പറവൂർ: ചെറിയപല്ലംതുരുത്ത് മുത്തപ്പൻതറ ക്ഷേത്രത്തിൽ ഉത്സവം കാണാനെത്തിയ യുവാവിനെ പറയകാട് പാലത്തിനു സമീപം പത്തോളം വരുന്ന സദാചാരഗുണ്ടകൾ മർദിച്ചവശനാക്കിയ സംഭവത്തിൽ മൂന്നുപേർ പിടിയിലായതായി സൂചന. പെരുന്പടന്ന മാട്ടുമ്മൽ കൊച്ചാതിപറന്പിൽ വിഷ്ണുവിനെ (27) മർദിച്ച സംഭവത്തിലാണ് പ്രതികളിൽ ചിലർ പിടിയിലായതായ വിവരം പുറത്തുവരുന്നത്. എന്നാൽ ഇത് സംബന്ധിച്ച സ്ഥികരീകരണം നൽകാൻ അധികൃതർ തയാറായിട്ടില്ല. പിടിയിലായവരുടെ അറസ്റ്റ് ഇന്ന് രേഖപ്പെടുത്തുമെന്നും സൂചനകളുണ്ട്. മർദനത്തിൽ ഗുരുതരമായി പരിക്കേറ്റ വിഷ്ണു പറവൂരിലെ കെഎംകെ ആശുപത്രിയിൽ ചികിത്സയിലാണ്. ഞായറാഴ്ച രാത്രി 10നായിരുന്നു സംഭവം. മർദനമേറ്റ വിഷ്ണുവിന്റെ കണ്ണിനു മുകളിലും ചുണ്ടിലും അഞ്ച് വീതം തുന്നൽ വേണ്ടിവന്നു. മൂക്കിന്റെ എല്ല് ഒടിഞ്ഞിട്ടുണ്ട്. മുഖമാകെ വീർത്ത നിലയിലാണ്. ചെറിയപല്ലംതുരുത്തിലുള്ള യുവതിയുമായി വിഷ്ണുവിന്റെ വിവാഹം നിശ്ചയിച്ചിരിക്കുകയാണ്. പെണ്കുട്ടിയുടെ വീട്ടുകാർ ക്ഷണിച്ചതനുസരിച്ചാണു വിഷ്ണുവും ബന്ധവും കൂടി ഉത്സവം കാണാൻ എത്തിയത്.പെണ്കുട്ടിയുടെ സഹോദരനുമായി വർത്തമാനം പറഞ്ഞുകൊണ്ടിരിക്കുന്നതിനിടെ മദ്യലഹരിയിലായിരുന്ന പത്തംഗസംഘം യാതൊരു പ്രകോപനവുമില്ലാതെ…
Read MoreCategory: Kochi
ഫ്ളക്സ് പോകുന്നു, പകരം ബോഹർ വരുന്നു… പരിസ്ഥിതി സൗഹൃദക്കാരനായ ബോഹറിനെക്കുറിച്ചറിയാം
കൊച്ചി: പരിസ്ഥിതി പ്രശ്നങ്ങളുടെ പേരിൽ തെരഞ്ഞെടുപ്പിന്റെ ആദ്യഘട്ടത്തിൽതന്നെ കോടതി വിധിയിലൂടെ ഔട്ടായ ഫ്ളക്സിനു പകരക്കാരനായി “ബോഹർ’ എത്തുന്നു. ചിത്രങ്ങളും അക്ഷരങ്ങളും മികവോടെ പ്രദർശിപ്പിക്കാൻ കഴിയുന്നതിനൊപ്പം പരിസ്ഥിതി സൗഹൃദക്കാരൻ എന്നതാണു ബോഹറിന്റെ പ്രത്യേകത. ഉപയോഗശേഷം വലിച്ചെറിഞ്ഞാലും മണ്ണിൽ ലയിച്ച് അലിഞ്ഞുചേരാൻ ജൈവനായ ബോഹറിനാകും. കത്തിച്ചാൽ നിമിഷംകൊണ്ടു ചാരമാകും. ബോഹറിനെ സ്വാഗതം ചെയ്തു പ്രിന്റിംഗ് മേഖലയും മുന്നോട്ടു വന്നതോടെ വരുംദിനങ്ങളിൽ പാതയോരങ്ങളിൽ ബോഹർ ബോർഡുകളും ബാനറുകളും നിറയും. രണ്ടു പേപ്പറുകൾ കൂട്ടിച്ചേർത്താണ് ഈ ജൈവ ബാനർ നിർമിക്കുന്നത്. കൂട്ടിച്ചേർക്കുന്ന പേപ്പറുകൾക്കിടയിൽ നൂലുകൾ പ്രത്യേക അനുപാതത്തിൽ നിരനിരയായി നിരത്തും. തുടർന്ന് ചോളം, കപ്പ എന്നിവയിൽനിന്നു വേർതിരിച്ചെടുത്ത പോളിലാക്ടിക് ആസിഡ് യന്ത്രസഹായത്തോടെ പ്രത്യേക അളവിൽ പേപ്പറിനു പുറത്തു പുരട്ടും. ഫ്ളക്സ് പോലെതന്നെ വെയിലും മഴയും കൊണ്ടാലും നശിക്കില്ലെന്നു മാത്രമല്ല, ഏതു കാലാവസ്ഥയിലും മിന്നിത്തിളങ്ങാനും ബോഹറിനു കഴിയും. ഈ ഉത്പന്നത്തിനു ശുചിത്വമിഷന്റെയും മലിനീകരണ നിയന്ത്രണ…
Read Moreഫ്ളെക്സ് നിരോധനവും തെരഞ്ഞെടുപ്പും ; ചുവർ-ബാനറെഴുത്തുകാർക്കു നല്ലകാലം
കോതമംഗലം: ഫ്ളെക്സിന്റെ നിരോധനവും തെരഞ്ഞെടുപ്പും എത്തിയതോടെ വീണ്ടും സജീവമാകാനൊരുങ്ങുകയാണ് ചുവരെഴുത്തുകാർ. ചുവരെഴുത്തു ജോലി ഉപേക്ഷിച്ച് പെയിന്റിംഗ് മേഖലയിലേക്കും മറ്റും തിരിഞ്ഞവർക്കു തെരഞ്ഞെടുപ്പ് കാലം നല്ലകാലമാകുമെന്ന പ്രതീക്ഷയിലാണ്. പൊടിയും ചെളിയും പിടിച്ചു കാടുകയറി കിടന്ന മതിലുകളെല്ലാം ഇതോടെ മിന്നിത്തിളങ്ങും. ഫ്ളക്സ് നിരോധനത്തെ പ്രതീക്ഷയോടെയാണ് ചുവർ-ബാനറെഴുത്ത് കലാകാരന്മാർ കാണുന്നത്. ഇത്തവണ പ്രതാപത്തിലേക്കു തിരിച്ചെത്തുമെന്ന പ്രതീക്ഷയിലാണ് പഴയ ചുമരെഴുത്തുകാർ. കലയ്ക്കൊപ്പം തങ്ങളുടെ കൈത്തൊഴിൽ കൂടിയായ ചുവരെഴുത്തിൽ വീണ്ടും പച്ചപിടിക്കാനുള്ള അവസരമായാണ് ഈ തെരഞ്ഞെടുപ്പുകാലത്തെ ഇവർ കാണുകയാണ്. തെരഞ്ഞെടുപ്പ് പ്രചാരണത്തിനു ചുവരെഴുത്തിനൊപ്പം തുണി ബാനറും ആവശ്യമായി വരുമെന്നതു തങ്ങൾക്കു നേട്ടമാകുമെന്നാണ് ചിത്രകാരൻമാർ പറയുന്നത്. മുന്പു വേണ്ടെന്നുവച്ച പഴയ ചുവരെഴുത്തു രീതിയിലേക്കു രാഷ്ട്രീയ പാർട്ടികളും തിരിഞ്ഞുകഴിഞ്ഞു. സ്ഥാനാർഥികളുടെ അന്തിമ ലിസ്റ്റ് വരുന്നതിനു മുന്പെ മതിലുകളിലും മറ്റും പല സ്ഥാനാർഥികളുടെയും പേരും ചിഹ്നവും സ്ഥാനം പിടിച്ചു കഴിഞ്ഞു. സ്ഥാനാർഥി നിർണയം പൂർത്തിയാകാത്ത മുന്നണികൾ ചുവരുകൾ സ്വന്തം…
Read Moreപെൺകുട്ടിയെ പെട്രോളൊഴിച്ച് തീകൊളുത്തിയ സംഭവം; പെണ്കുട്ടിയുടെ ആരോഗ്യനിലയിൽ പുരോഗതിയില്ല: വെന്റിലേറ്ററിൽ തുടരുന്നു
കൊച്ചി: തിരുവല്ല നഗരമധ്യത്തിൽ പട്ടാപ്പകൽ യുവാവ് പെട്രോളൊഴിച്ച് തീകൊളുത്തിയ പെണ്കുട്ടിയുടെ ആരോഗ്യ നില ഗുരുതരമായി തുടരുന്നു. എറണാകുളത്തെ സ്വകാര്യ ആശുപത്രിയിലെ വെന്റിലേറ്ററിൽ കഴിഞ്ഞുവരുന്ന പെണ്കുട്ടിയുടെ ആരോഗ്യനിലയിൽ പുരോഗതിയില്ലെന്നും ഇപ്പോഴും നിരീക്ഷണത്തിലാണെന്നും ആശുപത്രി വൃത്തങ്ങൾ പറഞ്ഞു. പെൺകുട്ടിക്ക് 52 ശതമാനത്തോളം പൊള്ളലേറ്റതായാണ് അധികൃതർ പറയുന്നത്. തിരുവല്ലയിലെ സ്വകാര്യ സ്ഥാപനത്തിൽ റേഡിയോളജി പഠിക്കുന്ന അയിരൂർ സ്വദേശിനിയായ പെണ്കുട്ടിക്കാണ് പൊള്ളലേറ്റത്. പുഷ്പഗിരി മെഡിക്കൽ കോളജിൽ പ്രാഥമിക ചികിത്സ നൽകിയശേഷം വിദഗ്ധ ചികിത്സയ്ക്കായി പെണ്കുട്ടിയെ ഇന്നലെ ഉച്ചയോടെ എറണാകുളത്തെ ആശുപത്രിയിലേക്ക് മാറ്റുകയായിരുന്നു.
Read Moreകാക്കനാട് കൊലപാതകം; ഇനി പിടിയിലാകാനുള്ളത് ഒരാൾ കൂടി; ഇന്നലെ അറസ്റ്റിലായവരെ ഇന്ന് കോടതിയിൽ ഹാജരാക്കും
കൊച്ചി: കാക്കനാട് വാഴക്കാലയിൽ വെണ്ണല തെക്കേപ്പാടത്ത് ജിബിൻ വർഗീസിനെ സംഘം ചേർന്നു മർദിച്ച് കൊലപ്പെടുത്തിയ സംഭവത്തിൽ ഇനി പിടിയിലാകാനുള്ളത് ഒരാൾകൂടി. സംഭവം നടന്ന് ദിവസങ്ങൾക്കുള്ളിൽ ഭൂരിഭാഗം പ്രതികളെയും പിടികൂടാനായിരുന്നു. അതിനിടെ, ഇന്നലെ അറസ്റ്റിലായ ആറ് പ്രതികളെയും ഇന്നു കോടതിയിൽ ഹാജരാക്കുമെന്ന് അധികൃതർ പറഞ്ഞു. ആലുവ ശ്രീഭൂതപുരം ഉണപ്പാടത്ത് അനീസ് (34), കാക്കനാട് ഓലിമുകൾ ബിസ്മിനഗറിൽ പടന്നാട്ട് അസീസ് (47), ചിറ്റേത്തുകര കണ്ണങ്കേരി നിസാർ (19), വാഴക്കാല ഓലിക്കുഴി കുണ്ടുവേലിൽ കെ.പി. സലാം (42), വാഴക്കാല കുണ്ടുവേലിൽ ഹസൈനാർ (47), കാക്കനാട് ഓലിമുകൾ ഉള്ളംപിള്ളി വി.കെ. ഷിഹാബ് ( 33) എന്നിവരാണ് ഇന്നലെ അറസ്റ്റിലായത്. നേരത്തെ പിടിലായ ഏഴു പ്രതികൾ കാക്കനാട് ജില്ലാ ജയിലിൽ റിമാൻഡിലാണ്. ഇതോടെ ഇതുവരെ കേസിൽ പിടിയിലായവരുടെ എണ്ണം 13 ആയി. അറസ്റ്റിലായ ഒരാൾ തൃക്കാക്കര നഗരസഭ മുൻ കൗണ്സിലർ സിപിഎമ്മിലെ കെ.കെ. സിറാജ്…
Read Moreകനത്ത ചൂടിൽ ഇറച്ചിക്കോഴികൾ ചാകുന്നു; കോഴിക്കർഷകർ കടക്കെണിയിൽ; ജപ്തി നോട്ടീസുമായി ബാങ്കുകൾ
കോതമംഗലം: ചൂട് കനത്തതുമൂലം കോഴികൾ വലിയ തോതിൽ ചാകുന്നത് ഇറച്ചിക്കോഴി വ്യവസായത്തിനു തിരച്ചടിയാകുന്നു. അന്തരീക്ഷത്തിലെ ചൂട് വർധിച്ച് കോഴികളുടെ വളർച്ചയെ ബാധിച്ചതും വിപണിയിലെ വിലയിടിവും കർഷകർക്ക് ഇരുട്ടടിയായി. 75 രൂപയിലധികം ഉത്പാദന ചെലവ് വരുന്പോൾ കർഷകർക്കു ലഭിക്കുന്നത് 60-64 രൂപയാണ്. ഇപ്പോഴത്തെ ചില്ലറ വില 80-84 രൂപയാണ്. ചൂട് കനത്തതോടെ രോഗങ്ങൾ ബാധിച്ചു നൂറുകണക്കിന് കോഴികളാണ് ചത്തൊടുങ്ങുന്നത്. വളർച്ചയെത്തിയ കോഴികൾ ചാകുന്പോൾ കർഷകർക്ക് ഭീമമായ നഷ്ടം സഹിക്കേണ്ടിവരുന്നു. സ്വന്തമായും ഇന്റഗ്രേറ്റർമാർ വഴിയും കൃഷി ചെയ്യുന്ന സാധാരണക്കാരായ കർഷകർ നിത്യവൃത്തിക്ക് പോലും വകയില്ലത്ത അവസ്ഥയിലാണ്. കാർഷിക മേഖലയിലെ ഉത്പന്നങ്ങളുടെ വിലയിടിവിൽ സർവതും നഷ്ടപ്പെട്ട കർഷകർ അവസാന പിടിവള്ളിയെന്ന നിലയിലാണ് കോഴിവളർത്തൽ ആരംഭിച്ചത്. ഇന്റഗ്രേറ്റർമാർ കർഷകർക്ക് അർഹിക്കുന്ന പ്രതിഫലം നൽകാത്തതും കർഷകരുടെ സാന്പത്തിക ഭദ്രതയെ തകർക്കുന്നു. കുഞ്ഞ്, തീറ്റ, മരുന്നുകൾ എന്നിവ ഇന്റഗ്രേറ്റർമാർ കർഷർക്ക് വിതരണം ചെയ്യുമെങ്കിലും ഫാമിലേക്ക് ആവശ്യമായ…
Read Moreചാലക്കുടിയിൽ ഇടത് പ്രചാരണം ആരംഭിച്ചു; വോട്ടർമാരെ കാണാൻ പൂരപ്പറമ്പിലെത്തി ഇന്നസെന്റ്
ആലുവ: ലോക് സഭ തെരഞ്ഞെടുപ്പിൽ ചാലക്കുടി മണ്ഡലത്തിൽ ഇടത് മുന്നണിക്കായി രണ്ടാം വട്ടം മത്സരിക്കുന്ന ഇന്നസെന്റ് എംപി ആലുവ നിയോജക മണ്ഡലത്തിൽ പ്രചരണ പരിപാടികൾ ആരംഭിച്ചു. വോട്ടർമാരെ നേരിൽ കാണാനായി ഉത്സവാഘോഷങ്ങൾ, പൊതുസ്ഥലങ്ങൾ എന്നിവിടങ്ങളിലാണ് സമയം ചെലവഴിച്ചത്. എടയപ്പുറം കോലാട്ടുകാവ് ഭഗവതി ക്ഷേത്രത്തിലെ കുംഭഭരണി താലപ്പൊലി മഹോത്സവത്തിന്റെ സമാപന ദിവസമായ ഇന്നലെ എൽഡിഎഫ് സ്ഥാനാർഥി ഇന്നസെന്റും നേരിട്ടെത്തി. വൈകിട്ട് പകൽപ്പൂരം ക്ഷേത്രത്തിലെത്തിയപ്പോൾ ഇന്നസെന്റ് എംപി നേരിട്ടെത്തി ഉത്സവത്തിൽ പങ്കാളികളായി. ജിസിഡിഎ ചെയർമാൻ വി. സലീമടക്കം നേതാക്കന്മാരും ഒപ്പമുണ്ടായിരുന്നു. ഇതോടെ മറ്റു കക്ഷികളും ഉത്സവ പറമ്പിലെത്തി. ഉച്ചയ്ക്ക് പ്രസാദ ഊട്ടിൽ പങ്കെടുക്കാൻ അൻവർ സാദത്ത് എംഎൽഎയുടെ നേതൃത്വത്തിൽ കോൺഗ്രസ് നേതാക്കളാണ് ആദ്യമെത്തിയത്. ബിജെപി ജില്ലാ സെക്രട്ടറി എം.എൻ. ഗോപിയുടെ നേതൃത്വത്തിൽ എൻഡിഎ സംഘവും രാത്രി ക്ഷേത്രത്തിലെത്തി.
Read Moreകാക്കനാട് കൊലപാതകം; ആറുപേർ കൂടി പിടിയിൽ; കേസിൽ ഇതുവരെ പിടിയിലായവർ പതിമൂന്ന് പേർ
കൊച്ചി: കാക്കനാട് വാഴക്കാലയിൽ വെണ്ണല തെക്കേപ്പാടത്ത് ജിബിൻ വർഗീസിനെ സംഘം ചേർന്ന് മർദിച്ച് കൊലപ്പെടുത്തിയ സംഭവത്തിൽ ആറ്പേർകൂടി പോലീസ് പിടിയിൽ. വിശദമായി ചോദ്യം ചെയ്തുവരുന്ന പ്രതികളുടെ അറസ്റ്റ് ഇന്ന് രേഖപ്പെടുത്തിയേക്കും. ഇതോടെ കേസിൽ ഇതുവരെ പിടിയിലായവരുടെ എണ്ണം 13 ആയി. സംഭവത്തിൽ ഏഴ് പ്രതികളെ നേരത്തേ അറസ്റ്റ് ചെയ്തിരുന്നു. ഇവർ റിമാൻഡിൽ കഴിഞ്ഞുവരികയാണ്. ഇപ്പോൾ പിടിയിലായ ആറുപേരും കീഴടങ്ങിയതായാണു വിവരം. ഇത് സംബന്ധിച്ച കൂടുതൽ വിവരങ്ങൾ അധികൃതർ പുറത്തുവിട്ടിട്ടില്ല. കേസിൽ 14 പ്രതികൾക്ക് പങ്കുള്ളതായാണ് പോലീസ് വ്യക്തമാക്കിയിരുന്നത്. അപകട മരണമെന്നു പ്രഥമ ദൃഷ്ട്യാ തോന്നിയ കേസ് ഇരുപത് സംഘങ്ങളായി തിരിഞ്ഞു നടത്തിയ ശാസ്ത്രീയ അന്വേഷണത്തിലാണു കൊലപാതകമെന്നു കണ്ടെത്തിയും ഏഴു പ്രതികൾ അറസ്റ്റിലായതും. തൃക്കാക്കര അസിസ്റ്റന്റ് കമീഷണർ സ്റ്റുവർട്ട് കീലറുടെ നേതൃത്വത്തിൽ സിറ്റി ഷാഡോ പോലീസ്, സൈബർ വിഭാഗം, ഡോഗ് സ്ക്വാഡ്, ശാസ്ത്രീയ അന്വേഷണ വിഭാഗം തുടങ്ങിയവ സംയുക്തമായിട്ടായിരുന്നു…
Read Moreആദരാഞ്ജലികള് അര്പ്പിച്ച് വാട്ട്സ്ആപ്പ് വഴി വ്യാജ വാര്ത്ത; ധ്യാന യോഗത്തില് പങ്കെടുക്കുന്നതിനിടെ ഫോണ്നോക്കിയ കുര്യാക്കോസ് ഞെട്ടി
പെരുന്പാവൂർ: ജീവിച്ചിരിക്കുന്നയാൾക്ക് ആദരാഞ്ജലികൾ അർപ്പിച്ച് വാട്ട്സ് ആപ്പ് വഴി വ്യാജ വാർത്ത പ്രചരിപ്പിച്ച സംഭവത്തിൽ കുറുപ്പംപടി പോലീസ് അന്വേഷണമാരംഭിച്ചു. കുറുപ്പംപടി പാറ സ്വദേശി പാലയ്ക്കാപ്പിള്ളിൽ കുര്യാക്കോസിന്റെ പരാതിയുടെ അടിസ്ഥാനത്തിലാണ് പോലീസ് അന്വേഷണം ആരംഭിച്ചത്. ഞായറാഴ്ച എറണാകുളം വൈഎംസിഎ ഹാളിൽ ഭാര്യയോടൊത്ത് ധ്യാന യോഗത്തിൽ പങ്കെടുക്കുന്നതിനിടെയാണ് വാട്ട്സ് ആപ്പ് വഴി കുര്യാക്കോസിന്റെ മരണവാർത്ത പ്രചരിച്ചത്. സംഭവം കണ്ട് പലരും കുര്യാക്കോസിനെ ഫോണിൽ ബന്ധപ്പെട്ടെങ്കിലും ധ്യാന യോഗത്തിലായിരുന്നതിനാൽ ഫോണ് സൈലന്റ് മോഡിലായിരുന്നു. പിന്നീട് ഫോണിൽ നിരവധി മിസ്ഡ് കോളുകൾ കിടക്കുന്നത് കണ്ട് കുര്യാക്കോസ് സുഹൃത്തിനെ വിളിച്ചപ്പോഴാണ് സംഭവമറിയുന്നത്. കോതമംഗലം-പെരുന്പാവൂർ റൂട്ടിൽ സർവീസ് നടത്തുന്ന സ്വകാര്യ ബസിലെ ഡോർ ചെക്കറാണ് കുര്യാക്കോസ്.
Read Moreസമ്മാനത്തുക നൽകാമെന്ന് പറഞ്ഞ് വീട്ടമ്മയിൽനിന്ന് പണം തട്ടിയ സംഭവം; പിടിയിലായ ആഫ്രിക്കൻ വംശജനെ ഇന്ന് കോടതിയിൽ ഹാജരാക്കും
കോതമംഗലം: സമ്മാനത്തുക അടിച്ചതായി വിശ്വസിപ്പിച്ച് വീട്ടമ്മയിൽനിന്ന് പണംതട്ടിയ സംഭവത്തിൽ പിടിയിലായ ആഫ്രിക്കൻ വംശജനെ ഇന്ന് കോടതിയിൽ ഹാജരാക്കും. കോതമംഗലം ഫസ്റ്റ്ക്ലാസ് മജിസ്ട്രേറ്റ് കോടതിയിലാണ് പ്രതിയെ ഹാജരാക്കുക. ആഫ്രിക്കയിലെ താൻസാനിയ സ്വദേശി അന്റോണി മ്ലാഷ്നി(26) ആണ് മുംബൈ വിമാനത്താവളത്തിൽവച്ച് പോലീസിന്റെ പിടിയിലായത്. സാംസംഗ് കന്പനിയുടെ അഞ്ചു ലക്ഷം രൂപ സമ്മാനം ലഭിച്ചതായി തെറ്റിദ്ധരിപ്പിച്ചാണ് കോതമംഗലം ചെറുവട്ടൂർ വരിക്കാനിക്കൽ ഗ്രേസിയിൽനിന്ന് പ്രതി 25000 രൂപ തട്ടിയെടുത്തത്. 2016 ഒക്ടോബർ 20നാണ് കേസിന് ആസ്പദമായ സംഭവം. ഗ്രേസിയുടെ മൊബൈൽ ഫോണിലേക്ക് അഞ്ച് ലക്ഷം രൂപ സമ്മാനം കിട്ടിയതായി സന്ദേശവും തുടർന്ന് അന്റോണിയുടെ ഫോണ് വിളിയും വന്നു. സമ്മാനത്തുകയുടെ നികുതി തുകയായ 25000 രൂപ ഇയാളുടെ ഹൈദരാബാദിലുള്ള ബാങ്ക് ഓഫ് ബറോഡ ശാഖയിലെ അക്കൗണ്ട് നന്പറിലേക്ക് നിക്ഷേപിക്കണമെന്ന് അറിയിച്ചു. തുക നിക്ഷേപിച്ചു കഴിഞ്ഞ് മാസങ്ങൾ കഴിഞ്ഞിട്ടും സമ്മാനം കിട്ടാതെ വന്നപ്പോഴാണ് ഗ്രേസിക്ക് തട്ടിപ്പിന്…
Read More