കോഴിക്കോട്: തുടർച്ചയായി ജോലി ചെയ്യുന്ന വനംവകുപ്പിലെ വനസംരക്ഷണ വിഭാഗം ജീവനക്കാർക്കു ജോലിക്ക് ആനുപാതികമായി ഇനി മുതൽ വിശ്രമിക്കാം. ജീവനക്കാരുടെ സംഘടനകളുടെ നിരന്തരമായ ആവശ്യത്തെ തുടർന്നാണ് സർക്കാർ ഈ വിഷയത്തിൽ തീരുമാനമെടുത്തത്. 24 മണിക്കൂറും ഫോറസ്റ്റ് സ്റ്റേഷൻ/സെക്ഷൻ ആസ്ഥാനത്ത് താമസിച്ചുകൊണ്ട് തുടർച്ചയായി ആറുദിവസം വരെ ജോലി നോക്കുന്ന വനസംരക്ഷണ വിഭാഗം ജീവനക്കാർക്കാണ് തൊട്ടടുത്ത മൂന്നു ദിവസം അവധി ലഭിക്കുക. ആറുമാസത്തേക്ക് പരീക്ഷണാടിസ്ഥാനത്തിലാണു നടപടി.അതിനു ശേഷം നേട്ടങ്ങളും കോട്ടങ്ങളും അവലോകനം ചെയ്ത് തുടർ നടപടി സ്വീകരിക്കും. വനംവകുപ്പിലെ പ്രത്യേക സാഹചര്യത്തിൽ നിലവിൽ ജീവനക്കാർക്കു മതിയായ വിശ്രമം ലഭിക്കുന്നില്ല. കുടുംബപരവും വ്യക്തിപരവുമായ ആവശ്യങ്ങൾ നിറവേറ്റാൻ കഴിയുന്നില്ലെന്ന് ജീവനക്കാരുടെ സംഘടനാ പ്രതിനിധികൾ വനംവകുപ്പ് മേധാവിയെ നേരിൽക്കണ്ടു ധരിപ്പിക്കുകയും ചെയ്തിരുന്നു.
Read MoreCategory: Edition News
രഹസ്യ സന്ദേശമെത്തി; രണ്ടു കോടിയുടെ ഹവാല പണം പിടിച്ചെടുത്ത് പോലീസ്; കൂടുതല് പേര് കസ്റ്റഡിയിലെന്ന് സൂചന
പെരുമ്പാവൂര്: കാറില് കടത്തുകയായിരുന്ന രണ്ട് കോടിയോളം രൂപയുടെ ഹവാല പണവുമായി ബന്ധപ്പെട്ട് രണ്ടുപേര് പിടിയിലായ കേസില് കൂടുതല് പേര് പോലീസ് വലയിലായതായി സൂചന. കേസുമായി ബന്ധപ്പെട്ട് ആവോലി വാഴക്കുളം വെളിയത്ത് കുന്നേല് അമല് മോഹന് (29), കല്ലൂര്ക്കാട് തഴുവാംകുന്ന് കാരികുളത്തില് അഖില് കെ. സജീവ് എന്നിവരാണ് പിടിയിലായത്. ഇവരെ ചോദ്യം ചെയ്തതില്നിന്നാണ് മറ്റുള്ളവരിലേക്ക് എത്തിയതെന്നാണ് വിവരം. ഇതിന്റെ അടിസ്ഥാനത്തിലാണ് ഏതാനുംപേരെ പെരുമ്പാവൂര് പോലീസ് കസ്റ്റഡിയില് എടുത്തിരിക്കുന്നത്. ജില്ലാ പോലീസ് മേധാവി വിവേക് കുമാറിന് ലഭിച്ച രഹസ്യ വിവരത്തിന്റെ അടിസ്ഥാനത്തില് എറണാകുളം റൂറല് ഡിസ്ട്രിക്റ്റ് ആന്റി നര്ക്കോട്ടിക്ക് സ്പെഷല് ആക്ഷന് ഫോഴ്സും പെരുമ്പാവൂര് പോലീസും ചേര്ന്നാണ് ഇരുവരെയും പിടികൂടിയത്. കാറില്നിന്നു രണ്ടര പവന് സ്വര്ണം കണ്ടെടുത്തിരുന്നുവെന്ന് പോലീസ് പറയുന്നുണ്ടെങ്കിലും അതിലും കൂടുതല് ഉണ്ടാകുമെന്നാണ് പ്രതികളെ കസ്റ്റഡിയിലെടുക്കുമ്പോള് ഉണ്ടായിരുന്ന നാട്ടുകാര് പറയുന്നത്. ഹവാല ഇടാപാടുമായുള്ള പ്രമുഖരെ കേന്ദ്രീകരിച്ചാണ് ഇപ്പോള് അന്വേഷണം…
Read Moreകേരള കലാമണ്ഡലം പുതിയ വൈസ് ചാൻസലർ ഡോ.ബി.അനന്തകൃഷ്ണൻ നിയമിതനായി
കേരള കലാമണ്ഡലം പുതിയ വിസി ആയി ഡോ. ബി. അനന്തകൃഷ്ണൻ നിയമിതനായി. അഞ്ചുവർഷമാണ് വിസി നിയമന കാലാവധി. ഹൈദരാബാദ് സർവകലാശാലയിലെ സരോജിനി നായിഡു സ്കൂൾ ഓഫ് ആർട്സ് ആൻഡ് കമ്മ്യൂണിക്കേഷന്റെ മേധാവിയാണ് അനന്തകൃഷ്ണൻ. കഴിഞ്ഞ വർഷത്തെ ഇൻഫോക്കിന്റെ ക്യൂറേറ്റർ കൂടിയാണ് അനന്തകൃഷ്ണൻ. സെർച്ച് കമ്മിറ്റിയുടെ ശുപാർശ അംഗീകരിച്ച് ചാൻസിലർ മല്ലികാ സാരാഭായ് ആണ് അനന്ത കൃഷ്ണനെ നിയമിച്ചത്. രണ്ടുമാസം മുൻപാണ് ഡോ.ജെ. പ്രസാദ്, ഡോ. കെ.ജി പൗലോസ്, ഭരണസമിതി അംഗം ടി.കെ വാസു എന്നിവരുൾപ്പെട്ട സെർച്ച് കമ്മിറ്റിയെ ചാൻസിലർ മല്ലികാ സാരാഭായ് നിയമിച്ചത്. കഴിഞ്ഞ ഒന്നര വർഷമായി കാലടി സർവകലാശാല വിസിക്കായിരുന്നു കേരള കലാമണ്ഡലത്തിന്റെ ചുമതല.
Read Moreഐലൻഡിന്റെ മൂന്ന് സ്റ്റോപ്പുകൾ റദ്ദാക്കുന്നു; എട്ട് ട്രെയിനുകൾക്ക് സമയമാറ്റം
എസ്.ആർ. സുധീർ കുമാർകൊല്ലം: ബംഗളൂരു-കന്യാകുമാരി ഐലൻഡ് എക്സ്പ്രസിന്റെ മൂന്ന് സ്റ്റോപ്പുകൾ നിർത്തലാക്കാൻ റെയിൽവേ ബോർഡ് തീരുമാനം. ധനുവച്ചപുരം, കുഴിത്തുറ വെസ്റ്റ്, പള്ളിയാടി എന്നീ സ്റ്റേഷനുകളിലെ സ്റ്റോപ്പുകളാണ് ഒഴിവാക്കുന്നത്. ഇതുസംബന്ധിച്ച് റെയിൽവേ ബോർഡിന്റെ ഉത്തരവ് കഴിഞ്ഞ ദിവസം പുറത്തിറങ്ങി. 2024 ജനുവരി ഒന്നു മുതൽ ഇത് പ്രാബല്യത്തിൽ വരും. സ്റ്റോപ്പുകൾ റദ്ദ് ചെയ്യുന്നതിന്റെ കാരണം ഉത്തരവിൽ സൂചിപ്പിക്കുന്നില്ല. യാത്രക്കാർ കാര്യമായി ഇല്ലാത്തതിനാൽ വരുമാനത്തിലെ കുറവാണ് സ്റ്റോപ്പുകൾ നിർത്തലാക്കാൻ റെയിൽവേയെ പ്രേരിപ്പിച്ചതെന്നാണ് സൂചനകൾ. ഇത് കൂടാതെ ദക്ഷിണ റെയിൽവേ എട്ടു ട്രെയിനുകളുടെ സമയത്തിലും നേരിയ മാറ്റം വരുത്തി. തൃശൂർ-കണ്ണൂർ എക്സ്പ്രസ്, എറണാകുളം-ഷൊർണൂർ മെമു, ചെന്നൈ-കോയമ്പത്തൂർ വന്ദേ ഭാരത് എക്സ്പ്രസ്, തിരുപ്പതി-കാമരാജ് നഗർ എക്സ്പ്രസ്, തിരുപ്പതി-വില്ലുപുരം എക്സ്പ്രസ് എന്നിവയുടെ സമയമാറ്റം ഈ മാസം 23 മുതൽ നിലവിൽ വരും. തിരുപ്പതി-ബംഗളൂരു സൂപ്പർ ഫാസ്റ്റ് എക്സ്പ്രസിന്റെ സമയം 24 മുതൽ മാറും.ബംഗളൂരു-കണ്ണൂർ എക്സ്പ്രസിന്റെ…
Read Moreമാരക ലഹരിമരുന്നുമായി കാപ്പ കേസ് പ്രതി പിടിയിൽ
ചാത്തന്നൂർ: ലോഡ്ജിൽ താമസിച്ചു രാസലഹരി കച്ചവടം നടത്തി വന്നയാളെ പോലീസ് അറസ്റ്റ് ചെയ്തു. ചിറയിൻകീഴ് പെരുംകുഴി നാലുമുക്ക് വിശാഖത്തിൽ ശബരി നാഥി( 42) നെയാണ് പാരിപ്പള്ളി ജംഗഷന് സമീപമുള്ള ലോഡ്ജിൽ നിന്നു കഴിഞ്ഞ ദിവസം പിടികൂടിയത്. 2.060 ഗ്രാം എംഡി എംഎയും അളവ് തൂക്ക ഉപകരണങ്ങളും ഇയാളുടെ കൈയിൽനിന്നു പിടിച്ചെടുത്തു.ചിറയിൻകീഴ് പോലീസ് കാപ്പ ചുമത്തിയിരിക്കുന്ന പ്രതിയാണ് പോലീസിനെ വെട്ടിച്ചു ലോഡ്ജുകളിൽ മുറി എടുത്തു താമസിച്ച് മയക്കുമരുന്ന് വ്യാപാരം നടത്തി വന്നിരുന്നത്. തിരുവനന്തപുരം റൂറൽ ഷാഡോ ടീം അംഗങ്ങൾ പാരിപ്പള്ളി പോലീസിനെ അറിയിച്ചതിന്റെ അടിസ്ഥാനത്തിലാണ് റെയ്ഡ് നടത്തിയത്. ശബരിനാഥ് കടയ്ക്കാവൂർ, ചിറയിൽ കീഴ്പോലീസ് സ്റ്റേഷനുകളിലും നിരവധി ലഹരിക്കേസുകളിൽ പ്രതിയാണ്. പാരിപ്പള്ളി എസ്എച്ച്ഒ ഡി.ദിപു , എസ്ഐമാരായ അശോകൻ, രാമചന്ദ്രൻ എഎസ്ഐ മാരായ ബിജു, ജയൻ സിപിഒമാരായ അജീഷ്, മനു, മനോജ് നാഥ് എന്നിവരടങ്ങിയ സംഘമാണ് അറസ്റ്റ് ചെയ്തത്.
Read Moreകാട്ടുപോത്തിന്റെ ആക്രമണം; യുവാവിന് ഗുരുതര പരിക്ക്
അഞ്ചല്: വീട്ടുമുറ്റത്ത് ഫോണ് ചെയ്തുകൊണ്ടുനിന്ന യുവാവിന് കാട്ടുപോത്തിന്റെ ആക്രമണത്തില് ഗുരുതര പരിക്ക്. കുളത്തുപ്പുഴ ഇഎസ്എം കോളനിയില് മരുതിമൂട് ചതുപ്പില് ബിജുവിന്റെ മകന് അജീഷിനെയാണ് കാട്ട്പോത്ത് ആക്രമിച്ചത്. ഇന്നലെ രാത്രിയിലാണു സംഭവം. വീട്ടുമുറ്റത്ത് ഫോണ് വിളിച്ചു നിന്ന അജീഷിനുനേരേ കാട്ടുപോത്തു കൂട്ടമായി പാഞ്ഞടുക്കുകയായിരുന്നു. രക്ഷപ്പെടാന് ശ്രമിക്കുന്നതിനിടെ ഒരു പോത്ത് ആക്രമിക്കുകയായിരുന്നു. വയറിനും നെഞ്ചിലും മുതുകിലും ഗുരുതരമായി പരിക്കേറ്റ അജീഷിനെ കുളത്തുപ്പുഴ സര്ക്കാര് ആശുപത്രിയിലും പിന്നീട് വിദഗ്ധ ചികിത്സക്കായി തിരുവനന്തപുരം മെഡിക്കല്കോളജ് ആശുപത്രിയിലേക്കും മാറ്റി. കാട്ടുപോത്ത് അടക്കം വന്യജീവികളുടെ ആക്രമണം ഭയന്ന് ജോലിക്കോ വീടിന് പുറത്തേക്കോ ഇറങ്ങാന് കഴിയാത്ത അവസ്ഥയാണ് എന്നു പരിക്കേറ്റ അജീഷിന്റെ പിതാവ് ബിജു പറയുന്നു. വന്യജീവികള് ജനവാസ മേഖലയില് ഇറങ്ങാതിരിക്കാന് സ്ഥാപിച്ചിട്ടുള്ള സോളാര് ഫെന്സിംഗുകള് ഭൂരിഭാഗവും പ്രവര്ത്തനരഹിതമാണ് എന്നും ബിജു പറയുന്നു. സംഭവത്തില് നാട്ടുകാര്ക്കിടയിലും വലിയ പ്രതിഷേധം ഉയര്ന്നുവരികയാണ്.
Read Moreസിഐഎസ്എഫ് അസി. കമാണ്ടന്റിന്റെ അറസ്റ്റിനുള്ള കേന്ദ്രാനുമതി നീളുന്നു
കോഴിക്കോട്: കരിപ്പൂര് വിമാനത്താവളത്തില് സ്വര്ണകള്ളക്കടത്തിനു കൂട്ടുനിന്ന സിഐഎസ്എഫ് അസി. കമാണ്ടന്റ് നവീന്കുമാറിനെ അറസ്റ്റ് ചെയ്യുന്നതിനുള്ള കേന്ദ്ര സര്ക്കാര് അനുമതി നീളുന്നു. സസ്പെന്ഷനിലായി പത്തുദിവസം കഴിഞ്ഞിട്ടും കഴിഞ്ഞിട്ടും ഇയാളെ അറസ്റ്റ് ചെയ്യാന് കഴിയാത്തിനാല് അന്വേഷണം എവിടെയും എത്തിയിട്ടില്ല. കേന്ദ്ര സര്ക്കാര് അനുമതി നല്കിയാൽ മാത്രമേ ഇയാളെ കേരള പോലീസിനു അറസ്റ്റ് ചെയ്യാന് സാധിക്കുകയുള്ളു. ഉന്നതതലങ്ങളിലുള്ള ഇയാളുടെ സ്വാധീനമാണ് അനുമതി വൈകുന്നതിന്റെ പിന്നിലുള്ള ഘടകമെന്നാണ് വിവരം. കഴിഞ്ഞ പതിനൊന്നിനാണ് ഇയാള് സസ്പെന്ഷനിലായത്. എട്ടുമാസം മുമ്പാണ് നവീന് കരിപ്പൂരില് ഡ്യൂട്ടിക്ക് എത്തിയത്. ഈ സമയത്ത് ഹൈദരബാദ് വിമാനത്താവളത്തില്നിന്ന് ഏതാനും കസ്റ്റംസ് ഉദ്യോഗസ്ഥര് സ്ഥലംമാറി ഇവിടെ എത്തിയിരുന്നു. ഈ സംഘത്തിലെ താല്ക്കാലിക ജീവനക്കാരന് ഷറഫലി വഴിയാണ് ഇയാള് കള്ളക്കടത്തുസംഘവുമായി ബന്ധം സ്ഥാപിച്ചത്. കള്ളക്കടത്തുകാര്ക്ക് ഒത്താശ ചെയ്തുകൊടുക്കുന്നത് ഈ ബന്ധത്തിലൂടെയാണ്. 60 കോടിയിലധികം രൂപയുടെ സ്വര്ണം കടത്തിക്കൊണ്ടുവരാന് ഇയാള് ഒത്താശ ചെയ്തതായി പോലീസ് കണ്ടെത്തിയിട്ടുണ്ട്.…
Read Moreഗാനമേളക്കിടെ കണ്ണൂർ മേയർ അഡ്വ. ടി.ഒ മോഹനന് മർദനം
കണ്ണൂർ മേയർ അഡ്വ. ടി ഒ മോഹനന് നേരെ മർദ്ദനം. കണ്ണൂർ ദസറ ആഘോഷങ്ങളുടെ ഭാഗമായി വെള്ളിയാഴ്ച രാത്രി കണ്ണൂർ ഷെരീഫിന്റെ നേതൃത്വത്തിൽ നടന്ന ഗാനമേളയ്ക്കിടെയായിരുന്നു സംഭവം. ഗാനമേളക്കിടെ കാണികളിൽ ഒരാൾ വേദിയിൽ കയറി നൃത്തം ചെയ്യാൻ തുടങ്ങി. ഇയാളെ മാറ്റാൻ ശ്രമിച്ചപ്പോഴാണ് മേയർക്ക് നേരെ ആക്രമണം ഉണ്ടായത്. പ്രകോപിതനായ യുവാവ് മേയറെ പിടിച്ചു തള്ളി. സംഭവത്തിൽ കണ്ണൂർ പോലീസ് കേസെടുത്തു. പ്രതിയുടെ അറസ്റ്റ് രേഖപ്പെടുത്തി ജാമ്യത്തിൽ വിട്ടയച്ചു.
Read Moreഭാര്യയെ കൊലപ്പെടുത്തിയശേഷം കൈ ഞരമ്പ് മുറിച്ച് ആത്മഹത്യക്ക് ശ്രമിച്ച ഭർത്താവും മരിച്ചു
ആലപ്പുഴ: ഭാര്യയെ കൊലപ്പെടുത്തിയ ശേഷം ആത്മഹത്യയ്ക്ക് ശ്രമിച്ച ഭർത്താവും മരിച്ചു. തിരുവമ്പാടി കല്ലുപുരക്കൽ പൊന്നപ്പൻ വർഗീസ് (73) ആണ് മരിച്ചത്. കൈ ഞരമ്പ് മുറിച്ചും വിഷം ഉള്ളിൽ ചെന്ന നിലയിലും കണ്ടെത്തിയ വർഗീസ് ഗുരുതരാവസ്ഥയിൽ മെഡിക്കൽ കോളജ് ആശുപത്രി തീവ്രപരിചരണ വിഭാഗത്തിൽ ചികിത്സയിലായിരുന്നു. ഇന്നലെയാണ് തിരുവമ്പാടിയിലെ വീട്ടിൽ പൊന്നപ്പന്റെ ഭാര്യ ലിസി (65)യെ തലയ്ക്കടിയേറ്റ് മരിച്ച നിലയിലും ഭർത്താവിനെ കൈ ഞരമ്പ് മുറിച്ചും വിഷം ഉള്ളിൽ ചെന്ന നിലയിലും കണ്ടെത്തിയത്. ഇരുമ്പു കമ്പി കൊണ്ട് തലക്കടിയേറ്റാണ് ലിസി മരിച്ചത്. ദമ്പതികളുടെ മകൻ വിനയ് പി. വർഗീസും ഭാര്യയും മൂന്നു മാസം പ്രായമുള്ള കുഞ്ഞിനെ ഡോക്ടറെ കാണിക്കാൻ ചേർത്തലയിലെ സ്വകാര്യ ആശുപത്രിയിൽ പോയിരിക്കുകയായിരുന്നു. പനി ബാധിച്ച് ഒരാഴ്ചയായി ആശുപത്രിയിലായിരുന്ന ലിസിയും പൊന്നപ്പനും മാത്രമാണ് വീട്ടിലുണ്ടായിരുന്നത്. മകൻ മാതാപിതാക്കൾക്കുള്ള ഉച്ചഭക്ഷണം ഓൺലൈൻ ആയി ഓർഡർ ചെയ്തിരുന്നു. ഡെലിവറി ബോയ് ഭക്ഷണവുമായി…
Read Moreസ്വന്തം ലഹരിക്കും വിൽപനയ്ക്കും കൊണ്ടുവന്നതാണ് സാറേ; നൈട്രോസെപാം ഗുളികകളുമായി യുവാവ് അറസ്റ്റില്
കൊച്ചി: വില്പനയ്ക്കെത്തിച്ച 45 നൈട്രോസെപാം ഗുളികകളുമായി യുവാവ് അറസ്റ്റില്. മട്ടാഞ്ചേരി സൗദി കോളനിയില് താമസിക്കുന്ന ജോസഫി(35)നെയാണ് എറണാകുളം സൗത്ത് എസ്ഐ സി. ശരത്തിന്റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്. ഇന്നലെ മട്ടുമ്മല് വിദ്യാവിഹാര് റോഡില് ലഹരി ഗുളിക വില്ക്കാനായി നിൽക്കുമ്പോള് പോലീസിനെ കണ്ട് ഇയാള് ഓടിരക്ഷപ്പെടാന് ശ്രമിച്ചു. സംശയം തോന്നിയ പോലീസ് സംഘം ചോദ്യം ചെയ്തപ്പോഴാണ് നൈട്രോസെപ്പാം ഗുളികകള് കണ്ടെത്തിയത്. വില്പനയ്ക്കും സ്വന്തം ആവശ്യത്തിനുമായി സൂക്ഷിച്ച ലഹരി ഗുളികകളാണെന്നാണ് ഇയാള് പോലീസിനോട് പറഞ്ഞത്. ജോസഫിനെതിരേ നേരത്തെ തോപ്പുപടി പോലീസ് സ്റ്റേഷനില് ലഹരിക്കേസുണ്ട്. പ്രതിയെ കോടതിയില് ഹാജരാക്കി റിമാന്ഡ് ചെയ്തു.
Read More