തിരുവനന്തപുരം: ഒറ്റയ്ക്ക് താമസിച്ചു വരികയായിരുന്ന എസ്ഐയെ വീടിനുള്ളിൽ മരിച്ച നിലയിൽ കണ്ടെത്തി. തിരുവനന്തപുരം സിറ്റി പോലീസ് കണ്ട്രോൾ റൂമിലെ എസ്ഐ. ജയചന്ദ്രൻ (55) നെയാണ് ഇന്ന് രാവിലെയോടെ മരിച്ച നിലയിൽ കണ്ടെത്തിയത്. വഞ്ചിയൂർ ഖബറഡി ജംഗ്ഷനിലുള്ള സഹോദരന്റെ വീട്ടിലെ രണ്ടാം നിലയിലായിരുന്നു താമസിച്ച് വന്നിരുന്നത്. ഇദ്ദേഹത്തിന്റെ സഹോദരൻ മറ്റൊരു വീട്ടിലായിരുന്നു താമസം. മൃതദേഹത്തിന് നാല് ദിവസത്തോളം പഴക്കമുണ്ടെന്ന് സംശയിക്കുന്നതായി പോലീസ് പറഞ്ഞു. ഇന്ന് രാവിലെ വീട്ടിൽ നിന്നും ദുർഗന്ധം വമിച്ചതോടെ നാട്ടുകാർ വീടിനകത്ത് കയറി നോക്കിയപ്പോഴാണ് ഇദ്ദേഹത്തെ മരിച്ച നിലയിൽ കണ്ടെത്തിയത്. കട്ടിലിൽ കിടക്കുന്ന നിലയിലായിരുന്നു മൃതദേഹം കാണപ്പെട്ടതെന്ന് പോലീസ് പറഞ്ഞു. കഴിഞ്ഞ ഏതാനും നാളുകളായി ഇദ്ദേഹം ലീവിലായിരുന്നു. അവിവാഹിതനാണ്. വഞ്ചിയൂർ പോലീസ് മേൽനടപടി സ്വീകരിച്ചു. മൃതദേഹം പോസ്റ്റ്മോർട്ടത്തിനായി മെഡിക്കൽ കോളജാശുപത്രി മോർച്ചറിയിലേക്ക് മാറ്റി.
Read MoreCategory: TVM
പാവപ്പെട്ട 20 ലക്ഷം കുടുംബങ്ങൾക്ക് സൗജന്യ അതിവേഗ ഇന്റർനെറ്റ്: കെ-ഫോണ് പദ്ധതിക്ക് ഭരണാനുമതി
തിരുവനന്തപുരം: സംസ്ഥാനത്തെ ഇൻറർനെറ്റ് ശൃംഖല ശക്തിപ്പെടുത്താനും പാവപ്പെട്ട 20 ലക്ഷം കുടുംബങ്ങൾക്ക് സൗജന്യമായി അതിവേഗ ഇന്റർനെറ്റ് കണക്ഷൻ നൽകാനും ലക്ഷ്യമിടുന്ന കെ-ഫോണ് പദ്ധതിക്ക് ഭരണാനുമതി നൽകാൻ മന്ത്രിസഭ തീരുമാനിച്ചു. സൗജന്യം ലഭിക്കാത്തവർക്ക് കുറഞ്ഞ നിരക്കിൽ ഇന്റർനെറ്റ് കണക്ഷൻ ഇതുവഴി ലഭിക്കും. പൗരന്മാരുടെ അവകാശമായി ഇന്റർനെറ്റ് പ്രഖ്യാപിച്ച കേരളം, എല്ലാവർക്കും ഇന്റർനെറ്റ് എന്ന ലക്ഷ്യം നേടുന്നതിനാണ് പദ്ധതി നടപ്പാക്കുന്നത്. പദ്ധതിയുടെ മൊത്തം ചെലവ് 1548 കോടി രൂപയാണ്. കിഫ്ബി ധനസഹായം ഉപയോഗിച്ചാണ് പദ്ധതി നടപ്പാക്കുക. സംസ്ഥാനത്തു ശക്തമായ ഒപ്റ്റിക്കൽ ഫൈബർ ശൃംഖല സ്ഥാപിച്ച് അത് വഴി വീടുകളിലും ഓഫിസുകളിലും അതിവേഗ ഇന്റർനെറ്റ് കണക്ഷൻ നൽകുന്നതാണ് പദ്ധതി. കെഎസ്ഇബിയും കേരളാ സ്റ്റേറ്റ് ഐടി ഇൻഫ്രാസ്ട്രക്ചർ ലിമിറ്റഡും ചേർന്നുള്ള സംയുക്ത സംരംഭം വഴിയാണ് പദ്ധതി നടപ്പാക്കുന്നത്. കേന്ദ്ര പൊതുമേഖലാസ്ഥാപനമായ ഭാരത് ഇലക്ട്രോണിക്സ് ലിമിറ്റഡ് നേതൃത്വം നൽകുന്ന കണ്സോർഷ്യത്തിനാണ് പദ്ധതിയുടെ ടെൻഡർ നൽകിയത്.…
Read Moreഎൻഡിഎ സജീവമായിരുന്നെങ്കിൽ വട്ടിയൂർകാവിൽ ജയിക്കാമായിരുന്നെന്ന് തുഷാർ വെള്ളാപ്പള്ളി
തിരുവനന്തപുരം: എന്ഡിഎ കേരളത്തില് സജീവമല്ലെന്ന് മുന്നണി കണ്വീനര് തുഷാര് വെള്ളാപ്പള്ളി. എൻഡിഎ സജീവമായിരുന്നെങ്കില് വട്ടിയൂര്ക്കാവില് ജയിക്കുമായിരുന്നു. ബിഡിജെഎസ്, എന്ഡിഎയില് ഉറച്ചുനില്ക്കുമെന്നും പാര്ട്ടി സംസ്ഥാന കൗണ്സില് യോഗത്തിനുശേഷം തുഷാര് വെള്ളാപ്പള്ളി പറഞ്ഞു.
Read Moreതട്ടിപ്പ് മൂന്ന് പ്രതികളിൽ ഒതുങ്ങും; പിഎസ്സി പരീക്ഷ ക്രമക്കേടിൽ പ്രതികൾക്കൊഴികെ നിയമനമാകാമെന്ന് ക്രൈം ബ്രാഞ്ച് റിപ്പോർട്ട്
തിരുവനന്തപുരം: എസ്എഫ്ഐ നേതാക്കൾ ഉൾപ്പെട്ട പിഎസ്സി പരീക്ഷ ക്രമക്കേടിൽ പിഎസ്സിക്ക് റിപ്പോർട്ട് നൽകി ക്രൈംബ്രാഞ്ച്. സിവിൽ പോലീസ് ഓഫീസർ പട്ടികയിൽനിന്ന് നിയമനമാകാമെന്ന് ക്രൈംബ്രാഞ്ച് റിപ്പോർട്ട് നൽകി. എസ്എഫ്ഐ നേതാക്കളായ ഒന്നും രണ്ടും മൂന്നും പ്രതികൾക്കൊഴികെ നിയമനം നൽകാം. സിവൽ പോലീസ് ഓഫീസർ ചോദ്യപേപ്പർ ചോർന്നിട്ടില്ലെന്നും റിപ്പോർട്ടിൽ പറയുന്നു. തട്ടിപ്പ് മൂന്ന് പ്രതികളിലൊതുങ്ങുന്നുവെന്നും ക്രൈംബ്രാഞ്ച് കണ്ടെത്തി. ക്രൈംബ്രാഞ്ച് എഡിജിപി ടോമിൻ തച്ചങ്കരിയാണ് പിഎസ്സിക്ക് റിപ്പോർട്ട് കൈമാറിയത്. തിരുവനന്തപുരം യൂണിവേഴ്സിറ്റി കോളജിലെ കുത്ത്ക്കേസില് പ്രതിയായ ശിവരഞ്ജിത്തിന് സിവില് പോലീസ് ഓഫീസര് പരീക്ഷയിൽ ഒന്നാം റാങ്കാണ്. 78.33 മാർക്കാണ് ശിവരഞ്ജിത്തിന് കിട്ടിയത്. സ്പോർട്സ് ക്വോട്ടയിലെ മാർക്ക് കൂടി കണക്കിലെടുത്തപ്പോൾ മാർക്ക് തൊണ്ണൂറിന് മുകളിലായി. ഒന്നാം റാങ്കും കിട്ടി. സ്പോര്ട്സ് വെയിറ്റേജായി 13.58 മാര്ക്കാണ് കിട്ടിയത്. ഇത് കൂടി ചേര്ത്തപ്പോള് 91.9 മാര്ക്ക് ലഭിച്ചു. രണ്ടാം പ്രതിയായ നസീം പോലീസ് റാങ്ക് ലിസ്റ്റില്…
Read Moreആരോഗ്യനില വഷളായി! വീട്ടിൽ പ്രസവിച്ച യുവതിക്ക് രക്ഷകരായി കനിവ് 108 ആംബുലൻസ്
ആറ്റിങ്ങൽ: വീട്ടിൽ പ്രസവിച്ച യുവതിക്ക് രക്ഷകരായി കനിവ് 108 ആംബുലൻസ്. ആറ്റിങ്ങൽ പുത്തൻകുളം കല്ലറതോട്ടം കൊച്ചുവീട്ടിൽ സന്തോഷിന്റെ ഭാര്യ ലിജി(27)യാണ് വീട്ടിൽ പെൺകുഞ്ഞിന് ജന്മം നൽകിയത്. ഇന്നലെ പുലർച്ചെ 12.15നാണ് സംഭവം. പതിനൊന്നാണ് ലിജിക്ക് ഡോക്ടർമാർ പ്രസവ തീയതിയായി പറഞ്ഞിരുന്നത്. എന്നാൽ രാത്രിയോടെ പ്രസവവേദന അനുഭവപ്പെട്ടതിനെ തുടർന്ന് ലിജിയെ ബന്ധുക്കൾ ആശുപത്രിയിലേക്ക് മാറ്റാൻ ശ്രമിച്ചെങ്കിലും ആരോഗ്യനില വഷളായി വീട്ടിൽ പ്രസവിക്കുകയായിരുന്നു. ഉടൻ തന്നെ ബന്ധുക്കൾ 108 ആംബുലൻസിന്റെ സേവനം തേടി. കൺട്രോൾറൂമിൽ നിന്ന് വിവരം ലഭിച്ചത് അനുസരിച്ച് ആറ്റിങ്ങൽ വലിയകുന്ന് സർക്കാർ ആശുപത്രിയിലെ കനിവ് 108 ആംബുലൻസ് എമർജൻസി മെഡിക്കൽ ടെക്നീഷ്യൻ പ്രകാശ്, പൈലറ്റ് ശ്രീനാഥ് എന്നിവർ സ്ഥലത്തെത്തി കുഞ്ഞിന്റെ പൊക്കിൾക്കൊടി ബന്ധം വേർപ്പെടുത്തിയ ശേഷം അമ്മയ്ക്കും കുഞ്ഞിനും പ്രകാശ് പ്രഥമ ശുശ്രൂഷ നൽകി. തുടർന്ന് ആംബുലൻസിലേക്ക് മാറ്റിയ ഇരുവരെയും ചിറയിൻകീഴ് സർക്കാർ ആശുപത്രിയിൽ പ്രവേശിപ്പിച്ചു.
Read Moreവട്ടിയൂർക്കാവിൽ സംഘർഷം തുടരുന്നു! സിപിഎം പ്രവർത്തകന്റെ വീടിന് നേരെ കല്ലേറ്; ബൈക്ക് അടിച്ചു തകർത്തു; നിരോധനാജ്ഞ
പേരൂർക്കട: വട്ടിയൂർക്കാവ് സംഘർഷം ഒഴിവാക്കുന്നതിനുവേണ്ടി ഉന്നത പോലീസ് അധികാരികളുടെ നേതൃത്വത്തിൽ ശക്തമായ ഇടപെടൽ നടത്തുന്നുണ്ടെങ്കിലും ആക്രമണങ്ങളും പ്രത്യാക്രമണങ്ങളും തുടരുന്നു. മാമ്പഴക്കുന്ന് ചെറുപാലോട് ഭാഗത്ത് സിപിഎം പ്രവർത്തകന്റെ വീട് ആക്രമിക്കപ്പെട്ടു. അയോധ്യ നഗർ ഭാഗത്ത് താമസിക്കുന്ന പാർട്ടി അംഗം യു. ശശിയുടെ വീടിന് നേരെയായിരുന്നു ആക്രമണം. ഇന്നു പുലർച്ചെ ഒരുമണിയോടെയാണ് സംഭവം ഉണ്ടാകുന്നത്. ശശിയുടെ വീടിനു നേരെ ഒരു സംഘം ആൾക്കാർ കല്ലെറിയുകയും വീടിന് സമീപം പാർക്ക് ചെയ്തിരുന്ന ബൈക്ക് അടിച്ചു തകർക്കുകയും ചെയ്തു. ബൈക്കിലെത്തിയ സംഘമാണ് ആക്രമണം നടത്തിയതെന്ന് സൂചനയുണ്ട്. ആക്രമണത്തിൽ വീടിന്റെ ജനാല ചില്ലുകളും തകർന്നിട്ടുണ്ട്. സംഭവമറിഞ്ഞ് പോലീസ് എത്തിയെങ്കിലും അക്രമികൾ രക്ഷപ്പെട്ടു. ബി.ജെ.പി പ്രവർത്തകരാണ് അക്രമം നടത്തിയതെന്ന് സി.പി.എം ആരോപിക്കുന്നു. വട്ടിയൂർക്കാവിൽ നിരോധനാജ്ഞ പേരൂർക്കട: സംഘർഷ സാധ്യത നിലനിൽക്കുന്ന വട്ടിയൂർക്കാവിലും പരിസരപ്രദേശങ്ങളിലും നിരോധനാജ്ഞ പുറപ്പെടുവിച്ചു. സിറ്റി പോലീസ് കമ്മീഷണറാണ് നിരോധനാജ്ഞ പുറപ്പെടുവിച്ചത്. ഇനി ഒരു…
Read Moreലേഖനത്തിലേത് വ്യക്തിപരമായ അഭിപ്രായങ്ങൾ; മാവോയിസ്റ്റ് ഏറ്റുമുട്ടലിനെ ന്യായീകരിച്ച് ലേഖനമെഴുതിയ ചീഫ് സെക്രട്ടറിയ്ക്കെതിരെ മുഖ്യമന്ത്രി
തിരുവനന്തപുരം: അട്ടപ്പാടിയിലെ മാവോയിസ്റ്റ് ഏറ്റുമുട്ടലിനെയും യുവാക്കളെ യുഎപിഎ ചുമത്തി അറസ്റ്റ് ചെയ്തതിനെയും ന്യായീകരിച്ചു ലേഖനമെഴുതിയ ചീഫ് സെക്രട്ടറി ടോം ജോസിനെതിരെ മുഖ്യമന്ത്രി പിണറായി വിജയൻ. മുൻകൂർ അനുമതിയില്ലാതെയാണ് ചീഫ് സെക്രട്ടറി ലേഖനം എഴുതിയതെന്ന് മുഖ്യമന്ത്രി പറഞ്ഞു. ലേഖനത്തിലേത് വ്യക്തിപരമായ അഭിപ്രായങ്ങളാണ്. ഇത് അന്വേഷണത്തെ ബാധിക്കില്ലെന്നും മുഖ്യമന്ത്രി നിയമസഭയിൽ പറഞ്ഞു. പ്രതിപക്ഷ നേതാവ് രമേശ് ചെന്നിത്തലയുടെ ചോദ്യത്തിനായിരുന്നു മുഖ്യമന്ത്രിയുടെ മറുപടി. മാവോയിസ്റ്റുകൾ തീവ്രവാദികൾ തന്നെയെന്നും ജനാധിപത്യ സർക്കാരിനെ അട്ടിമറിക്കാനുള്ള ശ്രമമാണു നടക്കുന്നതെന്നും ഒരു ഇംഗ്ലീഷ് ദിനപ്പത്രത്തിലെഴുതിയ ലേഖനത്തിലാണു ടോം ജോസ് എഴുതിയത്. മാവോയിസ്റ്റുകൾക്കെതിരായ നടപടിയിൽ സർക്കാരിനും തണ്ടർബോൾട്ട്-പോലീസ് നടപടികൾക്കുമെതിരേ വിമർശനമുയരുന്ന സാഹചര്യത്തിലാണു ന്യായീകരിച്ചു ചീഫ് സെക്രട്ടറി ടോം ജോസ് രംഗത്തെത്തിയത്. സേനയെ കുറ്റപ്പെടുത്തുന്നതിൽ ന്യായമില്ലെന്നും മാവോയിസ്റ്റുകൾക്കു മനുഷ്യാവകാശത്തിന് അർഹതയില്ലെന്നും മനുഷ്യാവകാശത്തിന്റെ പേരിലുള്ള മാവോയിസ്റ്റുകൾക്കു വേണ്ടി ഉയരുന്ന വാദങ്ങൾ നിയമം അനുസരിക്കുന്നവരെ അവഹേളിക്കലാണെന്നും ചീഫ് സെക്രട്ടറി ലേഖനത്തിൽ ചൂണ്ടിക്കാട്ടി.ഇതിനെതിരെ ഭരണകക്ഷിയായ…
Read Moreകെഎസ്ആർടിസി ബസിൽ വച്ച് യുവതിക്ക് നേരേ ലൈംഗികാതിക്രമം: പ്രതി അറസ്റ്റിൽ
നേമം: കെഎസ്ആർടിസി ബസിൽ വച്ച് യുവതിയെ ലൈംഗികാതിക്രമം നടത്തിയ പള്ളിച്ചൽ പ്രാവച്ചമ്പലം മുണ്ടപ്ലാവിള വീട്ടിൽ ദീപു (31 )നെ നേമം പോലീസ് അറസ്റ്റ് ചെയ്തു. പാപ്പനംകോട് നിന്നും പ്രാവച്ചമ്പലത്തേക്കുള്ള യാത്രാമധ്യേയാണ് യുവതിക്ക് നേരേ അതിക്രമമുണ്ടായത്. യുവതിയുടെ പരാതിയെ തുടർന്നാണ് പോലീസ് ദീപുവിനെ അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. നേമം സിഐ ബൈജുവിന്റെ നേതൃത്വത്തിലാണ് പ്രതിയെ അറസ്റ്റ് ചെയ്തത്.
Read Moreവീഴ്ചകൾ മറയ്ക്കാൻ തെറ്റായ പ്രചാരണം നടത്തുന്നത് രാഷ്ട്രീയ ക്രിമിനലുകളെന്ന് മന്ത്രി ജി സുധാകരൻ
തിരുവനന്തപുരം: പൂതനാ പരാമർശത്തിൽ തനിക്കുനേരെ ജില്ലാ കമ്മിറ്റി യോഗത്തിൽ വിമർശനമുണ്ടായെന്ന് പ്രചരിപ്പിക്കുന്നത് രാഷ്ട്രീയ ക്രിമിനലുകളെന്ന് മന്ത്രി ജി.സുധാകരൻ. പൂതനാ പരാമർശം കൊണ്ടല്ല അരൂരിൽ വിജയമുണ്ടായതെന്ന് ഷാനിമോൾ ഉസ്മാൻ പോലും പറഞ്ഞിട്ടുണ്ട്. തെറ്റായ പ്രചാരണങ്ങളിലൂടെ വീഴ്ച്ചകൾ മറയ്ക്കാമെന്ന് ആരും കരുതേണ്ടെന്നും മന്ത്രി പറഞ്ഞു. ഷാനിമോൾ ഉസ്മാനെതിരായ സുധാകരന്റെ പൂതന പരാമർശം തിരിച്ചടിയായെന്ന് ആലപ്പുഴ ജില്ലാ നേതൃയോഗത്തിൽ വിമർശനം ഉയർന്നെന്നായിരുന്നു റിപ്പോർട്ട് വന്നത്. പൂതന പരാമർശം ഉപതെരഞ്ഞെടുപ്പിൽ വോട്ടുകൾ കുറച്ചെന്ന് യോഗം വിലയിരുത്തി എന്നായിരുന്നു വാർത്ത. ഇതിനെ തള്ളിയാണ് ജി.സുധാകരൻ നേരിട്ട് രംഗത്തെത്തിയത്. എൽഡിഎഫ് കുടുംബയോഗത്തിലായിരുന്നു ഷാനിമോൾ ഉസ്മാനെതിരായ മന്ത്രിയുടെ വിവാദ പരാമർശം. പൂതനമാർക്ക് അരൂരിൽ വിജയിക്കാനാകില്ല എന്നായിരുന്നു ജി.സുധാകരൻ പറഞ്ഞത്.
Read Moreസംസ്ഥാനത്തെ സ്കൂളുകളിൽ മൊബൈൽ ഫോണും സമൂഹമാധ്യമങ്ങളും വിലക്കി ഉത്തരവ്
തിരുവനന്തപുരം: സംസ്ഥാനത്തെ സ്കൂളുകളിൽ മൊബൈൽ ഫോണും സമൂഹമാധ്യമങ്ങളും വിലക്കി ഉത്തരവ്. പൊതുവിദ്യാഭ്യാസ ഡയറക്ടർ ജനറലാണ് ഉത്തരവിറക്കിയത്. പ്രവൃത്തി സമയങ്ങളിൽ അധ്യാപകർ സമൂഹമാധ്യമങ്ങൾ ഉപയോഗിക്കരുതെന്ന് ഉത്തരവിൽ പറയുന്നു. വിദ്യാർഥികൾ മൊബൈൽ ഉപയോഗിക്കുന്നത് വിലക്കി പൊതു വിദ്യാഭ്യാസവകുപ്പ് നേരത്തെയും സർക്കുലർ ഇറക്കിയിരുന്നു. എന്നാൽ ഇത് കർശനമായി പാലിക്കപ്പെടാത്തതിനാലാണ് പൊതുവിദ്യാഭ്യാസ ഡയറക്ടറുടെ പേരിൽ ഉത്തരവ് ഇറക്കിയിരിക്കുന്നത്. പ്രവൃത്തിസമയങ്ങളിൽ അധ്യാപകർ സമൂഹമാധ്യമങ്ങൾ ഉപയോഗിക്കുന്നതു കാര്യക്ഷമതയെ ബാധിക്കുന്നതായും ഉത്തരവ് കർശനമായി നടപ്പാക്കാൻ പ്രഥമാധ്യാപകർ ശ്രദ്ധിക്കണമെന്നും ഉത്തരവിൽ നിർദേശിക്കുന്നു.
Read More