കരുവാരക്കുണ്ട്: സൗദി അറേബ്യയിലെ അബഹ വിമാനത്താവളത്തിനു നേരേ ഹൂതി വിമതർ നടത്തിയ ആക്രമണത്തിൽ മലപ്പുറം ജില്ലയിലെ മേലാറ്റൂർ എടയാറ്റൂർ സ്വദേശിക്ക് പരിക്കേറ്റു. എടയാറ്റൂർ ഡിഎൻഎം എയുപി സ്കൂളിനു സമീപത്തെ പരേതനായ പാലത്തിങ്ങൽ മുഹമ്മദിന്റെ മകൻ സൈതാലി(38)ക്കാണ് പരിക്കേറ്റത്. ഞായറാഴ്ച്ച രാത്രി 9.10 നായിരുന്നു ആക്രമണം. അബഹയിലെ ജർമൻ ഹോസ്പിറ്റലിൽ ചികിൽസയിൽ കഴിയുന്ന സൈതാലി അപകടനില തരണം ചെയ്തതായാണ് വിവരം. വേനലവധിക്ക് സൗദിയിലെത്തിയ കുടുംബത്തെ യാത്രയാക്കാൻ എയർപോർട്ടിൽ എത്തിയതായിരുന്നു ഇദ്ദേഹം. ഈ സമയത്താണ് യമനിലെ ഹൂതികൾ ഡ്രോണ് ആക്രമണം നടത്തിയത്. ആക്രമണത്തിൽ ഒരു സിറിയൻ പൗരൻ മരിക്കുകയും ഏഴു പേർക്ക് പരിക്കേൽക്കുകയും ചെയ്തിട്ടുണ്ട്. അബഹയിൽ ജോലി ചെയ്യുന്ന സൈതാലിയുടെ അടുത്തേക്കു കഴിഞ്ഞ ഏപ്രിൽ 19നാണ് വിസിറ്റിംഗ് വിസയിൽ കുടുംബമെത്തിയത്. പരിക്കേറ്റവരിൽ 13 സൗദി പൗരൻമാരും 21 ബംഗ്ലാദേശ് വംശജരും രണ്ടു ഈജിപ്ത് സ്വദേശികളുമാണ്. ഏതാനും ദിനങ്ങളായി അബഹ എയർപോർട്ടിനെ…
Read MoreCategory: Kozhikode
വിവാഹ വാഗ്ദാനം നൽകി പീഡനവും പണം അപഹരിക്കലും; ബംഗളൂരു സ്വദേശി അറസ്റ്റിൽ
മാനന്തവാടി: തിരുനെല്ലി സ്റ്റേഷൻ പരിധിയിലുള്ള യുവതിയെ വിവാഹ വാഗ്ദാനം ചെയ്ത് പീഡിപ്പിക്കുകയും അഞ്ച് ലക്ഷം രൂപയോളം അപഹരിക്കുകയും ചെയ്ത കേസിൽ ബംഗളൂരു സ്വദേശിയായ യുവാവിനെ പോലീസ് അറസ്റ്റ് ചെയ്തു. ബംഗളൂരു അന്തർഹള്ളി ഇൻഡസ്ട്രിയൽ ഏരിയയിലെ അബ്ദുറഹ്മാന്റെ മകൻ റിസ്വാൻ ബാഷ (31) യാണ് കഴിഞ്ഞ ദിവസം ബംഗളൂരുവിൽ തിരുനെല്ലി പോലീസിന്റെ പിടിയിലായത്. വിവാഹ വാഗ്ദാനം നൽകി യുവതിയെ നിരവധി തവണ പീഡനത്തിനിരയാക്കിയ റിസ്വാൻ പല തവണകളായി അഞ്ച് ലക്ഷം രൂപയോളം യുവതിയിൽ നിന്ന് കൈപ്പറ്റിയിരുന്നു. കഴിഞ്ഞ ആറ് മാസക്കാലം ഇയാളെക്കുറിച്ച് വിവരമില്ലാതായതോടെ യുവതി തിരുനെല്ലി പോലീസിൽ പരാതി നൽകി. ബംഗളൂരുവിൽ പല മേൽവിലാസങ്ങളിൽ മാറി മാറി താമസിക്കുന്ന ഇയാളെ പിടികൂടിയത് തിരുനെല്ലി എസ്ഐ രജീഷ് തെരുവത്ത് പീടിക, കെ.ജെ. ഷമ്മി, എം. ആർ. ജിതിൻ എന്നിവരടങ്ങിയ സംഘമാണ്. കഴിഞ്ഞ ദിവസം കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
Read Moreസ്കൂളുകളില് മലയാളം; റിപ്പോര്ട്ട് നല്കാന് നിര്ദേശം; മലയാളം പഠിപ്പിക്കുന്നുണ്ടെന്ന് ഉറപ്പുവരുത്താന് പരിശോധന
മുക്കം: മലയാള ഭാഷാ പഠന ചട്ടങ്ങളിലെ നിർദേശങ്ങൾക്ക് അനുസൃതമായി സംസ്ഥാനത്തെ മുഴുവൻ സ്കൂളുകളിലും പത്താംക്ലാസ് വരെ മലയാളം പഠിപ്പിക്കുന്നുണ്ടെന്ന് ഉറപ്പുവരുത്താൻ സർക്കാർ നിർദേശം. കഴിഞ്ഞ അക്കാദമിക വർഷത്തിൽ നടത്തിയത് പോലെ ഇത്തവണയും ജില്ലാ, ഉപജില്ലാ വിദ്യാഭ്യാസ ഓഫിസർമാർ മൂന്ന് മാസത്തിനകം ഇത് സംബന്ധമായി പരിശോധിച്ച് ഉറപ്പു വരുത്തി റിപ്പോർട്ട് വിദ്യാഭ്യാസ ഉപഡയറക്ടർക്ക് സമർപ്പിക്കണം. പ്രസ്തുത പരിശോധനാ റിപ്പോർട്ടുകളുടെ അടിസ്ഥാനത്തിൽ സ്കൂളുകളിൽ പരിശോധന നടത്തി വിദ്യാഭ്യാസ ഉപഡയറക്ടർമാർ ഒരു മാസത്തിനുള്ളിൽ റിപ്പോർട്ട് പൊതുവിദ്യാഭ്യാസ ഡയറക്ടർക്ക് സമർപ്പിക്കണം. സംസ്ഥാന സിലബസ് പിന്തുടരുന്ന സർക്കാർ, എയ്ഡഡ് സ്കൂളുകൾക്ക് പുറമേ സിബിഎസ്ഇ, സിഐഎസ് സിഇ, സൈനിക് സ്കൂൾ, കേന്ദ്രീയ വിദ്യാലയം, നവോദയ വിദ്യാലയം എന്നിവിടങ്ങളിലും നിർബന്ധമായി പരിശോധന നടത്തണമെന്നും നിർദേശമുണ്ട്. ഇത്തരം വിദ്യാലയങ്ങളിൽ മലയാളം പഠിപ്പിക്കുന്നതിന് എസ് സിഇആർടി തയാറാക്കിയ പാഠപുസ്തകം യഥാസമയം ലഭ്യമാക്കാൻ അതാണ് വിദ്യാഭ്യാസ ഓഫിസർമാർ നടപടി സ്വീകരിക്കണമെന്നും സമയബന്ധിതമായി…
Read Moreനൂൽപ്പുഴ റെസിഡൻഷൽ സ്കൂളിലെ എച്ച്1 എൻ1 നിയന്ത്രണ വിധേയമെന്ന് കളക്ടർ
കൽപ്പറ്റ: ജില്ലയിൽ എച്ച1 എൻ1 പനി റിപ്പോർട്ട് ചെയ്ത നൂൽപ്പുഴ രാജീവ് ഗാന്ധി മെമ്മോറിയൽ റെസിഡൻഷൽ സ്കൂളിലെ വിദ്യാർഥികൾക്കുവേണ്ടി മെഡിക്കൽ ക്യാന്പ് നടത്തി ചികിത്സ നല്കാൻ ടപടി സ്വീകരിച്ചതായി ജില്ലാ കളക്ടർ എ.ആർ. അജയകുമാർ അറിയിച്ചു. പനി നിയന്ത്രണ വിധേയമാണ്. പനി ബാധിച്ച് വീട്ടിലേക്ക് പോയ കുട്ടികളുടെ തുടർ ചികിത്സ ഉറപ്പാക്കാന് നടപടി സ്വീകരിക്കാനും ആരോഗ്യ വകുപ്പിന് നിർദ്ദേശം നൽകിയിട്ടുണ്ട്. അരോഗ്യ വകുപ്പിന്റെ പ്രവർത്തനങ്ങളുമായി സഹകരിച്ച് പ്രവർത്തിക്കാൻ ബന്ധപ്പെട്ട ട്രൈബൽ വകുപ്പ് ഓഫീസർമാർക്കും നിർദ്ദേശം നൽകിയിട്ടുണ്ട്. ആരോഗ്യ ബോധവത്കരണ പ്രവർത്തനങ്ങൾ നടത്തുന്നതിനും ഡി ആൻഡ് ഒ പരിശോധന നടത്തുന്നതിനും ആരോഗ്യവകുപ്പ് ജീവനക്കാർക്ക് നിർദ്ദേശം നൽകിയിട്ടുണ്ടെന്ന് ജില്ലാ കളക്ടർ അറിയിച്ചു. രാജീവ്ഗാന്ധി മെമ്മോറിയൽ റെസിഡൻഷൽ സ്കൂളിലെ നാല് വിദ്യാർഥികൾക്ക് പരിശോധനയിൽ എച്ച്1 എൻ1 പനിയാണെന്ന് സ്ഥിരീകരിച്ചിരുന്നു. രോഗലക്ഷണങ്ങൾ ഉള്ള മുഴുവൻ കുട്ടികൾക്കും പ്രതിരോധമരുന്ന് നൽകിയതായി ജില്ലാ മെഡിക്കൽ ഓഫീസർ…
Read Moreട്രൈബൽ വിദ്യാർഥികളിൽ പനി പടരുന്നു; 353 പേർ ചികിത്സയിൽ ; മൂന്നു കുട്ടികൾക്ക് എച്ച്1 എൻ1 സ്ഥിരീകരിച്ചു
സുൽത്താൻ ബത്തേരി: നൂൽപ്പുഴ പഞ്ചായത്തിലെ കല്ലൂർ രാജീവ് ഗാന്ധി മോഡൽ റസിഡൻഷ്യൽ സ്കൂളിലെ വിദ്യാർഥികൾക്ക് പകർച്ചപ്പനി. നാല് കുട്ടികളുടെ രക്ത സാന്പിൾ മണിപ്പാൽ ആശുപത്രിയിൽ പരിശോധനക്ക് അയച്ചു. ഇതിൽ മൂന്ന് പേർക്കും എച്ച്1 എൻ1 സ്ഥിരീകരിച്ചു. ബാക്കി കുട്ടികളുടേയും രക്ത സാന്പിളുകൾ പരിശോധനക്ക് അയക്കും. രോഗം പടർന്ന് പിടിച്ചതോടെ 353 വിദ്യാർത്ഥികളാണ് ചികിൽസതേടി വിവിധ ആശുപത്രികളിൽ എത്തിയത്. ഇതിൽ 22 പേരെ ബത്തേരി താലൂക്ക് ആശുപത്രിയിലും നിരപ്പം പ്രാഥമിക ആരോഗ്യകേന്ദ്രത്തിലുമായി പ്രവേശിപ്പിച്ചു. ഒന്നാം ക്ലാസ് വിദ്യാർഥികളായ സ്വാതി, അഭി, മൂന്നാം ക്ലാസ് വിദ്യാർഥി രാജു, നാലാം ക്ലാസിൽ പഠിക്കുന്ന ശരത്ത് വേണു, അഞ്ചാം ക്ലാസിലെ അനീഷ്, ആറാം ക്ലാസിലെ അപ്പു, എട്ടാം ക്ലാസ് വിദ്യാർഥികളായ രൻജിത്ത്, ദൃശ്യ, ഒന്പതാം ക്ലാസിലെ ഷീബ, അജിത, പ്ലസ്ടു വിദ്യാർഥികളായ ശ്രൂജിഷ, വിജിഷ, ആതിര എന്നിവരെയാണ് ബത്തേരി താലൂക്ക് ആശുപത്രിയിൽ പ്രവേശിപ്പിച്ചത്.…
Read Moreകിളിയാടൻമല ക്വാറി വിവാദം; സിപിഎമ്മിനെതിരെ ശാസ്ത്രസാഹിത്യ പരിഷത്തും
മുക്കം: പ്രദേശവാസികളുടേയും ഒരു വിഭാഗം സിപിഎം പ്രവര്ത്തകരുടേയും ഗ്രാമ പഞ്ചായത്തിന്റേയും എതിര്പ്പ് മറികടന്ന് തോട്ടുമുക്കം മാടാമ്പി കിളിയാടന് മലയില് ക്വാറിക്ക് പ്രവര്ത്തനാനുമതി നല്കാനുള്ള നീക്കത്തിനെതിരെ പ്രതിഷേധം കൂടുതല് ശക്തമാവുന്നു. ഗ്രാമപഞ്ചായത്തും സിപിഎം ലോക്കല് കമ്മറ്റിയും തളളിയ ക്വാറിക്ക് അനുമതി നല്കണമെന്നാവശ്യവുമായി സിപിഎം ഏരിയ കമ്മറ്റി രംഗത്തെത്തിയ സാഹചര്യത്തിലാണ് സിപിഎം അനുകൂല നിലപാട് സ്വീകരിക്കാറുള്ള ശാസ്ത്രസാഹിത്യ പരിഷത്തും ഏരിയ കമ്മിറ്റിക്കെതിരെ രംഗത്തുവന്നിരിക്കുന്നത്. പുതിയ ക്വാറികള്ക്ക് ലൈസന്സ് നല്കാനുള്ള നീക്കത്തില് നിന്ന് ഗ്രാമപഞ്ചായത്തുകള് പിന്മാറണമെന്ന് കേരള ശാസ്ത്രസാഹിത്യ പരിഷത്ത് മുക്കം മേഖലാ കമ്മിറ്റി ആവശ്യപ്പെട്ടു. പരിഷത്തുള്പ്പെടെയുള്ള പരിസ്ഥിതി സംഘടനകള് കൂടി രംഗത്ത് വന്നതോടെ സിപിഎം നേതൃത്വം കൂടുതല് പ്രതിരോധത്തിലായി. പ്രാദേശിക മേഖലയിലെ ശക്തമായ എതിര്പ്പ് മറികടന്നാണ് ഒരു കേന്ദ്ര കമ്മിറ്റി അംഗത്തിന്റെയും എംഎല്എയുടേയും ജില്ലാ കമ്മിറ്റിയിലെ ഉന്നതന്റെയും നേതൃത്വത്തില് ക്വാറിക്ക് അനുമതി നല്കാന് നീക്കം നടക്കുന്നത്. ഇതിന് പിന്തുണയുമായി മുന്ലോക്കല്…
Read Moreവയനാട്ടിൽ 25 കിലോ കഞ്ചാവുമായി രണ്ടു യുവതികളടക്കം അഞ്ചുപേർ പോലീസ് പിടിയിൽ
കാട്ടിക്കുളം: വയനാട് ആന്റി നാർക്കോടിക് സ്ക്വാഡും തിരുനെല്ലി പോലീസും ചേർന്ന് നടത്തിയ വാഹന പരിശോധനയിൽ 25 കിലോഗ്രാം കഞ്ചാവ് പിടികൂടി. രണ്ട് സ്ത്രീകളടക്കം അഞ്ച് പേരാണ് പിടിയിലായത്. മാനന്തവാടി മൈസൂർ റോഡിൽ ബാവലി ഫോറസ്റ്റ് ചെക്ക് പോസ്റ്റിന് സമീപം നടത്തിയ പരിശോധനയിലാണ് ഇവർ പിടിയിലായത്. മൈസൂർ നിന്നും മാനന്തവാടിയിലേക്കുള്ള കർണാടക ആർടിസി ബസിലായിരുന്നു പ്രതികൾ യാത്ര ചെയ്തിരുന്നത്. ജില്ലാ പോലീസ് മേധാവിക്ക് കിട്ടിയ രഹസ്യവിവരത്തിന്റെ അടിസ്ഥാനത്തിലാണ് പരിശോധന നടത്തിയത്. തെലങ്കാന സ്വദേശികളായ ഓംകാരി വെങ്കടേഷ് (24), റാവുല അജേഷ് (23), സദാനന്ദ രായരക്കുള(49), പുഷ്പ ചികാട്ടി (31), സത്യ (30) എന്നിവരാണ് പിടിയിലായത്. എസ്ഐ രതീഷ് തെരുവത്ത് പിടിക, സിവിൽ പോലീസ് ഓഫിസർമ രായ ജിതിൻ, ഷിന്റോ, റിയാസ്, ലിൻസ്, ജോസ് എന്നിവരുടെ നേതൃത്വത്തിലായിരുന്നു പരിശോധന. കഞ്ചാവ് വയനാട്ടിലേക്കാണന്നാണ് സൂചന. ചോദ്യം ചെയ്യൽ തുടരുകയാണെന്ന് പോലീസ് പറഞ്ഞു
Read Moreപണിയെടുക്കാൻ വന്ന തഹസിൽദാർക്ക് എട്ടിന്റെ പണി; അൻവറിന്റെ ഭാര്യാപിതാവിന്റെ തടയണ പൊളിച്ച തഹസിൽദാർക്ക് സ്ഥലംമാറ്റം
മലപ്പുറം: നിലന്പൂർ എംഎൽഎ പി.വി. അൻവറിന്റെ ഭാര്യാപിതാവിന്റെ പേരിലുള്ള അനധികൃ തടയണ പൊളിക്കാൻ നേതൃത്വം നൽകിയ തഹസിൽദാർക്ക് സ്ഥലംമാറ്റം. ചീങ്കണ്ണിപ്പാലിയിലെ തടയണ പൊളിച്ച ഏറനാട് തഹസിൽദാർ പി. ശുഭനെ കോഴിക്കോട്ടേയ്ക്കാണ് സ്ഥലംമാറ്റിയത്. ഹൈക്കോടതി ഉത്തരവിനെ തുടർന്നാണ് തടയണ പൊളിക്കുന്നത്. അൻവറിന്റെ വാട്ടർ തീം അമ്യൂസ്മെന്റ് പാർക്കിനോട് അനുബന്ധിച്ചുള്ള ബോട്ടിംഗ് കേന്ദ്രത്തിലേക്കു വെള്ളം എത്തിച്ചിരുന്നത് ഈ തടയണയിൽനിന്നായിരുന്നു. അൻവറിന്റെ വാട്ടർ തീംപാർക്ക് പരിസ്ഥിതി ദുർബല പ്രദേശത്താണെന്നു മലപ്പുറം കളക്ടർ നേരത്തെ റിപ്പോർട്ട് നൽകിയിരുന്നു. പരിസ്ഥിതി ദുർബല പ്രദേശത്ത് പാറയുടെ മുകളിൽ വെള്ളം കെട്ടി നിർമിച്ച പാർക്ക് അപകടമുയർത്തുന്നുണ്ടെന്നു നിരവധി റിപ്പോർട്ടുകൾ വന്നിരുന്നു. കഴിഞ്ഞ പ്രളയ കാലത്ത് പാർക്കിനകത്തും പരിസരത്തും ചെറുതും വലുതുമായ മണ്ണിടിച്ചിൽ ഉണ്ടായിരുന്നു. പാർക്ക് സ്ഥിതി ചെയ്യുന്ന കക്കാടംപൊയിൽ ദുരന്തനിവാരണ അഥോറിറ്റി തയാറാക്കിയ പട്ടികയിലെ അപകട സാധ്യത കൂടിയ സോണ് ഒന്നിൽ ഉൾപ്പെടുന്ന പ്രദേശമാണ്. ലക്ഷക്കണക്കിനു ലിറ്റർ…
Read Moreആൾമാറാട്ടം നടത്തി അധ്യാപകൻ പരീക്ഷ എഴുതിയ സംഭവം; മൂന്നാം പ്രതി കീഴടങ്ങി
മുക്കം: നീലേശ്വരം ഗവ.ഹയർ സെക്കൻഡറി സ്കൂളിൽ ആൾമാറാട്ടം നടത്തി അധ്യാപകൻ വിദ്യാർഥികളുടെ പരീക്ഷയെഴുതിയ സംഭവത്തിൽ മൂന്നാം പ്രതി കീഴടങ്ങി. ഇന്ന് രാവിലെ 8.30 ഓടെയാണ് മൂന്നാം പ്രതിയും ചേന്ദമംഗല്ലൂർ ഹയർ സെക്കൻഡറി സ്കൂൾ അധ്യാപകനും പരീക്ഷ ഡെപ്യൂട്ടി ചീഫുമായ പി.കെ.ഫൈസൽ മുക്കം സ്റ്റേഷനിലെത്തി കീഴടങ്ങിയത്. സംഭവവുമായി ബന്ധപ്പെട്ട് ഒളിവിലായിരുന്ന ഫൈസൽ മുൻകൂർ ജാമ്യാപേക്ഷയുമായി കോഴിക്കോട് പ്രിൻസിപ്പൽ സെഷൻസ് കോടതിയേയും ഹൈക്കോടതിയേയും സമീപിച്ചിരുന്നങ്കിലും ജാമ്യം ലഭിച്ചിരുന്നില്ല. ഇതോടെയാണ് കീഴടങ്ങയത്. സംഭവം നടന്ന് മാസം ഒന്ന് കഴിഞ്ഞങ്കിലും പ്രതികളെ അറസ്റ്റ് ചെയ്യാൻ പോലീസിന് സാധിച്ചിരുന്നില്ല. ഭരണകക്ഷിയുടേയും ഭരണപക്ഷ അധ്യാപക സംഘടനയുടേയും ശക്തമായ സമ്മർദ്ദം മൂലമാണ് അറസ്റ്റ് ചെയ്യാത്തതെന്നും ആരോപണമുയർന്നിരുന്നു. ഇക്കഴിഞ്ഞ ഹയർ സെക്കൻഡറി പരീക്ഷയിലാണ് മുക്കം നഗരസഭയിലെ നീലേശ്വരം ഹയർ സെക്കൻഡറി സ്കൂളിൽ പ്ലസ് വണ്, പ്ലസ്ടു വിദ്യാർഥികളുടെ പരീക്ഷ പേപ്പർ അധ്യാപകൻ മാറ്റി എഴുതുകയും തിരുത്തുകയും ചെയ്തത്. നീലേശ്വരം…
Read Moreചേലക്കാട് ബോംബ് ശേഖരം: പ്രതികളെ തിരിച്ചറിഞ്ഞു ; അന്വേഷണം ഊർജിതമാക്കി
നാദാപുരം: ചേലക്കാട് സ്വകാര്യ വ്യക്തിയുടെ പറമ്പില് നിന്ന് 13 പൈപ്പ് ബോംബുകളും,മൂന്ന് സ്റ്റീല് ബോംബുകളും വെടിമരുന്നും കണ്ടെത്തിയ സംഭവത്തിൽ പ്രതികളെ തിരിച്ചറിഞ്ഞു. കഴിഞ്ഞ മെയ് മാസം മൂന്നാം തീയതിയാണ് ചേലക്കാട് സ്വദേശി വണ്ണത്താം കണ്ടി മൂസ ഹാജിയുടെ കോമത്ത് താഴ കുനിയിലെ വലിയ കണ്ടോത്ത് ആളൊഴിഞ്ഞ പറമ്പിലെ കയ്യാല പൊത്തില് പ്ലാസ്റ്റിക് ബക്കറ്റില് സൂക്ഷിച്ച നിലയിലായിരുന്നു ബോംബുകള്. നാദാപുരം പോലീസ് രജിസ്റ്റർ ചെയ്ത കേസിൽ വടകര റൂൽ എസ് പി യു. അബ്ദുൾ കരീമിന്റെ നേതൃത്വത്തിലാണ് അന്വേഷണം പുരോഗമിക്കുന്നത്. ബോംബ് നിർമ്മാണത്തിൽ പ്രദേശവാസികളായ ഏഴ് പേർ ഉൾപ്പെട്ട തായാണ് പോലീസ് നൽകുന്ന സൂചന. ഇതിൽ പ്രധാനിയായ യുവാവിനെ തിരിച്ചറിഞ്ഞിട്ടുണ്ട്.കേസന്വേഷണത്തിന്റെ 80 ശതമാനം പൂർത്തിയായതായും ബോംബ് നിർമ്മിക്കുന്നതിനാവശ്യമായ വെടി മരുന്ന്, ജലാറ്റിൻ സ്റ്റിക്കുകൾ, പി വി സി പൈപ്പുകൾ എന്നിവ എത്തിച്ച് നൽകിയ ആളെയും തിരിച്ചറിഞ്ഞതായി റൂറൽ എസ്…
Read More