പാലക്കാട്: കൊല്ലങ്കോട് വാഴപുഴയില് കമ്പിവേലിയില് കുടുങ്ങിയ പുള്ളിപ്പുലി ചത്തു. ആന്തരിക രക്തസ്രാവമാണ് മരണകാരണം എന്നാണ് പ്രാഥമിക നിഗമനം. നേരത്തെ പുലിയെ മയക്കുവെടി വച്ചിരുന്നു. വനംവകുപ്പ് വെറ്റിനറി ഡോക്ടര് ഡേവിസ് എബ്രഹാമിന്റെ നേതൃത്വത്തിലുള്ള സംഘമാണ് പുലിയെ മയക്കുവെടി വച്ച് കൂട്ടിലാക്കിയത്. ഉച്ചയ്ക്ക് 12. 05 നാണ് മയക്കുവെടി വച്ചത്. എന്നാല് മയക്കുവെടി ശരീരത്തില് തട്ടിത്തെറിച്ചുപോയി. അല്പം മരുന്നു മാത്രമെ പുലിയുടെ ശരീരത്തില് കയറിയിട്ടുള്ളെന്നാണ് നിഗമനം. എന്നാല് പുലി അവശനായതിനാല് രണ്ടാമത് വെടിവയ്ക്കേണ്ടതില്ലെന്ന് അധികൃതര് തീരുമാനിച്ചിരുന്നു. ആദ്യം പുലിയെ വലയിട്ട് പിടിക്കാനായിരുന്നു ആലോചിച്ചിരുന്നത്. എന്നാല് ആര്ആര്ടി സംഘം അടുത്തേക്ക് എത്തിയതോടെ പുലി വലിയതോതില് ആക്രമണ സ്വഭാവം കാണിച്ചു. ഇതോടെ മയക്കുവെടി വയ്ക്കാന് തീരുമാനിക്കുകയായിരുന്നു. ഇന്ന് പുലര്ച്ചെയാണ് മാവിന്തോപ്പിലെ കമ്പിവേലിയില് പുലി കുടുങ്ങിയ കാര്യം വീട്ടുകാരുടെ ശ്രദ്ധയില്പ്പെട്ടത്. ഉടനെ വനംവകുപ്പിനെ വിവരം അറിയിക്കുകയായിരുന്നു.പുലിയുടെ വയറ്റിലും കാലിലുമാണ് കമ്പി കുടുങ്ങിയത്. കാലിലെ കുടുക്ക്…
Read MoreCategory: Edition News
പേരക്കുട്ടിയെ പീഡിപ്പിച്ച വയോധികന് 21.5 വര്ഷം കഠിന തടവ്
മഞ്ചേരി : പേരമകളായ പതിനാറുകാരിയെ ലൈംഗിക പീഡനത്തിന് വിധേയയാക്കിയ വയോധികനെ മഞ്ചേരി ഫാസ്റ്റ് ട്രാക് സ്പെഷല് കോടതി (രണ്ട്) ഇരുപത്തിയൊന്നര വര്ഷം കഠിന തടവിനും 1,20,000 രൂപ പിഴയടക്കാനും ശിക്ഷിച്ചു. അതിജീവിതയുടെ പിതൃപിതാവായ 73കാരനെയാണ് ജഡ്ജി എസ്. രശ്മി ശിക്ഷിച്ചത്. 2022 നവംബർ, ഡിസംബര് മാസങ്ങളിലാണ് കേസിനാസ്പദമായ സംഭവം. പിതാവിന്റെ തറവാട് വീട്ടിലേക്ക് വിരുന്നു പോയ കുട്ടിയെ പ്രതി ബലാല്സംഗം ചെയ്യുകയും പുറത്തു പറഞ്ഞാല് കൊല്ലുമെന്ന് ഭീഷണിപ്പെടുത്തുകയും ചെയ്തുവെന്നാണ് പ്രോസിക്യൂഷന് കേസ്. പോക്സോ ആക്ടിലെ രണ്ട് വകുപ്പുകളിലായി പത്ത് വര്ഷം വീതം കഠിന തടവും പതിനായിരം രൂപ വീതം പിഴയുമാണ് ശിക്ഷ. പിഴയടച്ചില്ലെങ്കില് ഇരുവകുപ്പുകളിലും ഒരു മാസം വീതം അധിക തടവ് അനുഭവിക്കണം. ഇന്ത്യന് ശിക്ഷാ നിയമം 506 പ്രകാരം കുട്ടിയെ ഭീഷണിപ്പെടുത്തിയതിന് ആറു മാസം കഠിന തടവ് അനുഭവിക്കണം. ഇതിനു പുറമെ ജുവനൈല് ജസ്റ്റിസ് ആക്ട്…
Read Moreകുറുനരിക്ക് പേവിഷബാധ, കടിയേറ്റവര് ചികിത്സയില്
ചുങ്കപ്പാറ: കഴിഞ്ഞദിവസം കോട്ടാങ്ങല് പഞ്ചായത്തിലെ വായ്പൂര് ഭാഗത്ത് ആളുകളെ ആക്രമിച്ച കുറുനരിക്ക് പേവിഷ ബാധയുണ്ടായിരുന്നതായി റിപ്പോര്ട്ട്. ആളുകളെ കടിച്ചശേഷം അവശനിലയില് കുടുങ്ങിയ കുറുനരി പിന്നീട് ചത്തിരുന്നു. ഇതിന്റെ ജഡം തിരുവനന്തപുരം പാലോട് ആനിമല് ഡിസീസ് സെന്ററില് പരിശോധിച്ചപ്പോഴാണ് പേ വിഷബാധ സ്ഥിരീകരിച്ചത്. ശനിയാഴ്ച രാത്രിയും ഞായറാഴ്ച രാവിലയുമായി ഏഴുപേരെയാണ് കുറുനരി കടിച്ചത്. ഇവരെ കോട്ടയം മെഡിക്കല് കോളജ്, കോഴഞ്ചേരിയിലെ ജില്ലാ ആശുപത്രി, റാന്നി താലൂക്ക് ആശുപത്രി എന്നിവിടങ്ങളില് എത്തിച്ച് പ്രതിരോധ കുത്തിവയ്പ് നല്കിയിരുന്നു. കുറുനരിക്ക് പേവിഷബാധ സ്ഥിരീകരിച്ചതോടെ ഇവരെ നിരീക്ഷിക്കുന്നതിന് ആരോഗ്യവകുപ്പ് ആശാ പ്രവര്ത്തകരുടെ സ്ക്വാഡ് രൂപീകരിച്ചു. കുറുനരിയുടെ സ്രവം സ്പര്ശിക്കാനിടയായ എല്ലാവരും പ്രതിരോധ കുത്തിവയ്പ് സ്വീകരിക്കണമെന്നും ആരോഗ്യവകുപ്പ് നിര്ദേശിച്ചിട്ടുണ്ട്.
Read Moreഅപകടം പതിയിരിക്കുന്നു; വൈദ്യുതി ലൈനിലെ തെങ്ങോലകൾ നീക്കണം
ചെങ്ങന്നൂർ : എംസി റോഡിൽ കാരക്കാട് ഹൈസ്കൂളിനു സമീപത്തെ വൈദ്യുതി വിതരണ ലൈനിനു മുകളിലേക്ക് അപകടകരമാംവിധം ചാഞ്ഞു കിടക്കുന്ന സമീപ പുരയിടത്തിലെ തെങ്ങോലകൾ മുറിച്ചു നീക്കണമെന്ന ആവശ്യം ശക്തമായി. ഇവ ഇങ്ങനെ കിടക്കാൻ തുടങ്ങിയിട്ട് മാസം രണ്ടായി. ലൈനിൽ ടച്ച് ചെയ്ത് കിടക്കുന്ന പച്ചഓലകൾ കാറ്റിൽ ഇളകിനീങ്ങി വൈദ്യുതി കമ്പികളിൽ ഉരയുന്നതിനാൽ തെങ്ങിൻചുവട്ടിലേക്ക് വൈദ്യുതിപ്രവഹിച്ച് അപകടത്തിനു കാരണമായേക്കാമെന്ന് നാട്ടുകാർ ആശങ്കപ്പെടുന്നു. ഇക്കാര്യം നാട്ടുകാർ പല തവണ അധികൃതരുടെ ശ്രദ്ധയിൽപ്പെടുത്തിയെങ്കിലും നടപടിയുണ്ടായില്ല. മഴക്കാലത്തിനു മുന്നോടിയായി വൈദ്യുതി വിതരണ ലൈനുകളിലെ തടസങ്ങൾ, ടച്ചുകൾ എന്നിവ യുദ്ധകാലാടിസ്ഥാനത്തിൽ നീക്കം ചെയ്യണമെന്ന സർക്കാർ നിർദേശവും നിലനിൽക്കെയാണ് സമാന സംഭവത്തിൽ നാട്ടുകാരുടെ പരാതിയോടുള്ള അവഗണന അധികൃതർ തുടരുന്നതെന്ന ആക്ഷേപവുമുണ്ട്. തെങ്ങിൻ ചുവട്ടിലോ അരികിലോ എത്തുന്ന കുട്ടികളടക്കമുള്ളവർ അശ്രദ്ധമായി തടിയിലോ ലൈനിൽ ടച്ച് ചെയ്ത് താഴേക്കു കിടക്കുന്ന ഓലയിലോ സ്പർശിക്കാനിടയായാൽ അത് വൻ അപകടത്തിനു ഇടയാക്കുമെന്ന്…
Read Moreപയ്യന്നൂരില് വീട് കുത്തിത്തുറന്ന് 75 പവന് കവര്ന്നു;അന്വേഷണം ആരംഭിച്ച് പോലീസ്
പയ്യന്നൂർ: പയ്യന്നൂരില് വീട് കുത്തിത്തുറന്ന് അലമാരിയില് സൂക്ഷിച്ചിരുന്ന 75 പവനോളം സ്വര്ണാഭരണങ്ങള് കവര്ന്നു. പെരുമ്പ ജുമാ മസ്ജിദിനു സമീപത്തെ ചെക്കിന്റകത്ത് സുഹ്റയുടെ വീട്ടിലാണു നാടിനെ ഞെട്ടിച്ച കവര്ച്ച അരങ്ങേറിയത്. വിവരമറിഞ്ഞ് പോലീസ് സ്ഥലത്തെത്തി അന്വേഷണമാരംഭിച്ചു. ഇന്നുരാവിലെ 6.15 ഓടെ ഉണര്ന്നെഴുന്നേറ്റ വീട്ടുകാരാണ് ഇന്നലെ അടച്ചുപൂട്ടിയിട്ടിരുന്ന വീടിന്റെ മുന്വാതില് അല്പം തുറന്നു കിടക്കുന്നതായി കണ്ടത്. തുടര്ന്ന് നോക്കിയപ്പോഴാണു വാതില് കുത്തിപ്പൊളിച്ചതാണെന്നു മനസിലായത്.അകത്തെ രണ്ടു മുറികളിലെ അലമാരകള് തുറന്നുകിടക്കുന്ന നിലയിലായിരുന്നു. അലമാരകളില് സൂക്ഷിച്ചിരുന്ന സ്വര്ണാഭരണങ്ങള് കാണാനില്ലായിരുന്നു. ഉടന്തന്നെ അയല്വാസിയായ അഡ്വ. വിനീഷിന്റെ വീട്ടിലെത്തി വിവരം അറിയിച്ചതോടെയാണു നാട്ടുകാര് കവര്ച്ച നടന്നതായി അറിഞ്ഞത്.സുഹറയും ഭര്ത്താവ് ആമുവും കണ്ണൂര് പരിയാരം ഗവ. മെഡിക്കല് കോളജില് ചികിത്സയ്ക്കായി പോയിരിക്കുകയായിരുന്നു. സുഹ്റയുടെ മകന് റഫീക്കും മകള് ഹസീനയും ഗള്ഫിലാണുള്ളത്. അടുത്തനാളില് ഗള്ഫില് നിന്നുമെത്തിയ മറ്റൊരു മകളായ സാജിതയും റഫീഖിന്റെ മക്കളും വീടിന്റെ മുകള്നിലയില് കിടന്നുറങ്ങുമ്പോഴായിരുന്നു താഴത്തെ…
Read Moreനെടുമ്പാശേരി അവയവക്കടത്ത് കേസ്; അവയവ മാഫിയയുമായി തന്റെ ബന്ധം ഹൈദരാബാദില്നിന്നെന്ന് സാബിത്തിന്റെ മൊഴി
കൊച്ചി: അവയവ മാഫിയയുമായി തന്റെ ബന്ധം ഹൈദരാബാദില് നിന്നാണെന്ന് നെടുമ്പാശേരി അവയവക്കടത്ത് കേസിലെ പ്രതിയായ സാബിത്ത് നാസറിന്റെ മൊഴി. ഇവിടെനിന്നാണ് വിദേശത്തേയ്ക്കുള്ള കടത്ത് സംഘങ്ങളുമായി തനിക്ക് ബന്ധമുണ്ടായതെന്ന് ഇയാള് പോലീസിന് മൊഴി നല്കിയതായാണ് സൂചന. പ്രതിയെ കസ്റ്റഡിയില് വാങ്ങുന്നതിനായി അന്വേഷണ സംഘം ഇന്ന് അങ്കമാലി മജിസ്ട്രേറ്റ് കോടതിയില് കസ്റ്റഡി അപേക്ഷ നല്കും. എത്ര പേരെ ഇയാള് അവയവ കൈമാറ്റത്തിനായി സമീപിച്ചു, ഇവരുമായി നടത്തിയ സാമ്പത്തിക ഇടപാടുകള്, ഇവരുടെ ആരോഗ്യസ്ഥിതി, ഇതില് എത്ര പേര് മടങ്ങി വരാനുണ്ട് എന്നീ കാര്യങ്ങളാണ് അന്വേഷണം നടക്കുന്നത്. രാജ്യത്തിന്റെ വിവിധ ഭാഗങ്ങളില്നിന്ന് 2019 മുതല് അവയവക്കടത്തിന് ഇറാനിലേക്ക് പ്രതി സാബിത്ത് നാസര് അടങ്ങുന്ന സംഘം ആളെ എത്തിച്ചിരുന്നു. ഇതില് 19പേരും ഉത്തരേന്ത്യക്കാരാണ്. വൃക്ക നല്കാന് തയാറായി 2019ല് ഹൈദാരാബാദിലെത്തിയതായിരുന്നു സാബിത്ത് നാസര്. എന്നാല് ആ നീക്കം പാളിയിരുന്നു. തുടര്ന്ന് അവയവ മാഫിയ സംഘങ്ങളുമായി…
Read Moreസോളാര് സമരം;”തിരുവഞ്ചൂരുമായി ചർച്ചയ്ക്ക് ബ്രിട്ടാസിനോട് പാര്ട്ടി ആവശ്യപ്പെട്ടതായി അറിയില്ലെന്ന് വൈക്കം വിശ്വൻ
കോട്ടയം: സോളാര് സമരം ഒത്തുതീര്ക്കാന് തിരുവഞ്ചൂര് രാധാകൃഷ്ണനുമായി ചര്ച്ച നടത്താന് ജോണ് ബ്രിട്ടാസിനോട് പാര്ട്ടി ആവശ്യപ്പെട്ടതായി തനിക്കറിയില്ലെന്ന് അന്നത്തെ എല്ഡിഎഫ് കണ്വീനര് വൈക്കം വിശ്വന്. എല്ഡിഎഫ് നേതൃത്വം ഒന്നാകെ സമരം അവസാനിപ്പിക്കാന് ശ്രമിച്ചിരുന്നു. എല്ഡിഎഫ് ഏകകണ്ഠമായാണു സമരം പിന്വലിക്കാന് തീരുമാനിച്ചത്. സോളാര് കേസും ടി.പി. ചന്ദ്രശേഖരന് കേസും ചേര്ത്തുവയ്ക്കുന്നതു കെട്ടുകഥയെന്നും വൈക്കം വിശ്വന് പറഞ്ഞു.
Read Moreകൊച്ചി കടവന്ത്രയില് അതിഥിത്തൊഴിലാളി കിണറ്റില് മരിച്ച നിലയില്
കൊച്ചി: കടവന്ത്രയില് അതിഥിത്തൊഴിലാളിയെ കിണറ്റില് മരിച്ച നിലയില് കണ്ടെത്തി. ഒഡീസ സ്വദേശി മനോജ്കുമാര് ബിസ്വാളി(33)നിയാണ് ഇന്ന് രാവിലെ കടവന്ത്ര മുട്ടത്ത് ലൈന് ടെന്ത് ക്രോസ് റോഡിലെ കിണറ്റില് മരിച്ച നിലയില് കണ്ടെത്തിയത്. രണ്ട് ഉത്തരേന്ത്യന് സ്വദേശികള്ക്കും അഞ്ച് തമിഴ്നാട്ടുകാര്ക്കുമൊപ്പമാണ് ഇയാള് ഇവിടെ വാടകയ്ക്ക് താമസിച്ചിരുന്നത്. മനോജ്കുമാര് മദ്യപാനിയായിരുന്നുവെന്ന് പോലീസ് പറഞ്ഞു. മരണകാരണം വ്യക്തമല്ല. ഗാന്ധിനഗര് ഫയര്ഫോഴ്സ് സ്ഥലത്തെത്തി മൃതദേഹം കിണറ്റില് നിന്ന് പുറത്തെടുത്തു. കടവന്ത്ര പോലീസ് മേല്നടപടികള്ക്കായി മൃതദേഹം എറണാകുളം ജനറല് ആശുപത്രി മോര്ച്ചറിയിലേക്ക് മാറ്റി. സംഭവത്തില് ദുരൂഹതയുണ്ടോയെന്ന് പോലീസ് അന്വേഷിച്ചുവരികയാണ്.
Read Moreതൃശൂരിൽ ഇനി തമ്മിൽത്തല്ലില്ല ; ഗുണ്ടകൾക്ക് ഇനി “മാൽ കാ ഡീൽ’ ; വഴിയൊരുക്കി പോലീസിന്റെ ഒത്തുതീർപ്പുകളി
തൃശൂർ: ഇതുവരെ കണ്ടപോലെയല്ല, തൃശൂരിലെ ഗുണ്ടാസംഘങ്ങൾ ഇനിമുതൽ “ഒറ്റക്കെട്ടാണ്’. തമ്മിൽത്തല്ലും പോർവിളികളുമില്ല. അവർക്കിടയിൽ “സ്നേഹത്തിന്റെ ലഹരിപ്പുഴ’ ഒഴുകും. ഗുണ്ടാനേതാക്കന്മാരെല്ലാവരും ഗഡീസ്, ആശ്രിതവത്സലർ! ആവേശത്തിലെ “എട മോനേ…’ ലൈൻ. അണികളാരും ഇനി ഗുണ്ടകളല്ല. ഏജന്റുകൾമാത്രം. അവരെല്ലാം ഗുണ്ടാപ്പക മറന്ന് ലഹരിവില്പനയുടെ പുതുലോകം തേടും.സംഘത്തിൽ ഇനിമുതൽ ഗുണ്ടകളെയും അക്രമകാരികളെയും ചേർക്കില്ലെന്ന് അവർ തീരുമാനിച്ചു. അടിപൊളി ആഡംബര ലൈഫ് സ്റ്റൈൽ ആഘോഷിക്കുന്ന പിള്ളേർമാത്രം മതി. അവരുടെ സംരക്ഷകരായി, അവരിലൂടെ ലഹരിവില്പന പൊടിപൊടിച്ച് പണം സന്പാദിക്കാനാണു പ്ലാൻ. അതിനുള്ള “ക്രൂക്കഡ് പ്ലാൻ’ മാസങ്ങൾക്കുമുന്പേ ഒരുങ്ങിക്കഴിഞ്ഞു. ജയിലുകളിലും പുറത്ത് സ്വയമൊരുക്കിയ പാർട്ടികളിലുമായിരുന്നു ചർച്ചകൾ.അതിന്റെ ഭാഗമായി ഗുണ്ടകളെല്ലാം സ്വന്തംപേരിലുള്ള കേസുകളിൽനിന്ന് ഊരാനുള്ള തിടുക്കത്തിലാണ്. എല്ലാ ഗുണ്ടാപ്പണികളിൽനിന്നും ഒഴിവാകുകയാണെന്നു സമൂഹത്തെയും പോലീസിനെയും ബോധിപ്പിക്കാൻ നല്ലമേനി നടിപ്പ്. പുതിയ കേസുകളിൽപെടാതെ, കടിഞ്ഞാണിൽ പിടിമുറുക്കിയുള്ള കളികൾമാത്രം. ഇങ്ങനെയിരുന്ന് കിട്ടേണ്ടതു വാങ്ങാനും കൊടുക്കേണ്ടതു കൊടുക്കാനും അവർ പഠിച്ചുകഴിഞ്ഞു. ചെറുകിടതട്ടിപ്പ്, ലഹരി, ഗുണ്ടാപ്പണി,…
Read Moreമൗനം വാചാലമാക്കി ബിൻസിയും ശരത്തും പുതുജീവിതത്തിലേക്ക്
ഇളങ്ങുളം: ശരത്തിന്റെയും ബിൻസിയുടെ മൗനം ഇനി വാചാലമാകും. മൗനം നിറഞ്ഞുനിൽക്കുന്ന ജീവിതത്തെ അവർ അർഥപൂർണമാക്കും. ജന്മനാ മൂകയും ബധിരയുമായ രണ്ടാംമൈൽ നരിയനാനി ഉഴത്തിൽ ബിൻസിക്ക് ശരത് ഇനി ജീവിതപങ്കാളി. ശരത്തും ജന്മനാ മൂകനും ബധിരനും. ഇരുവരും പുതുജീവിതത്തിലേക്ക് കൈപിടിച്ചപ്പോൾ ആശംസകളുമായി ബന്ധുമിത്രാദികൾക്കൊപ്പം എലിക്കുളം പഞ്ചായത്തിലെ അംഗങ്ങളും ജീവനക്കാരുമെത്തി.ഉഴത്തിൽ സാബുവിന്റെയും തുളസിയുടെയും രണ്ടു മക്കളിൽ മൂത്തയാളാണ് ബിൻസി. മണ്ണയ്ക്കനാട് സ്പെഷൽ സ്കൂൾ പഠനത്തിനുശേഷം തിരുവനന്തപുരം കൈമനം പോളിടെക്നിക്കിൽനിന്നും കംപ്യൂട്ടർ എൻജിനിയറിംഗ് പാസായി. ഇപ്പോൾ വലവൂർ ട്രിപ്പിൾ ഐടിയിൽ ജോലി ചെയ്യുന്നു. ചേർത്തല തുറവൂർ കോയിപ്പുറത്ത് ഉദയഭാനുവിന്റെയും ഗീതയുടെയും മകനാണ് ശരത്. കൊല്ലം വാളകം സിഎസ്ഐ കോളജിൽനിന്ന് ബികോം ബിരുദം നേടിയ ശരത് ചേർത്തലയിലെ സ്വകാര്യ സ്ഥാപനത്തിലാണ് ജോലി ചെയ്യുന്നത്. പുലർച്ചെ മുതൽ വീട്ടിലെ പാചകപ്പുരയിൽ ബിൻസിയുടെ മാതാപിതാക്കളായ സാബുവും തുളസിയും ചേർന്നു പലഹാരങ്ങളുണ്ടാക്കി കടകളിലെത്തിച്ചാണ് വരുമാനം കണ്ടെത്തുന്നത്. തുളസി…
Read More