കൊച്ചി: ഇടതുപക്ഷ സർക്കാരിന്റെ വിവിധ മതവിശ്വാസങ്ങളിന്മേലുള്ള കടന്നുകയറ്റം അപലപനീയമാണെന്ന് പി.സി. ജോർജ് എംഎൽഎ. ഹിന്ദുമതമായാലും ക്രിസ്ത്യൻ മതമായാലും ഇസ്ലാം മതമായാലും അതിലെ വിശ്വാസങ്ങളിൽ കൈകടത്താൻ ഒരു സർക്കാരിനും അധികാരമില്ല. കേരള ചർച്ച് പ്രോപ്പർട്ടീസ് ആന്റ് ഇൻസ്റ്റിറ്റ്യൂഷൻസ് ബിൽ-2019 എന്ന പേരിൽ കേരള നിയമ പരിഷ്ക്കരണ കമ്മീഷൻ പുറത്തിറക്കിയ പുതിയ ബിൽ ക്രൈസ്തവ സഭകൾക്കുനേരെയുള്ള വെല്ലുവിളിയാണ്. അപക്വവും അശാസ്ത്രീയവുമായ നിർദേശങ്ങളുമായി ക്രിസ്തീയ സഭയെ നിയന്ത്രിക്കാൻ പുറത്തിറക്കിയ പക്ഷപാതപരമായ ഈ ബിൽ ഒരു തരത്തിലും അംഗീകരിക്കാനാവില്ല. തെറ്റിദ്ധരിപ്പിക്കുന്ന പ്രസ്താവനകൾ നിരത്തിക്കൊണ്ട് ഭാവിയിൽ സഭയെ ഒതുക്കാനുള്ള ഗുഢശ്രമത്തിന്റെ ഭാഗമാണ് ബിൽ കൊണ്ടുവന്നിരിക്കുന്നത്. മതനേതൃത്വങ്ങളെ വരുതിയിലാക്കാൻ കാലാകാലങ്ങളായിട്ടുള്ള ശ്രമങ്ങളാണ് ഇടതുപക്ഷ പ്രസ്ഥാനങ്ങളുടെ ഭാഗത്തുനിന്നും നടത്തിക്കൊണ്ടിരിക്കുന്നതെന്നും സഭയുടേതടക്കമുള്ള ഭരണസംവിധാനങ്ങളിൽ കൈകടത്താൻ ഒരു പ്രത്യയ ശാസ്ത്രത്തിനും നിരീശ്വരവാദികൾക്കും വർഗീയ പ്രസ്ഥാനങ്ങൾക്കും യാതൊരു അവകാശമില്ലെന്നും അദ്ദേഹം കൂട്ടിച്ചേർത്തു. രാഷ്ട്രീയം പറഞ്ഞും സവർണ അവർണ മുദ്ര കുത്തിയും ഹിന്ദുമത…
Read MoreCategory: Kochi
അൽഫോൻസുമാർ എത്ര എത്തിയാലും ബിജെപിയെ നയിക്കുന്നത് ആർഎസ്എസെന്ന് ജനത്തിന് അറിയാമെന്ന് കോടിയേരി
ആലുവ: എത്ര അൽഫോൻസുമാർ എത്തിയാലും ബിജെപിയെ നയിക്കുന്നത് ആർഎസ്എസ് ആണെന്ന് ജനത്തിന് തിരിച്ചറിയാമെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. ബിജെപി സർക്കാരിനു കീഴിൽ ക്രൈസ്തവ, മുസ്ലിം ജനവിഭാഗം ഭീതിയിലാണെന്നും അദ്ദേഹം ആരോപിച്ചു. കേരള സംരക്ഷണ യാത്രയ്ക്ക് ആലുവയിൽ നൽകിയ സ്വീകരണ സമ്മേളനത്തിൽ പ്രസംഗിക്കുകയായിരുന്നു അദ്ദേഹം. കേന്ദ്രം കർഷകർക്ക് 6,000 രൂപ നൽകുമ്പോൾ കേരളം കാർഷിക പെൻഷനിലൂടെ 14,400 രൂപയാണ് നൽകുന്നതെന്നും കോടിയേരി കൂട്ടിച്ചേർത്ത. സിപിഎമ്മിൽ ചേർന്ന് പ്രവർത്തിക്കാൻ തീരുമാനിച്ച മുസ്ലിം ലീഗ് നേതാവ് നെജീബ് ഇലഞ്ഞിക്കായെയും നാല് ബ്രാഞ്ച് കമ്മിറ്റിയംഗങ്ങളെയും കോടിയേരി ഷാൾ അണിയിച്ച് സ്വീകരിച്ചു.എ. ഷംസുദ്ദീൻ അധ്യക്ഷത വഹിച്ചു. പ്രകാശ് ബാബു, ആന്റണി രാജു, പി. രാജീവ്, സി.എൻ. മോഹനൻ തുടങ്ങിയവർ പ്രസംഗിച്ചു. അങ്കമാലി: അങ്കമാലിയിൽ നൽകിയ സ്വീകരണ സമ്മേളനത്തിൽ മുൻ എംഎൽഎ ജോസ് തെറ്റയിൽ അധ്യക്ഷത വഹിച്ചു. പി.ജെ. വർഗീസ്, കെ.കെ.ഷിബു, ഇ.ടി.…
Read Moreരാജ്യദ്രോഹ പ്രസംഗം നടത്തിയിട്ടില്ല, വിമർശിച്ചത് മോദിയേയും ആർഎസ്എസിനെയും: കോടിയേരിയുടെ വിശദീകരണം ഇങ്ങനെ…
കളമശേരി: താൻ രാജ്യദ്രോഹ പ്രസംഗം നടത്തിയിട്ടില്ലെന്നു സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. പ്രധാനമന്ത്രി നരേന്ദ്ര മോദിയേയും ആർഎസ്എസിനെയും വിമർശിച്ചാൽ രാജ്യദ്രോഹ പ്രസംഗമാകുമോ. എങ്കിൽ ജയിൽ അടയ്ക്കട്ടെന്നും കോടിയേരി പറഞ്ഞു. ബിജെപിയുടെ നയങ്ങൾക്ക് എതിരെയാണ് താൻ പ്രസംഗിച്ചത്. തനിക്കെതിരെ കള്ളപ്രചരണങ്ങളാണ് നടക്കുന്നത്. നെടുങ്കണ്ടത്ത് പ്രസംഗിച്ചതു സംപ്രേഷണം ചെയ്യട്ടെയെന്നും കോടിയേരി പറഞ്ഞു. കളമശേരിയിൽ പത്രസമ്മേളനത്തിലായിരുന്നു അദ്ദേഹത്തിന്റെ വിശദീകരണം. അതിർത്തി കടന്നുള്ള ആക്രമണം രാജ്യത്ത് നടക്കാനിരിക്കുന്ന തെരഞ്ഞെടുപ്പ് പ്രക്രിയ അട്ടിമറിക്കാനുള്ള ആർഎസ്എസ്-ബിജെപി ശ്രമത്തിന്റെ ഭാഗമാണെന്ന് സംശയിക്കണമെന്ന് കോടിയേരി നേരത്തെ ആരോപിച്ചിരുന്നു.
Read Moreകൊച്ചി നഗരത്തിൽ മാലിന്യം കുമിഞ്ഞുകൂടുന്നു; മാലിന്യം നീക്കം ചെയ്യാൻ ഇനിയും ദിവസങ്ങൾ വേണ്ടിവരും; പൊറുതിമുട്ടി ജനം
കൊച്ചി: ബ്രഹ്മപുരം മാലിന്യ സംസ്കരണ പ്ലാന്റിലേക്കുള്ള മാലിന്യനീക്കം നിലച്ചതോടെ നഗരത്തിന്റെ മുക്കിലും മൂലയിലും മാലിന്യം കുമിഞ്ഞുകൂടുന്നു. മാലിന്യനീക്കം തടസപ്പെട്ടത് ചർച്ച ചെയ്യാൻ സർവകക്ഷി യോഗം ഇന്ന് ചേരുമെങ്കിലും നഗരത്തിലെ മാലിന്യം പൂർണമായും നീക്കം ചെയ്യണമെങ്കിൽ ഇനിയും ദിവസങ്ങൾ വേണ്ടിവന്നേക്കും. പ്രധാന റോഡുകളിലും ഇടറോഡുകളിലും ഉൾപ്പെടെ മാലിന്യം നിറഞ്ഞനിലയിലാണ്. ജൈവമാലിന്യനീക്കം കഴിഞ്ഞ ദിവസം ഭാഗികമായി പുനഃസ്ഥാപിച്ചിരുന്നെങ്കിലും വഴിയോരങ്ങളിലും ഒഴിഞ്ഞ സ്ഥലങ്ങളിലും കുന്നുകൂടിക്കിടക്കുന്ന പ്ലാസ്റ്റിക് മാലിന്യങ്ങളുടെയും മറ്റും നീക്കം പൂർണമായി തടസപ്പെട്ട നിലയിലാണ്. മാലിന്യം കെട്ടിക്കിടക്കുന്ന സ്ഥലങ്ങളിലാകട്ടെ ദുർഗന്ധവും രൂക്ഷം. കുടുംബശ്രീ പ്രവർത്തകരുടെ നേതൃത്വത്തിൽ വീടുകളിലെയും ഹോട്ടലുകളിലെയും മാലിന്യങ്ങളാണ് നീക്കം ചെയ്ത് തുടങ്ങിയത്. ഇന്നലെ രാത്രിയിൽ ഇത്തരത്തിൽ മാലിന്യവുമായെത്തിയ വാഹനങ്ങൾ ബ്രഹ്മപുരത്ത് നാട്ടുകാർ തടഞ്ഞിരുന്നു. അതിനിടെ, പ്ലാസ്റ്റിക് മാലിന്യത്തിനു തീപിടിച്ചതിനെത്തുടർന്നു നിർത്തിവച്ച ബ്രഹ്മപുരം മാലിന്യ സംസ്കരണ പ്ലാന്റിലേക്കുള്ള മാലിന്യനീക്കം അഞ്ചു ദിവസത്തിനുള്ളിൽ പൂർണമായി പുനഃസ്ഥാപിക്കാൻ നടപടി സ്വീകരിക്കുമെന്നു മേയർ സൗമിനി…
Read Moreചതച്ച ബീഫും അമരപ്പയറും ഉൾപ്പെടുന്ന ചില്ലി! അമേരിക്കൻ പാചക മത്സരത്തിൽ കൂത്താട്ടുകുളം സ്വദേശിക്കു ഒന്നാം സ്ഥാനം
കൂത്താട്ടുകുളം: അമേരിക്കയിൽ നടന്ന പാചക മത്സരത്തിൽ കൂത്താട്ടുകുളം സ്വദേശിക്കു ഒന്നാം സ്ഥാനം. യുഎസിലെ ഇന്ത്യാനയിൽ സ്കൂൾ അധ്യാപകർക്കായി നടത്തിയ അമേരിക്കൻ പാചക മത്സരത്തിലാണ് കൂത്താട്ടുകുളം സ്വദേശി ബെനറ്റിന് ഒന്നാം സ്ഥാനം ലഭിച്ചത്. കൂത്താട്ടുകുളം പാറപ്പുറത്ത് പുത്തൻപുരയിൽ ബന്നി ഓസ്മിൻ- മേഴ്സി ദന്പതികളുടെ മകളും പത്തനംതിട്ട കിഴക്കേടത്തു അരുണിന്റെ ഭാര്യയുമാണ് ബെനറ്റ് അരുണ് ഇടിക്കുള. അമേരിക്കൻ പാരന്പര്യ വിഭവമായ ചില്ലി ഇനത്തിലായിരുന്നു മത്സരം. ചതച്ച ബീഫും അമരപ്പയറും ഉൾപ്പെടുന്ന ചില്ലി, കോണ്ബഡിനും കാക്കേഴ്സിനുമൊപ്പം കറിയായാണ് ഉപയോഗിക്കുന്നത്. രണ്ടു വർഷത്തോളമായി ഇന്ത്യാനയിൽ സ്കൂൾ അധ്യാപികയായ ബെനറ്റിനു മുന്പും പാചകത്തിൽ പുരസ്കാരം ലഭിച്ചിട്ടുണ്ട്. കൊച്ചിയിൽ ജോലിയിലിരിക്കേ 2011ൽ അമേരിക്കൻ വെബ്സൈറ്റ് നടത്തിയ ഓണ്ലൈൻ പാചക മത്സരത്തിലും വിജയിയായിരുന്നു.
Read Moreഅരികുജീവിതങ്ങളെ അഭ്രപാളിയിലെത്തിച്ച “കാന്തൻ ദ ലവർ ഓഫ് കളർ’
സിജോ പൈനാടത്ത് കൊച്ചി: അരികുകളിലേക്കു മാറ്റിനിർത്തപ്പെട്ടവരുടെ ജീവിതം പറഞ്ഞതാണു മികച്ച സിനിമയ്ക്കുള്ള സംസ്ഥാന പുരസ്കാരം നേടിയ ’കാന്തൻ, ദ ലവർ ഓഫ് കളറി’നെ വേറിട്ടതാക്കുന്നത്. വയനാട് തിരുനെല്ലി നെങ്ങറ കോളനിയിലെ അടിയ വിഭാഗത്തിൽപ്പെട്ട ആദിവാസികളുടെ ഊരുജീവിതവും നിലനില്പിനായുള്ള പോരാട്ടവുമൊക്കെ ഹൃദ്യമായി സിനിമയിൽ ആവിഷ്കരിച്ചിട്ടുണ്ട്. നിറത്തിന്റെയും ശീലങ്ങളുടെയും ശുചിത്വബോധത്തിന്റെയുമൊക്കെ വൈവിധ്യങ്ങൾ മൂലം പൊതുസമൂഹം ദൂരങ്ങളിലേക്കു മാറ്റിനിർത്തപ്പെട്ടവരാണു സിനിമയിലെ കഥാപാത്രങ്ങൾ. ബാല്യത്തിൽ മാതാപിതാക്കൾ നഷ്ടപ്പെട്ട കാന്തൻ എന്ന 10 വയസുകാരന്റെയും അവനെ തികഞ്ഞ മനുഷ്യനായി വളർത്തുന്ന ഇത്ത്യാമ്മ എന്ന അമ്മയുമാണു സിനിമയിലെ കേന്ദ്ര കഥാപാത്രങ്ങൾ. കറുപ്പിനോടുള്ള കാന്തന്റെ അപകർഷതയും മറ്റു നിറങ്ങളോടുള്ള അവന്റെ പ്രണയവും തിരിച്ചറിഞ്ഞ് പ്രകൃതിയോടു ലയിച്ചു ചേർന്ന് ജീവിക്കാനുള്ള ആത്മബോധം ഉണ്ടാക്കിക്കൊടുക്കുകയാണ് ഇത്ത്യാമ്മ. മനുഷ്യാവകാശ പ്രവർത്തക ദയാബായിയാണു ഇത്ത്യാമ്മയെ അനശ്വരമാക്കിയത്. ആദിവാസി, ദളിത് വിഭാഗങ്ങളുടെ അവകാശങ്ങൾക്കു വേണ്ടി നിരന്തരം നടത്തുന്ന പോരാട്ടങ്ങളുടെ ഭാഗമായാണു താൻ ഈ സിനിമയെ…
Read Moreബ്രഹ്മപുരത്തേക്കുള്ള ജൈവമാലിന്യ നീക്കം പുനരാരംഭിച്ച; വഴിയോരങ്ങളിലെ മാലിന്യം ചീഞ്ഞഴുകി തുടങ്ങി
കൊച്ചി/കാക്കനാട്: ബ്രഹ്മപുരം മാലിന്യ നിക്ഷേപ കേന്ദ്രത്തിൽ വൻ അഗ്നിബാധയെത്തുടർന്നു നിലച്ച മാലിന്യനീക്കം ഇന്നലെ ഭാഗികമായി പുനരാരംഭിച്ചു. വീടുകളിൽനിന്നും ഹോട്ടലുകളിൽ നിന്നുമുള്ള ജൈവമാലിന്യങ്ങൾ മാത്രമാണ് നീക്കംചെയ്തു തുടങ്ങിയത്. വഴിയോരങ്ങളിലും ഒഴിഞ്ഞ സ്ഥലങ്ങളിലും കുന്നുകൂടിക്കിടക്കുന്ന മാലിന്യം ഇനിയും നീക്കിതുടങ്ങിയിട്ടില്ല. ഏറെ വൈകാതെ തന്നെ പ്ലാസ്റ്റിക്, അജൈവ മാലിന്യങ്ങളും നീക്കം ചെയ്യുന്നതിനുള്ള നടപടികൾ കൈക്കൊള്ളുമെന്ന് ആരോഗ്യ സ്ഥിരം സമിതി അധ്യക്ഷയായി ഇന്നലെ തെരഞ്ഞെടുക്കപ്പെട്ട പ്രതിഭ അൻസാരി പറഞ്ഞു. ബ്രഹ്മപുരത്ത് പ്ലാസ്റ്റിക് മാലിന്യങ്ങളുടെ കൂന നീറിപ്പുകയുന്ന ഘട്ടത്തിലും ജൈവമാലിന്യങ്ങൾ ഇവിടേക്ക് കൊണ്ടുപോകുന്നതിന് തടസമുണ്ടായിരുന്നില്ല. എന്നാൽ മാലിന്യം നീക്കുന്ന വാഹനങ്ങൾ വന്നും പോയും ഇരിക്കുന്പോൾ തീ അണയ്ക്കൽ ജോലികൾക്ക് തടസമുണ്ടാകുന്നതിനാലാണ് ജൈവമാലിന്യനീക്കവും മൂന്നു ദിവസം നിലച്ചത്. കഴിഞ്ഞ ദിവസം തീ പൂർണമായും അണയ്ക്കാൻ സാധിച്ചതിനാൽ മാലിന്യനീക്കം പുനരാരംഭിക്കാനായി. ബ്രഹ്മപുരത്തെ സുരക്ഷയുമായി ബന്ധപ്പെട്ട് കഴിഞ്ഞ ദിവസം ജില്ലാ കളക്ടർ നിർദേശിച്ച സുരക്ഷാമാർഗങ്ങൾ നടപ്പാക്കിയ ശേഷമേ പ്ലാസ്റ്റിക്…
Read Moreശ്രീലങ്കൻ വംശജരെ ഓസ്ട്രേലിയയ്ക്ക് കടത്താൻ ശ്രമിച്ച കേസ് ; ചെന്നൈയിൽ ജയിലിലായ മുഖ്യപ്രതിയെ മുനമ്പം പോലീസ് കസ്റ്റഡിയിൽ വാങ്ങി
ചെറായി: മുനന്പം രവീന്ദ്ര പാലത്തിനു സമീപം ഒഴിഞ്ഞ പറന്പിൽനിന്നു രണ്ട് വീപ്പകളിലായി 400 ലിറ്റർ മണ്ണെണ്ണയും 200 ലിറ്റർ വീതം കൊള്ളുന്ന 10 കാലിവീപ്പയും 20 ലിറ്റർ വീതം കൊള്ളുന്ന 16 കാലി കന്നാസുകളും പോലീസ് പിടികൂടി. രഹസ്യ വിവരത്തെത്തുടർന്ന് എറണാകുളത്ത്നിന്നു സ്ഥലത്തെത്തിയ ഷാഡോ പോലീസാണ് മണ്ണെണ്ണ പിടികൂടിയത്. കഴിഞ്ഞ രാത്രിയായിരുന്നു സംഭവം. എന്നാൽ മണ്ണെണ്ണയും മറ്റ് സാമഗ്രികളും ആരുടേതാണെന്ന് അറിവായിട്ടില്ല. ഷാഡോ പോലീസ് പിടിച്ചെടുത്ത സാധനങ്ങൾ മുനന്പം പോലീസിനു കൈമാറി. ഈ മേഖലയിൽ വ്യാപകമായി അനധികൃത മണ്ണെണ്ണക്കടത്തുകാരുള്ളതിനാൽ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
Read Moreഉമ്മൻചാണ്ടിക്കെതിരേ സോളാർ കേസിലെ പ്രതി നൽകിയ ഹർജി തള്ളി
കൊച്ചി: മുൻ മുഖ്യമന്ത്രി ഉമ്മൻചാണ്ടിക്കെതിരേ നൽകിയ പീഡനപ്പരാതിയിൽ അന്വേഷണം ഫലപ്രദമല്ലെന്നാരോപിച്ചു സോളാർ കേസിലെ പ്രതി നൽകിയ ഹർജി ഹൈക്കോടതി തള്ളി. കേസിൽ അന്വേഷണം ഊർജിതമായി നടക്കുന്നുവെന്നു സർക്കാർ അറിയിച്ചതിനെത്തുടർന്നാണു ഹർജി തള്ളിയത്. സോളാർ കന്പനിയുടെ ചുമതലയുണ്ടായിരുന്ന സമയത്തു സഹായിക്കാമെന്നു പറഞ്ഞ് ഉമ്മൻചാണ്ടി തന്നെ ഔദ്യോഗിക വസതിയിലേക്കു വിളിച്ചുവരുത്തി പീഡിപ്പിച്ചെന്നാണു ഹർജിക്കാരിയുടെ പരാതി. മുൻ കേന്ദ്രമന്ത്രി കെ.സി. വേണുഗോപാലിനെതിരെയും ഹർജിക്കാരി സമാന ഹർജി നൽകിയിരുന്നു. ക്രൈംബ്രാഞ്ച് അന്വേഷണം ഫലപ്രദമായി നടക്കുന്നുണ്ടെന്ന് ഈ കേസിലും സർക്കാർ ഹൈക്കോടതിയിൽ ബോധിപ്പിച്ചിരുന്നു.
Read Moreമക്കയിൽ ജോലി വാഗ്ദാനം ചെയ്ത് തട്ടിപ്പ്: പ്രതിയെ കസ്റ്റഡിയിൽ വാങ്ങാനൊരുങ്ങി പോലീസ്; അഹമ്മദ് കോയയുടെ തട്ടിപ്പിൽ വീണത് നിരവധിപേർ
കൊച്ചി: സൗദി അറേബ്യയിലെ മക്കയിൽ ക്ലീനിംഗ് ജോലികൾക്കു കൊണ്ടുപോകാമെന്നു പറഞ്ഞ് തമിഴ്നാട് സ്വദേശികളായ നിരവധി ഉദ്യോഗാർഥികളെ വഞ്ചിച്ച കേസിൽ റിമാൻഡിലായ പ്രതിയെ കസ്റ്റഡിയിൽ വാങ്ങാനൊരുങ്ങി പോലീസ്. കൂടുതൽ അന്വേഷണങ്ങളുടെ ഭാഗമായി പ്രതിയെ കസ്റ്റഡിയിൽ വാങ്ങുമെന്ന് അധികൃതർ പറഞ്ഞു. കോയന്പത്തൂർ സ്വദേശിയുടെ പരാതിയിൽ പാലാരിവട്ടം പോലീസ് അറസ്റ്റ് ചെയ്ത് കോടതിയിൽ ഹാജരാക്കി റിമാൻഡ് ചെയ്ത മലപ്പുറം പുല്ലറ വള്ളുവന്പ്രം വാർപ്പിങ്ങൽ സ്വദേശിയായ അഹമ്മദ് കോയ(54)യെ ആണ് അധികൃതർ കസ്റ്റഡിയിൽ വാങ്ങാനൊരുങ്ങുന്നത്. പ്രതിക്കെതിരേ ഇനിയും കൂടുതൽ പരാതികൾ ഉയർന്നുവരാനുള്ള സാധ്യതയുണ്ടെന്ന് പോലീസ് പറയുന്നു. പിടികൂടുന്പോൾ പ്രതിയുടെ പക്കൽനിന്നും 150 പാസ്പോർട്ടുകളും 3,35,000 രൂപയും പിടിച്ചെടുത്തിരുന്നു. കൂടുതലായും തമിഴ്നാട് സ്വദേശികളായ ഉദ്യോഗാർഥികളാണ് ഇയാളുടെ വലയിൽ അകപ്പെട്ടത്. മുംബൈയിലെ റിയാ എന്ന കണ്സൾട്ടൻസി വഴി ലഭിക്കുന്ന ജോലിക്ക് മൂന്ന് മാസത്തേക്കുള്ള സൗജന്യ വിസയും 2000 റിയാൽ മാസ ശന്പളവും താമസവും സൗജന്യചികിത്സയും ലഭിക്കുമെന്ന്…
Read More