കണ്ണൂർ: തോട്ടട എസ് എൻ കോളജിന് മുന്നിൽ കാർ നിർത്തി ഇറങ്ങി മധ്യവയസ്കൻ വിദ്യാർഥിനികൾക്ക് മുന്നിൽ നഗ്നതാ പ്രദർശനം നടത്തി. ഇന്നലെ വൈകുന്നേരമാണ് സംഭവം. കോളജ് വിട്ട് വിദ്യാർഥിനികൾ വീട്ടിലേക്ക് മടങ്ങാൻ നിക്കവെയാണ് ഒരാൾ കാർ കൊണ്ട് വന്ന് നിർത്തിയത്. വിദ്യർഥിനികൾ നോക്കിനിക്കേ കാറിൽനിന്നിറങ്ങിയ മധ്യവയസ്കൻ നഗ്നതാ പ്രദർശനം നടത്തുകയായിരുന്നു. വിദ്യാർഥിനികൾ അധ്യാപകരോട് പരാതിപ്പെടുകയും തുടർന്ന് പോലീസിൽ അറിയിക്കുകയുമായിരുന്നു. കണ്ണൂർ ടൗൺ പോലീസ് എത്തി പേരാവൂർ സ്വദേശിയായ 59 കാരനെ അറസ്റ്റ് ചെയ്തു, ഇയാളെ പിന്നീട് ജാമ്യത്തിൽ വിട്ടു.
Read MoreCategory: Edition News
കോഴിക്കോട് ഡോക്ടറെ വടിവാള് കാട്ടി ഭീഷണിപ്പെടുത്തി കവര്ച്ച; മൂന്നംഗസംഘം അറസ്റ്റില്
കോഴിക്കോട്: റെയില്വെ സ്റ്റേഷന് സമീപമുള്ള ലോഡ്ജില് ഡോക്ടറെ വടിവാള് കാട്ടി ഭീകരാന്തരീക്ഷം സൃഷ്ടിച്ച് കവര്ച്ച നടത്തിയ സംഭവത്തില് യുവതി അടക്കം മൂന്നുപേര് അറസ്റ്റില്. എളേറ്റില് വട്ടോളി പന്നിക്കോട്ടൂര് കല്ലാനി മാട്ടുമ്മല് ഹൗസില് ഇ.കെ. മുഹമദ് അനസ് (26), കുന്ദമംഗലം നടുക്കണ്ടിയില് എന്. പി. ഗൗരീശങ്കരത്തില് ഷിജിന്ദാസ് (27), പാറോപ്പടി മാണിക്കത്താഴെ ഹൗസില് അനു കൃഷ്ണ (24) എന്നിവരെയാണ് ടൗണ് ഇന്സ്പെക്ടര് ബൈജു കെ.ജോസിന്റെ നേതൃത്വത്തിലുള്ള ടൗണ് പോലീസും കോഴിക്കോട് ആന്റി നാര്ക്കോട്ടിക്ക് സെല് അസിസ്റ്റന്റ് കമ്മീഷണര് ടി.പി.ജേക്കബിന്റെ നേതൃത്വത്തിലുള്ള ഡാന്സാഫും ചേര്ന്ന് പിടികൂടിയത്.ഇന്നലെ പുലര്ച്ചെയാണ് സംഭവം. ഞായറാഴ്ച ഇവര് ഡോക്ടറുമായി പരിചയപെടുകയും, ഡോക്ടറുടെ റൂം മനസിലാക്കുകയും ചെയ്തിരുന്നു. ഇന്നലെ പുലര്ച്ചെ ആയുധവുമായി ഇവര് ഡോക്ടറുടെ റൂമില് എത്തി കൊല്ലുമെന്ന് ഭീഷണിപ്പെടുത്തി. തന്റെ കൈയില് പണമില്ലെന്ന് ഡോക്ടര് പറഞ്ഞപ്പോള് ബാങ്ക് അകൗണ്ടില് നിന്നും ഗൂഗിള്പേ വഴി 2,500 രൂപ…
Read Moreനിയമനക്കോഴക്കേസ്; അഞ്ചു ലക്ഷം രൂപ അഖില് സജീവിന് കൈമാറിയെന്ന് തൃപ്പൂണിത്തുറ സ്വദേശി
കൊച്ചി: ആരോഗ്യവകുപ്പില് തൊഴില് നല്കാമെന്ന് വാഗ്ദാനം ചെയ്ത് പണം തട്ടിയ കേസിലെ മുഖ്യപ്രതി അഖില് സജീവിനെതിരേ എറണാകുളം തൃപ്പൂണിത്തുറ സ്വദേശിയുടെ വെളിപ്പെടുത്തല്. ബിസിനസ് ആവശ്യത്തിനെന്ന പേരില് അഖില് സജീവ് തന്റെ അക്കൗണ്ടിലൂടെ അഞ്ച് ലക്ഷത്തിലധികം രൂപയുടെ ഇടപാട് നടത്തിയെന്നാണ് തൃപ്പൂണിത്തുറ സ്വദേശിയായ ഷിനോയിയുടെ ആരോപണം. പലപ്പോഴായി പല അക്കൗണ്ടുകളില് നിന്ന് തന്റെ അക്കൗണ്ടിലേക്കെത്തിയ പണം അഖില് സജീവിന് കൈമാറുകയായിരുന്നു. പിന്നീടാണ് ഏതോ തൊഴില് തട്ടിപ്പിലെ പണമാണെന്ന് അറിഞ്ഞതെന്നും ഷിനോയി ആരോപിക്കുന്നു. വിവിധ അക്കൗണ്ടുകളില് നിന്നാണ് കഴിഞ്ഞ ജനുവരിയില് പണമെത്തിയത്. ഗൂഗിള് പേ വഴിയാണ് തന്റെ അക്കൗണ്ടിലേക്ക് പലരും പണമയച്ചത്. ഇവര് ആരെന്ന് ഇപ്പോഴും അറിയില്ലെന്നാണ് ഷിനോയിയുടെ വെളിപ്പെടുത്തല്. കോഴിക്കോട് അഖില് സജീവിനൊപ്പം 15 ദിവസം താമസിച്ചപ്പോഴായിരുന്നു ഇടപാട് നടത്തിയത്. തന്റെ അക്കൗണ്ട് മരവിപ്പിച്ചിരിക്കുകയാണെന്നാണ് അഖില് അന്ന് തന്നോട് പറഞ്ഞതെന്നാണ് ഷിനോയ് പറയുന്നത്. ബിസിനസ് ആവശ്യത്തിനായി പലരും അയക്കുന്ന…
Read Moreവളര്ത്തുമൃഗങ്ങള്ക്കു നേരെയുണ്ടാകുന്ന വന്യജീവി ആക്രമണങ്ങള് തടയുമെന്ന് മന്ത്രി ജെ. ചിഞ്ചുറാണി
തിരുവനന്തപുരം: വളര്ത്തുമൃഗങ്ങള്ക്കു നേരെ ജനവാസ മേഖലയില് ഉണ്ടാകുന്ന വന്യജീവി ആക്രമണങ്ങള് ചെറുക്കാൻ സംവിധാനങ്ങൾ ഒരുക്കുമെന്ന് മന്ത്രി ജെ. ചിഞ്ചുറാണി. മൃഗങ്ങളില് നിന്ന് പകരുന്ന രോഗങ്ങളെ ചെറുക്കുക എന്നത് വളരെ പ്രാധ്യന്യമുള്ള ഒന്നാണെന്നും മന്ത്രി പറഞ്ഞു. അതുകൊണ്ടുതന്നെ അസുഖം ബാധിച്ച് മരിക്കുന്ന മൃഗങ്ങളുടെ സാമ്പിളുകള് കൃത്യമായി പരിശോധിച്ച് രോഗം തടയുന്നതിന് വേണ്ട നടപടികള് സ്വീകരിക്കണം. വനമേഖലയില് മൃഗങ്ങള് മരണപ്പെടുമ്പോള് ഈ സംഭവങ്ങള് അടിയന്തരമായി മൃഗസംരക്ഷണ വകുപ്പിനെ അറിയിക്കണമെന്നും മന്ത്രി പറഞ്ഞു. തിരുവനന്തപുരം മൃഗശാലയിലേക്ക് വിദേശരാജ്യങ്ങളില് നിന്ന് കൂടുതല് മൃഗങ്ങളെ എത്തിക്കും. വന്യജീവികളെ കൂടുതല് പഠിക്കത്തക്ക രീതിയിലുള്ള സംവിധാനങ്ങൾ തൃശൂരിലെ പുത്തൂര് സുവോളജിക്കല് പാര്ക്കില് ഒരുക്കുന്നുണ്ടെന്നും മന്ത്രി ജെ.ചിഞ്ചുറാണി പറഞ്ഞു.
Read Moreഎല്ലാവരെയും സ്നേഹിക്കുക എന്നതിനേക്കാൾ വലിയ ആഘോഷമോ ആഹ്ളാദമോ ഇല്ലെന്ന് മാതാ അമൃതാനന്ദമയി
കൊല്ലം: എല്ലാവരെയും ഒരുപോലെ കാണുക, സ്നേഹിക്കുക, സേവിക്കുക എന്നതിനേക്കാൾ വലിയ ആഘോഷമോ ആഹ്ലാദമോ ഇല്ലെന്ന് മാതാ അമൃതാനന്ദമയി പറഞ്ഞു. മാതാ അമൃതാനന്ദമയിയുടെ 70ാം ജൻമദിനാഘോഷത്തോടനുബന്ധിച്ച് ജന്മദിന സന്ദേശം നൽകുകയായിരുന്നു മാതാ അമൃതാനന്ദമയി. കോവിഡ് നമ്മളെ അനവധി പാഠങ്ങൾ പഠിപ്പിച്ചു. പഠിപ്പിക്കാൻ ശ്രമിച്ചു എന്ന് പറയുന്നതായിരിക്കും നല്ലത്. സൃഷ്ടിയുടെ ആരംഭം മുതൽക്കുതന്നെ ഈശ്വരശക്തി നമ്മളെ പല കാര്യങ്ങളും പഠിപ്പിക്കാൻ തുടങ്ങിയതാണ്. അവയൊക്കെ നമ്മൾ വേണ്ടവിധം പഠിച്ചിരുന്നെങ്കിൽ ഇന്ന് മനുഷ്യൻ നേരിടുന്ന പല സങ്കീർണ പ്രശ്നങ്ങളും ഒഴിവാക്കാമായിരുന്നു- മാതാ അമൃതാനന്ദമയി പറഞ്ഞു. അമൃത വിശ്വവിദ്യാപീഠം കാമ്പസിലെ പ്രത്യേക വേദിയിലാണ് ജൻമദിനാഘോഷ പരിപാടികൾ. ഇന്ന് രാവിലെ അഞ്ചിന് മഹാഗണപതി ഹോമം, ഏഴിന് സത്സംഗം, 7.45 ന് സംഗീതസംവിധായകൻ രാഹുൽരാജും സംഘവും അവതരിപ്പിക്കുന്ന നാദാമൃതം, ഒമ്പതിന് ഗുരുപാദപൂജ എന്നിവ നടന്നു. തുടർന്നാണ് മാതാ അമൃതാനന്ദമയി ജൻമദിന സന്ദേശം നൽകിയത്. ധ്യാനം, വിശ്വശാന്തി പ്രാർഥന…
Read Moreലോക്സഭാ തെരഞ്ഞെടുപ്പിനു മുന്നോടിയായി കോൺഗ്രസ് യോഗങ്ങൾ; നാളെ രാഷ്ട്രീയകാര്യ സമിതി യോഗം
തിരുവനന്തപുരം: ലോക്സഭാ തെരഞ്ഞെടുപ്പിന് മുന്നോടിയായി യോഗങ്ങൾ ചേരാൻ കോൺഗ്രസ്. നാളെ രാഷ്ട്രീയകാര്യ സമിതിയും മറ്റന്നാള് കെപിസിസി യോഗവുമാണ് ചേരുക. പ്രവര്ത്തകസമിതി യോഗ തീരുമാനപ്രകാരമാണ് നാളെയും മറ്റന്നാളുമായി നേതൃയോഗം ചേരുന്നത്. നീണ്ട ഇടവേളക്കുശേഷമാണ് രാഷ്ട്രീയകാര്യ സമിതി ചേരുന്നത്. പുനഃസംഘടന പൂര്ത്തിയാക്കി പാര്ട്ടി അടിത്തറ ശക്തിപ്പെടുത്തുക ലക്ഷ്യമിട്ടാണ് യോഗങ്ങൾ. കെപിസിസി അധ്യക്ഷന് കെ സുധാകരന്റെ നേതൃത്വത്തില് കേരളയാത്ര സംഘടിപ്പിക്കുന്നതിനെ കുറിച്ചും യോഗം ചര്ച്ച ചെയ്യും. ജനുവരിയില് 20 ദിവസം നീണ്ടു നില്ക്കുന്ന യാത്രയാണ് കെപിസിസി ആലോചിക്കുന്നത്. പരസ്യ വിമര്ശനങ്ങള് ഒഴിവാക്കണമെന്ന നിര്ദ്ദേശമാകും ഹൈക്കമാന്ഡ് പ്രതിനിധികള് യോഗത്തില് മുന്നോട്ടുവെക്കുക. കെപിസിസി സംയുക്ത യോഗത്തിൽ ലോക്സഭാ തെരഞ്ഞെടുപ്പ് ഒരുക്കങ്ങൾ കൂടാതെ മണ്ഡലം പുനസംഘടനയിലെ പരാതികളും പരിശോധിക്കും. എഐസിസി സംഘടനാ ചുമതലയുള്ള ജനറല് സെക്രട്ടറി കെ സി വേണുഗോപാൽ, സംസ്ഥാനത്തിന്റെ ചുമതലയുള്ള ജനറല് സെക്രട്ടറി താരിഖ് അന്വർ, എ.കെ.ആന്റണി ഉള്പ്പെടെയുള്ളവർ യോഗങ്ങളില് പങ്കെടുക്കും.
Read Moreസുരേഷ് ഗോപിയെ സ്ഥാനാർഥിയാക്കാൻ ഇഡിയുടെ സഹായം വേണ്ട; തട്ടിപ്പുകാരെല്ലാം അന്തിയുറങ്ങുന്നത് എ.കെ.ജി സെന്ററിലെന്ന് സുരേന്ദ്രൻ
ഇരിങ്ങാലക്കുട : സുരേഷ് ഗോപിയെ തൃശൂരിൽ സ്ഥാനാർഥിയാക്കാൻ തങ്ങൾക്ക് ഇഡിയുടെയും കരുവന്നൂരിന്റെയും ഒന്നും സഹായം വേണ്ടെന്നു ബിജെപി സംസ്ഥാന അധ്യക്ഷൻ കെ. സുരേന്ദ്രൻ. കരുവന്നൂരിലെ കോടികളുടെ അഴിമതി പുറത്തുകൊണ്ടുവന്നത് മാധ്യമങ്ങളോ ഇഡിയോ ക്രൈംബ്രാഞ്ചോ അല്ല, മറിച്ച് പാവപ്പെട്ട സിപിഎം അനുഭാവികളായ സഹകാരികളാണ്. മാസപ്പടി എല്ലാം വാങ്ങി എവിടെ നിക്ഷേപിക്കുന്നു എന്ന സംശയമാണ് ഇപ്പോൾ തീർന്നിരിക്കുന്നത് എ.സി. മൊയ്തീന്റെയും എം.കെ. കണ്ണന്റെയും അരവിന്ദാക്ഷന്റെയും സതീഷ് കുമാറിന്റെയും അനധികൃത സ്വത്തുക്കൾ കണ്ടു കെട്ടണം. അല്ലാതെ മറ്റു ബാങ്കുകളെ കൂടി കരുവന്നൂരിന്റെ പാതയിലേക്ക് എത്തിക്കുകയല്ല വേണ്ടത്. തട്ടിപ്പുകാരെല്ലാം എ.കെ.ജി സെന്ററിൽ ആണ് അന്തിയുറങ്ങുന്നതെന്നും സുരേന്ദ്രൻ പരിഹസിച്ചു.
Read Moreഎം.കെ. കണ്ണനോട് സ്വത്ത് വിവരങ്ങൾ ഹാജരാക്കാൻ ഇഡി; വ്യാഴാഴ്ചയ്ക്കുള്ളിൽ കുടുംബത്തിന്റെയടക്കം സ്വത്ത് വിവരം വേണം
തൃശൂർ: സിപിഎം നേതാവും തൃശൂർ കോ ഓപ്പറേറ്റീവ് ബാങ്ക് പ്രസിഡന്റും കേരളാ ബാങ്ക് വൈസ് പ്രസിഡന്റുമായ എം.കെ കണ്ണൻ സ്വത്ത് വിവരങ്ങൾ ഹാജരാക്കണമെന്നാവശ്യപ്പെട്ട് ഇഡി നോട്ടീസ് നൽകി. കരുവന്നൂർ സഹകരണ ബാങ്ക് തട്ടിപ്പും കള്ളപ്പണം വെളുപ്പിക്കലും സംബന്ധിച്ച അന്വേഷണത്തിന്റെ ഭാഗമായാണ് ഇഡി നോട്ടീസ് നൽകിയത്. വ്യാഴാഴ്ചയ്ക്കുള്ളിൽ കുടുംബത്തിന്റെയടക്കം സ്വത്ത് വിവരം ഹാജരാക്കാനാണ് ഇഡി നിർദ്ദേശം. എം.കെ കണ്ണൻ പ്രസിഡന്റായി തുടരുന്ന തൃശൂർ കോ -ഓപ്പറേറ്റീവ് ബാങ്കിൽ കരുവന്നൂർ കേസിലെ മുഖ്യപ്രതി സതീഷ് കുമാർ പല പ്രധാന ഇടപാടുകളും നടത്തിയിരുന്നതായി ഇഡി കണ്ടെത്തിയിട്ടുണ്ട്. കോടികളുടെ ഇടപാട് രേഖകൾ ഈ ബാങ്കിൽ കഴിഞ്ഞ ദിവസം നടത്തിയ റെയ്ഡിൽ പിടിച്ചെടുത്തിരുന്നു. ഇതുമായി ബന്ധപ്പെട്ട് വിശദാംശങ്ങൾ തേടാൻ കണ്ണനെ വിളിച്ചുവരുത്തി ചോദ്യം ചെയ്യുകയുമുണ്ടായി. എന്നാൽ കണ്ണൻ അന്വേഷണത്തോട് സഹകരിക്കുന്നില്ല എന്നാണ് ഇഡി പറയുന്നത്. ചോദ്യം ചെയ്യൽ സമയത്ത് കണ്ണൻ ശാരീരിക അസ്വസ്ഥതകൾ പ്രകടിപ്പിക്കുന്നുവെന്നും…
Read Moreവിശ്വാസങ്ങളുടെ മേല് സിപിഎം കുതിര കയറുന്നു; മലപ്പുറം എന്നു കേട്ടാല് സിപിഎമ്മിന് ചതുര്ഥിയാണെന്ന് മുസ് ലിം ലീഗ്
കോഴിക്കോട്്: വിശ്വാസങ്ങളുടെ മേല് സിപിഎം കുതിര കയറുകയാണെന്ന് മുസ് ലിം ലീഗ് സംസ്ഥാന ജനറല് സെക്രട്ടറി അഡ്വ. പി.എം.എ. സലാം മാധ്യമ പ്രവര്ത്തകരോടു പറഞ്ഞു. അനില്കുമാറിന്റെ പ്രസ്താവന ലീഗ് ഗൗരവത്തോടെയാണ് കാണുന്നത്. ഉത്തരവാദപ്പെട്ട സിപിഎം നേതാക്കള് നിലപാട് വ്യക്തമാക്കണമെന്ന് അദ്ദേഹം പറഞ്ഞു. മലപ്പുറം എന്നു കേട്ടാല് ചതുര്ഥിയാണ് സിപിഎമ്മിന്. മലപ്പുറത്ത് ആരാണ് തട്ടം ഒഴിവാക്കിയത് എന്ന വ്യക്തമല്ല. വഖഫിന്റെ കാര്യത്തിലൂം ശബരിമലയുടെ കാര്യത്തിലും സിപിഎം ഇതേ നിലപാടണ് സ്വീകരിച്ചതെന്ന് അദ്ദേഹം പറഞ്ഞു. അനില്കുമാറിന്റെ പ്രസ്താവനക്കെതിരേ കാന്തപുരം വിഭാഗം സുന്നി സംഘടന രംഗത്തെത്തി. അനില്കുമാര് പ്രസ്താവന പിന്വലിച്ചു മാപ്പുപറയണമെന്ന് സംഘടന ആവശ്യപ്പെട്ടിട്ടുണ്ട്.അനില്കുമാറിന്റെത് മുസ് ലിം വിരുദ്ധ നിലപാടാണെന്ന് മുജാഹിദ് നേതാവ് ഹുസൈന് മടവൂര് വ്യക്തമാക്കി. പുരോഗമനത്തെക്കുറിച്ചും മലപ്പുറെത്തക്കുറിച്ചും സിപിഎമ്മിനുള്ള നിലപാട് വ്യക്തമാക്കണമെന്ന് ജമാഅത്തെ ഇസ് ലാമി കേരള അമീര് പി.മുജീബ്റഹ്മാന് പറഞ്ഞു.
Read Moreവിദ്യാര്ഥി ജീവനൊടുക്കിയ സംഭവം; അവസാനം കണ്ട മൂന്ന് സിനിമകളുടേയും സന്ദേശമയച്ച വെബ്സൈറ്റ് വ്യാജം
കോഴിക്കോട്: ലാപ്ടോപ്പില് സിനിമ കണ്ടുകൊണ്ടിരിക്കെ പണം ആവശ്യപ്പെട്ടുള്ള സന്ദേശത്തെതുടര്ന്ന് വിദ്യാര്ഥി ജീവനൊടുക്കിയ സംഭവത്തില് അന്വേഷണം ഊര്ജിതമാക്കി.വിദ്യാര്ഥിക്ക് സന്ദേശമയച്ച വെബ്സൈറ്റ് വ്യാജമാണെന്ന് പ്രാഥമിക അന്വേഷണത്തില് കണ്ടെത്തിയിട്ടുണ്ട്. സൈബര് സെല് ഈ വെബ് വെബ്സൈറ്റിന്റെ ആധികാരിത പരിശോധിക്കുന്നുണ്ട്.അതിനുശേഷം ചിത്രം വ്യക്തമാകും. വിദ്യാര്ഥി അവസാനം കണ്ട മൂന്നു സിനിമകളും സന്ദേശം എത്തിയ വെബ്സൈറ്റിന്റെ അനുബന്ധ ലിങ്കുമാണെന്ന് കണ്ടെത്തിയിട്ടുണ്ട്. സിനിമ കാണുന്നതിനിടയില് വ്യാജ സന്ദേശത്തിന്റെ ലിങ്ക് ഓണ്ലൈനായി വന്നതാണോ അതോ വിദ്യാര്ഥി ഗൂഗിള് സര്ച്ച് വഴി തേടിയതാണോ എന്ന് പരിളോധിച്ചുവരികയാണ്. ആത്മഹത്യചെയ്യുംമുമ്പ് എഴുതിയ കുറിപ്പില് ഇത്തരം ലിങ്കുമായി ബന്ധപ്പെട്ട സൂചനയുള്ളതായാണ് വിവരം. പണം ആവശ്യപ്പെട്ട് സന്ദേശം വരികയും ഭീഷണി വന്നശേഷം ലാപ്ടോപ് നിശ്ചലമാവുകയും ചെയ്തതിനെത്തുടര്ന്നാണ് ആത്മഹത്യ ചെയ്യുന്നതെന്ന് വിദ്യാര്ഥിയുടെ കുറിപ്പില് പറയുന്നുണ്ട്. ചേവായൂർ സ്വദേശി ആദിനാഥാണ് (18) ആത്മഹത്യാ കുറിപ്പ് എഴുതിവച്ച ശേഷം ബുധനാഴ്ച വൈകിട്ട് ജീവനൊടുക്കിയത്. സൈബർ സെല്ലിന്റെ സഹായത്തോടെയാണ് പോലീസ്…
Read More