കോട്ടയം: കൊടൂരാറിലെ പൊക്കുപാലങ്ങള് ബോട്ട് സര്വീസുകള്ക്കു തടസം സൃഷ്ടിക്കുന്നു. യഥാസമയം പാലം പൊക്കാന് ആളില്ലാത്തതാണ് ബോട്ട് സര്വീസിനെ ബാധിക്കുന്നത്. കൊടൂരാറില് വൈദ്യുതി ഉപയോഗിച്ച് പ്രവര്ത്തിക്കുന്നതുള്പ്പെടെ അഞ്ച് പൊക്കുപാലങ്ങളാണുള്ളത്. ഇതില് നാലും വലിച്ചുയര്ത്തേണ്ടവയാണ്. ബോട്ട് എത്തുന്പോള് പാലം ഉയര്ത്താന് പലപ്പോഴും ആളുണ്ടാവില്ല. അഞ്ചും പത്തും മിനിറ്റുകള്ക്കു ശേഷമാണ് പാലം ഉയര്ത്താന് ആളെത്തുക. പലപ്പോഴും കരാര് എടുത്ത ആളായിരിക്കില്ല പാലം ഉയര്ത്താന് എത്തുക. കുട്ടികളാണ് ചില സമയങ്ങളില് ജോലി ചെയ്യുക. പാലം ശരിയായി ഉയര്ത്താത്തതുമൂലം ബോട്ട് അപകടത്തില്പ്പെടാനും സാധ്യതയുണ്ട്. കഴിഞ്ഞയാഴ്ച കോട്ടയത്തുനിന്ന് ആലപ്പുഴയ്ക്കുള്ള ബോട്ട്, പാലത്തില് തട്ടി ജനല്പ്പാളി അടര്ന്ന സംഭവമുണ്ടായി. പാറോച്ചാല് മുപ്പതില് പൊക്കുപാലത്തിലായിരുന്നു അപകടം. പാലം ശരിയായി ഉയര്ത്താതിരുന്നതാണ് അപകടകാരണം. സ്രാങ്ക് ഇരിക്കുന്ന കാബിന്റെ ജനല്പ്പാളിയാണ് അടര്ന്നു വെള്ളത്തില് വീണത്. മോട്ടോര് ഉപയോഗിച്ച് ഉയര്ത്തുന്ന പാലം രണ്ടാഴ്ച മുന്പ് ബോട്ട് സര്വീസ് തടസപ്പെടുത്തിയത് ഒന്നരമണിക്കൂറായിരുന്നു. പതിനഞ്ചില്ക്കടവിലെ പൊക്കുപാലമാണ്…
Read MoreCategory: Edition News
കൊച്ചി വാട്ടര് മെട്രോ; സഞ്ചാരികളുടെ എണ്ണം 10 ലക്ഷത്തിലേക്ക്; 10 ലക്ഷം തികയ്ക്കുന്ന സഞ്ചാരിക്ക് ഒരു സര്പ്രൈസ് സമ്മാനം
കൊച്ചി: സര്വീസ് തുടങ്ങി ആറുമാസം പൂര്ത്തിയാകുന്നതിനു മുമ്പ് കൊച്ചി വാട്ടര് മെട്രോയില് സഞ്ചരിച്ച യാത്രക്കാരുടെ എണ്ണം 10 ലക്ഷം എന്ന നാഴികക്കല്ലിലേക്ക് ഇന്ന് എത്തും. ഇതുവരെ 999,241 യാത്രക്കാരാണ് വാട്ടര് മെട്രോയില് സഞ്ചരിച്ചത്. ഇന്ന് ഉച്ചയോടെ ഇത് 10 ലക്ഷത്തിലേക്ക് കടക്കുമെന്നാണ് പ്രതീക്ഷ. 10 ലക്ഷം തികയ്ക്കുന്ന സഞ്ചാരിക്ക് ഒരു സര്പ്രൈസ് സമ്മാനം കൊച്ചി വാട്ടര് മെട്രോ അധികൃതര് ഒരുക്കിയിട്ടുണ്ട്. സംസ്ഥാന സര്ക്കാരിന്റെ ഈ അഭിമാന പദ്ധതി ലോക ടൂറിസം മാപ്പില് കൊച്ചിക്ക് മറ്റൊരു തിലകക്കുറി കൂടിയാണ് സമ്മാനിച്ചത്. കഴിഞ്ഞ ഏപ്രില് 25ന് പ്രധാനമന്ത്രി നരേന്ദ്ര മോദി രാജ്യത്തിന് സമര്പ്പിച്ച സംസ്ഥാന സര്ക്കാരിന്റെ ഈ പദ്ധതി ഏപ്രില് 26നാണ് പൊതുജനങ്ങള്ക്ക് തുറന്നു നല്കിയത്.
Read Moreമാനം തെളിഞ്ഞു, വെള്ളമിറങ്ങുന്നു; തലസ്ഥാനത്ത് ആശ്വാസം ; ആശങ്കയായി അറബിക്കടലിന് മുകളിൽ ചക്രവാതച്ചുഴി
തിരുവനന്തപുരം: ശനിയാഴ്ച രാത്രി ആരംഭിച്ച കനത്ത മഴയെത്തുടർന്ന് വെള്ളത്തിലായ തിരുവനന്തപുരം ജില്ലയ്ക്ക് ആശ്വാസമായി വെള്ളം ഇറങ്ങിത്തുടങ്ങി. പ്രളയസമാനമായിരുന്നു തലസ്ഥാനത്ത് ഇന്നലത്തെ അവസ്ഥ. ജില്ലയുടെ തെക്കൻ മേഖലകളിലാണ് ദുരിതപ്പെയ്ത്ത് നാശം വിതച്ചത്. ഇന്നലെ രാത്രി മുതൽ മഴ കുറഞ്ഞതോടെ പല ഭാഗത്തും വെള്ളം ഇറങ്ങിത്തുടങ്ങി. ഇന്നലെ കരകവിഞ്ഞ് ഒഴുകിയ പാർവതി പുത്തനാറിൽ ഇന്ന് ജലനിരപ്പ് താഴ്ന്നിട്ടുണ്ട്. ഇന്ന് രാവിലെ തലസ്ഥാന നഗരത്തിൽ മഴ മാറി നിൽക്കുകയാണ്. പക്ഷെ തിരുവനന്തപുരം ജില്ലയിൽ ഇന്ന് കനത്ത മഴയ്ക്ക് സാധ്യതയുണ്ടെന്നാണ് കാലാവസ്ഥ വകുപ്പ് മുന്നറിയിപ്പ് നൽകിയിരിക്കുന്നത്. ഇത് വീണ്ടും ആശങ്ക ഉയർത്തുന്നുണ്ട്. ഇന്നലത്തെ ദുരിതപ്പെയ്ത്തിനെത്തുടർന്ന് 21 ദുരിതാശ്വാസ ക്യാന്പുകളാണ് ജില്ലയിൽ തുറന്നത്. അതേസമയം കഴക്കൂട്ടം, വെള്ളായണി, കുറ്റിച്ചൽ ഭാഗങ്ങളിൽ പലയിടത്തും ഇപ്പോഴും വെള്ളം ഇറങ്ങിയിട്ടില്ല. ഒക്ടോബർ 1 മുതൽ 15 വരെ തിരുവനന്തപുരം ജില്ലയിൽ ലഭിച്ചത് 158 ശതമാനം അധികമഴയാണ്. പത്തനംതിട്ടയിൽ 101…
Read Moreനിയമനക്കോഴ: പറഞ്ഞ കര്യങ്ങൾ ഒന്നുകൂടി ഉറപ്പിക്കണം; അഖിൽ സജീവിനെയും ബാസിത്തിനെയും ഒരുമിച്ചിരുത്തി ചോദ്യംചെയ്യും
തിരുവനന്തപുരം: നിയമനക്കോഴക്കേസിലെ പ്രതി ബാസിത്തിന്റെ മലപ്പുറത്തെ തെളിവെടുപ്പ് പൂർത്തിയാക്കി കന്റോണ്മെന്റ് പോലീസ് സംഘം തിരുവനന്തപുരത്തെത്തി. ശനിയാഴ്ചയും ഞായറാഴ്ചയുമായി കന്റോണ്മെന്റ് പോലീസ് ബാസിത്തിനെയും കൂട്ടി ഹരിദാസുമായി ചർച്ച നടത്തിയ സ്ഥലങ്ങളിലും ബാസിത്തിന്റെ വീട്ടിലും എത്തിച്ച് തെളിവെടുപ്പ് നടത്തിയിരുന്നു. തെളിവെടുപ്പ് പൂർത്തിയാക്കി ഇന്ന് രാവിലെയോടെയാണ് അന്വേഷണ സംഘം ബാസിത്തിനെയും കൂട്ടി തിരുവനന്തപുരത്തെത്തിയത്. കന്റോണ്മെന്റ് എസ്എച്ച്ഒ ബി.എം. ഷാഫിയുടെ നേതൃത്വത്തിലുള്ള സംഘമാണ് തെളിവെടുപ്പിന് നേതൃത്വം നൽകിയത്. കേസിലെ പ്രധാനപ്രതികളിലൊരാളായ അഖിൽ സജീവിനെയും ബാസിത്തിനെയും ഒരുമിച്ചിരുത്തി ഇന്ന് ചോദ്യം ചെയ്യും. ബാസിത്തിന്റെ നിർദേശാനുസരണമാണ് അഖിൽ സജീവ് മലപ്പുറം സ്വദേശിയായ ഹരിദാസിന്റെ മരുമകൾക്ക് മെഡിക്കൽ ഓഫീസർ നിയമനം ശരിയാക്കി കൊടുക്കാമെന്ന് വാഗ്ദാനം നൽകി ഹരിദാസിനെ സമീപിച്ചതെന്നാണ് അഖിൽ സജീവ് നേരത്തെ പോലീസിന്റെ ചോദ്യം ചെയ്യലിൽ വെളിപ്പെടുത്തിയിരുന്നു. ഹരിദാസും ഇക്കാര്യം ചോദ്യം ചെയ്യലിൽ വെളിപ്പെടുത്തിയിരുന്നു. ബാസിത്തും അഖിൽ സജീവും നേരത്തെ ചോദ്യം ചെയ്യൽ വേളയിൽ പറഞ്ഞ…
Read Moreവിദ്യാര്ഥികളും അധ്യാപകരും ചേര്ന്ന് കട്ട ചുമന്നു, സിമന്റ് കുഴച്ചു; സഫലമാകുന്നത് സഹപാഠികളുടെ വീടെന്ന സ്വപ്നം
രാമപുരം: പ്രിന്സിപ്പലും അധ്യാപകരും വിദ്യാര്ഥികളുമെല്ലാം ചേര്ന്ന് കട്ട ചുമന്നു, സിമന്റ് കുഴച്ചു, പാവപ്പെട്ട രണ്ട് വിദ്യാര്ഥികളുടെ വീടെന്ന സ്വപ്നം പൂര്ത്തിയായി വരുന്നു. രാമപുരം സെന്റ് അഗസ്റ്റിന്സ് ഹയര് സെക്കൻഡറി സ്കൂളിലെ എന്എസ്എസ് വോളണ്ടിയര്മാരായ വിദ്യാര്ഥികളും അധ്യാപകരും ഒരുപോലെ കൈമെയ് മറന്ന് പണിയെടുത്തപ്പോള് പാഠപുസ്തകത്തിലേതല്ലാതുള്ള കരുണയുടെ പുതിയ മുഖം ഉയര്ന്നുവരികയാണ്. പ്രിന്സിപ്പല് സിജി സെബാസ്റ്റ്യന്, എന്എസ്എസ് പ്രോഗ്രാം ഓഫീസര് മെല്വിന് കെ. അലക്സ്, ഫാ. ജോമോന് മാത്യു പറമ്പില്തടത്തില് എന്നിവരുടെ നേതൃത്വത്തിലാണ് വീട് നിര്മാണത്തിന് ആവശ്യമായുള്ള സിമന്റ് കട്ടകൾ ചുമന്ന് പണിസ്ഥലത്തെത്തിച്ചത്. ഇതോടൊപ്പം വാര്ക്കയ്ക്ക് ആവശ്യമായുള്ള കോണ്ക്രീറ്റ് മിശ്രിതം കുഴച്ച് അതും തലച്ചുമടായി പണിസ്ഥലത്തെത്തിച്ചത് കൗമാരത്തിന്റെ കാരുണ്യ കൈകള്തന്നെ. സ്കൂളിലെ ഒൻപത്, പത്ത് ക്ലാസുകളില് പഠിക്കുന്ന കുട്ടികള്ക്കായാണ് ഏഴാച്ചേരിയില് പുത്തന് വീട് നിര്മിക്കുന്നത്. വര്ഷങ്ങളായി വാടകവീട്ടില് താമസിച്ചിരുന്ന കുടുംബത്തിന് സ്വന്തമായി ഒരു വീട് എന്നത് സ്വപ്നമായിരുന്നു. സ്ഥിരവരുമാനം ഇല്ലാത്ത…
Read Moreബന്ധുവിന്റെ മരണാനന്തര ചടങ്ങിന് പോയി തിരികെ എത്തിയപ്പോൾ കുടുംബത്തിൽ കൂട്ടക്കരച്ചിൽ; വാതിൽ തകർത്ത് കള്ളൻകൊണ്ടുപോയത് 40 പവൻ
ചെറുതുരുത്തി (തൃശൂർ): ചെറുതുരുത്തിയിൽ വീട് കുത്തിത്തുറന്ന് അകത്തുകടന്ന മോഷ്ടാക്കൾ അലമാരയിൽ സൂക്ഷിച്ചിരുന്ന 40 പവൻ സ്വർണം കവർന്നു. മുഹമ്മദ് മുസ്തഫയുടെ വീട്ടിലാണ് ആളില്ലാത്ത സമയത്ത് കവർച്ച നടന്നത്. ബന്ധുവിന്റെ മരണാനന്തരച്ചടങ്ങിൽ പങ്കെടുക്കാൻ ശനിയാഴ്ച മുസ്തഫയും കുടുംബവും പോയിരുന്നു. ഇന്നലെ രാത്രിയോടെ തിരിച്ചെത്തിയപ്പോഴാണ് കവർച്ച നടന്ന കാര്യം വീട്ടുകാർ അറിയുന്നത്. ശനിയാഴ്ച രാത്രിയാകാം കവർച്ച നടന്നതെന്നാണ് പോലീസിന്റെ നിഗമനം. പ്രദേശത്തെ സിസിടിവി ദൃശ്യങ്ങൾ പോലീസ് പരിശോധിച്ച് വരികയാണ്. വീടിന്റെ വാതിൽ വാതില് കമ്പിപ്പാരയും പിക്കാസും ഉപയോഗിച്ച് കുത്തിപ്പൊളിച്ചാണ് മോഷ്ടാക്കൾ അകത്തുകടന്നിരിക്കുന്നത്. ചെറുതുരുത്തി പോലീസ് സംഭവ സ്ഥലത്തെത്തി അന്വേഷണം ആരംഭിച്ചു.
Read Moreകണ്ണൂരിൽ പോലീസ് ജീപ്പ് പെട്രോൾ പമ്പിലേക്ക് ഇടിച്ചു കയറി; വാഹനമോടിച്ചത് യൂണിഫോമിൽ അല്ലാത്തവർ ; വാഹനഭാഗങ്ങൾ കയറുപയോഗിച്ച് കെട്ടിവച്ചനിലയിൽ
കണ്ണൂർ: കണ്ണൂർ നഗരത്തിൽ നിയന്ത്രണം വിട്ട പോലീസ് ജീപ്പ് പെട്രോൾ പന്പിലേക്ക് ഇടിച്ചു കയറി ഇന്ധനം നിറച്ചു കൊണ്ടിരുന്ന കാറിലിടിച്ചു. അപകടത്തിൽ ഇന്ധനം നിറയ്ക്കാനുപയോഗിക്കുന്ന മെഷീൻ തകർന്നു. ജീപ്പിടിച്ച കാറിലുണ്ടായിരുന്നയാൾക്ക് നിസാര പരിക്കേറ്റു. ഇന്നു രാവിലെ 6.45നായിരുന്നു അപകടം. അപകടസമയത്ത് പന്പിൽ കൂടുതൽ വാഹനങ്ങളില്ലാത്തതും തീപിടിത്തമുണ്ടാകാത്തതും വൻ ദുരന്തം ഒഴിവാക്കി. ഇൻഷ്വറൻസ് കാലവധി കഴിഞ്ഞ വാഹനമാണ് അപകടത്തിൽപ്പെട്ടത്. വാഹനത്തിന്റെ അടിഭാഗത്ത് പലയിടങ്ങളും കയറും മറ്റുമുപയോഗിച്ച് കെട്ടിവച്ച നിലയിലായിരുന്നു. കണ്ണൂർ എആർ ക്യാന്പിലേക്ക് ഭക്ഷണസാധനങ്ങൾ എത്തിക്കുന്ന വാഹനമാണിത്. അപകടസമയത്ത് പോലീസ് യൂണിഫോമിലല്ലാത്ത രണ്ടു പേരാണ് വാഹനത്തിൽ ഉണ്ടായിരുന്നത്. അപകടം നടന്നയുടൻതന്നെ ഇരുവരും സ്ഥലത്തുനിന്നു മുങ്ങി. അപകടം നടന്നത് ടൗൺ പോലീസ് സ്റ്റേഷന്റെ ഏതാനും മീറ്ററുകൾ മാത്രം ദൂരെയുള്ള പന്പിലായിട്ടും പോലീസ് ഏറെനേരം കഴിഞ്ഞാണ് സംഭവസ്ഥലത്ത് എത്തിയത് എന്നത് ദുരൂഹതയ്ക്കിടയാക്കിയിട്ടുണ്ട്. അതേസമയം അപകടത്തിൽപ്പെട്ട വാഹനം നീക്കാൻ ചിലർ നടത്തിയ ശ്രമം…
Read Moreമൂന്നാറില് വീണ്ടും കാട്ടാനയുടെ വിളയാട്ടം;ലോക്കാര്ഡ് എസ്റ്റേറ്റില് റേഷന്കട തകര്ത്തു;കല്ലാറില് കൃഷി നശിപ്പിച്ചു
തൊടുപുഴ: മൂന്നാര് മേഖലയില് വീണ്ടും കാട്ടാനകള് ഇറങ്ങി. മൂന്നാര് ലോക്കാര്ഡ് എസ്റ്റേറ്റിലും അടിമാലി കല്ലാറിലുമാണ് കാട്ടാന ആക്രമണമുണ്ടായത്. ലോക്കാര്ഡ് എസ്റ്റേറില് ഇറങ്ങിയ കാട്ടാനകള് ഇവിടുത്തെ റേഷന്കട തകര്ത്തു. കഴിഞ്ഞ മാസം കാട്ടുകൊമ്പന് പടയപ്പ തകര്ത്ത റേഷന് കടയാണ് ഇന്നു പുലര്ച്ചെ കാട്ടാനക്കൂട്ടം വീണ്ടും തകര്ത്തത്. പുലര്ച്ചെ മൂന്നോടെ എത്തിയ മൂന്നു കാട്ടാനകള് കട തകര്ത്ത് അരി പുറത്തെടുത്തിട്ട് തിന്നുകയായിരുന്നു. മുമ്പും ലോക്കാര്ഡ് എസ്റ്റേറ്റിലെ റേഷന് കടയ്ക്കു നേരേ കാട്ടാനയുടെ ആക്രമണമുണ്ടായിട്ടുണ്ട്. അടിമാലി കല്ലാറില് ജനവാസ മേഖലയില് ഇറങ്ങിയ കാട്ടാനക്കൂട്ടം കൃഷി നശിപ്പിച്ചു. രണ്ടേക്കറോളം വരുന്ന സ്ഥലത്തെ കൃഷിയാണ് കാട്ടാനകള് നശിപ്പിച്ചത്. പടയപ്പയെ പ്രകോപിച്ചതിന് കേസെടുക്കുന്ന കാര്യം ആലോചനയില് ഇതിനിടെ കാട്ടുകൊമ്പന് പടയപ്പയെ പ്രകോപിപ്പിച്ച യുവാക്കള്ക്കെതിരെ കേസെടുക്കുന്ന കാര്യം വനംവകുപ്പിന്റെ ആലോചനയിലാണ്. ശനിയാഴ്ചയാണ് കുണ്ടള ഈസ്റ്റ് ഡി വിഷനില് ഇറങ്ങിയ പടയപ്പയെ യുവാക്കള് പ്രകോപിപ്പിച്ചത്. ആനയ്ക്കു നേരേ കല്ലെറിഞ്ഞ…
Read Moreവയനാട് പുല്പ്പള്ളിയില് യുവാവ് കിടപ്പുമുറിയിൽ കൊല്ലപ്പെട്ട നിലയിൽ;മരണം കോടാലിക്ക് അടിയേറ്റ നിലയിൽ; പിതാവിനെ തെരഞ്ഞ് പോലീസ്
പുല്പ്പള്ളി: വയനാട് പുല്പ്പള്ളിയില് യുവാവിനെ വീടിനുള്ളിലെ കിടപ്പുമുറിയില് തലയ്ക്ക് കോടാലികൊണ്ട് അടിയേറ്റു മരിച്ചനിലയില് കണ്ടെത്തി. കാര്യമ്പാതി കതവാക്കുന്ന് തെക്കേക്കര ശിവദാസന്റെ മകന് അമല്ദാസാണ് (22) മരിച്ചത്. ഇന്നു രാവിലെ ഏഴേമുക്കാലോടെ പ്രദേശവാസികളാണ് കിടപ്പമുറിയില് രക്തത്തില് കുളിച്ചനിലയിൽ മൃതദേഹം കണ്ടെത്തിയത്. കോടാലിക്കു തലയ്ക്കടിയേറ്റ നിലയിലായിരുന്നു മൃതദേഹം. വഴക്കിനിടെ പിതാവിന്റെ ആക്രമണത്തിലാണ് അമല്ദാസ് കൊല്ലപ്പെട്ടതെന്നാണ് സൂചന. സംഭവത്തെത്തുടർന്ന് ഒളിവിൽ പോയ പിതാവ് ശിവദാസനെ പോലീസ് അന്വേഷിച്ചുവരികയാണ്. കോടാലി വീട്ടുമുറ്റത്ത് കണ്ടെത്തി. പിതാവും മകനും മാത്രമായിരുന്നു സംഭവം നടക്കുമ്പോള് വീട്ടിലുണ്ടായിരുന്നത്. അമല്ദാസിന്റെ അമ്മയും സഹോദരിയും വേറെയാണ് താമസം. ഇന്നു രാവിലെ അമല്ദാസിനെ ഫോണില് വിളിച്ച സഹോദരി അപശബ്ദങ്ങള് കേട്ടു. കുറച്ചുകഴിഞ്ഞു വിളിച്ചപ്പോള് അമല്ദാസ് ഫോണ് എടുത്തില്ല. പന്തികേടുതോന്നിയ സഹോദരി ഫോണ് ചെയ്ത് നിര്ദേശിച്ചതനുസരിച്ച് സമീപവാസികളില് ചിലര് ചെന്നുനോക്കിയപ്പോഴാണ് ദാരുണരംഗം കണ്ടത്. വാര്ഡ് അംഗം സിന്ധുവും ഭര്ത്താവ് സാബുവുമാണ് വീട്ടില് ആദ്യം എത്തിയത്.…
Read Moreമൂന്നുവർഷത്തിനുള്ളിൽ രാജ്യത്തെ എല്ലാ എക്സ്പ്രസ്, മെയിൽ ട്രെയിനുകളും വന്ദേഭാരത്
തിരുവനന്തപുരം: ദീർഘദൂര സർവീസുകളിലും വന്ദേഭാരത് ട്രെയിൻ ഓടിക്കാനുള്ള ആലോചനയുമായി റെിൽവേ. റെയിൽവേ മന്ത്രാലയത്തിനു കീഴിലുള്ള റിസർച്ച് ഡിസൈൻസ് ആൻഡ് സ്റ്റാൻഡേർഡ്സ് ഓർഗനൈസേഷൻ ഇതിനായുള്ള തയാറെടുപ്പിലാണ്. നിലവിൽ വന്ദേഭാരത് ട്രെയിനുകൾക്ക് കൂടുതൽ വരുമാനം ലഭിക്കുന്നത് ദക്ഷിണ റെയിൽവേയിലായതിനാൽ ദീർഘദൂര വന്ദേഭാരതും തുടക്കത്തിൽ ദക്ഷിണ റെയിൽവേയിലാണ് നടപ്പാക്കുക. ചെന്നൈ-തിരുവനന്തപുരം മെയിൽ, ചെന്നൈ-മംഗളൂരു മെയിൽ, എഗ്മോർ-ഗുരുവായൂർ എക്സ്പ്രസ്, ചെന്നൈ-ആലപ്പുഴ എക്സ്പ്രസ് എന്നിവയ്ക്ക് പകരമായി വന്ദേഭാരത് ആദ്യഘട്ടത്തിൽ സർവീസ് നടത്തും. കൂടുതൽ സൗകര്യങ്ങളുള്ള സ്ലീപ്പർ കോച്ചുകളാവും ട്രെയിനുകളിൽ ഉണ്ടാവുക. നിലവിലുള്ള നിരക്കുകൾക്കും സ്റ്റോപ്പുകൾക്കും മാറ്റമുണ്ടാവുകയില്ല. മൂന്നുവർഷത്തിനുള്ളിൽ രാജ്യത്തെ എല്ലാ എക്സ്പ്രസ്, മെയിൽ ട്രെയിനുകളും വന്ദേഭാരത് ആകും. മണിക്കൂറിൽ 90 കിലോമീറ്റർ വേഗതയിലാകും ഈ ദീർഘദൂര ട്രെയിനുകൾ സർവീസ് നടത്തുക.
Read More