കൊച്ചി: മംഗലാപുരത്തുനിന്ന് ഹൃദയശസ്ത്രക്രിയക്കായി കൊച്ചിയിലെത്തിച്ച നവജാതശിശുവിന്റെ ആരോഗ്യനില മെച്ചപ്പെട്ടുവരുന്നതായി ആശുപത്രി അധികൃതര് അറിയിച്ചു. ഹൃദയശസ്ത്രക്രിയക്ക് ശേഷം കുഞ്ഞ് ഇപ്പോഴും ഐസിയുവില് നിരീക്ഷണത്തിലാണ്. ഹൃദയത്തിന്റെ പ്രവര്ത്തനം സാധാരണ നിലയിലാണ്. കൂടാതെ മറ്റ് അവയവങ്ങളുടെ പ്രവര്ത്തനങ്ങളും സാധാരണ നിലയില് പ്രവര്ത്തിക്കുന്നുണ്ട്. ജന്മനാ ഹൃദയത്തിന് തകരാറുണ്ടായിരുന്ന കാസര്ഗോഡ് വിദ്യാനഗര് പാറക്കട്ട സ്വദേശികളായ സാനിയ-മിത്താഹ് ദമ്പതികളുടെ പതിനഞ്ച് ദിവസം പ്രായമുള്ള പെണ്കുഞ്ഞിനെ മംഗലാപുരത്തുനിന്നും റോഡ് മാര്ഗം കഴിഞ്ഞ ചൊവ്വാഴ്ചയാണ് കൊച്ചിയിലെ സ്വകാര്യ ആശുപത്രിയില് പ്രവേശിപ്പിച്ചത്. തുടര്ന്ന് വ്യാഴാഴ്ച കുഞ്ഞിന്റെ ശസ്ത്രക്രിയ നടത്തി. കാര്ഡിയോ പള്മണറി ബൈപാസിലൂടെയാണ് കുഞ്ഞിന്റെ ഹൃദയശസ്ത്രക്രിയ നടത്തിയത്. ശസ്ത്രക്രിയയിലൂടെ ഹൃദയവാല്വിന്റെ സങ്കോചം ശരിയാക്കുകയും ഹൃദയത്തിന്റെ ദ്വാരം അടയ്ക്കുകയുമാണ് ചെയ്തത്. തുടര്ന്ന് കുഞ്ഞിനെ ഐസിയുവില് നിരീക്ഷണത്തിലാക്കുകയായിരുന്നു.
Read MoreCategory: Kochi
കുഴിക്കാട്ടിൽ കളിസ്ഥലം കൈയേറി അനധികൃത പാർക്കിംഗും മാലിന്യം തള്ളലും; അധികൃതരുടെ മൗനത്തിനെതിരേ നാട്ടുകാരുടെ പ്രതിഷേധം
കിഴക്കമ്പലം: വടവുകോട് -പുത്തൻകുരിശ് പഞ്ചായത്തിലെ കുഴിക്കാടിൽ കുട്ടികളുടെ കളിസ്ഥലമായി ഉപയോഗിക്കുന്ന ഗ്രൗണ്ടിൽ അനധികൃത പാർക്കിംഗും സാമൂഹ്യവിരുദ്ധരുടെ അഴിഞ്ഞാട്ടവും മാലിന്യം തള്ളലും പതിവായിട്ടും അധികൃതർ നടപടിയെടുക്കുന്നില്ലെന്ന് നാട്ടുകാരുടെ പരാതി. കുട്ടികൾ വർഷങ്ങളായി ഉപയോഗിച്ചുവന്ന കളിസ്ഥലമാണ് കൈയേറി അനധികൃത പാർക്കിംഗും മറ്റ് അനാശാസ്യപ്രവർത്തനങ്ങളും നടത്തുന്നത്. റിഫൈനറി കോൺട്രാക്ടർമാരുടേതടക്കമുള്ള വാഹനങ്ങളും സ്വകാര്യവാഹനങ്ങളും ദിവസേന പാർക്ക് ചെയ്ത് ഗ്രൗണ്ട് നിറഞ്ഞ അവസ്ഥയിലാണ്. ഇതു മൂലം ഇവിടെ ഇപ്പോൾ കുട്ടികൾക്കു കളിക്കാനാവാത്ത അവസ്ഥയിലാണ്. പാർക്കിംഗ് വർധിച്ചതോടെ വാഹനങ്ങളിൽനിന്നു ഡീസൽ ഊറ്റൽ പതിവായതായി ഡ്രൈവർമാർ പറയുന്നു. രാത്രികാലങ്ങളിലും മറ്റും ഗ്രൗണ്ടിൽ മദ്യപസംഘം തമ്പടിക്കുന്നതായും പ്രദേശവാസികൾ പറഞ്ഞു. കഴിഞ്ഞ ദിവസം ഷട്ടിൽ കളിക്കുന്നതിനായി കുട്ടികൾ സ്ഥാപിച്ച പോസ്റ്റ് ഇവിടെ അനധികൃത പാർക്കിംഗ് നടത്തുന്ന വാഹനം ഇടിച്ചു തകർത്തതായും പരാതിയുണ്ട്. സർക്കാർ പുറമ്പോക്ക് ഭൂമിയായ സ്ഥലം പഞ്ചായത്ത് ഏറ്റെടുക്കുന്നതിനുള്ള നടപടിക്രമങ്ങൾ നടന്നു വരികയാണ്. സ്ഥലം ഏറ്റെടുത്താലും ഇതു കുട്ടികൾക്കായി…
Read Moreപോലീസ് ഉദ്യോഗസ്ഥയെ ഫോണിൽ വിളിച്ച് അസ്ലീലം പറഞ്ഞ കേസിൽ യുവാവ് പിടിയിൽ
പെരുമ്പാവൂർ: വനിത പോലീസ് ഉദ്യോഗസ്ഥയെ അപമാനിച്ച കേസിൽ യുവാവിനെ പോലീസ് പിടികൂടി. ആലുവ ചെങ്ങമനാട് തുരുത്ത് സ്വദേശി കൈപ്പാലത്തുട്ട് വീട്ടിൽ മൻസൂർ (24)നെയാണ് പെരുമ്പാവൂർ പോലീസ് പിടികൂടിയത്. പെരുമ്പാവൂർ പോലീസ് സ്റ്റേഷനിൽ ജോലി ചെയ്തുവരുന്ന പോലീസ് ഉദ്യോഗസ്ഥയെ ഫോണിലൂടെ വിളിച്ച് ലൈഗീകച്ചുവയോടെ സംസാരിച്ച കേസിലാണ് ഇയാൾ പിടിയിലായത്. തുടർച്ചയായി ഫോണിലേക്ക് വിളിച്ച യുവാവിനോട് ഇനി വിളിക്കരുതെന്ന് പറഞ്ഞിട്ടും വീണ്ടും ഫോണിൽ വിളിച്ച് അശ്ലീലച്ചുവയോടെ സംസാരിക്കുകയായിരുന്നു.
Read Moreവേനൽ മഴ ശക്തമാവും, ഇടിമിന്നലുണ്ടാവും ജാഗ്രതയോടെ ഇരിക്കാം
കൊച്ചി: വേനൽ മഴ ശക്തമാകുന്ന പശ്ചാത്തലത്തിൽ ഉച്ചകഴിഞ്ഞ് രണ്ടു മുതൽ രാത്രി എട്ടു വരെയുള്ള സമയത്ത് ശക്തമായ ഇടിമിന്നലിനുള്ള സാധ്യതയുണ്ടെന്ന് സംസ്ഥാന ദുരന്ത നിവാരണ അഥോറിറ്റി അറിയിച്ചു. ഇടിമിന്നൽ മനുഷ്യ ജീവനും വൈദ്യുതി ചാലകങ്ങളുമായി ബന്ധിപ്പിച്ചിട്ടുള്ള വീട്ടുപകരണങ്ങൾക്കും അപകടം വരുത്തിയേക്കും. സംസ്ഥാന ദുരന്ത നിവാരണ അഥോറിറ്റി ഇടിമിന്നലിനെ സംസ്ഥാന സവിശേഷ ദുരന്തമായി പ്രഖ്യാപിച്ചിട്ടുണ്ട്.പൊതുജനങ്ങൾ ജാഗ്രത പുലർത്തണമെന്നും മുൻകരുതൽ നിർദേശങ്ങൾ പാലിക്കണമെന്നും അധികൃതർ അറിയിക്കുന്നു. ഇടിമിന്നൽ സമയത്തു ടെറസിലോ മുറ്റത്തോ ഇറങ്ങുന്നത് ഒഴിവാക്കണം, തുറസായ സ്ഥലത്തുനിന്നു കളിക്കുന്നതിൽനിന്നു കുട്ടികളെ തടയണം. തെരഞ്ഞെടുപ്പ് പ്രചാരണവുമായി ബന്ധപ്പെട്ടു പ്രസംഗ വേദികളില് ഇടിമിന്നല് ഉള്ള സമയം നിന്നുകൊണ്ടുള്ള പ്രസംഗം ഒഴിവാക്കുക. മൈക്ക് ഉപയോഗിക്കാതിരിക്കുക തുടങ്ങിയ മുന്നറിയിപ്പുകളും ദുരന്ത നിവാരണ അഥോറിറ്റി നൽകുന്നു. സ്വീകരിക്കേണ്ടമുൻകരുതലുകൾ ഇടിമിന്നലിന്റെ ആദ്യ ലക്ഷണം കണ്ടുകഴിഞ്ഞാൽ ഉടൻ തന്നെ സുരക്ഷിതമായ കെട്ടിടത്തിനുള്ളിലേക്കു മാറുക. ഗൃഹോപകരണങ്ങളുടെ വൈദ്യുതി ബന്ധം വിഛേദിക്കുക. ജനലും…
Read Moreയുഡിഎഫ് സ്ഥാനാർഥികളെ വേട്ടയാടുന്നു; പോലീസ് നടപ്പാക്കുന്നത് രണ്ട് നീതിയെന്ന് ചെന്നിത്തല
കൊച്ചി: യുഡിഎഫ് സ്ഥാനാർഥി രമ്യ ഹരിദാസിനെതിരായ പരാമര്ശത്തില് എൽഡിഎഫ് കണ്വീനര് എ.വിജയരാഘവനെതിരെ കേസെടുക്കേണ്ടതില്ലെന്ന് തീരുമാനത്തെ വിമർശിച്ച് പ്രതിപക്ഷ നേതാവ് രമേശ് ചെന്നിത്തല. യുഡിഎഫ് സ്ഥാനാര്ത്ഥികളെ പോലീസിനെ ഉപയോഗിച്ച് സിപിഎം വേട്ടയാടുകയാണ്. പോലീസ് നടപ്പാക്കുന്നത് രണ്ട് നീതിയാണെന്നും അദ്ദേഹം പറഞ്ഞു. വിജയരാഘവനെതിരെ നിയമനടപടി തുടരുമെന്നും രമേശ് ചെന്നിത്തല വ്യക്തമാക്കി. ആവശ്യമെങ്കിൽ കേന്ദ്ര തെരഞ്ഞെടുപ്പ് കമ്മീഷനെ സമീപിക്കും. വിജയരാഘവനെതിരെ ഡിജിപിക്ക് നേരിട്ട് പരാതി നൽകുമെന്നും പ്രതിപക്ഷ നേതാവ് പറഞ്ഞു. രമ്യ ഹരിദാസിനെതിരായ പരാമര്ശത്തില് എൽഡിഎഫ് കണ്വീനര് എ.വിജയരാഘവനെതിരെ കേസെടുക്കേണ്ടതില്ലെന്നാണ് പോലീസിന് നിയമോപദേശം. ഇക്കാര്യം ചൂണ്ടിക്കാട്ടി മലപ്പുറം എസ്പി തൃശൂർ റേഞ്ച് ഐജിക്ക് റിപ്പോർട്ട് നൽകി. കേസെടുക്കേണ്ട തരത്തിലുള്ള കുറ്റം വിജയരാഘവൻ ചെയ്തിട്ടില്ലെന്നാണ് റിപ്പോർട്ടിൽ പറയുന്നത്.
Read Moreഒൻപതാം ക്ലാസിൽ പഠനം നിർത്തി! മോഷ്ടിച്ച ബൈക്കിൽ കറങ്ങി മോഷണം; കുപ്രസിദ്ധ ക്രിമിനൽ പിടിയിൽ; ഇരുപത്തിനാലു വയസിനുള്ളിൽ ഇരുപതിനുമേൽ ക്രിമിനൽ കേസ്
കൊരട്ടി: ചിറങ്ങര ഭഗവതി ക്ഷേത്രക്കുളത്തിൽ കുളിക്കാനിറങ്ങിയവരുടെ മൊബൈൽ ഫോണുകളും പണമടങ്ങിയ പഴ്സും മോഷണം പോയ സംഭവത്തിലെ പ്രതിയെ പിടികൂടി. പാലാ കൂടപ്പുലം സ്വദേശി പുള്ളോളിൽ വീട്ടിൽ പ്രശാന്തിന്റെ മകൻ വിഷ്ണു എന്ന ‘കില്ലർ വിഷ്ണു’വാണ് പിടിയിലായത്. ഒട്ടേറെ കേസുകളിൽ പ്രതിയാണിയാൾ. കഴിഞ്ഞദിവസം മലയാറ്റൂർ തീർഥാടനം കഴിഞ്ഞെത്തിയ തൃശൂർ ചേർപ്പ് സ്വദേശികളായ 11 പേരടങ്ങിയ സംഘം ക്ഷേത്രക്കുളത്തിൽ കുളിക്കാനിറങ്ങിയിരുന്നു. മൊബൈൽ ഫോണുകളും പഴ്സും വസ്ത്രങ്ങളോടൊപ്പം പൊതിഞ്ഞ് പടവിൽ വച്ചിട്ടാണ് കുളിക്കാനിറങ്ങിയത്. കുളി കഴിഞ്ഞെത്തിയപ്പോൾ ഇവ കാണാതായതിനെതുടർന്ന് കൊരട്ടി പോലീസ് സ്റ്റേഷനിലെത്തി പരാതിപ്പെടുകയായിരുന്നു. എസ്ഐമാരായ ബി.ബിനോയിയുടെയും ബി. രാമുവിന്റെയും നേതൃത്വത്തിൽ പോലീസ് സംഘം സംഭവസ്ഥലത്തെത്തി പരിശോധന നടത്തി. സമീപത്തുള്ള വ്യാപാരസ്ഥാപനത്തിലെയും പെട്രോൾ പന്പുകളിലെയും സിസിടിവി ദൃശ്യങ്ങൾ പരിശോധിച്ചുവെങ്കിലും സൂചനകളൊന്നും ലഭിച്ചില്ല. തുടർന്നാണ് ഡിവൈഎസ്പി കെ. ലാൽജി അന്വേഷണത്തിനായി പ്രത്യേക സംഘം രൂപീകരിച്ചത്. മോഷണം പോയ മൊബൈലുകളുടെ സിം നന്പറുകളും ഐഎംഇഐ…
Read Moreമിഗ്ദാദിന്റെ തന്ത്രം തന്ത്രം പണിപാളി! ഒന്നാം സമ്മാനം നേടിയ ലോട്ടറി ടിക്കറ്റ് കവര്ന്നയാള് പിടിയില്
കൊച്ചി: സംസ്ഥാന സര്ക്കാരിന്റെ വിന് വിന് ലോട്ടറിയുടെ 65 ലക്ഷം രൂപ ഒന്നാം സമ്മാനം നേടിയ ടിക്കറ്റ് കവര്ന്ന കേസിലെ പ്രതിയെ എറണാകുളം നോര്ത്ത് പോലീസ് അറസ്റ്റ് ചെയ്തു. കേസിലെ രണ്ടാം പ്രതിയായ മലപ്പുറം എടക്കര ചരടികുത്തു സമദാണ് (45) പിടിയിലായത്. ഒന്നാം പ്രതി മലപ്പുറം പോത്തുകല്ല് വെളുമ്പിയം പാടം കല്ലുവളപ്പില് മിഗ്ദാദ് (39) നേരത്തെ കോടതിയില് കീഴടങ്ങിയിരുന്നു. കോട്ടയം ഏറ്റുമാനൂരില് ഹോട്ടല് ജീവനക്കാരനായിരുന്ന ആസാം സ്വദേശിക്കാണ് ഒന്നാം സമ്മാനം ലഭിച്ചത്. സമ്മാനത്തുക ലഭിക്കുന്നതിന് ചെയ്യേണ്ട കാര്യങ്ങള് അറിയുന്നതിന് ആസാം സ്വദേശി ഇയാള് ജോലി ചെയ്തിരുന്ന ഹോട്ടല് ഉടമയെ സമീപിച്ചു. ആസാം സ്വദേശിക്ക് ആധാര് കാര്ഡ് ഇല്ലാത്തതിനാൽ ലോട്ടറി ടിക്കറ്റ് ബാങ്കിൽ ഏൽപിക്കാനായില്ല. ഹോട്ടലില് അപ്പം സപ്ലൈ ചെയ്യുന്ന മിഗ്ദാദ് വിവരമറിഞ്ഞു സമ്മാനത്തുക മാറിയെടുക്കാന് സഹായിക്കാമെന്നു പറഞ്ഞ് ആസാംകാരനെയും കൂട്ടി എറണാകുളം കച്ചേരിപ്പടിയിലെ ബാങ്കിലെത്തി. ബാങ്ക് അധികൃതരോടു…
Read Moreവിദ്യാർഥി പുഴയിൽ മുങ്ങിമരിച്ച സംഭവം; ചെറിയാന്റെ മരണത്തിൽ ദുരൂഹതയാരോപിച്ചു സ്കൂൾ അധികൃതരുടെ പരാതി
മൂവാറ്റുപുഴ: പ്ലസ് വണ് വിദ്യാർഥി പുഴയിൽ മുങ്ങിമരിച്ച സംഭവത്തിൽ ദുരൂഹതയാരോപിച്ചു സ്കൂൾ അധികൃതരും ഉന്നത പോലീസ് ഉദ്യോഗസ്ഥർക്കു പരാതി നൽകി. ആരക്കുഴ സെന്റ് മേരീസ് ഹയർ സെക്കൻഡറി സ്കൂൾ വിദ്യാർഥി മൂവാറ്റുപുഴ ആനക്കാട്ടിൽ മാർട്ടിന്റെ മകൻ ചെറിയാൻ (16) ആണ് മൂവാറ്റുപുഴയാറിൽ മുങ്ങിമരിച്ചത്. മരണത്തിൽ ദുരൂഹതയുണ്ടെന്നാരോപിച്ചു പിതാവ് മാർട്ടിനും മൂവാറ്റുപുഴ ഡിവൈഎസ്പിക്കു പരാതി നൽകിയിരുന്നു. ചെറിയാനെ കഴിഞ്ഞ നാലിനു ഉച്ചയോടെ മൂവാറ്റുപുഴയാറിൽ കാണാതാകുകയും അഞ്ചിനു രാവിലെ പുഴക്കരക്കാവ് കടവിനു സമീപത്തുനിന്നു മൃതദേഹം കണ്ടെത്തുകയുമായിരുന്നു. നീന്തൽ വശമില്ലാതിരുന്ന ചെറിയാൻ പുഴയിൽ കുളിക്കാൻ പോകാറില്ലെന്നും സംഭവദിവസം കുളിക്കുന്നതിനുള്ള യാതൊരുവിധ സാമഗ്രികളും വീട്ടിൽനിന്ന് കൊണ്ടുപോയിട്ടില്ലെന്നും ഇതേ സ്കൂളിലെ അധ്യാപികകൂടിയായ മാതാവ് ആൻസി പറയുന്നു. ഇതേത്തുടർന്നാണ് സംഭവത്തിലെ ദുരൂഹത നീക്കണമെന്നാവശ്യപ്പെട്ട് സ്കൂൾ അധികൃതർ ഉന്നത പോലീസ് ഉദ്യോഗസ്ഥർക്കും മനുഷ്യാവകാശ കമ്മീഷനും പരാതി നൽകിയിരിക്കുന്നത്.
Read Moreമുളന്തുരുത്തിയിൽ ഇടിമിന്നലേറ്റു മരിച്ച വീട്ടമ്മയുടെയും ബന്ധുവിന്റെയും സംസ്കാരം ഇന്ന്
ആന്പല്ലൂർ (കൊച്ചി): മുളന്തുരുത്തി യിൽ ഇടിമിന്നലേറ്റു മരിച്ച വീട്ടമ്മയുടെയും ബന്ധുവായ ആൺകുട്ടിയുടെയും സംസ്കാരം ഇന്ന്. വെട്ടിക്കൽ മണ്ടോത്തുംകുഴിയിൽ ജോണിയുടെ ഭാര്യ ലിസി (49), ജോണിയുടെ സഹോദരിയുടെ മകൻ അനക്സ് (15) എന്നിവരാണു മരിച്ചത്. ലിസിയുടെ സംസ്കാരം ഇന്നു മൂന്നിന് വെട്ടിക്കൽ കാർമേൽകുന്ന് സിംഹാസന പള്ളിയിലും അനക്സിന്റെ സംസ്കാരം ഇന്നു മൂന്നിന് കടമറ്റം സെന്റ് ജോർജ് യാക്കോബായ പള്ളിയിലും നടക്കും. ഇന്നലെ വൈകുന്നേരം അഞ്ചിനായിരുന്നു സംഭവം. സംഭവസ്ഥലത്തുതന്നെ രണ്ടുപേരും മരിച്ചു. വീടിന്റ അടുക്കള ഭാഗത്തുനിൽക്കുന്പോഴാണ് ഇരുവർക്കും മിന്നലേറ്റത്. കൂടെയുണ്ടായിരുന്ന ലിസിയുടെ ഏകമകൾ ചിന്നുവിനും പരിക്കുണ്ട്. വീടിന്റെ ചുമരും മേൽക്കൂരയും മിന്നലിൽ വിണ്ടുകീറി. പാന്പ്ര സ്വദേശിയായ ജോണിയുടെ കുടുംബം വെട്ടിക്കലിലെ ചെരുക്കുംകുഴിയിൽ സാബുവിന്റെ വീട്ടിൽ വാടകയ്ക്കു താമസിക്കുകയാണ്. വെട്ടിക്കൽ സെന്റ് എഫ്രേം സ്കൂൾ ജീവനക്കാരനാണു ജോണി. കടമറ്റം കറുകപ്പിള്ളി പാറനാല് പരേതരായ ബിജു-സാലി ദന്പതികളുടെ മകനാണ് മരിച്ച അനക്സ്. വടവുകോട്…
Read Moreപള്ളിപ്പുറത്തെ വയോധികന്റെ മരണം; ഒരു ദേഷ്യത്തിൽ ചെയ്തു പോയതെന്ന് മകൻ; പോലീസിന്റെ ചോദ്യം ചെയ്യലിൽ പുറത്തുവരുന്ന വിവരങ്ങൾ ഇങ്ങനെ…
വൈപ്പിൻ: വയോധികനെ ദൂരൂഹസാഹചര്യത്തിൽ കട്ടിലിൽ മരിച്ച നിലയിൽ കാണപ്പെട്ട സംഭവം കൊലപാതകമെന്ന് മുനന്പം പോലീസ് അറിയിച്ചു. പോസ്റ്റ്മോർട്ടം റിപ്പോർട്ടിൽ വാരിയെല്ലുകൾ ഒടിഞ്ഞതായി കണ്ടെത്തിയിരുന്നു. ഈ സാഹചര്യത്തിൽ സംഭവത്തിനുശേഷം നിരീക്ഷണത്തിലായിരുന്ന മകൻ രഞ്ജിത്തിനെ (37) ചോദ്യം ചെയ്തതിനെ തുടർന്നാണ് സത്യം പുറത്തായത്. ആദ്യം താനൊന്നും ചെയ്തില്ലെന്ന് പറഞ്ഞെങ്കിലും പിന്നീട് ചോദ്യം ചെയ്യൽ തുടർന്നപ്പോൾ സത്യം പറയുകയായിരുന്നുവെന്ന് പോലീസ് പറഞ്ഞു. പരസ്പരം വഴക്കടിച്ചപ്പോൾ അബദ്ധത്തിൽ ചവിട്ടിയതാണെന്നാണ് പ്രതിയുടെ കുറ്റസമ്മതം. സ്ഥിരം മദ്യപാനികളായ ഇരുവരും തനിയെ താമസിക്കുന്നതിനാലും ബഹളം പതിവായതിനാൽ അയൽവാസികൾ ഗൗനിക്കാതെ വന്നതിനാലും സംഭവത്തിനു ദൃക്സാക്ഷികൾ ഇല്ലാതെ പോയതാണ് പോലീസിനു തലവേദനയായത്. അറസ്റ്റ് രേഖപ്പെടുത്തി പ്രതിയെ ഇന്ന് കോടതിയിൽ ഹാജരാക്കുമെന്നാണ് സൂചന. പള്ളിപ്പുറം ജനതക്ക് കിഴക്ക് ഓടത്തിങ്കൽ ജോളി (65) ആണ് മരിച്ചത്. ചൊവ്വാഴ്ച രാത്രി എട്ടുമണിയോടെയായിരുന്നു സംഭവം. കളമശേരി മെഡിക്കൽ കോളജിൽ പോലീസ് സർജൻ പോസ്റ്റ്മോർട്ടം നടത്തിയശേഷം ബന്ധുക്കൾക്ക്…
Read More