പാനൂർ: പുതിയ വീട്ടിൽ അന്തിയുറങ്ങാൻ കഴിയാതെ കല്യാണി യാത്രയായി. ഐആർപിസി പണിതു നൽകിയ വീടിന്റെ താക്കോൽ നൽകൽ ചടങ്ങുകഴിഞ്ഞു മണിക്കൂറുകൾക്കകം വീട്ടമ്മ കല്യാണി മരിച്ചത്. പാനൂർ മുത്താറി പീടിക കല്ലുവച്ച പറമ്പത്ത് കല്യാണി (87) യാണ് മരിച്ചത്. ഇന്നലെ രാവിലെയാണ് സിപിഎം ജില്ലാ സെക്രട്ടറി പി. ജയരാജൻ ഐആർപിസി നിർമ്മിച്ചു നൽകിയ വീടിന്റെ താക്കോൽദാനം നിർവഹിച്ചത്. സ്വന്തമായി വീടില്ലാത്ത കല്യാണിയുടെ ഏറെക്കാലത്തെ ആവശ്യം പ്രദേശത്തെ ഐആർപിസി പ്രവർത്തകർ നിറവേറ്റുകയായിരുന്നു. താക്കോൽദാനം കഴിഞ്ഞ് ഏതാനും മണിക്കൂറുകൾക്ക് ശേഷമാണ് കല്യാണി മരണപ്പെട്ടത്. ഇനി ഈ വീട്ടിൽ മനോനില തെറ്റിയ മകൻ രാജൻ മാത്രം. ഭർത്താവ്: പരേതനായ മാമ്പള്ളി അനന്തൻ. മക്കൾ: രാജൻ, സുശീല. മരുമക്കൾ: ശാന്ത, സദാനന്ദൻ.
Read MoreCategory: Kannur
തപാൽ ജീവനക്കാരുടെ സമരം ഒത്തുതീർപ്പാക്കാൻ നടപടി സ്വീകരിക്കണം: പി.കെ. ശ്രീമതി എംപി
കണ്ണൂർ: തപാൽ വകുപ്പിലെ ഗ്രാമീണ ഡാക് സേവക് ജീവനക്കാരുടെ മിതവും ന്യായവുമായ ആവശ്യങ്ങൾ അംഗീകരിച്ചു അവർ രാജ്യവ്യാപകമായ് നടത്തിവരുന്ന അനിശ്ചിതകാല പണിമുടക്ക് ഒത്തുതീർപ്പാക്കാൻ കേന്ദ്രം അടിയന്തിര നടപടി സ്വീകരിക്കണമെന്ന് പി.കെ. ശ്രീമതി എംപി. കണ്ണൂർ ഹെഡ്പോസ്റ്റ് ഓഫീസിന് മുന്പിലെ സമരപന്തൽ സന്ദർശിച്ച് പ്രസംഗിക്കുകയായിരുന്നു അവർ. ജീവനക്കാർ സമരം തുടങ്ങി ദിവസങ്ങൾ കഴിഞ്ഞിട്ടും നിഷേധാത്മക സമീപനമാണ് തുടരുന്നതെങ്കിൽ പാർലമെന്റിന് പുറത്ത് കക്ഷിരാഷ്ട്രീയത്തിനതീതമായി യോജിച്ച പ്രക്ഷോഭം വേണ്ടിവരുമെന്നും ശ്രീമതി മുന്നറിയിപ്പ് നൽകി. കെ.കെ. രാഗേഷ് എംപി, ജില്ലാ പഞ്ചായത്ത് പ്രസിഡന്റ് കെ.വി. സുമേഷ്, ടി.വി. രാജേഷ് എംഎൽഎ, വൈസ് പ്രസിഡന്റ് പി.പി. ദിവ്യ, ഡിസിസി പ്രസിഡന്റ് സതീശൻ പാച്ചേനി, സിപിഎം ജില്ലാ സെക്രട്ടറി പി. ജയരാജൻ എന്നിവർ സമരപന്തലിലെത്തി അഭിവാദ്യമർപ്പിച്ചു. പണിമുടക്കിയ ജീവനക്കാർ പ്രകടനം നടത്തി. തുടർന്ന് നടന്ന പ്രതിഷേധ ധർണയിൽ എ.പി. സുജികുമാർ അധ്യക്ഷത വഹിച്ചു.കെ.വി. സുധീർകുമാർ, ദിനു…
Read Moreകണ്ണൂരിൽ സിപിഎം-ബിജെപി സംഘർഷം; ബോംബേറിൽ ഏഴു പേർക്കു പരിക്ക്; പോലീസ് അന്വേഷണം ആരംഭിച്ചു
തലശേരി: കതിരൂർ കാപ്പുമ്മൽ പാനുണ്ടയിൽ സിപിഎം-ബിജെപി സംഘർഷത്തിലും ബോംബേറിലും ഏഴ് പേർക്ക് പരിക്കേറ്റു. സംഭവസ്ഥലത്തു നിന്നും പൊട്ടാത്ത ഒരു ബോംബും ഉപേക്ഷിക്കപ്പെട്ട നിലയിൽ രണ്ട് ബൈക്കുകളും കണ്ടെടുത്തു. ബോംബേറിൽ പരിക്കേറ്റ സിപിഎം പ്രവർത്തകരായ പാനുണ്ട കൈലാസത്തിൽ ശ്രീദേവ് (29) വി.കെ.ഹൗസിൽ ഷമിൽ ബാബു (21) നിലാമ്പല്ലി വീട്ടിൽ ശ്യാംജിത്ത് (23) കണ്ടുകുളം വീട്ടിൽ രജിനേഷ് (25) എന്നിവരെ തലശേരി സഹകരണ ആശുപത്രിയിലും മർദനമേറ്റ് സാരമായ പരിക്കുകളോടെ ബിജെപി പ്രവർത്തകരായ എരുവട്ടി കാരയിൽകണ്ടി വീട്ടിൽ പ്രശാന്ത് (42), ശങ്കരനെല്ലൂർ വലിയപറമ്പത്ത് മഞ്ജുനാഥ് (18), പാച്ച പൊയ്ക സുപ്രിയ നിവാസിൽ ആദർശ് (20) എന്നിവരെ ഇന്ദിരാഗാന്ധി സഹകരണ ആശുപത്രിയിലും പ്രവേശിപ്പിച്ചു. ഓഫീസിനു സമീപം ഇരിക്കുകയായിരുന്ന പ്രവർത്തകർക്കു നേരെ അഞ്ച് ബൈക്കുകളിലെത്തിയ ബിജെപി-ആർഎസ്എസ് സംഘം ബോംബെറിയുകയായിരുന്നുവെന്ന് സിപിഎം ആരോപിച്ചു. പാനുണ്ട സ്കൂളിനു സമീപം ബൈക്കിൽ പോകുകയായിരുന്ന പ്രവർത്തകരെ പത്തോളം വരുന്ന സിപിഎം…
Read Moreതലശേരിയിൽ ലക്ഷങ്ങളുടെ ബ്രൗൺഷുഗർ വേട്ട; പ്രതികൾ ഓടി രക്ഷപ്പെട്ടു; 81 പായ്ക്കറ്റ് പിടിച്ചെടുത്തു ഒരു ഗ്രാം ബ്രൗൺ ഷുഗർ വിറ്റിരുന്നത് 2500 മുതൽ 3000 രൂപയ്ക്ക്
തലശേരി: നഗരമധ്യത്തിൽ നിന്ന് ലക്ഷക്കണക്കിന് രൂപ വില വരുന്ന ബ്രൗൺഷുഗറും കഞ്ചാവും പിടികൂടി. പഴയ ബസ്സ്റ്റാൻഡിലെ ജനറൽ ആശുപത്രിക്ക് മുൻവശമുള്ള നഗരസഭ കെട്ടിടത്തിൽ നിന്നാണ് 61 ഗ്രാം ബ്രൗൺഷുഗറും രണ്ടേകാൽ കിലോഗ്രാം കഞ്ചാവും പിടികൂടിയത്. 81 പായ്ക്കറ്റുകളിലായിട്ടാണ് ബ്രൗൺഷുഗർ സൂക്ഷിച്ചിരുന്നത്. ഒരു ഗ്രാം ബ്രൗൺ ഷുഗർ 2500 മുതൽ 3000 വരെ രൂപയ്ക്കാണ് വിറ്റിരുന്നതെന്ന് പോലീസ് പറഞ്ഞു. രഹസ്യവിവരത്തെ തുടർന്ന് എസ്ഐ എം.അനിലിന്റെ നേതൃത്വത്തിൽ നടത്തിയ റെയ്ഡിലാണ് നഗരസഭ കെട്ടിടത്തിന്റെ ഓപ്പൺ ടെറസിൽ നിന്ന് ബ്രൗൺഷുഗറും കഞ്ചാവും ലഭിച്ചത്. പ്രതികളെ പിടികൂടാൻ സാധിച്ചില്ല. പോലീസ് കേസെടുത്ത് അന്വേഷണം ഊർജിതമാക്കിയിട്ടുണ്ട്. ബസ്സ്റ്റാൻഡ് പരിസരം കേന്ദ്രീകരിച്ച് വൻ ലഹരി മാഫിയയാണ് പ്രവർത്തിച്ചു വരുന്നത്. പുതിയ അധ്യയനവർഷം ആരംഭിക്കാനിരിക്കെ നഗരത്തിൽ ലഹരിമരുന്ന് മാഫിയ പിടിമുറുക്കിയിട്ടുണ്ടെന്ന സൂചനകളാണ് പുറത്തുവരുന്നത്. ക്രൈം സ്ക്വാഡുകൾ ഇല്ലാതായതോടെ ലഹരിമരുന്ന് മാഫിയയെ നിരീക്ഷിക്കാനും സംവിധാനമില്ലാതായെന്ന് പോലീസുകാർ തന്നെ ചൂണ്ടിക്കാട്ടുന്നു.
Read Moreഅന്ന് കരിക്കോട്ടക്കരയിൽ നടന്നത്; ചാക്കോയ്ക്കും മകൻ ഷാനുവിനും കീഴടങ്ങാൻ നിർദേശം കിട്ടിയത് തൊടുപുഴയിൽ നിന്ന്; സഹായം ഒരുക്കിയത് കണ്ണൂരിലെ അഭിഭാഷകൻ
ഇരിട്ടി: കോട്ടയം നട്ടാശേരിയിലെ കെവിൻ വധിക്കപ്പെട്ട കേസിലെ മുഖ്യപ്രതികൾ കരിക്കോട്ടക്കരിയിൽ കീഴങ്ങിയത് തൊടുപുഴയിൽനിന്നുള്ള നിർദേശമനുസരിച്ച്. കെവിൻ വധിക്കപ്പെട്ട കേസിൽ ഭാര്യ നീനുവിന്റെ പിതാവ് കൊല്ലം തെന്മല ഒറ്റയ്ക്കൽ സാനു ഭവനിൽ ചാക്കോ ജോൺ, മകൻ ഷാനു ചാക്കോ എന്നിവരാണ് കണ്ണൂർ ജില്ലയിലെ കരിക്കോട്ടക്കരി പോലീസ് സ്റ്റേഷനിൽ ഇന്നലെ ഉച്ചയോടെ കീഴടങ്ങിയത്. ഷാനുവും പിതാവ് ചാക്കോയും കോടതിയിൽ കീഴടങ്ങുന്നതിന് വേണ്ടി ഹൈക്കോടതിയിൽ മുൻകൂർ ജാമ്യാപേക്ഷ സമർപ്പിക്കാനിരിക്കുകയായിരുന്നു. ഇതിനായി തൊടുപുഴയിലെ ഒരു അഭിഭാഷകനെ സമീപിച്ചതായും പറയുന്നു. എന്നാൽ ജാമ്യാപേക്ഷ തള്ളാനുള്ള സാധ്യതയുണ്ടെന്ന നിയമോപദേശത്തെ തുടർന്നാണ് പോലീസ് സ്റ്റേഷനിൽ കീഴടങ്ങാൻ നിർദേശം നൽകിയത്. ഇതിനായി കണ്ണൂരിലുള്ള ഒരു അഭിഭാഷകന്റെ സഹായവും തേടി. ഇയാളുടെ നിർദേശപ്രകാരം കരിക്കോട്ടക്കരി സ്റ്റേഷനിൽ പ്രതികൾ കീഴടങ്ങുകയായിരുന്നു. പ്രതികൾ കീഴടങ്ങുന്നതിന് മുന്പ് തന്നെ കണ്ണൂരിലെ ചാനലുകളിൽ വിളിച്ച് വാർത്ത നൽകിയതും ഈ അഭിഭാഷകന്റെ നേതൃത്വത്തിൽ ആണ്. കരിക്കോട്ടക്കരിയിൽ കീഴടങ്ങിയ…
Read Moreതളിപ്പിറമ്പിൽ നിന്ന് പിടികൂടിയത് മികച്ച സാങ്കേതിക വിദ്യയിൽ നിർമിച്ച തോക്കുകൾ; കർണാടകത്തിൽ നിർമ്മിച്ച തോക്ക് വില്പന നടത്തിയിരുന്നത് കേരളത്തിൽ; തോക്ക് നിർമിച്ചു നല്കുന്നത് ചീമേനി സ്വദേശി
ചെറുപുഴ/തളിപ്പറന്പ്: പെരിങ്ങോത്ത് നിന്നു പിടികൂടിയ തോക്കുകൾ മികച്ച സാങ്കേതികവിദ്യയോടെ നിർമിച്ചവയെന്ന് അന്വേഷണ സംഘം. തളിപ്പറമ്പ് ഡിവൈഎസ്പിയുടെ നിർദേശ പ്രകാരം പെരിങ്ങോം എസ്ഐ മഹേഷ് കെ. നായർ, തളിപ്പറമ്പ് എസ്ഐ കെ. ദിനേശ്, ഡിവൈഎസ്പിയുടെ സ്ക്വാഡ് അംഗങ്ങളായ എൻ. ഗോപിനാഥ്, സുരേഷ് കക്കറ, കെ.വി. രമേശൻ എന്നിവരുടെ നേതൃത്വത്തിൽ നടത്തിയ റെയ്ഡിലാണ് തോക്കുകൾ പിടികൂടിയത്. തോക്കുകൾ പിടികൂടിയ സംഭവത്തിൽ അറസ്റ്റിലായ കോടന്നൂർ മടക്കാംപൊയിൽ സ്വദേശികളായ ടി.വി.സൈനേഷ് (24), പി. നിധിൻ (21), അന്നൂക്കാരൻ വിനീഷ് (30), അന്നൂക്കാരൻ ഗോവിന്ദൻ (61), അരവഞ്ചാലിലെ പി.രമേശൻ (46) എന്നിവരെ ഇന്നു കോടതിയിൽ ഹാജരാക്കും. പെരിങ്ങോം പോലീസ് സ്റ്റേഷൻ പരിധിയിലെ ഓലയമ്പാടിക്ക് സമീപം കോടന്നൂർ, കാഞ്ഞിരപ്പൊയിൽ കോട്ടോൽ, കടംകുന്നിന്റെ വിവിധ ഭാഗങ്ങൾ, ചീമേനി വെളിച്ചംതോട്, പ്ലാന്റേഷൻ ഏരിയാ എന്നിവിടങ്ങളിലൊക്കെ ലൈസൻസില്ലാതെ തോക്കുകൾ സൂക്ഷിക്കുന്നുവെന്ന് പരാതി ഉയർന്നിരുന്നു. മാസങ്ങൾക്ക് മുൻപ് കാട്ടുപന്നിയെ വെടിവയ്ക്കുന്നതിനിടയിൽ അരവഞ്ചാലിന്…
Read Moreട്രെയിനുള്ളില് യുവതിയെ തീ കൊളുത്തി കൊലപ്പെടുത്തിയ കേസ്! പ്രതിക്കു ജീവപര്യന്തം; 2014 ഒക്ടോബര് 20 ന് പുലര്ച്ചെ 4.30 നാണു കേസിനാസ്പദമായ സംഭവം
തലശേരി: കണ്ണൂര് റെയില്വെ സ്റ്റേഷനില് നിര്ത്തിയിട്ട ട്രെയിനുള്ളിൽ വച്ചു യുവതിയെ ദേഹത്തു പെട്രോൾ ഒഴിച്ചു തീ കൊളുത്തിയ കേസിൽ പ്രതിക്കു ജീവപര്യന്തവും ഒരുലക്ഷം രൂപ പിഴയും. പിഴയടച്ചില്ലെങ്കിൽ ഒരുവർഷം തടവു കൂടി അനുവദിക്കണം. കോഴിക്കോട് സ്വദേശിനിയായ പാത്തു(35) കൊല്ലപ്പെട്ട കേസിലാണു തമിഴ്നാട് സ്വദേശി സുരേഷ് കണ്ണനെ (29) അഡീഷണല് ജില്ലാ സെഷന്സ് ജഡ്ജ് പി.എന് വിനോദ് ജീവപര്യന്തം ശിക്ഷിച്ചത്. ഒരുലക്ഷം രൂപ പിഴ അടയ്ക്കുകയാണെങ്കിൽ പിഴ സംഖ്യ കൊല്ലപ്പെട്ട പാത്തുവിന്റെ മകനും കേസിലെ രണ്ടാം സാക്ഷിയുമായ കുട്ടിക്കു നൽകാനും കോടതി വിധിന്യായത്തിൽ പറഞ്ഞു. ഇന്ത്യൻ റെയിൽവേ ആക്ട് 151 പ്രകാരം ഒരു വർഷം തടവിനും കോടതി പ്രതിയെ ശിക്ഷിച്ചിട്ടുണ്ട്. ശിക്ഷ ഒന്നിച്ചനുഭവിച്ചാൽ മതി. ട്രെയിനിലുണ്ടായ ഷോര്ട്ട് സര്ക്യൂട്ടിനെ തുര്ന്നുള്ള തീ പിടുത്തത്തിലാണു പാത്തു പൊള്ളലേറ്റു മരിച്ചതെന്നും റെയില്വേയുടെ അനാസ്ഥ കാരണമുണ്ടായ അപകടം മറച്ചുവയ്ക്കാനാണു കേസില് നിരപരാധിയെ പ്രതിയാക്കിയതെന്നും…
Read Moreമോഷ്ടിച്ച ലോട്ടറി വിറ്റത് വിനയായി! തളിപ്പറമ്പിലെ കവര്ച്ചയില് ഇതരസംസ്ഥാന തൊഴിലാളി അറസ്റ്റില്; സച്ചിന് കേരളത്തിലെത്തിയത് മലയാളി നഴ്സിനെ പ്രണയിച്ച് വിവാഹം കഴിച്ച്
തളിപ്പറമ്പ്: തളിപ്പറമ്പ് സബ്ട്രഷറിയില് കവര്ച്ചാശ്രമവും ലോട്ടറി സ്റ്റാളില് നിന്നു കവര്ച്ചയും നടത്തിയ മോഷ്ടാവ് അറസ്റ്റിലായി. മഹാരാഷ്ട്ര സത്താറ സ്വദേശിയും കൂട്ടുംമുഖം പന്ന്യാല് ലിസിഗിരി പള്ളിയ്ക്കു സമീപം പുളിമൂട്ടില് ഹൗസില് താമസക്കാരനുമായ സച്ചിന് ചവാന് നാത്തു(28) നെയാണ് ഇന്നു രാവിലെ ശ്രീകണ്ഠപുരത്തുവച്ചു തളിപ്പറമ്പ് ഇന്സ്പെക്ടര് എസ്എച്ച്ഒ കെ.ജെ.വിനോയി, പ്രിന്സിപ്പല് എസ്ഐ കെ.ദിനേശന് എന്നിവരുടെ നേതൃത്വത്തില് അറസ്റ്റ് ചെയ്തത്. 25 ന് രാത്രിയിലായിരുന്നു കനത്ത മഴയുടെ മറവില് കവര്ച്ച നടന്നത്. സംഭവത്തെക്കുറിച്ചു പോലീസ് പറയുന്നത് ഇങ്ങനെ; മഹാരാഷ്ട്രയില് ജോലിചെയ്തിരുന്ന പന്ന്യാലിലെ മലയാളി നഴ്സിനെ പ്രണയവിവാഹം ചെയ്ത് ഒന്പതു വര്ഷം മുമ്പാണു സച്ചിന് കേരളത്തിലെത്തിയത്. ഈ ബന്ധത്തില് മൂന്നു മക്കളുമുണ്ട്. നിര്മാണ തൊഴിലാളിയായ സച്ചിന് അമിതമായി മദ്യപിക്കുന്നയാളായതിനാല് സാമ്പത്തികമായി കടുത്ത ബുദ്ധിമുട്ടിയായി. ഭാര്യയുടെ പ്രസവസമയത്ത് ഒരാളില് നിന്നും കടമായി വാങ്ങിയ 9,000 രൂപ കൊടുക്കാന് പ്രയാസപ്പെടുന്നതിനിടയില് മകന് സൈക്കിളിനും കൂടി ആവശ്യപ്പെട്ടതോടെ…
Read Moreമംഗളൂരുവിൽ നിന്ന് വാഹനങ്ങൾ കവർന്ന കേസിൽ പിടിയിലായ യുവാക്കൾ ലക്ഷങ്ങളുടെ വാഹനങ്ങൾ വിറ്റത് ചുളുവിലയ്ക്ക്; രണ്ടര ലക്ഷത്തിന്റെ ബൈക്ക് വിറ്റത്ത് വെറും നാൽപതിനായിരം രൂപയ്ക്ക്
ശ്രീകണ്ഠപുരം: മംഗളൂരുവിൽ നിന്ന് വാഹനങ്ങൾ കവർന്ന കേസിൽ പിടിയിലായ പയ്യാവൂർ, പുലിക്കുരുമ്പ സ്വദേശികൾ ലക്ഷങ്ങളുടെ വാഹനങ്ങൾ വില്പന നടത്തിയത് നാമമാത്ര വിലയ്ക്കെന്ന് അന്വേഷണ സംഘം. കാസർഗോഡ് ഷോറൂമിൽ നിന്ന് കവർന്ന രണ്ടര ലക്ഷത്തോളം രൂപ വിലവരുന്ന ആഡംബര ബൈക്ക് ‘ഡ്യൂക്ക് ‘ കാവുമ്പായി സ്വദേശിയായ യുവാവിന് സംഘം വിറ്റത് 40,000 രൂപയ്ക്കാണ്. ആദ്യം 20,000 രൂപ അഡ്വാൻസ് വാങ്ങിയ ഇവർ ആർസിയും താക്കോലും കൈമാറുമ്പോൾ ബാക്കി തുക തന്നാൽ മതിയെന്ന് അറിയിച്ചതായി പറയുന്നു. എന്നാൽ കവർച്ചാ സംഘം പിടിയിലായതായി അറിഞ്ഞതോടെ ഇന്നലെ രാവിലെ ബൈക്ക് ഗുഡ്സ് ഓട്ടോയിൽ ശ്രീകണ്ഠപുരം പോലീസ് സ്റ്റേഷനിലെത്തിച്ചിട്ടുണ്ട്. ഇയാളെ പോലീസ് ചോദ്യം ചെയ്ത് ശേഷം വിട്ടയച്ചു. ബൈക്ക് ഉടൻ മംഗളൂരു പോലീസിന് കൈമാറും. കവർച്ച ചെയ്യുന്ന വാഹനങ്ങളുടെ നമ്പർ പ്ലേറ്റ് ഒഴിവാക്കി ‘ന്യൂ രജിസ്റ്റേർഡ് ‘ എന്ന് സ്റ്റിക്കർ പതിക്കുകയാണ് ചെയ്യുന്നത്. ഇക്കാരണത്താൽ…
Read Moreആഴ്ചകളായി റേഷനില്ല; ആദിവാസികൾ പട്ടിണിയിൽ; വിളിക്കുമ്പോളൊക്കെ ഉടൻ അയയ്ക്കുമെന്നാണ് ഉദ്യോഗസ്ഥർ പറയുന്നതെന്ന് വ്യാപാരികൾ
കേളകം: റേഷൻ ലഭിക്കാത്തതിനാൽ റേഷൻ മാത്രം ആശ്രയിച്ചു ജീവിക്കുന്ന മലയോരത്തെ ആദിവാസികൾ മുഴുപട്ടിണിയിൽ. ഇ-പോസ് മെഷീൻ മുഖേന റേഷൻ വിതരണം ആരംഭിച്ചെങ്കിലും ബിപിഎൽ, ആദിവാസി വിഭാഗങ്ങൾക്ക് ആഴ്ചകളായി റേഷൻ മുടങ്ങിയിരിക്കുകയാണ്. ഇരിട്ടി താലൂക്ക് സപ്ലെ ഓഫീസിൽ നിന്നാണു മലയോരത്തെ റേഷൻ കടകളിൽ അരിയെത്തുന്നത്. ഈ മാസം ആദ്യം തന്നെ അരി വിഹിതത്തിനുള്ള കാഷ് ബാങ്ക് മുഖേന അടച്ചെന്നും താലൂക്ക് ഓഫീസുമായി ബന്ധപ്പെടുമ്പോൾ ഉടൻ അയ്ക്കാമെന്ന മറുപടിയാണു ലഭിക്കുന്നതെന്നുമാണു റേഷൻ വ്യാപാരികൾ പറയുന്നത്. നിത്യേന തൊഴിലിനു പോകാൻ കഴിയാത്ത രോഗികളായവരും വൃദ്ധരായവരുമാണ് ഏറെ ദുരിതമനുഭവിക്കുന്നത്.
Read More