തിരുവനന്തപുരം: സ്പെഷൽ പബ്ലിക് പ്രോസിക്യൂട്ടർ സ്ഥാനത്തുനിന്നു തന്നെ മാറ്റിയത് അറിയില്ലെന്ന് കെ.പി. സതീശൻ. കേസിൽ യുക്തമായ നിലപാടാണ് സ്വീകിരിച്ചത്. അഴിമതി ആര് കാണിച്ചാലും തെളിയിക്കപ്പെടുമെന്നും അദ്ദേഹം പറഞ്ഞു. സർക്കാർ ആർക്കൊപ്പമാണെന്ന് പിന്നിട് പ്രതികരിക്കാമെന്നും സതീശൻ പറഞ്ഞു. സ്പെഷൽ പബ്ലിക് പ്രോസിക്യൂട്ടർ സ്ഥാനത്തുനിന്ന് കെ.പി. സതീശനെ ഇന്നാണ് മാറ്റിയത്. ബാർ കോഴക്കേസിലെ പബ്ലിക്ക് പ്രോസിക്യൂട്ടറായിരുന്നു സതീശൻ.
Read MoreCategory: Kollam
നാട്ടുകാർ തടഞ്ഞ് വച്ച യുവാക്കളെ കസ്റ്റഡിയിൽ എടുക്കാൻ പോലീസ് വൈകി; താമസിച്ചെത്തിയത് ചോദ്യം ചെയ്ത നാട്ടുകാരും പോലീസും തമ്മിൽ കൂട്ടത്തല്ല്; പിന്നെ സംഭവിച്ചത് ഇങ്ങനെയൊക്കെ…
കുളത്തൂപ്പുഴ: പോലീസും നാട്ടുകാരുമായുളള സംഘർഷത്തിൽ പോലീസുകാരന് പരിക്ക്. കുളത്തൂപ്പുഴ സ്റ്റേഷനിലെ ഡ്രൈവർ ഷിബുവിനാണ് പരിക്കേറ്റത്. ചൊവ്വാഴ്ച രാത്രി 11 ഓടെ ചോഴിയക്കോട് ജംഗ്ഷന്സമീപമായിരുന്നു സംഭവം. മൈലമൂട് സ്വദേശിയായ ഉണ്ണിയുടെ ബൈക്ക് കഴിഞ്ഞ ദിവസം മോഷണം പോയിരുന്നു. എന്നാൽ പരാതി നൽകാൻ സ്റ്റേഷനിൽ എത്തിയെങ്കിലും പരാതി സ്വീകരിക്കാതെ പൊലീസ് ഇവരെ മടക്കി അയച്ചു. എന്നാൽ രാത്രി ബൈക്ക് മോഷ്ടാക്കളെന്നാരോപിച്ച് രണ്ട് യുവാക്കളെ നാട്ടുകാർതടഞ്ഞ് വച്ച് പോലീസിനെ അറിയിച്ചെങ്കിലും എത്താൻ വാഹനം ഇല്ലന്നറിയിച്ച് പോലീസ് പിൻ മാറുകയായിരുന്നു. നാട്ടുകാർ ഉന്നത പോലീസ് ഉദ്യോഗസ്ഥരെ വിവരം അറിയിച്ചു. തുടർന്ന് ഏറെ വൈകിയാണ് പോലീസ് പ്രദേശത്ത് എത്തിയത്. ഇതിനിടെ ഡ്രൈവർ ഷിബു നാട്ടുകാരിൽ ചിലരോട് തട്ടികയറുകയും അസഭ്യം വിളിച്ചെന്നാരോപിച്ചാണ് സംഘർഷമുണ്ടായത്. സംഘർഷത്തിൽ ഷിബുവിന് പരിക്കേൽക്കുകയുമായിരുന്നു. തലക്ക് പരിക്കേറ്റ ഷിബുവിനെ അഞ്ചലിലെ സ്വകാര്യ അശുപത്രിയിൽ പ്രവേശിപ്പിച്ചു. ഇതിനിടയിൽ പോലീസിനെ ആക്രമിച്ചവർ ക്ഷേത്രത്തിൽ ഉണ്ടെന്നാരോപിച്ച് സമീപത്തെ…
Read Moreകേരളത്തിൽ നരഭോജിയായ കടുവയെ കണ്ടു തുടങ്ങി; ആ കടുവയുടെ പേരാണ് വർഗീയ ഫാസിസമെന്ന് കുരീപ്പുഴ ശ്രീകുമാർ
ചവറ: കേരളത്തിലും നരഭോജിയായ കടുവയെ കണ്ടു തുടങ്ങിയന്നും ആ കടുവയുടെ പേരാണ് വർഗീയ ഫാസിസമെന്നും കവി കുരീപ്പുഴ ശ്രീകുമാർ അഭിപ്രായപ്പെട്ടു. ഇതിന്റെ അവസാനത്തെ ഇരയാണ് താനെന്നും അദ്ദേഹം പറഞ്ഞു. കൊല്ലം ജില്ലാ സമ്മേളനത്തിന്റെ ഭാഗമായി ചവറ ഒ.എൻ.വി.നഗറിൽ ‘സാംസ്ക്കാരിക രംഗത്തെ ഫാസിസ്റ്റ് കടന്നാക്രമണം’ എന്ന വിഷയത്തിൽ നടന്ന സെമിനാറിൽ പങ്കെടുത്തു സംസാരിക്കുകയായിരുന്നു അദ്ദേഹം. ഹൈന്ദവ പുരാണത്തെക്കുറിച്ച് സഭ്യമായ ഭാഷയിൽ സംവേദിക്കാൻ തയാറുള്ള വർഗീയ ഫാസിസ്റ്റുകളുണ്ടെങ്കിൽ പൊതുവേദിയിൽ സംവേദിക്കാൻ താൻ തയ്യാറാണന്നും കുരീപ്പുഴ കൂട്ടിചേർത്തു. എൻ.വിജയൻ പിള്ള എംഎൽഎ സെമിനാർ ഉദ്ഘാടനം ചെയ്തു. സംഘാടക സമിതി ചെയർമാൻ ഐ.ഷിഹാബ് മോഡറേറ്ററായി. സിപിഐ സംസ്ഥാന കമ്മിറ്റി അംഗം പി.പ്രസാദ് വിഷയം അവതരിപ്പിച്ചു. ഇപ്റ്റ സംസ്ഥാന പ്രസിഡന്റ് അഡ്വ.മണിലാൽ, ചവറ ബ്ലോക്ക് പഞ്ചായത്ത് പ്രസിഡന്റ് കെ.തങ്കമണി പിള്ള, ഡോ.ബി. ബാഹുലേയൻ, കെ.ഷാനവാസ് ഖാൻ, സുകേശൻ ചൂലിക്കാട്, വി.ബാലകൃഷ്ണൻ, ആർ.രാജീവ് കുമാർ, എസ്.അശ്വനി…
Read Moreമൂന്നവർഷം വരെ ശിക്ഷ ലഭിക്കാവുന്ന കുറ്റം; കാറിടിച്ച് തെരുവുനായ് ചത്തു; മേനക ഗാന്ധിയുടെ ഓഫീസ് ഇടപെട്ടു; കാർ ഡ്രൈവർ അറസ്റ്റിൽ
കൊല്ലം: കാറിടിച്ച് തെരുവുനായ് ചത്തു. ഡ്രൈവർക്കെതിരെ ദൃക്സാക്ഷി പോലീസിൽ പരാതി നൽകി. തുടർന്ന് മേനകഗാന്ധിയുടെ ഓഫീസ് ഇടപെട്ടതോടെ പോലീസിനും തലവേദനയായി. അവർ കേസെടുത്ത് ഡ്രൈവറെ അറസ്റ്റുചെയ്തു കോടതിയിൽ ഹാജരാക്കി. കാർ ഓടിച്ചിരുന്ന പാരിപ്പള്ളി സ്വദേശിയായ സുശീലനാണ് അറസ്റ്റിലായത്. പരവൂർ സ്വദേശി വിവേക് വർണൻ നൽകിയ പരാതിയെതുടർന്നാണ് പ്രശ്നം ഗൗരവമായത്. കഴിഞ്ഞദിവസം രാവിലെ വിവേകിന്റെ വീടിന് മുന്നിൽവച്ചാണ് തെരുവുനായയെ കാറിടിച്ചത്. നിർത്താതെ പോയ കാർ വിവേക് പിൻതുടർന്ന് റോഡിൽ തടയുകയായിരുന്നു. പിന്നീട് ഇരുവരും തമ്മിൽ വാക്കേറ്റം നടത്തുകയും വിവേക് പരവൂർ പോലീസിൽ പരാതിനൽകുകയും ചെയ്തു. തുടർന്ന് പേഴ്സണൽ അന്റ് പബ്ലിക് ഗ്രീവൻസ് മന്ത്രാലയത്തിലേക്ക് അടിയന്തര സന്ദേശമയച്ചു. ഉടൻ കേന്ദ്രമന്ത്രി മേനകഗാന്ധിയുടെ ഓഫീസും ഇടപെട്ട് പരവൂർ പോലീസിൽ ബന്ധപ്പെട്ടതോടെയാണ് പോലീസ് കർശന നിലപാടെടുത്തത്. സംഭവസ്ഥലത്തെത്തിയ പോലീസ് നായയുടെ ജഡം പോസ്റ്റുമോർട്ടം നടത്തിപ്പിച്ച് നിയമ നടപടികൾ സ്വീകരിക്കുകയായിരുന്നു. മൃഗങ്ങളോടുള്ള ക്രൂരതയ്ക്കും അലക്ഷ്യമായി…
Read Moreഒമ്പതു മക്കളെ പെറ്റൊരമ്മ; വയസുകാലത്ത് മക്കളുപേക്ഷിച്ച സുമതിയമ്മയെ ഏറ്റെടുക്കാൻ നിരവധി സംഘടനകൾ എത്തി
കൊല്ലം: ഒന്പത് മക്കളെ പ്രസവിച്ചു വളർത്തിയെങ്കിലും വയസുകാലത്ത് ആരോരും നോക്കാനില്ലാതെ ജീവിതം തള്ളിനീക്കിയ സുമതിയമ്മയെ ഏറ്റെടുക്കാൻ സന്നദ്ധസംഘടനകളും അനാഥാലയങ്ങളും മുന്നോട്ടുവന്നു. ആദിച്ചനല്ലൂർ പ്ലാക്കാട് ആനന്ദവിലാസത്തിൽ സുമതിയമ്മ(85)ആണ് ഒരു നേരത്തെ ആഹാരത്തിന് പോലും വകയില്ലാതെ ജീവിതം തള്ളിനീക്കുന്ന വാർത്ത ദീപിക കഴിഞ്ഞ ദിവസം പ്രസിദ്ധീകരിച്ചത്. തകർന്നു വീഴാറായ വീട്ടിൽ ഇവർ ജീവിതം തള്ളിനീക്കുന്ന ദയനീയമായ വാർത്തയാണ് സംഘനകളെ കരളലിയിച്ചത്. ഇവരെ ഏറ്റെടുക്കാനുള്ള നടപടി ക്രമങ്ങൾ സംഘടനകൾ നടത്തിവരികയാണ്. അയൽക്കാർ നൽകുന്ന ഭക്ഷണമാണ് സുമതിയമ്മയുടെ ജീവൻ നിലനിർത്തുന്നത്. ഒന്പത് മക്കളുണ്ടായിരുന്ന ഇവരുടെ രണ്ടു മക്കൾ മരണപ്പെട്ടിരുന്നു. ബാക്കിയുള്ള ഏഴ് മക്കളും പല സ്ഥലങ്ങളിൽ കുടുംബജീവിതം നയിച്ചുവരുന്നവരാണ്. നാല് ആൺമക്കളും മൂന്ന് പെൺമക്കളുമാണ് ഇപ്പോൾ ഇവർക്കുള്ളത്. ഭർത്താവ് നേരത്തെ മരിച്ചുപോയി. മക്കൾക്കെല്ലാ ഓഹരി നേരത്തെ കൊടുത്തിരുന്നു. സുമതിയമ്മയുടെ പേരിലുള്ള ഏഴ് സെന്റ് സ്ഥലത്തെ ഇടിഞ്ഞു വീഴാറായ ചെറിയ വീട്ടിലാണ് ഇപ്പോൾ താമസം.…
Read Moreവേനൽക്കാല ആഘോഷം സന്തോഷകരമാക്കാൻ കായൽസൗന്ദര്യം നുകർന്ന് കന്നേറ്റിയിലൂടെ ഒരു വഞ്ചിയാത്ര
വർഗീസ് എം.കൊച്ചുപറമ്പിൽ കരുനാഗപ്പള്ളി : നയന മനോഹരമായ കായൽസൗന്ദര്യം നുകർന്ന് കന്നേറ്റി വഞ്ചിയാത്രയ്ക്ക് ജനകീയ സ്വീകാര്യത. അവധിക്കാലമായതോടെ ഇവിടെ തിരക്ക് ഏറിയിട്ടുണ്ട്. കൊല്ലം ഡിടിപിസി യുടെ നേതൃത്വത്തിൽ കരുനാഗപ്പള്ളി കന്നേറ്റി ശ്രീനാരായണഗുരു ട്രോഫി വള്ളംകളിയുടെ ഭാഗമായി നിർമിച്ച പവലിയനിൽ നിന്നുമാണ് കായൽ യാത്ര ആരംഭിക്കുന്നത്. 10 പേർ ഉൾപ്പെടുന്ന ഒരുദിവസത്തെ വഞ്ചിവീട് (ഹൗസ് ബോട്ട്) യാത്രയ്ക്ക് ഭക്ഷണം ഉൾപ്പെടെ 8500 രൂപയാണ്. രാവിലെ 11 ന് പുറപ്പെടുന്ന യാത്ര വൈകുന്നേര നാലോടെ തിരികെ എത്തിച്ചേരും. രണ്ട് വിഭാഗങ്ങളായിട്ടാണ് ഹൗസ് ബോട്ട് യാത്ര തിരിച്ചിരിക്കുന്നത്. പള്ളിക്കലാറ്റിലൂടെ കല്ലുക്കടവ് , ചാമ്പക്കടവ് , മാലുമേൽഎന്നിവിടങ്ങളിലും ടിഎസ് കനാലിലൂടെ ആയിരം തെങ്ങ്, അഴീക്കൽ ബീച്ച് , അമ്യതപുരി , വള്ളിക്കാവ്, ആലുംക്കടവ് , വട്ടക്കായൽ എന്നിവിടങ്ങളിലുമാണ് യാത്ര. ചാമ്പക്കടവിലേയ്ക്കുള്ള യാത്ര ചെറുതോടുകളിലൂടെയാണ്. ധാരാളം പക്ഷികളെയും ഗ്രാമ സുന്ദരമായ പ്രദേശങ്ങളെയും കാണുവാൻ സാധ്യമാകും.…
Read Moreകേരള കോണ്ഗ്രസ് ബിയുടെ തലവൂരിലെ ഓഫീസ് അടിച്ചുതകർത്തു; ബാലകൃഷ്ണപിള്ളയുടെയും ഗണേഷ് കുമാറിന്റെയും ഫോട്ടോ പതിച്ച ഫ്ലക്സാണ് നശിപ്പിച്ചത്
പത്തനാപുരം: കേരള കോൺഗ്രസ് ബിയുടെ തലവൂർ നടുത്തേരിയിൽ പ്രവര്ത്തിക്കുന്ന ഓഫീസാണ് രാത്രിയിൽ അടിച്ച് തകർത്തത്. ഓഫിസിന്റെ ബോർഡുകളും പാർട്ടി ചെയർമാൻ ആർ.ബാലകൃഷ്ണപിള്ളയുടെയും ഗണേഷ് കുമാറിന്റെയും ഫോട്ടോ പതിച്ച ഫ്ലക്സ് ബോർഡുകളും സമീപത്തായി സ്ഥാപിച്ചിരുന്ന ചെടിച്ചട്ടികളും ആസ്ബറ്റോസ് ഷീറ്റുകളും അക്രമികൾ അടിച്ചു തകർത്തു. രാത്രി 11 വരെ പ്രവര്ത്തകർ ഓഫീസിലുണ്ടായിരുന്നു. അതിന് ശേഷമാണ് ആക്രമണം നടന്നിരിക്കുന്നത്. പാർട്ടി ഭാരവാഹിയായ കിഴക്കേഭാഗം വാർഡ് മെമ്പറുടെ വാർഡിലെ വികസന പ്രവര്ത്തനങ്ങൾ കാട്ടി സ്ഥാപിച്ചിരുന്ന ഫ്ലക്സ് ബോർഡുകളും നശിപ്പിച്ചിരുന്നു.പാർട്ടി ഓഫീസ് നശിപ്പിച്ചതിനെതിരെ കുന്നിക്കോട് പോലീസിൽ പരാതി നല്കി. പോലീസ് സ്ഥലത്തെത്തി അന്വേഷണം ആരംഭിച്ചു.
Read Moreമുഹമ്മദ് ഷാഫി വധം ; സിപിഎം നേതാവ് ലാലു അറസ്റ്റിൽ; മദ്യപാനത്തിനിടയിലുണ്ടായ വാക്കേറ്റമാണ് കൊലപാതകത്തിൽ കലാശിച്ചതെന്ന് പോലീസ്
കുണ്ടറ: വിദേശത്തുനിന്ന് നാലുദിവസം മുന്പ് നാട്ടിലെത്തിയ മൊതീൻമുക്ക് കുളത്തുംകര തെങ്ങുപണയിൽ വീട്ടിൽ ഷഹാലുദീന്റെ മകൻ മുഹമ്മദ് ഷാഫിയെ (28) കുത്തികൊലപ്പെടുത്തിയ കേസിലെ പ്രതി പിടിയിൽ. അടൂർ കെഎസ്ആർടിസി ഡിപ്പോയിലെ കണ്ടക്ടറും സിപിഎം നേതാവുമായ ആലുംമൂട് അണ്ണാച്ചിമുക്ക് കല്ലുവിളവീട്ടിൽ ലാലുവാണ് അറസ്റ്റിലായത്. ചീട്ടുകളിക്കും മദ്യപാനത്തിനുമിടയിലുണ്ടായ വാക്കേറ്റമാണ് കൊലപാതകത്തിൽ കലാശിച്ചത്. മരിച്ച മുഹമ്മദ് ഷാഫിക്കൊപ്പമുണ്ടായിരുന്ന മുസുമ്മുലിന്റെ മൊഴിയുടെ അടിസ്ഥാനത്തിലാണ് പോലീസ് കേസെടുത്തത്. കഴിഞ്ഞദിവസം ആലുംമൂട് ജംഗ്ഷനിലായിരുന്നു സംഭവം. കസ്റ്റഡിയിലായ പ്രതിയെ ചോദ്യം ചെയ്തുവരികയാണ്. ആദ്യം കൊട്ടിയം പോലീസ് കേസെടുത്തെങ്കിലും കുണ്ടറ പോലീസിന്റെ പരിധിയിലായതിനാൽ കേസന്വേഷണം കുണ്ടറ പോലീസ് ഏറ്റെടുക്കുകയായിരുന്നു. മൃതദേഹം തിരുവന്തപുരം മെഡിക്കൽകോളജ് ആശുപത്രിയിൽ പോസ്റ്റുമോർട്ടത്തിനുശേഷം വൻജനാവലിയുടെ സാന്നിധ്യത്തിൽ കബറടക്കി.പ്രതിപക്ഷനേതാവ് രമേശ് ചെന്നിത്തല ഉൾപ്പടെ നിരവധി നേതാക്കൾ മുഹമ്മദ് റാഫിയുടെ വീട്ടിലെത്തി അനുശോചിച്ചു.
Read Moreസംസ്ഥാനത്ത് രണ്ടു മാസത്തിനുള്ളിൽ 459 പോക്സോ കേസുകൾ; ഏറ്റവുമധികം കേസുകൾ രജിസ്റ്റർ ചെയ്തിരിക്കുന്നതു തിരുവനന്തപുരത്ത്
സ്വന്തം ലേഖകൻ തൃശൂർ: സംസ്ഥാനത്ത് ഈ വർഷം രണ്ടുമാസത്തിനുള്ളിൽ രജിസ്റ്റർ ചെയ്ത പോക്സോ കേസുകൾ 459 എണ്ണം. ജനുവരിയിൽ 238 കേസുകളും ഫെബ്രുവരിയിൽ 221 കേസുകളുമാണ് കേരളത്തിൽ ഈ വർഷം രജിസ്റ്റർ ചെയ്തിരിക്കുന്നത്. കഴിഞ്ഞവർഷം ആദ്യത്തെ രണ്ടു മാസത്തിൽ രജിസ്റ്റർ ചെയ്ത പോക്സോ കേസുകളുടെ എണ്ണം 301 ആയിരുന്നു. 2017 ജനുവരിയിൽ 144 ഉം ഫെബ്രുവരിയിൽ 157 ഉം. ഈ വർഷം പോക്സോ കേസുകളുടെ എണ്ണത്തിൽ തുടക്കത്തിൽതന്നെ വർധനവാണ് കാണിക്കുന്നത്. ഈ വർഷം ആദ്യത്തെ രണ്ടുമാസത്തെ കണക്കെടുക്കുന്പോൾ ഏറ്റവുമധികം പോക്സോ കേസുകൾ രജിസ്റ്റർ ചെയ്തിരിക്കുന്നതു തിരുവനന്തപുരം റൂറൽ പരിധിയിലാണ്. അന്പതു കേസുകളാണ് ഇവിടെ രജിസ്റ്റർ ചെയ്തിരിക്കുന്നത്. മലപ്പുറമാണ് രണ്ടാം സ്ഥാനത്ത്. 46 കേസുകളാണ് മലപ്പുറത്ത് രജിസ്റ്റർ ചെയ്തിരിക്കുന്നത്. തിരുവനന്തപുരം സിറ്റി – 23, കൊല്ലം സിറ്റി – 16, കൊല്ലം റൂറൽ – 21, പത്തനംതിട്ട –…
Read Moreഅവസാനശ്വാസം വരെ സഹജീവികൾക്കു വേണ്ടി വീരചരമം പ്രാപിച്ച പോലീസ് സേനാംഗങ്ങളുടെ ഛായാചിത്രം സർദാർ വല്ലഭായ് പട്ടേൽ പോലീസ് മ്യൂസിയത്തിൽ സ്ഥാപിക്കും
കൊല്ലം: അവസാനശ്വാസം വരെ സഹജീവികൾക്ക് സുരക്ഷയും സംരക്ഷണവും നൽകി കൊല്ലത്തിന്റെ മണ്ണിൽ വീരചരമം പ്രാപിച്ച പോലീസ് സേനാംഗങ്ങളുടെ ഛായാ ചിത്രം സർദാർ വല്ലഭായ് പട്ടേൽ പോലീസ് മ്യൂസിയത്തിൽ ഇന്ന് സ്ഥാപിക്കും. കൃത്യനിർവഹണത്തിനിടെ കാലയവനികയ്ക്കുള്ളിൽ മറഞ്ഞ പോലീസ് സേനാംഗങ്ങളായ എം ചന്ദ്രൻ (കൊല്ലം സായുധസേനാ ക്യാന്പ്), ബി.എസ് പ്രദീപ് (കെഐപി മൂന്നാം ദളം), എസ്. സുനിൽ (ചവറ പിഎസ്), ജി. പ്രദീപ് കുമാർ (ചവറ പിഎസ്), മണിയൻപിള്ള (പാരിപ്പള്ളി പിഎസ്), സജി സെബാസ്റ്റ്യൻ (കൊല്ലം സായുധസേനാ ക്യാന്പ്), എം എസ് വിപിൻകുമാർ (കൊല്ലം സായുധസേനാ ക്യാന്പ്) എന്നിവരുടെ ഛായാചിത്രങ്ങൾ ആണ് സ്ഥാപിക്കുന്നത്. ജനപ്രതിനിധികളുടേയും ഉന്നത പോലീസ് ഉദ്യോഗസ്ഥരുടേയും സഹപ്രവർത്തകരുടേയും കുടുംബാംഗങ്ങളുടേയും സാന്നിധ്യത്തിൽ വൈകുന്നേരം നാലിന് പോലീസ് മ്യൂസിയത്തിൽ ചേരുന്ന ചടങ്ങിൽ എം നൗഷാദ് എംഎൽഎ അനാച്ഛാദനം ചെയ്യും.
Read More