കൊച്ചി: നോര്ത്ത് പരമാര റോഡിലെ ഹോട്ടലില്നിന്ന് സ്കൂട്ടറും ചെമ്പുപാത്രങ്ങളും മോഷ്ടിച്ചയാള് അറസ്റ്റില്. പാലക്കാട് സ്വദേശി വിജയ (50)നെയാണ് എറണാകുളം നോര്ത്ത് പോലീസ് ഇന്സ്പെക്ടര് പ്രതാപ് ചന്ദ്രന്, എസ്ഐ എന്. ആഷിഖ് എന്നിവരുടെ നേതൃത്വത്തിലുള്ള പോലീസ് സംഘം ഇന്ന് പുലര്ച്ചെ അറസ്റ്റ് ചെയ്തത്. കഴിഞ്ഞ ഡിസംബര് 30-നായിരുന്നു ഹോട്ടലിനു സമീപം പാര്ക്ക് ചെയ്തിരുന്ന സ്കൂട്ടറും ഹോട്ടലില് നിന്ന് 27,000 രൂപ വില വരുന്ന ചെമ്പുപാത്രങ്ങളും വിജയന് മോഷ്ടിച്ചത്. ഇതിനുശേഷം ഇയാള് ഒളിവില് കഴിയുകയായിരുന്നു. ഇന്നു പുലര്ച്ചെ ഒന്നരയോടെ എറണാകുളം കലൂര് ഭാഗത്തുനിന്നാണ് പ്രതി പിടിയിലായത്. ഇയാളെ ഇന്ന് ഉച്ചയ്ക്കു ശേഷം കോടതിയില് ഹാജരാക്കും.
Read MoreCategory: Edition News
കാട്ടുപന്നി കുറുകെ ചാടി; ഓട്ടോ മറിഞ്ഞ് ഡ്രൈവർക്ക് പരിക്ക്
ഇരിട്ടി: കാട്ടുപന്നി ഓട്ടോറിക്ഷയ്ക്ക് കുറുകെ ചാടി അപകടം. ഓട്ടോഡ്രൈവറായ കൊട്ടകപ്പാറ ഐഎച്ച്ഡിപി കോളനിയിലെ ആദിവാസി യുവാവ് അനിലിനെ (28) പരിക്കുകളോടെ ആശുപത്രിയിൽ പ്രവേശിപ്പിച്ചു. ഇന്ന് രാവിലെ 8.30 ഓടെ ഇരിട്ടി കീഴ്പ്പള്ളി റോഡിൽ വെളിമാനം അങ്കണവാടിക്ക് സമീപമായിരുന്നു സംഭവം. കാട്ടുപന്നി ഓട്ടോറിക്ഷയ്ക്ക് മുന്നിൽ ചാടിയപ്പോൾ നിയന്ത്രണം നഷ്ടപ്പെട്ട ഓട്ടോറിക്ഷ ഓവുചാലിലേക്ക് മറിയുകയായിരുന്നു. അപകടത്തിൽ ഓട്ടോറിക്ഷയിൽ നിന്നു റോഡിലേക്ക് തെറിച്ചുവീണ അനിലിന് വീഴ്ചയുടെ ആഘാതത്തിൽ മുഖത്തും കൈകളിലും പരിക്കേറ്റിട്ടുണ്ട്. നാട്ടുകാരുടെ നേതൃത്വത്തിൽ അനിലിനെ ഉടൻതന്നെ എടൂരിലെ സ്വകാര്യ ആശുപത്രിയിലും തുടർന്ന് ഇരിട്ടി താലൂക്ക് ആശുപത്രിയിലും പ്രവേശിപ്പിച്ചു.
Read Moreഅമ്മയുടെ കാമുകൻ മകളെ പീഡിപ്പിച്ചെന്ന കേസ്: പ്രഥദൃഷ്ട്യ തെളിവില്ല, പ്രതികളെ വെറുതെ വിട്ടു കോടതി
ചേര്ത്തല: കാമുകനും അമ്മയും ചേര്ന്ന് മകളെ പീഡിപ്പിച്ചെന്ന മാരാരിക്കുളം പോലീസ് രജിസ്റ്റര് ചെയ്ത കേസില് പ്രതികളെ വെറുതെ വിട്ട് ചേര്ത്തല ഫാസ്റ്റ് ട്രാക്ക് പ്രത്യേക അതിവേഗ കോടതി ഉത്തരവയി. 2020 ല് രജിസ്റ്റര് ചെയ്ത പോക്സോ കേസിലെ പ്രതികളായ അങ്കി എന്ന് വിളിക്കുന്ന പ്രതീഷ്, ത്രേസ്യ എന്നിവരെയാണ് വെറുതെ വിട്ടത്. കേസിലെ ഒന്നാം പ്രതി അതിജീവിതയെ പീഡിപ്പിച്ചെന്നായിരുന്നു കേസ്. അതിജീവിതയുടെ അമ്മ വിവരം ആരോടും പറയാതെ മറച്ചു വച്ചു എന്നുകാട്ടിയാണ് പോലീസ് അമ്മയെയും കേസില് രണ്ടാം പ്രതിയാക്കിയത്. കേസിലെ ഒന്നാം പ്രതിക്കെതിരെ അതിജീവിതയുടെ പരാതിയുടെ അടിസ്ഥാനത്തില് 2022 ല് മറ്റൊരു പോക്സോ കേസ് കൂടി മാരാരിക്കുളം പോലീസ് രജിസ്റ്റര് ചെയ്തിരുന്നു. ആ കേസിലും പ്രഥമദൃഷ്ട്യ തെളിവില്ലെന്ന് കണ്ടു കോടതി നേരത്തെതന്നെ പ്രതിക്കെതിരായ കുറ്റപത്രം നിലനില്ക്കുന്നതല്ലെന്ന് കണ്ടു തള്ളിയിരുന്നു.
Read Moreകൗൺസിലിംഗിനെത്തിയ വീട്ടമ്മയെ തെറ്റിദ്ധരിപ്പിച്ച് പീഡിപ്പിച്ചു; മധ്യവയസ്കൻ അറസ്റ്റിൽ
വൈക്കം: കൗണ്സിലിംഗിനായി എത്തിയ വീട്ടമ്മയെ പീഡിപ്പിച്ച കേസില് മധ്യവയസ്കനെ പോലീസ് അറസ്റ്റ് ചെയ്തു. വൈക്കം മടിയത്തറ ഭാഗത്ത് മാധവത്തില് ടി.എം. നന്ദനനെ (67)യാണു വൈക്കം പോലീസ് അറസ്റ്റ് ചെയ്തത്. വൈക്കത്ത് കൗണ്സലിംഗ് സ്ഥാപനം നടത്തിയിരുന്ന ഇയാള് കൗണ്സലിംഗിനായി എത്തിയ വീട്ടമ്മയെ കൗണ്സലിംഗിന്റെ ഭാഗമാണെന്നു പറഞ്ഞ് തെറ്റിദ്ധരിപ്പിച്ച് ഇവരെ ലൈംഗികമായി പീഡിപ്പിക്കുകയും ഇത് പുറത്തുപറയരുതെന്ന് പറഞ്ഞ് ഭീഷണിപ്പെടുത്തുകയുമായിരുന്നു. വീട്ടമ്മയുടെ പരാതിയെത്തുടര്ന്നു പോലീസ് കേസ് രജിസ്റ്റര് ചെയ്യുകയും തുടര്ന്ന് നടത്തിയ തെരച്ചിലില് ഇയാളെ പിടികൂടുകയുമായിരുന്നു. കോടതിയില് ഹാജരാക്കിയ ഇയാളെ റിമാന്ഡ് ചെയ്തു.
Read Moreമദ്യപിച്ചെത്തി ഭാര്യയെ ക്രൂരമായി മർദിച്ച് വധിക്കാൻ ശ്രമം; കൊല്ലം രതീഷ് പോലീസ് പിടിയിൽ
മാന്നാർ: മദ്യപിച്ചെത്തി ഭാര്യയെ ക്രൂരമായി മർദിച്ച് വധിക്കാന് ശ്രമിച്ച ഭര്ത്താവിനെ പോലീസ് പിടികൂടി. കൊല്ലം കുളത്തൂര് കരിക്കകം സന്തോഷ് ഭവനത്തില് ഷൈനുവിനെ (രതീഷ്-39) യാണ് മാന്നാര് പോലീസ് അറസ്റ്റു ചെയ്തത്. ഇയാളുടെ ഭാര്യയായ തൃപ്പെരുന്തുറ കൊറ്റോട്ടുകാവില് രാജിയെ ക്രൂരമായി മർദിച്ചതിനും കൊലപ്പെടുത്താൻ ശ്രമിച്ചതിനുമാണ് ഇയാള്ക്കെതിരേ കേസെടുത്തത്. മാവേലിക്കര എഫ്സിഐ ഗോഡൗണിലെ തൊഴിലാളിയായ ഇയാള് കാറില് മദ്യവുമായി വീട്ടിലെത്തിയത് രാജി ചോദ്യം ചെയ്തു. ഇതില് പ്രകോപിതനായി ഇയാള് രാജിയെ ക്രൂരമായി മര്ദിച്ചു. ബഹളം കേട്ട് പരിസരവാസികളും ബന്ധുമിത്രാദികളും എത്തിയപ്പോള് വെട്ടുകത്തിയുമായി ഇവര്ക്ക് നേരെ അടുത്തു. കൂടാതെ വെട്ടുകത്തി രാജിയുടെ കഴുത്തില്വെച്ച് കൊല്ലുമെന്ന് ഭീഷണിപ്പെടുത്തി. സംഭവം അറിഞ്ഞത്തിയ പൊലീസ് സംഘം ഇയാളെ കീഴ്പ്പെടുത്തി വെട്ടുകത്തിയും ഹുക്കും വീട്ടില് നിന്നും കണ്ടെടുത്തു. സ്ഥിരം മദ്യപാനിയായ ഇയാള്ക്കെതിരെ മുമ്പും പരാതി ലഭിച്ചിട്ടുണ്ടെന്നും പൊലീസ് പറഞ്ഞു. മാന്നാര് എസ് എച്ച് ഒ ജോസ് മാത്യു,…
Read Moreവ്യാജ പോക്സോ കേസ്; പണം നല്കി കേസ് ഒത്തുതീര്പ്പാക്കാൻ പറഞ്ഞ സിഐക്കെതിരേ പരാതി
കാസര്ഗോഡ്: വ്യാജ പോക്സോ കേസില് കുടുക്കി പണം തട്ടാന് ശ്രമിച്ച സംഘത്തെ ഹോസ്ദുര്ഗ് സിഐയും അഭിഭാഷകനും സഹായിച്ചതായി പരാതി. വിദേശത്തു ജോലിചെയ്യുന്ന കാഞ്ഞങ്ങാട് സ്വദേശിയായ യുവാവാണ് ഹോസ്ദുർഗ് സിഐ കെ.പി.ഷൈൻ ഉൾപ്പെടെയുള്ളവർക്കെതിരേ ജില്ലാ പോലീസ് മേധാവിക്കും ഐജിക്കും പരാതി നല്കിയത്. പരാതി നല്കിയതിനു പിന്നാലെ ഹോസ്ദുർഗ് പോലീസ് യുവാവിനെതിരേ പോക്സോ കേസ് രജിസ്റ്റർ ചെയ്യുകയും ചെയ്തു. കേസ് രജിസ്റ്റർ ചെയ്യാതെ പണം നല്കി ഒത്തുതീര്പ്പാക്കണമെന്ന് ഹോസ്ദുര്ഗ് സിഐ ആവശ്യപ്പെടുന്ന തരത്തിലുള്ള ഫോണ് സംഭാഷണത്തിന്റെ വോയ്സ് റിക്കാർഡ് യുവാവ് പുറത്തു വിട്ടു. കേസ് ഒത്തുതീര്പ്പാക്കാന് 15 ലക്ഷം രൂപ ചോദിച്ചെന്നാണ് വക്കീല് പറയുന്നതെന്ന് സിഐയുമായുള്ള ഫോണ് സംഭാഷണത്തില് പരാതിക്കാരന് പറയുന്നു. പിന്നീട് ഇത് 10 ലക്ഷമാക്കി കുറച്ചെന്നും പറയുന്നു. എന്നാൽ, പെൺകുട്ടിയുടെ മൊഴി രേഖപ്പെടുത്തി കേസ് രജിസ്റ്റർ ചെയ്താൽ നിങ്ങള്ക്ക് കൂടുതല് പ്രശ്നമുണ്ടാകുമെന്നും ലുക്കൗട്ട് നോട്ടീസ് ഇറക്കുമെന്നും വിദേശത്ത്…
Read Moreബസില് ഉച്ചത്തില് പാട്ടുവച്ചു; ചോദ്യംചെയ്ത യാത്രക്കാരനെ ക്രൂരമായി മർദിച്ച് ബസ് ജീവനക്കാർ
പയ്യന്നൂര്: ബസില് ഉച്ചത്തില് പാട്ടുവച്ചത് ചോദ്യം ചെയ്ത യാത്രക്കാരനെ മര്ദിച്ച സംഭവത്തില് ബസ് ജീവനക്കാരായ മൂന്നുപേര്ക്കെതിരേ പയ്യന്നൂര് പോലീസ് കേസെടുത്തു. കുഞ്ഞിമംഗലം കണ്ടംകുളങ്ങരയിലെ പി.വി. മധുവിന്റെ പരാതിയിലാണു സ്വകാര്യ ബസ് ജീവനക്കാരായ മൂന്നുപേര്ക്കെതിരേ പോലീസ് കേസെടുത്തത്. കഴിഞ്ഞമാസം 30ന് രാത്രി ഏഴരയോടെയാണ് ഏഴിലോടിനും എടാട്ട് കോളജ് സ്റ്റോപ്പിനുമിടയില് പരാതിക്കാസ്പദമായ സംഭവം. കണ്ണൂര്-പയ്യന്നൂര് റൂട്ടില് സര്വീസ് നടത്തുന്ന സ്വകാര്യ ബസില് ഉച്ചത്തില് പാട്ടുവച്ചതിനെ യാത്രക്കാരനായ പരാതിക്കാരന് ചോദ്യം ചെയ്തതിലുള്ള വിരോധത്തില് ബസ് ജീവനക്കാരായ മൂന്നുപേര് ചേര്ന്ന് ചീത്ത വിളിച്ചും കൈപിടിച്ച് തിരിച്ചും പരിക്കേല്പ്പിച്ചതായും ഇതിലൂടെ തനിക്ക് മാനഹാനിയും മരണഭയവുമുണ്ടാക്കിയെന്നുമാണു പരാതി.
Read Moreമുക്കുപണ്ടം ബാങ്കിൽ പണയം വച്ച് തട്ടിയത് ലക്ഷങ്ങൾ; പ്രതി എറണാകുളത്ത് പിടിയിൽ
പഴയങ്ങാടി: മുക്കുപണ്ടം ബാങ്കിൽ പണയം വച്ച് ലക്ഷങ്ങൾ തട്ടിയെടുത്ത് മുങ്ങിയ കേസിലെ പ്രതി എറണാകുളത്ത് പിടിയിൽ. ചന്തപ്പുര സുഹറാസിലെ മുഹമ്മദ് റിഫാസ് (37) നെയാണ് പിടികൂടിയത്. അന്വഷണ ഉദ്യേഗസ്ഥനായ സിഐ ഇ.എൻ.സന്തോഷ് കുമാറിന്റെ നിർദേശപ്രകാരം പഴയങ്ങാടി എസ്ഐ രൂപാ മധുസൂദനന്റെ നേതൃത്വത്തിലുള്ള സംഘമാണ് എറണാകുളത്തുനിന്ന് പിടികൂടിയത്. ഫെഡറൽ ബാങ്ക് പഴയങ്ങാടി ശാഖയിൽ മുക്കുപണ്ടം പണയംവെച്ച് 13,82,000 രൂപ തട്ടിയെടുത്തു എന്നാണ് കേസ്. ബാങ്ക് സീനിയർ മാനേജർ വി. ഹരിയുടെ പരാതിയിലാണ് കേസെടുത്തത്. 2022ൽ ഒക്ടോബർ 20 മുതൽ ഈ വർഷം ഫെബ്രുവരി ഒന്നുവരെയുള്ള കാലഘട്ടത്തിൽ പല ദിവസങ്ങളിലായി മുക്കുപണ്ടം പണയം വെച്ചായിരുന്നു തട്ടിപ്പ്. എട്ട് പ്രാവശ്യമാണ് പണയം വച്ചത്. 330.6(41.2പവൻ) ഗ്രാം സ്വർണമാണ് പണയം വച്ചതെന്ന് കണ്ടെത്തി യിട്ടുണ്ട്. ആദ്യം പണയം വെച്ച സ്വർണത്തിന്റെ കാലാവധി ഏപ്രിൽ മാസമായിരുന്നു. കാലാവധിയായിട്ടും സ്വർണം തിരിച്ചെടുക്കാത്തതിനെത്തുടർന്ന് ബാങ്ക് നോട്ടീസയച്ചെങ്കിലും പ്രതികരണമൊന്നുമുണ്ടായില്ല.…
Read Moreമലപ്പുറത്തെ കസ്റ്റഡി കൊലപാതകം; കേന്ദ്ര ഫോറൻസിക് ഉദ്യോഗസ്ഥർ പരിശോധന നടത്തും
മലപ്പുറം: പോലീസ് കസ്റ്റഡിയിലിരിക്കേ താമിർ ജിഫ്രി കൊല്ലപ്പെട്ട സംഭവത്തിൽ സിബിഐയുടെ അന്വേഷണം തുടരുന്നു. താമിർ ജിഫ്രി താമസിച്ചിരുന്ന ചേളാരി ആലുങ്ങലിലെ വാടകമുറിയിൽ എത്തി കേന്ദ്ര ഫോറൻസിക് ഉദ്യോഗസ്ഥർ ഇന്ന് പരിശോധന നടത്തും. കേസിലെ സാക്ഷികളായ ചേളാരി സ്വദേശി മൻസൂർ, തിരൂരങ്ങാടി സ്വദേശി കെ.ടി. മുഹമ്മദ് എന്നിവരുടെ സാന്നിധ്യത്തിലാകും പരിശോധന. ഇന്ന് ഉച്ചയ്ക്കുശേഷം താനൂർ ദേവധാർ പാലത്തിനു താഴെ എത്തിയും ഫോറൻസിക് സംഘം ശാസ്ത്രീയ വിവരശേഖരണം നടത്തും. കേന്ദ്ര ഫോറൻസിക് സയൻസ് ലബോറട്ടറിയിലെ ഹൈദരാബാദിൽനിന്നുള്ള മൂന്നംഗസംഘമാണ് പരിശോധന നടത്തുന്നത്. ഓഗസ്റ്റ് ഒന്നിന് പുലര്ച്ചെയാണ് പോലീസ് കസ്റ്റഡിയിലിരിക്കേ താമിര് ജിഫ്രി കൊല്ലപ്പെട്ടത്. മയക്കുമുരന്ന് കേസിലാണ് ഇയാളെ പോലീസ് കസ്റ്റഡിയിലെടുത്തത്. താമിര് ജിഫ്രിക്ക് മര്ദന മേറ്റതായി പോസ്റ്റ് മോര്ട്ടം റിപ്പോര്ട്ടില് വ്യക്തമായതോടെ ബന്ധുക്കളാണ് പരാതി നല്കിയത്.
Read Moreഅനധികൃതമായി വാടക പിരിച്ച ജീവനക്കാരനെ സസ്പെൻഡ് ചെയ്തു
ചാത്തന്നൂർ: കെഎസ്ആർ ടി സി യുടെ മൂവാറ്റുപുഴ ഡിപ്പോയിലെ സ്റ്റാളുകളിൽ നിന്നും അനധികൃതമായി വാടകത്തുക പിരിച്ചെടുത്ത ജീവനക്കാരനെ അന്വേഷണ വിധേയമായി സസ്പെന്ഡ് ചെയ്തു. ഇപ്പോൾ പെരുമ്പാവൂർ ഡിപ്പോയിൽ ജോലി ചെയ്തുകൊണ്ടിരിക്കുന്ന ക്ലാർക്ക് സജിത് എസ്. കുമാറിനെതിരെയാണ് അച്ചടക്ക നടപടി. സജിത് എസ് കുമാർ എറണാകുളം ജില്ലാ ഓഫിസിൽ ജോലി ചെയ്തു കൊണ്ടിരിക്കുമ്പോഴാണ് മൂവാറ്റുപുഴ ഡിപ്പോയിലെത്തി കടമുറി വാടക പിരിച്ചത്. കഴിഞ്ഞ സെപ്റ്റംബർ, ഒക്ടോബർ, നവംബർ മാസങ്ങളിലെ വാടക സ്റ്റാൾ ഉടമകളിൽ നിന്നും പിരിച്ചെടുക്കുകയും സ്വന്തം കൈപ്പടയിലെഴുതിയ രസീത് നല്കുകയും ചെയ്തു. സജിത് എസ് കുമാറിന്റെ ചുമതലയിൽപ്പെട്ടതോ അധികാര പരിധിയിലുള്ളതോ ആയിരുന്നില്ല മൂവാറ്റുപുഴ ഡിപ്പോ. മറ്റൊരു ഡിപ്പോയിലേക്കുള്ള അനധികൃത കടന്നുകയറ്റമായിരുന്നു ഇത്. ഇത് സംബന്ധിച്ച് സിഎംഡിയ്ക്ക് ലഭിച്ച പരാതിയെ തുടർന്നാണ് വിജിലൻസ് അന്വേഷണം ഉണ്ടായത്. കുറ്റക്കാരനാണെന്ന് വിജിലൻസ് കണ്ടെത്തിയതിനെ തുടർന്നാണ് നടപടി എടുത്തത്.
Read More