കോട്ടയം: മെഡിക്കൽ കോളജിൽ മറ്റൊരു വാർഡിലെ രോഗിയുടെ കൂട്ടിരിപ്പുകാരിയെ കാർഡിയോളജി പേ വാർഡിൽ താമസിപ്പിച്ചുവെന്ന സംഭവം വാസ്തവിരുദ്ധമാണെന്ന് സസ്പെൻഡ് ചെയ്യപ്പെട്ട സുരക്ഷാ ജീവനക്കാരൻ. കാർഡിയോളജി വിഭാഗത്തിൽ ചികിത്സയ്ക്കായി അഡ്മിറ്റ് ചെയ്യപ്പെട്ടയാളെ ഒരു ദിവസം കഴിഞ്ഞപ്പോൾ ഡിസ്ചാർജ് ചെയ്തുവെന്നും ഇയാളുടെ ബന്ധുവാണ് 13-ാം വാർഡിൽ ചികിത്സയിൽ കഴിഞ്ഞിരുന്നതെന്നും സുരക്ഷാ ജീവനക്കാരൻ പറഞ്ഞു. മൂന്നു ദിവസത്തേക്കാണ് പേ വാർഡിൽ താമസിക്കുന്നതായി സ്റ്റേ പാസ് വാങ്ങിയത്. കാർഡിയോളജി വിഭാഗത്തിൽ നിന്നും ഡിസ്ചാർജ് ചെയ്തു കഴിഞ്ഞിട്ടും രണ്ടു ദിവസത്തേക്കു കൂടി താമസിക്കാനുള്ള സ്റ്റേ പാസ് ഇവരുടെ പക്കലുണ്ടായിരുന്നതിനാലാണ് ഇവർ കാർഡിയോളജി പേ വാർഡിൽ താമസിപ്പിച്ചത്. മറ്റൊരു വാർഡിൽ ചികിത്സയിൽ കഴിയുന്പോൾ കാർഡിയോളജി പേ വാർഡിൽ താമസിക്കാൻ സാധിക്കില്ലെന്ന കാര്യം ഇവർക്ക് അറിയില്ലായിരുന്നുവെന്നും സുരക്ഷാ ജീവനക്കാരൻ പറഞ്ഞു. സംഭവം പുറത്തുവരുന്പോഴാണ് താനും ഇക്കാര്യങ്ങൾ അറിയുന്നതെന്നും വിവരങ്ങൾ ആശുപത്രി അധികൃതരെ അറിയിച്ചിട്ടുണ്ടെന്നും സുരക്ഷാ ജീവനക്കാരൻ പറഞ്ഞു.
Read MoreCategory: Kottayam
കാഞ്ഞിരപ്പള്ളിയെച്ചൊല്ലി എൽഡിഎഫിൽ ഉടക്ക്! ഒരു കാരണവശാലും സീറ്റ് വിട്ടു തരില്ലെന്ന നിലപാടില് സിപിഐയും
കോട്ടയം: കാഞ്ഞിരപ്പള്ളി സീറ്റിന്റെ കാര്യത്തിൽ വീട്ടുവീഴ്ചയ്ക്കില്ലെന്ന് സിപിഐ. ഇതോടെ കാഞ്ഞിരപ്പള്ളി സീറ്റിനെ ചൊല്ലി എൽഡിഎഫിൽ പിടിവലി. പഴയ മുന്നണി സംവിധാനത്തിൽ യുഡിഎഫിൽ കേരള കോണ്ഗ്രസ്-എമ്മും എൽഡിഎഫിൽ സിപിഐയും മൂന്നു പതിറ്റാണ്ടായി നേർക്കുനേർ മത്സരിക്കുന്ന മണ്ഡലമായിരുന്നു കാഞ്ഞിരപ്പള്ളി. നിലവിൽ കേരള കോണ്ഗ്രസ് എമ്മിലെ എൻ. ജയരാജാണ് എംഎൽഎ. കേരള കോണ്ഗ്രസ് എം എൽഡിഎഫിൽ എത്തിയതോടെ സീറ്റ് തങ്ങൾക്ക് അവകാശപ്പെട്ടതാണെന്ന് നിലപാടിലാണ് ജോസ് കെ. മാണിയും കൂട്ടരും. എന്നാൽ ഒരു കാരണവശാലും സീറ്റ് വിട്ടു തരില്ലെന്ന നിലപാടിലാണ് സിപിഐയും സ്വീകരിച്ചിരിക്കുന്നത്. കഴിഞ്ഞ ദിവസങ്ങളിൽ കാഞ്ഞിരപ്പള്ളി സീറ്റ് സിപിഐ കേരള കോണ്ഗ്രസിനു വിട്ടുനല്കി പകരം മറ്റൊരു സീറ്റ് വാങ്ങുമെന്ന് രാഷ്്ട്രീയ സംസാരമുണ്ടായിരുന്നു. എന്നാൽ ഇന്നലെ ചേർന്ന് സിപിഐ ജില്ലാ എക്സിക്യൂട്ടീവ് യോഗം ഒരു കാരണവശാലും സീറ്റ് വിട്ടുകൊടുക്കേണ്ടതില്ലെന്ന തീരുമാനമാണെടുത്തത്. ഇതോടെ പാലാ സീറ്റിനു പുറമേ കാഞ്ഞിരപ്പള്ളി സീറ്റിന്റെ കാര്യത്തിലും തർക്കം രൂക്ഷമായിരിക്കുന്നത്.…
Read Moreഹോട്ടൽ അടയ്ക്കാനൊരുങ്ങവെ ചിക്കൻഫ്രൈ ആവശ്യപ്പെട്ട് എത്തി; ഭക്ഷണസാധനങ്ങൾ തീർന്നെന്നു പറഞ്ഞപ്പോള് അസഭ്യവര്ഷം! ഏറ്റുമാനൂരിലെ ഹോട്ടൽ ആക്രമണം നടത്തിയ ഒരാളെ തിരിച്ചറിഞ്ഞു
ഏറ്റുമാനൂർ: നഗരമധ്യത്തിലെ താരാ ഹോട്ടലിൽ മാരകായുധങ്ങളുമായി ആക്രമണം നടത്തിയ പ്രതികളിൽ ഒരാളെ തിരിച്ചറിഞ്ഞു. അതിരന്പുഴ അമ്മഞ്ചേരി സ്വദേശി ക്രിസ്റ്റിയെയാണ് സിസിടിവി ദൃശ്യങ്ങളിലൂടെ തിരിച്ചറിഞ്ഞതെന്ന് പോലീസ് പറഞ്ഞു. ഇയാൾ പല കേസുകളിലും പ്രതിയാണ്. അക്രമത്തിനു നേതൃത്വം നല്കിയ പ്രതികൾ ഇന്നലെ അതിരന്പുഴയിലുള്ളതായി പോലീസിന് വിവരം ലഭിച്ചിരുന്നെങ്കിലും പോലീസ് എത്തുന്നതിന് മുൻപ് ഇവർ കടന്ന് കളഞ്ഞിരുന്നു. ഞായാറാഴ്ച രാത്രി 11 ഓടെ മാരകായുധങ്ങളുമായി അതിക്രമിച്ച് കയറിയ സംഘം അര മണിക്കൂറുകളോളം ഹോട്ടലിൽ ഭീതി പടർത്തി അഴിഞ്ഞാടുകയായിരുന്നു. ഹോട്ടലിന്റെ റിസപ്ഷൻ കൗണ്ടർ ഉൾപ്പെടെ വെട്ടിപ്പൊളിക്കുകയും ഹോട്ടലുടമയേയും ജീവനക്കാരനെയും മർദ്ദിച്ച് പരിക്കേൽപ്പിക്കുകയും ചെയ്തു. ഹോട്ടൽ അടയ്ക്കാനൊരുങ്ങവെ ചിക്കൻഫ്രൈ ആവശ്യപ്പെട്ട് ഇരുചക്രവാഹനത്തിൽ എത്തിയ രണ്ടംഗസംഘമാണ് അക്രമം അഴിച്ചുവിട്ടത്. ഭക്ഷണസാധനങ്ങൾ തീർന്നെന്നും കട അടയ്ക്കാനൊരുങ്ങുകയാണെന്നും പറഞ്ഞതോടെ അസഭ്യവർഷവുമായി ഇരുവരും കടയിലേക്ക് ഇടിച്ചു കയറുകയായിരുന്നു. തുടർന്ന് കടയുടെ വെളിയിലേക്കിറങ്ങിയ യുവാക്കളിൽ ഒരാൾ വാക്കത്തി പോലുള്ള ആയുധവുമായി തിരികെ…
Read Moreപത്രവിതരണക്കാരന്റെ സത്യസന്ധത! ദമ്പതികൾക്ക് രണ്ടു ലക്ഷം രൂപയും സ്വർണവളകളും അടങ്ങിയ ബാഗ് തിരികെക്കിട്ടി
തിരുവാർപ്പ്: പത്രവിതരണക്കാരന്റെ സത്യസന്ധതയിൽ ദന്പതികൾക്ക് തിരികെ ലഭിച്ചതു രണ്ടു ലക്ഷം രൂപയും മൂന്നു സ്വർണവളയും അടങ്ങിയ ബാഗ്. കാഞ്ഞിരം പാലത്തിന്റെ ഇറക്കത്തിൽ റോഡരികിലായി കിടന്ന ബാഗ് പുലർച്ചെ നാലിനു പത്രവിതരണം നടത്തുന്നതിനിടയിലാണ് തിരുവാർപ്പ് നെടുംതറ മനോജ് (44)ന് കളഞ്ഞുകിട്ടിയത്. സമീപപ്രദേശങ്ങളിൽ ഉടമയെ അന്വേക്ഷിച്ചെങ്കിലും കണ്ടെത്താനായില്ല. ഇതേത്തുടർന്ന് പത്രവിതരണം നടത്താതെ ബാഗുകിട്ടിയ സ്ഥലത്തിനു സമീപം കടത്തിണ്ണയിൽ കാത്തുനിന്നു. 5.30 ഓടെ ബാഗ് നഷ്ടപ്പെട്ട കിളിരൂർ സ്വദേശികളായ ദന്പതികൾ നിറകണ്ണുകളോടെ എത്തി തിരയുന്നതു കണ്ടു. തുടർന്ന് വിവരങ്ങൾ അന്വേഷിച്ച് യഥാർഥ ഉടമകളാണെന്നു ബോധ്യപ്പെട്ടു ബാഗ് തിരികെ നൽകുകയും ചെയ്തു. കാഞ്ഞിരത്തിൽനിന്നുള്ള ആദ്യ ബസിനു കോട്ടയത്തേക്ക് പോകാനെത്തിയപ്പോഴാണ് ദന്പതികൾക്ക് ബാഗ് നഷ്ടപ്പെട്ടത്. മനോജിന്റെ പ്രവൃത്തിയെക്കുറിച്ച് അറിഞ്ഞ നാട്ടുകാർ ഇന്നലെ വൈകുന്നേരം അദ്ദേഹത്തെ അഭിനന്ദിക്കാൻ യോഗം സംഘടിപ്പിച്ചു. കഴിഞ്ഞ പഞ്ചായത്ത് തെരഞ്ഞെടുപ്പിൽ 15-ാം വാർഡ് ബിജെപി സ്ഥാനാർഥിയായിരുന്ന മനോജിനെ ചടങ്ങിൽ ബിജെപി ഏറ്റുമാനൂർ…
Read Moreകുട്ടികൾ തമ്മിൽ കളിക്കുന്നതിനിടെയുണ്ടായ വഴക്കിന്റെ പേരിൽ ആറര വയസുകാരനു മർദനം; വീട്ടമ്മയ്ക്കെതിരേ കേസ്; സംഭവം ഇങ്ങനെ…
തൊടുപുഴ: കുട്ടികൾ തമ്മിൽ കളിക്കുന്നതിനിടെയുണ്ടായ വഴക്കിന്റെ പേരിൽ ആറര വയസുകാരനെ മർദിച്ച അയൽവാസിയായ വീട്ടമ്മയ്ക്കെതിരേ ബന്ധുക്കളുടെ പരാതിയെ തുടർന്ന് പോലീസ് കേസെടുത്തു. കുന്പംകല്ല് മലേപ്പറന്പ് കോളനിയിൽ കുഞ്ഞുമോൾ എന്ന് വിളിക്കുന്ന ഫാത്തിമയ്ക്കെതിരെയാണ് (60) തൊടുപുഴ പോലീസ് കേസെടുത്തത്. കഴിഞ്ഞ വ്യാഴാഴ്ച രാവിലെയായിരുന്നു സംഭവം. സമപ്രായക്കാരായ കുട്ടികൾ കളിക്കുന്നതിനിടെ പരസ്പരം വഴക്കുണ്ടാക്കുകയായിരുന്നു. ഇതിൽ ഫാത്തിമയുടെ മകന്റെ കുട്ടിയെ തല്ലിയെന്ന് ആരോപിച്ച് ഇവർ ആറര വയസുകാരന്റെ കൈ പിന്നിലേക്ക് കെട്ടി കൈ കൊണ്ട് മർദ്ദിക്കുകയും ചീത്ത വിളിക്കുകയും ചെയ്തെന്നാണ് പരാതി. തുടർന്ന് കുട്ടിയുടെ ബന്ധുക്കൾ ശിശുക്ഷേമസമിതിക്കും പോലീസിലും പരാതി നൽകി. നാല് ദിവസം കഴിഞ്ഞിട്ടും കുട്ടിയെ മർദ്ദിച്ച സ്ത്രീയെ പോലീസ് അറസ്റ്റ് ചെയ്യുന്നില്ലെന്ന് ആരോപിച്ച് ഇന്നലെ രാവിലെ ബന്ധുക്കളും സ്ത്രീകളടക്കമുള്ള നാട്ടുകാർ പ്രതിഷേധവുമായി തൊടുപുഴ പോലീസ് സ്റ്റേഷനിലെത്തിയിരുന്നു. എന്നാൽ സംഭവത്തിൽ മൂന്ന് ദിവസം മുന്പ് തന്നെ കേസെടുത്തിട്ടുണ്ടെന്ന് സി. ഐ…
Read Moreഒറ്റയ്ക്കു സഞ്ചരിക്കുന്ന സ്ത്രീകൾ ശ്രദ്ധിക്കുക! ബൈക്കിലെത്തി മാല പൊട്ടിക്കുന്ന സംഘം നിങ്ങളുടെ പിന്നാലെയുണ്ടാകാം; മാനത്തൂരിൽ മാലമോഷ്ടാക്കൾ വീണ്ടുമെത്തി
മാനത്തൂർ: മാനത്തൂരിലുടെയും സമീപ പ്രദേശങ്ങളിലുടെയും ഒറ്റയ്ക്കു സഞ്ചരിക്കുന്ന സ്ത്രീകൾ ശ്രദ്ധിക്കുക. ബൈക്കിലെത്തി മാല പൊട്ടിക്കുന്ന സംഘം നിങ്ങളുടെ പിന്നാലെയുണ്ടാകാം. ഇന്നലെ ഉച്ചകഴിഞ്ഞു പാലാ-തൊടുപുഴ റോഡിലെ മാനത്തൂർ പെട്രോൾ പന്പിന് സമീപം പെട്ടിക്കട നടത്തുന്ന കുറ്റിപൂവത്തുങ്കൽ അമ്മിണി (65)യുടെ ഒരുപവൻ തൂക്കമുള്ള സ്വർണമാല ബൈക്കിലെത്തിയ യുവാക്കൾ മോഷ്ടിച്ചതാണ് ഒടുവിലത്തെ സംഭവം. തൊടുപുഴ ഭാഗത്തുനിന്ന് പൾസർ ബൈക്കിൽ എത്തിയ മോഷ്ടാക്കൾ അമ്മിണിയോട് നാരങ്ങാവെള്ളം ആവശ്യപ്പെടുകയും അതിലൊരാൾ കടയുടെ പിന്നിലൂടെ വന്ന് മാല പൊട്ടിച്ചു കടന്നുകളയുകയുമായിരുന്നു. അമ്മിണി ഒച്ചവച്ചതുകേട്ട് ആളുകൾ ഓടിയെത്തിയപ്പോഴേക്കും മോഷ്ടാക്കൾ ബൈക്കിൽക്കയറി പാലാ ഭാഗത്തേക്കു രക്ഷപ്പെട്ടിരുന്നു. ബൈക്കിന്റെ നന്പർവച്ച് അന്വേഷണം നടത്തിയപ്പോൾ കാഞ്ഞിരപ്പള്ളിയിലുള്ള ഒരു കാറിന്റെ നന്പരാണെന്നാണ് അറിയാൻ കഴിഞ്ഞതെന്നു നാട്ടുകാർ പറയുന്നു. ഏതാനും ദിവസങ്ങൾക്കു മുന്പു പ്രവിത്താനത്തും വഴിയാത്രക്കാരിയായ വീട്ടമ്മയുടെ മാല ബൈക്കിലെത്തിയ രണ്ടംഗ സംഘം കവർന്നിരുന്നു. കഴിഞ്ഞ ദിവസം മാനത്തൂരിനു സമീപത്തെ ആൾ സഞ്ചാരം കുറഞ്ഞ…
Read Moreജാഥകൾ വരവായ്! ഐശ്വര്യ കേരള യാത്ര 14, 15 തീയതികളിൽ കോട്ടയം ജില്ലയിൽ; തെരഞ്ഞെടുപ്പിനൊരുങ്ങി കോട്ടയം
കോട്ടയം: നിയമസഭ തെരഞ്ഞെടുപ്പിനു മുന്നോടിയായി രാഷ്്ട്രീയ പാർട്ടികൾ നടത്തുന്ന ജാഥകൾ ജില്ലയിൽ എത്തുന്നു. യുഡിഎഫിന്റെയും എൽഡിഎഫിന്റെയും ജാഥകൾ ഫെബ്രവുരി രണ്ടും മൂന്നും വാരവും ബിജെപിയുടെ ജാഥ ഈമാസം അവസാനവുമാണ് ജില്ലയിലെത്തുന്നത്. വിവിധ സർവീസ് സംഘടനകളുടെ ജില്ലാ കേന്ദ്രീകരിച്ചുള്ള തെരഞ്ഞെടുപ്പ് പ്രചാരണ പ്രവർത്തനങ്ങളും അണിയറയിൽ സജീവമായി കഴിഞ്ഞു. ഐശ്വര്യ കേരള യാത്ര പ്രതിപക്ഷ നേതാവ് രമേശ് ചെന്നിത്തല നയിക്കുന്ന ഐശ്വര്യ കേരള യാത്ര 14, 15 തീയതികളിൽ കോട്ടയം ജില്ലയിൽ പര്യടനം നടത്തും. ഇടുക്കി ജില്ലയിലെ പര്യടനം പൂർത്തിയാക്കി 14നു രാവിലെ ഒന്പതിനു ജില്ലാ അതിർത്തിയായ നെല്ലാപ്പാറയിൽ യുഡിഎഫ് ജില്ലാ നേതാക്കൾ ചേർന്ന് ജാഥയെ സ്വീകരിക്കും. തുടർന്ന് 10ന് കേരള കോണ്ഗ്രസ് എമ്മിന്റെ തട്ടകമായ പാലായിലാണ് ആദ്യ സ്വീകരണം. 11ന് ഈരാറ്റുപേട്ടയിലെ സ്വീകരണത്തിനുശേഷം ഉച്ചകഴിഞ്ഞു കാഞ്ഞിരപ്പള്ളി മണ്ഡലത്തിലെ പൊൻകുന്നത്താണ് സ്വീകരണം. വൈകുന്നേരം നാലിന് ഉമ്മൻചാണ്ടിയുടെ മണ്ഡലമായ പുതുപ്പള്ളി മണ്ഡലത്തിലെ…
Read Moreരാഷ്ട്രീയ നേതാവിന്റെ ബന്ധു! കൂട്ടിരിപ്പുകാരിയെ കാർഡിയോളജി പേ വാർഡിൽ താമസിപ്പിച്ച സംഭവം; സ്ത്രീകളുമായുള്ള മോശമായ പെരുമാറ്റത്തിന് സെക്യൂരിറ്റിക്കെതിരേ ആരോപണങ്ങളുമായി പലരും രംഗത്ത്
കോട്ടയം: കോട്ടയം മെഡിക്കൽ കോളജിൽ മറ്റൊരു വാർഡിലെ രോഗിയുടെ കൂട്ടിരിപ്പുകാരിയെ കാർഡിയോളജി പേ വാർഡിൽ താമസിപ്പിച്ച സുരക്ഷാ ജീവനക്കാാരനെതിരെയുള്ള പരാതിയിൽ കൂടുതൽ അന്വേഷണം ആരംഭിച്ചു. ഇയാൾ ഡ്യൂട്ടി ചെയ്തിരുന്ന സമയത്ത് കൂടെ ജോലി ചെയ്തവരിൽ നിന്ന് വിവരങ്ങൾ ശേഖരിക്കും. പേ വാർഡ് അനുവദിച്ച് കിട്ടാൻ സെക്യൂരിറ്റി പൂരിപ്പിച്ച് നൽകിയ ഫോമിൽ അപേക്ഷക, ജില്ലയിലെ ഒരു പ്രമുഖ രാഷ്ടീയ നേതാവിന്റെ ബന്ധുവാണെന്ന് എഴുതി ചേർത്തിരുന്നു. ഈ അപേക്ഷാഫോമും, തെളിവെടുപ്പിന്റെ ഭാഗമായി അന്വേഷണ സംഘം പരിശോധിക്കും. സ്ത്രീകളുടെ ആരോപണങ്ങൾ ആരോപണ വിധേയനായ സെക്യൂരിറ്റിക്കെതിരെ സ്ത്രീകളുമായുള്ള മോശമായ പെരുമാറ്റത്തിന് കൂടുതൽ ആരോപണങ്ങളുമായി പലരും രംഗത്തെത്തിയിട്ടുണ്ട്. ആർപ്പുക്കര ഇല്ലിചുവട് കാട്ടുപാറ പ്രദേശത്തുനിന്നും കോട്ടയം മെഡിക്കൽ കോളജിൽ ഡ്യൂട്ടി ചെയ്യുന്ന സുരക്ഷാ വിഭാഗം ജീവനക്കാരനെയാണ് അന്വേഷണ വിധേയമായി സസ്പെൻറ് ചെയ്തത്. കഴിഞ്ഞ ദിവസം മെഡിക്കൽ കോളജ് കാർഡിയോളജി വിഭാഗത്തിലാണ് സംഭവം. 13-ാം വാർഡിൽ ചികിത്സയിൽ…
Read Moreഏഴു ദിവസത്തെ ക്വാറന്റൈനുശേഷം നടത്തിയ കോവിഡ് ടെസ്റ്റില് പോസിറ്റീവ്! കോവിഡ് ബാധിതയായ യുവതി ആംബുലൻസിലിരുന്ന് പരീക്ഷയെഴുതി
കടുത്തുരുത്തി: കോവിഡ് ബാധിച്ച യുവതി ആംബുലൻസിലിരുന്ന് പിഎസ്സി പരീക്ഷയെഴുതി. ആരോഗ്യ വകുപ്പിലെ സ്റ്റാഫ് നഴ്സ് ഗ്രേഡ്2 പരീക്ഷയാണ് തലയോലപ്പറന്പ് വരിക്കാംകുന്ന് സ്വദേശിയായ 24 കാരി ആംബുലൻസിലിരുന്ന് എഴുതിയത്. കോട്ടയം കാരാപ്പുഴ ഗവണ്മെന്റ് എച്ച്എസ്എസിലെ പരീക്ഷാ കേന്ദ്രത്തിൽ ശനിയാഴ്ചയാണ് പരീക്ഷ നടന്നത്. ഹൈദരാബാദിൽ സ്വകാര്യ ആശുപത്രിയിൽ നഴ്സായ യുവതി ഒരാഴ്ച മുന്പാണ് പിഎസ്സി പരീക്ഷയെഴുതാനായി നാട്ടിലെത്തിയത്. ഏഴു ദിവസത്തെ ക്വാറന്റൈനുശേഷം നടത്തിയ കോവിഡ് ടെസ്റ്റിലാണ് രോഗം സ്ഥിരീകരിച്ചത്. കോവിഡ് ടെസ്റ്റിൽ പോസിറ്റിവാണെന്ന പരിശോധനാഫലം പരീക്ഷ നടന്ന 30 ന് രാവിലെയാണ് ആരോഗ്യവകുപ്പിന് ലഭിച്ചത്. പിന്നീട് പിഎസ്സി ഓഫീസുമായി ബന്ധപ്പെട്ട് അനുമതി വാങ്ങിയശേഷമാണ് യുവതി പരീക്ഷയെഴുതിയത്.
Read Moreഇനി ചക്കയുടെ കാലം! അതിർത്തി കടക്കുന്നതു ടണ് കണക്കിനു ചക്ക; വരിക്കച്ചക്ക മാത്രം തേടി വന്നിരുന്നവർ ഇപ്പോൾ എതു ചക്കയും ശേഖരിക്കും
കോട്ടയം: ജില്ലയുടെ കിഴക്കൻ മേഖലയിൽ നിന്നും ടണ് കണക്കിനു ചക്ക അതിർത്തി കടക്കുന്നു. തമിഴ്നാട്, ഉത്തർപ്രദേശ്, മഹാരാഷ്ട്ര എന്നിവിടങ്ങളിലേക്കാണ് പ്രധാനമായും ചക്ക കയറ്റിവിടുന്നത്. കേരളത്തിൽ ഇപ്പോൾ ചക്കയുടെ സീസണാണ്. കാലാവസ്ഥാവ്യതിയാനം മൂലം ഇത്തവണ കിഴക്കൻ മേഖലയിൽ ഉൾപ്പെടെ പലയിടങ്ങളിലും ചക്കയുടെ ഉത്പാദനം കുറഞ്ഞെങ്കിലും മൂപ്പെത്തിയ ചക്ക തേടി ആളുകൾ ഗ്രാമങ്ങളിലെ വീടുകൾ കയറിയിറങ്ങുകയാണ്. മൂൻ കാലങ്ങളിൽ തമിഴ്നാട്ടിൽ നിന്നാണ് കച്ചവടക്കാർ അധികമെത്തിയിരുന്നതെങ്കിൽ ഇപ്പോൾ മറ്റു സംസ്ഥാനങ്ങളിൽ നിന്നും ആളുകൾ എത്തുന്നുണ്ട്. അതേപോലെ വരിക്കച്ചക്ക മാത്രം തേടി വന്നിരുന്നവർ ഇപ്പോൾ എതു ചക്കയും ശേഖരിക്കും. ഉൾഗ്രാമങ്ങളിൽ നിന്നും ചക്ക ശേഖരിച്ച് ദേശീയ പാതയോരത്ത് എത്തിച്ചാണ് കയറ്റി അയയ്ക്കുന്നത്. കഴിഞ്ഞ ഒരുമാസമായി കെകെ റോഡിൽ പാറത്തോട്, മുണ്ടക്കയം, എരുമേലി, പൂഞ്ഞാർ മേഖലകളിലാണ് ചക്ക എത്തിച്ച് കയറ്റി അയയ്ക്കുന്നത്. ചെറിയ പിക്കപ്പ് ലോറികളിൽ ഐസ്കട്ടകൾ അടുക്കി ശീതീകരിച്ചാണ് ചക്ക കയറ്റി അയയ്ക്കുന്നത്.…
Read More