ഇടുക്കി: സിപിഎം ഇടുക്കി ജില്ലാ സമ്മേളനത്തിൽ സിപിഐക്കെതിരേ രൂക്ഷ വിമർശനം. സിപിഐയെ മുന്നണിയിൽനിന്നു പുറത്താക്കമെന്ന് പ്രതിനിധികൾ ആവശ്യപ്പെട്ടു. കേരള കോണ്ഗ്രസിന് മുന്നണി പ്രവേശനത്തിന് അവസരമൊരുക്കണമെന്നും സമ്മേളനത്തിൽ ആവശ്യമുയർന്നു. സിപിഐയെ ഇടതുമുന്നണിയിൽനിന്ന് ഒഴിവാക്കിയേ മുന്നോട്ടു പോകാൻ കഴിയൂ. മുന്നണിയിൽ ഒരു നിലപാടും പുറത്ത് മറ്റൊരു നിലപാടുമാണ് സിപിഐ സ്വീകരിക്കുന്നത്. സർക്കാർ ഉത്തരവുകൾ സിപിഐ സ്വാർഥലാഭത്തിനായി അട്ടിമറിക്കുന്നു തുടങ്ങിയവയാണ് പ്രതിനിധികൾ സമ്മേളനത്തിൽ ഉന്നയിച്ച ആരോപണങ്ങൾ. സിപിഐ സംസ്ഥാന സെക്രട്ടറി കാനം രാജേന്ദ്രൻ സൂപ്പർ മുഖ്യമന്ത്രി ചമയുകയാണെന്നും മൂന്നാർ വിഷയത്തിൽ സിപിഐ നേതാവ് പി. പ്രസാദ് ഹരിത ട്രൈബ്യൂണലിനെ സമീപിച്ചത് ശരിയായില്ലെന്നും യോഗത്തിൽ വിമർശനമുയർന്നു. ഇടുക്കിയിൽനിന്നുള്ള നേതാവും മന്ത്രിയുമായ എം.എം. മണിയെ സിപിഐ അധിക്ഷേപിച്ചിട്ടും ജില്ലാ നേതൃത്വം പ്രതികരിച്ചില്ലെന്നും പ്രതിനിധികൾ കുറ്റപ്പെടുത്തി.
Read MoreCategory: Kottayam
ബൽറാമിനെ വിമർശിക്കുന്നവർ ഇതിലും വലിയ തെറ്റ് ചെയ്തവർ; ബൽറാം എ.കെ.ജിക്കെതിരേ പറഞ്ഞതിനെ ന്യായീകരിക്കുന്നില്ലെന്ന് തിരുവഞ്ചൂർ രാധാകൃഷ്ണൻ
കോട്ടയം: കമ്യൂണിസ്റ്റ് നേതാവ് എ.കെ.ജിക്കെതിരായ വിവാദ പരാമർശത്തിൽ വി.ടി. ബൽറാം എംഎൽഎയെ വിമർശിക്കുന്നവർ ഇതിനേക്കാളും വലിയ തെറ്റ് ചെയ്തവരാണെന്ന് തിരുവഞ്ചൂർ രാധാകൃഷ്ണൻ. നെഹ്റു കുടുംബത്തെ മോശമായി അധിക്ഷേപിച്ചവരാണ് ബൽറാമിനെ ഇപ്പോൾ വിമർശിക്കുന്നത്. ബൽറാം എ.കെ.ജിക്കെതിരേ പറഞ്ഞതിനെ ന്യായീകരിക്കുന്നില്ലെന്നും തിരുവഞ്ചൂർ പറഞ്ഞു.
Read Moreകാട്ടാനക്കൂട്ടത്തിന്റെ ആക്രമണത്തിൽ ശബരിമല തീർഥാടകൻ മരിച്ചു; പരമ്പരാഗത കാനനപാതയിലൂടെ പോകുമ്പോഴായിരുന്നു ആക്രമണം; സുരക്ഷ ക്രമീകരണങ്ങൾ ഒരുക്കാത്തതിനെതിരേ അയ്യപ്പഭക്തരുടെ പ്രതിഷേധം
ശബരിമല: കാട്ടാനക്കൂട്ടത്തിന്റെ ആക്രമണത്തിൽ അയ്യപ്പതീർഥാടകൻ മരിച്ചു. ചെന്നൈ നീർകുണ്ടറം വിനായക് ഫസ്റ്റ് സ്ട്രീറ്റിൽ ആർ. മിതേഷ് കുമാർ (30) ആണ് മരിച്ചത്. ഇന്നു പുലർച്ചെ രണ്ടിനു പരന്പരാഗത പാതയിലെ കരിമലയിൽവച്ചാണ് കാട്ടാന മിതേഷ്കുമാറിനെ ആക്രമിച്ചത്. ചെന്നൈയിൽനിന്നു സഹോദരൻ സായിറാം ഉൾപ്പെടെയുള്ള 12 അംഗ സംഘത്തിൽപ്പെട്ട മിതേഷ്കുമാർ ശബരിമല അയ്യപ്പദർശനത്തിനായി നടന്നുവരുന്പോഴാണ് ആക്രമണം ഉണ്ടായത്. പന്പ പോലീസ് പറയുന്നത്: സംഘമായിട്ടുവന്ന ഇവർ കരിമലയിലെ കടയിൽനിന്നും സാധനംവാങ്ങി കഴിക്കുകയും കുറച്ചു മുന്പോട്ടുപോകുന്പോഴാണ് ബാക്കി പൈസ വാങ്ങിയില്ലായെന്നറിഞ്ഞ്, സഹോദരനെ നിർത്തിയിട്ട് ഒറ്റയ്ക്കു കടയിലേക്കു പോകുന്പോഴാണ് കാട്ടാന ആക്രമിച്ചത്. തുന്പിക്കൈകൊണ്ട് അടിച്ച പാടുകൾ മുഖത്തുണ്ടെന്നു പ്രാഥമിക പരിശോധനയിൽ കാണപ്പെട്ടെന്നു പന്പാ ആശുപത്രി ഡോക്ടർ പറഞ്ഞു. കാട്ടാനക്കൂട്ടത്തിന്റെ ഛിന്നംവിളി കേട്ടാണ് വനപാലകരും അയ്യപ്പതീർഥാടകരും സംഭവസ്ഥലത്ത് എത്തിയത്. തുടർന്നു കരിമലയിൽത്തന്നെയുള്ള പ്രാഥമികാരോഗ്യ കേന്ദ്രത്തിൽ പ്രഥമ ശുശ്രൂഷകൾ നൽകിയശേഷം പന്പയിലേക്കു കൊണ്ടുവരുന്നവഴിയാണ് മരണപ്പെട്ടത്. പോലീസ് ഇൻക്വസ്റ്റ് തയാറാക്കിയശേഷം…
Read Moreശ്രദ്ധിക്കുക! പച്ചമത്സ്യങ്ങളില് രാസവസ്തു ഉപയോഗം കൂടുന്നു; മാരകരോഗങ്ങള് ക്ഷണിച്ചുവരുത്തുന്ന രാസവസ്തുക്കളാണ് മത്സ്യങ്ങളില് ചേര്ക്കുന്നത്
പത്തനംതിട്ട: പച്ചമത്സ്യങ്ങളിൽ രാസവസ്തുക്കളുടെ ഉപയോഗം ക്രമാതീതമായി വർധിക്കുന്നതായി പരാതി ആഴ്ചകളോളം പഴക്കമുള്ള മത്സ്യങ്ങൾ കേടുവരാതിരിക്കാൻ രാസവസ്തുക്കൾ ചേർത്ത് കോൾഡ് സ്റ്റോറേജുകളിൽ സൂക്ഷിച്ചാണ് വില്പനയ്ക്കായി എത്തിക്കുന്നത്. മത്സ്യ മൊത്തക്കച്ചവടക്കാരാണ് രാസവസ്തുക്കൾ ചേർത്ത് സൂക്ഷിക്കുന്നത്. ഇവർ വഴിയോര, ചില്ലറവില്പനക്കാർക്ക് നൽകുന്നു. ഫോർമാലിൻ, ഹൈഡ്രജൻ പെറോക്സൈഡ് പോലുള്ള രാസവസ്തുക്കൾ ചേർത്ത് ആഴ്ചകളോളം ട്രീറ്റ് ചെയ്താണ് മത്സ്യങ്ങൾ വിപണിയിലെത്തിക്കുന്നത്. ഫോർമാലിൻ ചേർത്താൽ ആഴ്ചകളോളം കേടാകാതിരിക്കും എന്നതാണ് പ്രത്യേകത. ഹൈഡ്രജൻ പെറോക്സൈഡ് ചേർത്താൽ മാസങ്ങളോളം മത്സ്യങ്ങൾ കേടൂകൂടാതെ സൂക്ഷ്ക്കാൻ സാധിക്കും. ഫോർമാലിൻ പോലെയുള്ള രാസവസ്തുക്കൾ മനുഷ്യശരീരത്തിലെത്തിയാൽ ഗുരുതര ആരോഗ്യപ്രശ്നങ്ങളുണ്ടാകുമെന്നും വിദഗ്ധർ പറയുന്നു. കൊല്ലം, ആലപ്പുഴ ജില്ലകളിൽ കിലോക്കണക്കിന് മത്സ്യങ്ങൾ കെമിക്കലുകൾ ചേർത്ത് കോൾഡ് സ്റ്റോറേജുകളിൽ സൂക്ഷിക്കുന്ന പതിവുണ്ട്. പിന്നീട് ആവശ്യക്കാർ എത്തുന്നതിനനുസരിച്ച് രാസവസ്തുക്കൾ ചേർത്ത് ചെറുകിട കച്ചവടക്കാർക്ക് നൽകുകയാണ് പതിവ്. മാരകരോഗങ്ങൾ ക്ഷണിച്ചുവരുത്തുന്ന രാസവസ്തുക്കളാണ് മത്സ്യങ്ങളിൽ വ്യാപകമായി ചേർത്തുവരുന്നത്. ഇവയുടെ ഉപയോഗം കൂടുന്നതായ പരാതികളിൽ…
Read Moreസിസിടിവി ചതിച്ചു! കോട്ടയം കല്ലറയില് നിന്നും ഹിമാലയം കാണാന് പോയ വിദ്യാര്ഥികളെ മുംബൈയില് വച്ച് പിടികൂടി; കുട്ടികളെ വീണ്ടുകിട്ടിയ ആശ്വാസത്തില് വീട്ടുകാര്
ഏറ്റുമാനൂർ: ഒളിച്ചോടിയ വിദ്യാർഥികൾ പോലീസും ആർപിഎഫും ചേർന്നൊരുക്കിയ വലയിൽ കുരുങ്ങി. കഴിഞ്ഞ ദിവസം കാണാതായ നീണ്ടൂർ ഗവണ്മെന്റ് സ്കൂളിലെ പ്ലസ് വണ് വിദ്യാർഥികളെ മുംബൈയിൽ ആർപിഎഫ് പിടികൂടി. നീണ്ടൂർ, കല്ലറ സ്വദേശികളായ പ്രായപൂർത്തിയാകാത്ത രണ്ട് വിദ്യാർഥികളെയാണ് കഴിഞ്ഞ ദിവസം കാണാതായത്. കുട്ടികളെ കാണുന്നില്ലെന്ന പരാതി ലഭിച്ചതിനെ തുടർന്ന് പോലീസ് നടത്തിയ അന്വേഷണത്തിൽ കുട്ടികൾ ഹിമാലയത്തിലേക്ക് യാത്ര ചെയ്യണമെന്ന് പറഞ്ഞിരുന്നതായറിഞ്ഞു. ഇതേത്തുടർന്ന് ഏറ്റുമാനൂർ സിഐ എ.ജെ. തോമസിന്റെ നേതൃത്വത്തിൽ പോലീസ് കുട്ടികളുടെ ഫോട്ടോ സഹിതം ആർപിഎഫിനും പോലീസിനും വിവരം വാട്സാപ് ഗ്രൂപ്പിലൂടെ കൈമാറി. ജയന്തി ജനത എക്സ്പ്രസ് എത്തിയ സമയം കുട്ടികൾ കോട്ടയം റെയിൽവേ സ്റ്റേഷനിൽ ഉണ്ടായിരുന്നു എന്ന് സിസിടിവി ദൃശ്യങ്ങളിൽനിന്നു വ്യക്തമായതോടെ ആർപിഎഫിന് വിവരം കൈമാറി. ജയന്തി ജനത മുംബൈയിൽ എത്തിയപ്പോൾ കുട്ടികൾ നേരേ പോലീസിന്റെ മുന്പിലാണ് ചെന്നുപെട്ടത്. കുട്ടികളിൽ ഒരാളുടെ കൈവശം സ്വകാര്യ സന്പാദ്യമായി 3000…
Read Moreവൈക്കം നഗരത്തിലെ ഹോട്ടലിൽ തീപിടിത്തം; ജീവനക്കാർ ഓടി രക്ഷപ്പെട്ടതിനാൽ വൻ ദുരന്ത മൊഴിവായി; മൂന്നു നിലകളുള്ള ഹോട്ടൽ ഭാഗികമായി കത്തിനശിച്ചു
വൈക്കം: നഗരത്തിലെ പടിഞ്ഞാറെനടയിൽ കച്ചേരികവലയ്ക്ക് സമീപത്തായി പ്രവർത്തിക്കുന്ന ആനന്ദഭവൻ ഹോട്ടലിനു തീപിടിച്ചു. മൂന്നു നിലകളുള്ള ഹോട്ടൽ ഭാഗികമായി കത്തിനശിച്ചു. അടുക്കളയിൽ നിന്ന് ചിമ്മിനി വഴിയാണ് തീപടർന്നത്. ജീവനക്കാർ ഓടി രക്ഷപ്പെട്ടതിനാൽ ദുരന്ത മൊഴിവായി. അടുക്കളയുടെ മുകളിലെ റുഫ്, ഗ്ലാസുകൾ എന്നിവ കത്തി നശിച്ചു. സമീപത്തെ ഒരു കടയിലേക്ക് തീ പടർന്നെങ്കിലും ഫയർഫോഴ്സും പോലീസും നാട്ടുകാരും ചേർന്ന് അണച്ചതിനാൽ വലിയ തോതിൽ നാശനഷ്ടമുണ്ടായില്ല. രാവിലെ 8.45നായിരുന്നു സംഭവം.. വൈക്കത്തെയും കടുത്തുരുത്തിയിലേയും ഫയർഫോഴ്സ് എത്തിയാണ് തീയണച്ചത്.
Read Moreഈ ചുമടുതാങ്ങിക്ക് താങ്ങായി ഇപ്പോൾ നാട്ടുകാർ..! രാജഭരണ കാലത്തെ അവശേഷിക്കുന്ന ഓർമകളിൽ ഒന്നായ ചുമടുതാങ്ങിയെക്കുറിച്ച്…
കോട്ടയം: രാജഭരണ കാലത്തെ അവശേഷിക്കുന്ന ഓർമകളിൽ ഒന്നാണ് കെകെ റോഡിൽ കഞ്ഞിക്കുഴിക്കും കളത്തിൽപ്പടിക്കും ഇടയ്ക്ക് തങ്കപ്പൻമാടം എന്ന ജംഗ്ഷനിലുള്ള ചുമടുതാങ്ങി. പണ്ട് വാഹന സൗകര്യം കുറവായിരുന്ന കാലത്ത് ചുമടുമായി പോകുന്നവർക്ക് അത് ഇറക്കി വച്ച് ആശ്വസിക്കാൻ സ്ഥാപിച്ചതാണ് ചുമടു താങ്ങികൾ. പ്രധാന റോഡുകളിൽ നാലും അഞ്ചും കിലോമീറ്ററിനുള്ളിൽ ഇത്തരം ചുമടു താങ്ങികൾ സ്ഥാപിച്ചിരുന്നു. അന്ന് ആയിരങ്ങൾക്ക് ആശ്വാസം പകർന്ന ചുമടുതാങ്ങികൾ ഇന്ന് ഒരു ചുമടും താങ്ങുന്നില്ല. ഇതോടെ പലതും നാമാവശേഷമായി. പലയിടത്തെയും ചുമടുതാങ്ങികൾ അപ്രത്യക്ഷമായി. ഇവിടെ കളത്തിൽപ്പടി മൈത്രി റസിഡന്റ്സ് അസോസിയേഷൻ ചുമടു താങ്ങി പെയിന്റടിച്ച് സംരക്ഷിക്കുന്നു.1729-1758 കാലത്ത് മാർത്താണ്ഡവർമ മഹാരാജാവിന്റെ കാലത്താണ് ഇവിടെ ചുമടുതാങ്ങി സ്ഥാപിച്ചതെന്നു കരുതുന്നു. രാജഭരണ കാലത്ത് വഴി യാത്രക്കാർക്ക് തണലേകാൻ തണൽവൃക്ഷം, ദാഹമകറ്റാൻ കിണർ എന്നിവ സ്ഥാപിച്ചിരുന്നു. ഇതോടൊപ്പമാണ് വഴി നീളെ ചുമടുതാങ്ങിയും സ്ഥാപിച്ചത്.
Read Moreആളൊരു വീരൻ തന്നെ..! കൈ നഖത്തിനടിയിൽ ഒളിപ്പിച്ചുവച്ചത് 12 സിം കാർഡുകൾ ; മെഡിക്കൽ കോളജിൽ ഫോൺകവർച്ചയ്ക്ക്പിടിയിലായ സിജിന്റെ വേലത്തരങ്ങൾ ഇങ്ങനെ…
ഗാന്ധിനഗർ: മെഡിക്കൽ കോളജിൽ ഫോണ് കവർച്ചയ്ക്ക് പിടിയിലായ യുവാവ് ആളൊരു വീരൻ തന്നെ. ഇയാളുടെ കൈ നഖത്തിനടിയിൽ ഒളിപ്പിച്ചു വന്ന 12 സിംകാർഡുകൾ പോലീസ് പിടികൂടി. രോഗിയുടെ കൂട്ടിരിപ്പുകാരന്റെ മൊബൈൽ ഫോണ് മോഷ്ടിച്ചതിന് പിടിയിലായ ചങ്ങനാശേരി സ്വദേശി സിജിൻ (30) എന്നയാളുടെ പക്കൽ നിന്നാണ് ഇത്രയും സിം കാർഡ് കണ്ടെത്തിയത്. ഇന്നലെ രോഗികളുടെ വാർഡിലെ കൂട്ടിരിപ്പുകാരാണ് സംശയം തോന്നി ഇയാളെ തടഞ്ഞുവച്ചു പോലീസിനെ വിവരമറിയിച്ചത്.ഗാന്ധിനഗർ പോലീസിന്റെ പരിശോധനയിൽ ഇയാളിൽ നിന്നു മൂന്നു മൊബൈൽ ഫോണുകൾ കണ്ടെടുത്തു. തുടർന്നു ചോദ്യം ചെയ്തപ്പോൾ ഇയാൾക്ക് ശാരീരിക അസ്വസ്ഥതയുണ്ടായി പെട്ടെന്ന് കുഴഞ്ഞു വീണു. ഉടനെ പോലീസ് ഇയാളെ മെഡിക്കൽ കോളജ് ആശുപത്രിയിൽ എത്തിച്ചു. ആശുപത്രിയിൽ നടത്തിയ പരിശോധനയിലാണ് കൈ നഖത്തിനടിയിൽ പത്തുരൂപ നോട്ട് ചെറുതായി മടക്കി അതിനുളളിൽ 12 സിം കാർഡുകൾ സൂക്ഷിച്ചിരുന്നത് കണ്ടെത്തിയത്. സിം കാർഡ് പോലീസ് കസ്റ്റഡിയിലെടുത്തു. ആശുപത്രിയിൽ…
Read Moreസ്വമേധയാ കേസെടുക്കാനാവില്ല..! വിദേശത്ത് ജോലി വാഗ്ദാനം ചെയ്ത് പെൺകുട്ടികളോട് മോശമായി പെരുമാറിയതിനെ തുടർന്ന് അറസ്റ്റിലായ യുവാക്കളെ വിട്ടയച്ചു; യുവതികൾ പരാതി പിൻവലിച്ചതിനാലാണ് വിട്ടതെന്ന് പോലീസ്
കോട്ടയം: വിദേശ ജോലി വാഗ്ദാനം ചെയ്ത് വൈക്കത്ത് യുവതികളെ വലയിൽ വീഴ്ത്താൻ ശ്രമിച്ച രണ്ടംഗ സംഘത്തെ പോലീസ് പിടികൂടിയെങ്കിലും കേസെടുക്കാതെ വിട്ടയച്ചു. കാനഡയിൽ ജോലി വാഗ്ദാനം ചെയത് പെണ്കുട്ടികളെ വലയിൽ വീഴ്ത്തുന്ന സംഘത്തിലെ രണ്ടു പേരെയാണ് ഇന്നലെ പിടികൂടിയത്. പാവപ്പെട്ട രണ്ടു യുവതികളാണ് യുവാക്കളുടെ വലയിൽ വീണത്. കാനഡയിൽ ജോലി വാങ്ങിത്തരാം എന്നു പറഞ്ഞ് യുവതികളെക്കൊണ്ട് യുവാക്കൾ പാസ്പോർട്ട് എടുപ്പിച്ചു. അതിനു ശേഷം ഇവർ യുവതികളോട് മോശമായി പെരുമാറിയെന്നാണ് പരാതി. യുവാക്കൾക്ക് വഴങ്ങണമെന്ന് ആവശ്യപ്പെട്ടതോടെയാണ് യുവതികൾ പോലീസിനെ സമീപിച്ചത്. പോലീസ് അന്വേഷിച്ച് യുവാക്കളെ കസ്റ്റഡിയിൽ എടുത്തെങ്കിലും തങ്ങൾ നല്ല ഉദേശത്തിലാണ ഇടപെട്ടതെന്ന യുവാക്കളുടെ മൊഴി വിശ്വസിച്ച് പോലീസ് വിട്ടയക്കുകയായിരുന്നു. പാവപ്പെട്ട യുവതികളെ രക്ഷപ്പെടുത്താനായിരുന്നു തങ്ങൾ ശ്രമിച്ചതെന്നും പിടിയിലായവർ പോലീസിനോട് പറഞ്ഞു. അതേ സമയം അന്വേഷണത്തിൽ വിദേശത്ത് ജോലിക്ക് അയക്കുന്ന ഏജൻസിയുടെ ഒരു അംഗീകാരവും യുവാക്കൾക്ക് ഉണ്ടായിരുന്നില്ലെന്ന് വൈക്കം…
Read Moreതോട്ടിൽ വീണ പേരക്കുട്ടിയെ രക്ഷിക്കാൻ ശ്രമിക്കുന്നതിനിടെ ഇരുവരും മുങ്ങിമരിച്ചു; നീന്തൽ വശമില്ലാതിരുന്നിട്ടും അമ്മിണി കുട്ടിയെ രക്ഷിക്കാൻ ഇറങ്ങിയെങ്കിലും വിധി രണ്ടുപേരെയും തട്ടിയെടുത്തു
പിറവം/ആന്പല്ലൂർ: മുളന്തുരുത്തിക്കടുത്ത് പെരുന്പിള്ളി പാണാർതോട്ടിൽ മുത്തശിയും പേരക്കുട്ടിയും മുങ്ങിമരിച്ചു. പെരുന്പിള്ളി പൂത്രമലയിൽ വാസുവിന്റെ ഭാര്യ അമ്മിണി (53), മകൻ സലിയുടെ മകൾ അമ്മു എന്നു വിളിക്കുന്ന ദിയ (അഞ്ച്) എന്നിവരാണ് മരിച്ചത്. ഇന്നലെ ഉച്ചയ്ക്ക് ഒന്നരയോടെയായിരുന്നു ദുരന്തം. വീടിനു സമീപത്തുള്ള പാണാർ തോട്ടിൽ വസ്ത്രങ്ങൾ കഴുകുന്നതിനായാണ് അമ്മിണി പേരക്കുട്ടിയുമായി വന്നത്. അമ്മിണി വസ്ത്രം കഴുകുന്ന സമയത്തു തോടിന്റെ തീരത്തു കളിക്കുകയായിരുന്ന കുട്ടി എങ്ങനെയോ ആഴമുള്ള ഭാഗത്ത് അകപ്പെടുകയായിരുന്നു. കുട്ടിയെ രക്ഷിക്കാൻ ശ്രമിക്കുന്നതിനിടെ നീന്തൽ വശമില്ലാത്ത അമ്മിണിയും മുങ്ങിപ്പോവുകയായിരുന്നുവെന്നു കരുതുന്നു. പശുവിനെ അഴിക്കാൻ പോയ സമീപവാസിയാണ് കുട്ടിയുടെ മൃതദേഹം വെള്ളത്തിൽ പൊങ്ങിക്കിടക്കുന്നതു കണ്ടത്. ഉടനെ ആളുകളെ വിളിച്ചുകൂട്ടിയപ്പോൾ അല്പം മാറി അമ്മിണിയുടെ മൃതദേഹവും കണ്ടെത്തി. അടുത്തയിടെ തോടിന്റെ ആഴം വർധിപ്പിച്ചിരുന്നു. മൃതദേഹങ്ങൾ തൃപ്പൂണിത്തറ താലൂക്ക് ആശുപത്രിയിൽ പോസ്റ്റ്മോർട്ടത്തിനുശേഷം ഇന്നു സംസ്കരിക്കും. വിശാഖപട്ടണത്ത് ഇന്ത്യൻ കോഫിഹൗസ് ജീവനക്കാരനായ സലി കുടുംബ…
Read More