കരുവാരക്കുണ്ട്: ഗൃഹപ്രവേശനത്തിന് ഒരുങ്ങുന്നതിനിടെ വീട് തീവച്ച് നശിപ്പിച്ചു. തുവ്വൂർ പായിപ്പുല്ല് ആമക്കാട് പാന്പ്രീ കളത്തിൽ സുന്ദരന്റെ വീടാണ് കഴിഞ്ഞദിവസം പുലർച്ചെ സാമൂഹികവിരുദ്ധർ തീവച്ച് നശിപ്പിച്ചത്. ബ്ലോക്ക് പഞ്ചായത്ത് അനുവദിച്ച വീടാണിത്. വീടിന്റെ മേൽക്കുരയുടെ ഭാഗമാണ് കത്തിനശിച്ചത്. വൈദ്യുതി വയറിംഗ് സംവിധാനവും കത്തി നശിച്ചിട്ടുണ്ട്. കരുവാരക്കുണ്ട് പോലീസ് കേസെടുത്ത് അന്വേഷണം ആരംഭിച്ചു. മലപ്പുറത്തു നിന്നുള്ള ഡോഗ് സ്ക്വാഡും, തൃശൂരിൽ നിന്നുള്ള വിരലടയാള വിദഗ്ധരും സ്ഥലം സന്ദർശിച്ച് തെളിവ് ശേഖരിച്ചു. എസ്സി വിഭാഗത്തിൽപ്പെട്ട സുന്ദരൻ കൂലിവേല ചെയ്താണ് ജീവിക്കുന്നത്.
Read Moreകൊടും ക്രൂരത..! ഗൃഹപ്രവേശനത്തിന് ഒരുങ്ങുന്നതിനിടെ സാമഹ്യവിരുദ്ധർ വീട് തീവച്ച് നശിപ്പിച്ചു; ഒരു വീടെന്ന സുന്ദരന്റെ സ്വപ്നമാണ് ഇതോടെ ഇല്ലാതായത്
