വൈക്കം: മൂന്നു വനിതകൾ മാറ്റുരയ്ക്കുന്ന പെണ്പട്ടണത്തിലേക്കു ഉറ്റു നോക്കി രാഷ്ട്രീയ കേരളം. വൈക്കം നഗരത്തിന്റെ ഹൃദയ സ്പദനമറിഞ്ഞ് മൂന്നു വനിതാ സ്ഥാനാർഥികളും പ്രചരണച്ചൂടിൽ. സ്ഥാനാർഥികൾ വീടുകൾ കയറിയിറങ്ങി നേരിട്ടു വോട്ടഭ്യർഥിക്കുന്പോൾ അണിയറയിൽ മഹിളാ കൂട്ടായ്മകളും കണ്വൻഷനുകളും നടത്തി പ്രവർത്തകരും. വൈക്കം നിയോജക മണ്ഡലത്തിലെ യുഡിഎഫ് സ്ഥാനാർഥി ഡോ. പി.ആർ. സോന, എൽഡിഎഫ് സ്ഥാനാർഥി സി.കെ. ആശ, എൻഡിഎ സ്ഥാനാർഥി അജിതാ സാബുവും തികഞ്ഞ ആത്മവിശ്വാസത്തോടെ പ്രചരണ രംഗത്ത് വീറും വാശിയോടെ സജീവമായി. സിറ്റിംഗ് എംഎൽഎയും സിപിഐ സ്ഥാനാർഥിയുമായ സി.കെ. ആശയുടെ വിജയത്തിനായി ഇടതുപക്ഷ മഹിളാസംഘടനകളുടെ നേതൃത്വത്തിൽ മഹിളാ കൂട്ടായ്മ സംഘടിപ്പിച്ചു. ഇന്നലെ വൈക്കം സീതാറാം ഓഡിറ്റോറിയത്തിൽ എൻഎഫ്ഐഡബ്ല്യു സംസ്ഥാന കമ്മിറ്റി അംഗം പി.എസ്. പുഷ്പ മണിയുടെ അധ്യക്ഷതയിലാണ് യോഗം നടന്നത്. വൈക്കത്തെ നെല്ലറയായ വെച്ചൂരിലായിരുന്നു ഇന്നലെ സി.കെ. ആശയുടെ പര്യടനം. ബ്ലോക്ക്, ഗ്രാമ പഞ്ചായത്തംഗങ്ങളും സ്ഥാനാർഥിയെ അനുഗമിച്ചു.…
Read MoreCategory: Kottayam
കോട്ടയത്തിന് ചൂട്ടുപൊളളുന്നു; 38.4 ഡിഗ്രിയിൽ പുനലൂരും പാലക്കാടും പിന്നിൽ; ചൂട് കൂടാൻ കാരണം
കോട്ടയം: കടുത്തവേനലും ചൂടിനെ തുടർന്നുള്ള തീപിടിത്തവും ജില്ലയിൽ നിത്യസംഭവമാകുന്നു. തിങ്കളാഴ്ച 38.4 ആണ് ജില്ലയിൽ ചൂട് രേഖപ്പെടുത്തിയത്. ശരാശരിയേക്കാൾ നാലുഡിഗ്രിയുടെ വർധനവാണ് ഈ വർഷം ഉണ്ടായിര്ക്കുന്നത്. സംസ്ഥാനത്ത് ഇപ്പോൾ ഏറ്റവും കൂടുതൽ ചൂട് അനുഭവപ്പെടുന്നത് കോട്ടയത്താണ്. മുൻ വർഷങ്ങളിൽ ഏറ്റവും അധികം ചൂട് റിപോർട് ചെയ്തിരുന്ന പുനലൂരും പാലക്കാടും ഇപ്പോൾ കോട്ടയത്തേക്കാൾ പിന്നിലാണ്. ഭൂപ്രകൃതിയിൽവന്നിട്ടുള്ള വ്യത്യാസങ്ങളാകാം ജില്ലയിൽ ചൂട് കൂടാൻ കാമണമെന്നാണ് കരുതുന്നത്. അടുത്താഴ്ചയോടു കൂടി ചൂട് കുറയുമെന്നും മഴയ്ക്ക് സാധ്യത കൂടുമെന്നും കാലാവസ്ഥാ നിരീഷകൻ അഭിപ്രായപ്പെടുന്നു.
Read Moreമദ്യലഹരിയിൽ ആദ്യം നാട്ടുകാരോട് പിന്നെ പോലീസിനോട്; പോലീസുകാരെ ഇടിച്ചിട്ട് മുങ്ങിയ മഹേഷിന് ഒടുവിൽ സംഭവിച്ചത്
കറുകച്ചാൽ: മദ്യ ലഹരിയിൽ അക്രമം, ആദ്യം നാട്ടുകാരോട്. പിന്നീട് പോലീസ് സ്റ്റേഷനിൽ. രാത്രിയിൽ പോലീസുകാരെ വട്ടം കറക്കിയ യുവാവ് ഒടുവിൽ പിടിയിൽ. കറുകച്ചാലിലാണ് സംഭവം. നടുംകുന്നം മൈലാടി ഇടവളഞ്ഞികരോട്ട് ഇ.ടി. മഹേഷ് (40) ആണ് ഇന്നലെ പുലർച്ചെ കറുകച്ചാൽ പോലീസിന്റെ പിടിയിലായത്. പോലീസുകാരെ ആക്രമിച്ച ശേഷം സ്റ്റേഷനിൽനിന്നും ഇറങ്ങിയോടിയ പ്രതിയെ ഏറെ തിരച്ചിലിനൊടുവിൽ അറസ്റ്റ് ചെയ്യുകയായിരുന്നു. തിങ്കളാഴ്ച രാത്രി 10.30ന് മഹേഷ് മദ്യലഹരിയിൽ മൈലാടി ഭാഗത്ത് ബഹളമുണ്ടാക്കുകയും നാട്ടുകാരെ അസഭ്യം പറയുകയും ആക്രമിക്കുകയും ചെയ്തു. തുടർന്ന് അയൽവാസികളാണ് പോലീസിനെ വിളിച്ചറിയിച്ചത്. 11.30ന് മൈലാടിയിലെത്തിയ പോലീസ് ഇയാളെ പിടികൂടി സ്റ്റേഷനിലെത്തിച്ചു. പിന്നീട് മൊഴി രേഖപ്പെടുത്തുന്പോഴാണ് ഇയാൾ ഡ്യൂട്ടിയിയുണ്ടായ പോലീസുകാരെ ആക്രമിച്ചത്. മൂന്നു പോലീസ് ഉദ്യോഗസ്ഥർക്കു പരിക്കേറ്റു. ഇവർ കറുകച്ചാലിലെ സ്വകാര്യാശുപത്രിയിൽ ചികിത്സതേടി. പോലീസ് സ്റ്റേഷനിൽ നിന്നു ഇറങ്ങിയോടിയ പ്രതിക്കു പിന്നാലെ പോലീസുകാർ പാഞ്ഞെങ്കിലും കണ്ടെത്താനായില്ല. രാത്രി മുഴുവൻ പോലീസ്…
Read Moreസ്ഥാനാർഥി പ്രഖ്യാപനവും തർക്കങ്ങളും എൻഡിഎയ്ക്ക് തലവേദന ഒഴിയുന്നില്ല…
കോട്ടയം: സ്ഥാനാർഥി പ്രഖ്യാപനവും തർക്കങ്ങളും ജില്ലയിൽ എൻഡിഎ മുന്നണിക്കു തലവേദനയാകുന്നു. ഏറ്റുമാനൂർ, പൂഞ്ഞാർ സീറ്റുകളുടെ പേരിൽ എൻഡിഎയിൽ തർക്കം തുടരുകയാണ്. ബിഡിജെഎസ് മത്സരിക്കുന്ന ഈ രണ്ടു സീറ്റുകളിലേയും സ്ഥാനാർഥി നിർണയം പൂർത്തിയാകാത്തതാണ് തർക്കങ്ങൾ സൃഷ്ടിക്കുന്നത്. സ്ഥിതി തുടർന്നാൽ അപ്രതീക്ഷിത സ്ഥാനാർഥികൾ ഈ സീറ്റിലേക്ക് എത്തുമെന്നു സൂചന. ഏറ്റുമാനൂർ സീറ്റിൽ ആദ്യം ബിഡിജെഎസ് നേതാവ് എംപി സെന്നിനെയും പിന്നീട് ശാന്താറാം റോയി തോളൂരിനെയുമാണു പരിഗണിച്ചിരുന്നത്. പാർട്ടി പ്രഖ്യാപിച്ചതു ഭരത് കൈപ്പാറേടനെ. ദുർബലനായ സ്ഥാനാർഥിയെ നിർത്തിയതു സിപിഎമ്മിനെ സഹായിക്കാനാണെന്ന ആക്ഷേപം ഉയർന്നതും നരേന്ദ്ര മോഡിയ്ക്കാതിരായ ഭരതിന്റെ ഫേസ്ബുക്ക് പോസ്റ്റുകളും ബിജെപി സജീവ ചർച്ചയാക്കിയതോടെ ബിഡിജഐസ് പിൻമാറി. ഇന്നലെ രാവിലെ ബിഡിജെഎസ് ജില്ലാ വൈസ്പ്രസിഡന്റ് എൻ. ശ്രീനിവാസിനെ സ്ഥാനാർഥിയാക്കി പ്രഖ്യാപിച്ചു. മണ്ഡലവുമായി ബന്ധമുള്ള ശക്തനായ സ്ഥാനാർഥിയെ നിർത്തണമെന്നാണു ബിജെപി നിലപാട്. ഇല്ലെങ്കിൽ സീറ്റ് ഏറ്റെടുക്കാനാണു തീരുമാനം. കോട്ടയത്തേക്കു പരിഗണിച്ചിരുന്ന ടി.എൻ. ഹരികുമാറിനോടു…
Read Moreധൂർത്തിനും ലഹരിക്കും പണം ഏറെ ആവശ്യമാണ്; മോഷണം കലയാക്കി കുട്ടിക്കള്ളന്മാർ; കലാപരിപാടിയിൽ ഭണ്ഡാരം കുത്തിത്തുറക്കുന്നതു മുതൽ ബൈക്ക് മോഷണം വരെ
കുമരകം: കുട്ടിക്കള്ളന്മാർക്ക് പണം ഏറെ ആവശ്യമാണ്. ധൂർത്തിനു പുറമേ ലഹരിക്കും പണം തികയാതെ വന്നപ്പോൾ മോഷണം കലയാക്കി. കുമരകത്തെ ആരാധനാലയങ്ങളുടെ ഭണ്ഡാരം കുത്തിത്തുറന്നു മോഷണം വെളിപ്പെട്ടതു മറ്റൊരു മോഷണ സംഭവത്തിൽ പിടിയിലാവരിലൂടെ. കോട്ടയം നഗരത്തിലെ തിയറ്ററിൽ സെക്കൻഡ് ഷോ കാണാനെത്തിവരുടെ ബൈക്ക് മോഷ്ടിച്ച രണ്ടു യുവാക്കളിലൂടെയാണ് കുമരകം ക്ഷേത്രത്തിൽ നടന്ന മോഷണ സംഭവം ചുരുളഴിയുന്നത്. തൊടുപുഴ ഒളമറ്റം ഞണ്ടിറുകണ്ണിൽ അഖിലേഷ് പീറ്റർ (18), തൊടുപുഴ പാറശേരി ജഗൻ സുരേഷ് (19) എന്നവരെയാണ് കഴിഞ്ഞ ദിവസം കോട്ടയം വെസ്റ്റ് പോലീസ് പിടികൂടിയത്. കോട്ടയം കെഎസ്ആർടിസി ബസ് സ്റ്റാൻഡിനു സമീപമുള്ള തിയറ്ററിൽ സിനിമ കാണാൻ എത്തിയവരുടെ ബൈക്കാണ് മോഷണം പോയത്. ബൈക്കുമായി കടന്നു കളഞ്ഞ ഇരുവരേയും തൊടുപുഴയിൽ നിന്നും പിടികൂടുകയായിരുന്നു. ഇവരെ ചോദ്യം ചെയ്തപ്പോഴാണ് കുമരകത്തു ക്ഷേത്രത്തിൽ നടന്ന മോഷണവിവരവും പുറത്താകുന്നത്. ഇവരുടെ സുഹൃത്തായ മറ്റൊരാളായിരുന്നു കുമരകത്തെ മോഷണത്തിനു പിന്നിൽ.…
Read Moreവൈക്കത്ത് തെരഞ്ഞെടുപ്പ് രാഷ്ട്രീയത്തിൽ നേരേക്കടവ് കായൽപാലം ചർച്ചയാകുന്നു; ഇടതുപക്ഷം നൽകുന്ന വിശദീകരണവും ഇപ്പോഴത്തെ അവസ്ഥയും ഇങ്ങനെ…
വൈക്കം: വൈക്കത്ത് തെരഞ്ഞെടുപ്പ് രാഷ്ട്രീയത്തിൽ ചർച്ചാ വിഷയമായി നേരേകടവ് – മാക്കേക്കടവ് കായൽപാലം. വൈക്കത്തും അരൂരും ഒരുപോലെ പാലത്തിന്റെ അവസ്ഥ ചൂട് പിടിക്കുന്പോൾ പ്രതിരോധിക്കാനും വോട്ടാക്കി മാറ്റാനും മൂന്നു മുന്നണികളും രംഗത്ത്. നിർമാണം പൂർത്തിയാകും മുന്പേ പ്രവർത്തനങ്ങൾ നിലച്ചതാണ് നേരേകടവ് – മാക്കേക്കടവ് കായൽപാലം.തീരദേശത്തേയും മലനാടിനേയും കൂട്ടിയിണക്കുന്ന തുറവുർ- പന്പ ഹൈവേയുടെ ഭാഗമായാണ് കായൽ പാലം വിഭാവനം ചെയ്തത്. വൈക്കം -ചേർത്തല താലൂക്കുകളെ ബന്ധിപ്പിച്ചു വേന്പനാട്ടു കായലിലെ ഏറ്റവും വീതി കുറഞ്ഞ മാക്കേക്കടവ്- നേരേകടവ് ഫെറിയിൽ 2016 ലാണ് പാലത്തിന്റെ ശിലാസ്ഥാപനം നടത്തി നിർമാണമാരംഭിച്ചത്. 98 കോടി രൂപ വിനിയോഗിച്ചു 750 മീറ്റർ നീളത്തിൽ ഇരുവശത്തും നടപ്പാതയോടു കൂടിയ പാലം നിർമിക്കുന്നതിനായിരുന്നു പദ്ധതി. പാലത്തിന്റെ നിർമാണ ചുമതല ഏറ്റെടുത്ത കണ്സ്ട്രക്ഷൻ കന്പിനി 18 മാസത്തിനകം പാലത്തിന്റെ നിർമാണം പൂർത്തിയാക്കുമെന്നാണ് കരാറിൽ പറഞ്ഞിരുന്നത്. പാലത്തിന്റെ നിർമാണ പ്രവർത്തനങ്ങൾ…
Read Moreഇന്ത്യയൊട്ടാകെ ടാപ്പിംഗ് പഠിപ്പിച്ച് ഈ എരുമേലിക്കാരൻ! 40 വർഷം കഴിഞ്ഞ് 2015 ൽ വിരമിച്ചിട്ടും അയാളെ ബോർഡ് വെറുതെ വിട്ടില്ല…
എരുമേലി: 1975 ലാണ്, ഇരുപതുകാരനായ ഒരു ഡിഗ്രി വിദ്യാർഥി സ്വന്തം വരുമാനം തേടി ടാപ്പിംഗ് ജോലിക്കിറങ്ങിയത്. പഴയ തലമുറയുടെ ടാപ്പിംഗ് രീതികൾ പഠിച്ച് ജോലി ഭംഗിയായി ആസ്വദിച്ചപ്പോൾ ടാപ്പിംഗ് അയാൾക്ക് ഇഷ്ടമേറെയുള്ള കലയായി. ആ മികവിൽ അയാൾക്ക് റബർ ബോർഡ് ജോലി നൽകിയത് ടാപ്പിംഗ് പരിശീലകനായി. ആ പരിശീലകൻ പിന്നെ ഇന്ത്യയൊട്ടുക്ക് ബോർഡിന്റെ സ്വന്തം പരിശീലകനായി. ഇന്ത്യയുടെ വിവിധ സംസ്ഥാനങ്ങളിൽ നീണ്ടു പോയി പരിശീലനം. 40 വർഷം കഴിഞ്ഞ് 2015 ൽ വിരമിച്ചിട്ടും അയാളെ ബോർഡ് വെറുതെ വിട്ടില്ല. വീണ്ടും പരിശീലക വേഷത്തിൽ ജോലി ഏൽപ്പിച്ചു. കേരളത്തിലെ തോട്ടങ്ങളായ തോട്ടങ്ങളൊക്കെ ആ പരിശീലകന്റെ പഠന ക്ലാസുകളിലാണ് ഇപ്പോൾ. ടാപ്പിംഗിനെ ജനകീയമാക്കി വേറിട്ട ശൈലി പകർന്ന് ഇന്ത്യയൊട്ടുക്ക് ടാപ്പിംഗ് പഠിപ്പിച്ച ആ പരിശീലകൻ എരുമേലി സ്വദേശിയാണ്. പേര് ശശിധരൻ കണ്ണേലിൽ. എരുമേലി ചെറുവള്ളി എസ്റ്റേറ്റിൽ ജനിച്ചു വളർന്ന ശശിധരൻ…
Read Moreകാറിൽ തട്ടിയാണോ ബൈക്ക് മറിഞ്ഞ് വീണത്? ശരീരത്തിലൂടെ ബസ് കയറിയിറങ്ങി ബൈക്ക് യാത്രക്കാരൻ മരിച്ച സംഭവം; പോലീസ് അന്വേഷണം ആരംഭിച്ചു
കോട്ടയം: ബസ് ശരീരത്തിലൂടെ കയറിയിറങ്ങി ബൈക്ക് യാത്രക്കാരൻ മരിച്ച സംഭവത്തിൽ മണർകാട് പോലീസ് കേസ് രജിസ്റ്റർ ചെയ്തു. വടവാതൂർ താന്നിക്കപടിയിലെ റബർ മിക്സിംഗ് ഫാക്ടറി മാനേജറായ പെരുന്പാവൂർ കാലടി കൊപ്രക്കാട്ട് വീട്ടിൽ കെ.ആർ ജോയി (53) ആണ് മരിച്ചത്. ഇന്നലെ ഉച്ചകഴിഞ്ഞു മണർകാട് മാധവൻപടിക്ക് സമീപമാണ് അപകടമുണ്ടായത്. ഉച്ചഭക്ഷണം കഴിക്കുന്നതിനായി ജോയി വീട്ടിലേക്കു വരുന്പോൾ ബൈക്ക് കാറിൽ തട്ടി ജോയി റോഡിലേക്കു വീണു. തൊട്ടുപിന്നാലെ എത്തിയ സ്വകാര്യ ബസ് ജോയിയുടെ ശരീരത്തിലുടെ കയറിയിറങ്ങുകയായിരുന്നു. ഗുതരമായി പരിക്കേറ്റ ജോയിയെ ഉടൻ തന്നെ മണർകാട്ടുള്ള സ്വകാര്യ ആശുപത്രിയിൽ പ്രവേശിപ്പിച്ചെങ്കിലും മരിച്ചു. അപകടത്തിനിടയാക്കിയ കാറും ബസും മണർകാട് പോലീസ് പിടിച്ചെടുത്തു. സംഭവത്തെക്കുറിച്ചു വിശദമായി അന്വേഷിച്ചു വരികയാണെന്ന് മണർകാട് പോലീസ് പറഞ്ഞു. ഏറെ നാളായി ജോലി സംബന്ധമായി വടവാതൂരിലായിരുന്നു ജോയി താമസിച്ചിരുന്നത്. മഞ്ജുവാണ് ഭാര്യ. മക്കൾ മീര ( ഇൻഫോപാർക്ക് കൊച്ചി), മേഘ…
Read Moreബിജെപിക്കു തലവേദനയായി കോട്ടയവും ഏറ്റുമാനൂരും; ബിജെപിയുടെ നിർദേശം ബിഡിജെഎസ് അനുസരിക്കുന്നില്ല എന്ന് ആക്ഷേപം
കോട്ടയം: ജില്ലയിൽ കോട്ടയം, ഏറ്റുമാനൂർ സീറ്റുകൾ ബിജെപിക്കു തലവേദനയാകുന്നു. ഏറ്റുമാനൂർ സീറ്റിലെ ബിജെപി സ്ഥാനാർഥിയെ ചൊല്ലിയുള്ള ആശയക്കുഴപ്പം തുടരുന്പോൾ കോട്ടയത്ത് സ്ഥാനാർഥിക്കെതിരെ നഗരത്തിൽ പോസ്റ്ററുകൾ ഇറങ്ങിയിരിക്കുകയാണ്. ഏറ്റുമാനൂർ സീറ്റ് ബിജെപി നല്കിയിരിക്കുന്നതു ബിഡിജെഎസിനാണ്. എന്നാൽ ബിഡിജെഎസ് പ്രഖ്യാപിച്ച സ്ഥാനാർഥിയെ പിൻവലിച്ചുവെന്ന് ബിജെപി പറയുന്പോൾ, പിൻവലിച്ചിട്ടില്ലെന്നും മത്സരിക്കുമെന്നുമാണ് ബിഡിജെഎസ് പറയുന്നത്. ബിഡിജെഎസ് ഭരത് കൈപ്പാറേടനെയാണ് സ്ഥാനാർഥിയായി പ്രഖ്യാപിച്ചത്. എൽഡിഎഫ് സ്ഥാനാർഥിയായി സിപിഎം ജില്ലാ സെക്രട്ടറി വി.എൻ. വാസവൻ മത്സരിക്കുന്ന മണ്ഡലത്തിൽ കരുത്തനായ സ്ഥാനാർഥി വേണമെന്നാണ് ബിജെപിയുടെ നിർദേശം.എന്നാൽ ഈ നിർദേശം അനുസരിച്ചല്ല ബിഡിജെഎസ് സ്ഥാനാർഥിയെ നിർത്തിയതെന്നാണ് ആക്ഷേപമുയർന്നിരിക്കുന്നത്. മണ്ഡലത്തിലെ പ്രചാരണ പരിപാടികൾ ബിജെപി നേതൃത്വം റദ്ദ് ചെയ്യുകയും ചെയ്തിട്ടുണ്ട്. ഏറ്റുമാനൂർ സീറ്റ് ബിജെപി ഏറ്റെടുക്കണമെന്നാവശ്യപ്പെട്ട് പ്രവർത്തകരും പ്രതിഷേധത്തിലാണ്.കോട്ടയം, ഏറ്റുമാനൂർ സീറ്റുകളിലെ സ്ഥാനാർഥികളെ സംബന്ധിച്ചു ബിജെപി പ്രവർത്തകർക്കിടിയിൽ വലിയ പ്രതിഷേധമാണ് ഉയരുന്നത്. സിപിഎം വിട്ട് അടുത്ത നാളിൽ ബിജെപിയിൽ എത്തിയതാണ്…
Read Moreതോർത്തിന്റെ ഒരുവശം കഴുത്തിൽ കെട്ടി മറുവശം കാറിനുള്ളിലെ പിടിയിൽ കെട്ടിയ നിലയിലും;വാഹന ഇടപാടുകാരനെ മരിച്ച നിലയിൽ കണ്ടെത്തിയ കേസിൽ ശാസ്ത്രീയ പരിശോധനാ ഫലം കാത്ത് പോലീസ്
കോട്ടയം: കാറിനുള്ളിൽ വാഹന ഇടപാടുകാരനെ മരിച്ച നിലയിൽ കണ്ടെത്തിയ സംഭവത്തിൽ പോലീസ് അന്വേഷണം പുരോഗമിക്കുന്നു.ഏറ്റുമാനൂർ ചുണ്ടുകാട്ടിൽ കരുണാകരന്റെ മകൻ സതീശ്കുമാറി (തന്പി – 54) നെയാണ് ഞായറാഴ്ച പുലർച്ചെ ഏറ്റുമാനൂർ – പട്ടിത്താനം ബൈപ്പാസ് റോഡിൽ കഐൻബി ജംഗ്ഷനു സമീപം സംശയാസപദമായ സാഹചചര്യത്തിൽ കാറിൽ മരിച്ച നിലയിൽ കണ്ടെത്തിയത്. തോർത്തിന്റെ ഒരുവശം കഴുത്തിൽ കെട്ടി മറുവശം കാറിനുള്ളിലെ പിടിയിൽ കെട്ടിയ നിലയിലുമാണ് മൃതദേഹം കണ്ടെത്തിയത്. കാറിനുള്ളിൽ നിന്നുംവിഷകുപ്പിയും കണ്ടെത്തിയിരുന്നു. കഴുത്തിലെ കുരുക്ക് മുറുകിയതും വിഷം ഉളളിൽ ചെന്നതുമാണ് മരണകാരണമെന്ന് പ്രാഥമിക പോസ്റ്റുമോർട്ടം റിപ്പോർട്ടിൽ പറയുന്നു. മൃതദേഹം കണ്ടെത്തിയ കാറിൽ സയന്റിഫിക്, ഫിംഗർ പ്രിന്റ് ഉദ്യോഗസ്ഥർ എത്തി പരിശോധന നടത്തിയിരുന്നു. പോലീസ് ശാസ്ത്രീയ പരിശോധന ഫലം ലഭിക്കുന്നതിനായി കാത്തിരിക്കുകയാണ്.
Read More