കിഴക്കമ്പലം: ഉദ്ഘാടനത്തിനു മുമ്പേ കിഴക്കന്പലത്ത് കുടിവെള്ള ടാങ്ക് ചോർന്നു. ഇതോടെ പള്ളിക്കര പള്ളിമുകൾ കോളനി നിവാസികൾക്ക് കുടിക്കാൻ വെള്ളമില്ല. ഉയർന്ന പ്രദേശമായ ഇവിടെ നൂറോളം കുടുംബങ്ങളാണുള്ളത്. വൻ പ്രതീക്ഷയോടെ കാത്തിരുന്ന കുടിവെള്ള പദ്ധതി കരാറുകാരന്റെ അനാസ്ഥയിൽ മുങ്ങിപ്പോയതോടെ ജനം വെട്ടിലായി. പഴയ ടാങ്ക് പൊളിച്ചുമാറ്റിയായിരുന്നു പുതിയ ടാങ്ക് നിർമാണം ആരംഭിച്ചിരുന്നത്. പുതിയ ടാങ്ക് പൊളിച്ചുമാറ്റിയെങ്കിലും പുനർനിർമിക്കാൻ നടപടി സ്വീകരിച്ചിട്ടില്ല. ടാങ്കിന്റെ നിർമാണം കഴിഞ്ഞ് വെള്ളം കെട്ടി നിർത്തിയപ്പോഴാണ് ചോർച്ച ശ്രദ്ധയിൽപ്പെട്ടത്. കരാറുകാരനെ കരിമ്പട്ടികയിൽ ഉൾപ്പെടുത്തണമെന്നാണ് നാട്ടുകാരുടെ ആവശ്യം. പള്ളിമുകൾ കോളനി നവീകരണത്തിന് 10 കോടി രൂപ അനുവദിച്ചിട്ടുണ്ടെന്ന് അധികൃതർ പറയുന്നുണ്ടെങ്കിലും ഇതുവരെ യാതൊരു ഗുണവും ലഭിച്ചിട്ടില്ലെന്നാണ് ആരോപണം. പദ്ധതി പ്രകാരം കുടിവെള്ള ടാങ്ക്, കമ്മ്യൂണിറ്റി ഹാൾ, ഹൈമാസ്റ്റ് ലൈറ്റ്, റോഡ് ടൈൽ വിരിക്കൽ തുടങ്ങിയ പദ്ധതികളാണ് വിഭാവനം ചെയ്തിരിക്കുന്നത്. ഇതിൽ ഒരു പദ്ധതി പോലും പൂർത്തിയാക്കുവാൻ ഇതുവരെ…
Read MoreCategory: Kochi
13 കോടി രൂപയുടെ ചരസ് കടത്ത്;കൂടുതൽപേർ നിരീക്ഷണത്തിൽ; പ്രതിയെ വിശദമായി ചോദ്യം ചെയ്യാനൊരുങ്ങി എക്സൈസ്
കൊച്ചി: അന്താരാഷ്ട്ര വിപണിയിൽ 13 കോടി രൂപ വിലവരുന്ന ചരസ് കടത്തിയ കേസിലെ പ്രതി എക്സൈസ് കസ്റ്റഡിയിൽ. പുതുവൈപ്പ് ആലുവ പറന്പിൽ വർഗീസ് ജുഡ്സ (52) നെ എറണാകുളം പ്രിൻസിപ്പൽ സെഷൻസ് കോടതി ജൂണ് ഒന്നുവരെയാണ് എക്സൈസ് കസ്റ്റഡിയിൽ വിട്ടത്. കേസിലുൾപ്പെട്ട മറ്റുള്ളവരെക്കുറിച്ചും കൊച്ചിയിൽ ഇതിന്റെ വിതരണ കേന്ദ്രങ്ങളെക്കുറിച്ചും വിവരം ലഭിക്കാൻ പ്രതിയെ കസ്റ്റഡിയിൽ ചോദ്യം ചെയ്യേണ്ടത് അനിവാര്യമാണെന്ന എക്സൈസിന്റെ വാദം പരിഗണിച്ചാണു കസ്റ്റഡി അനുവദിച്ചത്. കസ്റ്റഡിയിൽ ലഭിച്ച പ്രതിയെ വരും ദിവസങ്ങളിൽ വിശദമായി ചോദ്യം ചെയ്യും. കൂടാതെ സ്ഥലത്ത് എത്തിച്ച് തെളിവെടുപ്പ് നടത്താനുമാണ് അധികൃതർ ഉദ്ദേശിക്കുന്നത്. ഇയാളുടെ പക്കലിൽനിന്നും ലഹരി വാങ്ങുന്നവർ ഉൾപ്പെടെയുള്ളവരെ സംബന്ധിച്ച് കൂടുതൽ വിവരങ്ങൾ ലഭിക്കുന്നതിനായാണ് കൂടുതൽ ചോദ്യം ചെയ്യുക.6.524 കിലോ ചരസാണ് ഇയാളുടെ കൈയിൽനിന്നും എക്സൈസ് പിടികൂടിയിരുന്നത്. നേപ്പാളുമായി അതിർത്തി പങ്കിടുന്ന ഹിമാചൽ പ്രദേശിലെ ബിലാസ്പൂരിൽനിന്നും ചരസ് എത്തിച്ചിരുന്ന പ്രതിയെ എക്സൈസ്…
Read Moreഇത് ഞങ്ങളുടെ ശൈലി; കളമശേരിയിൽ റോഡ് ടാർ ചെയ്ത് ദിവസങ്ങൾക്കുള്ളിൽ കുത്തിപ്പൊളിച്ചു വാട്ടർ അഥോറിറ്റി
കളമശേരി: റോഡ് ടാർ ചെയ്ത് 15 ദിവസം പോലും ആകും മുമ്പേ വാട്ടർ അഥോറിറ്റി കുത്തിപ്പൊളിക്കുന്നതായി പരാതി. കളമശേരി ടൗൺ ഹാളിന് പുറ കവശത്തെ റോഡാണ് ഇന്ന് രാവിലെ മുതൽ വെട്ടിപ്പൊളിക്കാൻ ആരംഭിച്ചിരിക്കുന്നത്. ഈ മേഖലയിൽ പൈപ്പിന് ലീക്ക് ഉണ്ടെന്നും അത് കണ്ടു പിടിക്കാനാണ് കുഴിച്ച് നോക്കുന്നതെന്നുമാണ് വാട്ടർ അഥോറിറ്റി അധികൃതർ പറയുന്നത്. അതേ സമയം പൊതുമരാമത്ത് വകുപ്പും വാട്ടർ അഥോറിറ്റിയും പരസ്പരം വിവരങ്ങൾ അറിയിയ്ക്കാതെ മുന്നോട്ടു പോകുന്നതിനാൽ ജനങ്ങളാണ് കഷ്ടപ്പെടുന്നതെന്നാണ് ആക്ഷേപം. വളരെ നാളുകൾക്ക് ശേഷമാണ് കളമശേരി നഗരസഭയിൽ റോഡ് ടാറിംഗ് പുന:രാരംഭിച്ചിരിക്കുന്നത്. എന്നാൽ അതിന്റെ പുതുമ മാറും മുമ്പേ കുത്തിപ്പൊളിച്ചിടുകയാണെന്നാണ് നാട്ടുകാരുടെ പരാതി.
Read Moreതിരുവനന്തപുരം വിമാനത്താവളം വഴിയുള്ള സ്വർണക്കടത്തിൽ സിബിഐ കേസെടുത്തു;പ്രധാന പ്രതികളായവർക്കെതിരേ കൊഫെപോസ ചുമത്തി
കൊച്ചി: തിരുവനന്തപുരം വിമാനത്താവളം വഴിയുള്ള സ്വര്ണക്കടത്തില് സിബിഐ കേസെടുത്തു. സിബിഐ കൊച്ചി യൂണിറ്റാണ് കേസെടുത്തത്. 11 പ്രതികൾക്കെതിരെയാണ് എഫ്ഐആർ രജിസ്റ്റർ ചെയ്തത്. കേസുമായി ബന്ധപ്പെട്ട് സിസിടിവി ദൃശ്യങ്ങൾ അടക്കമുള്ള തെളിവുകൽ സിബിഐ ശേഖരിച്ചു. കേസിൽ ഇടനിലക്കാരനായ ഇടപ്പഴിഞ്ഞി സ്വദേശി പ്രകാശ് തമ്പിയെ ബുധനാഴ്ച റവന്യൂ ഇന്റലിജൻസ് പിടികൂടിയിരുന്നു. 22 കിലോ സ്വര്ണം ഇയാള് വിദേശത്തു നിന്നും കൊണ്ടു വന്നിട്ടുണ്ടെന്ന് ഡിആർഐ പറയുന്നു. പ്രകാശാണ് മലപ്പുറം സ്വദേശി ഹക്കീമിന് സ്വർണം എത്തിക്കുന്നത്. സ്വർണം കടത്തുന്നതിനിടയിൽ പിടിയിലായ കെഎസ്ആർടിസി കണ്ടക്ടർ തിരുമല സ്വദേശി സുനിൽകുമാറിന്റെ സുഹ്യത്താണ് പ്രകാശ്. നാലുതവണ പ്രകാശ് സ്വർണം കടത്തിയിട്ടുണ്ടെന്നും കണ്ടെത്തിയിരുന്നു. സ്വർണക്കടത്തിലെ മുഖ്യ ആസൂത്രകനും പ്രതിയുമായ അഭിഭാഷകൻ ബിജു മനോഹറിന്റെയും വിഷ്ണുവിന്റെയും സഹായിയാണ്. പല തവണ ഗൾഫിൽ പോവുകയും ഇവിടെ നിന്നു സ്വർണം കേരളത്തിലേക്ക് കടത്തുകയും ചെയ്തിട്ടുണ്ട്. കേസിലെ പ്രധാന പ്രതികളായ അഭിഭാഷകൻ ബിജു മനോഹർ,…
Read Moreകോതമംഗലം നഗരത്തിലെ മാലിന്യനീക്കം നിലച്ചിട്ടു നാലുദിവസം; മൂക്കുപൊത്തി നാട്ടുകാർ
കോതമംഗലം: നഗരത്തിലെ മാലിന്യം നീക്കം ചെയ്തിട്ടു നാലു ദിവസം പിന്നിട്ടു. തിരക്കേറിയ പ്രധാന കേന്ദ്രങ്ങളിലുൾപ്പെടെ മലിന്യക്കൂന്പാരങ്ങൾ കുമിഞ്ഞുകൂടി ദുർഗന്ധം വമിക്കുകയാണ്. നഗരത്തിലെ മാലിന്യം നീക്കം ചെയ്യാൻ ഉപയോഗിച്ചിരുന്നത് നഗരസഭയുടെ ഉടമസ്ഥതയിലുള്ള രണ്ട് ടിപ്പർ ലോറികളും ഒരു ട്രാക്ടറുമാണ്. ലോറികളിൽ ഒരെണ്ണം മാസങ്ങളായി വർക്ക്ഷോപ്പിൽ കട്ടപ്പുറത്താണ്. രണ്ടാമത്തെ ലോറിയും കഴിഞ്ഞ ശനിയാഴ്ച തകരാർമൂലം വർക്ക്ഷോപ്പിലായി. അവശേഷിക്കുന്ന ട്രാക്ടറിന്റെ ഡ്രൈവർ അവധിയുമെടുത്തതിനാലാണ് നഗരം ചീഞ്ഞു നാറുന്നത്.തിരക്കേറിയ ബസ്സ്റ്റാൻഡിലും ജംഗ്ഷനുകളിലും മാലിന്യം കെട്ടികിടക്കുകയാണ്. ശൂചീകരണവിഭാഗം ജീവനക്കാരും, കുടുബശ്രീ വിഭാഗവുമാണ് ടൗണിൽനിന്നു മാലിന്യം ശേഖരിക്കുന്നത്. ഇവ ലോറികളിലും ട്രാക്ടറിലുമായി കുന്പളത്തുമുറിയിലെ ഡന്പിംഗ് യാർഡിലെത്തിക്കുകയാണ് ചെയ്യുന്നത്. സ്വന്തം വാഹനങ്ങളുടെ അഭാവത്തിൽ മാലിന്യങ്ങൾ നീക്കുവാൻ പകരം സംവിധാനം എന്ന നിലയിൽ ഇന്നലെ ഒരു ലോറി വാടകയ്ക്കെടുത്തെങ്കിലും മാലിന്യനീക്കം കാര്യക്ഷമമായിട്ടില്ല. പകർച്ചവ്യാധികൾ പടർന്നുപിടിക്കാനുള്ള സാധ്യത നിലനിൽക്കുന്പോഴും മാലിന്യപ്രശ്നം കൈകാര്യം ചെയ്യുന്നതിൽ ബന്ധപ്പെട്ട അധികാരികൾ അനാസ്ഥ കാണിക്കുകയാണെന്ന് വ്യാപാരികൾക്കും…
Read Moreകോതമംഗലം താലൂക്ക് ആശുപത്രിയിൽ ആദിവാസി ബാലന് ചികിത്സ നിഷേധിച്ചതായി പരാതി
കോതമംഗലം: ആദിവാസി ബാലന് താലൂക്ക് ആശുപത്രിയിൽ ചികിത്സ നിഷേധിച്ചതായി പരാതി. മാമലകണ്ടം എളംബ്ലാശേരി ആദിവാസി കുടിയിലെ മോഹൻദാസിന്റെ മകൻ അനിൽ(ഒന്പത്) ആണ് കൈയിലെ പ്ലാസ്റ്റർ നീക്കം ചെയ്യാൻ മൂന്നുവട്ടം കോതമംഗലം താലൂക്ക് ആശുപത്രിയിലെത്തിയിട്ടും ചികിത്സ നൽകാതെ മടക്കിയതായി പരാതിപ്പെട്ടത്. കഴിഞ്ഞ നാലിനു മരത്തിൽനിന്നു വീണ് കൈയ്ക്ക് പരിക്കേറ്റ നിലയിൽ കുട്ടിയെ ആദ്യം കൊണ്ടുവന്നത് കോതമംഗലം താലൂക്ക് ആശുപത്രിയിലായിരുന്നു. എന്നാൽ ഡോക്ടറില്ലാത്തതിനാൽ പിന്നീട് കളമശേരി മെഡിക്കൽ കോളജ് ആശുപത്രിയിൽ കുട്ടിയെ പ്രവേശിപ്പിക്കുകയായിരുന്നു. താലൂക്ക് ആശുപത്രിയിലെ ആംബുലൻസിൽ കളമശേരി മെഡിക്കൽ കോളജ് ആശുപത്രിയിലെത്തിച്ച കുട്ടിയുടെ പരിക്കേറ്റ കൈയിൽ പ്ലാസ്റ്ററിടുകയും ചെയ്തു. തുടർചികിത്സയ്ക്കും പ്ലാസ്റ്റർ നീക്കം ചെയ്യുന്നതിനും രണ്ടാഴ്ചയ്ക്കു ശേഷം കോതമംഗലം താലൂക്ക് ആശുപത്രിയിലെത്തിയാൽ മതിയെന്നാണ് മെഡിക്കൽ കോളജിലെ ഡോക്ടർ നിർദേശിച്ചത്. ഇതനുസരിച്ചു പ്ലാസ്റ്റർ നീക്കം ചെയ്യാൻ രണ്ടു തവണ കോതമംഗലം താലൂക്ക് ആശുപത്രിയിലെത്തിയെങ്കിലും ഡോക്ടറില്ലെന്ന കാരണത്താൽ മടക്കി അയക്കുകയായിരുന്നു. ഇന്നലെ…
Read Moreകൊച്ചി ബ്രോഡ്വേയിലെ തീപിടിത്തം; പരിശോധനകൾ തുടരുമെന്ന് ഫയർഫോഴ്സ്; സുരക്ഷയെക്കുറിച്ച് പോലീസിന്റെ പ്രധാന നിർദേശങ്ങൾ ഇങ്ങനെ
കൊച്ചി: ബ്രോഡ് വേയിൽ കഴിഞ്ഞ ദിവസം തീപിടിത്തമുണ്ടായി മൂന്നു കടകൾ കത്തിനശിച്ചതിനു പിന്നാലെ പരിശോധനകൾ കർശനമായിതന്നെ തുടരുമെന്ന മുന്നറിയിപ്പുമായി ഫയർഫോഴ്സ് രംഗത്ത്. എല്ലാ സ്ഥാപനങ്ങളിലും നടത്തിവരുന്ന പരിശോധനകൾ വിട്ടുവിഴ്ചയില്ലാതെ തന്നെ നടത്തുമെന്നും പ്രത്യേക സംഘങ്ങളെതന്നെ ഇതിനായി നിയോഗിച്ചിട്ടുണ്ടെന്നും അധികൃതർ വ്യക്തമാക്കി. നഗരത്തിലെ വൻകിട കെട്ടിടങ്ങളിലടക്കം നടത്തുന്ന പരിശോധനകളാണു തുടരുമെന്ന് അധികൃതർ വ്യക്തമാക്കുന്നത്. അതിനിടെ, തീപിടിത്തത്തിന്റെ പശ്ചാത്തലത്തിൽ വ്യാപാര സ്ഥാപനങ്ങൾക്കു കർശന നിർദേശങ്ങളുമായി കൊച്ചി സിറ്റി പോലീസ് രംഗത്തെത്തി. നിലവിലെ സാഹചര്യങ്ങൾ വിലയിരുത്തിയ കമ്മീഷണർ കമ്മീഷണർ എസ്. സുരേന്ദ്രൻ സ്ഥാപനങ്ങളുടെ വൈദ്യുതി നിയന്ത്രണ സംവിധാനങ്ങളും വയറിംഗും കുറ്റമറ്റതാണെന്ന് ഉറപ്പാക്കണമെന്നു നിർദേശിച്ചു. നഗരത്തിലെ മർച്ചന്റ്സ് അസോസിയേഷൻ ഭാരവാഹികളുടെയും ഫയർ ആൻഡ് റസ്ക്യൂ ഉദ്യോഗസ്ഥരുടെയും യോഗം വിളിച്ചുചേർത്താണു അദേഹം നിർദേശം നൽകിയത്. ജില്ലാ ഫയർ ഓഫീസർ എ.എസ്. ജോജി, സ്പെഷൽ ബ്രാഞ്ച് അസിസ്റ്റന്റ് പോലീസ് കമ്മീഷണർ എസ്.ടി. സുരേഷ് കുമാർ, മർച്ചന്റ്…
Read Moreകൊച്ചിയിലെ മോഷണം! പോലീസിനെ വട്ടംകറക്കി മുത്തുശെൽവം; പിടികൂടാനാകുമെന്ന പ്രതീക്ഷയിൽ പോലീസും
കൊച്ചി: പോലീസിനെ വട്ടംകറക്കി കൊച്ചിയിലെ മോഷണത്തിനു പിന്നിലെ പ്രതി മുത്തുശെൽവം. മോഷണം നടന്ന് ദിവസങ്ങൾ പിന്നിട്ടിട്ടും പ്രതിയെ സംബന്ധിച്ച കൂടുതൽ വിവരങ്ങൾ ലഭ്യമാകാത്തതു പോലീസിനെയും വലയ്ക്കുന്നു. അന്വേഷണം ഉൗർജിതമാണെന്നും പ്രതിയെ സംബന്ധിച്ച് ചില വിവരങ്ങൾ ലഭിച്ചിട്ടുണ്ടെന്നും അധികൃതർ വ്യക്തമാക്കി. ഉൗർജിത അന്വേഷണമാണ് നടത്തിവരുന്നതെന്നും പ്രതിയെ ഉടൻ പിടികൂടാനാകുമെന്നാണു പ്രതീക്ഷയെന്നും അധികൃതർ പറയുന്നു. കൊച്ചി നഗരത്തെ ഭീതിയിലാഴ്ത്തി വിവിധയിടങ്ങളിൽ മോഷണം നടത്തിയ തമിഴ്നാട് സ്വദേശി മുത്തുശെൽവത്തെ തേടിയുള്ള അന്വേഷണമാണ് പോലീസ് ഉൗർജിതമാക്കിയിട്ടുള്ളത്. എറണാകുളം സെൻട്രൽ പോലീസിന്റെ നേതൃത്വത്തിലാണ് അന്വേഷണം. പോലീസ് ഇതിനോടകം നിരവധി സ്ഥലങ്ങളിൽ തെരച്ചിൽ നടത്തിയെങ്കിലും പ്രതിയെ പിടികൂടാനായിട്ടില്ല. എറണാകുളം ദിവാൻസ് റോഡിലെ രണ്ടു സ്ഥാപനങ്ങളിൽ മോഷണവും നാലിടത്ത് മോഷണശ്രമവും നടത്തിയതിനു പിന്നാലെ മറ്റ് രണ്ടിടങ്ങളിൽകൂടി ഇയാൾ മോഷണം നടത്തിയിരുന്നു. ഈ സ്ഥലങ്ങളിലെ സിസിടിവി ദൃശ്യങ്ങളുടെയും വിരലടയാള വിദഗ്ദരുടെയും പരിശോധനയിൽനിന്നുമാണ് മോഷണത്തിനു പിന്നിൽ മുത്തുശെൽവമാണെന്നു പോലീസ് തിരിച്ചറിഞ്ഞത്.…
Read Moreഫിഷറീസ് മന്ത്രിയുടെ പ്രഖ്യാപനവും ഫലംകണ്ടില്ല; കാളമുക്ക് ഫിഷ് ലാൻഡിംഗ് സെന്റർ ഇപ്പോഴും ചുവപ്പു നാടയിൽ
വൈപ്പിൻ: കാളമുക്ക് ഫിഷ് ലാൻഡിംഗ് സെന്റർ പ്രവർത്തനം തുടങ്ങുന്നതിനായി അടിസ്ഥാന സൗകര്യ വികസനത്തിന് അനുവദിച്ച ഫണ്ട് പ്രഖ്യാപനത്തിലൊതുങ്ങിയതായി കേരള പരന്പരാഗത മത്സ്യത്തൊഴിലാളി സമിതി. ഫിഷറീസ് വകുപ്പ് 4.85 കോടി രൂപ അനുവദിച്ചെന്ന് വകുപ്പ് മന്ത്രി പ്രഖ്യാപിച്ചതല്ലാതെ ഫണ്ട് ഇതുവരെ നടത്തിപ്പുകാരായ ഹാർബർ എൻജിനീയറിംഗ് വകുപ്പിന്റെ കൈകളിൽ എത്തിയിട്ടില്ല. ഹാർബറിലേക്കുള്ള വഴിക്കും വാഹനപാർക്കിംഗിനുമായി ഫിഷ് ലാൻഡിംഗ് സെന്ററിനോട് ചേർന്നു കിടക്കുന്ന സ്വകാര്യ വ്യക്തിയുടെ ഭൂമി ഏറ്റെടുക്കുന്നതിനായി സർവേ നടത്തുകയും ഭൂമി ഏറ്റെടുക്കൽ നടപടികൾ പൂർത്തിയാക്കുകയും ചെയ്തിട്ട് മാസങ്ങൾ പിന്നിട്ടുവത്രേ. എന്നാൽ ഇപ്പോഴും ഫണ്ട് ചുവപ്പ് നാടയിൽ കുരുങ്ങിക്കടക്കുകയാണെന്നാണ് പരന്പരാഗത മത്സ്യത്തൊഴിലാളി സമിതി പറയുന്നത്. ഭൂവുടമക്ക് പണം നൽകിയാൽ മാത്രമെ ഭൂമി ഏറ്റെടുത്ത് മറ്റു പണികൾ ആരംഭിക്കാനാകു. കൂടാതെ വള്ളങ്ങൾക്ക് സുരക്ഷിതമായി അടുക്കാൻ ലാന്റിംഗ് ജെട്ടിയുടെ ഭാഗത്ത് മണ്ണും ചെളിയും ഡ്രഡ്ജ് ചെയ്ത് മാറ്റണം. പടിഞ്ഞാറോട്ട് സംരക്ഷണ ഭിത്തിയും ഡ്രെയ്നേജ്…
Read Moreതൊണ്ടി കണ്ടോ തൊണ്ടി..! എടയാറിലെ സ്വർണക്കവർച്ച; പ്രതികളെല്ലാം പോലീസ് പിടിയിലായെങ്കിലും സ്വർണം കണ്ടെത്താനാകാതെ പോലീസ്
കൊച്ചി: എടയാറിലെ ശുദ്ധീകരണ കേന്ദ്രത്തിലേക്ക് കൊണ്ടുപോകുന്നതിനിടെ കവർച്ച ചെയ്യപ്പെട്ട 20 കിലോ സ്വർണം കണ്ടെത്താനാകാതെ പോലീസ്. കേസുമായി ബന്ധപ്പെട്ട് മുഴുവൻ പ്രതികളെയും അറസ്റ്റ് ചെയ്യാൻ കഴിഞ്ഞെങ്കിലും സ്വർണം കണ്ടെത്താനാകാത്തത് തലവേദനയായി. റിമാൻഡിൽ കഴിയുന്ന അഞ്ച് പ്രതികളെ പല ആവർത്തി ചോദ്യം ചെയ്തിട്ടും സ്വർണം എങ്ങോട്ടാണ് കൊണ്ടുപോയതെന്ന സൂചനപോലും കിട്ടിയിട്ടില്ല. ഇവരെ കൂടാതെ കുറ്റകൃത്യത്തിൽ മറ്റു സംഘങ്ങളുടെ പിന്തുണയും ഉണ്ടായിട്ടുണ്ടെന്ന് പോലീസ് കരുതുന്നു. ഇതിനായി പ്രതികളുമായി ബന്ധപ്പെട്ടവരെ ചോദ്യം ചെയ്യാനുള്ള ശ്രമത്തിലാണ് അന്വേഷണ സംഘം. മുഖ്യപ്രതി സതീഷിന്റെ അകന്ന ബന്ധുവായ ബിപിൻ സെബാസ്റ്റ്യനെ പിടികൂടാൻ പോലീസ് വ്യപകമായ തിരച്ചിൽ തുടങ്ങി. ഇയാളെ കിട്ടിയാൽ അന്വേഷണത്തിൽ വഴിത്തിരിവ് ഉണ്ടാകുമെന്നാണ് നിഗമനം. കവർച്ചയിൽ ഉൾപ്പെട്ട മുഴുവനാളുകളെയും രണ്ടാഴ്ചയ്ക്കുള്ളിൽ വലയിലാക്കിയതു നേട്ടമായെങ്കിലും തൊണ്ടി കണ്ടെടുത്താലേ അതിനു പൂർണത കൈവരൂ. അതിനാൽ ഏതുവിധേനയും സ്വർണം വീണ്ടെടുക്കാനാണു നീക്കം. പ്രതികളെ തെളിവെടുപ്പിനു കസ്റ്റഡിയിൽ കിട്ടാൻ കോടതിയിൽ…
Read More