിൽ റേഷൻ കട നടത്തിപ്പുകാരായ പള്ളിക്കര കോ-ഓപ്പറേറ്റീവ് കണ്സ്യൂമർ വെൽഫെയർ സൊസൈറ്റിക്ക് നോട്ടീസ് നൽകിയെ ന്നും പിഴയീടാക്കുമെന്നും താലൂക്ക് സപ്ലൈ ഓഫീസർ ബീന…
Read Moreഅഭിഭാഷകയെ അപമാനിച്ച 67കാരൻ അറസ്റ്റിൽ; സംഭവം നടന്നത് 19ന് വൈകുന്നേരം അഞ്ചിന്; പോലീസും പ്രതിയും ഒത്തുകളിച്ചെന്ന് അഭിഭാഷകര്
കാസർഗോഡ്: കെഎസ്ആർടിസി ബസിൽ യാത്ര ചെയ്യുകയായിരുന്ന അഭിഭാഷകയെ അപമാനിച്ച 67കാരനെ കാസർഗോഡ് പോലീസ് അറസ്റ്റ് ചെയ്തു. എരിയാൽ ചൗക്കിയിലെ മുഹമ്മദ് സ്വാലിഹ് മുസ്ലിയാരെ (67)യാണ് കാസർഗോഡ് ടൗണ് പോലീസ് അറസ്റ്റ് ചെയ്തത്. 19ന് വൈകുന്നേരം അഞ്ചിന് കാസർഗോട്ടുനിന്നും മംഗളൂരു ഭാഗത്തേയ്ക്കു പോവുകയായിരുന്ന കെഎസ്ആർടിസി ബസിൽ യാത്ര ചെയ്യുകയായിരുന്ന അഭിഭാഷകയെ മുഹമ്മദ് സ്വാലിഹ് കൈയ്ക്കു പിടിക്കുകയും ഉപദ്രവിക്കുകയും ചെയ്തുവെന്നാണ് പരാതി. ഇയാളുടെ ഉപദ്രവത്തിനെതിരേ ബസിൽ വച്ച് അഭിഭാഷക പ്രതികരിക്കുകയും ഇയാളുടെ ഫോട്ടോ മൊബൈൽ ഫോണിൽ പകർത്തുകയും ചെയ്തു. ഫോട്ടോ സഹിതം പോലീസിൽ പരാതി നൽകിയതിനെത്തുടർന്നാണ് ഇയാളെ പോലീസ് അറസ്റ്റ് ചെയ്തത്. അതേസമയം സംഭവം നടന്നയുടനെ ഫേസ്ബുക്ക് പോസ്റ്റുമായി അഭിഭാഷക രംഗത്തു വന്നിരുന്നു. ജാമ്യം ലഭിക്കാവുന്ന കുറ്റം മാത്രം ചുമത്തി ഇയാളെ കോടതിയിൽ ഹാജരാക്കുകയായിരുന്നുവെന്ന ആക്ഷേപം അഭിഭാഷകർക്കിടയിൽ ഉയർന്നിട്ടുണ്ട്. കാസർഗോട്ടെ അഭിഭാഷകരാരും തന്നെ പ്രതിക്കു വേണ്ടി ഹാജരായിരുന്നില്ല. ഇതിനെത്തുടർന്ന്…
Read Moreകുഞ്ഞിമംഗലം കൊയപ്പാറയിൽ അറവുമാലിന്യ നിക്ഷേപം വ്യാപകം; നാട്ടുകാർ സംഘം ചേർന്ന് മാലിന്യം ഇടുന്നവരെ പിടിച്ചു നൽകിയിട്ടും കണ്ണടച്ച് അധികൃതർ
കുഞ്ഞിമംഗലം: കൊയപ്പാറയിൽ അറവു മാലിന്യം വ്യാപകമായി തള്ളുന്നു. കൊയപ്പാറയിലെ വയലുകളിലാണ് ഉച്ചനേരത്ത് ലോറികളിലെത്തി സാമൂഹ്യവിരുദ്ധർ അറവുമാലിന്യം തള്ളുന്നത്. നിരവധി വീടുകളുള്ള ഈ പ്രദേശത്തെ വയലുകളിൽ കോഴികളുടേയും പോത്തിന്റേയും അറവ് മാലിന്യങ്ങൾ കഴിഞ്ഞ കുറച്ചു ദിവസങ്ങളായി ഒഴുകിനടക്കുന്നത് ഇവിടത്തുകാരുടെ ശ്രദ്ധയിൽപ്പെട്ടിരുന്നു. ഇവ ആരാണ് നിക്ഷേപിക്കുന്നതെന്ന് ആർക്കും വ്യക്തമല്ലായിരുന്നു. എന്നാൽ കഴിഞ്ഞദിവസം വാഹനങ്ങളിൽ അറവ് മാലിന്യം തള്ളാനെത്തിയ രണ്ടുപേരെ പ്രദേശത്തുകാർ പിടികൂടിയിരുന്നു. സംഭവം സംബന്ധിച്ച് നാട്ടുകാർ പഞ്ചായത്ത് അധികൃതർക്ക് പരാതി നൽകി. മാലിന്യം തള്ളാനെത്തിയവരുടെ വീഡിയോയും വാഹനത്തിന്റെ നന്പറും ശേഖരിച്ച് പോലീസിൽ പരാതി നൽകാൻ ഒരുങ്ങുകയാണ് നാട്ടുകാർ.
Read Moreസ്ഥിരം ജീവനക്കാരാക്കണമെന്ന ആവശ്യവുമായി ടൂറിസം ലൈഫ് ഗാർഡുകൾ അനിശ്ചിതകാല പണിമുടക്കിലേക്ക്
കണ്ണൂർ: 33 വർഷമായി കേരള ടൂറിസം വകുപ്പിന് കീഴിൽ ദിവസകൂലി അടിസ്ഥാനത്തിൽ ജോലി ചെയ്തുവരുന്ന ലൈഫ് ഗാർഡുകളെ സ്ഥിരം ജീവനക്കാരാക്കണമെന്ന് ആവശ്യപ്പെട്ടും ലൈഫ് ഗാർഡുകൾക്ക് ടൂറിസം വകുപ്പ് 2017 ഒക്ടോബർ 11ന് നൽകിയ ഉറപ്പുകൾ നടപ്പാക്കാത്തതിലും പ്രതിഷേധിച്ച് കേരള ടൂറിസം ലൈഫ് ഗാർഡ് എംപ്ലോയീസ് യൂണിയന്റെ (സിഐടിയു) നേതൃത്വത്തിൽ സെപ്റ്റംബർ 24 മുതൽ അനിശ്ചിതകാല പണിമുടക്കവും സെക്രട്ടേറിയറ്റ് പടിക്കൽ സത്യഗ്രഹമിരിക്കാനും സമിതിയോഗം തീരുമാനിച്ചു. യോഗത്തിൽ പ്രസിഡന്റ് കെ.പി. സഹദേവൻ അധ്യക്ഷത വഹിച്ചു. ജനറൽ സെക്രട്ടറി പി. ചാൾസൺ പ്രവർത്തന റിപ്പോർട്ട് അവതരിപ്പിച്ചു. പി. രാജേന്ദ്രൻ, ടി.വി. പ്രേംജിത്ത്, എം.സി. ബേബി, കെ. രജീഷ് എന്നിവർ പ്രസംഗിച്ചു.
Read Moreഎട്ടുലക്ഷം അനുവദിച്ചിട്ടും കരാറുകാർക്ക് മടി; മൂന്നു ലക്ഷത്തിന് നാട്ടുകാരുടെ കൂട്ടായ്മയിൽ റോഡ് അറ്റകുറ്റപ്പണി
പാനൂർ: റോഡ് നവീകരണത്തിന് എട്ടുലക്ഷം രൂപ അനുവദിച്ചിട്ടും കരാറുകാർ പ്രവൃത്തി ഏറ്റെടുക്കാൻ തയാറാകാതെ വന്നപ്പോൾ അറ്റകുറ്റപ്പണി ഏറ്റെടുത്ത് പ്രദേശവാസികളുടെ കൂട്ടായ്മ. കുന്നോത്തുപറമ്പ് പഞ്ചായത്തിലെ പുത്തൂർ ഓവുപാലത്തിന് സമീപത്തെ എകരത്ത് – കണ്ണങ്കോട് വെസ്റ്റ് എൽപി സ്കൂൾ റോഡിന്റെ അറ്റകുറ്റപ്പണിക്കാണ് പ്രദേശവാസികൾ മുന്നിട്ടിറങ്ങിയത്. റോഡ് നവീകരണത്തിന് കെ.പി.മോഹനൻ കൃഷി മന്ത്രിയായിരിക്കെ വെള്ളപ്പൊക്ക ദുരിതാശ്വാസ ഫണ്ടിൽ നിന്നും എട്ടുലക്ഷം രൂപ നീക്കിവച്ചിരുന്നു.പ്രവൃത്തി പൂർത്തിയാക്കിയാലും വർഷങ്ങൾ കഴിഞ്ഞേ പണം ലഭിക്കുകയുള്ളൂ എന്ന കാരണം പറഞ്ഞാണ് കരാറുകാർ ഏറ്റെടുക്കാൻ മടിക്കുകായിരുന്നു. വാർഡ് മെമ്പർ കെ.പി.സമീറയുടെ നേതൃത്വത്തിൽ നിർമാണ കമ്മിറ്റികൾ രൂപീകരിച്ചെങ്കിലും കരാറുകാർ പ്രവൃത്തി ഏറ്റെടുക്കാൻ വിമുഖത കാണിക്കുകയായിരുന്നു. നിരവധി വാഹനങ്ങൾ കടന്നുപോകുന്ന റോഡ് തീരെ ഗതാഗതയോഗ്യമല്ലാതായപ്പോഴാണ് നാട്ടുകാർ മൂന്നു ലക്ഷം രൂപ സമാഹരിച്ച് അറ്റകുറ്റപ്പണികൾ ആരംഭിച്ചത്.
Read Moreകാമറയെടുത്ത് ഒരൊറ്റ ക്ലിക്ക് ; കൂടെപ്പോന്നത് പത്തുലക്ഷം; തന്റെ നേട്ടത്തെക്കുറിച്ചും ഫോട്ടോഗ്രഫിയിൽ കൂടുതൽ നേട്ടങ്ങൾ കൈവരിക്കാനുള്ല ആഗ്രഹത്തെക്കുറിച്ചും പങ്കുവെച്ച് റസ്ലി രാഷ്ട്രദീപികയോട്
സ്വന്തം ലേഖകൻ കണ്ണൂർ: കോഴ്സിനുവേണ്ടിയാണ് കണ്ണൂർ താണ സ്വദേശി ആഷിഖ് കേച്ചേരിയുടെയും ഷബീനയുടെയും മകൾ റസ്ലി മർവ കാമറ വാങ്ങിയത്. കോഴ്സിന്റെ ഭാഗമായി കാമറയുമായി കുറേ ക്ലിക്കുകൾ. കോഴ്സ് കഴിഞ്ഞ് സീരിയസായി ഒന്നു ക്ലിക്കിയപ്പോൾ ലഭിച്ചത് 50,000 ദിർഹം (10 ലക്ഷം രൂപ). ദുബായ് ആരോഗ്യ മന്ത്രാലയം ദേശീയതലത്തിൽ സംഘടിപ്പിച്ച ആർട്ട് ഫോർ ഹെൽത്ത് മത്സരത്തിലെ ഫോട്ടോഗ്രാഫി വിഭാഗത്തിലാണ് റസ്ലി മർവയ്ക്ക് സമ്മാനം ലഭിച്ചത്. റസ്ലി മത്സരിച്ചതാകട്ടെ വിദേശികളടക്കമുള്ളവരോട്. യുഎഇ ആരോഗ്യമന്ത്രി ഷെയ്ക്ക് ഹൈനസ് ഡോ.ഹുസൈൻ അബ്ദുൾ റഹ്മാൻ റാൻഡിൽ നിന്നും കഴിഞ്ഞ ദിവസം നടന്ന ചടങ്ങിൽ റസ്ലി പുരസ്കാരം ഏറ്റുവാങ്ങി.ധർമശാലയിലെ നാഷണൽ ഇൻസ്റ്റിറ്റ്യൂട്ട് ഓഫ് ഫാഷൻ ടെക്നോളജിയിൽ (നിഫ്റ്റ്) നിന്ന് ഫാഷൻ കമ്മ്യൂണിക്കേഷൻ കോഴ്സായിരുന്നു റസ്ലി പഠിച്ചത്. കോഴ്സ് കഴിഞ്ഞ് സർട്ടിഫിക്കറ്റിനായി കാത്തിരിക്കുകയായിരുന്നു. ഇതിനിടയിൽ അവധിക്കാലം ചെലവഴിക്കാൻ യുഎഇയിലേക്ക്. അവിടെവച്ചാണ് റസ്ലിയെ തേടി ഫോട്ടോഗ്രഫി പുരസ്കാരം…
Read Moreകണ്ണൂരിൽ കനത്ത മഴ തുടരുന്നു; തീരപ്രദേശങ്ങളിൽ കടലാക്രമണം രൂക്ഷം; കല്ലിക്കണ്ടി പുഴയിൽ യുവാവിനെ കാണാതായി
കണ്ണൂർ: കണ്ണൂർ ജില്ലയിൽ കനത്ത മഴ തുടരുന്നു. കനത്ത മഴയെ തുടർന്ന് ജില്ലയിലെ വിദ്യാഭ്യാസ സ്ഥാപനങ്ങൾക്ക് അവധി നൽകിയിരിക്കയാണ്. ഇരിട്ടി, തലശേരി, മട്ടന്നൂർ, പയ്യന്നൂർ, തളിപ്പറന്പ്, ആലക്കോട്, ചെറുപുഴ മേഖലകളിൽ വ്യാപകമായ കൃഷിനാശം ഉണ്ടായി. കല്ലിക്കണ്ടി പുഴയിൽ വീണ് കാണാതായ യുവാവിനുവേണ്ടിയുള്ള തെരച്ചിൽ തുടരുകയാണ്. കാലവർഷ കെടുതിയിൽ ഈ വർഷം ജില്ലയ്ക്ക് നഷ്ടമായത് 16 ജീവനുകളാണ്. 30 വീടുകൾ പൂർണമായും 1269 വീടുകൾ ഭാഗികമായും തകർന്നു. ഇന്നലെ 84.7 മില്ലിമീറ്റർ മഴയാണ് ജില്ലയിൽ പെയ്തത്. പഴശിഡാമിലെ ജലനിരപ്പ് ഉയർന്നിട്ടുണ്ട്. കടലോര പ്രദേശങ്ങളായ മാട്ടൂൽ, അഴീക്കൽ, തയ്യിൽ എന്നിവിടങ്ങളിൽ കടലാക്രമണങ്ങൾ രൂക്ഷമാണ്. ഇരിട്ടി മേഖലയില് കനത്ത മഴ തുടരുന്നു. വ്യാപകമായ കൃഷി നാശവും. കഴിഞ്ഞ ഒന്നര ദിവസമായി നിലയ്ക്കാതെ പെയ്യുന്ന മഴ കാരണം താഴ്ന്ന പ്രദേശങ്ങളിലെല്ലാം വെള്ളം കയറി. ഗ്രാമപ്രദേശങ്ങളിലെ റോഡുകളെല്ലാം തകർന്നിരിക്കുകയാണ്.കനത്ത മഴയിൽ ഇരിട്ടി മേഖലയില് കിണറുകള്…
Read Moreപട്ടിയുണ്ട്,സൂക്ഷിക്കുക ! തലശേരി നഗരം കീഴടക്കി തെരുവുനായ്ക്കൾ; നടപടികൾ സ്വീകരിക്കാതെ അധികൃതരും
തലശേരി: തലശേരി നഗരം കീഴടക്കി തെരുവുനായ്ക്കൾ. തലശേരി നഗരത്തിലെ തിരക്കേറിയ പഴയ ബസ്സ്റ്റാൻഡ് പരിസരത്ത് രാപ്പകൽ ഭേദമന്യേ നഗരത്തിൽ അലയുന്ന തെരുവ് നായ്ക്കൂട്ടം കാൽനടയാത്രികർക്കും വാഹനങ്ങൾക്കും ഭീഷണി ഉയർത്തുകയാണ്. തെരുവുനായ്ക്കൾ കൂട്ടത്തോടെ എത്തി വാഹനങ്ങൾക്ക് കുറുകെ വരെ നിന്ന് തടസം സൃഷ്ടിക്കുന്നു. ആളുകൾ സമീപത്തുകൂടെ കടന്ന് പോകുമ്പോൾ കുരച്ച് ഭയപ്പെടുത്താനും ഇവ തയാറാവുന്നുണ്ട്. നായകൾ റോഡ് താവളമാക്കിയതോടെ വാഹനങ്ങൾക്കും യഥാവിധി കടന്ന് പോകാൻ സാധിക്കുന്നില്ല .അക്രമിച്ച് പരിക്കേൽപ്പിക്കുമോ എന്നു ഭയന്നാൽ നായകളെ റോഡിൽ നിന്ന് മാറ്റാനുള്ള ശ്രമങ്ങളും ആരും നടത്തില്ല . ചില സമയങ്ങളിൽ ഫുട്പാത്തുകൾ നായകൾ കൈയടക്കുമ്പോൾ കാൽനടയാത്രക്കാർ നടക്കുന്നതിന് റോഡിനെ ആശ്രയിക്കേണ്ടി വരുന്നു.സ്കൂൾ വിദ്യാർഥികൾക്കും നായകൾ വലിയ ഭീഷണിയാണ് ഉയർത്തുന്നത്. കാലങ്ങളിൽ ഗ്രാമപ്രദേശങ്ങളിലായിരുന്നു തെരുവുനായ ശല്യം രൂക്ഷമായിരുന്നത്. എന്നാൽ അറവു മാലിന്യങ്ങൾ ഉൾപ്പെടെ നഗരപ്രദേശങ്ങളിലും തള്ളാൻ തുടങ്ങിയതോടെയാണ് തെരുവുനായ്ക്കൾ ഗ്രാമപ്രദേശങ്ങൾ വിട്ട് നഗര ഭാഗങ്ങളിലേക്കും…
Read Moreസർക്കാർ കരാറുകാരുടെ സംഘടനയിൽ പിളർപ്പ്; കണ്ണൂർ ആസ്ഥാനമായി പുതിയ സംഘടന
സ്വന്തം ലേഖകൻ കണ്ണൂർ: സർക്കാർ കരാറുകാരുടെ സംഘടനയിൽ പിളർപ്പ്. കണ്ണൂർ ആസ്ഥാനമായി ഗവ.കോൺട്രാക്ടേഴ്സ് അസോസിയേഷൻ (ജിസിഎ) എന്ന പുതിയ സംഘടന നിലവിൽ വന്നു. കേരള ഗവ. കോൺട്രാക്ടേഴ്സ് അസോസിയേഷൻ (കെജിസിഎ) സംസ്ഥാന വൈസ് പ്രസിഡന്റായിരുന്ന കെ.കെ.രാധാകൃഷ്ണനാണ് പുതിയ സംഘടനയുടെ സംസ്ഥാന പ്രസിഡന്റ്. ഇതോടെ ഗവ.കരാർ മേഖലയിൽ നാല് സംഘടനകളായി. മോൻസ് ജോസഫ് എംഎൽഎ പ്രസിഡന്റായ ഓൾ കേരള ഗവ.കോൺട്രാക്ടേഴ്സ് അസോസിയേഷൻ, വി.കെ.സി.മമ്മദ്കോയ എംഎൽഎ പ്രസിഡന്റായ കേരള ഗവ.കോൺട്രാക്ടേഴ്സ് ഫെഡറേഷൻ, വർഗീസ് കണ്ണന്പള്ളി പ്രസിഡന്റായ കേരള ഗവ. കോൺട്രാക്ടേഴ്സ് അസോസിയേഷൻ (കെജിസിഎ) എന്നിവയാണ് ഈ മേഖലയിൽ നിലവിലുള്ള സംഘടനകൾ. കെജിസിഎയിലെ ചില അസ്വാരസ്യങ്ങളാണ് പുതിയ സംഘടനയുടെ രൂപീകരണത്തിലേക്ക് നയിച്ചതെന്ന് അറിയുന്നു. എന്നാൽ, കെജിസിഎയിൽ നിന്ന് മാത്രമല്ല മറ്റു സംഘടനകളുടെ ഭാഗമായി പ്രവർത്തിക്കുന്നവരും പുതിയ സംഘടനയിലുള്ളതായി സംസ്ഥാന പ്രസിഡന്റ് കെ.കെ.രാധാകൃഷ്ണനും ജനറൽ സെക്രട്ടറി വി.രജിത്തും പറഞ്ഞു. നിലവിലുള്ള സംഘടനകൾ നിഷ്ക്രിയമായതും…
Read More