സിജോ പൈനാടത്ത് കൊച്ചി: അണലിയുടെ കടിയേറ്റ അബിനു നഷ്ടമായതു ജീവിതത്തിലെ വിലപ്പെട്ട ഒരു വർഷം. പാന്പുകടിയേറ്റു പതിനാറു മണിക്കൂറിനുശേഷമാണ് ആശുപത്രിയിലെത്തിയതെങ്കിലും, അതീവഗുരുതരാവസ്ഥയിൽനിന്നു വിദഗ്ധ ചികിത്സയുടെ മികവിൽ അബിൻ പുതുജീവിതത്തിലേക്കു കൈപിടിച്ചു. നഷ്ടമായ ഒരു വർഷത്തെക്കുറിച്ചോർത്തു സമയം കളയാൻ അബിൻ തയാറല്ല. കഴിഞ്ഞ വർഷം എഴുതാനാവാതിരുന്ന എസ്എസ്എൽസി പരീക്ഷയ്ക്കുള്ള തീവ്രപ്രയത്നത്തിലാണ് ഇക്കുറി ഈ പതിനാറുകാരൻ. ആലുവ എരുമത്തല ഊരകത്ത് ജിജോ ജോസഫിന്റെയും റോസ്മോളിന്റെയും മകൻ അബിനു 2017 നവംബറിലാണു പാന്പു കടിയേറ്റത്. വീടിനടുത്തുള്ള മതിൽ ചാടിക്കടക്കുന്നതിനിടെ കാലിൽ അണലിയുടെ ദംശനമേൽക്കുകയായിരുന്നു. പാന്പുകടിയേറ്റ വിവരം വീട്ടുകാരിൽനിന്നു മറച്ചുവച്ച അബിൻ, വിഷം കലർന്ന രക്തം മുറിവിലൂടെ അമർത്തിക്കളഞ്ഞും സോപ്പിട്ടു കഴുകിയും സ്വയം പ്രഥമ ശുശ്രൂഷകൾ നടത്തി. കാലിലെ മുറിവ് കല്ലുകൊണ്ടുണ്ടായതാണെന്നാണു വീട്ടുകാരോടു പറഞ്ഞത്. രാത്രിയിൽ ഛർദ്ദിയും കാലുകളിൽ നീർക്കെട്ടും ഉണ്ടായതോടെ ആശുപത്രിയിലെത്തിച്ചെങ്കിലും പാന്പു കടിയുടെ കാര്യം അബിൻ പറഞ്ഞില്ല. പിറ്റേന്നു നീർക്കെട്ട്…
Read MoreCategory: Kochi
കോടതി ഉത്തരവിന് പുല്ലുവില; നടവഴി കൈയടക്കി കേരള സംരക്ഷണയാത്രയുടെ ഫ്ലക്സ് ബോർഡുകൾ
കളമശേരി: പാതയോരങ്ങളിൽ തടസമുണ്ടാകുന്ന രീതിയിൽ ഫ്ലക്സ് ബോർഡുകളും കൊടിതോരണങ്ങളും വയ്ക്കാൻ പാടില്ലായെന്ന ഹൈക്കോടതി ഉത്തരവ് നിലനിൽക്കെ മെട്രോ നടപ്പാത കൈയേറി ഫ്ലക്സ് ബോർഡുകൾ വീണ്ടും. സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ നയിക്കുന്ന കേരള സംരക്ഷണയാത്രയുമായി ബന്ധപ്പെട്ടാണ് കമാനങ്ങളും ബോർഡുകളും പാതയോരങ്ങളിൽ നിരന്നിരിക്കുന്നത്. ചില സ്ഥലങ്ങളിൽ കൊച്ചി മെട്രോ പാതയിലൂടെ നടക്കുന്നതിന് തടസമായാണ് വച്ചിരിക്കുന്നത്. പ്രധാന റോഡുകൾ തമ്മിൽ ബന്ധിപ്പിക്കുന്ന വഴികൾക്ക് നടുവിലായും കളമശേരിയിൽ ബോർഡുകൾ വച്ചിട്ടുണ്ട്. കുസാറ്റ് ജംഗ്ഷനിലും മറ്റും ഫുട്പാത്ത് കൈയേറിയാണ് ഫ്ലക്സ് ബോർഡുകൾ സ്ഥാപിച്ചിരിക്കുന്നത്. നാളെയാണ് കേരള സംരക്ഷണയാത്രകളമശേരിയിൽ എത്തുന്നത് എങ്കിലും ഒരാഴ്ചയോളമായി ജനങ്ങൾക്ക് ബുദ്ധിമുട്ട് ഉണ്ടാകുന്ന രീതിയിൽ ഈ ബോർഡുകൾ സ്ഥാപിച്ചിരിക്കുന്നത്. സൗത്ത് കളമശേരിയിലെ മജിസ്ട്രേറ്റ് കോടതിക്ക് സമീപത്ത് പോലും മുഖ്യമന്ത്രിയുടെയും കോടിയേരിയുടെയും ചിത്രം ഉൾപ്പെടുത്തിയ ഫ്ലക്സ് ഉപയോഗിച്ച് നിർമിച്ച പതിനഞ്ച് അടിയോളം ഉയരത്തിലാണ് വലിയ കമാനം നിർമ്മിച്ചിരിക്കുന്നത്. അതേ സമയം…
Read Moreമുൻ മുഖ്യമന്ത്രി ലൈംഗികമായി പീഡിപ്പിച്ചെന്ന പരാതി; ക്രൈംബ്രാഞ്ചിന്റെ അന്വേഷണം ഫലപ്രദമായി നടക്കുന്നില്ലെന്നാരോപിച്ച് ഇരയായ യുവതിയുടെ ഹർജി വീണ്ടും ഹൈക്കോടതിയിൽ
കൊച്ചി: മുൻ മുഖ്യമന്ത്രി ഉമ്മൻചാണ്ടി തന്നെ ലൈംഗികമായി പീഡിപ്പിച്ചെന്ന പരാതിയിൽ ക്രൈംബ്രാഞ്ചിന്റെ അന്വേഷണം ഫലപ്രദമായി നടക്കുന്നില്ലെന്നാരോപിച്ച് ഇരയായ യുവതി ഹൈക്കോടതിയിൽ ഹർജി നൽകി. നേരത്തെ കെ.സി. വേണുഗോപാൽ എംപിക്കെതിരേ യുവതി നൽകിയ സമാന ഹർജിയും ഹൈക്കോടതിയിലുണ്ട്. സോളാർ കന്പനിയുടെ ചുമതലയിലുണ്ടായിരുന്ന ഹർജിക്കാരിയെ സഹായിക്കാമെന്നു വാഗ്ദാനം നൽകി ഉമ്മൻ ചാണ്ടി 2012 സെപ്റ്റംബർ 19നു തന്റെ ഔദ്യോഗിക വസതിയിലേക്കു വിളിച്ചുവരുത്തി പീഡിപ്പിച്ചെന്നാണു പരാതിയിൽ പറയുന്നത്. കഴിഞ്ഞ ഒക്ടോബർ 20നു രജിസ്റ്റർ ചെയ്ത കേസിൽ ഇതുവരെ അറസ്റ്റോ മറ്റു നടപടികളോ ഉണ്ടായില്ലെന്നു ഹർജിക്കാരി ആരോപിക്കുന്നു.
Read Moreനാലു ദിനരാത്രങ്ങൾ നീണ്ട പരിശ്രമത്തിനൊടുവിൽ ബ്രഹ്മപുരം സാധാരണനിലയിലേക്ക്; കൊച്ചി നഗരം മാലിന്യക്കൂമ്പാരത്തിൽ
കൊച്ചി: നാലു ദിനരാത്രങ്ങൾ നീണ്ട പരിശ്രമത്തിനൊടുവിൽ ബ്രഹ്മപുരം മാലിന്യ സംസ്കരണ മേഖല സാധാരണനിലയിലേക്ക്. ജില്ലാ ഭരണകൂടത്തിന്റെ നേതൃത്വത്തിൽ അഗ്നിരക്ഷാസേനയും വിവിധ സർക്കാർ വകുപ്പുകളും നടത്തിയ പരിശ്രമങ്ങളുടെ ഭാഗമായി ഇന്നലെ രാവിലെയോടെ ബ്രഹ്മപുരത്തെ തീയും പുകയും നിശേഷം കെട്ടടങ്ങി. ഇതോടെ നഗരത്തിലും പരിസരത്തും വ്യാപിച്ച പുകയും ശമിച്ചു. ഇന്നലെ രാവിലെ പ്ലാന്റിന്റെ സമീപപ്രദേശങ്ങളായ രാജഗിരി വാലി, ചിറ്റേത്തുകര, മാപ്രാണം, നിലംപതിഞ്ഞമുഗൾ എന്നിവിടങ്ങളിൽ പുക വ്യാപിച്ചിരുന്നു. അപകടാവസ്ഥ പൂർണമായും ഇല്ലാതായെങ്കിലും അഗ്നിരക്ഷാസേനയും പോലീസും ഇപ്പോഴും ബ്രഹ്മപുരത്ത് ക്യാന്പ് ചെയ്യുന്നുണ്ട്. കൊച്ചി കോർപറേഷൻ ജീവനക്കാർ, പോലീസ്, റവന്യൂ, ആരോഗ്യം, മോട്ടോർ വാഹന വകുപ്പുകൾ എന്നിവയും ബ്രഹ്മപുരത്തെ സാധാരണനിലയിലെത്തിക്കാൻ പ്രയത്നിച്ചു. ജില്ലാ ദുരന്ത നിവാരണ അഥോറിറ്റി ചെയർമാൻ കൂടിയായ ജില്ലാ കളക്ടർ മുഹമ്മദ് സഫീറുള്ള നേരിട്ടാണ് അഗ്നിശമന പ്രവർത്തനങ്ങൾക്ക് നേതൃത്വം നൽകിയത്. അഡീഷണൽ ചീഫ് സെക്രട്ടറി ടി.കെ. ജോസും ബ്രഹ്മപുരത്തെത്തിയിരുന്നു. റീജണൽ ഫയർ…
Read Moreവനിതാ ഡോക്ടറുടെ വീട്ടിലെ കവർച്ച; മുഖം മൂടിയണിഞ്ഞ കുടവയർ ചാടിയ, കുള്ളനായ ആ കള്ളൻ മാരെക്കുറിച്ച് തുമ്പ് കിട്ടാതെ പോലീസ്
നെടുമ്പാശേരി: അത്താണിയില് വനിതാ ഡോക്ടറെ ബന്ദിയാക്കി വന് മോഷണം നടത്തിയ സംഭവത്തിൽ എങ്ങുമെത്താതെ അന്വേഷണം. മോഷണം നടന്ന് ഒരാഴ്ച പിന്നിട്ടിട്ടും അന്വേഷണത്തില് യാതൊരു പുരോഗതിയും ഉണ്ടായിട്ടില്ല. ഇതുമായി ബന്ധപ്പെട്ട് 40ഓളം പേരെ പോലീസ് ചോദ്യം ചെയ്യുകയും സമീപ പ്രദേശങ്ങളിലെ സിസിടിവി ദൃശ്യങ്ങള് ശേഖരിച്ച് പരിശോധിക്കുകയും ചെയ്തെങ്കിലും അന്വേഷനത്തിന് സഹായകമായ വിവരങ്ങള് ലഭ്യമായില്ല. അത്താണി കെഎസ്ഇബിക്കു സമീപം താമസിക്കുന്ന ചെങ്ങമനാട് സാമൂഹികാരോഗ്യകേന്ദ്രം മെഡിക്കല് ഓഫീസര് മാന്പറ്റേത്തു പറുദീസയിൽ ഡോ. ഗ്രേസ് മാത്യൂസിന്റെ വീട്ടിലാണു 16നു പുലർച്ചെ കവർച്ച നടന്നത്. 80 പവന് സ്വര്ണാഭരണങ്ങളും, ഒന്നര ലക്ഷം രൂപ വില വരുന്ന വജ്രമാലയും, 70,000 രൂപയുമാണ് ഇവിടെനിന്ന് നഷ്ടപ്പെട്ടത്. മുഖംമൂടി ധാരികളായ കവര്ച്ചാസംഘം വീടിന്റെ പിന്നിലെ വാതില് തകർത്താണ് അകത്തുകടന്നത്. ഭര്ത്താവ് ന്യൂയോര്ക്കിലും, ഏക മകന് മുംബൈയില് നേവിയിലും ജോലി ചെയ്യുന്നതിനാല് ഡോകടര് ഒറ്റയ്ക്കാണ് ഇവിടെ താമസിച്ചിരുന്നത്. ആലുവ ഡിവൈഎസ്പി…
Read Moreകാടിറങ്ങിയ രാജവെമ്പാലയെ ഉരുളൻതണ്ണിയിൽ വീട്ടിനുള്ളിൽ നിന്ന് പിടികൂടി
കോതമംഗലം: ഉരുളൻതണ്ണിക്ക് സമീപം വീട്ടിനുള്ളിൽനിന്ന് എട്ടടി നീളമുള്ള രാജവെന്പാലയെ പിടികൂടി. വലിയ ക്ണാച്ചേരിയിൽ കൊളന്പേക്കുടി ഷേർളിയുടെ വീട്ടിലെ കട്ടിലിന് അടിയിൽനിന്നാണ് രാജവെന്പാലയെ പിടിച്ചത്. ഞായറാഴ്ച വൈകിട്ട് 5.30 ഓടെയായിരുന്നു സംഭവം. സംഭവം അറിഞ്ഞ് നിരവധി പേർ സ്ഥലത്തെത്തിയിരുന്നു. വനംവകുപ്പ് ഓഫീസിൽനിന്ന് വിവരം അറിയിച്ചതിനെത്തുടർന്ന് കോതമംഗലത്തുനിന്ന് ഫോറസ്റ്റ് വാച്ചറും പാന്പു പിടുത്തക്കാരനുമായ ഷൈനും വനപാലകരും എത്തി. തുടർന്നു നടത്തിയ പരിശോധനയിൽ കട്ടിലിനിടയിൽനിന്ന് രാജവെന്പാലയെ സാഹസികമായി ഷൈൻ കൈപ്പിടിയിൽ ഒതുക്കുകയായിരുന്നു. ചാക്കിലാക്കിയ രാജവെന്പാലയെ പിന്നീട് ഉൾവനത്തിൽ തുറന്നുവിട്ടു.
Read Moreവിമാനം തട്ടിക്കൊണ്ടുപോകുമെന്ന്ഭീഷണി; നെടുമ്പാശേരി വിമാനത്താവളത്തിൽ സുരക്ഷ ശക്തമാക്കി
നെടുമ്പാശേരി: വിമാനം തട്ടിക്കൊണ്ടുപോകുമെന്ന ഭീഷണിയെ തുടര്ന്ന് നെടുമ്പാശേരിയില് സുരക്ഷാ പരിശോധനകള് കര്ശനമാക്കി. എയര് ഇന്ത്യ വിമാനം പാക്കിസ്ഥാനിലേക്ക് തട്ടിക്കൊണ്ടു പോകുമെന്ന് ശനിയാഴ്ചയാണ് മുംബൈയിലെ എയര് ഇന്ത്യ കണ് ട്രോള് സെന്ററിലേക്ക് ജെയ്ഷെ മുഹമ്മദ് എന്ന തീവ്രവാദ സംഘടനയുടെ പെരില് ഭീഷണി സന്ദേശം ലഭിച്ചത്. കാശ്മീരിലെ പുൽവാമ തീവ്രവാദ ആക്രമണത്തിന്റെ പശ്ചാത്തലത്തിലാണ് ഭീഷണി ഗൗരവമായി എടുത്തിരിക്കുന്നത്. ഇതേതുടര്ന്ന് രാജ്യത്തെ പ്രധാന വിമാനത്താവളങ്ങളില് ജാഗ്രത പാലിക്കാന് ഡയറക്ടര് ജനറല് ഓഫ് സിവില് ഏവിയേഷന് ശനിയാഴ്ച്ച തന്നെ നിര്ദ്ദേശം നല്കിയിരുന്നു. വിമാനത്താവളത്തില് എത്തുന്ന സ്ത്രീകളും കുട്ടികളും അടക്കമുള്ള യാത്രക്കാരെ മെറ്റല് ഡിറ്റക്ടര് പരിശോധനക്ക് പുറമെ കൂടുതല് പരിശോധനകള്ക്ക് വിധേയമാക്കുന്നുണ്ട്. ലഗേജുകളുടെ പരിശോധനയും അതീവ ഗൗരവത്തോടെയാണ് നടക്കുന്നത്. സംശയം തോന്നുന്ന മുഴുവന് ലഗേജുകളും തുറന്നു പരിശോധിക്കണമെന്നാണ് നിര്ദ്ദേശം.പ്രത്യേകം പരിശീലനം സിദ്ധിച്ച നായ്ക്കളെയും പരിശോധനകള്ക്കായി ഉപയോഗിക്കുന്നുണ്ട്. വൈകിയെത്തുന്ന യാത്രക്കാരെ പരമാവധി നിരീക്ഷിച്ച ശേഷമാണ് കടത്തി…
Read Moreനെടുന്പാശേരിയിൽ വിമാനത്തിനകത്ത് രണ്ടു കിലോ സ്വർണം ഉപേക്ഷിച്ച നിലയിൽ
നെടുമ്പാശേരി: വിമാനത്തിലെ ശുചിമുറിയിൽനിന്നു രണ്ട് കിലോ സ്വർണം ഉപേക്ഷിക്കപ്പെട്ട നിലയിൽ കണ്ടെത്തി. ഇന്നലെ രാത്രി12 ഒാടെ നെടുമ്പാശേരിയിലെത്തിയ എയർ ഇന്ത്യ എക്സ്പ്രസ് വിമാനത്തിൽ നിന്നുമാണ് 11 സ്വർണ ബിസ്ക്കറ്റുകളും ഒരു മാലയും ഉൾപ്പെടെ കണ്ടെത്തിയത്. റിയാദിൽ നിന്നു വിമാനമെത്തി യാത്രക്കാരെല്ലാം ഇറങ്ങിയ ശേഷം ക്ളീനിംഗിനിടെയാണ് സ്വർണം കണ്ടെത്തിയത്. പ്ളാസ്റ്റിക്ക് കവറിൽ പൊതിഞ്ഞ നിലയിലായിരുന്നു സ്വർണം. യാത്രക്കാരിൽ ആരെങ്കിലും ഉപേക്ഷിച്ചതാകാനാണ് സാധ്യത. ചില സന്ദർഭങ്ങളിൽ കസ്റ്റംസ് ആൻഡ് എയർ ഇന്റലിജൻസ് വിഭാഗം വിമാനത്തിൽ നിന്നും യാത്രക്കാർ പുറത്തിറങ്ങുന്നതിന് മുമ്പ് പരിശോധനക്ക് കയറാറുണ്ട്. ഇത്തരത്തിൽ പരിശോധന സംശയിച്ച് ആരെങ്കിലും ഉപേക്ഷിച്ചതാകാനുള്ള സാധ്യതയുണ്ട്. അല്ലാത്ത പക്ഷം വിമാനത്തിലെ ഏതെങ്കിലും ജീവനക്കാരെ ഉപയോഗിച്ച് സ്വർണം പുറത്തെത്തിക്കാനുള്ള നീക്കത്തിന്റെ ഭാഗമായി ഉപേക്ഷിച്ചതാകാനുള്ള സാധ്യതയും തള്ളിക്കളയാനാകില്ല. കഴിഞ്ഞ രണ്ടാഴ്ചയ്ക്കകം കൊച്ചി വിമാനത്താവളത്തിൽ ശുചി മുറിയിൽ നിന്നും ഉപേക്ഷിക്കപ്പെട്ട നിലയിൽ അഞ്ചുകിലോ സ്വർണവും എട്ടുകിലോ സ്വർണമിശ്രിതവും പിടികൂടിയിരുന്നു.
Read Moreസിപിഎം ബ്രാഞ്ച് സെക്രട്ടറിയുടെ വീട് ഡിവൈഎഫ്ഐക്കാർ അടിച്ചു തകർത്തു; ഗർഭിണിയടക്കം അഞ്ചുപേർക്ക് പരിക്ക്
അങ്കമാലി: സിപിഎം ചുള്ളി ബ്രാഞ്ച് സെക്രട്ടറിയുടെ വീട് മാരകായുധങ്ങളുമായി എത്തിയ സംഘം അടിച്ചു തകർത്തതായി പരാതി. മർദനത്തിൽ ഗർഭിണിയടക്കം അഞ്ചു പേർക്ക് പരിക്കേറ്റു. ആക്രമണത്തിനു പിന്നിൽ ഡിവൈഎഫ്ഐ എന്നു പോലീസ്. മഞ്ഞപ്ര ചുള്ളി നെടും കോട് പൈനാടത്ത് വീട്ടിൽ കുര്യാക്കോസ് (59), ഭാര്യ ആനി (54) മകൻ സോമി (32) സോമിയുടെ സുഹൃത്ത് ഓലി പറമ്പിൽ വീട്ടിൽ വിശാഖ് ബൈജു (21), കുര്യാക്കോസിന്റെ സഹോദരിയുടെ മകൾ ലിൻസി സിജോ (24) എന്നിവർക്കാണ് പരിക്കേറ്റത്. തലയ്ക്കും കാലിനും വെട്ടേറ്റ സോമിയും വിശാഖും അങ്കമാലിയിലെ സ്വകാര്യ ആശുപത്രിയിൽ ചികിൽസയിലാണ്. എട്ടു മാസം ഗർഭിണിയായ ലിൻസിയെ മെറ്റേണൽ ഐസിയുവിൽ പ്രവേശിപ്പിച്ചു. ഇന്നലെ രാത്രി പത്തരയോടെയാണ് ഒരു സംഘം ആളുകൾ വടിവാളും മാരകായുധങ്ങളുമായി വീട്ടിലേക്കു അതിക്രമിച്ച് കയറിയതെന്ന് കുര്യാക്കോസ് പറയുന്നു. അക്രമിസംഘം വീട്ടുപകരണങ്ങൾ തല്ലിത്തകർക്കുകയും ആക്രമണം നടത്തുകയുമായിരുന്നുവെന്നും മകനെയും സുഹൃത്തിനെയും ആ ക്രമിക്കുന്നത്…
Read Moreഒരേക്കർ ഭൂമി 16 പേർക്കു ദാനം ചെയ്ത് ദന്പതികൾ മാതൃകയാകുന്നു
അപ്പു ജെ. കോട്ടയ്ക്കൽ കൂത്താട്ടുകുളം: സഹജീവി സ്നേഹം വാക്കുകളിൽ ഒതുക്കാതെ പ്രാവർത്തികമാക്കി മാതൃകയാകുകയാണ് ഇലഞ്ഞി സ്വദേശി പഴേൻകോട്ടിൽ മാത്യുവും ഭാര്യ മേരിയും. ഇലഞ്ഞി പഞ്ചായത്ത് ഒന്നാം വാർഡിൽ പെരിയപ്പുറം കവലയ്ക്കു സമീപം തങ്ങൾക്കുള്ള ഒരേക്കർ ഭൂമി ഭൂരഹിതരായ 16 കുടുംബങ്ങൾക്കു വീതിച്ചു നൽകിയാണ് ദന്പതികൾ മാതൃകയാകുന്നത്. 50 വർഷത്തോളമായി സ്വിറ്റ്സർലൻഡിൽ ജോലി ചെയ്തുവരുന്ന ദന്പതികൾ 1998-ൽ വാങ്ങിയ ഇൗ ഭൂമിക്ക് ഒരു കോടിയിലധികം രൂപ മതിപ്പുവില വരും. ഭൂമി നൽകുന്നുവെന്നറിഞ്ഞു നൂറോളം അപേക്ഷകൾ ലഭിച്ചിരുന്നതായും അവരിൽനിന്ന് ഏറ്റവും അനുയോജ്യരായ 16 പേരെ കണ്ടെത്തുകയായിരുന്നെന്നും ഇവർ പറഞ്ഞു. സാന്പത്തിക പിന്നോക്കാവസ്ഥയും സ്വന്തമായി കിടപ്പാടം ഇല്ലാത്തവരെയുമാണ് പരിഗണിച്ചത്. ഇവർക്കു സഹായഹസ്തവുമായി നിന്നത് മേരിയുടെ സഹോദരീപുത്രനും ദീപിക ഫ്രണ്ട്സ് ക്ലബ് പാലാ രൂപത എക്സിക്യൂട്ടീവ് അംഗവും ഇലഞ്ഞി മേഖലാ പ്രസിഡന്റുമായ ബിജു തറമഠമാണ്. സ്വിറ്റ്സർലൻഡ് പൗരത്വമുള്ള ഇവരുടെ കുടുംബം അവിടെ സ്ഥിരതാമസമാണ്.…
Read More