കൊച്ചി: ഐഎസ് റിക്രൂട്ട്മെന്റിലൂടെ കൂടുതൽ മലയാളികൾ തീവ്രവാദത്തിലേക്കു കടന്നുവെന്ന എൻഐഎ നിരീക്ഷണം ശരിവയ്ക്കുന്ന തലത്തിൽ ഓരോ ദിവസവും കൂടുതൽ ആളുകളിലേക്കു അന്വേഷണം വ്യാപിക്കുന്നു. നിലവിൽ അന്പതോളം മലയാളികളും തമിഴ്നാട്ടുകാരും എൻഐഎ നിരീക്ഷണത്തിലാണ്. ഇവർ ശ്രീലങ്കയിലെ സ്ഫോടനത്തിന്റെ മുഖ്യസൂത്രധാരൻ സഹ്രാൻ ഹാഷിമിന്റെ ആരാധകരാണ്. പാലക്കാട് അറസ്റ്റിലായ റിയാസ് അബൂബക്കറിനെ പിടികൂടിയതോടെയാണ് എൻഐഎയുടെ അന്വേഷണം വ്യാപിച്ചത്. ഇയാളൊടൊപ്പം കാസർഗോഡ് സ്വദേശികളായ രണ്ടു പേരും കരുനാഗപ്പള്ളി സ്വദേശിയും അറസ്റ്റിലായിരുന്നു. ഫൈസൽ, അബ്ദുൾ അറാഫത്ത്, അബ്ദുൾ റാഷിദ് എന്നീ മൂന്ന് പേരേയാണ് അറസ്റ്റു ചെയ്തിരുന്നത്. വരും ദിവസങ്ങളിൽ കൂടുതൽ അറസ്റ്റ് ഉണ്ടാകും. പഴുതുകൾ അടച്ചുള്ള ശക്തമായ അന്വേഷണമാണ് നടന്നു വരുന്നത്. ഇതിനിടയിലാണ് വിദേശത്തുള്ള കൊല്ലം ഓച്ചിറ സ്വദേശി മുഹമ്മദ് ഫൈസലിനെ (36) എൻഐഎ വിശദമായി ചോദ്യം ചെയ്യാൻ ഒരുങ്ങുന്നത്. ദോഹയിൽനിന്നും നാട്ടിലെത്തിയ ഇയാൾ വരും ദിവസങ്ങളിൽതന്നെ എൻഐഎ സംഘത്തിന് മുന്നിൽ ഹാജരാകുമെന്നാണു ലഭിക്കുന്ന…
Read MoreCategory: Kochi
കേരളത്തിലെ മത്സ്യത്തൊഴിലാളികൾ സാന്പത്തിക ചൂഷണത്തിന് ഇരയാകുന്നുവെന്ന് പഠനം
കൊച്ചി: കേരളത്തിലെ മത്സ്യമേഖലയിലെ അനാരോഗ്യകരമായ സാമ്പത്തിക പ്രവണതകള് വ്യക്തമാക്കി കേന്ദ്ര സമുദ്ര മത്സ്യഗവേഷണ സ്ഥാപനത്തിന്റെ (സിഎംഎഫ്ആര്ഐ) പുതിയ പഠനം. മത്സ്യബന്ധനത്തിലേര്പ്പെടുന്നതിനു സ്വകാര്യ ഇടപാടുകാരില്നിന്നു വായ്പയെടുക്കുന്നതിലൂടെ മത്സ്യത്തൊഴിലാളികള് സാമ്പത്തിക ചൂഷണത്തിനു വിധേയമാകുന്നുവെന്നും വന് ബാധ്യതകള് വരുത്തിവയ്ക്കുന്നുവെന്നുമാണ് അന്താരാഷ്ട്ര ഗവേഷണ ജേര്ണലായ മറൈന് പോളിസിയില് പ്രസിദ്ധീകരിച്ച പഠനത്തിലെ കണ്ടെത്തല്. മത്സ്യഫെഡ് സൊസൈറ്റികള്, സഹകരണ-വാണിജ്യ ബാങ്കുകള്, മറ്റ് ധനകാര്യസ്ഥാപനങ്ങള് എന്നീ ഔദ്യോഗിക വായ്പാദാതാക്കള് മേഖലയില് ഉണ്ടായിരിക്കേയാണ് എളുപ്പത്തില് വായ്പ ലഭിക്കുമെന്ന കാരണത്താൽ സ്വകാര്യ പലിശയിടപാടുകാരെ മത്സ്യത്തൊഴിലാളികൾ സമീപിക്കുന്നത്. തിരിച്ചടവിനു മീന്ലഭ്യതയ്ക്ക് അനുസരിച്ച് സ്വകാര്യ ഇടപാടുകാർ സാവകാശം നൽകുന്നുമുണ്ട്. എന്നാല്, ഇതിലൂടെ 160 ശതമാനം വരെ പലിശനിരക്കില് വായ്പ തിരിച്ചടയ്ക്കേണ്ട അവസ്ഥയാണു വരുന്നത്. വായ്പയിലെ വ്യവസ്ഥപ്രകാരം കൂടുതല് മീന് ലഭിക്കുന്ന സാഹചര്യത്തില് കൂടുതല് പലിശ നല്കേണ്ട സ്ഥിതിയുമുണ്ട്. പഠനവിധേയമാക്കിയവയില് 69 ശതമാനം യാനങ്ങളും മീന്പിടിത്തത്തിനു പുറപ്പെടുന്നത് ഇങ്ങനെയാണ്. മത്സ്യമേഖലയിലെ സാമ്പത്തിക ചൂഷണം ചെറുക്കുന്നതിനു…
Read Moreപിവിഎസ് മെമ്മോറിയൽ ആശുപത്രി അടച്ചുപൂട്ടരുത്; ഇന്ത്യൻ മെഡിക്കൽ അസോസിയേഷൻ
കൊച്ചി: മാനേജ്മെന്റിന്റെ കെടുകാര്യസ്ഥതമൂലം പ്രതിസന്ധിയിലായ എറണാകുളം കലൂരിലെ പി.വി. സ്വാമി മെമ്മോറിയൽ ആശുപത്രി അടച്ചുപൂട്ടുന്നതിനുള്ള തീരുമാനം പുനപരിശോധിക്കണമെന്ന് ഇന്ത്യൻ മെഡിക്കൽ അസോസിയേഷനും യുണൈറ്റഡ് നഴ്സസ് അസോസിയേഷനും ആവശ്യപ്പെട്ടു. ആശുപത്രി അടച്ചുപൂട്ടലിനെതിരേ പിവിഎസ് ആശുപത്രിയിലെ ഡോക്ടർമാർ ഉൾപ്പെടെയുള്ള ജീവനക്കാർ സംഘടിപ്പിച്ച ധർണ ഐഎംഎ കൊച്ചി ശാഖ പ്രസിഡന്റ് ഡോ. എം.ഐ. ജുനൈദ് റഹ്മാൻ ഉദ്ഘാടനം ചെയ്തു. 20 വർഷത്തിലധികമായി ആശുപത്രിയിൽ ജോലി നോക്കിവരുന്ന നഴ്സുമാർ ഉൾപ്പെടെയുള്ള 500 ൽ പരം ജീവനക്കാർക്കു നിയമം അനുശാസിക്കുന്ന പരിരക്ഷ ലഭ്യമാക്കുന്നതിന് ഐഎംഎ പ്രതിജ്ഞാബദ്ധമാണെന്ന് സെക്രട്ടറി ഡോ. ഹനീഷ് മീരാസ പറഞ്ഞു. ഡോക്ടർമാർ ഉൾപ്പെടെയുള്ള ജീവനക്കാർക്ക് ഒരുവർഷത്തിലേറെയായി ശന്പളം ലഭിച്ചിട്ട്. ശന്പളവും കുടിശികയും മാർച്ച് 31 നകം കൊടുത്തു തീർക്കുമെന്ന് മാനേജിംഗ് ഡയറക്ടർ പി.വി. മിനി ജില്ലാകളക്ടർക്ക് രേഖാമൂലം നൽകിയ ഉറപ്പും നാളിതുവരെ പാലിച്ചിട്ടില്ലെന്ന് ആശുപത്രി മെഡിക്കൽ ഡയറക്ടർ മാത്യു ഫിലിപ്പ് പറഞ്ഞു.…
Read Moreവിനാശകാരിയായ മയക്കുമരുന്നുമായി കോഴിക്കോട്ട് കാരൻ പിടിയിൽ; കേസെടുക്കാ തിരുന്നാൽ 3 മണിക്കൂറിനുള്ളിൽ 20 ലക്ഷം നൽകാം; കേസ് എടുത്താലും തനിക്ക് ഒന്നും സംഭവിക്കില്ല, പിന്നിൽ വൻശക്തികൾ; പ്രതിയുടെ വാക്കുകേട്ട് ഞെട്ടി പോലീസും
കൊച്ചി: നിശാപാർട്ടികൾക്കായി എത്തിച്ച ലോകത്തിലെ ഏറ്റവും വിലപിടിപ്പുള്ളതും വിനാശകാരിയുമായ മയക്കുമരുന്നു മാക്സ് ജെല്ലി എക്സ്റ്റസി എന്നറിയപ്പെടുന്ന ടോപ് വേരിയന്റ് മെഥിലിൻ ഡയോക്സി മെറ്റാ ആംഫിറ്റമിനുമായി പിടിയിലായ യുവാവിന്റെ മൊഴികേട്ട് ഞെട്ടി എക്സൈസ് ഉദ്യോഗസ്ഥർ.ന്യൂജെൻ തലമുറയ്ക്ക് ഇപ്പോൾ പ്രിയം എൽഎസ്ഡി മുതൽ മുകളിലേക്കുള്ള സിന്തറ്റിക് ഡ്രഗുകളാണെന്നും കഞ്ചാവുപോലെയുള്ള കണ്ട്രി ഡ്രഗുകൾക്ക് ഇപ്പോൾ യുവാക്കൾക്കിടയിൽ ഡിമാന്റ് കുറവാണെന്നുമാണു പ്രതി വ്യക്തമാക്കിയതെന്ന് ഉദ്യോഗസ്ഥർ പറയുന്നു. കണ്ട്രി ഫെലോസ് മാത്രമാണ് ഇപ്പോൾ കഞ്ചാവു പോലെയുള്ള നിലവാരം കുറഞ്ഞ മയക്കുമരുന്നുകൾ വിൽക്കാൻ നിൽക്കുന്നത്. താൻ വർഷങ്ങളായി ഇത്തരം സിന്തറ്റിക് ഡ്രഗ്സ് മാത്രമേ ഉപയോഗിക്കാറുള്ളൂവെന്നും കേസ് എടുക്കാതിരുന്നാൽ മൂന്ന് മണിക്കൂറിനുള്ളിൽ 20 ലക്ഷം രൂപ വരെ നൽകാമെന്നും താൻ പറയുന്നത് കേൾക്കാതെ കേസ് എടുത്താലും തനിക്ക് ഒന്നും സംഭവിക്കില്ലെന്നും വൻശക്തികൾ പുറകിൽ ഉള്ളതിനാൽ നിസാരമായി ഉൗരിപോകും എന്നുമായിരുന്നു പ്രതിയുടെ ഭാഷ്യം. ഏറെക്കാലം വിദേശ രാജ്യങ്ങളിൽ ജോലി…
Read Moreജീവനക്കാരെ നിയന്ത്രിക്കേണ്ടത് ഉടമയുടെ കടമ; കല്ലട ബസിലെ മർദനക്കേസിൽ തെളിവെടുപ്പിന് ഹാജരാകാൻ ഉടമയ്ക്കും ഡ്രൈവർമാർക്കും നോട്ടീസ്
കൊച്ചി: കല്ലട ബസ് ജീവനക്കാർ യാത്രക്കാരെ മർദിച്ച സംഭവത്തിൽ ബസ് ഉടമ സുരേഷ് കല്ലടയ്ക്കും രണ്ട് ഡ്രൈവർമാർക്കും എറണാകുളം ആർടിഒ നോട്ടീസ് നൽകി. സംഭവത്തിൽ തെളിവെടുപ്പിനു ഹാജരാകണമെന്നു കാണിച്ചാണു നോട്ടീസ് നൽകിയിരിക്കുന്നത്. നോട്ടീസ് കൈപ്പറ്റി അഞ്ച് ദിവസത്തിനകം എല്ലാവരും തെളിവെടുപ്പിന് ഹാജരാകണം. ഏതാനും ദിവസംമുന്പാണ് ഇതു സംബന്ധിച്ച നോട്ടീസിൽ ആർടിഒ ഒപ്പിട്ടത്. യാത്രക്കിടയിൽ ട്രിപ്പ് നിർത്തിയ ബസിലെ ഡ്രൈവർ, പിന്നീട് യാത്രക്കാരുമായി മരടിൽ എത്തിയ ബസിന്റെ ഡ്രൈവർ എന്നിവരാണ് ഉടമ സുരേഷ് കല്ലടയ്ക്കൊപ്പം ഹാജരാകേണ്ടത്. ഇരു ബസിലെയും ഡ്രൈവർമാർ നിലവിൽ റിമാൻഡിലാണ്. ഇവരുടെ മേൽവിലാസത്തിലേക്കാണ് നോട്ടീസ് അയച്ചിട്ടുള്ളതെന്നും റിമാൻഡ് കാലാവധി കഴിഞ്ഞുമാത്രമാകും ഇരുവരും ഹാജരാകുകയെന്നും അധികൃതർ പറഞ്ഞു. നിലവിൽ കല്ലട ബസിനെതിരേ അധികൃതർ അന്വേഷണം നടത്തുന്നുണ്ട്. അന്വേഷണ റിപ്പോർട്ടിന്റെ വിവരങ്ങളുടെ അടിസ്ഥാനത്തിലും സുരേഷ് കല്ലടയുടെ മൊഴിയുടെ അടിസ്ഥാനത്തിലും ബസിന്റെ പെർമിറ്റ് റദ്ദാക്കുന്നത് ഉൾപ്പെടെയുള്ള കാര്യങ്ങളിൽ തീരുമാനമെടുക്കുമെന്നും അധികൃതർ…
Read Moreബീച്ചുകളിൽ അപകടക്കുളി പതിവാകുന്നു; ബീച്ചിൽ ലൈഫ് ഗാർഡുകൾ ഉണ്ടെങ്കിലും സേവനം പര്യാപ്തമല്ല
വൈപ്പിൻ: ചെറായി, പള്ളത്താംകുളങ്ങര ബീച്ചുകളിൽ സന്ദർശനത്തിനെത്തുന്നവർ കടലിൽ പരിധിവിട്ട് കുളിക്കുന്നത് വൻ അപകടഭീഷണി ഉയർത്തുന്നതായി പരിസരവാസികൾ ചൂണ്ടിക്കാട്ടി. മധ്യവേനലവധിക്കാലമായതിനാൽ ബീച്ചിൽ സന്ദർശകരുടെ തിരക്ക് ഏറെയാണ്. മാത്രമല്ല കാലാവസ്ഥയും അനുയോജ്യമല്ല. വൈകുന്നേരമാകുന്പോൾ വൻതിരകളാണ് ഉയരുന്നത്. ബീച്ചിൽ ലൈഫ് ഗാർഡുകൾ ഉണ്ടെങ്കിലും തിരക്കിനനുസരിച്ച് ഇവരുടെ സേവനം പര്യാപ്തമല്ല. പലപ്പോഴും വൈകുന്നേരങ്ങളിൽ തിരക്ക് കൂടുന്പോൾ ഇവർക്ക് നിയന്ത്രിക്കാൻ കഴിയുന്നുമില്ല. മാത്രമല്ല ചെറായി ബീച്ചിൽ മാത്രമാണ് ലൈഫ്ഗാർഡിന്റെ സേവനമുള്ളത്. പള്ളത്താംകുളങ്ങര ബീച്ചിൽ ഉണ്ടായിരുന്ന സേവനം നിർത്തിവച്ചിരിക്കുകയാണ്. ഇവിടെയാകട്ടെ രാത്രി കഞ്ചാവുകാരുടെ വിഹാരകേന്ദ്രവുമാണ്. ചെറായിയിലാകട്ടെ ലൈഫ് ഗാർഡുകളുടെ സേവനമുണ്ടെങ്കിലും ബീച്ചിന്റെ 500 മീറ്റർ പരിധിയിൽ മാത്രമെ ഇവർക്ക് ഡ്യൂട്ടിയുള്ളു. അതിനപ്പുറത്തേക്ക് ഇവരുടെ കണ്ണെത്തണമെന്നില്ല. എന്നാൽ ചെറായി ബീച്ചിന്റെ പ്രധാന ഭാഗത്തുനിന്നും വടക്കോട്ടും തെക്കോട്ടും മാറി കുളിക്കുന്നവരുടെ എണ്ണം വളരെ കൂടുതലാണ്. വെക്കേഷൻ കാലമായതിനാൽ ജില്ലക്ക് പുറത്തുള്ളവരാണ് ഭൂരിഭാഗവും ഇവിടെ എത്തുന്നത്. രാത്രിയായാലും ഈ മേഖലയിൽ…
Read Moreകളമശേരി കൊലപാതകം; സാമ്പത്തിക പ്രശ്നവും സംശയരോഗവും; സജിയുടെ പോക്കറ്റ് ഡയറി പോലീസിന് ലഭിച്ചു
ആലുവ: കളമശേരിയിൽ യുവതിയെയും മകനെയും യുവതിയുടെ മാതാവിനെയും തീ കൊളുത്തികൊലപ്പെടുത്തിയശേഷം ഹോട്ടൽ ജീവനക്കാരൻ ആത്മഹത്യ ചെയ്തത് സാമ്പത്തിക പ്രശ്നവും സംശയരോഗവുമെന്ന് സൂചന. കളമശേരി വിദ്യാനഗർ റോഡിൽ കുസാറ്റിന് താഴെയായി വാടകയ്ക്കു താമസിക്കുന്ന ചേർത്തല വാരനാട് തോപ്പുവെളിവീട്ടിൽ പി. സജി (40)യാണ് കൊലയ്ക്കുശേഷം ആത്മഹത്യ ചെയ്തത്. ഒപ്പം താമസിക്കുന്ന പട്ടിമറ്റം കീച്ചാരച്ചാലിൽ ഉണ്ണികൃഷ്ണൻ മകൾ കെ.എ. ബിന്ദു (29), ബിന്ദുവിന്റെ മകൻ ഒന്നര വയസുള്ള ശ്രീഹരി, ബിന്ദുവിന്റെ അമ്മ പട്ടിമറ്റം കീച്ചാരച്ചാലിൽ ആനന്ദവല്ലി (55) എന്നിവരെ തീ കൊളുത്തിയശേഷം ജീവനൊടുക്കിയത്. ബിന്ദുവും ശ്രീഹരിയും സംഭവസ്ഥലത്തും ആനന്ദവല്ലിയെ മെഡിക്കൽ കോളജ് ആശുപത്രിയിൽ എത്തിച്ചശേഷവുമാണ് മരിച്ചത്. ഇന്നലെ പുലർച്ചെ 2.30 നായിരുന്നു നാടിനെ നടുക്കിയ സംഭവം നടന്നത്. ശരീരത്തു തീ പടർന്നുപിടിച്ച ആനന്ദവല്ലി പുറത്തേക്ക് ഇറങ്ങി ഓടി ബഹളം ഉണ്ടാക്കിയതോടെയാണ് സംഭവം പരിസരവാസികൾ അറിഞ്ഞത്. ഉടൻ കളമശേരി പോലീസിനെ വിവരമറിയിച്ച് നാട്ടുകാരും…
Read Moreഓപ്പറേഷൻ കിംഗ് കോബ്രാ; പതിനാറ് കിലോ കഞ്ചാവുമായി പിടിയിലായ ഫുട്ബോള് താരങ്ങളെ കസ്റ്റഡിയില് വാങ്ങും
കൊച്ചി: ഓപ്പറേഷന് കിംഗ് കോബ്രയുടെ ഭാഗമായി നഗരത്തില് പോലീസ് നടത്തിയ പരിശോധനയില് 16 കിലോ കഞ്ചാവുമായി പിടിയിലായ ഫുട്ബോള് താരങ്ങളെ കൂടുതല് ചോദ്യം ചെയ്യുന്നതിനായി ഉടന് കസ്റ്റഡിയില് വാങ്ങും. മലപ്പുറം വളാഞ്ചേരി സ്വദേശികളായ ഷെഫീഖ്(24), ഫിറോസ്(24) എന്നിവരെയാണ് കലൂര് ബസ് സ്റ്റാന്റിനു സമീപത്തു നിന്നും എറണാകുളം നോര്ത്ത് പോലീസ് പിടികൂടിയത്. റിമാന്ഡില് കഴിയുന്ന ഇവരെ കസ്റ്റഡിയില് ലഭിക്കുന്നതിന് ഉടന് തന്നെ കോടതിയില് അപേക്ഷ നല്കുമെന്നും പോലീസ് അറിയിച്ചു. അതേസമയം ചോദ്യം ചെയ്യലില് ഇവര് മൊഴി നല്കിയ വിതരണക്കാരനായ മലപ്പുറം സ്വദേശിക്കായി അന്വേഷണം ഊര്ജിതമാക്കിയിട്ടുണ്ടെന്നും നോര്ത്ത് എസ്ഐ പറഞ്ഞു. ആന്ധ്രയില് നിന്നും വന്തോതില് ലഹരിയെത്തിച്ച് വിതരണം ചെയ്യുന്ന മലപ്പുറം സ്വദേശിക്കായാണ് തങ്ങള് കഞ്ചാവ് കടത്തിയതെന്ന് ഇവര് ചോദ്യം ചെയ്യലില് സമ്മതിച്ചിരുന്നു. പിടിയിലായ ഷെഫീഖ് 2017 കേരള ഫുട്ബോള് അണ്ടര് 19 ടീമിലും ഫിറോസ് പാലക്കാട് ജില്ലാ ഫുട്ബോള് അണ്ടര്…
Read Moreബിന്ദുവിനും കുഞ്ഞിനും പിന്നാലെ ആനന്ദവല്ലിയും പോയി; കളമശേരിയിൽ മരണം നാല്
കൊച്ചി: കളമശേരിയിൽ യുവാവ് തീകൊളുത്തിയതിനെ തുടർന്ന് ചികിത്സയിലായിരുന്ന ഭാര്യാമാതാവും മരിച്ചു. ഗുരുതരമായി പൊള്ളലേറ്റ ആനന്ദവല്ലിയാണു കളമശേരി മെഡിക്കൽ കോളജ് ആശുപത്രിയിൽ ചികിത്സയിലിരിക്കെ മരിച്ചത്. കളമശേരി കുസാറ്റിനു സമീപം എട്ടുകാലിമൂലയിൽ ശനിയാഴ്ച രാത്രിയിയിലായിരുന്നു സംഭവം. ഭാര്യയെയും ഒന്നരവയസുള്ള കുഞ്ഞിനെയും തീകൊളുത്തി കൊന്നശേഷം യുവാവ് ജീവനൊടുക്കിയിരുന്നു. വിദ്യാനഗർ റോഡിൽ വാടകയ്ക്കു താമസിക്കുന്ന കൊല്ലം സ്വദേശി സജി (33) യാണ് ഭാര്യ ബിന്ദു (29) വിനെയും മകനെയും കൊലപ്പെടുത്തിയശേഷം തൂങ്ങി മരിച്ചത്. ബിന്ദുവിന്റെ അമ്മയായ ആനന്ദവല്ലിക്കു നേരെയും ആക്രമണമുണ്ടായി. ശരീരത്തിൽ ഗുരുതരമായി പൊള്ളലേറ്റ ഇവരെ കളമശേരി മെഡിക്കൽ കോളജ് ആശുപത്രിയിൽ പ്രവേശിപ്പിച്ചെങ്കിലും ഞായറാഴ്ച മരിക്കുകയായിരുന്നു.
Read Moreഏഴു വയസുകാരിയുടെ ശ്വാസകോശത്തിൽ എൽഇഡി ബൾബ്; രണ്ടു മണിക്കൂര് നീണ്ടുനിന്ന പരിശ്രമത്തിനൊടുവില് പുറത്തെടുത്തു
കൊച്ചി: ഏഴു വയസുകാരിയുടെ ശ്വാസകോശത്തിൽ കുടുങ്ങിയ എൽഇഡി ബൾബ് ആലുവ ചുണങ്ങംവേലി രാജഗിരി ആശുപത്രിയിലെ ഡോക്ടർമാർ ശസ്ത്രക്രിയയില്ലാതെ വിജയകരമായി പുറത്തെടുത്തു. കണ്ണൂർ സ്വദേശിനിയുടെ ശ്വാസകോശത്തിൽനിന്നാണു കൂർത്ത അഗ്രം പുറത്തേക്കു തിരിഞ്ഞ നിലയിലുള്ള ബൾബ് പുറത്തെടുത്തത്. വീട്ടിൽ കളിച്ചുകൊണ്ടിരിക്കുന്നതിനിടെ അബദ്ധത്തിൽ ബൾബ് കുട്ടിയുടെ ഉള്ളിൽ പോകുകയായിരുന്നു. ശ്വാസകോശത്തിൽ ബൾബ് കുടുങ്ങിയ കുട്ടിയെ ആദ്യം കോഴിക്കോടുള്ള സ്വകാര്യ ആശുപത്രിയിലാണ് എത്തിച്ചത്. അവിടെ ബ്രോങ്കോസ്കോപിയിലൂടെ ബൾബ് പുറത്തെടുക്കാൻ ശ്രമിച്ചെങ്കിലും വിജയിച്ചില്ല. രാജഗിരി ആശുപത്രിയിൽ പീഡിയാട്രിക് സർജറി വിഭാഗം ഡോക്ടർ അഹമ്മദ് കബീറിന്റെ നേതൃത്വത്തിൽ താരതമ്യേന സങ്കീർണമായ റിജിഡ് ബ്രോങ്കോസ്കോപിയിലൂടെ ബൾബ് പുറത്തെടുക്കുകയായിരുന്നു. കൂർത്ത അഗ്രങ്ങളുള്ള എൽഇഡി ബൾബ് ശ്വാസകോശത്തിൽ മുറിവുകൾ ഏൽപ്പിക്കാതെയും രക്തസ്രാവം ഉണ്ടാക്കാതെയും സുരക്ഷിതമായി പുറത്തെടുക്കുക എന്നത് വെല്ലുവിളിയായിരുന്നുവെന്നു ഡോ. അഹമ്മദ് കബീർ പറഞ്ഞു. രണ്ടു മണിക്കൂർ നീണ്ടുനിന്ന പരിശ്രമത്തിനൊടുവിലാണു ബൾബ് പുറത്തെടുക്കാനായത്. അടിയന്തര സാഹചര്യം ഉണ്ടായാൽ ശസ്ത്രക്രിയയ് ക്കായി…
Read More