കൊച്ചി: ഷുഹൈബ് വധക്കേസിൽ സിബിഐ അന്വേഷണം ആവശ്യമില്ലെന്ന് ഹൈക്കോടതി. കേസിൽ സിബിഐ അന്വേഷണം ആവശ്യമില്ലെന്ന സർക്കാർ വാദം അംഗീകരിച്ചാണ് ഹൈക്കോടതി ഡിവിഷൻ ബെഞ്ച് ഉത്തരവ്. കേസ് അന്വേഷണത്തിന്റെ പ്രാഥമിക ഘട്ടത്തിലാണ് സിംഗിൾ ബെഞ്ച് സിബിഐ അന്വേഷണത്തിന് ഉത്തരവിട്ടത്. അന്വേഷണം ശരിയായ ദിശയിലല്ല നടക്കുന്നതെന്ന് അനുമാനിക്കാനുള്ളതൊന്നും ഈ ഘട്ടത്തിൽ കോടതിക്കു മുന്നിൽ ഉണ്ടായിരുന്നില്ലെന്നും ഡിവിഷൻ ബെഞ്ച് നിരീക്ഷിച്ചു. നേരത്തെ സിംഗിൾ ബെഞ്ച് ഉത്തരവ് ഡിവിഷൻ ബെഞ്ച് സ്റ്റേ ചെയ്തിരുന്നു. എന്നാൽ ഡിവിഷൻ ബെഞ്ച് വിധിക്കെതിരെ സുപ്രീം കോടതിയെ സമീപിക്കുമെന്ന് ഷുഹൈബിന്റെ ബന്ധുക്കൾ പറഞ്ഞു. കേസിൽ നീതികിട്ടുന്നതുവരെ നിയമപോരാട്ടം തുടരുമെന്നും ഷുഹൈബിന്റെ പിതാവ് അറിയിച്ചു. ഷുഹൈബ് വധക്കേസിലെ അന്വേഷണം കാര്യക്ഷമം അല്ലെന്നു ചൂണ്ടിക്കാട്ടി കഴിഞ്ഞ വർഷമാണ് ഹൈക്കോടതി സിംഗിൾ ബെഞ്ച് കേസ് അന്വേഷണം സിബിഐക്ക് വിട്ടത്. എന്നാൽ ഈ വിധിക്കെതിരെ സംസ്ഥാന സർക്കാർ ഡിവിഷൻ ബെഞ്ചിനെ സമീപിക്കുകയായിരുന്നു. പ്രാദേശിക വൈരമാണ്…
Read MoreCategory: Kochi
പാലത്തിനു മുകളിൽ യുവാവ്; ദേശീയപാതയിൽ ഗതാഗതം മുടങ്ങി; ആംബുലൻസുകളും ബസുകളും കുരുക്കിൽപ്പെട്ടു
കോതമംഗലം: ആദിവാസി യുവാവ് നേര്യമംഗലം പാലത്തിലെ ആർച്ചിന് മുകളിൽ കയറി നിലയുറപ്പിച്ചത് ദേശീയപാതയിൽ മണിക്കൂറുകളോളം ഗതാഗതതടസത്തിനിടയാക്കി. ഇന്നലെ ഉച്ചകഴിഞ്ഞ് മൂന്നോടെയായിരുന്നു സംഭവം. നേര്യമംഗലം അഞ്ചാംമൈൽ ആദിവാസികുടിയിലെ രാജീവ് ആണ് മദ്യലഹരിയിൽ നേര്യമംഗലം പാലത്തിന്റെ ആർച്ചിന് മുകളിൽ കയറിയത്. സംഭവം ശ്രദ്ധയിൽപ്പെട്ട നാട്ടുകാർ ആത്മഹത്യാ ശ്രമമാണെന്നു കരുതി അനുനയിപ്പിച്ച് താഴെയിറക്കാൻ ശ്രമം നടത്തി. വഴങ്ങാതെവന്നതോടെ നാട്ടുകാരിൽ ചിലർ ആർച്ചിനു മുകളിൽകയറി യുവാവിനെ വടം ഉപയോഗിച്ചു പാലത്തിൽ ബന്ധിച്ചു. കോതമംഗലത്തുനിന്നെത്തിയ അഗ്നിരക്ഷാ സേനാംഗങ്ങളും ഊന്നുകൽ പോലീസും ചേർന്നു രണ്ടു മണിക്കൂറോളം നീണ്ട പരിശ്രമങ്ങൾക്കൊടുവിലാണ് ഇയാളെ താഴെയിറക്കാനായത്. വടവും വലയും ഉപയോഗിച്ചു പരിക്കുകളില്ലാതെ താഴെയെത്തിച്ച രാജീവിനെ പിന്നീടു ബന്ധുക്കൾക്കൊപ്പം ആശുപത്രിയിലേക്കയച്ചു. ഇരുപതടിയോളം ഉയരത്തിലുള്ള ആർച്ചിന് മുകളിൽ കയറിയത് എങ്ങനെയെന്ന് ഓർമയില്ലെന്നാണ് മദ്യലഹരിയിലായിരുന്ന ഇയാൾ പറഞ്ഞത്. സംഭവമറിഞ്ഞു വൻജനാവലി പാലത്തിൽ തടിച്ചുകൂടിതോടെയാണു ദേശീയപാതയിൽ ഗതാഗതം തടസപ്പെട്ടത്. ആംബുലൻസുകളും ബസുകളും കുരുക്കിൽപ്പെട്ടു. ആംബുലൻസിനു കടന്നുപോകാൻ…
Read Moreട്രോളിംഗ് നിരോധനം കഴിഞ്ഞ് ആദ്യദിനം! ബോട്ടുകൾ തീരമണഞ്ഞതു കാര്യമായ മീനില്ലാതെ; കിട്ടിയതു കിളിമീൻ
വൈപ്പിൻ: ട്രോളിംഗ് നിരോധനം അവസാനിച്ചതിനെത്തുടർന്ന് ഇന്നലെ പുലർച്ചെ കടലിലേക്ക് പോയ ബോട്ടുകളിൽ ചിലത് രാത്രിയോടെ കിളിമീനുമായി ഹാർബറുകളിൽ തിരിച്ചെത്തി. മുനന്പം ഹാർബറിൽ പത്തും കാളമുക്ക് മുരുക്കുംപാടം മേഖലയിൽ അഞ്ച് ബോട്ടുകളുമാണ് തിരിച്ചെത്തിയത്. പ്രതീക്ഷിച്ച രീതിയിൽ ബോട്ടുകൾ ഒന്നുംതന്നെ വൈകുന്നേരത്തിനു മുന്പായി തിരിച്ചെത്തിയില്ല. ഒരു വല വലിച്ചു കഴിഞ്ഞപ്പോൾ എൻജിൻ തകരാർ കണ്ടെത്തിയതിനെത്തുടർന്ന് ഇന്നലെ ഉച്ചയോടെ കാളമുക്ക് ഹാർബറിൽ തിരികെ എത്തിയ ഒരു ബോട്ടിനു നിസാരതോതിൽ കിളിമീൻ ലഭിച്ചിരുന്നു. ഇതൊഴിച്ചാൽ ഇന്നലെ വൈകുന്നേരം ഹാർബറുകളിൽ മറ്റൊരു കച്ചവടവും നടന്നില്ല. കടലിൽ മത്സ്യത്തിന്റെ സാന്നിധ്യം കുറവാണെന്നാണ് തൊഴിലാളികൾ പറയുന്നത്. മഴ കുറഞ്ഞതാണ് മത്സ്യത്തിന്റെ സാന്നിധ്യം ഇല്ലാതെ വന്നിരിക്കുന്നതെന്നും ഇവർ വ്യക്തമാക്കി. ഇന്നലെ രാത്രി എത്തിയ ബോട്ടുകളിലെ മത്സ്യങ്ങൾ ഇന്ന് രാവിലെ വിൽപന നടത്തും. ഇന്നും നാളെയുമായി കൂടുതൽ ബോട്ടുകൾ തീരമണയുമെന്ന പ്രതീക്ഷയിലാണ് കച്ചവടക്കാർ.
Read Moreനഗരത്തിൽ അക്രമങ്ങൾ വർധിക്കുന്നു; അക്രമ സംഭവങ്ങളിൽ തെളിവുണ്ടായിട്ടും നിഷ്ക്രിയരായി പോലീസ്
കളമശേരി: നഗരത്തിൽ ഒന്നിന് പുറകെ ഒന്നായി അക്രമ സംഭവങ്ങൾ അരങ്ങേറിയിട്ടും പോലീസ് നിഷ്ക്രിയമെന്ന് വ്യാപകമായ പരാതി. പെട്രോൾ പമ്പിലെ ജീവനക്കാരനെ ഒരു സംഘമാളുകൾ മർദ്ദിച്ചതാണ് ഏറ്റവും പുതിയ സംഭവം. ഈ കേസിലും ഒരാളെപ്പോലും പോലീസ് അറസ്റ്റ് ചെയ്തിട്ടില്ല.ദേശീയ പാതയോരത്ത് ഭാരത് പെട്രോളിയത്തിന്റെ പെട്രോൾ പമ്പിൽ നാലംഗ ഗുണ്ടാ സംഘം അക്രമം നടത്തി രണ്ട് ദിവസമായിട്ടും ഒരാളെപ്പോലും പോലീസ് പിടികൂടിയിട്ടില്ല. രണ്ട് തവണ സംഘമായെത്തി ജീവനക്കാരൻ സജിയെ ആക്രമിച്ചിട്ടും ഒത്തുതീർപ്പ് ഫോർമുലയാണ് പോലീസ് ഇപ്പോഴും ശ്രമിക്കുന്നതെന്നും ആക്ഷേപമുണ്ട്. പെട്രോൾ കുപ്പിയിൽ കൊടുത്തില്ലെന്ന പേരിലാണ് ഏലൂർ സ്വദേശികളായവർ ചൊവ്വാഴ്ച രാത്രി വീണ്ടുമെത്തി ജീവനക്കാരനെ മർദിച്ചത്. അക്രമങ്ങൾകൊണ്ട് വലഞ്ഞ വ്യാപാരികൾ നിരീക്ഷണ കാമറകൾ വച്ചിട്ടുള്ളതിനാൽ പല സംഭവങ്ങളുടേയും സിസി ടിവി ദൃശ്യങ്ങൾ പോലീസിന് ലഭിച്ചിട്ടുണ്ട്. എന്നാൽ അത് നശിപ്പിച്ച് കളയാനാണ് പോലീസ് ഉദ്യോഗസ്ഥർ നീക്കം നടത്തുന്നതെന്ന് ആരോപണമുണ്ട്. പതിവുപോലെ അധ്യയന വർഷാരംഭത്തിൽ…
Read Moreമഴയും കാറ്റും കോളും ഒഴിഞ്ഞു നിന്നു; ബോട്ടുകൾ കൂട്ടത്തോടെ തീരം വിട്ടു ; തിരിച്ചുവരവ് കാത്ത് ഹാർബറുകൾ
വൈപ്പിൻ: ട്രോളിംഗ് നിരോധനത്തെ തുടർന്ന് 52 ദിവസം കരയിൽ വിശ്രമിച്ച മത്സ്യബന്ധന ബോട്ടുകൾ ഇന്ന് പുലർച്ചെ 12 നുശേഷം കൂട്ടമായി കടലിലേക്ക് തിരിച്ചു. തെളിഞ്ഞ കാലാവസ്ഥയായിരുന്നതിനാൽ അഴിമുഖം കടന്ന് കിട്ടാൻ ബോട്ടുകൾക്ക് പാടുപെടേണ്ടി വന്നില്ല. സാധാരണ മഴയും കാറ്റും കോളും ഈ ദിവസങ്ങളിൽ ഉണ്ടാകാറുണ്ട്. അങ്ങിനെ വരുന്പോൾ പല ബോട്ടുകളും നേരം പുലർന്നേ കടലിലേക്ക് പോകാറുള്ളു. ഇനി വല നിറയെ മത്സ്യവുമായുള്ള ബോട്ടുകളുടെ തിരിച്ചു വരവ് പ്രതീക്ഷിച്ച് ഹാർബറുകളിൽ കച്ചവടക്കാരും തരകൻമാരും കാത്തിരിപ്പ് തുടങ്ങി. ആദ്യമാദ്യം എത്തുന്ന ബോട്ടുകളിലെ മത്സ്യത്തിനു നല്ല വില ലഭിക്കുമെന്നതിനാൽ ആദ്യവലയിൽ നല്ലപോലെ മത്സ്യം ലഭിച്ച ബോട്ടുകൾ ഇന്ന് വൈകുന്നേരത്തോടെ ഹാർബറുകളിൽ എത്തിച്ചേരുമെന്നാണ് പ്രതീക്ഷിക്കുന്നത്. കിളിമീനായിരിക്കും സാധാരണ ട്രോളിംഗ് നിരോധനം കഴിഞ്ഞാൽ ബോട്ടുകൾക്ക് വല നിറയെ ലഭിക്കുന്നത്. പള്ളിപ്പുറം, തോപ്പുംപടി, മുരുക്കുംപാടം കായലുകളിൽ തന്പടിച്ച് സജ്ജമായി കിടന്നിരുന്ന ആയിരത്തിൽ പരം ബോട്ടുകളാണ് ചാകരതേടി…
Read Moreകൊച്ചി മെട്രോ പരീക്ഷണ ഓട്ടം തുടരും; കൂടുതൽ വേഗത്തിൽ തൈക്കൂടത്തെത്തും; ഒന്നാംഘട്ട നിർമാണം അതിന്റെ അവസാനഭാഗത്തേക്ക്
കൊച്ചി: കൊച്ചി മെട്രോയുടെ മഹാരാജാസ് സ്റ്റേഡിയം സ്റ്റേഷൻ മുതൽ തൈക്കൂടം സ്റ്റേഷൻ വരെയുള്ള 5.75 കിലോമീറ്റർ പരീക്ഷണ ഓട്ടം വരും ദിവസങ്ങളിലും തുടരും. വിവിധ ഘട്ടങ്ങളിൽ കൂടുതൽ വേഗത്തിലാകും പരീക്ഷണ ഓട്ടം നടത്തുക. 40 കിലോമീറ്ററാണ് മെട്രോയുടെ ശരാശരി വേഗത. പരീക്ഷണ ഓട്ടത്തിനിടെ ഇതിലും വേഗത്തിൽ മെട്രോ തൈക്കൂടത്തെത്തും. രണ്ട് റൗണ്ട് പരീക്ഷണ ഓട്ടമാണ് ഇന്നലെ നടത്തിയത്. ഇതുരണ്ടും വിജയകരമായിരുന്നുവെന്നു കൊച്ചി മെട്രോ റെയിൽ ലിമിറ്റഡ് (കെഎംആർഎൽ) അധികൃതർ പറഞ്ഞു. ഇന്നലെ രാവിലെ 6.55ന് മഹാരാജാസ് സ്റ്റേഡിയം സ്റ്റേഷനിൽനിന്നാണ് ആദ്യഘട്ട പരീക്ഷണ ഓട്ടം ആരംഭിച്ചത്. അഞ്ചു കിലോമീറ്റർ മാത്രം വേഗതയിൽ സഞ്ചരിച്ച് 8.21ന് തൈക്കൂടം മെട്രോ സ്റ്റേഷനിൽ എത്തിച്ചേർന്നു. ഇവിടെനിന്നു തിരികെ 8.45ന് എളംകുളം സ്റ്റേഷൻവരെയായിരുന്നു ആദ്യ റൗണ്ട് പരീക്ഷണ ഓട്ടം. രണ്ടാംഘട്ടമായി 11.46ന് എളംകുളം സ്റ്റേഷനിൽനിന്ന് ആരംഭിച്ച യാത്ര 12.40ന് തൈക്കൂടം സ്റ്റേഷനിലെത്തി. അവിടെനിന്ന് ഇതേ…
Read Moreശിക്ഷ കഴിഞ്ഞ് പുറത്തിറങ്ങിയതിന്റെ മൂന്നാം നാൾ മോഷണക്കേസിൽ വീണ്ടും അകത്തായി; ബിജു ജോസഫിന്റെ മോഷണ രീതിയിങ്ങനെ…
കൊച്ചി: മൂന്നുദിവസം മുന്പുമാത്രം ശിക്ഷ കഴിഞ്ഞു ജയിലിൽനിന്നിറങ്ങിയയാൾ മോഷണക്കേസിൽ വീണ്ടും റിമാൻഡിൽ. എറണാകുളം മുണ്ടംവേലി വലിയവീട്ടിൽ ബിജു ജോസഫിനെ(43) ആണ് കോടതിയിൽ ഹാജരാക്കി റിമാൻഡ് ചെയ്തത്. പട്ടാപ്പകൽ ഹൈക്കോർട്ട് ജംഗ്ഷനിൽ ഫോണ് ചെയ്തുകൊണ്ടിരുന്ന യുവാവിന്റെ ഫോണ് തട്ടിപ്പറിച്ച സംഭവത്തിൽ സെൻട്രൽ പോലീസാണ് ഇയാളെ പിടികൂടിയത്. ഹൈക്കോർട്ട് ജംഗ്ഷനിൽ ഫോണ് ചെയ്തുകൊണ്ടിരുന്ന തമിഴ്നാട് സ്വദേശിയായ യുവാവിന്റെ ഫോണാണ് പ്രതി തട്ടിപ്പറിച്ചത്. തടയാൻ ശ്രമിച്ച യുവാവിനെ പ്രതി മർദിക്കുകയും ഭീഷണിപ്പെടുത്തുകയും ചെയ്തു. സംഭവം കണ്ടുനിന്ന ആളുകൾ പ്രതിയെ പിടിക്കാൻ ശ്രമിച്ചപ്പോൾ ഇയാൾ ഓടി സമീപത്തെ ബഹുനില കെട്ടിടത്തിൽ കയറി ഒളിക്കുകയായിരുന്നു. സംഭവമറിഞ്ഞ് സ്ഥലത്തെത്തിയ പോലീസ് കെട്ടിടത്തിൽ നടത്തിയ തെരച്ചിലിൽ സണ്ഷേഡിൽ ഒളിച്ചിരിക്കുകയായിരുന്ന പ്രതിയെ സാഹസികമായി കീഴ്പ്പെടുത്തുകയായിരുന്നു. എറണാകുളം അസിസ്റ്റന്റ് കമ്മീഷണർ കെ. ലാൽജിയുടെ നേതൃത്വത്തിൽ സെൻട്രൽ സ്റ്റേഷൻ സിഐ എസ്. വിജയശങ്കർ, എസ്ഐമാരായ സുനുമോൻ, എം.സി. മധു, സീനിയർ സിപിഒമാരായ…
Read Moreതാത്കാലികമായി ഉപയോഗിക്കാൻ വാങ്ങിയ വാഹനം വ്യാജ ആർസി നിർമിച്ചു മറിച്ചുവിറ്റു; ബിടെക് യുവാവ് പിടിയിൽ
പെരുമ്പാവൂർ: വ്യാജ ആർസി നിർമിച്ചു ലക്ഷങ്ങൾ തട്ടിയ യുവാവ് പോലീസ് പിടിയിൽ. കൊടികുത്തുമല സ്വദേശി കക്കാട്ടിൽ അസ്ഗർ(30) ആണ് പെരുമ്പാവൂർ പോലീസിന്റെ പിടിയിലായത്. ആലുവ സ്വദേശിയിൽനിന്ന് താത്കാലികമായി ഉപയോഗിക്കാൻ വാങ്ങിയ ഇന്നോവ കാറിന്റെ ആർസി ബുക്ക് വ്യാജമായി നിർമിച്ച് ഇരുമലപ്പടി സ്വദേശിക്കു വില്പന നടത്തി ലക്ഷങ്ങൾ തട്ടിയെന്നാണ് കേസ്. വാഹനം തിരികെലഭിക്കാത്തതിനെത്തുടർന്ന് ഉടമസ്ഥൻ പെരുമ്പാവൂർ പോലീസിൽ നൽകിയ പരാതിയുടെ അടിസ്ഥാനത്തിൽ നടത്തിയ അന്വേഷണത്തിലാണ് പ്രതി പിടിയിലായത്. ബി ടെക് ബിരുദധാരിയായ പ്രതി ഹോട്ടൽ ബിസിനസും നടത്തുന്നുണ്ട്. ഇയാളെക്കുറിച്ചുള്ള മറ്റു വിവരങ്ങൾ ശേഖരിച്ചുവരികയാണെന്ന് പോലീസ് പറഞ്ഞു.
Read Moreചാരായം ആവശ്യമുള്ളവർക്കായി ’പ്രാദേശികകൂട്ടായ്മ’; കർക്കിടകവാവ് പ്രമാണിച്ച് പ്രത്യേക ചേരുവകൾ ചേർത്ത് തയ്യാറാക്കിയത്; വിശേഷ ദിവസങ്ങളിൽ ഹോം ഡെലിവറിയും!
ആലപ്പുഴ: ആലപ്പുഴ എക്സൈസ് സ്പെഷൽ സ്ക്വാഡ് തോട്ടപ്പള്ളി പുറക്കാട് ഭാഗങ്ങളിൽ നടത്തിയ റെയ്ഡിൽ സ്കൂട്ടറിൽ ചാരായം കടത്തവെ പിടികൂടിയ രണ്ടു പേർ വിശേഷ ദിവസങ്ങളിലും ബാറുകൾ പ്രവർത്തിക്കാത്ത ദിവസങ്ങളിലും ആവശ്യക്കാർക്ക് ആവശ്യപ്പെടുന്ന സ്ഥലങ്ങൾ, വീടുകൾ എന്നിവിടങ്ങളിൽ ’സാധനം’ എത്തിച്ചു നൽകുന്നവർ. ചാരായം ആവശ്യമുള്ളവർക്കായി തോട്ടപ്പള്ളി ഭാഗത്ത് ’’പ്രാദേശികകൂട്ടായ്മ’’ രൂപീകരിച്ച് അംഗങ്ങൾ ആവശ്യപ്പെടുന്ന സമയത്ത് ഡോർ ടു ഡോർ ഡെലിവറി നടത്തിയാണ് ഇവർ വിൽപന നടത്തിവന്നിരുന്നത്. കഴിഞ്ഞ ദിവസം വൈകുന്നേരം വാഹനപരിശോധനയ്ക്കിടെ പുറക്കാട് ആന്ദേശ്വരം പുതുമനച്ചിറ വീട്ടിൽ അജിത്ത്(അജയകുമാർ35), ഇല്ലിച്ചിറ ദേശത്ത് രതീഷ് ഭവനം വീട്ടിൽ രഞ്ജിത്ത് (27) എന്നിവരാണ് എക്സൈസിന്റെ പിടിയിലായത്. 5 ലിറ്റർ കന്നാസ്,ഒരുലിറ്ററിന്റെ രണ്ട് പ്ലാസ്റ്റിക് കുപ്പികൾ എന്നിവയിലാണ് ചാരായം സൂക്ഷിച്ചിരുന്നത്. സ്കൂട്ടറിന്റെ സീറ്റിനടിയിലും മുൻ സൈഡിലുള്ള ഹുക്കിൽ തൂക്കിയിട്ട നിലയിലും മടിക്കുത്തിലുമാണ് ചാരായം സൂക്ഷിച്ചിരുന്നത്. അജയകുമാറും രഞ്ജിത്തും ചേർന്നാണ് ചാരായക്കച്ചവടം നടത്തിവന്നിരുന്നത്. കഴിഞ്ഞ…
Read Moreജാതിപരിപ്പിന്റെയും പത്രിയുടെയും ലഭ്യത കുറഞ്ഞു! വില കുതിച്ചുയർന്നു
കാലടി: ജാതിപരിപ്പിന്റെയും പത്രിയുടെയും ലഭ്യത കുറഞ്ഞതോടെ ജാതി ഉൽപന്നങ്ങളുടെ വില കുതിച്ചുയർന്നു. ഫ്ളവർമഞ്ഞ നിലവാരമുള്ളതിന് 2100 രൂപ വരെയും അല്ലാത്തവയ്ക്ക് 1700 രൂപയും വില കഴിഞ്ഞ ദിവസം വന്നിരുന്നു. ചുവപ്പിന് നിലവാരമുള്ളതിന് 1800 രൂപയും അല്ലാത്തവക്ക് 1600 രൂപയുമാണ് വിപണിയിലെ വില. ഇപ്പോൾ വില അൽപം താണെങ്കിലും വില ഇനിയും കൂടുമെന്നാണ് വ്യാപാരികൾ പറയുന്നത്. കയറ്റുമതി വർധിച്ചതോടെ ആവശ്യത്തിനു ജാതി പത്രി ലഭിക്കുന്നില്ല. കഴിഞ്ഞ വർഷത്തെ പ്രളയത്തെ തുടർന്ന് ജാതി മരങ്ങൾക്ക് കേടുകൾ സംഭവിച്ച് കായ്ഫലം കുറഞ്ഞതാണ് പ്രധാന കാരണം. പ്രളയത്തിൽ ദിവസങ്ങളോളം രാസമാലിന്യങ്ങൾ കലർന്ന വെള്ളത്തിൽ ജാതിത്തോട്ടങ്ങൾ മുങ്ങി കിടന്നതിനാൽ കായ്ഫലം കുറഞ്ഞു. കൂടാതെ മരങ്ങളിലെ ഇലകളും കൊഴിയുന്നുണ്ട്. മരങ്ങളിൽ ഉണ്ടാകുന്ന ജാതിക്കായകൾക്ക് വലുപ്പം കുറവാണ്. അതിനാൽ തുക്കവും കുറഞ്ഞതായി കർഷകർ പറയുന്നു. ജാതി പരിപ്പിന് 450 രൂപ വരെയും തൊണ്ടുള്ള കായക്ക് 250 രൂപയായും…
Read More