കോഴിക്കോട്: ദേശീയപാത ബൈപാസിലെ നിര്മാണ പ്രവൃത്തികള് മഴ എത്തിയതോടെ വിവാദത്തില്. പണി പൂര്ത്തിയാക്കുന്ന തിരക്കില് അപ്രോച്ച് റോഡുകളില് ഉള്പ്പെടെ നിര്മാണ പ്രവൃത്തികള് നല്ല രീതിയിലല്ല നടന്നതെന്ന ആക്ഷേപമാണ് ഉയരുന്നത്. കഴിഞ്ഞ ഒരാഴ്ചക്കിടെ മൂന്നുസ്ഥലങ്ങളിലാണ് റോഡ് തകര്ന്നത്. ഇന്നലെ വൻ കോൺക്രീറ്റ് ഭിത്തി സ്ഫോടക ശബ്ദത്തോടെ തകർന്നുവീണു. പന്തീരാങ്കാവ് രാമനാട്ടുകര ദേശീയപാത ബൈപാസിലെ കൊടൽ സടക്കാവ് ചിറക്കൽ കാവിനു സമീപത്തെ സർവീസ് റോഡ് പാർശ്വ ഭീമൻ ഭിത്തിയാണ് രാത്രി നിലംപതിച്ചത്. കോൺക്രീറ്റ് കഷണം തെറിച്ചുവീണു ചിറക്കൽ മോഹനന് (62) തലയ്ക്ക് പരിക്കേറ്റു. വൃക്ഷങ്ങളും പൊട്ടിവീണു. ഒരു വാഹനം വന്നാല് റോഡ് തകര്ന്നുവീഴുമെന്ന അവസ്ഥയാണ്. ഇന്നലെ രാത്രി ആംബുലന്സ് പോലും റോഡില് കുടുങ്ങുന്ന അവസ്ഥയിലായി. സമീപത്ത് തന്നെ അങ്കണവാടികളും നിരവധി വീടുകളുമുണ്ട്. ചെവ്വാഴ്ച രാത്രി കൊടല് നടക്കാവില് നിന്ന് ഈരാട്ടുകുന്ന് ഭാഗത്തേക്ക് പോകുന്ന വഴിയില് റോഡ് തകര്ന്ന് ലോറി മറിഞ്ഞിരുന്നു.…
Read Moreഇതെന്ത് പണി? മഴയില് ദേശീയപാതയും തകര്ന്നുതുടങ്ങി; നിര്മാണകരാറുകാര്ക്കെതിരേ പരക്കെ ആക്ഷേപം
