ട്രെ​യി​നി​നു ക​ല്ലെ​റി​ഞ്ഞ് കളിക്കരുത് കു​ടു​ങ്ങും; ആ​ർ​പി​എ​ഫി​ന്‍റെ ജാ​ഗ്ര​താ​സ​മി​തി വ​രു​ന്നു; പിടിക്കപ്പെട്ടാൽ  അ​ഞ്ചു​വ​ർ​ഷം​വ​രെ ത​ട​വ് ല​ഭി​ക്കാ​വു​ന്ന കു​റ്റം

സ്വ​ന്തം ലേ​ഖ​ക​ൻ
ക​ണ്ണൂ​ർ: ട്രെ​യി​നി​നു​നേ​രേ ക​ല്ലെ​റി​യു​ന്ന​വ​രെ പി​ടി​കൂ​ടാ​ൻ റെ​യി​ൽ​വേ പ്രൊ​ട്ട​ക‌്‌​ഷ​ൻ ഫോ​ഴ്സ്(​ആ​ർ​പി​എ​ഫ്) ജാ​ഗ്ര​താ​സ​മി​തി​ക​ൾ രൂ​പീ​ക​രി​ക്കു​ന്നു. പാ​ല​ക്കാ​ട് ഡി​വി​ഷ​ന്‍റെ കീ​ഴി​ലാ​ണ് റെ​യി​ൽ​വേ ട്രാ​ക്ക് ക​ട​ന്നു​പോ​കു​ന്ന പ്ര​ദേ​ശ​ങ്ങ​ളി​ലെ ജ​ന​പ്ര​തി​നി​ധി​ക​ളെ​യ​ട​ക്കം ഉ​ൾ​പ്പെ​ടു​ത്തി ജാ​ഗ്ര​താ​സ​മി​തി രൂ​പീ​ക​രി​ക്കു​ന്ന​ത്. അ​ടു​ത്ത​മാ​സം മു​ത​ൽ ജാ​ഗ്ര​താ​സ​മി​തി​ക​ളു​ടെ പ്ര​വ​ർ​ത്ത​നം തു​ട​ങ്ങും. ഇ​തോ​ടൊ​പ്പം രാ​ത്രി​കാ​ല​ങ്ങ​ളി​ൽ ആ​ർ​പി​എ​ഫി​ന്‍റെ നേ​തൃ​ത്വ​ത്തി​ൽ റെ​യി​ൽ​വേ ട്രാ​ക്കി​ന് സ​മീ​പ​മു​ള്ള റോ​ഡി​ലൂ​ടെ ബൈ​ക്കി​ൽ പ​ട്രോ​ളിം​ഗും ന​ട​ത്തും.

റെ​യി​ൽ​വേ ട്രാ​ക്ക് ക​ട​ന്നു​പോ​കു​ന്ന പ്ര​ദേ​ശ​ങ്ങ​ളി​ലെ പ​ഞ്ചാ​യ​ത്ത് പ്ര​സി​ഡ​ന്‍റു​മാ​ർ, സ്റ്റേ​ഷ​നു​ക​ളി​ലെ പോ​ലീ​സു​കാ​ർ, സ്കൂ​ളു​ക​ളി​ലെ മു​ഖ്യാ​ധ്യാ​പ​ക​ർ എ​ന്നി​വ​ർ​ക്കു​പു​റ​മെ റെ​യി​ൽ​വേ പാ​സ​ഞ്ചേ​ഴ്സ് അ​സോ​സി​യേ​ഷ​നെ​യും ഉ​ൾ​പ്പെ​ടു​ത്തി​യാ​ണ് ആ​ർ​പി​എ​ഫ് ജാ​ഗ്ര​താ​സ​മി​തി​ക​ൾ രൂ​പീ​ക​രി​ക്കു​ന്ന​ത്. വി​ദ്യാ​ർ​ഥി​ക​ൾ ഉ​ൾ​പ്പെ​ടെ​യു​ള്ള​വ​രാ​ണ് ക​ല്ലെ​റി​യു​ന്ന​തെ​ന്ന് ആ​ർ​പി​എ​ഫി​ന്‍റെ അ​ന്വേ​ഷ​ണ​ത്തി​ൽ ക​ണ്ടെ​ത്തി​യി​രു​ന്നു.

അ​തി​നാ​ൽ സ്കൂ​ളു​ക​ളി​ലും കോ​ള​ജു​ക​ളി​ലും ആ​ർ​പി​എ​ഫി​ന്‍റെ നേ​തൃ​ത്വ​ത്തി​ൽ ബോ​ധ​വ​ത്ക​ര​ണം ന​ട​ത്തും. പാ​ല​ക്കാ​ട് ഡി​വി​ഷ​ൻ അ​സി.​ക​മ്മീ​ഷ​ണ​ർ തോ​മ​സ് ജോ​ൺ, മം​ഗ​ളൂ​രു ഡി​വി​ഷ​ൻ അ​സി.​ക​മ്മീ​ഷ​ണ​ർ എം.​വാ​സു, ആ​ർ​പി​എ​ഫ് സ​ർ​ക്കി​ൾ ‌ഇ​ൻ​സ്പെ​ക്ട​ർ എ.​പി. വേ​ണു എ​ന്നി​വ​രു​ടെ മേ​ൽ​നോ​ട്ട​ത്തി​ലാ​യി​രി​ക്കും ജാ​ഗ്ര​താ​സ​മി​തി​ക​ളു​ടെ പ്ര​വ​ർ​ത്ത​നം.

അ​ടു​ത്ത​കാ​ല​ത്താ​യി ട്രെ​യി​നു​ക​ൾ​ക്കു​നേ​രേ ക​ല്ലെ​റി​യു​ന്ന സം​ഭ​വ​ങ്ങ​ൾ വ​ർ​ധി​ച്ചി​ട്ടു​ണ്ട്. പ​ല​പ്പോ​ഴും യാ​ത്ര​ക്കാ​ർ​ക്ക് പ​രി​ക്കേ​ൽ​ക്കു​ക​യും ചെ​യ്യു​ന്നു. ട്രെ​യി​നി​ന് ക​ല്ലെ​റി​ഞ്ഞ സം​ഭ​വ​ങ്ങ​ളു​മാ​യി ബ​ന്ധ​പ്പെ​ട്ട് പാ​ല​ക്കാ​ട് ഡി​വി​ഷ​ന്‍റെ കീ​ഴി​ൽ അ​ൻ​പ​തോ​ളം കേ​സു​ക​ളാ​ണ് ര​ജി​സ്റ്റ​ർ ചെ​യ്തി​രി​ക്കു​ന്ന​ത്. ക​ണ്ണൂ​ർ ആ​ർ​പി​എ​ഫ് സ്റ്റേ​ഷ​ൻ പ​രി​ധി​യി​ൽ അ​ഞ്ചു കേ​സു​ക​ൾ ര​ജി​സ്റ്റ​ർ ചെ​യ്തു. പ​യ്യ​ന്നൂ​ർ, പ​ഴ​യ​ങ്ങാ​ടി, ക​ണ്ണ​പു​രം, വ​ള​പ​ട്ട​ണം ഭാ​ഗ​ങ്ങ​ളി​ലാ​ണ് കേ​സു​ക​ൾ ര​ജി​സ്റ്റ​ർ ചെ​യ്തി​രി​ക്കു​ന്ന​ത്.

ജാ​മ്യ​ം കിട്ടില്ല
ട്രെ​യി​നി​നു ക​ല്ലെ​റി​ഞ്ഞാ​ൽ ജാ​മ്യ​മി​ല്ലാ വ​കു​പ്പ് പ്ര​കാ​ര​മാ​ണ് കേ​സെ​ടു​ക്കു​ന്ന​ത്. അ​ഞ്ചു​വ​ർ​ഷം​വ​രെ ത​ട​വ് ല​ഭി​ക്കാ​വു​ന്ന കു​റ്റ​മാ​ണ്. ക​ല്ലേ​റി​ൽ യാ​ത്ര​ക്കാ​ർ​ക്ക് ഗു​രു​ത​ര​മാ​യി പ​രി​ക്കേ​റ്റാ​ൽ ശി​ക്ഷ​യു​ടെ കാ​ലാ​വ​ധി കൂ​ടും. ക​ല്ലേ​റു​ണ്ടാ​യാ​ലും ക​ല്ലെ​റി​യു​ന്ന​വ​രെ​ക്കു​റി​ച്ച് സൂ​ച​ന ല​ഭി​ച്ചാ​ലും ആ​ർ​ക്കും 182 എ​ന്ന റെ​യി​ൽ​വേ സു​ര​ക്ഷാ ടോ​ൾ ന​ന്പ​റി​ൽ വി​ളി​ച്ച​റി​യാ​ക്കാ​മെ​ന്ന് ആ​ർ​പി​എ​ഫ് അ​ധി​കൃ​ത​ർ അ​റി​യി​ച്ചു.