മുളങ്കുന്നത്തുകാവ്(തൃശൂർ): കാൻസർ ബാധിച്ച തുടയെല്ലിന്റെ മൂക്കാൽ ഭാഗത്തോളം ശസ്ത്രക്രിയ വഴി മുറിച്ചു പുറത്തെടുത്ത് റേഡിയേഷൻ നല്കി കാൻസർവിമുക്തമാക്കി അതേ സ്ഥാനത്തു വീണ്ടും വച്ചുപിടിപ്പിച്ചു. തൃശൂർ മെഡിക്കൽ കോളജിന്റെ ചരിത്രത്തിൽ ആദ്യമായാണു ഇത്തരം കാൻസർ ശസ്ത്രക്രിയ വിജയകരമാകുന്നത്. വർഷങ്ങൾക്കുമുന്പ് തിരുവനന്തപുരം മെഡിക്കൽ കോളജിൽ ഇത്തരമൊരു ശസ്ത്രക്രിയ നടത്തിയിരുന്നു. സ്വകാര്യ ആശുപത്രികളിൽപോലും ഇത്തരം ശസ്ത്രക്രിയകൾ അത്യപൂർവമാണ്. കാൻസർ വന്ന ഭാഗം മുറിച്ചുമാറ്റുകയാണ് സാധാരണ ചെയ്യുക. അതിൽനിന്നും വ്യത്യസ്തമായാണ് മെഡിക്കൽ രംഗത്തു വിപ്ലവകരമായ ശസ്ത്രക്രിയ നടത്തിയത്. മലപ്പുറം കോത്തൂർ പിലായക്കാത്ത്് വീട്ടിൽ താമിയുടെ ഭാര്യ സുശീല(52)യുടെ ഇടതുകാലിലാണ് അപൂർവശസ്ത്രക്രിയ നടത്തി കാൻസർവിമുക്തമാക്കിയത്. അഞ്ചുമണിക്കൂറാണ് ഇതിനു വേണ്ടിവന്നത്. സ്വകാര്യ ആശുപത്രികളിൽ അഞ്ചുലക്ഷം രൂപ ചെലവുവരുന്ന ശസ്ത്രക്രിയയ്ക്കു മെഡിക്കൽ കോളജിൽ പതിനായിരം രൂപയാണ് ചെലവെന്ന പ്രത്യേകതയുമുണ്ട്. കൂലിപ്പണിക്കാരിയായ സുശീലയുടെ കാലിൽ 15 വർഷംമുന്പ് കല്ല് വീണു ചതഞ്ഞിരുന്ന. എന്നാൽ കൃത്യമായ ചികിത്സ തേടാത്തതുമൂലം പിന്നീട്…
Read Moreവെറും പതിനായിരം രൂപയ്ക്ക്..! കാൻസർ ബാധിച്ച തുടയെല്ല് മുറിച്ചെടുത്ത് രോഗവിമുക്തമാക്കി വച്ചുപിടിപ്പിച്ചു തൃശൂർ മെഡിക്കൽ കോളജിന് ചരിത്ര നേട്ടം
