പറവൂർ: സഹോദരനെ ചവിട്ടിക്കൊലപ്പെടുത്തിയ കേസിൽ പ്രതികളായ അച്ഛനും മകനും ജീവപര്യന്തം കഠിനതടവും ഒരു ലക്ഷം രൂപ വീതം പിഴയടയ്ക്കാനും പറവൂർ അഡീഷണൽ ജില്ലാ കോടതി (രണ്ട്) ജഡ്ജി എൻ.വി. രാജു ശിക്ഷ വിധിച്ചു. പറവൂർ-പെരുന്പടന്ന കൊട്ടക്കണക്കൻപറന്പിൽ രാമചന്ദ്രന്റെ മകൻ മോഹനനെ കുടുംബവീടിന്റെ മുറ്റത്തുവച്ചു മോഹനന്റെ അനുജനും കേസിലെ രണ്ടാം പ്രതിയുമായ രാജാമണി, ഇയാളുടെ മകനും ഒന്നാം പ്രതിയുമായ രാജേഷ്, രാജാമണിയുടെ ഭാര്യ ദേവകി, മകൾ നിത്യ എന്നിവർ ചേർന്നു ചവിട്ടിയും ഇടിച്ചും കൊലപ്പെടുത്തിയെന്നായിരുന്നു കേസ്. കുറ്റകൃത്യത്തിൽ നേരിട്ടു പങ്കില്ലെന്നു കണ്ടു മൂന്നും നാലും പ്രതികളെ വെറുതെവിട്ടു. 2010 മാർച്ച് ആറിനായിരുന്നു കേസിനാസ്പദമായ സംഭവം. ക്ഷേത്രത്തിൽ എഴുന്നള്ളിപ്പിന് തീവെട്ടി പിടിക്കുന്ന തൊഴിൽസംബന്ധമായ തർക്കത്തെത്തുർന്നുണ്ടായ വിരോധത്തിലായിരുന്നു കൊലപാതകമെന്നായിരുന്നു പ്രോസിക്യൂഷൻ വാദം. മരിച്ച മോഹനന്റെ ഭാര്യ കോമളത്തിന്റെയും മകൾ അന്പിളിയുടെയും മുന്നിൽവച്ചായിരുന്നു ആക്രമണം. ഈ സമയത്ത് അന്പിളി ഗർഭിണിയുമായിരുന്നു. രാജേഷും രാജാമണിയും…
Read MoreCategory: Kollam
കേരളം ഇരുണ്ട യുഗത്തിലേക്ക്..! വർഗീയഭീകരത കേരളത്തിലും തലപൊക്കുന്നു; ആക്രമണത്തിന് ശേഷം മതേതര കേരളം നൽകിയ പിന്തുണ വലുതാണെന്ന് കുരീപ്പുഴ
കൊല്ലം: ഉത്തരേന്ത്യയിൽ എന്നപോലെ വർഗീയ ഭീകരത കേരളത്തിലും തലപൊക്കുകയാണെന്ന് കവി കുരീപ്പുഴ ശ്രീകുമാർ. കേരളം ഇരുണ്ട യുഗത്തിലേക്ക് തിരിച്ചു പോകുന്നു എന്നതിന്റെ സൂചനയാണ് തനിക്കു നേരെ ഉണ്ടായ ആക്രമണമെന്നും അദ്ദേഹം പറഞ്ഞു. ആക്രമണത്തിന് ശേഷം മതേതര കേരളം നൽകിയ പിന്തുണ വലുതാണെന്നും കുരീപ്പുഴ കൂട്ടിച്ചേർത്തു.
Read Moreരാത്രിയിൽ ടെറസിലുണ്ടായിരുന്നു ചേച്ചി..! രാവിലെ വെള്ളം ചോദിച്ച് വീട്ടുമുറ്റത്ത് യുവാവ്; വീട്ടുമുറ്റത്ത് എങ്ങനെ എത്തിയെന്ന് വീട്ടമ്മ; യുവാവിന്റെ മറുപടികേട്ട് വീട്ടമ്മ ഞെട്ടി…
കൊല്ലം: വീടിന്റെ ടെറസിൽ കയറിയ അപരിചിതനെ പോലീസിൽ ഏല്പിച്ചു. പട്ടത്താനം പികെ നഗർ അഞ്ചിൽ ആണ് സംഭവം നടന്നത്. രാവിലെ വാതിലിൽ തട്ടി വീട്ടുകാരോട് കുടിക്കാൻ വെള്ളം ആവശ്യപ്പെട്ടു. ആ സമയം വീടിന്റെ ഗേറ്റ് പൂട്ടിയിരിക്കുകയായിരുന്നു. വീട്ടുകാർ ചോദ്യം ചെയ്തപ്പോൾ രാത്രിയിൽ വീടിന്റെ മുകളിൽ ഉണ്ടായിരുന്നു എന്നും ദാഹിച്ചപ്പോൾ വാട്ടർ ടാങ്കിൽ നിന്നും വെള്ളം കുടിക്കാൻ ആണ് കയറിയത് എന്നാണ് പറയുന്നത്. ഇയാൾ തിരുവനന്തപുരം സ്വദേശി നിതിൻ അണ് . ഇയാളുടെ കൈയിൽ വിലകൂടിയ കൂടിയ മൊബൈൽ ഫോൺ ഉണ്ടായിരുന്നു. മാന്യമായ വസ്ത്രധാരണം ആയിരുന്നു. വീട്ടുകാരുടെ പരാതിയെ തുടർന്ന് ഇയാളെ ഈസ്റ്റ് പോലീസ് കസ്റ്റഡിയിലെടുത്തു.
Read Moreഷൈജുവിന്റെ നടനം ഫലിച്ചില്ല..! തമിഴ് നടന്റെ പേരിൽ മഞ്ചേരിയിൽ തട്ടിപ്പ്; പാവപ്പെട്ട കുടുംബങ്ങൾക്ക് വീടു നിർമിക്കാൻ തമിഴ് നടൻ 25 ലക്ഷം രൂപ നൽകുമെന്ന് പറഞ്ഞ് നിരവധി കുടുംബങ്ങളിൽ നിന്നും പണം തട്ടുകയായിരുന്നു
മഞ്ചേരി: തമിഴ് നടന്റെ പേരിൽ സഹായ വാഗ്ദാനം നൽകി സാന്പത്തിക തട്ടിപ്പു നടത്തിയ മധ്യവയസ്ക്കനെ മഞ്ചേരി പോലീസ് അറസ്റ്റു ചെയ്തു. കൊല്ലം കൊട്ടാരക്കര മാമൂട്ടിൽ ഷൈജു (47)വാണ് പ്രത്യേക അന്വേഷണ സംഘത്തിന്റെ പിടിയിലായത്. പാവപ്പെട്ട കുടുംബങ്ങൾക്ക് വീടു നിർമിക്കാൻ തമിഴ് നടൻ 25 ലക്ഷം രൂപ നൽകുന്നുണ്ടെന്നു വിശ്വസിപ്പിച്ച് നാലു കുടുംബങ്ങളിൽ നിന്നു 20,000 രൂപ വീതം ഇയാൾ തട്ടിയെടുക്കുകയായിരുന്നു. മഞ്ചേരി പുല്ലഞ്ചേരി സ്വദേശികൾക്കാണ് പണം നഷ്ടപ്പെട്ടത്. ആറു വർഷമായി മലപ്പുറത്തു താമസിക്കുന്ന ഷൈജു തട്ടിപ്പിനിരയായവരെ മഞ്ചേരിയിലേക്കു വിളിച്ചുവരുത്തി കോടതി പരിസരത്തു നിർത്തിയ ശേഷം രേഖകൾ ശരിയാക്കാനെന്ന പേരിലാണ് പണം വാങ്ങിയത്. പിന്നീട് മുദ്ര കടലാസുകൾ വാങ്ങാനെന്ന വ്യാജേന പണവുമായി മുങ്ങുകയായിരുന്നു. മൊബൈൽ ഫോണിൽ ഇയാളുമായി ബന്ധപ്പെടാൻ സാധിക്കാതെ വന്നപ്പോഴാണ് കുടുംബങ്ങൾ തട്ടിപ്പു മനസിലാക്കി പോലീസിൽ പരാതി നൽകിയത്. സംസ്ഥാനത്ത് മറ്റു ജില്ലകളിലും ഇയാൾ സമാനമായ തട്ടിപ്പു…
Read Moreബന്ധുക്കൾ ശത്രുക്കൾ..! മൂന്ന് വയസുകാരിയെ പീഡിപ്പിച്ച കേസില് ബന്ധുകൂടിയായ പതിനേഴുകാന് പിടിയിൽ; പ്രതിയുടെ മാതാപിതാക്കള് പരാതിക്കാരിയെ ഭീഷണിപ്പെടുത്തിയതായും പരാതി
പത്തനാപുരം: പിറവന്തൂര് കറവൂരില് മൂന്ന് വയസുകാരിയെ പീഡിപ്പിച്ച കേസില് പതിനേഴുകാന് പിടിയില്. രണ്ട് ദിവസം മുന്പാണ് കേസിനാസ്പദമായ സംഭവം നടന്നത്. ബാലികയുടെ ബന്ധുവാണ് പിടിയിലായ പതിനേഴുകാരന്. പെണ്കുട്ടിയുടെ വീട്ടിലെത്തിയ പതിനേഴുകാരന് കുട്ടിയുടെ അമ്മ കുളിക്കാന് പോയ സമയത്താണ് പീഡനം നടത്തിയത്. തുടര്ന്ന് മാതാവ് പത്തനാപുരം പോലീസില് പരാതി നല്കുകയായിരുന്നു. ഇതിനിടെ പതിനേഴുകാരന്റെ മാതാപിതാക്കള് പരാതിക്കാരിയെ ഭീഷണിപ്പെടുത്തിയതായും പരാതിയില് പറയുന്നു. ഒളിവില് പോയ പ്രതിയെ പത്തനാപുരം പോലീസ് വിളിച്ചുവരുത്തി കസ്റ്റഡിയിലെടുക്കുകയായിരുന്നു. തുടര്ന്ന് ജുവൈനല് ജസ്റ്റിസിന് മുന്നില് ഹാജരാക്കി. ഇതിനിടെ പ്രതിയ്ക്ക് മാനസിക രോഗമുണ്ടെന്ന്പറഞ്ഞ് കേസ് ഒതുക്കാനുള്ള ശ്രമം നടക്കുന്നതായും ആക്ഷേപമുണ്ട്.
Read Moreസിപിഎം ദുർബലപ്പെടാൻ സിപിഐ ആഗ്രഹിക്കുന്നില്ല: പക്ഷേ സ്വേച്ഛാധിപത്യം നിലനിൽക്കുന്ന ചൈനയെ അനുകൂലിക്കുന്ന സിപിഎമ്മിനെ ശരിവയ്ക്കത്തില്ലെന്ന് കാനം രാജേന്ദൻ
കൊട്ടാരക്കര: ഇടതു പക്ഷ ജനാധിപത്യ മുന്നണിക്ക് നേതൃത്വം നൽകുന്ന സി പി എം ദുർബലപ്പെടാൻ സി പി ഐ ആഗ്രഹിക്കുന്നില്ലെന്നും എന്നാൽ സി പി ഐ ദുർബലപ്പെട്ട് ഇടതു മുന്നണി ശക്തമാക്കണമെന്ന് ആരും വ്യാമോഹിക്കേണ്ടതില്ലെന്നും സിപിഐ സംസ്ഥാന സെക്രട്ടറി കാനം രാജേന്ദ്രൻ അഭിപ്രായപ്പെട്ടു. കൊട്ടാരക്കരയിൽ സി പി ഐ യുടെ ജില്ലാ സമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. ഇടതു മുന്നണി ഒരു രാഷ്ട്രീയ സംവിധാനമാണ്. ഇതിൽ ഉൾപ്പെടെയുള്ള എല്ലാ പാർട്ടികൾക്കും തനതായ വ്യക്തിത്വമുണ്ട്. സ്വന്തം വ്യക്തിത്വം ആരുടേയും മുന്നിൽ അടിയറവ് വെക്കാൻ സി പി ഐ തയാറല്ല. മുന്നണിക്കുള്ളിൽ വിയോജിപ്പുകളും യോജിപ്പുകളും സ്വാഭാവികമാണ്. സി പി എമ്മിന്റെ പല രാഷ്ട്രീയ തീരുമാനങ്ങളോടും സി പി ഐ ക്ക് വിയോജിക്കേണ്ടി വന്നിട്ടുണ്ട്. ഇനിയും അത് ഉണ്ടാക്കുകയും ചെയ്യും. ശരിയുടെ പാതയാണ് സി പി ഐ എപ്പോഴും സ്വീകരിച്ചിട്ടുള്ളത്.…
Read Moreവിശ്വസിച്ചാലും ഇല്ലെങ്കിലും..! വീടുകളിൽ ജനൽ ഗ്ലാസുകളിൽ സ്റ്റിക്കർ പ്രചാരണത്തിന്റെ ഉറവിടം കണ്ടെത്തി; സോഷ്യൽ മീഡിയയിലൂടെ പ്രചരിക്കുന്ന വാർത്തകൾ വിശ്വസിക്കരുതെന്ന് പോലീസ്
കരുനാഗപ്പള്ളി : വീടുകളിൽ ജനൽ ഗ്ലാസുകളിൽ സ്റ്റിക്കർ പതിക്കുന്നെന്ന വാർത്തയുടെ ഉറവിടം കണ്ടെത്തിയെന്ന് കരുനാഗപ്പള്ളി പോലീസ്. ജില്ലയുടെ വിവിധ പ്രദേശങ്ങളിലും, മറ്റ് ജില്ലകളിൽ നിന്നും ഇത്തരത്തിലുള്ള വാർത്തകൾ റിപ്പോർട്ട് ചെയ്തിരുന്നു. ഇതിനെ തുടർന്ന് കരുനാഗപ്പള്ളി സിഐ രാജേഷ് കുമാറിന്റെ നേതൃത്വത്തിൽ എസ്ഐ ശിവകുമാറും സംഘവും നടത്തിയ അന്വേക്ഷണത്തിലാണ് ഗ്ലാസ് കടകളിൽ നടത്തിയ പരിശോധനയിൽ ഇത്തരത്തിലുള്ള സ്റ്റിക്കറുകൾ കണ്ടെത്തിയത്. സോഷ്യൽ മീഡിയകളിൽ പ്രചരിക്കുന്ന ഇത്തരം വാർത്തകൾ ജനങ്ങൾ വിശ്വസിക്കരുതെന്നും സിഐ പറഞ്ഞു. നിർമാണ വേളയിൽ തന്നെ കമ്പനിയിൽ നിന്നും ഗ്ലാസുകൾ ഉരഞ്ഞ് പൊട്ടാതിരിക്കാൻ കമ്പനി തന്നെ പതിച്ച് വിടുന്ന സ്റ്റിക്കറാണിതെന്ന് കരുനാഗപ്പള്ളിയിലെ ഗ്ലാസ് വ്യാപാരികൾ പറഞ്ഞു. പല വീട്ടുക്കാരും നവ മാധ്യമങ്ങൾ വഴി വന്ന വാർത്തകളെ തുടർന്ന് നടത്തിയ പരിശോധനയിലാണ് സ്റ്റിക്കറുകൾ കണ്ടെത്തിയത്. എന്നാൽ അന്വേഷണം തുടരുമെന്ന് പോലീസ് പറഞ്ഞു.
Read Moreബസിൽ വിദേശ വനിതയെ അപമാനിക്കാൻ ശ്രമിച്ച യുവാവ് പിടിയിൽ; പല തവണ ബസ് ജീവനക്കാരും യുവതിയും താക്കീത് ചെയ്തിട്ടും പിൻമാറാൻ ഇയാൾ തയാറായില്ല; പിന്നീട് ബസ് സ്റ്റേഷനിലെത്തിച്ച് അറസ്റ്റു ചെയ്യുകയായിരുന്നു
പള്ളുരുത്തി: കെഎസ്ആർടിസി ബസിൽ യാത്ര ചെയ്യുകയായിരുന്ന വിദേശവനിതയെ അപമാനിക്കാൻ ശ്രമിച്ച കേസിൽ കൊല്ലം സ്വദേശിയെ പള്ളുരുത്തി പോലീസ് അറസ്റ്റുചെയ്തു. കൊല്ലം ഭരണിക്കാവ് കൊച്ചൂട്ടി കോളനി ജോസ് ഭവനിൽ ജോസി(37)നെയാണ് പള്ളുരുത്തി സിഐ കെ.ജി.അനീഷിന്റെ നേതൃത്വത്തിൽ അറസ്റ്റുചെയ്തത്. ഫ്രഞ്ച് സ്വദേശിനിയും ചെന്നൈ ലയോള കോളജ് വിദ്യാർഥിനിയുമായ യുവതിയെയാണ് ഇയാൾ അപമാനിക്കാൻ ശ്രമിച്ചത്. തിരുവനന്തപുരത്തുനിന്ന് കൊച്ചിയിലേക്ക് കെഎസ്ആർടിസി സൂപ്പർ ഫാസ്റ്റിൽ യാത്ര ചെയ്യുകയായിരുന്നു വിദേശവനിത. കൊല്ലത്തുനിന്ന് കൊച്ചി ഹാർബറിലേക്ക് ജോലിക്കു വരികയായിരുന്ന ജോസ് മദ്യലഹരിയിൽ യുവതിയെ ശല്യം ചെയ്തു. പല തവണ ബസ് ജീവനക്കാരും യുവതിയും താക്കീത് ചെയ്തിട്ടും പിൻമാറാൻ ഇയാൾ തയാറായില്ല. തുടർന്നു പള്ളുരുത്തി സ്റ്റേഷനുമുന്നിൽ ബസ് നിർത്തി പ്രതിയെ അറസ്റ്റുചെയ്യുകയായിരുന്നു. യുവതിയുടെ പരാതിയെ തുടർന്നാണ് അറസ്റ്റ്. കോടതിയിൽ ഹാജരാക്കിയ പ്രതിയെ റിമാൻഡുചെയ്തു.
Read Moreകടലിൽ വീണ സുഹൃത്തിനെ രക്ഷിക്കാൻ ശ്രമിക്കുന്നതിനിടെ കാണാതായ യുവാവിന്റെ മൃതദേഹം കണ്ടെത്തി; കടയ്ക്കൽ സ്വദേശി മുഹമ്മദ് റംസാന്റെ മൃതദേഹമാണ് തിരച്ചിലിൽ കണ്ടെത്തിയത്
കൊല്ലം: കൊല്ലം ബീച്ചിൽ തിരയിൽപ്പെട്ട സുഹൃത്തിനെ രക്ഷിക്കാനുള്ള ശ്രമത്തിനിടെ കടലിൽ കാണാതായ യുവാവിന്റെ മൃതദേഹം കണ്ടെത്തി. കടയ്ക്കൽ സ്വദേശി മുഹമ്മദ് റംസാന്റെ (21) മൃതദേഹം മറൈൻ എൻഫോഴ്സ്മെന്റിന്റെ തെരച്ചിലിലാണ് കണ്ടെത്തിയത്. ഞായറാഴ്ച വൈകുന്നേരമാണ് റംസാന് ഉള്പ്പടെ നാലുപേർ കൊല്ലം ബീച്ചിലെത്തിയത്. സുഹൃത്ത് സിയാദ് കാല്നനയ്ക്കാനായി കടലില് ഇറങ്ങവെ തിരയില്പ്പെട്ടു. ഉടന് സിയാദിനെ രക്ഷപ്പെടുത്താന് ശ്രമിക്കവെയാണ് റംസാനും തിരയില്പ്പെട്ടത്. സുഹൃത്തുക്കളും മറ്റും ചേര്ന്ന് സിയാദിനെ രക്ഷപ്പെടുത്തി. എന്നാല് റംസാനെ രക്ഷിക്കാനായില്ല.
Read Moreലാൽ സലാം ..! മാധ്യമങ്ങൾക്കു മുന്നിൽ ഗീർവാണം മുഴക്കുന്ന കാനം; വിലക്കയറ്റം തടഞ്ഞു നിർത്താൻ ഒരു ചുക്കം ചെയ്യാതെ മന്ത്രി തിലോത്തമൻ; സിപിഐ കൊല്ലം ജില്ലാസമ്മേളനത്തിൽ ഇരുവർക്കും രൂക്ഷ വിമർശനം
കൊല്ലം: പാർട്ടി സംസ്ഥാന സെക്രട്ടറിക്കെതിരെ രൂക്ഷ വിമർശനവുമായി സിപിഐ കൊല്ലം ജില്ലാസമ്മേളനം. സമ്മേളനത്തിൽ അവതരിപ്പിച്ച റിപ്പോർട്ടിന്മേലുള്ള പൊതു ചർച്ചയിലാണ് കാനം രാജേന്ദ്രനെതിരെയും ഭക്ഷ്യമന്ത്രി പി.തിലോത്തമനെതിരെയും വിമർശനമുയർന്നത്. മാധ്യമങ്ങൾക്കു മുന്നിൽ ഗീർവാണം മുഴക്കുന്ന കാനം, റവന്യൂ സെക്രട്ടറി പി.എച്ച് കുര്യനെ മാറ്റുന്നതിൽ പരാജയപ്പെട്ടെന്നാണ് പ്രതിനിധികൾ വിമർശിച്ചത്. ഭക്ഷ്യമന്ത്രി പി.തിലോത്തമനെതിരെയും പ്രതിനിധികൾ വിമർശനമുയർത്തി. സംസ്ഥാനത്ത് ഭക്ഷ്യസാധനങ്ങളുടെ വിലക്കയറ്റം രൂക്ഷമാണ്. അത് തടഞ്ഞുനിർത്താൻ ഒരു ചുക്കും മന്ത്രി ചെയ്യുന്നില്ലെന്നു തുറന്നടിച്ച പ്രതിനിധികൾ, ചന്ദ്രശേഖരൻ നായരെ പോലെയുള്ള മഹാന്മാർ ഇരുന്ന കസേരയിലാണ് ഇരിക്കുന്നതെന്ന് തിലോത്തമൻ ഓർക്കണമെന്നും ചൂണ്ടിക്കാട്ടി. പാർട്ടി മന്ത്രിമാർ തമ്മിൽ ഏകോപനമില്ലെന്നും വിമർശനമുയർന്നു. പല കാര്യങ്ങളിലും മന്ത്രിമാർ വിരുദ്ധാഭിപ്രായമാണ് പ്രകടിപ്പിക്കുന്നതെന്നും പ്രതിനിധികൾ പറഞ്ഞു. 23-ാം പാർട്ടി കോൺഗ്രസിന് മുന്നോടിയായി നടക്കുന്ന ജില്ലാ സമ്മേളനങ്ങളിൽ ഇതാദ്യമായാണ് സിപിഐ സംസ്ഥാന നേതൃത്വത്തിനെതിരെ ഇത്ര രൂക്ഷ വിമർശനം ഉയരുന്നത്.
Read More