ഏറ്റുമാനൂർ: ബൈക്കിൽ എത്തിയ മോഷ്ടാവ് സർക്കിൾ ഇൻസ്പെക്ടറുടെ അമ്മയുടെ സ്വർണ വള കവർന്നു കടന്നു. പാലാ സർക്കിൾ ഇൻസ്പെക്ടർ ടോമി സെബാസ്റ്റ്യന്റെ അമ്മ ഏറ്റുമാനൂർ പട്ടിത്താനം ളാപ്പറന്പിൽ ഏലിക്കുട്ടി (74)യുടെ ആഭരണമാണ് മോഷ്ടിച്ചത്. ഏറ്റുമാനൂർ പേരൂർ കവലയിൽ സഹകരണ ബാങ്കിനു മുന്നിലാണ് സംഭവം. ബാങ്കിന്റെ വളം ഡിപ്പോയിൽ വളം വാങ്ങാൻ എത്തിയതാണ് ഏലിക്കുട്ടി. ഈ സമയം അയൽവാസിയുടെ മകനെന്നു പരിചയപ്പെടുത്തിയ യുവാവ് സമീപിച്ചു. മകളുടെ വിവാഹ ആവശ്യത്തിനുവളവാങ്ങുന്നതിന് അളവിനു വേണ്ടിയാാണെന്നു പറഞ്ഞു വള ആവശ്യപ്പെട്ടു. അയൽവാസിയുടെ പേരും മറ്റും വിശദമായി പറഞ്ഞപ്പോൾ സംശയം തോന്നിയില്ല. കൈയ്യിൽ കിടന്ന രണ്ടു വളകൾ ഉൗരിവാങ്ങി മുങ്ങി. ഏറെ നേരം കാത്തു നിന്നിട്ടും വരാതായപ്പോഴാണ് തട്ടിപ്പാണെന്നു ബോധ്യപ്പെട്ടത്. ഹെൽമറ്റ് ധരിച്ചാണ് യുവാവ് എത്തിയത്.
Read MoreCategory: Kottayam
നോട്ടം കുളിമുറിയിലേക്ക്..! വീടുനിരീക്ഷണ ത്തിനായി സ്ഥാപിച്ച സിസിടിവി അയൽവാ സിയുടെ കുളിമുറിയിലേക്കെന്ന് പരാതി; പോലീസ് ഹാർഡ് ഡിസ്ക് പരിശോധിക്കും
c കോട്ടയം: വീടിനു മുന്നിലെ നിരീക്ഷണ കാമറ അയൽവാസിയുടെ കുളിമുറിയിലേക്കു തിരിഞ്ഞാണ് സ്ഥാപിച്ചതെന്ന പരാതിയിൽ പോലീസ് എത്തി കാമറ കണക്ഷൻ വിടുവിച്ചു. നാട്ടകം ഗസ്റ്റ് ഹൗസ് ഭാഗത്താണ് സംഭവം. ഇന്നലെ വൈകുന്നേരമാണ് ഈസ്റ്റ് സ്റ്റേഷനിൽ ഇതു സംബന്ധിച്ച പരാതി ലഭിച്ചത്. ഉടൻ തന്നെ പോലീസ് സ്ഥലത്തെത്തി പരിശോധന നടത്തി. രണ്ടു കാമറകളാണ് വീടിനു മുന്നിൽ സ്ഥാപിച്ചിരുന്നത്. ഇതിൽ ഒന്ന് അയൽവാസിയുടെ വീടിന്റെ കുളിമുറി ഭാഗത്തേക്കാണെന്ന് കണ്ടെത്തിയതിനെത്തുടർന്ന് ഒരു കാമറയുടെ കണക്ഷൻ വിഛേദിച്ചു. ദൃശ്യങ്ങൾ സംഭരിച്ചിട്ടുള്ള ഹാർഡ് ഡിസ്കിൽ അയൽവാസിയുടെ കുളിമുറി ദൃശ്യങ്ങൾ ഉണ്ടോ എന്നറിയുന്നതിന് ഇന്ന് പരിശോധന നടത്തും. രണ്ടു വീട്ടുകാരും ചേർന്നു വിദഗ്ധന്റെ സഹായത്തോടെയാണ് പരിശോധന നടത്തുന്നത്. അതേ സമയം അയൽവാസിയുടെ കുളിമുറി ദൃശ്യങ്ങൾ കാണാനല്ലെന്നും തന്റെ പുരയിടത്തിന്റെ അതിർത്തി ഭാഗത്തെ ദൃശ്യങ്ങൾ കാണാൻ വേണ്ടിയാണ് ഒരു കാമറ ഉപയോഗിക്കുന്നതെന്നുമാണു കാമറ സ്ഥാപിച്ച വീട്ടുകാരുടെ വിശദീകരണം.
Read Moreജിതേഷ് സാർ കൊളളത്തില്ല..! കുംഗ്ഫു പഠിക്കാനെത്തിയ 12കാരിയെ പീഡിപ്പിച്ച അധ്യാപകൻ അറസ്റ്റിൽ; കുട്ടി പലതവണ പീഡിപ്പിക്കപ്പെട്ടുവെന്ന് പോലീസ്
അയർക്കുന്നം: കുംഗ്ഫു പഠിക്കാനെത്തിയ പന്ത്രണ്ടുവയസു കാരിയെ പീഡിപ്പിച്ച കേസിൽ പ്രതി പിടിയിലായതായി സൂചന. കുംഗ്ഫു അധ്യാപകനായ ജിതേഷാണ് കേസിലെ പ്രതി. ഇയാൾക്കെതിരേ വീട്ടുകാരുടെ പരാതിയുടെ അടിസ്ഥാനത്തിൽ അയർക്കുന്നം പോലീസ് കേസെടുത്തിരുന്നു. പരിശീലനെത്തിയ പെണ്കുട്ടിയെ ജിതേഷ് പലതവണ പീഡിപ്പി ച്ചുവെന്നാണ് പോലീസ് സംശയം. പെണ്കുട്ടിയുടെ രക്ഷിതാക്കൾ ചൈൽഡ് ലൈനിനു നൽകിയ പരാതി അധികൃതർ പോലീസിനു കൈമാറുകയായിരുന്നു. അയർക്കുന്നം ജംഗ്ഷനിലാണ് പരിശീലന കേന്ദ്രം. പരിശീലന കേന്ദ്രത്തിൽവച്ചായിരുന്നു പീഡനം. കുട്ടിയുടെ സ്വഭാവത്തിൽ മാറ്റം കണ്ടതിനെ തുടർന്ന് വീട്ടുകാർ ചൈൽഡ് ലൈന് പ്രവർത്തകരെ അറിയിക്കുകയായിരുന്നു.
Read Moreനിങ്ങൾക്കും നേരാം ആശംസകൾ..! നിയമ സഭാ സാമാജികനായി അരനൂറ്റാണ്ട് പിന്നിട്ട് കെ.എം മാണി; ആശംസകൾ നേർന്ന് സഭാംഗ ങ്ങൾ; എല്ലാവർക്കും നന്ദി പറഞ്ഞ് മാണി
തിരുവനന്തപുരം: നിയമസഭാ സാമാജികനായി അരനൂറ്റാണ്ട് പിന്നിട്ട വേളയിൽ തനിക്ക് ആശംസ നേർന്ന എല്ലാവർക്കും കേരള കോണ്ഗ്രസ്എം ചെയർമാൻ കെ.എം.മാണി നന്ദി രേഖപ്പെടുത്തി. നിയമസഭയിൽ നടത്തിയ പ്രസംഗത്തിലാണ് എല്ലാവരോടുമുള്ള സ്നേഹം മാണി അറിയിച്ചത്. തന്നെ അരനൂറ്റാണ്ട് കാലം പാലായുടെ ജനപ്രതിനിധിയായി തെരഞ്ഞെടുത്തത് വോട്ടർമാരാണ്. അവരോടുള്ള നന്ദിയും കടപ്പാടും എത്ര പറഞ്ഞാലും തീരില്ല. തനിക്ക് ആരോടും വിരോധമില്ല. തന്നെ വിമർശിക്കുന്നവരോടും വിരോധമില്ല. അങ്ങനെ വിരോധം വച്ചു നടക്കുന്നയാളല്ല താൻ. പി.സി.ജോർജിനോട് തനിക്ക് ഒരു വിരോധവുമില്ലെന്നും ജോർജ് തനിക്ക് സഹോദരനെ പോലെയാണെന്നും അദ്ദേഹം പറഞ്ഞു. തന്നെ അഭിനന്ദിച്ച് സംസാരിച്ചവരെ കണ്ടപ്പോഴാണ് മനസിലായത് നമ്മൾ ശത്രുക്കളായ കാണുന്നവർ പോലും നമ്മുടെ മിത്രങ്ങളാണ് എന്നും മാണി പറഞ്ഞു.
Read Moreപ്രകൃതി സ്നേഹികൾ തൈനട്ടു, പരസ്യസ്നേഹികൾ നശിപ്പിച്ചു; റോഡും പരിസരവും മോടി പിടിപ്പിക്കുവാൻ നട്ട തെങ്ങിൻതൈകൾ വ്യാപകമായി നശിപ്പിച്ചതായി പരാതി
കുമരകം: കുമരകം റോഡും പരിസരവും മോടി പിടിപ്പിക്കുവാൻ പ്രകൃതി സ്നേഹികളായ യുവാക്കൾ നട്ട തെങ്ങിൻതൈകൾ പരസ്യബോർഡു സ്ഥാപിക്കുന്നവർ നശിപ്പിച്ചതായി പരാതി.കുമരകം കണ്ണാടിച്ചാലിനു സമീപത്തെ കോട്ടയം കുമരകം റോഡരികിൽ നട്ട തെങ്ങിൻതൈകളാണ് കൂന്പിൽ മണ്ണെണ്ണയൊഴിച്ച് നശിപ്പിച്ചത്. കുമരകം നേച്ചർ ക്ലബ് പ്രവർത്തകർ നട്ട പത്തോളം തെങ്ങിൻതൈകളാണ് കരിഞ്ഞുണങ്ങിയത്. കടുത്ത വേനലിൽ പരിസരവാസികൾ വെള്ളം ഒഴിച്ചും വളം നൽകിയും പരിപാലിച്ച തെങ്ങിൻതൈകളാണ് വളർന്നുവലുതായാൽ പരസ്യോർഡുകൾക്ക് മറയാകുമെന്ന കാഴ്ചപാടിൽ ചെറുപ്പത്തിലെ നശിപ്പിച്ചതെന്ന് സമീപവാസികൾ ചൂണ്ടിക്കാട്ടി.നാലുമാസങ്ങൾക്കുമുന്പ് സ്ഥലം എംഎൽഎ കെ. സുരേഷ് കുറുപ്പാണ് നടീലിന്റെ ഉദ്ഘാടനം നിർവഹിച്ചത്. വെള്ളം ഒഴിച്ചിട്ടും തെങ്ങിൻതൈകൾ ഉണങ്ങിപ്പോകുന്നതിന്റെ കാരണം എന്തെന്നറിയാൻ കൂന്പിൽ മണത്തുനോക്കിയപ്പോഴാണ് മണ്ണെണ്ണയുടെ ഗന്ധം തിരിച്ചറിഞ്ഞത്.നീര ഉത്പാദനത്തിനു വേണ്ടി പ്രത്യേകമായി വാങ്ങിയ 300 രൂപ വിലയുള്ള 16 തെങ്ങിൻതൈകളാണ് നശിപ്പിക്കപ്പെട്ടത്. കുമരകം നാളികേര ഫെഡറേഷനാണ് കുരമകം പഞ്ചായത്തിന്റെ നിർദേശപ്രകാരം നേച്ചർ ക്ലബിന് തൈകൾ സൗജന്യമായി നൽകിയത്.…
Read Moreഎന്തു പറ്റി ഈ പോലീസിന്..! ബൈക്കും ടോറസും കൂട്ടിയിടിച്ച് യുവാവ് മരിച്ച സംഭവം; കേസ് ഒതുക്കാൻ പോലീസ് ശ്രമിക്കുന്നതായി ബന്ധുക്കളുടെ പരാതി
കോട്ടയം: ബൈക്കും ടോറസും കൂട്ടിയിടിച്ച് യുവാവ് മരിച്ച സംഭവ ത്തിൽ കേസ് ഒതുക്കിതീർക്കാനായി പോലീസ് ശ്രമിക്കുന്ന തായി ബന്ധുക്കളുടെ പരാതി. കഴിഞ്ഞ 11ന് വൈകുന്നേരം 5.30ന് കോട്ടയം ചാലുകുന്നിൽ ടോറസ് ലോറിയും ബൈക്കും കൂട്ടിയി ടിച്ച് പരിക്കേറ്റ് ചികിത്സയിലിരുന്ന യുവാവ് ഇന്നലെ യാണ് മരിച്ചത്. മലപ്പുറം വണ്ടൂർ ഇയനാംകുന്നൻ ഇ.കെ. മൻസൂറാണ്(21)മരിച്ചത്. മൻസൂറും സൂഹൃത്ത് അൻസാറും സഞ്ചരിച്ചിരുന്ന ബൈക്കിൽ എതിരേവന്ന ടോറസ് ലോറി ഇടിക്കുകയായിരുന്നു. അപകടത്തിൽ പരിക്കേറ്റ മൻസൂറിനെയും അൻസാറിനെയും കോട്ടയം മെഡിക്കൽകോളജിൽ പ്രവേശിപ്പിച്ചു. തുടർന്ന് വിദഗ്ധ ചികിത്സക്കായി മൻസൂറിനെ തെള്ളകത്തെ സ്വകാര്യ ആശുപ ത്രിയിൽ പ്രവേശിപ്പിക്കുകായിരുന്നു. സുഹൃത്തുക്കൾ വിവരം അറിയിച്ചതിനെ തുടർന്ന് ആശുപത്രിയിലെത്തിയ മൻസൂറിന്റെ ബന്ധുക്കൾ അദ്ദേഹത്തെ പെരിന്തൽ മണ്ണയിലെ സ്വകാര്യ ആശുപത്രിയിലേക്ക് കൊണ്ടു പോയി. തുടർന്ന് ചികിത്സയിലിരിക്കേ ഇന്നലെ മൻസൂർ മരണത്തിനു കീഴടങ്ങുകയായിരുന്നു. അപകടവുമായി ബന്ധപ്പെട്ട് ടോറസ് ഓടിച്ചിരുന്ന ഡ്രൈവർക്കെതിരേ കേസെടുക്കാനോ ലോറി…
Read Moreഅറുപതു കഴിഞ്ഞ എല്ലാവർക്കും ശരിയാ കും..! ആരോഗ്യ ഇൻഷ്വറൻസ് പദ്ധതിയിൽ അംഗമായ 60 വയസിനു മുകളിലുള്ളവർക്ക് 30,000 രൂപയുടെ അധിക ചികിത്സാ സഹായം
കോട്ടയം: കേന്ദ്രസംസ്ഥാന സർക്കാരുകൾ സംയുക്തമായി നടപ്പാക്കുന്ന ആരോഗ്യ ഇൻഷ്വറൻസ് പദ്ധതി ആർഎസ്ബിവൈ ചിസ് എസ് ചിസ് പദ്ധതിയിൽ അംഗത്വമുളള 60 വയസിനു മുകളിൽ പ്രായമുള്ളവർക്ക് അടുത്ത സാന്പത്തിക വർഷം മുതൽ 30,000 രൂപയുടെ വീതം അധിക ചികിത്സാ സഹായം ലഭിക്കും. പദ്ധതിക്ക് കീഴിൽ നിലവിൽ ഒരു കുടുംബത്തിന് പരമാവധി ലഭിച്ചിരുന്ന സഹായം 30,000 രൂപയായിരുന്നു. ഇതു കൂടാതെ ഗുരുതര രോഗം ബാധിച്ചവർക്ക് സംസ്ഥാന സർക്കാർ 70,000 രൂപയുടെ ധനസഹായം കൂടി അനുവദിച്ചിരുന്നു. ഇതിനു പുറമേയാണ് ഏപ്രിൽ ഒന്നു മുതൽ കുടുംബത്തിലെ 60 തികഞ്ഞ ഓരോ അംഗത്തിനും ആവശ്യമെങ്കിൽ 30,000 രൂപയുടെ വീതം അധിക ചികിത്സാ ധനസഹായം ഉറപ്പുവരുത്തും വിധം പദ്ധതി സർക്കാർ പരിഷ്കരിച്ചിട്ടുളളത്. പദ്ധതിയുടെ രജിസ്ട്രേഷനും നടത്തിപ്പും സംബന്ധിച്ച നടപടിക്രമങ്ങൾ കളക്ടറേറ്റിൽ ജില്ലാ കളക്ടർ സി.എ. ലതയുടെ അധ്യക്ഷതയിൽ ചേർന്ന യോഗം അവലോകനം ചെയ്തു. ആകെ 1,89,982…
Read Moreപോലീസ് സേനയ്ക്ക് നാണക്കേടായി ചിലർ..! ചീട്ടുകളി സംഘത്തിൽ നിന്നു പിടിച്ചെടുത്ത പണം പോലീസ് ഉദ്യോഗസ്ഥർ വീതംവച്ചെടുത്ത തായി പരാതി; അന്വേഷണം ആരംഭിച്ചു
തൊടുപുഴ: അന്യ സംസ്ഥാന തൊഴിലാളികളായ ചീട്ടുകളി സംഘത്തിൽ നിന്നും പിടിച്ചെടുത്ത പണം പോലീസ് ഉദ്യോഗസ്ഥർ വീതം വച്ചെടുത്തതായി പരാതി. സംഭവത്തെക്കുറിച്ച് സ്പെഷ്യൽ ബ്രാഞ്ച് അന്വേഷണം ആരംഭിച്ചു. കഴിഞ്ഞ ദിവസം കുമ്മംകല്ലിനു സമീപത്തെ വാടക വീട്ടിൽ ചീട്ടിൽ കളിക്കുകയായിരുന്ന മൂന്നു അന്യ സംസ്ഥാന തൊഴിലാളികളെ തൊടുപുഴ പോലീസ് സ്റ്റേഷനിലെ ഒരു അഡീഷണൽ എസ്.ഐയുടെ നേതൃത്വത്തിൽ പിടികൂടിയിരുന്നു. 15000 രൂപയും ഇവരിൽ നിന്നു പിടിച്ചെടുത്തിരുന്നു. എന്നാൽ കേസിൽ 4470 രൂപ മാത്രമാണ് ഉൾപ്പെടുത്തിയതെന്നാണ് പരാതി. ബാക്കി തുക അഡീഷണൽ എസ്ഐയും കൂടെ ഉണ്ടായിരുന്ന സിവിൽ പോലീസ് ഓഫീസറും വീതം വച്ചതായാണ് പരാതി. അടുത്തിടെ വിദ്യാർഥി സംഘടനാ നേതാക്കളെ മർദിച്ചതിന്റെ പേരിൽ സ്ഥലം മാറ്റം കിട്ടിയെത്തിയ എസ്ഐയെക്കുറിച്ച് സ്പെഷ്യൽഡ ബ്രാഞ്ച് ഉടൻ റിപ്പോർട്ടു നൽകുമെന്നാണ് സൂചന.
Read Moreചാണ്ടിച്ചായൻ തന്നെ വേണം..! കെപിസിസി പ്രസിഡന്റ് സ്ഥാനത്തേക്കു ഉമ്മൻ ചാണ്ടി വന്നാൽ പാർട്ടി ഒന്നടങ്കം പിന്തുണയ്ക്കുമെന്നു തിരുവഞ്ചൂർ രാധാകൃഷ്ണൻ
കോട്ടയം: ഉമ്മൻ ചാണ്ടി കെപിസിസി പ്രസിഡന്റ് സ്ഥാനത്തേക്കു വന്നാൽ പാർട്ടി ഒന്നടങ്കം പിന്തുണയ്ക്കുമെന്നു തിരുവഞ്ചൂർ രാധാകൃഷ്ണൻ എംഎൽഎ. ഇന്നത്തെ സാഹചര്യത്തിൽ കേരളത്തിലെ കോണ്ഗ്രസിനെ ഏകോപിച്ചു സർവ ശക്തിയും സമാഹരിച്ചു മുന്നോട്ടു കൊണ്ടുപോകേണ്ട സാഹചര്യമാണുള്ളത്. മലപ്പുറം ഉപതെരഞ്ഞെടുപ്പ് അടുത്തുവന്ന സാഹചര്യത്തിൽ യുഡിഎഫിനെ മൊത്തം ഒന്നിച്ചു ശക്തമായി കൊണ്ടുപോകാൻ ഉമ്മൻ ചാണ്ടി വേണമെന്നും തിരുവഞ്ചൂർ രാധാകൃഷ്ണൻ കോട്ടയത്തു മാധ്യമപ്രവർത്തകരോടു പറഞ്ഞു.
Read Moreഅപൂർവം..! ആടിന്റെ ഉടലും രണ്ട് നാക്കുമായി പശുവിന് കിടാരി പിറന്നു; പശുവുമായി ആകെ സാമ്യം കാലിലെ കുളമ്പുകൾ മാത്രം; കിടാരിയെ കാണാൻ വൻതിരക്ക്
കണമല : പമ്പാവാലി ആറാട്ടുകയം ചെങ്കൽമാക്കൽ രാജുവിന്റെ നാല് വയസുള്ള മാളു എന്ന പശുവിന് കിടാരി പിറന്നത് ആടിന്റെ ഉടലും, അപൂർവമായ ജനിതക പ്രത്യേകതകളുമായി. രണ്ട് നാക്കും, ഇരുകൈകളിൽ നാല് വീതം കുളന്പുകളും രണ്ടായി തിരിഞ്ഞിരിക്കുന്ന ചെവികളും, ചെറിയ കണ്ണുകളും, മൂക്കും ഒക്കെയായി പിറന്ന കിടാരിക്ക് പശുവുമായി ആകെ സാമ്യമുള്ളത് ഇരുകാലുകളിലെ കുളമ്പുകൾക്ക് മാത്രം. ഇന്നലെ രാത്രി ഏഴിനാണ് അപൂർവതകളുമായി കിടാരി പിറന്നത്. പാല് ഉൾപ്പെടെ ഭക്ഷണമൊന്നും കിടാരിക്ക് കഴിക്കാനാകാത്തതിനാൽ ആയുസ് മണിക്കൂറുകൾ മാത്രമാകാനാണ് സാധ്യതയെന്ന് കരുതുന്നു. രണ്ട് നാക്കുകളിൽ ഒന്ന് മേലണ്ണാക്കിലേക്കും, മറ്റൊന്ന് വായയുടെ പുറത്തേക്കുമാണ്. ഭക്ഷണം നൽകിയാൽ മൂക്കിൽകൂടി പുറത്ത് വരും. സാധാരണ കിടാരിയുടെയത്രയും വലിപ്പവും, തൂക്കവുമുണ്ട്. മുട്ടനാടിനോട് സാമ്യമുള്ള കിടാരിയെ കാണാൻ നിരവധി നാട്ടുകാരാണ് എത്തിക്കൊണ്ടിരിക്കുന്നത്. ജനിച്ചതിന് ശേഷം ഒരു തവണ മാത്രം ശബ്ദമുണ്ടാക്കിയതല്ലാതെ കിടാരി ശബ്ദിച്ചിട്ടില്ലെന്ന് ഉടമ രാജു പറഞ്ഞു. ഏഴ്…
Read More