മരട്: സർവീസ് സഹകരണ ബാങ്കിൽനിന്ന് ഇടപാടുകാരിക്ക് വ്യാജ നോട്ട് ലഭിച്ചതായി പരാതി. നെട്ടൂർ വെളീപറമ്പിൽ രാധാ ഗോപാലനാണ് (75) പരാതി ഉന്നയിച്ചത്. വിധവാ പെൻഷൻ തുക മരട് സർവീസ് സഹകരണ ബാങ്കിന്റെ നെട്ടൂർ ശാഖയിൽ സേവിംഗ്സ് ബാങ്ക് അക്കൗണ്ടിലാണ് നിക്ഷേപിച്ചുവരുന്നത്. കൊച്ചുമകൾക്ക് സ്വർണം വാങ്ങുന്നതിനായി 28ന് ബാങ്കിന്റെ നെട്ടൂർ ശാഖയിൽനിന്ന് 78000 രൂപ പിൻവലിച്ചിരുന്നു. ലഭിച്ച തുകയിൽ 14 രണ്ടായിരത്തിന്റെ നോട്ടുമുണ്ടായിരുന്നു. 29ന് കൊച്ചിയിലെ ഭീമാ ജ്വല്ലറിയിൽനിന്ന് ആഭരണങ്ങൾ വാങ്ങിയശേഷം തുക നൽകിയപ്പോൾ രണ്ടായിരത്തിന്റെ ഒരു നോട്ട് വ്യാജ നോട്ടാണെന്ന് പറഞ്ഞ് തിരികെ നൽകി. ജ്വലറിയിലെ നോട്ട് കൗണ്ടിംഗ് മെഷീനിലൂടെയാണിത് തിരിച്ചറിഞ്ഞത്. തുടർന്ന് 30ന് ഇടപാടുകാർ ബാങ്കിലെത്തി മാനേജരോട് വിവരം പറഞ്ഞ് നോട്ട് തിരികെ നൽകി. വ്യാജ നോട്ടാണെന്ന് തിരിച്ചറിഞ്ഞ ബാങ്ക് അധികൃതർ ആദ്യം മാറ്റി കൊടുക്കാമെന്ന് പറഞ്ഞെങ്കിലും പിന്നീട് പിന്മാറുകയായിരുന്നെന്നും ഇടപാടുകാരി പറയുന്നു. തുടർന്ന് ഇടപാടുകാരിയുടെ…
Read MoreCategory: Kochi
പുല്ലും പായലും നിറഞ്ഞ് കടമ്പ്രയാർ ബോട്ടിംഗിനു വെല്ലുവിളി; അധികൃതരുടെ ഇടപെടൽ ഉണ്ടാകുന്നില്ലെന്ന് ആക്ഷേപം
കിഴക്കമ്പലം: കടമ്പ്രയാറിൽ പുൽക്കെട്ട് നിറഞ്ഞത് ബോട്ടിംഗിനു വീണ്ടും വെല്ലുവിളിയായി. പോളപ്പായലും വള്ളിപ്പായലും ഒപ്പം പുല്ലും നിറഞ്ഞതോടെ മനയ്ക്കക്കടവിൽ നിന്നുള്ള ബോട്ടിംഗിന് തടസം നേരിടുകയാണ്. പുല്ല് നിറഞ്ഞ് വലിയ കൂനയായി രൂപപ്പെട്ട നിലയിലാണ്. അടുത്തിടെ ലക്ഷങ്ങൾ ചെലവഴിച്ച് പോളപ്പായൽ നീക്കിയെങ്കിലും വീണ്ടും പായൽ നിറഞ്ഞ് നീരൊഴുക്ക് നിലച്ച നിലയിലാണ്. പായൽ നീക്കം ചെയ്യാനുള്ള സമയം കഴിഞ്ഞിട്ടും അധികൃതരുടെ ഇടപെടൽ ഉണ്ടാകുന്നില്ലെന്നാണ് ആരോപണം. നാടൻ മത്സ്യങ്ങളുടെ കലവറയായ കടമ്പ്രയാറിൽ പുല്ലും പായലും നിറഞ്ഞതോടെ വലയിറക്കാൻ സാധിക്കുന്നില്ലെന്ന് മീൻപിടുത്തക്കാർ പറഞ്ഞു. മലിനീകരണം മൂലം ശരീരത്തിൽ ചൊറിച്ചിൽ അനുവപ്പെടുന്നതായും മത്സ്യതൊഴിലാളികൾ പറഞ്ഞു. സമീപത്തെ സ്വകാര്യ സ്ഥാപനങ്ങളുടെ സഹായത്തോടെയാണ് പായൽ നീക്കം ചെയ്യുന്നത്. ഒരു കാലത്ത് നീരൊഴുക്ക് ശക്തമായി മത്സ്യസമ്പത്ത് നിറഞ്ഞിരുന്ന പുഴയുടെ പ്രതാപകാലം മങ്ങിയിരിക്കുകയാണ്. കടമ്പ്രയാറിന്റെ തീരത്തുള്ള വ്യവസായ സ്ഥാപനങ്ങളിൽനിന്നു രാസമാലിന്യം തള്ളൽ തുടരുകയാണ്. പള്ളിക്കര മനയ്ക്കക്കടവ് റോഡിൽനിന്നു ചാക്കുകളിലായാണ് മാലിന്യം തള്ളുന്നത്.
Read Moreതൊടുപുഴയിൽ ക്രൂരമര്ദനത്തിനിരയായ കുട്ടിയെ മുഖ്യമന്ത്രി സന്ദര്ശിച്ചു ;ആരോഗ്യനില ഗുരുതരമായി തുടരുന്നു
കൊച്ചി: അമ്മയുടെ സുഹൃത്തിന്റെ ക്രൂര മര്ദനത്തിനിരയായി കോലഞ്ചേരി മെഡിക്കല് മിഷന് ആശുപത്രിയില് ചികിത്സയില് കഴിയുന്ന കുട്ടിയെ മുഖ്യമന്ത്രി പിണറായി വിജയന് സന്ദര്ശിച്ചു. തെരഞ്ഞെടുപ്പുമായി ബന്ധപ്പെട്ട സമ്മേളനത്തില് പങ്കെടുക്കുന്നതിന് കോലഞ്ചേരിയിലെത്തിയ മുഖ്യമന്ത്രി രാവിലെ 10 ഓടെയാണ് കുട്ടിയെ ആശുപത്രിയിലെത്തി സന്ദര്ശിച്ചത്. സംഭവം നിര്ഭാഗ്യകരമാണെന്ന് മുഖ്യമന്ത്രി പ്രതികരിച്ചു. സര്ക്കാര് ഇത് വളരെ ഗൗരവമായി തന്നെയാണ് കാണുന്നതെന്നും അദ്ദേഹം പറഞ്ഞു. ഉച്ചക്കുശേഷം മുന് കെപിസിസി പ്രസിഡന്റ് വി.എം.സുധീരന് കുട്ടിയെ സന്ദര്ശിക്കും.കുട്ടിയുടെ ആരോഗ്യനില ഗുരുതരമായി തന്നെ തുടരുകയാണ്.ഡോക്ടര്മാര് ഇന്ന് രാവിലെയും കുട്ടിയെ സന്ദര്ശിച്ചു. ട്യൂബ് വഴി ദ്രവരൂപത്തിലുള്ള ഭക്ഷണം നല്കിത്തുടങ്ങിയെങ്കിലും മസ്തിഷ്കത്തിന്റെ പ്രവര്ത്തനം പൂര്ണമായും നിലച്ച അവസ്ഥയിലാണ്. ശ്വാസകോശമടക്കമുള്ള ആന്തരീകാവയങ്ങള് മര്ദനത്തില് തകര്ന്നിട്ടുണ്ട്.കുട്ടിയുടെ തലച്ചോറിലേക്കുള്ള രക്തയോട്ടം 90 ശതമാനവും നിലച്ച അവസ്ഥയിലാണ്. വെന്റിലേറ്റര് സഹായത്തോടെയാണ് കുട്ടിയുടെ ജീവന് നിലനിര്ത്തുന്നത്. നിലവിലുള്ള ചികിത്സ തന്നെ തുടരാനാണ് മെഡിക്കല് സംഘത്തിന്റെ നിര്ദേശം.
Read Moreപിണറായി സ്റ്റാലിനെപ്പോലെ, മത വിശ്വാസങ്ങളെ തകർക്കുന്നുവെന്ന് കണ്ണന്താനം
എറണാകുളം: മുഖ്യമന്ത്രി പിണറായി വിജയൻ സ്റ്റാലിനെപ്പോലെയാണു പെരുമാറുന്നതെന്ന് എറണാകുളത്തെ ബിജെപി സ്ഥാനാർഥി കേന്ദ്രമന്ത്രി അൽഫോൻസ് കണ്ണന്താനം. അദ്ദേഹം മതത്തെ തകർക്കാൻ ശ്രമിക്കുകയാണെന്നും മാർക്സിസ്റ്റ് ചിന്തകളുടെ അടിസ്ഥാനം തന്നെ ഇതാണെന്നും കണ്ണന്താനം കുറ്റപ്പെടുത്തി. അയ്യപ്പൻ എല്ലാവരുടെയും ഇഷ്ട ദൈവമാണ്. ഞാൻ ക്രിസ്ത്യാനിയാണെങ്കിലും മൂന്നു തവണ ശബരിമലയിൽ പോയിട്ടുണ്ട്. മത വിശ്വാസങ്ങളെ തകർക്കാൻ കഴിയുമെന്നാണ് പിണറായി വിജയൻ കരുതുന്നത്. അദ്ദേഹത്തിന് അതിനു കഴിയില്ല. കേരളത്തിലെ ജനങ്ങൾ അതിന് അനുവദിക്കില്ല- കണ്ണന്താനം പറഞ്ഞു. എൽഡിഎഫും യുഡിഎഫും മാറിമാറി ഭരിച്ച് കേരളത്തെ നശിപ്പിച്ചു. ഇവിടുത്തെ വിദ്യാസന്പന്നരായ യുവാക്കൾക്ക് ജോലി തേടി വിദേശത്തേക്കു പോകേണ്ടിവരുന്നു. സാക്ഷരതയുടെയും ആരോഗ്യസംരക്ഷണത്തിന്റെയും കാര്യത്തിൽ കേരളം മറ്റു സംസ്ഥാനങ്ങളെ അപേക്ഷിച്ചു മുന്നിലാണെങ്കിൽ തന്നെയും, കേരളത്തിലെ യുവാക്കൾക്ക് അവസരമൊരുക്കാൻ സർക്കാരിനു കഴിയുന്നില്ലെന്നും കണ്ണന്താനം ആരോപിച്ചു. 60 വർഷത്തിനിടെ ഇന്ത്യ കാണാത്ത വികസനമാണ് മോദി സർക്കാർ ചെയ്തതെന്നും അദ്ദേഹത്തിനു കീഴിൽ ഇന്ത്യയിൽ 6.5…
Read Moreസഹപാഠി കണ്മുന്നില് മുങ്ങിമരിച്ചു; നിസഹായതോടെ നോക്കി നില്ക്കേണ്ടിവന്ന ബിരുദ വിദ്യാര്ഥികള് പ്രായശ്ചിത്തം ചെയ്തത് പത്തുനാളുകൊണ്ട്
ആലുവ: പുഴയിൽ മുങ്ങിത്താഴുന്ന സഹപാഠിയെ നിസഹായതോടെ നോക്കി നിൽക്കേണ്ടിവന്ന ബിരുദ വിദ്യാർഥികൾ പ്രായശ്ചിത്തം ചെയ്തത് പത്തുനാളുകൊണ്ട് നീന്തൽ വശത്താക്കി പെരിയാർ നീന്തിക്കടന്ന്. ആലുവ യുസി കോളജിലെ ഒന്നാംവർഷ മലയാളം വിദ്യാർഥിനിയായിരുന്ന എടത്തല ചൂണ്ടി തെക്കേക്കര നഗറിൽ തയ്യാത്താഴത്ത് ശിവന്റെ മകൾ മിഥുന (21) യുടെ സ്മരണാർഥമാണ് സഹപാഠികളായ ഷൈനി തോമസ്, കെ. അഞ്ജു, ആർ. ദിവ്യ, ശ്രുതി ബാബു, കെ.എസ്. ഐശ്വര്യ, മെബിൻ സെബാസ്റ്റ്യൻ എന്നിവർ പെരിയാർ നീന്തിക്കടന്നത്. ഇന്നലെ രാവിലെയാണ് ആലുവ കൊട്ടാരക്കടവിൽനിന്നു മണപ്പുറത്തേക്കും തിരിച്ചും അഞ്ച് പെൺകുട്ടികളും ഒരു ആൺകുട്ടിയുമടങ്ങുന്ന സംഘം നീന്തിയത്. മിഥുന കഴിഞ്ഞ ഫെബ്രുവരി 11 ന് കോളജിന് സമീപമുള്ള കടവിൽ മുഖം കഴുകാൻ ഇറങ്ങിയപ്പോൾ മുങ്ങി മരിക്കുകയായിരുന്നു. കൂടെ സഹപാഠികൾ ഉണ്ടായിരുന്നെങ്കിലും നീന്തൽ അറിയാത്തതിനാൽ ആർക്കും രക്ഷപ്പെടുത്താനായില്ല. ഇതേത്തുടർന്നുണ്ടായ മനോവിഷമത്തിലാണ് കോളജിലെ കായികാധ്യാപിക ബിന്ദു മുൻകൈയെടുത്ത് കുട്ടികളെ നീന്തൽ പഠിപ്പിക്കുന്നതിന്…
Read Moreഇന്നസെന്റിന് 3.96 കോടി; പി. രാജീവിന് 16 ലക്ഷം ! ആസ്തി വെളിപ്പെടുത്തി സ്ഥാനാർഥികൾ
കൊച്ചി: ചാലക്കുടി മണ്ഡലം എൽഡിഎഫ് സ്ഥാനാർഥി ഇന്നസെന്റിന് 3.96 കോടിയുടെ സ്വത്ത്. ഭൂമി, വീട് എന്നീ സ്ഥാവര ആസ്തികളുടെ മൂല്യം 1,02,63,700 രൂപയും വാഹനം, സ്വർണം, ബാങ്ക് നിക്ഷേപങ്ങൾ എന്നീ ജംഗമ ആസ്തി ഇനത്തിൽ 2,93,76,262 രൂപയും വരും. നാമനിർദേശപത്രികക്കൊപ്പം സമർപ്പിച്ച ആസ്തി വിവരരേഖയിലാണ് ഇക്കാര്യം വ്യക്തമാക്കിയിട്ടുള്ളത്. ഒരു ബെൻസ് കാറും രണ്ട് ഇന്നോവ കാറുകളുമുണ്ട്. ബെൻസ് കാർ 2016ൽ സെക്കൻഡ് ഹാൻഡായി വാങ്ങിയതാണ്. വില 18 ലക്ഷം രൂപ. 2016ൽ വാങ്ങിയ കെഎൽ 45 പി-2000 ഇന്നോവ കാറിന് 20 ലക്ഷവും 2017ൽ വാങ്ങിയ കെഎൽ 45 ജെ-8282 ഇന്നോവ കാറിന് 19.50 ലക്ഷം രൂപയുമാണ് വില. ഇരിങ്ങാലക്കുട ജിയോജിത് ഫിനാൻഷ്യൽ സർവീസസ് ലിമിറ്റിഡൽനിന്നെടുത്ത 2,89,166 രൂപയുടെ ഇൻഷ്വറൻസ് ഉണ്ട്. കാർ വാങ്ങുന്നതിന് ടൊയോട്ട ഫിനാൻഷ്യൽ സർവീസസിൽനിന്ന് 6,70,000 രൂപ വായ്പയെടുത്തിട്ടുണ്ട്. ഭാര്യ ആലീസിന് 63.89…
Read Moreഅതിർത്തിയിലെ നുഴഞ്ഞുകയറ്റക്കാർ സൂക്ഷിക്കുക; ആദിലിന്റെ ഡ്രോണ് റെഡി!
അടിമാലി: നുഴഞ്ഞുകയറ്റക്കാരെ തടയാൻ ആദിലിന്റെ ഡ്രോണ് തയാർ. അതിർത്തിയിലെ ഭീകരരുടെ നുഴഞ്ഞുകയറ്റം തടയാൻ വരെ തന്റെ ഡ്രോൺ ഉപയോഗിക്കാമെന്ന് ഈ എൻജിനിയറിംഗ് വിദ്യാർഥി പറയുന്നു. മൂന്നു കിലോമീറ്റർ ഉയരത്തിൽനിന്ന് അതിർത്തിക്കപ്പുറമുള്ള ഭീകരരുടെ നുഴഞ്ഞുകയറ്റം തിരിച്ചറിഞ്ഞു നിർദേശം ലഭിക്കുന്ന മുറയ്ക്കു വെടിവയ്പിലൂടെ നുഴഞ്ഞുകയറ്റം നീക്കം തടയാമെന്നാണ് ബൈസണ്വാലി സ്വദേശിയും തമിഴ്നാട്ടിലെ അക്ഷയ എൻജിനിയറിംഗ് കോളജിലെ രണ്ടാം വർഷ എൻജിനിയറിംഗ് വിദ്യാർഥിയുമായ ആദിൽ പറയുന്നത്. നൂതന കണ്ടുപിടിത്തങ്ങളുമായി ശാസ്ത്രലോകത്തു ശ്രദ്ധേയനാകുകയാണ് ഹൈറേഞ്ചിൽനിന്നുള്ള ശാസ്ത്രപ്രതിഭ. സ്വന്തമായി റോബോട്ട് നിർമിച്ചതിനു പിന്നാലെ അതിർത്തിയിൽ ശത്രുപാളയത്തെ തകർക്കാൻ കെല്പുള്ള ഡ്രോണ് നിർമിച്ചാണ് ആദിൽ ശ്രദ്ധേയനാകുന്നത്. ബൈസണ്വാലി കണ്ടംകുളത്ത് സന്തോഷിന്റെയും മിനിയുടെയും ഇളയ മകനാണ് ആദിൽ. മനുഷ്യനുമായി ഇടപഴകുംവിധം 2018ൽ ആദിൽ നിർമിച്ച റോബോട്ടായിരുന്നു ഈ പത്തൊന്പതുകാരന്റെ കണ്ടുപിടിത്തത്തിൽ ആദ്യത്തേത്. ഇന്ത്യൻ ഇന്റർനാഷണൽ സയൻസ് ഫെസ്റ്റിൽ ഇതിന് ബെസ്റ്റ് ഇന്നോവേഷൻ അവാർഡും ലഭിച്ചു. അടുത്തയിടെ ഡ്രോണ്…
Read Moreചുട്ടുപെള്ളിയ കൊച്ചിക്ക് ആശ്വാസമേകി പുലർച്ചെ വേനൽ മഴ പെയ്തിറങ്ങി; മഴമേഘത്താൽ അന്തരീക്ഷം മൂടിക്കെട്ടിയ നിലയിൽ
കൊച്ചി: വെന്തുരുകുന്ന ചൂടിന് ആശ്വാസമേകി കൊച്ചി നഗരത്തിലും സമീപപ്രദേശങ്ങളിലും മഴ പെയ്തു. ഇന്നു പുലർച്ചെ രണ്ടരയോടെയായിരുന്നു മഴ പെയ്തത്. ഏതാനും ദിവസങ്ങളായി അനുഭവപ്പെടുന്ന കൊടുംചൂടിന് ശമനമേകാൻ മഴ പെയ്തതു സഹായിച്ചിട്ടുണ്ട്. പുലർച്ചെ റെയിൽവേ സ്റ്റേഷനുകളിലും കെഎസ്ആർടിസി സ്റ്റാൻഡിലും വന്നിറങ്ങിയവർ നനഞ്ഞുകൊണ്ടാണ് മഴയെ സ്വീകരിച്ചത്. കനത്ത ചൂടിൽ വലയുന്നതിനിടെ മഴ പെയ്തത ആശ്വാസകരമായെന്നാണ് ഇവർ പറയുന്നു. അതേസമയം, ഇന്ന് രാവിലെ മുതൽ അന്തരീക്ഷം മൂടിക്കെട്ടിയ നിലയിൽ അനുഭവപ്പെടുന്നത് വരും ദിവസങ്ങളിൽ മഴ പെയ്യുമെന്ന സൂചന നൽകുന്നതായും ഇവർ പറയുന്നു. സംസ്ഥാനത്ത് കൊടും ചൂട് അനുഭവപ്പെടുന്ന ജില്ലകളിൽ ഒന്നാണ് എറണാകുളം. പല ഭാഗങ്ങളിലും കുടിവെള്ളം പോലും കിട്ടാക്കനിയായി മാറിയിരിക്കുകയാണ്.
Read Moreസൂര്യാഘാത മുന്നറിയിപ്പ് അവഗണിച്ചു ; ലേബർ ഓഫീസർ ഇടപെട്ട് നിർമാണം നിർത്തിച്ചു
കാലടി: കാലടി ടൗണിൽ നടക്കുന്ന ശ്രീ ശങ്കര വാക്ക് വേ നിർമാണത്തിന്റെ ഭാഗമായി പൊള്ളുന്ന ചൂടിനെ അവഗണിച്ച് നട്ടുച്ചയ്ക്ക് പണിയെടുത്ത തൊഴിലാളികൾക്ക് ആശ്വാസമായി ലേബർ വകുപ്പിന്റെ ഇടപെടൽ. ദിനംപ്രതി നിരവധി പേർക്ക് കാലടി മേഖലയിൽ സൂര്യാതപമേൽക്കുന്നതായി റിപ്പോർട്ടുണ്ട്. ഇന്നലെ ഉച്ചയ്ക്ക് പന്ത്രണ്ടിനാണ് ജില്ലാ ലേബർ ഓഫീസറുടെ നിർദേശപ്രകാരം ലേബർ ഓഫീസർ ഷാജനും, കെ.എ. ജയപ്രകാശനും ഉൾപ്പെടുന്ന സംഘം പരിശോധനയ്ക്കെത്തിയത്. ഈ സമയം കാലടി പോലീസ് സ്റ്റേഷനു സമീപം ശൃംഗേരി മഠം റോഡിൽ ഇതര സംസ്ഥാനക്കാരായ തൊഴിലാളികൾ പണിയെടുക്കുന്നത് ഇവരുടെ ശ്രദ്ധയിൽപ്പെട്ടു. ഉടനെ ബന്ധപ്പെട്ട കരാറുകാരെ വിളിച്ചുവരുത്തി പണികൾ നിർത്തിവയ്ക്കാനും രാവിലെ 11 മുതൽ ഉച്ചകഴിഞ്ഞ് മൂന്നു വരെയുള്ള സമയങ്ങളിൽ വെയിലത്തുള്ള പുറംജോലികൾ തൊഴിലാളികളെക്കൊണ്ട് ചെയ്യിപ്പിക്കരുതെന്ന് കർശന നിർദേശവും നൽകി. നിരവധി തവണ ഇതുമായി ബന്ധപ്പെട്ട് ലേബർ ഓഫീസർക്കും ആരോഗ്യവകുപ്പിനും പരാതി ലഭിച്ചതിന്റെ അടിസ്ഥാനത്തിൽ കരാറുകാരന് ബന്ധപ്പെട്ട വകുപ്പിൽനിന്നും…
Read Moreവയനാട്ടിൽ രാഹുൽ ഗാന്ധി മത്സരിക്കുന്നത് തെറ്റായ സന്ദേശം നൽകുമെന്ന് എൻസിപി
കൊച്ചി: രാഹുൽ ഗാന്ധി വയനാട്ടിൽ മത്സരിക്കുന്നതു തെറ്റായ സന്ദേശം നൽകുമെന്ന് എൻസിപി ദേശീയ നേതൃത്വം കോണ്ഗ്രസിനെ അറിയിച്ചതായി സംസ്ഥാന പ്രസിഡന്റ് തോമസ് ചാണ്ടി. രാജ്യത്തെ പ്രധാന രാഷ്ട്രീയ ശത്രു ബിജെപിയാണ്. അവർക്കെതിരേ രൂപപ്പെടുന്ന മതേതര സഖ്യത്തിന്റെ ഭാഗമായി പ്രവർത്തിക്കേണ്ട ഇടതുപക്ഷത്തിനെതിരേ മത്സരിക്കുന്നതിൽനിന്നു രാഹുൽ പിൻമാറണമെന്നു ദേശീയ അധ്യക്ഷൻ ശരത് പവാർ കോണ്ഗ്രസ് നേതൃത്വത്തോട് ആവശ്യപ്പെട്ടെന്നും തോമസ് ചാണ്ടി പറഞ്ഞു. കൊച്ചിയിൽ എൻസിപിയുടെ സംസ്ഥാന നേതൃയോഗത്തിനുശേഷം മാധ്യമങ്ങളോടു സംസാരിക്കുകയായിരുന്നു അദ്ദേഹം. നിലവിൽ സംസ്ഥാനത്ത് എൽഡിഎഫിന് അനുകൂലമായ സാഹചര്യമാണുള്ളത്. തെരഞ്ഞെടുപ്പിൽ സീറ്റ് ലഭിക്കാത്തതിൽ ഒരു നിരാശയുമില്ല. സിപിഐ സ്ഥാനാർഥികൾക്കു വേണ്ടി എൻസിപി പ്രവർത്തകർ രംഗത്തിറങ്ങുന്നില്ലെന്ന ആരോപണം അടിസ്ഥാനരഹിതമാണെന്നും തോമസ് ചാണ്ടി പറഞ്ഞു. ലക്ഷദ്വീപിൽ എൻസിപി കോണ്ഗ്രസിനെതിരേ മത്സരിക്കുന്നത് അവിടെ ബിജെപി ദുർബലമായതുകൊണ്ടണെന്നും മന്ത്രി എ.കെ. ശശീന്ദ്രൻ പറഞ്ഞു.
Read More