തൊടുപുഴ: വാറ്റുചാരായ വിൽപന നടത്തിയിരുന്ന വീട്ടമ്മയെ എക്സൈസ് സംഘം അറസ്റ്റുചെയ്തു. കരിങ്കുന്നം വീരൻമല ഉൗന്നാരംകല്ലേൽ ആനീസ്(68) ആണ് എക്സൈസ് പിടിയിലായത്. ഇവരുടെ വീട്ടിൽനിന്നും അഞ്ചുലിറ്റർ ചാരായവും കണ്ടെടുത്തു. സ്വന്തമായി വാറ്റുനടത്തി വിൽപന നടത്തുകയായിരുന്നു ഇവർ. എക്സൈസ് സംഘത്തെകണ്ട് ഇവരുടെ മകൻ സിബി ലൂക്കോസ് ഓടിരക്ഷപെട്ടു. വർഷങ്ങളായി ചാരായം വാറ്റി വിൽപന നടത്തിയിരുന്ന ഇവർ എക്സൈസ് ഇന്റജിലൻസ് വിഭാഗത്തിന്റെയും തൊടുപുഴ എക്സൈസ് റേഞ്ചിലെ ഷാഡോ വിഭാഗത്തിന്റെയും നിരീക്ഷണത്തിലായിരുന്നു. രണ്ടുമാസത്തോളമായി നടത്തിയ രഹസ്യനീക്കത്തിനൊടുവിലാണ് ഇവരെ പിടികൂടിയത്. തൊടുപുഴ എക്സൈസ് സർക്കിൾ ഇൻസ്പെക്ടർ പി.എച്ച്. യൂസഫിന് ലഭിച്ച രഹസ്യവിവരത്തിന്റെ അടിസ്ഥാനത്തിൽ ശനിയാഴ്ച പുലർച്ചെയായിരുന്നു റെയ്ഡ്. തൊടുപുഴ റേഞ്ച് പ്രിവന്റീവ് ഓഫീസർ രാജേഷ് ചന്ദ്രന്റെ നേതൃത്വത്തിൽ സിഇഒമാരായ എ.കെ. സിബിൻ, രാജേഷ് സുകുമാരൻ, കെ.കെ. മജീദ്, പി ദേവദാസ്, വനിതാ സിഇഒമാരായ കെ.സിന്ധു, പി.എസ്. പ്രിയ, ഡ്രൈവർ കെ.കെ. വിനോദ് എന്നിവരടങ്ങിയ സംഘമാണ്…
Read MoreCategory: Kottayam
ആളെകൊന്നിട്ടോ സ്കൈവാക് നിർമാണം..! ആകാശ നടപ്പാതയുടെ രണ്ടാംഘട്ട നിർമാണം ആരംഭിച്ചതോടെ കാൽനടയാത്രക്കാർ ദുരിതത്തിൽ; ട്രാഫിക് നിയന്ത്രിക്കാൻ പോലീസിന്റെ സേവനം ലഭ്യമാക്കണമെന്ന്
കോട്ടയം: ആകാശ നടപ്പാതയുടെ രണ്ടാംഘട്ട നിർമാണ പ്രവർത്തനങ്ങൾ ആരംഭിച്ചതോടെ കാൽനടയാത്രക്കാർ ദുരിതത്തിൽ. തൂണുകൾ ഉറപ്പിക്കുന്ന കോണ്ക്രീറ്റ് സ്ഥാപിക്കുന്നതിനു വലിയ കുഴികൾ കുഴിച്ചതോടെ ശാസ്ത്രി റോഡിലേക്കും ബസ് സ്റ്റാൻഡിലേക്കും കടന്നു പോകുന്ന യാത്രക്കാരാണു ദുരിതത്തിലായിരിക്കുന്നത്. തിരക്കേറിയ ഇവിടെ ഡിവൈഡറുകൾ സ്ഥാപിച്ചു ഗതാഗതം നിയന്ത്രിച്ചിരിക്കുന്നതിനാൽ ഒരു വശത്തുകൂടി മാത്രമാണു ആളുകൾക്കു റോഡു മുറിച്ചു കടക്കാൻ കഴിഞ്ഞിരുന്നത്. ഇവിടെ തന്നെ തൂണുകൾ സ്ഥാപിക്കുന്നതിനായി കുഴിയെടുക്കുകയും ചെയ്തു. സീബ്രാലൈനുകൾ പോലും ഈ ഭാഗത്ത് ഇല്ലാത്തതിനാൽ റോഡു മുറിച്ചു കടക്കാൻ കാൽനടയാത്രക്കാർ വൻ ബുദ്ധിമുട്ടാണു അനുഭവപ്പെടുന്നത്. കാൽനടയാത്രക്കാരുടെ ബുദ്ധിമുട്ടു പരിഗണിച്ചു ഇവിടെ ട്രാഫിക് പോലീസിന്റേയോ ഹോം ഗാർഡിന്റെയോ സേവനം ലഭ്യമാക്കണമെന്ന ആവശ്യം ശക്തമായിരിക്കുകാണ്.
Read Moreപാലാ-തൊടുപുഴ റൂട്ടിൽ വീണ്ടും അപകടം ; കെഎസ്ആർടിസി ബസും കാറും കൂട്ടിയിടിച്ചു രണ്ടു പേർക്കു പരിക്കേറ്റു; റാന്നി മന്ദമാരുതി സ്വദേശികളായ മുകേഷ്, സണ്ണി എന്നിവർക്കാണു പരിക്കേറ്റത്
കോട്ടയം: പാലാ – തൊടുപുഴ റോഡിൽ കുറിഞ്ഞിയിൽ കെഎസ്ആർടിസി ബസും മഹീന്ദ്ര സൈലോയും കൂട്ടിയിടിച്ചു രണ്ടു പേർക്കു പരിക്കേറ്റു. റാന്നി മന്ദമാരുതി സ്വദേശികളായ മുകേഷ്, സണ്ണി എന്നിവർക്കാണു പരിക്കേറ്റത്. ഇന്നു രാവിലെ 7.45നു കുറിഞ്ഞി കവലയിലാണു അപകടമുണ്ടായത്. പാസ്റ്റ് പാസഞ്ചർ ബസ് കുറിഞ്ഞിക്കവലയിൽ ആദ്യം ആൾട്ടോ കാറിലും പിന്നീട് സൈലോ കാറിലും ഇടിക്കുകയായിരുന്നു. ആൾട്ടോ കാറിലെ യാത്രക്കാർക്ക് കാര്യമായ പരിക്കില്ല. ഗുരുതരമായി പരിക്കേറ്റ മുകേഷിനെ പാലാ ജനറൽ ആശുപത്രിയിലും പീന്നിടു കോട്ടയം മെഡിക്കൽ കോളജിലും പ്രവേശിപ്പിച്ചു. സണ്ണിയെ തൊടുപുഴയിലെ സ്വകാര്യ ആശുപത്രിയിലും പ്രവേശിപ്പിച്ചിരിക്കുകയാണ്. സൈലോ ഓടിച്ചിരുന്നതു മുകേഷായിരുന്നു. ഇടിയുടെ ആഘാതത്തിൽ തകർന്ന സൈലോയ്ക്കുള്ളിൽ നിന്നും മുകേഷിനെ പുറത്തെടുക്കാൻ കഴിഞ്ഞിരുന്നില്ല. രാമപുരം പോലീസും ഇകെകെ കണ്സ്ട്രക്ഷൻ കന്പനിയിലെ തൊഴിലാളികളും ചേർന്നാണു ഇയാളെ പുറത്തെടുത്തത്. സണ്ണിയെ സമീപത്തുണ്ടായിരുന്ന ഓട്ടോറിക്ഷ തൊഴിലാളികളാണു സ്വകാര്യ ആശുപത്രിയിൽ പ്രവേശിപ്പിച്ചത്. കട്ടപ്പനയിൽ നിന്നു…
Read Moreശനിയാഴ്ച പുതുപ്പള്ളി വഴി ആരും വരേണ്ട..! ബിജെപി നേതാക്കളെ ഡിവൈഎഫ്ഐ പ്രവർത്തകർ മർദിച്ചതിൽ പ്രതിഷേധിച്ച് നാളെ പുതുപ്പള്ളി പഞ്ചായത്തിൽ ബിജെപി ഹർത്താൽ
കോട്ടയം: മുൻ മുഖ്യമന്ത്രി ഉമ്മൻ ചാണ്ടിയുടെ മണ്ഡലമായ പുതുപ്പള്ളിയിൽ ശനിയാഴ്ച ബിജെപി ഹർത്താലിന് ആഹ്വാനം ചെയ്തു. രാവിലെ ആറ് മുതൽ വൈകിട്ട് ആറ് വരെയാണ് ഹർത്താൽ. ബിജെപി പ്രാദേശിക നേതാവ് പ്രശാന്ത് ഉൾപ്പടെയുള്ളവരെ ഡിവൈഎഫ്ഐ പ്രവർത്തകർ മർദ്ദിച്ചുവെന്ന് ആരോപിച്ചാണ് ഹർത്താൽ. വാഹനങ്ങളെ ഹർത്താലിൽ നിന്ന് ഒഴിവാക്കിയിട്ടുണ്ട്.
Read Moreഇത്രയ്ക്ക് ക്രൂരനോ ഇവൻ..! മാതാപിതാക്കളെ കൊന്ന് ഒളിപ്പാക്കാൻ കൊണ്ടുപോയത് മകന് സ്നേഹത്തോടെ വാങ്ങി നൽകിയ കാറിൽ; സ്റ്റേഷനിൽ കീഴടക്കാനെത്തിയതും ഇതേ കാറിൽ തന്നെ
പന്തളം: കെഎൽ 26 ഇ 8496, മാരുതി സ്വിഫ്റ്റ് കാർ. മകൻ ജോലിക്കൊന്നും പോകാതെ തർക്കവും ബഹളവുമായി കഴിഞ്ഞപ്പോഴും മുഖ്യമായും അവന്റെ യാത്രാസൗകര്യത്തിനായി ജോണും ലീലാമ്മയും വാങ്ങി നല്കിയ ഈ കാറിലാണ്, അതിക്രൂരമായി അവരെ കൊലപ്പെടുത്തിയ ശേഷം ഇരുവരുടെയും മൃതദേഹങ്ങൾ അധികം ദൂരമല്ലാത്ത പറന്പിൽ മാത്യൂസ് എത്തിച്ചത്. 26ന് ഉച്ചകഴിഞ്ഞ് ആദ്യം ജോണിന്റെ മൃതദേഹം എത്തിച്ച് കിണറ്റിൽ തള്ളിയ ശേഷം വീണ്ടുമെത്തിയാണ് ലീലാമ്മയുടെ മൃതദേഹം കൊണ്ടു പോയത്. ഒടുവിൽ, സംഭവം പുറത്തറിഞ്ഞ ഇന്നലെ രാവിലെ എട്ടോടെ പോലീസ് സ്റ്റേഷനിൽ കീഴടങ്ങാനെത്തിയതും ഇതേ കാറിൽ. നീല ടീഷർട്ടും ജീൻസും ധരിച്ച് ഉൻമേഷവാനായി സ്റ്റേഷനിലേക്കെത്തിയ മാത്യൂസിനെ കണ്ട പ്പോൾ മാതാപിതാക്കളെ കൊന്നു തള്ളിയ മകനാണതെന്ന് പോലീസിന് സംശയം പോലുമില്ലായിരുന്നു. ഇയാളെത്തി വിവരം പറഞ്ഞിട്ടും പോലീസിന് ഏറെ നേരം വിശ്വസിക്കാനായിരുന്നില്ല. കർമ്മനിരതനായി സിഐ ആർ.സുരേഷ് പന്തളം: 25ഓളം പോലീസ് സേനാംഗങ്ങളാണ് കൊലപാതകം…
Read Moreഇടുക്കിയിൽ വെള്ളിയാഴ്ച ഹർത്താൽ ; കെഎസ്യു മാർച്ചിന് നേരെയുണ്ടായ പോലീസ് അതിക്രമത്തിൽ പ്രതിഷേധിച്ചാണ് ഹർത്താൽ; അവശ്യ സർവീസുകളെ ഹർത്താലിൽ നിന്ന് ഒഴിവാക്കി
ഇടുക്കി: കെഎസ്യു മാർച്ചിന് നേരെയുണ്ടായ പോലീസ് അതിക്രമത്തിൽ പ്രതിഷേധിച്ച് ഇടുക്കിയ വെള്ളിയാഴ്ച കോണ്ഗ്രസ് ഹർത്താലിന് ആഹ്വാനം ചെയ്തു. രാവിലെ ആറ് മുതൽ വൈകിട്ട് ആറ് വരെയാണ് ഹർത്താൽ. അവശ്യ സർവീസുകളെ ഹർത്താലിൽ നിന്ന് ഒഴിവാക്കിയിട്ടുണ്ട്. സ്വാശ്രയ മെഡിക്കൽ ഫീസ് വർധനവിന്റെ പേരിൽ രാവിലെ തൊടുപുഴ സിവിൽ സ്റ്റേഷനിലേക്ക് കെഎസ്യു നടത്തിയ മാർച്ചിനിടെയാണ് പോലീസ് നടപടിയുണ്ടായത്. പ്രവർത്തകർ പോലീസ് ബാരിക്കേഡ് മറിച്ചിടാൻ ശ്രമിച്ചതോടെ സംഘർഷം തുടങ്ങി. പ്രവർത്തകർ കല്ലെറിഞ്ഞതോടെ പോലീസ് ലാത്തിച്ചാർജ് നടത്തുകയായിരുന്നു. സംഘർഷത്തിൽ 25 ഓളം പ്രവർത്തകർക്ക് പരിക്കേറ്റു
Read Moreഇതുകൊണ്ടാ തുറക്കരുതെന്ന് പറഞ്ഞത്..! അർധനഗ്ന ഡാൻസും തെറിവിളിയും വീണ്ടും ആരംഭിച്ചു; ബാറുകൾ തുറന്നതോട് കൂടി മദ്യപിച്ചു ലക്കുകെട്ടു നടപ്പാതകൾ കൈയടക്കുന്ന സാമുഹ്യവിരുദ്ധർ എത്തിത്തുടങ്ങി
കറുകച്ചാൽ: മദ്യശാലകളും ബിവറേജസും തുറന്നതോടെ കറുകച്ചാലിൽ വീണ്ടും മദ്യപാനികളുടെ അഴിഞ്ഞാട്ടം. രാവിലെ മുതൽ വൈകുന്നേരം വരെ പാതയോരങ്ങളിലും കടത്തിണ്ണകളിലും ഇരുന്നാണ് മദ്യപാനം. മദ്യപിച്ചു ലക്കുകെട്ടു നടപ്പാതകളിലും കടത്തിണ്ണകളിലും കിടക്കുന്നവർ യാത്രക്കാർക്ക് വലിയ ബുദ്ധിമുട്ടാണ് സൃഷ്ടിക്കുന്നത്. സ്കൂൾ കുട്ടികളടക്കം നൂറുകണക്കിന് യാത്രക്കാർ സഞ്ചരിക്കുന്ന എൻഎസ്എസ് ജംഗ്ഷൻ, പഞ്ചായത്ത്പടി, തീയറ്റർ റോഡ് എന്നിവിടങ്ങളിൽ പലരും മദ്യപിച്ച് അർധനഗ്നരായാണ് കിടക്കുന്നത്. ഇവർ യാത്രക്കാരെ അസഭ്യം പറയുന്നതും പതിവായിരിക്കുകയാണ്.സ്കൂൾ കുട്ടികളും സ്ത്രീകളുമടക്കമുള്ളവർ ഭീതിയോടെയാണ് പലപ്പോഴും സഞ്ചരിക്കുന്നത്. രാത്രി കാലമായാൽ ബിവറേജസിനു സമീപം ബഹളവും അടിപിടിയും പതിവായിരിക്കുകയാണ്. രാത്രി കാലങ്ങളിൽ ഇടവഴികളിലും കടത്തിണ്ണകളിലും കയറുന്ന മദ്യപാനികൾ കടത്തിണ്ണകളിൽ മലമൂത്ര വിസർജനം നടത്തുകയും കുപ്പികൾ തല്ലിതകർത്തിടുന്നതും പതിവാണെന്നു വ്യാപാരികളും പറയുന്നു. യാത്രക്കാർക്കു ബുദ്ധിമുട്ടുണ്ടാക്കുന്ന മദ്യപാനികൾക്കെതിരേ കറുകച്ചാൽ പോലീസ് നടപടി സ്വീകരിക്കുന്നില്ലെന്നും ആക്ഷേപമുണ്ട്. പട്രോളിംഗ് കാര്യക്ഷമമല്ലെന്നും നാട്ടുകാർ പറയുന്നു.
Read Moreഅമ്മയുടെ സ്നേഹവും ഞങ്ങൾക്ക് വേണം..! ഇളയകുട്ടിക്ക് രണ്ട് വയസുള്ളപ്പോൾ ഗൾഫി നുപോയ അമ്മ തിരിഞ്ഞു നോക്കുന്നില്ലെന്ന പരാതിയുമായി പെൺകുട്ടികൾ പിതാവി നൊപ്പം വനിതാ കമ്മീഷൻ അദാലത്തിൽ
കോട്ടയം: ഏഴു വർഷമായി തങ്ങളെ കാണാനെത്താത്ത വിദേശ ജോലിക്കാരിയായ അമ്മയുടെ സംരക്ഷണം ലഭ്യമാക്കണമെന്നാവശ്യപ്പെട്ട് മൂന്ന് പെണ്കുട്ടികൾ പിതാവിനോടൊപ്പം കളക്ടറേറ്റിൽ നടന്ന വനിതാ കമ്മീഷൻ അദാലത്തിലെത്തി. ഡ്രൈവറായി ജോലി ചെയ്യുന്ന തൃക്കൊടിത്താനം സ്വദേശിയുടെ ഹയർസെക്കൻഡറിക്കും എട്ടാം ക്ലാസിലും നാലാം ക്ലാസിലും പഠിക്കുന്ന പെണ്മക്കളാണ് അമ്മ കാണാൻ വരുന്നില്ലെന്ന പരാതിയുമായി വനിതാ കമ്മീഷനെ സമീപിച്ചത്. ഇപ്പോൾ നാലാം ക്ലാസിൽ പഠിക്കുന്ന മകൾക്ക് രണ്ട് വയസുള്ളപ്പോൾ ഗൾഫിൽ ജോലിക്ക് പോയ ഭാര്യ പിന്നീട് പലപ്പോഴും അവധിക്ക് നാട്ടിലെത്തിയെങ്കിലും ഭർത്താവിനെയും മക്കളെയും കാണാൻ വീട്ടിൽ ചെന്നിട്ടില്ല. ഇടയ്ക്ക് രണ്ടു തവണ വിദേശത്തു നിന്നും മക്കളെ വിളിച്ചെങ്കിലും തിരിച്ചു വിളിക്കാനുള്ള ഫോണ് നന്പരൊന്നും മക്കൾക്ക് അമ്മ കൊടുത്തിട്ടില്ല. ഇപ്പോൾ ഫോണിലൂടെയും അമ്മ ബന്ധപ്പെടുന്നില്ല. ഇപ്പോൾ അവധിക്ക് നാട്ടിലെത്തിയിട്ടുള്ള അമ്മ കുട്ടികളെക്കുറിച്ച് അന്വേഷിക്കുക പോലും ചെയ്യാതിരുന്ന സാഹചര്യത്തിലാണ് തങ്ങളുടെ സംരക്ഷണ ചുമതല അമ്മ കൂടി ഏറ്റെടുക്കണമെന്ന…
Read Moreതികഞ്ഞ പരാജയമായിരുന്നു..! സബ് കളക്ടർ എന്ന നിലയിൽ ശ്രീറാം വെങ്കിട്ടരാമൻ പരാജയമായിരുന്നു; കളക്ടറുടെ പ്രവർത്തനം സർക്കാർ ജനങ്ങൾക്കെതിരാണെന്ന പ്രതീതിയുണ്ടാക്കിയെന്ന് എസ് രാജേന്ദ്രൻ
മുന്നാർ: സ്ഥാനചലനം സംഭവിച്ച ദേവികുളം സബ് കളക്ടർ ശ്രീറാം വെങ്കിട്ടരാമനെ വിമർശിച്ച് എസ്.രാജേന്ദ്രൻ എംഎൽഎ. സബ് കളക്ടർ എന്ന നിലയിൽ ശ്രീറാം വെങ്കിട്ടരാമൻ പരാജയമായിരുന്നെന്നും ജനകീയ വിഷയങ്ങളിൽ ഇടപെടലുണ്ടായില്ലെന്നും രാജേന്ദ്രൻ കുറ്റപ്പെടുത്തി. സബ് കളക്ടറുടെ പ്രവർത്തനം സർക്കാർ ജനങ്ങൾക്കെതിരാണെന്ന പ്രതീതിയുണ്ടാക്കിയെന്നും രാജേന്ദ്രൻ ആരോപിച്ചു. നേരത്തെ, മൂന്നാറിലെ സർക്കാർ ഭൂമി തിരിച്ചുപിടിക്കാനുള്ള ശ്രീറാം വെങ്കിട്ടരാമന്റെ നീക്കങ്ങളെ മുന്നിൽനിന്നെതിർത്തവരിൽ ഒരാൾ രാജേന്ദ്രനായിരുന്നു. മൂന്നാറിൽ ലൗ ഡെയിൽ റിസോർട്ട് ഒഴിപ്പിക്കാനുള്ള തീരുമാനം ശരിവച്ച ഹൈക്കോടതി വിധി മുഖ്യമന്ത്രി പിണറായി വിജയനും സിപിഎമ്മിനും തിരിച്ചടിയായതിനു പിന്നാലെയാണ് ശ്രീറാമിനെ ദേവികുളം സബ്കളക്ടർ സ്ഥാനത്തുനിന്നു മാറ്റിയത്. ഈ വിഷയത്തിൽ മറുപക്ഷത്തു നിന്ന റവന്യുവകുപ്പിന്റെയും സിപിഐയുടെയും നിലപാട് ഫലത്തിൽ കോടതി ശരിവച്ചിരുന്നു. വി.വി. ജോർജിന്റെ കൈവശമുള്ള മൂന്നാർ ടൗണിലെ 22 സെന്റ് ഭൂമി സർക്കാർ ഏറ്റെടുത്ത് അവിടെ വില്ലേജ് ഓഫീസ് നിർമിക്കാനായിരുന്നു പദ്ധതി. എന്നാൽ, ദേവികുളം സബ്…
Read Moreയുവമനസുകളുടെ നൻമയിൽ തിരികെ ലഭിച്ചത് ഒരു ലക്ഷം; സുഹൃത്തുക്കളായ യുവാക്കളുടെ നല്ല മനസിന് നന്ദി അറിയിച്ച് ധനഞ്ജയൻ ; എല്ലാത്തിനും സാക്ഷിയായി കരിങ്കുന്നം പോലീസുകാരും
തൊടുപുഴ: ഒരു ലക്ഷത്തോളം രൂപയടങ്ങിയ ബാഗ് റോഡിൽ നിന്നു കിട്ടിയപ്പോൾ സുജിത്തും സുഹൃത്തായ എൽദോസും കരുതിയില്ല തങ്ങൾ യുവതലമുറയുടെ നൻമ നിറഞ്ഞ മനസിന്റെ വക്താക്കളാകുമെന്ന്. കളഞ്ഞു കിട്ടിയ പണം ഉടൻ തന്നെ പോലീസ് സ്റ്റേഷനിൽ ഏൽപ്പിക്കുകയും പിന്നീട് പോലീസ് സാന്നിധ്യത്തിൽ പണം ഉടമസ്ഥനു തിരികെ നൽകുകയും ചെയ്ത വഴിത്തല മുണ്ടുനട കൊച്ചുമാക്കിൽ സുജിത് സാബു, കൂത്താട്ടുകുളം ചാരഞ്ചിറയിൽ എൽദോസ് പീറ്റർ എന്നിവരാണ് യുവാക്കൾക്ക് മാതൃകയായത്. കരിങ്കുന്നം സ്റ്റേഷനിൽ ഇവർ ഏൽപ്പിച്ച 98575 രൂപ ഉടമയായ വഴിത്തല പുതിയകുന്നേൽ ധനഞ്ജയൻ ഇന്നലെ തൊടുപുഴ സിഐ എൻ.ജി.ശ്രീമോൻ, സുജിത് സാബു എന്നിവരിൽ നിന്നും ഏറ്റുവാങ്ങി. തിങ്കളാഴ്ച്ച രാത്രി എട്ടോടെ തൊടുപുഴക്കു പോകാനായി നെടിയശാല വാഴപ്പള്ളിയിലെത്തിയപ്പോഴാണ് വഴിയിൽ ബാഗ് കിടക്കുന്നത് ഇവരുടെ ശ്രദ്ധയിൽപ്പെട്ടത്. ബാഗ് തുറന്നു പരിശോധിച്ചപ്പോൾ നോട്ടുകെട്ടുകൾ കണ്ടു. ആരുടെയോ പക്കൽ നിന്നും പോയതാകാമെന്നതിനാൽ പരിസരത്തു ആദ്യം അന്വേഷിച്ചെങ്കിലും ആരും…
Read More