കൊച്ചി: ലോക്സഭ തെരഞ്ഞെടുപ്പിൽ മത്സരിക്കാനില്ലെന്ന് ആവർത്തിച്ച് മുൻ കെപിസിസി പ്രസിഡന്റ് വി.എം. സുധീരൻ. കൂടുതൽ യുവാക്കൾ തെരഞ്ഞെടുപ്പ് രംഗത്തേക്ക് വരട്ടെയെന്നും അദ്ദേഹം പറഞ്ഞു. നിലവിൽ യുഡിഎഫിന് 20 സീറ്റും ലഭിക്കാൻ അനുകൂലമായ സാഹചര്യമാണുള്ളത്. സ്ഥാനാർഥി നിർണയം പൂർത്തിയാക്കുന്നതിൽ ഇനി ഒട്ടും അമാന്തം ഉണ്ടാകരുത്. സ്ഥാനാർഥി നിർണയം വൈകുന്ന സാഹചര്യം ഒഴിവാക്കണമായിരുന്നുവെന്നും അദ്ദേഹം പറഞ്ഞു. കേരള കോണ്ഗ്രസിലെ സീറ്റ് തർക്കം ഈ തരത്തിലേക്ക് പ്രശ്നങ്ങൾ എത്തിക്കരുതായിരുന്നുവെന്നും നേതാക്കൾ ജാഗ്രത പുലർത്തണമായിരുന്നുവെന്നും സുധീരൻ കൂട്ടിച്ചേർത്തു.
Read MoreCategory: Kochi
പ്രകൃതിയോട് എങ്ങനെ പെരുമാറുന്നോ അതുതന്നെ തിരിച്ചും പ്രതീക്ഷിക്കാം; മുസിരിസ് ബിനാലയിൽ പ്രളയം പ്രമേയമാക്കി ബംഗ്ലാദേശി കലാകാരി മർസിയ ഫർഹാന
കൊച്ചി: കൊച്ചി-മുസിരിസ് ബിനാലെയുടെ പ്രധാനവേദിയായ ഫോർട്ട്കൊച്ചി ആസ്പിൻവാൾ ഹൗസിൽ ഒറ്റനോട്ടം കൊണ്ട് എല്ലാവരെയും ആകർഷിക്കുന്ന പ്രതിഷ്ഠാപനമാണ് ബംഗ്ലാദേശി കലാകാരി മർസിയ ഫർഹാനയുടേത്. മുറിക്കുള്ളിൽ എല്ലാ ഗൃഹോപകരണങ്ങളും തല കീഴായി കിടക്കുന്നു. കേരളം അനുഭവിച്ച ഏറ്റവും വലിയ പ്രളയത്തിന്റെ നേർക്കാഴ്ചയാണ് ഫർഹാനയുടെ ഈ പ്രതിഷ്ഠാപനം. പ്രളയക്കെടുതികളെ എങ്ങിനെയാണോ കേരളത്തിലെ ജനങ്ങൾ നേരിട്ടനുഭവിച്ചത്, അതേ രീതിയിൽ തന്നെയാണ് ഈ പ്രതിഷ്ഠാപനവും. ഫ്രിഡ്ജ്, അലമാര, ടിവി, വാഷിംഗ് മെഷീൻ തുടങ്ങി എല്ലാം തല കീഴായി തൂങ്ങിക്കിടക്കുന്നു. മേൽക്കൂരയിൽനിന്നും ഉരുക്ക് കയർ ഉപയോഗിച്ചാണ് ഇത് സാധ്യമാക്കിയത്. ഇക്കോസൈഡ് ആൻഡ് ദി റൈസ് ഓഫ് ഫ്രീഫാൾ എന്നതാണ് ഈ പ്രതിഷ്ഠാപനത്തിന് ഫർഹാന നൽകിയിരിക്കുന്ന പേര്. മനുഷ്യൻ പ്രകൃതിയോട് എങ്ങിനെ പെരുമാറുന്നുവോ അതു തന്നെ തിരിച്ചും പ്രതീക്ഷിക്കാമെന്ന് അവർ പറഞ്ഞു. ചരിത്രത്തിൻറെ പരിണാമസന്ധിയിൽ പെട്ട് പോയി താഴേക്ക് പതിക്കുന്ന മനുഷ്യകുലത്തെയാണ് തലകീഴായി കിടക്കുന്ന ഗൃഹോപകരണങ്ങൾ സൂചിപ്പിക്കുന്നത്.…
Read Moreപോലീസിന്റെ ആദ്യ നിഗനം തെറ്റിച്ച് പെൺകുട്ടിയുടെ മൊഴി; കൊച്ചിയിൽ പെണ്കുട്ടിയുടെ ദേഹത്ത് പെട്രോൾ ഒഴിച്ച സംഭവത്തിൽ കൊലപാതകശ്രമത്തിന് കേസ്
കൊച്ചി: പനന്പിള്ളി നഗറിൽ നടുറോഡിൽ പെണ്കുട്ടിയുടെ ദേഹത്തു ബൈക്കിലെത്തിയ യുവാവ് പെട്രോളൊഴിച്ച സംഭവത്തിൽ എറണാകുളം സൗത്ത് പോലീസ് കൊലപാതകശ്രമത്തിന് കേസ് രജിസ്റ്റർ ചെയ്തു. യുവാവിനെ തിരിച്ചറിയുന്നതിനായി അന്വേഷണം വ്യാപകമാക്കിയെന്നും പ്രദേശത്തെ സിസിടിവി ദൃശ്യങ്ങളടക്കം പരിശോധിക്കുമെന്നും അധികൃതർ പറഞ്ഞു. പെണ്കുട്ടിയുടെ മൊഴി ഇന്നലെ രാത്രി തന്നെ പോലീസ് രേഖപ്പെടുത്തി. പ്രേമനൈരാശ്യമാകാം ആക്രമണത്തിനു പിന്നിലെന്നായിരുന്നു പോലീസിന്റെ ആദ്യ നിഗമനം. എന്നാൽ, അത്തരത്തിലുള്ള വിവരങ്ങളൊന്നും പെണ്കുട്ടിയുടെ മൊഴിയിൽ ഇല്ലെന്ന് പോലീസ് പറഞ്ഞു. ഇന്നലെ രാത്രി 7.15 ഓടെ പനന്പിള്ളി നഗർ ഗവ. ഹയർസെക്കൻഡറി സ്കൂളിന് സമീപമായിരുന്നു സംഭവം. കൊച്ചിയിലെ സ്വകാര്യ സ്ഥാപനത്തിൽ ഏവിയേഷൻ കോഴ്സ് പഠിക്കുന്ന പെണ്കുട്ടി ക്ലാസ് കഴിഞ്ഞശേഷം പെണ് സുഹൃത്തിനോടൊപ്പം നടന്നു വീട്ടിലേക്കു മടങ്ങുകയായിരുന്നു. ഈ സമയം ബൈക്കിലെത്തിയ മുഖംമൂടി ധരിച്ച യുവാവ് പ്ലാസ്റ്റിക് കുപ്പിയിൽ കരുതിയ പെട്രോൾ പെണ്കുട്ടിയുടെ ദേഹത്ത് ഒഴിച്ചു. ഭയന്ന പെണ്കുട്ടി ഉടൻ റോഡ്…
Read Moreസപ്ലൈകോയുടെ ഗൃഹോപകരണ വിപണനം സൂപ്പർഹിറ്റ്! 12 ദിവസത്തിനിടെ 20 ലക്ഷം രൂപയുടെ വില്പന
റോബിൻ ജോർജ് കൊച്ചി: കൂടുതൽ ഉപഭോക്താക്കളെ ആകർഷിക്കുന്നതിനും വിപണിയിലെ ചൂഷണം അവസാനിപ്പിക്കുന്നതിനുമായി സപ്ലൈകോ ആരംഭിച്ച ഗൃഹോപകരണ വിപണനം സൂപ്പർ ഹിറ്റായി. സംസ്ഥാനത്ത് ഏഴു ജില്ലകളിലായി തെരഞ്ഞെടുത്ത 10 വില്പനശാലകളിലൂടെ മാത്രം 12 ദിവസത്തിനിടെ 20 ലക്ഷം രൂപയുടെ വില്പനയാണ് നടന്നത്. ഇതിലൂടെ സപ്ലൈകോയ്ക്കുണ്ടായ ലാഭം രണ്ടു ലക്ഷം രൂപ. എംആർപിയിൽനിന്നു 40 ശതമാനം വരെ വിലക്കുറവിൽ വില്പന നടത്തുന്നതിനെത്തുടർന്ന് ഉപഭോക്താക്കളിൽനിന്നു മികച്ച പ്രതികരണം ലഭിച്ചതോടെ പദ്ധതി എല്ലാ ജില്ലകളിലേക്കും വ്യാപിപിക്കാനൊരുങ്ങുകയാണ് അധികൃതർ. ഇതിന്റെ ഭാഗമായി ഗൃഹോപകരണ വിപണനത്തിനു സ്ഥലസൗകര്യമുള്ള വില്പനശാലകളുടെ വിവരം കൈമാറാൻ അധികൃതർക്ക് നിർദേശം നൽകി. കഴിഞ്ഞ മാസം 26നാണ് സപ്ലൈകോ ഗൃഹോപകരണ വിപണനം ആരംഭിച്ചത്. കോട്ടയം, തിരുവനന്തപുരം, കരുനാഗപ്പള്ളി, എറണാകുളം എന്നീ ഹൈപ്പർ മാർക്കറ്റുകളിലും കൊട്ടാരക്കര, പുത്തനന്പലം, മാള, ചാലക്കുടി, എടക്കര എന്നീ സൂപ്പർ മാർക്കറ്റുകളിലും തൃശൂർ പീപ്പിൾസ് ബസാറിലുമാണ് ഗൃഹോപകരണ വിപണനം ആരംഭിച്ചത്.…
Read Moreതെരഞ്ഞെടുപ്പ് പടിവാതിക്കലെത്തി! എൽഡിഎഫിനു കത്തിക്കാൻ സോളാർ വേണം
കൊച്ചി: തെരഞ്ഞെടുപ്പുകൾ എത്തുന്പോൾ സോളാറിന്റെ പൊടിതട്ടി കുടഞ്ഞു എൽഡിഎഫ് രംഗത്ത് വരുന്ന പ്രവണത തുടരുന്നു. കഴിഞ്ഞ നിയമസഭ തെരഞ്ഞെടുപ്പിനുശേഷം നിറംമങ്ങി കിടന്ന സോളാർ കേസ് ഉപതെരഞ്ഞെടുപ്പുകളിലും തുടർന്നു ലോക്സഭ തെരഞ്ഞെടുപ്പ് എത്തിയപ്പോൾ വീണ്ടും കത്തിക്കാൻ എൽഡിഎഫ് തിരുമാനിച്ചു. കർഷക ആത്മഹത്യ, രാഷ്ട്രീയ കൊലപാതകം, ചർച്ച് ബിൽ തുടങ്ങിയ നിരവധി വിഷയങ്ങളിൽ തലകറങ്ങി നിൽക്കുന്ന എൽഡിഎഫ് സർക്കാരിനു സോളാർ വിഷയമാണ് ആകെയുള്ള ആശ്രയം. 2013ൽ നടന്ന സോളാർ കേസ് വിവിധ ഏജൻസികൾ അന്വേഷിച്ചതാണ്. എഡിജിപിമാരായ അനിൽ കാന്തും രാജേഷ് ദിവാനും ഇത് നിലനിൽക്കാത്ത കേസാണെന്നു വ്യക്തമാക്കിയിരുന്നു. കേസുകൾ വീണ്ടും രംഗത്തേക്ക് കൊണ്ടു വരുകയാണെന്ന ആക്ഷേപവും ശക്തമാണ്. മൂന്നു കോണ്ഗ്രസ് എംഎൽഎമാർക്കെതിരേ ലൈംഗിക പീഡനത്തിനു ക്രൈംബ്രാഞ്ച് കേസെടുത്തിരിക്കുകയാണ്. എംഎൽഎമാരായ ഹൈബി ഈഡൻ, അടൂർ പ്രകാശ്, എ.പി. അനിൽകുമാർ എന്നിവർക്കെതിരെയാണ് കേസ്. സോളാർ വ്യവസായം തുടങ്ങാൻ സഹായിക്കാമെന്നു പറഞ്ഞു ശാരീരികമായി ഉപദ്രവിച്ചെന്ന…
Read Moreഎറണാകുളത്ത് വ്യത്യസ്ത അപകടങ്ങളിൽ രണ്ട് മരണം; സ്കൂട്ടറിൽ നിന്നും വീണ നഴ്സ് ടോറസ് ലോറികയറി മരിച്ചു; നിർത്തിയിട്ട ട്രെയിലറിന് പിന്നിലിടിച്ച് യുവാവിന് ദാരുണാന്ത്യം
പിറവം: നിയന്ത്രണം വിട്ട് ജീപ്പിലിടിച്ച് സ്കൂട്ടറിൽ നിന്നും തെറിച്ചു റോഡിൽ വീണ നേഴ്സ് ടോറസ് ലോറി കയറി മരിച്ചു. ആരക്കുന്നം ഗവണ്മെന്റ് ഹെൽത്ത് സെന്ററിലെ ജീവനക്കാരിയായ പിറവം പാലച്ചുവട് ചാമക്കാലായിൽ സലിമിന്റെ ഭാര്യ ജയശ്രി (50) ആണ് മരിച്ചത്. ഇന്ന് രാവിലെ ഒന്പതോടെ പാഴൂർ പെരുംതൃക്കോവിൽ ക്ഷേത്ര ജംഗ്ഷന് സമീപത്താണ് അപകടമുണ്ടായത്. സ്കൂട്ടറിൽ ജോലിക്ക് പോവുകയായിരുന്ന ജയശ്രിയുടെ വണ്ടി ഇവിടെ പാർക്ക് ചെയ്തിരുന്ന ജീപ്പിലിടിച്ചു മറിയുകയായിരുന്നു. റോഡിലേക്ക് തെറിച്ചുവീണ ജയശ്രീയുടെ ശരീരത്തിലൂടെ ഇതുവഴി വന്ന ടോറസ് ലോറി കയറിയിറങ്ങി. സംഭവസ്ഥലത്തുവെച്ചുതന്നെ മരണം സംഭവിച്ചിരുന്നു. വൈറ്റിലയ്ക്കു സമീപം വാഹനാപകടം; യുവാവ് തത്ക്ഷണം മരിച്ചു കൊച്ചി: വൈറ്റിലയ്ക്കു സമീപം പുലർച്ചെയുണ്ടായ വാഹനാപകടത്തിൽ പനങ്ങാട് സ്വദേശിയായ യുവാവ് തത്ക്ഷണം മരിച്ചു, സഹയാത്രികന് പരിക്കേറ്റു. പുലർച്ചെ 4.50 ഓടെ വൈറ്റില ഗോൾഡ് സൂക്കിനു സമീപമായിരുന്നു അപകടം. നിർത്തിയിട്ടിരുന്ന ട്രെയിലറിനു പിന്നിൽ യുവാക്കൾ സഞ്ചരിച്ചിരുന്ന…
Read Moreനൈട്രോസിപാം ഗുളികകളുമായി യുവാവ് പിടിയിലായ സംഭവം; പ്രതിയുടെ ഫോണിലേക്ക് വന്ന നമ്പർ പരിശോധിച്ച എക്സൈസ് സംഘത്തിന് ഞെട്ടൽ
കൊച്ചി: മയക്കുമരുന്നായ നൈട്രോസിപാം ഗുളികയുമായി പിടിയിലായ യുവാവിന്റെ ഫോണിലേക്ക് വിളിക്കുന്നവരെ തിരിച്ചറിഞ്ഞപ്പോൾ കണ്ണുതള്ളി എക്സൈസ് സംഘം. പ്രതിയുടെ ഫോണിലേക്ക് യുവതി-യുവാക്കൾ മുതൽ വീട്ടമ്മമാർ വരെ മയക്കുമരുന്ന് ഗുളികകൾ ആവശ്യപ്പെട്ട് വിളിക്കുന്നതായാണ് അധികൃതർ കണ്ടെത്തിയത്. ഇവരിൽ പലരും സ്ഥിരം ആവശ്യക്കാരാണെന്നാണു സൂചന. ആലുവ മെട്രോ സ്റ്റേഷൻ ഭാഗത്തുനിന്നും ബ്രഹ്മപുരം പാടത്തികരയിൽ മാത്രക്കാട്ടിൽ ഷിറാസിനെയാണ് (20) ഇയാളുടെ വാഹനം ചെയ്സ് ചെയ്ത് അതിസാഹസികമായി എറണാകുളം എക്സൈസ് സ്ക്വാഡ് പിടികൂടിയത്. ബംഗ്ളൂരു, സേലം എന്നിവിടങ്ങളിൽനിന്നും സ്ട്രിപ്പിന് ഏകദേശം 1000 മുതൽ 1500 രൂപ വരെ നൽകിയാണ് ഇവിടെ എത്തിച്ചിരുന്നത്. എറണാകുളത്ത് എത്തിച്ച് ഒരു ഗുളികയ്ക്ക് 500 രൂപ വരെ നിരക്കിൽ വിദ്യാർഥികൾക്കിടയിൽ വിൽപ്പന നടത്തിവന്നിരുന്നതായി പ്രതിയിൽനിന്നും വിവരം ലഭിച്ചതായും എക്സൈസ് അധികൃതർ പറഞ്ഞു. ആവശ്യക്കാരായ യുവതി-യുവാക്കളെയും വീട്ടമ്മമാരെയും കണ്ടെത്തി കച്ചേരിപ്പടി, മൂവാറ്റുപുഴ എന്നിവിടങ്ങളിൽ പ്രവർത്തിക്കുന്ന എക്സൈസിന്റെ സൗജന്യലഹരിവിമുക്ത ചികിത്സ കേന്ദ്രത്തിൽ എത്തിക്കുന്നതിനുള്ള…
Read Moreഎറണാകുളവും ചാലക്കുടിയും കാത്തിരിക്കുന്നു യുഡിഎഫ് സ്ഥാനാർഥി ആര്?
കൊച്ചി: ലോക്സഭാ തെരഞ്ഞെടുപ്പിന് എൽഡിഎഫ് സ്ഥാനാർഥികളെ പ്രഖ്യാപിച്ചു ബഹുദൂരം മുന്നോട്ട് പോയിട്ടും യുഡിഎഫിനു സ്ഥാനാർഥികളായില്ല. കേരളത്തിലുള്ള രാഹുൽഗാന്ധിയ്ക്കുമുന്നിൽ സ്ഥാനാർഥികളെ സംബന്ധിച്ചു ചർച്ച ഇന്നലെ നടന്നു. എന്നാൽ, ഇതുവരെ സ്ഥാനാർഥികളെ പ്രഖ്യാപക്കാത്തതു കടുത്ത അമർഷമാണ് പാർട്ടിക്കുള്ളിലും മുന്നണിയിലും ഉയരുന്നത്. രണ്ട് ദിവസത്തിനുള്ളിൽ സ്ഥാനാർഥികളെ പ്രഖ്യാപിക്കാനുള്ള നീക്കമാണ് നടക്കുന്നതെന്നു കോണ്ഗ്രസ് നേതാക്കൾ തന്നെ വ്യക്തമാക്കുന്നു. എറണാകുളത്തു പി.രാജീവ് എൽഡിഎഫ് സ്ഥാനാർഥിയായി രംഗത്തിറങ്ങി കഴിഞ്ഞു. ബിജെപിയ്ക്കും യുഡിഎഫിനും സ്ഥാനാർഥികളായിട്ടില്ല. എന്നാൽ, യുഡിഎഫ് സ്ഥാനാർഥിയായി സിറ്റിംഗ് എംപി കെ.വി.തോമസ് തന്നെ എത്തുമെന്ന പ്രചാരണം ശക്തമാണ്. എന്നാൽ ഹൈബിഈഡൻ എംഎൽഎയുടെ പേര് സജീവമാണ്. ഇവരിൽ ആരെങ്കിലും എത്തിച്ചേരാണ് സാധ്യത. ഈ കണക്കുകൂട്ടലിലാണ് അണികളും. എന്നാൽ, ചാലക്കുടി സീറ്റിന്റെ പേരിൽ ശക്തമായ മത്സരമാണ് കോണ്ഗ്രസിൽ നടക്കുന്നത്. യുഡിഎഫ് കണ്വീനർ ബെന്നി ബെഹന്നാൻ, കെ.പി. ധനപാലൻ എന്നിവരുടെ പേരിനൊപ്പം ചാലക്കുടിയിലേക്കു കഴിഞ്ഞ പ്രാവശ്യം മത്സരിച്ചു പരാജയപ്പെട്ട പി.സി.ചാക്കോയും…
Read Moreബിജെപിയിൽ കലഹം; കെ. സുരേന്ദ്രന് സീറ്റില്ല? സീറ്റ് ഉറപ്പുള്ളത് കുമ്മനം രാജശേഖരനു മാത്രം
ജോണ്സണ് വേങ്ങത്തടം കൊച്ചി: ലോക്സഭാ തെരഞ്ഞെടുപ്പ് പടിവാതിക്കൽ വന്നു നിൽക്കുന്പോഴും സ്ഥാനാർഥികളെ പ്രഖ്യാപിക്കാൻ കഴിയാതെ ബിജെപിയിൽ തമ്മിലടി. പാർട്ടിക്കു സ്വാധീനമുള്ള സീറ്റുകൾക്കു വേണ്ടി സംസ്ഥാന നേതാക്കളുടെ പിടിവലിയും കലഹവും പാർട്ടിയെ പിടിച്ചു കുലുക്കിയിരിക്കുന്നു. പാർട്ടിയിൽ കുമ്മനം രാജശേഖരനു മാത്രമാണ് സീറ്റ് ഉറപ്പുള്ളത്. സംസ്ഥാന ജനറൽസെക്രട്ടറി കെ. സുരേന്ദ്രനു സീറ്റില്ലാത്ത അവസ്ഥയാണ്. അദ്ദേഹം മഞ്ചേശ്വരം നിയമസഭ മണ്ഡലത്തിൽ മത്സരിക്കട്ടെ എന്നാണ് ബിജെപിയിലെ ഒരു വിഭാഗത്തിന്റെ അഭിപ്രായം. കലഹം മൂത്തതോടെ ആർഎസ്എസും അഖിലേന്ത്യാ നേതൃത്വവും വിഷയത്തിൽ ഇടപെട്ടിരിക്കുകയാണ്. കുമ്മനം രാജശേഖരനെയും സംസ്ഥാന അധ്യക്ഷൻ ശ്രീധരൻപിള്ളയേയും ഡൽഹിക്കുവിളിപ്പിച്ചിട്ടുണ്ട്. ഇവർ 16നു ഡൽഹിയിലെത്തി അഖിലേന്ത്യാ അധ്യക്ഷൻ അമിത് ഷായുമായി സംസാരിക്കും. ഇതുകൂടാതെ ഇവർ ഒരു ലിസ്റ്റ് തയാറാക്കിയാണ് പോകുന്നത്. ഒരു മണ്ഡലത്തിൽ നിന്നും മൂന്നു പേർ വച്ചുള്ള ലിസ്റ്റിൽ ഭേദഗതികൾ വരുത്തി അഖിലേന്ത്യാ അധ്യക്ഷൻ പ്രഖ്യാപിക്കും. സംസ്ഥാന ജനറൽ സെക്രട്ടറി കെ. സുരേന്ദ്രനു…
Read Moreതിരുവല്ലയിൽ നഗരമധ്യത്തിൽ പെട്രോളൊഴിച്ച് തീകൊളുത്തിയ സംഭവം: പെണ്കുട്ടിയുടെ നില ഗുരുതരമായി തുടരുന്നു
കൊച്ചി: തിരുവല്ല നഗരമധ്യത്തിൽ പട്ടാപ്പകൽ യുവാവ് പെട്രോളൊഴിച്ച് തീകൊളുത്തിയ പെണ്കുട്ടിയുടെ ആരോഗ്യ നില ഗുരുതരമായിതന്നെ തുടരുന്നു. വെന്റിലേറ്ററിൽ കഴിഞ്ഞുവരുന്ന പെണ്കുട്ടിയുടെ ആരോഗ്യനില സംബന്ധിച്ച് ഇപ്പോൾ ഒന്നും പറയാൻ കഴിയില്ലെന്നും രണ്ടു ദിവസംകൂടി നിരീക്ഷണത്തിലായിരിക്കുമെന്നും ആശുപത്രി വൃത്തങ്ങൾ പറഞ്ഞു. തീപിടിത്തത്തെത്തുടർന്ന് പെണ്കുട്ടിക്ക് ആഴത്തിൽ പൊള്ളലേറ്റിട്ടുണ്ട്. വിദഗ്ധ ഡോക്ടർമാരടങ്ങുന്ന സംഘമാണ് ചികിത്സ നടത്തിവരുന്നതെന്നും അധികൃതർ പറഞ്ഞു. തിരുവല്ലയിലെ സ്വകാര്യ സ്ഥാപനത്തിൽ റേഡിയോളജി പഠിക്കുന്ന അയിരൂർ സ്വദേശിനിയായ പെണ്കുട്ടിക്കാണ് കഴിഞ്ഞ ദിവസം പൊള്ളലേറ്റത്. വിദഗ്ധ ചികിത്സയ്ക്കായി പെണ്കുട്ടിയെ പിന്നീട് എറണാകുളത്തെ സ്വകാര്യ ആശുപത്രിയിലേക്ക് മാറ്റുകയായിരുന്നു.
Read More