ഇനി പോലീസ് സ്റ്റേഷനിൽ ഇ​ടി​മു​റി​യി​ല്ല; പകരം അത്യാധുനിക സംവിധാനങ്ങളോടൂ കൂടി ഇ-​മു​റി; പോ​ലീ​സ് ദേ​ഹോ​പ​ദ്ര​വ​മേ​ൽ​പി​ച്ചു​വെ​ന്ന ആ​രോ​പ​ണം ഇതോടെ ഇല്ലാതാകും

ക​ണ്ണൂ​ർ: ജി​ല്ലാ പോ​ലീ​സി​ന്‍റെ ശാ​സ്ത്രീ​യ ചോ​ദ്യം ചെ​യ്യ​ൽ മു​റി​യു​ടെ ഉ​ദ്ഘാ​ട​നം  ക​ണ്ണൂ​ർ റേ​ഞ്ച് ഐ​ജി മ​ഹി​പാ​ൽ യാ​ദ​വ് നി​ർ​വ​ഹി​ച്ചു.    ജി​ല്ലാ പോ​ലീ​സ് സ​മു​ച്ച​യ​ത്തി​ലെ ഒ​ന്നാം നി​ല​യി​ലെ ര​ണ്ട് മു​റി​ക​ളി​ലാ​ണ്  ഇ-​മു​റി സം​വി​ധാ​നം ഒ​രു​ക്കി​യി​രി​ക്കു​ന്ന​ത്. ഇ​തോ​ടെ ഈ ​സം​വി​ധാ​ന​മു​ള്ള സം​സ്ഥാ​ന​ത്തെ ഏ​ഴാ​മ​ത്തെ ജി​ല്ല​യാ​യി ക​ണ്ണൂ​ർ മാ​റി. ചോ​ദ്യം ചെ​യ്യ​ൽ ന​ട​പ​ടി​ക​ൾ ഓ​ഡി​യോ​യി​ലും വീ​ഡി​യോ​യി​ലും റെ​ക്കോ​ർ​ഡ് ചെ​യ്യും.

കു​റ്റാ​രോ​പി​ത​നാ​യ വ്യ​ക്തി​യു​ടെ ശ​ബ്ദ​വും ദൃ​ശ്യ​വും മു​ഖ​ഭാ​വ​ങ്ങ​ളും വി​വി​ധ ഇ​ല​ക്ട്രോ​ണി​ക് സം​വി​ധാ​ന​ങ്ങ​ളു​ടെ സ​ഹാ​യ​ത്തോ​ടെ വ്യ​ക്ത​മാ​യി റെ​ക്കോ​ർ​ഡ് ചെ​യ്ത് കോ​ട​തി മു​ന്പാ​കെ വ്യ​ക്ത​മാ​യ തെ​ളി​വു​ക​ൾ ഹാ​ജ​രാ​ക്കാ​ൻ ഇ​തി​ലൂ​ടെ സാ​ധി​ക്കും. ഇ​തു​മൂ​ലം പോ​ലീ​സ് ദേ​ഹോ​പ​ദ്ര​വ​മേ​ൽ​പി​ച്ചു​വെ​ന്ന ആ​രോ​പ​ണം ഇ​ല്ലാ​താ​വും.

മൂ​ന്നാം​മു​റ ഉ​പ​യോ​ഗി​ച്ച് ചോ​ദ്യം ചെ​യ്യു​ന്നു​വെ​ന്ന പ​രാ​തി ഇ​ല്ലാ​താ​ക്കു​ക​യും വി​ക​സി​ത രാ​ജ്യ​ങ്ങ​ളി​ലെ പോ​ലീ​സി​ന് സ​മാ​ന​മാ​യി ശാ​സ്ത്രീ​യ​മാ​യ കു​റ്റാ​ന്വേ​ഷ​ണം ന​ട​പ്പി​ൽ വ​രു​ത്തു​ക​യെ​ന്ന​തു​മാ​ണ് ഈ ​പ​ദ്ധ​തി​യി​ലൂ​ടെ ല​ക്ഷ്യം.ശീ​തീ​ക​രി​ച്ച ഇ-​മു​റി​യി​ൽ വ​യ​ർ​ല​സ് സം​വി​ധാ​ന​വും പ്ര​വ​ർ​ത്തി​പ്പി​ക്കു​ന്നു​ണ്ടെ​ന്ന​തി​നാ​ൽ 150 മീ​റ്റ​ർ ദൂ​ര​പ​രി​ധി​യി​ൽ മാ​റി നി​ന്ന് ഉ​യ​ർ​ന്ന ഉ​ദ്യോ​ഗ​സ്ഥ​ന് ആ​വ​ശ്യ​മെ​ങ്കി​ൽ വ​യ​ർ​ലെ​സി​ലൂ​ടെ ചോ​ദ്യം ചെ​യ്യ​ലി​ൽ ഇ​ട​പെ​ടാ​ൻ സാ​ധി​ക്കും.

ഇ​ത് പ്ര​തി​ക്ക് കേ​ൾ​ക്കാ​ൻ സാ​ധി​ക്കി​ല്ല. ഇ​നി​മു​ത​ൽ പോ​ലീ​സ് സ്റ്റേ​ഷ​നു​ക​ളി​ൽ ചോ​ദ്യം ചെ​യ്യ​ൽ മു​റി​ക​ൾ ഉ​ണ്ടാ​വി​ല്ല. ച​ട​ങ്ങി​ൽ ജി​ല്ലാ പോ​ലീ​സ് മേ​ധാ​വി ജി.​ശി​വ​വി​ക്രം  അ​ധ്യ​ക്ഷ​ത വ​ഹി​ച്ചു.