അങ്കമാലി: കറുകുറ്റി നീറുങ്ങലിലെ പതിനൊന്നുകാരിയുടെ മരണം കൊലപാതകമല്ലെന്നും ആത്മഹത്യയാണെന്നും പോലീസ്. പോസ്റ്റ്മോർട്ടം റിപ്പോർട്ടിന്റെ അടിസ്ഥാനത്തിലാണു പോലീസ് ഇത്തരമൊരു നിഗമനത്തിലെത്തിയത്. തൃശൂർ കോടാലി മങ്കുഴി കുഴിക്കീശരത്തിൽ കൃഷ്ണകുമാർ- പ്രീതി ദമ്പതികളുടെ മകൾ ഹൃദ്യ (11) ആണു മരിച്ചത്. കുട്ടിയുടെ അമ്മവീടായ കറുകുറ്റി നീരോലിപ്പാറ നീറുങ്ങലിലെ ആന്തപ്പിള്ളി വീട്ടിൽ അവധിക്കാലം ചെലവഴിക്കാനെത്തിയ പെണ്കുട്ടിയെ തിങ്കളാഴ്ച വൈകുന്നേരം കുളിമുറിയിൽ മരിച്ചനിലയിൽ കണ്ടെത്തുകയായിരുന്നു. മുത്തശി കുളിമുറിയിലെ ബക്കറ്റ് എടുക്കാൻ എത്തിയപ്പോൾ കുട്ടിയെ മരിച്ചനിലയിൽ കാണുകയായിരുന്നു. ആശുപത്രിയിലെത്തിച്ചപ്പോൾ കഴുത്തിൽ തോർത്ത് മുറുകിയ പാട് ശ്രദ്ധയിൽപ്പെട്ട ഡോക്ടർമാരാണു പോലീസിൽ വിവരം അറിയിച്ചത്. വീട്ടുകാരെ വിശദമായ ചോദ്യം ചെയ്തെങ്കിലും തൂങ്ങിമരിച്ച നിലയിൽ കണ്ടുവെന്ന സൂചനകളാണ് അവർ നൽകിയത്. ആലപ്പുഴ മെഡിക്കൽ കോളജിൽ പോലീസ് സർജന്റെ നേതൃത്വത്തിലായിരുന്നു പോസ്റ്റ്മോർട്ടം.
Read MoreCategory: Kochi
ആലുവ നഗരത്തിൽ വോട്ട് രേഖപ്പെടുത്താൻ ആദ്യം എത്തിയവർ പോസ്റ്ററുകളും തോരണങ്ങളും നശിപ്പിച്ചു! ഇന്നലെ നടന്നതിനെക്കുറിച്ച് പ്രവർത്തകർ പറയുന്നത്
ആലുവ: വോട്ട് ചെയ്യാൻ ബുത്ത് പരിസരത്ത് ആദ്യം എത്തിയത് കാറ്റും മഴയും ആയതോടെ തകർന്നത് പ്രവർത്തകരുടെ ചങ്ക്. രാത്രി 12.30 ഓടെ ആലുവ നഗരത്തിൽ പെയ്ത ശക്തമായ മഴയിലും കാറ്റിലും ബൂത്തുകൾ കേന്ദ്രീകരിച്ച് സ്ഥാപിച്ച വിവിധ രാഷ്ട്രീയ പാർട്ടികളുടെ കൊടിതോരണങ്ങൾ നശിപ്പിച്ചതാണ് പ്രവർത്തകർക്കു വിനയായത്. സ്ഥാനാർഥിയുടെ മുഖവും ചിഹ്നവുമടങ്ങിയ പോസ്റ്ററുകളും മറ്റുമാണ് കാറ്റ് കൊണ്ടുപോയത്. പ്രവർത്തകർ വീണ്ടും എത്തി ഏതാനും തോരണങ്ങൾ തയ്യാറാക്കുകയായിരുന്നു. പലയിടത്തും പാർട്ടികളുടെ കൊടികളും നശിച്ചുപോയി. ബാക്കി വന്ന പോസ്റ്ററുകളും ഉപയോഗിച്ചാണ് തോരണങ്ങൾ ഉണ്ടാക്കിയത്. പകരം സാധനങ്ങളില്ലാതെ ചില ബൂത്തുകളിലെ പ്രവർത്തകർ കഷ്ടപ്പെട്ടു. വേനൽമഴ പെയ്യും എന്ന പ്രവചനമുള്ളതിനാൽ രാത്രി 10 30 വരെ കാത്ത് നിന്നാണ് ബൂത്തുകളുടെ സമീപം പ്രവർത്തകർ അലങ്കരിച്ചത്. പക്ഷെ രണ്ട് മണിക്കൂറിനുള്ളിൽ ഇടിമിന്നലും ശക്തമായ കാറ്റുമായെത്തിയ വേനൽ മഴ ഇവയെല്ലാം അലങ്കോലമാക്കുകയായിരുന്നു.
Read Moreകടുത്ത ചൂടിൽ കൊക്കോ കർഷകരും പ്രതിസന്ധിയിൽ; കനത്ത ചൂടിൽ പൂവുകൾ കരിഞ്ഞു വീഴുന്നു
കോതമംഗലം: വേനൽ മഴയെത്താൻ വൈകിയതോടെ കടുത്ത ചൂടിൽ കൊക്കോ കൃഷിയും കരിഞ്ഞുണങ്ങി നശിച്ചു. ചൂടിൽ കൊക്കോ ചെടിയുടെ പൂക്കളും ചെറുകായ്കളും ഉണങ്ങി നശിച്ച അവസ്ഥയിലാണ്. മൂപ്പെത്തിയ കായ്കളുടെ വിളവെടുപ്പ് കഴിഞ്ഞാൽ കൊക്കോ ഉത്പാദനം പൂർണമായി നിലയ്ക്കുന്ന അവസ്ഥയിലാണിപ്പോൾ. കടുത്ത വരൾച്ചയിൽ മേഖലയിലെ മറ്റു കാർഷിക വിളകൾക്കൊപ്പം കൊക്കോ കൃഷിയും കടുത്ത പ്രതിസന്ധിയാണു നേരിടുന്നത്. വേനൽച്ചൂട് ക്രമാതീതമായി വർധിക്കുകയും യഥാസമയം മഴ ലഭിക്കാത്തതുമാണു കൊക്കോ കൃഷിക്കും തിരിച്ചടിയായി മാറിയിരിക്കുന്നത്. എന്നാൽ കഴിഞ്ഞ ദിവസങ്ങളിൽ ലഭിച്ച വേനൽമഴ കർഷകർക്ക് ആശ്വാസമായി. മറ്റു കൃഷികളേ അപേക്ഷിച്ച് വലിയ രീതിയിലുള്ള മുതൽമുടക്കും പരിപാലനവും ആവശ്യമില്ലാത്ത കൊക്കോ കൃഷിയാണ് റബർ വിലയിടിഞ്ഞ സാഹചര്യത്തിൽ കർഷകർക്ക് ഏറെ ആശ്വാസകരമായിരുന്നത്. എന്നാൽ നിലവിൽ കൊക്കോ കൃഷികൂടി നാശത്തിന്റെ വഴിയിലാണ്. പുതിയതായി വിരിയുന്ന പൂവുകളും മുന്പ് ഉണ്ടായ കായ്കളും വ്യാപകമായി കരിഞ്ഞുണങ്ങുകയാണ്. പൂവുകൾ പൂർണമായി നശിക്കുന്നതിലൂടെ മുന്പോട്ടുള്ള ഉത്പാദനം…
Read Moreആലുവയിൽ സമാധാനാന്തരീക്ഷത്തിൽ വോട്ടിംഗ്; ചിലയിടത്ത് വോട്ടിംഗ് യന്ത്രങ്ങൾ പണിമുടക്കി
ആലുവ: കാർമേഘങ്ങൾകൊണ്ട് ആകാശം മേഘാവൃതമാണെങ്കിലും സമാധാനാന്തരീക്ഷത്തിൽ ആലുവയിൽ പോളിംഗ് പുരോഗമിക്കുന്നു. നിയോജകമണ്ഡലത്തിലെ 167 ബൂത്തുകളിലാണ് തെരഞ്ഞെടുപ്പ് നടക്കുന്നത്. ചിലയിടങ്ങളിൽ വോട്ടിംഗ് യന്ത്രങ്ങൾ തകരാറിലായതിനാൽ സമയനിഷ്ഠ പാലിക്കാനായില്ല. അധികൃതർ എത്തി തകരാറുകൾ പരിഹരിച്ചശേഷം പോളിംഗ് തുടർന്നു. എല്ലാ ബൂത്തുകളിലും രാവിലെ തന്നെ സാമാന്യം നല്ല തിരക്കനുഭപ്പെട്ടു. കീഴ്മാട് പഞ്ചായത്തിലെ ചാലയ്ക്കൽ എസ്എൻഡിപി ഹാളിൽ പ്രവർത്തിക്കുന്ന 96-ാം നന്പർ ബൂത്തിലെ മെഷീനിലെ സീരിയൽ നന്പറിൽ വ്യത്യാസം തോന്നിയത് തർക്കത്തിനിടയാക്കി. തുടർന്ന് അസിസ്റ്റന്റ് റിട്ടേണിംഗ് ഓഫീസറുടെ നിർദേശപ്രകാരം വില്ലേജ് ഓഫീസറും ടെക്നീഷ്യ·ാരും ബൂത്തിലെത്തി പ്രശ്നം പരിഹരിച്ചു. 45 മിനിട്ട് വൈകി 7.45ന് പോളിംഗ് ആരംഭിക്കുകയും ചെയ്തു. തോട്ടയ്ക്കാട്ടുകര ഹോളി ഗോസ്റ്റ് കോണ്വന്റ് സ്കൂളിലെ 79-ാം നന്പർ ബൂത്തിലെ വോട്ടിംഗ് യന്ത്രം തകരാറിലായെങ്കിലും പകരം മെഷീൻ എത്തിച്ച് കൃത്യസമയത്തുതന്നെ പോളിംഗ് തുടങ്ങി.നെടുന്പാശേരി പഞ്ചായത്തിലെ രണ്ടാം നന്പർ ബൂത്തിലെ യന്ത്രത്തകരാർ പരിഹരിച്ച് 8.30നാണ് പോളിംഗ്…
Read Moreകല്ലട ബസിലെ മർദനം; ഒരാൾകൂടി പിടിയിൽ; പിടിയിലായവരെ സംബന്ധിച്ച് അന്വേഷണം; കൂടുതൽപേർ അറസ്റ്റിലാകുമെന്ന സൂചന നൽകി പോലീസ്
കൊച്ചി: തിരുവനന്തപുരത്തുനിന്നു ബംഗളൂരുവിലേക്കുള്ള യാത്രയ്ക്കിടെ കല്ലട ബസിൽ യാത്രക്കാർക്കു മർദനമേറ്റ സംഭവത്തിൽ ഒരാൾ കൂടി പിടിയിൽ. ബസിലെ ജീവനക്കാരനായ ആലപ്പുഴ സ്വദേശി വിഷ്ണുവാണ് പ്രത്യേക അന്വേഷണ സംഘത്തിന്റെ പിടിയിലായത്. ഇന്ന് പുലർച്ചെയാണ് പ്രതിയെ പിടികൂടിയത്. ഇതോടെ കേസുമായി ബന്ധപ്പെട്ട് ഇതിനോടകം പിടിയിലായവരുടെ എണ്ണം അഞ്ചായി. ബസ് ഡ്രൈവറായ അൻവർ, ബസ് ജീവനക്കാരായ തിരുവനന്തപുരം സ്വദേശി ജയേഷ്, ആലത്തൂർ സ്വദേശി ജിതിൻ എന്നിവരെ പ്രത്യേക അന്വേഷണ സംഘം ഇന്നലെ അറസ്റ്റുചെയ്തിരുന്നു. പിടിയിലായവരെ സംബന്ധിച്ച് കൂടുതൽ അന്വേഷണം നടത്തിവരികയാണെന്ന് അധികൃതർ പറഞ്ഞു. പ്രാഥമിക അന്വേഷണത്തിൽ ഇവർക്കെതിരേ മറ്റ് കേസുകളില്ലെന്നാണു വിവരം ലഭിച്ചിട്ടുള്ളതെങ്കിലും രേഖാമൂലം അതാത് പോലീസ് സ്റ്റേഷനുകളുമായി ബന്ധപ്പെടുമെന്നും അധികൃതർ പറഞ്ഞു. പിടിയിലായ പ്രതികളിൽ രാജേഷ് എന്നയാൾ യുവാക്കളെ മർദിച്ച് ബസിൽനിന്ന് ഇറക്കിവിട്ട സംഘത്തിൽ ഉള്ളയാളാണ്. കല്ലടയുടെ വൈറ്റില ഓഫീസിലെ ജീവനക്കാരനായ ഇയാൾ ബസ് ഇവിടെയെത്തിയപ്പോൾ ബസിൽ കയറി യുവാക്കളെ…
Read Moreതൃശൂരിലെ എന്ഡിഎ സ്ഥാനാര്ഥി സുരേഷ് ഗോപി മോഹൻലാലിനെ സന്ദർശിച്ചു; നന്മകൾ നേർന്ന് ലാല്
കൊച്ചി; തൃശൂരിലെ എന്ഡിഎ സ്ഥാനാര്ഥി സുരേഷ് ഗോപി നടന് മോഹന്ലാലിനെ സന്ദര്ശിച്ചു. സിനിമാ ജീവിതം തുടങ്ങുന്ന കാലം മുതൽ ബന്ധമുള്ളവരാണ് മോഹന്ലാലും മമ്മൂട്ടിയുമെന്ന് കൂടിക്കാഴ്ചയ്ക്ക് ശേഷം സുരേഷ് ഗോപി മാധ്യമങ്ങളോട് പറഞ്ഞു. കൂടിക്കാഴ്ചയില് രാഷ്ട്രീയമില്ലെന്നും മോഹന്ലാലിന്റെയും അദ്ദേഹത്തിന്റെ അമ്മയുടയും അനുഗ്രഹം വാങ്ങാനാണ് താന് എത്തിയതെന്നും സുരേഷ് ഗോപി പറഞ്ഞു. സുരേഷ് ഗോപിക്ക് എല്ലാവിധ നന്മകളുമുണ്ടാകട്ടെയെന്ന് ആശംസിച്ച് മോഹന്ലാല് അദ്ദേഹത്തെ യാത്രയാക്കി.
Read Moreവിത്തുപാകിയൊരു രാത്രിസവാരി; വ്യത്യസ്തനായ സാജു കെ പോൾ ഇതുവരെ പാകിയത് നാലായിരത്തോളം വിത്തുകൾ
ആലുവ: കൊച്ചി നഗരപാതയ്ക്കരികിൽ ആരുമറിയാതെ വിത്തുകൾ പാകുന്ന മധ്യവയസ്കൻ ശ്രദ്ധേയനാകുന്നു. ആലുവ കളപ്പറന്പത്ത് സാജു കെ. പോളാണ് നടക്കാനിറങ്ങുന്നതിനൊപ്പം വഴിയരികിൽ ഫലവൃക്ഷങ്ങളുടെ വിത്തുകളും പാകുന്നത്. ആരുമറിയാതെ രണ്ടുവർഷംകൊണ്ട് സാജു ഇത്തരത്തിൽ പാകിയിരിക്കുന്നത് നാലായിരത്തോളം ഫലവൃക്ഷവിത്തുകളാണ്. വൈകുന്നേരമുള്ള വ്യായാമ നടത്തത്തിനിടെയാണ് സാജുവിന് ഈ ആശയം ഉടലെടുത്തത്. വീടിന് മുന്നിൽനിന്ന് ആലുവ മണപ്പുറം വരെ പലവട്ടം നടക്കുന്ന സാജു ഒരുദിവസം ആറുകിലോമീറ്റർ വരെയാണ് താണ്ടുന്നത്. കൊച്ചിയിലേക്കും ഈ നടത്തം നീട്ടിയത് ഞായറാഴ്ചകളിലാണ്. ബസിൽ കയറി പല സ്റ്റോപ്പുകളിലായി ഇറങ്ങി ദീർഘനേരം നടന്ന് ആത്ത ചക്ക, മധുരനാരങ്ങ, ഞാവൽ പഴം, സീത പഴം, ചെറി തുടങ്ങിയവയുടെ വിത്തുകളാണ് പാകുന്നത്. പാകിയ വിത്തുകൾ മുളച്ചു നിൽക്കുന്നത് കണ്ട് ആഹ്ലാദപ്പെട്ടാണ് ഇപ്പോൾ നടപ്പെന്ന് സാജു പറയുന്നു. വീട്ടിൽ കഴിക്കുന്ന പഴവർഗങ്ങളുടെ വിത്ത് ശേഖരിച്ച് മുറ്റത്തും സമീപസ്ഥലങ്ങളിലും ഇതു പോലെ ഇടാവുന്നതേയുള്ളൂവെന്നാണ് സാജുവിന്റെ പക്ഷം. വീടിനോടു…
Read Moreപേരിന് ഒരു ഷെഡ് പോലുമില്ലാതെ മുനന്പം ബസ് സ്റ്റാൻഡ് ; ദൂരിതം പോറി യാത്രക്കാർ
വൈപ്പിൻ: ബസ് കാത്തു നിൽക്കാൻ പേരിന് ഒരു ഷെഡ് പോലുമില്ലാത്ത മുനന്പം ബസ് സ്റ്റാൻഡ് ശാപമോക്ഷത്തിനായി കാത്തിരിക്കുന്നു. വൈപ്പിൻ സംസ്ഥാനപാതയിൽ റോഡ് അവസാനിക്കുന്ന മുനന്പം ജെട്ടിക്കടുത്ത് ടാർ ചെയ്ത വെറുമൊരു പറന്പ് മാത്രമായി അവശേഷിക്കുകയാണീ ബസ് സ്റ്റാ ൻഡ്. ബസ് സ്റ്റാൻഡ് പിറവിയെടുത്ത കാലം മുതൽക്കെ ഇങ്ങിനെ തന്നെയാണ് കിടപ്പെന്ന് പഴമക്കാർ പറയുന്നു. ഈ പ്രദേശത്ത് മുസരിസ് പദ്ധതിക്കായി കോടികൾ ചെലവാ ക്കിയെ ങ്കിലും ബസ് സ്റ്റാൻഡിന് പരിഗണനയൊന്നും ലഭിച്ചില്ല. യാത്രക്കാർക്ക് വിശ്രമിക്കാനോ മഴയോ വെയിലോ ഉള്ളപ്പോൾ ഒന്ന് കയറി ഇരിക്കാനോ ഒരു ഷെഡുപോലുമില്ലാത്തൊരിടം. ദൂരയാത്രക്ക് പോകുന്നവർക്ക് ഒരു ശൗചാലയം പോലും മുനന്പം ബസ് സ്റ്റാൻഡിൽ ഇല്ല. ശൗചാലയത്തിനായി സ്ത്രീകളായ യാത്രക്കാർ ഈ പരിസരങ്ങളിലെ വീടുകളിലാണ് അഭയം പ്രാപിക്കുന്നത്. സംസ്ഥാനപാതയിലെ ഈ ബസ് സ്റ്റാൻഡിൽ വൈപ്പിൻ, പറവൂർ, എറണാകുളം, കൊടുങ്ങല്ലൂർ മേഖലകളിൽ നിന്നുള്ള ബസുകൾ എത്തുന്നുണ്ട്. ഇവിടെയിറങ്ങി…
Read Moreമൂന്നുവയസുകാരന്റെ കൊലപാതകം;മാതാപിതാക്കളുടെ ഡിഎൻഎ ടെസ്റ്റിനായി സാന്പിളുകൾ ലാബിലേക്കയച്ചു
കളമശേരി: അമ്മയുടെ ക്രൂര മർദനത്തെ തുടർന്നു മൂന്നുവയസുകാരൻ മരണമടഞ്ഞ സംഭവത്തിൽ മാതാപിതാക്കളുടെ ഡിഎൻഎ ഫലം ലഭിക്കാൻ സാമ്പിളുകൾ തിരുവനന്തപുരത്തെ ലാബിലേക്കയച്ചു. കഴിഞ്ഞ ദിവസം ഇതര സംസ്ഥാനക്കാരായ ഇരുവരുടേയും രക്തസാമ്പിളുകൾ ശേഖരിച്ചാണ് തലസ്ഥാനത്തെ ലാബിലേക്ക് അയച്ചത്. മകനുമായുള്ള തമ്മിലുള്ള ബന്ധം വ്യക്തമാകാനാണ് ഡിഎൻഎ ടെസ്റ്റ് നടത്താൻ അന്വേഷണ സംഘം തീരുമാനിച്ചത്. കേസുമായി ബന്ധപ്പെട്ട് മാതാപിതാക്കൾ റിമാൻഡിലാണ്.കൊച്ചി മെട്രോയുടെ ഏലൂരിലെ യാർഡിൽ ക്രെയിൻ ഡ്രൈവറായി ജോലി ചെയ്യുന്ന ഷാജിത് ഖാന്റെയും ഹെന്ന ഖപൂണിന്റെയും മകനാണ് മരണമടഞ്ഞത്. ഇയാൾ ഒരു വർഷമായി ഇവിടെ ജോലി ചെയ്യുകയാണ്. ഈ മാസമാണ് ദമ്പതികൾ കുട്ടിയുമായി ഏലൂരിലെ മെട്രോ കാസ്റ്റിംഗ് യാഡിനു സമീപം വാടകയ്ക്കു താമസമാക്കിയത്. കുട്ടിയുടെ തലയുടെ വലത് ഭാഗത്ത് മുറിവേറ്റത് അമ്മ ചപ്പാത്തി പരത്തുന്ന വടിവച്ച് അടിച്ചതിനെ തുടർന്നാണെന്നാണ് മൊഴി നൽകിയിരിക്കുന്നത്. ഗ്യാസ് സ്റ്റൗവിലെ തീ കൂട്ടുകയും കുറയ്ക്കുകയും ചെയ്തതാണ് തലയ്ക്ക് മർദിക്കാൻ…
Read Moreകത്തിച്ചശേഷം കുഴിച്ചിട്ട നിലയിൽ സ്ത്രീയുടെ മൃതദേഹം; മകൻ കസ്റ്റഡിയിൽ; പറവൂരിൽ നടന്ന ഞെട്ടിക്കുന്ന സംഭവമിങ്ങനെ…
പറവൂർ: സ്ത്രീയുടെ മൃതദേഹം കത്തിച്ചശേഷം കുഴിച്ചിട്ടനിലയിൽ കണ്ടെത്തിയ സംഭവത്തിൽ മകൻ കസ്റ്റഡിയിൽ. കെടാമംഗലം – കുടിയാകുളങ്ങര ക്ഷേത്രത്തിന് പടിഞ്ഞാറുവശം ചെമ്മീൻകെട്ടുകളുടെ സമീപത്തായിട്ടുള്ള കുറുപ്പശേരി പരേതനായ ഷണ്മുഖന്റെ ഭാര്യ കാഞ്ചനവല്ലി(72)യുടെ മൃതദേഹമാണ് കണ്ടെത്തിയത്. ഇവരുടെ രണ്ടാമത്തെ മകൻ സുരേഷിനെയാണ് പോലീസ് കസ്റ്റഡിയിലെടുത്ത് ചോദ്യം ചെയ്തുവരുന്നത്. ഇയാൾ നേരത്തെ കാഞ്ചനവല്ലിയുടെ സ്വർണമാല പൊട്ടിച്ചു കൊണ്ടുപോയ സംഭവമുണ്ടായിട്ടുണ്ടെന്ന് സമീപവാസികൾ പറഞ്ഞു. ഇയാളെ വിശദമായി ചോദ്യം ചെയ്യുന്നതോടെ ശരിയായ വിവരങ്ങൾ ലഭിക്കുമെന്ന് പോലീസ് പറയുന്നു. കാഞ്ചനവല്ലിയെ ഏതാനും ദിവസമായി കാണാതിരുന്നതിനാൽ സമീപവാസി ഇന്നലെ വൈകീട്ട് മൂന്നോടെ വീട്ടിലെത്തി അന്വേഷിച്ചെങ്കിലും കണ്ടില്ല. തുടർന്നു നടത്തിയ അന്വേഷണത്തിൽ ചിറയ്ക്ക് സമീപത്തെ കുറ്റിക്കാട്ടിൽ പുല്ലും മറ്റും വെട്ടിയിട്ട് മൂടിയ നിലയിൽ മൃതദേഹം കണ്ടെത്തുകയായിരുന്നു. ഫോറൻസിക് വിദഗ്ധർ ഉൾപ്പടെയുള്ള പോലീസ് സംഘം ഇന്നുരാവിലെ സ്ഥലത്തെത്തി പരിശോധന നടത്തുന്നുണ്ട്. ഉച്ചയോടെ മൃതദേഹം പോസ്റ്റുമോർട്ടത്തിനായി കളമശേരി മെഡിക്കൽ കോളജിലേക്കു കൊണ്ടുപോകും. പറവൂർ…
Read More