കൊച്ചി: ബോധപൂര്വം സിനിമയെ മോശമായി നിരൂപണം ചെയ്ത് (സിനിമ റിവ്യൂ ബോംബിംഗ്) തകര്ക്കാന് ശ്രമിച്ചുവെന്ന പരാതിയില് കേസിലെ മുഖ്യപ്രതി സിനിമാ പ്രമോഷന് കമ്പനിയായ സ്നേക് പ്ലാന്റ് ഉടമ ഹൈന്സിന്റെ മൊഴി എറണാകുളം സെന്ട്രല് പോലീസ് രേഖപ്പെടുത്തി. വരും ദിവസങ്ങളില് സാക്ഷികളുടെ മൊഴിയെടുക്കും. ചോദ്യം ചെയ്യലിന് ഹാജരാകണമെന്നു കാണിച്ച് സാക്ഷികള്ക്ക് പോലീസ് നോട്ടീസ് അയച്ചിട്ടുണ്ട്. സൈബര് സെല്ലിന്റെ സഹായത്തോടെ മറ്റു പ്രതികളുടെ വിവരങ്ങള് ശേഖരിച്ചു വരുകയാണെന്ന് എറണാകുളം സെന്ട്രല് പോലീസ് ഇന്സ്പെക്ടര് അനീഷ് ജോയി പറഞ്ഞു. തുടര്ന്ന് ചോദ്യം ചെയ്യലിന് ഹാജരാകാനായി ഇവര്ക്ക് നോട്ടീസ് നല്കും. റാഫേല് മകന് കോര എന്ന ചിത്രത്തിന്റെ സംവിധായകന് ഉബൈനി ഇബ്രാഹിമിന്റെ പരാതിയില് എറണാകുളം സെന്ട്രല് പോലീസാണ് സംസ്ഥാനത്തെ ആദ്യ സിനിമ റിവ്യൂ ബോംബിംഗ് കേസ് എടുത്തത്.
Read MoreCategory: Edition News
വിദ്യാര്ഥിയെ മര്ദിച്ച സംഭവം: പാലായിൽ 2 പോലീസുകാർക്കെതിരേ കേസെടുത്തു
കോട്ടയം: പ്രായപൂര്ത്തിയാകാത്ത വിദ്യാര്ഥിയെ മര്ദിച്ച സംഭവത്തിൽ രണ്ട് പോലീസുകാർക്കെതിരേ കേസെടുത്തു. പാലാ പോലീസ് സ്റ്റേഷനിലെ പ്രേംസൺ, ബിജു എന്നിവർക്കെതിരെയാണ് കേസ്. ഇവർക്കെതിരെയുള്ള ആഭ്യന്തര അന്വേഷണത്തിന്റെ റിപ്പോർട്ട് പാലാ ഡിവൈഎസ്പി കോട്ടയം എസ്പിക്ക് സമർപ്പിച്ചിട്ടുണ്ട്. ഇരുവർക്കുമെതിരേ വകുപ്പുതല നടപടി ഉണ്ടായേക്കുമെന്നാണ് വിവരം. ലൈസൻസില്ലാതെ വാഹനമോടിച്ചതിന് അങ്കമാലി സ്വദേശിയായ വിദ്യാർഥിയെ കസ്റ്റഡിയിലെടുത്ത ശേഷം മർദിച്ചെന്നാണ് പരാതി. പെരുമ്പാവൂര് സ്വദേശി പാര്ഥിപന് (17) ആണ് മര്ദനമേറ്റത്. ഞായറാഴ്ച രാവിലെയായിരുന്നു സംഭവം. ഇരുചക്രവാഹനത്തില് സഞ്ചരിച്ച തന്നെ തടഞ്ഞ് നിര്ത്തിയശേഷം സ്റ്റേഷനില് എത്തിച്ച് രണ്ട് പോലീസുകാര് കുനിച്ചുനിര്ത്തി മര്ദിക്കുകയായിരുന്നുവെന്ന് പാര്ഥിപന് പറഞ്ഞു. സിസിടിവി ഇല്ലാത്ത സ്ഥലങ്ങളിൽവച്ചായിരുന്നു മർദനം. ഇത് ആരോടെങ്കിലും പറഞ്ഞാല് കള്ളക്കേസില് കുടുക്കുമെന്ന് ഭീഷണിപ്പെടുത്തിയെന്നും ആരോപണമുണ്ട്. നിലവില് വിദ്യാര്ഥി ആശുപത്രിയില് ചികിത്സയിലാണ്.
Read Moreആലുവയിലെ അഞ്ചുവയസുകാരിയുടെ കൊലപാതകം; പോക്സോ കോടതി നാളെ വിധി പറയും
കൊച്ചി: ആലുവയില് അഞ്ചു വയസുകാരിയെ തട്ടിക്കൊണ്ടുപോയി പീഡിപ്പിച്ചു കൊലപ്പെടുത്തിയ കേസില് പോക്സോ കോടതി നാളെ വിധി പറയും. ബീഹാര് സ്വദേശി അസ്ഫാക് ആലമാണ് കേസിലെ പ്രതി. തുടര്ച്ചയായി 26 ദിവസം നീണ്ട വിചാരണക്കൊടുവിലാണ് വിധിപ്രസ്താവം. പെണ്കുട്ടി കൊല്ലപ്പെട്ട് മൂന്ന് മാസം പൂര്ത്തിയാകുമ്പോഴാണ് അതിവേഗം നടപടികള് പൂര്ത്തിയാക്കി കോടതി വിധി പ്രസ്താവിക്കുന്നത്. 26 ദിവസം നീണ്ടുനിന്ന വിചാരണയില് പെണ്കുട്ടിയുടെ അച്ഛനെയും അമ്മയെയും ഉള്പ്പെടെ 44 സാക്ഷികളെ വിസ്തരിച്ചു. സിസിടിവി ദൃശ്യങ്ങള് ഉള്പ്പെടെയുള്ള തെളിവുകളാണ് പ്രോസിക്യൂഷന് ഹാജരാക്കിയത്. പ്രതി അസ്ഫാഖ് ആലം സ്ഥിരം കുറ്റവാളിയാണെന്ന് തെളിയിക്കുന്ന രേഖകളും അന്വേഷണ സംഘം കൈമാറിയിരുന്നു. പെണ്കുട്ടിയെ തട്ടിക്കൊണ്ടു പോവുക, ക്രൂരമായി ബലാത്സംഗം ചെയ്യുക, കൊലപ്പെടുത്തുക എന്നീ കുറ്റങ്ങളാണ് പ്രതിക്കെതിരേ ചുമത്തിയിരുന്നത്. ഇയാള് ബിഹാര് സ്വദേശി ആയതിനാല് ദ്വിഭാഷിയുടെ സഹായത്തോടെയായിരുന്നു വിസ്താരം. ജൂലൈ 28 നാണ് ജ്യൂസ് വാങ്ങിനല്കാമെന്ന് പറഞ്ഞ് പെണ്കുട്ടിയുമായി അസ്ഫാഖ് ആലം…
Read Moreമദ്യ ലഹരിയിൽ വാക്കുതർക്കം; മുണ്ടയാംപറമ്പ് സ്വദേശിക്ക് വെട്ടേറ്റു
ഇരിട്ടി: മദ്യലഹരിയിൽ നടന്ന വാക്കുതർക്കത്തിനിടെ ആദിവാസിയായ ഒരാൾക്ക് വെട്ടേറ്റു. മുണ്ടയാംപറമ്പ് കോളനിയിലെ ബാലൻ (52 ) ആണ് വെട്ടേറ്റത്. കോളനിക്ക് വെളിയിൽ താമസിക്കുന്ന ലക്ഷ്മണൻ എന്നയാൾക്കെതിരേ ബാലൻ കരിക്കോട്ടകരി പോലീസ് സ്റ്റേഷനിൽ പരാതി നൽകി. 30 ന് രാത്രി 8. 30 ഓടെയാണ് സംഭവം. മദ്യലഹരിയിൽ ആയിരുന്ന ഇരുവരും ശബരിമലയ്ക്ക് പോകാൻ മാലയിട്ടിരുന്നു. പ്രതി ലക്ഷ്മണൻ മദ്യപിച്ചത് ബാലൻ ചോദ്യം ചെയ്തതാണ് അക്രമത്തിലേക്ക് നയിച്ചതെന്ന് എഫ് ഐആറിൽ പറയുന്നു. പ്രതി വാക്കത്തികൊണ്ട് വെട്ടി പരിക്കേൽപ്പിക്കുകയായിരുന്നു. തലയ്ക്കും കൈയ്ക്കും ചെവിക്കും ഗുരുതരമായി പരിക്കേറ്റ ബാലനെ ആശുപത്രിയിൽ പ്രവേശിപ്പിച്ചു. ബാലന്റെ പരാതി പ്രകാരം ലക്ഷ്മണനെതിരേ ജാമ്യമില്ലാ വകുപ്പുകൾ ചുമത്തി കരിക്കോട്ടക്കരി പോലീസ് കേസെടുത്തു.
Read Moreജീൻസിലെ ബട്ടണും, ഹെയർപിന്നും എല്ലാം സ്വർണം; കൊച്ചി അന്താരാഷ്ട്ര വിമാനത്താവളത്തിൽ 51 ലക്ഷത്തിന്റെ സ്വർണം പിടികൂടി
നെടുമ്പാശേരി: കൊച്ചി അന്താരാഷ്ട്ര വിമാനതാവളത്തിൽ മൂന്ന് യാത്രക്കാരിൽ നിന്നായി 51 ,16 ,935 രൂപയുടെ സ്വർണ എയർ കസ്റ്റംസ് ഇൻന്റലിജൻസ് വിഭാഗം പിടികൂടി. ദുബായിൽനിന്നും വന്ന കോഴിക്കോട് സ്വദേശി സഖറിയയിൽ നിന്നാണ് 11,63,981 രൂപ വിലയുള്ള 216 ഗ്രാം സ്വർണം പിടിച്ചത്. ഇയാൾ ധരിച്ചിരുന്ന ജീൻസിന്റെ അകത്ത് അഞ്ച് സ്വർണ്ണ ബട്ടണുകൾ തുന്നിപിടിപ്പിച്ചിരുന്നു. ഒരു മോതിരവും ഒരു ഹെയർ ക്ലിപ്പും ഈ യാത്രക്കാരനിൽ നിന്നും കണ്ടെടുത്തു. ഷാർജയിൽനിന്നും വന്ന ചേർപ്പുളളശ്ശേരി സ്വദേശി ഇസ്മായിലിൽ നിന്നാണ് 232.95 ഗ്രാം തൂക്കമുള്ള സ്വർണം പിടിച്ചത്. ഇതിന് 12,55,321 രൂപ വില വരും. ഒരു മാലയും മൂന്ന് മോതിരവുമാണ് ഇയാളിൽ നിന്ന് പിടിച്ചത്. ബാങ്കോഗിൽ നിന്ന് വന്ന കോഴിക്കോട് സ്വദേശി ഹിസ്മാൻ മാർഷാദിൽ നിന്നാണ് 500.6 ഗ്രാം സ്വർണാഭരണങ്ങൾ പിടിച്ചത്. സോക്സിൽ ഒളിപ്പിച്ചിരുന്ന രണ്ട് മാലയും രണ്ട് വളയുമാണ് ഇയാളിൽ നിന്ന്…
Read Moreതളിപ്പറമ്പിൽ എംഡിഎംഎയുമായി യുവാവ് അറസ്റ്റിൽ
തളിപ്പറമ്പ്: മാരക ലഹരിമരുന്നായ എംഡിഎംഎയുമായി യുവാവ് അറസ്റ്റില്. തളിപ്പറമ്പ് കാക്കത്തോടിലെ സി.കെ.ഹാഷിം (27) നെയാണ് എക്സൈസ് റെയ്ഞ്ച് ഓഫീസിലെ എക്സൈസ് ഇന്സ്പെക്ടര് വി.വിപിന് കുമാറും സംഘവും അറസ്റ്റ് ചെയ്തത്. ഇയാളുടെ പക്കൽ നിന്നും 0.698 ഗ്രാം എംഡിഎംഎ കണ്ടെടുത്തു. തളിപ്പറമ്പ് ടൗണിലും പരിസരപ്രദേശങ്ങളിലും മയക്കുമരുന്നുകള് വിതരണം ചെയ്യുന്ന സംഘത്തിലെ പ്രധാനിയാണ് അറസ്റ്റിലായ ഹാഷിമെന്ന് എക്സൈസ് പറഞ്ഞു. നിരവധി മയക്കുമരുന്ന് കേസുകളില് പ്രതിയായ ഹാഷിം രണ്ടാഴ്ച്ച മുമ്പേയാണ് ജയിലില് നിന്നും പുറത്തിറങ്ങിയത്. ഇയാളുടെ പേരില് എന്ഡിപിഎസ് വകുപ്പ് 22(ബി) പ്രകാരം കേസെടുത്തു. തളിപ്പറമ്പ് കോടതി മുമ്പാകെ ഹാജരാക്കിയ പ്രതിയെ റിമാന്ഡ് ചെയ്തു. പ്രവന്റീവ് ഓഫീസര്മാരായ കെ.കെ.രാജേന്ദ്രന്, പി.കെ.രാജീവന്, സിവില് എക്സൈസ് ഓഫീസര്മാരായ ഉല്ലാസ് ജോസ്, വി.ധനേഷ്, ടി.വി.വിജിത്ത്, റെനില് കൃഷ്ണന്, വനിതാ സിവില് എക്സൈസ് ഓഫീസര് സി.നിത്യ എക്സൈസ് ഡ്രൈവര് സി.വി.അനില്കുമാര് എന്നിവരും പ്രതിയെ പിടികൂടിയ സംഘത്തില് ഉണ്ടായിരുന്നു.
Read Moreകളമശേരി ബോംബ് സ്ഫോടനക്കേസ്; ഡൊമിനിക് മാര്ട്ടിന്റെ അക്കൗണ്ടുകളിലേക്ക് വിദേശപണം എത്തിയിട്ടുണ്ടോയെന്ന് അന്വേഷണം
കൊച്ചി: മൂന്നു പേരുടെ മരണത്തിന് ഇടയാക്കിയ കളമശേരി ബോംബ് സ്ഫോടനക്കേസില് പ്രതി ഡൊമിനിക് മാര്ട്ടിന്റെ അക്കൗണ്ടിലേക്ക് വിദേശ പണം എത്തിയിട്ടുണ്ടോയെന്ന് അറിയാന് അന്വേഷണ സംഘം പരിശോധന തുടങ്ങി. ഏറെക്കാലും ദുബായില് ഉണ്ടായിരുന്ന ഡൊമിനിക് മാര്ട്ടിന് മറ്റെതെങ്കിലും രാജ്യത്തുള്ളവരുമായി സാമ്പത്തിക ഇടപാടുകള് നടത്തിയിട്ടുണ്ടോയെന്നതടക്കമുള്ള കാര്യങ്ങളാണ് പരിശോധിക്കുന്നത്. ബോംബ് സ്ഫോടനത്തില് മറ്റാരുടെയും സഹായം ലഭിച്ചിട്ടില്ലെന്ന് പ്രതി ആവര്ത്തിച്ചു പറയുന്നുണ്ടെങ്കിലും അന്വേഷണ സംഘം ഇത് മുഖവിലയ്ക്ക് എടുത്തിട്ടില്ല. പ്രതിക്ക് മറ്റാരുടെയെങ്കിലും സഹായം ലഭിച്ചിട്ടുണ്ടോയെന്ന് കണ്ടെത്തുന്നതിനുള്ള അന്വേഷണം പുരോഗമിക്കുകയാണ്. ദുബായില് ഡൊമിനിക് ജോലി ചെയ്ത സ്ഥാപനത്തില് നിന്നുള്ള വിവരങ്ങള് പോലീസ് സംഘം ശേഖരിച്ചിട്ടുണ്ട്. ഇതില് നിന്നെല്ലാം നിര്ണായക വിവരങ്ങള് ലഭിച്ചുവെന്നാണ് സൂചന. സ്ഫോടനത്തിന്റെ വീഡിയോ ചിത്രീകരിച്ച മാര്ട്ടിന്റെ മൊബൈല് ഫോണിന്റെ ഫോറന്സിക് പരിശോധന പുരോഗമിക്കുകയാണ്. തിരിച്ചറിയല് പരേഡിനുള്ള അപേക്ഷ ഇന്ന് കോടതിയില് പ്രതി ഡൊമിനിക് മാര്ട്ടിന്റെ തിരിച്ചറിയല് പരേഡിനുള്ള അന്വേഷണസംഘത്തിന്റെ അപേക്ഷ കോടതി…
Read Moreകണ്ണൂർ സെൻട്രൽ ജയിലിലേക്ക് ഒളിപ്പിച്ചുകടത്താൻ ശ്രമിച്ച കഞ്ചാവും ബീഡിയും പിടികൂടി
കണ്ണൂർ: കണ്ണൂർ സെൻട്രൽ ജയിൽ തടവുകാരനിൽനിന്നു മലദ്വാരത്തിൽ ഒളിപ്പിച്ചുകടത്താൻ ശ്രമിച്ച ബീഡിയും കഞ്ചാവും പിടികൂടി. കണ്ണൂർ സിറ്റി സ്വദേശി കാരാട്ട് നൗഷാദ് (40) എന്നയാളുടെ പക്കൽ നിന്നാണ് 40 ബീഡിയും 25.36 ഗ്രാം കഞ്ചാവും പിടികൂടിയത്. എസ്കോടിനുശേഷം ജയിലിലേക്ക് കൊണ്ടുവന്ന നൗഷാദിനെ ജയിൽ ഗേറ്റിൽ വച്ച് ദേഹപരിശോധന നടത്തിയപ്പോൾ അസ്വാഭാവികത കണ്ടതിനെത്തുടർന്ന് ജില്ലാ ആശുപത്രിയിൽ പ്രവേശിപ്പിക്കുകയായിരുന്നു. തുടർന്ന് ഡോക്ടർമാർ നടത്തിയ വിശദമായ പരിശോധനയിലാണ് മലദ്വാരത്തിൽ ഒളിപ്പിച്ച നിലയിൽ ബീഡിയും കഞ്ചാവും കണ്ടെടുത്തത്. കഞ്ചാവ് വിതരണം ചെയ്യുന്നതിനായി ഉപയോഗിക്കുന്ന അഞ്ച് കവറുകളും കണ്ടെടുത്തു. ഒരു പ്ലാസ്റ്റിക് കവറിനുള്ളിൽ രണ്ട് കറുത്ത കവറുകളിലായാണ് കഞ്ചാവും ബീഡിയും ഉണ്ടായിരുന്നത്. ജയിൽ സൂപ്രണ്ടന്റിന്റെ പരാതിയിൽ കണ്ണൂർ ടൗൺ പോലീസ് കേസെടുത്ത് അന്വേഷണം ആരംഭിച്ചു. ഇതിന് മുൻപും ഇയാൾ ഇതുപോലെ നിരോധിത പുകയില ഉത്പന്നങ്ങൾ ജയിലിനകത്തേക്ക് കയറ്റിയിട്ടുണ്ടോയെന്നും ഇയാളുടെ സഹായികളെ കുറിച്ചും പോലീസ് അന്വേഷിക്കുന്നുണ്ട്.…
Read Moreദേവസ്വം ബോര്ഡ് അനുവദിച്ചാല് നിലയ്ക്കലില് അയ്യപ്പസേവാസംഘം അന്നദാനം നടത്തും
പത്തനംതിട്ട: ശബരിമലയിലും പമ്പയിലും അന്നദാനം നടത്തുന്നതിന് വിലക്കുവന്ന സ്ഥിതിക്ക് നിലയ്ക്കലില് ഭക്തര്ക്കായി അന്നദാനം ഒരുക്കുന്നതിന് അയ്യപ്പസേവാസംഘം തയാറാണെന്ന് സംഘടനയുടെ ജനറല് സെക്രട്ടറി ഡി. വിജയകുമാര്. ശബരിമല മണ്ഡലകാലത്തിന് മുന്നോടിയായി പ്രസ് ക്ലബ്ബിന്റെ ആഭിമുഖ്യത്തില് നടത്തിവരുന്ന “ശബരിമല സുഖദര്ശനം’ സംവാദ പരിപാടിയില് പങ്കെടുത്ത് സംസാരിക്കുകയായിരുന്നു അദ്ദേഹം. 2018-ലെ പ്രളയത്തിനു ശേഷമാണ് നിലയ്ക്കലിനെ ബേസ് ക്യാമ്പായി പ്രഖ്യാപിച്ചത്. പക്ഷേ, നിലവില് അവിടെ യാതൊരു അടിസ്ഥാന സൗകര്യവുമില്ല. നിലയ്ക്കലില് എത്തുന്ന ഭക്തര്ക്ക് മഴയും വെയിലും കൊള്ളാതെ നില്ക്കാന് പോലും സൗകര്യമില്ല. ഇടത്താവളമായ പമ്പയിലും ശബരിമലയിലും അന്നദാനം ഒരുക്കുന്ന ദേവസ്വം ബോര്ഡ് യഥാര്ഥത്തില് നിലയ്ക്കലിലും അന്നദാനത്തിന് സൗകര്യം ഒരുക്കുകയാണ് വേണ്ടതെന്നും വിജയകുമാർ പറഞ്ഞു.ശബരിമല തീർഥാടനവുമായി ബന്ധപ്പെട്ട് വകുപ്പുകളുടെ ഏകോപനത്തിന് നിയമനിർമാണം നടത്തണം. മുപ്പത് വകുപ്പുകളുടെ ഏകോപനം ശബരിമല തീര്ഥാടനത്തിന് ആവശ്യമാണ്. എന്നാല് ഒരിക്കലും പ്രാവര്ത്തികമാകുന്നില്ല. അതിനാല് മുന്നൊരുക്കങ്ങള് കാര്യക്ഷമമാകാറില്ല. ഹൈക്കോടതിയുടെ ഇടപെടല് മാത്രമാണ്…
Read Moreജയിംസ് കെ.സി. മണിമലയുടെ ജന്മശതാബ്ദി ആഘോഷിച്ചു
മണിമല: വിവിധമേഖലകളിൽ വ്യക്തിമുദ്ര പതിപ്പിച്ച കഴിഞ്ഞതലമുറയിലെ എഴുത്തുകാരിൽ സഭാസ്നേഹിയും സർഗധനനുമായ എഴുത്തുകാരനായിരുന്നു ജയിംസ് കെ.സി. മണിമലയെന്ന് ചങ്ങനേശേരി ആർച്ച് ബിഷപ് മാർ ജോസഫ് പെരുന്തോട്ടം. അദ്ദേഹത്തിന്റെ നോവലുകളും കഥകളും നാടകങ്ങളും ഏറെ ജനശ്രദ്ധ പിടിച്ചുപറ്റിയെന്നും മാർ പെരുന്തോട്ടം പറഞ്ഞു. മണിമല വള്ളംചിറ സെന്റ് മേരീസ് പാരീഷ് ഹാളിൽ ചേർന്ന ജയിംസ് കെ.സി. മണിമലയുടെ ജന്മശതാബ്ദി സമ്മേളനത്തിൽ അനുഗ്രഹപ്രഭാഷണം നിർവഹിക്കുകയായിരുന്നു അദ്ദേഹം. ആശയഭംഗിയുള്ള ഭക്തിഗാനങ്ങൾ ജയിംസ് രചിച്ചു. ഇക്കാലത്തെ ശ്രവണസുഖം മാത്രം ലക്ഷ്യമിട്ടായിരുന്നില്ല ആ ഗാനങ്ങൾ. എല്ലാക്കാലത്തും പ്രസക്തങ്ങളായ ആലോചനാമൃതഗീതങ്ങളായിരുന്നു അദ്ദേഹത്തിന്റെ രചനകൾ. അധ്യാപകൻ, പത്രപ്രവർത്തകൻ, ചങ്ങനാശേരി അതിരൂപതയിലെ പാസ്റ്ററൽ കൗൺസിൽ അംഗം എന്നീ നിലകളിലുള്ള ജയിംസിന്റെ സേവനങ്ങളെയും ആർച്ച് ബിഷപ് അനുസ്മരിച്ചു. അഡ്വ. ജോബ് മൈക്കിൾ എംഎൽഎ ജന്മശതാബ്ദി സമ്മേളനം ഉദ്ഘാടനം ചെയ്തു. മലയാളത്തിൽ വായനയുടെ വസന്തം സൃഷ്ടിക്കുന്നതിൽ ജയിംസ് കെ.സിയുടെ കൃതികൾ നിമിത്തങ്ങളായി എന്നദ്ദേഹം അഭിപ്രായപ്പെട്ടു.…
Read More