തിരുവനന്തപുരം: കെഎസ്ആര്ടിസിയിലെ സ്ത്രീകളുടെ സൗജന്യയാത്ര സിപിഎം എംഎല്എമാര് ബഹിഷ്കരിക്കുമെന്ന് സിപിഎം സംസ്ഥാന സെക്രട്ടറി എം. വി ഗോവിന്ദന്. യുഡിഎഫ് സര്ക്കാരിന്റെ പ്രിയദര്ശിനി പദ്ധതി പറ്റിക്കല് പരിപാടിയാണ്, അതിൽനിന്ന് വിട്ടു നില്ക്കാന് പാര്ട്ടി എംഎല്എമാര്ക്ക് നിര്ദേശം നല്കിയിട്ടുണ്ടെന്നും അദ്ദേഹം പറഞ്ഞു.
കെഎസ്ആര്ടിസിയില് എല്ലാ സ്ത്രീകള്ക്കും സൗജന്യമായി യാത്ര ചെയ്യാം, ഏതു ഭാഗത്തേക്കും പോകാം, ടൂറിസം പോലെ ഉപയോഗിക്കാം തുടങ്ങി എന്തൊക്കെയാണ് അവര് പറഞ്ഞത്. എന്നിട്ട് ഇപ്പോള് ഏറ്റവുമൊടുവില് ഏതാണ്ട് ആയിരം ബസുകളില് മാത്രം സ്ത്രീകള്ക്ക് സൗജന്യയാത്ര അനുവദിക്കുന്ന സ്ഥിതിയാണ് ഉണ്ടായിട്ടുള്ളത്. മലബാറില് തീരേ ഓര്ഡിനറി ബസുകളില്ല. പിന്നെയും കൂടുതലായി കെഎസ്ആര്ടിസിയുടെ ഓര്ഡിനറി ബസുള്ളത് തിരുവനന്തപുരത്താണ്. ഗോവിന്ദന് പറഞ്ഞു.
