തിരുവനന്തപുരം: കുറ്റിപ്പുറം സ്വദേശിയിൽ നിന്നും 3,72 ലക്ഷം രൂപ കവർച്ച നടത്തിയ കേസിലെ പ്രതിയെ തന്പാനൂർ പോലീസ് പിടികൂടി കുറ്റിപ്പുറം പോലീസിന് കൈമാറി. പൂന്തുറ മാണിക്കവിളാകം ആശാമൻസിലിൽ സൽമാൻ (30) നെയാണ് തന്പാനൂർ പോലീസ് പിടികൂടിയത്. തന്പാനൂർ കെഎസ്ആർടിസി ബസ് സ്റ്റാന്റ് പരിസരത്ത് സംശയാസ്പദമായി കണ്ടെത്തിയ ഇയാളുടെ ലഗേജ് പിടികൂടിയപ്പോഴാണ് പണം കണ്ടെത്തുകയും കവർച്ച വിവരം പുറത്താവുകയും ചെയ്തത്. ഇയാളോടൊപ്പം തിരുവനന്തപുരത്തെത്തിയ മലപ്പുറം സ്വദേശികളായ മൂന്ന് പേർ അകലെ മാറി നിന്നിരുന്നു. സൽമാനെ പോലീസ് പിടികൂടിയത് കണ്ടയുടൻ മൂവരും രക്ഷപ്പെടുകയായിരുന്നുവെന്ന് പോലീസ് പറഞ്ഞു. കുറ്റിപ്പുറം കുറുപ്പന്തൂർ അത്തിക്കാട് വീട്ടിൽ ഷിഹാബുദ്ദീന്റെ പക്കലുണ്ടായിരുന്ന പണം സൽമാൻ ഉൾപ്പെട്ട സംഘം തട്ടിയെടുത്ത് തിരുവനന്തപുരത്തേക്ക് കടക്കുകയായിരുന്നുവെന്ന് പോലീസ് പറഞ്ഞു. മലപ്പുറം സ്വദേശികളും സൽമാനും ചേർന്ന് നടത്തിയ കൂട്ടായ കവർച്ചയായിരുന്നു ഇതെന്ന് പോലീസ് പറഞ്ഞു. ബൈക്കിൽ പണവുമായി സഞ്ചരിച്ചിരുന്ന ഷിഹാബുദ്ദീനോട് ലിഫ്ട് ചോദിച്ച്…
Read MoreCategory: TVM
പുകഴ്ത്തിയത് എന്തിന്? മോദി അനുകൂല പ്രസ്താവന; തരൂരിനോട് വിശദീകരണം തേടാൻ കെപിസിസി
തിരുവനന്തപുരം: മോദി അനുകൂല പ്രസ്താവന നടത്തിയ ശശി തരൂർ എംപിയോട് കെപിസിസി വിശദീകരണം തേടും. തരൂർ പ്രസ്താവന തിരുത്താത്തതിൽ കോണ്ഗ്രസ് നേതൃത്വം കടുത്ത അതൃപ്തി രേഖപ്പെടുത്തി. വിശദീകരണത്തിനു ശേഷം ഹൈക്കമാൻഡിനു റിപ്പോർട്ട് നൽകാനാണ് കെപിസിസിയുടെ തീരുമാനം. മോദിയെ അന്ധമായി എതിർക്കുന്നതു കോണ്ഗ്രസിനു ഗുണം ചെയ്യില്ലെന്ന പ്രസ്താവനയുടെ പേരിലാണ് തരൂരിനെതിരേ കോണ്ഗ്രസിൽ പടയൊരുക്കം തുടങ്ങിയിരിക്കുന്നത്. തരൂരിന്റെ പ്രസ്താവനയെ തള്ളിപ്പറഞ്ഞു കൊണ്ട് പ്രതിപക്ഷ നേതാവ് രമേശ് ചെന്നിത്തല രംഗത്തു വന്നിരുന്നു. എന്നാൽ, തന്നെ ആരും പഠിപ്പിക്കേണ്ടെന്നു പറഞ്ഞ് ശശി തരൂർ രമേശിനു മറുപടി നൽകുകയാണു ചെയ്തത്. അതിനു പിന്നാലെയാണ് തരൂരിനെതിരേ നടപടി ആവശ്യപ്പെട്ടു കൂടുതൽ നേതാക്കൾ രംഗത്തുവന്നത്. ശശി തരൂരിനെതിരേ നടപടി ആവശ്യപ്പെട്ടു ടി.എൻ. പ്രതാപൻ എംപി കോൺഗ്രസ് അധ്യക്ഷ സോണിയ ഗാന്ധിക്കു കത്തയക്കുകയും ചെയ്തു. ഫാസിസ്റ്റ് നേതാക്കളെ പുകഴ്ത്തുന്നത് ഫാസിസത്തിനെതിരേയുള്ള പോരാട്ടത്തിന്റെ വിശ്വാസ്യത തകർക്കുമെന്നു പ്രതാപൻ കത്തിൽ ചൂണ്ടിക്കാട്ടി.…
Read Moreപാലാ ഉപതെരഞ്ഞെടുപ്പിനുള്ള സ്ഥാനാർഥിയാരെന്ന് തീരുമാനമായില്ല; തർക്കങ്ങൾ ചർച്ചയിലൂടെ പരിഹരിക്കുമെന്ന് യുഡിഎഫ്
തിരുവനന്തപുരം: പാലാ ഉപതെരഞ്ഞെടുപ്പിൽ സ്ഥാനാർഥി ആരാകണമെന്നതിൽ യുഡിഎഫ് യോഗത്തിൽ തീരുമാനമായില്ല. കേരള കോണ്ഗ്രസ് എമ്മിലെ തർക്ക വിഷയങ്ങളിൽ സമവായമുണ്ടാക്കാനാണ് യുഡിഎഫിന്റെ തീരുമാനമെന്നും പ്രതിപക്ഷ നേതാവ് രമേശ് ചെന്നിത്തല മാധ്യമങ്ങളോട് പറഞ്ഞു. നിലവിൽ പി.ജെ. ജോസഫ് ജോസ് കെ. മാണി വിഭാഗങ്ങൾക്കിടയിൽ തർക്കങ്ങളുണ്ട്. ഇതിനാൽ അഭിപ്രായഭിന്നത പരിഹരിക്കാന് ഉഭയകക്ഷി ചര്ച്ച നടത്തുമെന്നും ചെന്നിത്തല യുഡിഎഫ് യോഗ ശേഷം വ്യക്തമാക്കി. യുഡിഎഫ് ഒറ്റക്കെട്ടായി തെരഞ്ഞെടുപ്പിനെ നേരിടുമെന്നും ചെന്നിത്തല കൂട്ടിച്ചേർത്തു. അതേസമയം, പാലായിൽ ജയ സാധ്യതയുള്ള സ്ഥാനാര്ഥി വേണമെന്ന് ജോസഫ് വിഭാഗം ആവശ്യപ്പെട്ടു. നേരത്തേ, സ്ഥാനാർഥിയെ സ്റ്റിയറിംഗ് കമ്മിറ്റി തീരുമാനിക്കുമെന്ന പി.ജെ ജോസഫിന്റെ വാദത്തെ തള്ളി റോഷി അഗസ്റ്റിൻ രംഗത്തെത്തിയിരുന്നു. കെ.എം. മാണിയുടെ സീറ്റിനെ ചൊല്ലി തർക്കങ്ങൾക്ക് പ്രസക്തിയില്ലെന്നും സ്ഥാനാർഥിയെ ജോസ് കെ. മാണി പ്രഖ്യാപിക്കുമെന്നും റോഷി പ്രതികരിച്ചു. പാലാ സീറ്റിൽ യുഡിഎഫിനുവേണ്ടി മത്സരിക്കുന്നത് കേരള കോൺഗ്രസ്-എമ്മായിരിക്കുമെന്ന് കേരളാ കോണ്ഗ്രസ് ജേക്കബ്…
Read Moreവിശ്വാസികൾക്കൊപ്പമെന്ന സിപിഎം നിലപാട്; നവോത്ഥാന സമിതിയിൽ ഭിന്നത.; സിപിഎമ്മിനെതിരേ പുന്നല ശ്രീകുമാർ
തിരുവനന്തപുരം: വിശ്വാസികൾക്കൊപ്പമെന്ന് സിപിഎം നിലപാട് തിരുത്തിയതോടെ മുഖ്യമന്ത്രി പിണറായി വിജയൻ മുൻകൈയെടുത്തു പ്രാവർത്തികമാക്കിയ നവോത്ഥാന സമിതിയിൽ ഭിന്നത. വിശ്വാസ സംരക്ഷണവും നവോത്ഥാനവും ഒരുമിച്ചു കൊണ്ടുപോകാനാകില്ലെന്ന് സമിതി കണ്വീനർ പുന്നല ശ്രീകുമാർ പറഞ്ഞു. വിശ്വാസികൾക്കൊപ്പമെന്ന സിപിഎം നിലപാട് ആശയക്കുഴപ്പം ഉണ്ടാക്കുന്നതാണ്. സമിതിയുടെ തുടർപ്രവർത്തനം ആശങ്കയിലാക്കുന്നതുമാണ് തീരുമാനം. തീവ്ര ഹിന്ദുത്വത്തെ മൃദ്ദു ഹിന്ദുത്വം കൊണ്ട് നേരിടുന്നത് നല്ല സൂചനയല്ല. ഇക്കാര്യത്തിൽ മുഖ്യമന്ത്രി വ്യക്തത വരുത്തണമെന്നും പുന്നല ശ്രീകുമാർ ആവശ്യപ്പെട്ടു. അതേസമയം, പുന്നല ശ്രീകുമാറിന്റെ പ്രതികരണം തെറ്റിദ്ധാരണ മൂലമാണെന്ന് സിപിഎം നേതാവ് ആനത്തലവട്ടം ആനന്ദൻ പറഞ്ഞു. സർക്കാർ വിശ്വാസികൾക്ക് എതിരല്ലെന്നും ആനത്തലവട്ടം വ്യക്തമാക്കി.
Read Moreയുഡിഎഫ് യോഗം ആരംഭിച്ചു; പാലാ ഉപതെരഞ്ഞെടുപ്പ് മുഖ്യ വിഷയം
തിരുവനന്തപുരം: യുഡിഎഫ് യോഗം ആരംഭിച്ചു. പാലാ ഉപതെരഞ്ഞെടുപ്പാണ് യോഗത്തിന്റെ മുഖ്യ വിഷയം. കെ.എം. മാണിയുടെ നിര്യാണത്തെ തുടർന്ന് ഒഴിവ് വന്ന പാലാ നിയോജകമണ്ഡലത്തിലെ സ്ഥാനാർത്ഥി നിർണയം ചർച്ചയാകും. കന്റോണ്മെന്റ് ഹൗസിൽ യുഡിഎഫ് ചെയർമാൻ രമേശ് ചെന്നിത്തലയുടെ അധ്യക്ഷതയിലാണ് യോഗം . കെപിസിസി പ്രസിഡന്റ് മുല്ലപ്പള്ളി രാമചന്ദ്രൻ, യുഡിഎഫ് കണ്വീനർ ബെന്നി ബെഹനാൻ, യുഡിഎഫ് നേതാക്കളായ പി.കെ.കുഞ്ഞാലിക്കുട്ടി, കെപിഎ മജീദ്, അനൂപ് ജേക്കബ്, ജോണി നെല്ലൂർ, പിജെ.ജോസഫ്, ജോസ് കെ മാണി, സി.പി.ജോണ് , എ.എ. അസീസ് എന്നിവർ യോഗത്തിൽ പങ്കെടുക്കാൻ എത്തിയിട്ടുണ്ട്. കേരള കോണ്ഗ്രസ് എമ്മിന്റെ സീറ്റാണ് പാലാ. എന്നാൽ കെ.എം.മാണിയുടെ നിര്യാണത്തെ തുടർന്ന് പാർട്ടിക്കുള്ളിലെ അഭിപ്രായ വ്യത്യാസങ്ങൾ പരിഹരിക്കാൻ ഇതുവരെക്കും സാധിക്കാത്തത് മുന്നണിയെ ആശങ്കയിലാഴ്ത്തിയിട്ടുണ്ട്. ജോസ് കെ മാണി, പി.ജെ. ജോസഫ് എന്നിവർ തമ്മിലുള്ള അഭിപ്രായ വ്യത്യാസങ്ങൾ യുഡിഎഫിന് ഏറെ നാളായി ബുദ്ധിമുട്ട് സൃഷ്ടിച്ചിരിക്കുകയായിരുന്നു.
Read Moreദൃക്സാക്ഷികളുടെയെല്ലാം രഹസ്യമൊഴിയെടുക്കും; ശ്രീറാം വെങ്കിട്ടരാമൻ കേസിൽ കുറ്റപത്രം രണ്ടാഴ്ചയ്ക്കകം
തിരുവനന്തപുരം: ഐഎഎസ് ഉദ്യോഗസ്ഥനായ ശ്രീറാം വെങ്കിട്ടരാമൻ ഓടിച്ച കാറിടിച്ച് മാധ്യമ പ്രവർത്തകൻ മരിച്ച സംഭവത്തിൽ പ്രത്യേക അന്വേഷണ സംഘത്തിന്റെ അന്വേഷണം പൂർത്തിയാകുന്നു. രണ്ടാഴ്ചയ്ക്കകം കുറ്റപത്രം കോടതിയിൽ സമർപ്പിക്കുന്ന തരത്തിലാണ് അന്വേഷണം പുരോഗമിക്കുന്നത്. ഇതിനു മുന്നോടിയായി അപകടത്തിലെ എല്ലാ ദൃക്സാക്ഷികളുടെയും രഹസ്യമൊഴി മജിസ്ട്രേറ്റിന്റെ സാന്നിധ്യത്തിൽ എടുക്കും. ഇതിനായി അടുത്തദിവസം കോടതിയിൽ അപക്ഷേ നൽകും. ശ്രീറാമിനൊപ്പം അപകടസമയത്തു കാറിലുണ്ടായിരുന്ന വഫ ഫിറോസിന്റെ രഹസ്യ മൊഴി നേരത്തേ എടുത്തിരുന്നു. അപകടസമയത്തു കാറിന്റെ വേഗം അടക്കമുള്ള കാര്യങ്ങൾ വ്യക്തമാകാനുള്ള റിപ്പോർട്ടുകൾ ലഭിക്കേണ്ടതുണ്ട്. മോട്ടോർ വാഹന വകുപ്പിന്റെയും കാർ നിർമാണ കന്പനിയുടെയും ക്രാഷ് ടെസ്റ്റ് ഫലം അടക്കം വരാനുണ്ട്. ഇതുമായി ബന്ധപ്പെട്ട ഫോറൻസിക് പരിശോധനാ ഫലവും വരണം. ശാസ്ത്രീയ പരിശോധനാ റിപ്പോർട്ട് ഉൾപ്പെടെയുള്ളവ ഈ ആഴ്ച ലഭിക്കുന്നതോടെ കുറ്റപത്രം സമർപ്പിക്കാനാകും. ശ്രീറാം വെങ്കിട്ടരാമനെ പ്രവേശിപ്പിച്ച സ്വകാര്യ ആശുപത്രിയിലെ ഡോക്ടർമാരെയും കഴിഞ്ഞ ദിവസം ചോദ്യം ചെയ്തിരുന്നു.…
Read Moreകേന്ദ്ര-സംസ്ഥാന സർക്കാരുകളുടെ വിധിയെഴുത്തിൽ യുഡിഎഫ് സിക്സർ അടിക്കും, പാലാ പിടിക്കും; ആത്മവിശ്വാസത്തിൽ മുല്ലപ്പള്ളി
തിരുവനന്തപുരം: പാലാ ഉപതെരഞ്ഞെടുപ്പിൽ യുഡിഎഫ് മികച്ച വിജയം നേടുമെന്നു കെപിസിസി പ്രസിഡന്റ് മുല്ലപ്പള്ളി രാമചന്ദ്രൻ. കഴിഞ്ഞ ലോകസഭാ തിരഞ്ഞെടുപ്പിൽ വൻ വിജയമാണു പാലായിൽ നേടിയത്. തികഞ്ഞ ഐക്യത്തോടെ തന്നെയാണു യുഡിഎഫ് മുന്നോട്ടു പോകുന്നത്. യുഡിഎഫ് യോഗത്തിൽ ഉപതെരഞ്ഞെടുപ്പുകൾ ചർച്ചയാകും. ആറു ഉപതെരഞ്ഞെടുപ്പുകളാണു നടക്കാൻ പോകുന്നത്. അതിന്റെ ആദ്യഘട്ടമാണു പാലാ ഉപതെരഞ്ഞടുപ്പ്. യുഡിഎഫ് സിക്സർ അടിക്കുമെന്നും മുല്ലപ്പള്ളി പറഞ്ഞു. കേരള കോണ്ഗ്രസിൽ ചെറിയ അഭിപ്രായ വ്യത്യാസം മാത്രമാണു നിലനിൽക്കുന്നത്. ഐക്യത്തോടെ തെരഞ്ഞെടുപ്പിനെ നേരിടും. കേന്ദ്ര-സംസ്ഥാന സർക്കാരുകളുടെ ഭരണത്തിൽ ജനങ്ങൾ അസംതൃപ്തരാണ്. ഇതിനെതിരായ വിധിയെഴുത്താവും ഉപതെരഞ്ഞെടുപ്പിൽ ഉണ്ടാവുയെന്നും അദ്ദേഹം കൂട്ടിച്ചേർത്തു.
Read Moreകേരളത്തിൽ ഹിന്ദുവർഗീയതയും ന്യൂനപക്ഷ വർഗീയതയും വർധിക്കുന്നുവെന്ന് കോടിയേരി
തിരുവനന്തപുരം: കേരളത്തിൽ ഹിന്ദുവർഗീയതയും ന്യൂനപക്ഷ വർഗീയതയും വർധിച്ചുവരികയാണെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. ന്യൂനപക്ഷ വർഗീയതയ്ക്കു ജമാഅത്ത് ഇസ്ലാമിയും പോപ്പുലർ ഫ്രണ്ടും നേതൃത്വം നൽകുകയാണ്. ഇത് കേരളത്തിന്റെ മതനിരപേക്ഷതയെ തകർക്കുമെന്നും കോടിയേരി പറഞ്ഞു.
Read Moreകത്ത് കത്തിക്കേണ്ട..! ചെയ്ത കാര്യം തെറ്റല്ല, തുഷാറിന്റെ അറസ്റ്റിൽ അസ്വാഭാവികതയുണ്ട്; പിണറായിക്ക് പിന്തുണയുമായി ഇ.പി
തിരുവനന്തപുരം: ചെക്ക് കേസിൽ അറസ്റ്റിലായ തുഷാർ വെള്ളാപ്പള്ളിയെ മോചിപ്പിക്കണമെന്ന് ആവശ്യപ്പെട്ട് വിദേശ കാര്യമന്ത്രിക്ക് കത്തയച്ച സംഭവത്തിൽ മുഖ്യമന്ത്രി പിണറായി വിജയന് പിന്തുണയുമായി മന്ത്രി ഇ.പി ജയരാജൻ. മുഖ്യമന്ത്രി ചെയ്ത കാര്യം തെറ്റല്ല. തുഷാറിന്റെ അറസ്റ്റിൽ അസ്വാഭാവികതയുണ്ട്. ദുബായിലുള്ള മറ്റു പ്രതികളെപ്പോലെയല്ല . ബിജെപിക്കാരന്റെ സംരക്ഷണവും മുഖ്യമന്ത്രിയിൽ നിക്ഷിപ്തമാണ്- അദ്ദേഹം പറഞ്ഞു. തുഷാറിന്റെ മോചനത്തിനായി മുഖ്യമന്ത്രി കത്തയച്ചതിൽ സോഷ്യമീഡിയൽ അടക്കം വലിയ വിമർശനം ഉയർന്ന സാഹചര്യത്തിലാണ് ഇ.പി ജയരാജന്റെ പ്രതികരണം.
Read Moreഇലക്ട്രിക് പോസ്റ്റിന്റെ ഡിസ്ക് പൊട്ടിത്തെറിച്ച് വീട്ടമ്മയുടെ തലയ്ക്ക് ഗുരുതര പരിക്ക്
ആറ്റിങ്ങൽ: ഇലക്ട്രിക് പോസ്റ്റിൽ കന്പികൾ തമ്മിൽ കൂട്ടിക്കെട്ടാനുപയോഗിക്കുന്ന ഡിസ്ക് പൊട്ടിത്തെറിച്ച് വീട്ടമ്മയുടെ തലയ്ക്ക് ഗുരുതര പരിക്ക്. കവലയൂർ കൊടിതൂക്കികുന്ന് മകത്തിൽ സിന്ധു (43)നാണ് പരിക്കേറ്റത്. ചെറുന്നിയൂരിൽ നിന്നും സ്വകാര്യ ബസിൽ കവലയൂർ ജംഗ്ഷനിൽ വന്നിറങ്ങി ബസ് കടന്നു പോകാൻ കാത്തു നിന്ന സമയത്ത് സമീപത്ത് നിന്ന ഇലക്ട്രിക് പോസ്റ്റിന്റെ ഡിസ്ക് പൊട്ടി സിന്ധുവിന്റെ തലയിൽ പതിക്കുകയായിരുന്നു. ഒരുഭാഗം സമീപത്ത് നിർത്തിയിട്ടിരുന്ന ഓട്ടോറിക്ഷയിൽ പതിച്ചു. പരിക്കേറ്റ സിന്ധുവിനെ ചാത്തമ്പാറയിലെ സ്വാകാര്യ ആശുപത്രിയിൽ എത്തിച്ചെങ്കിലും വിശദമായ പരിശോധനയിൽ തലയ്ക്ക് പൊട്ടലേറ്റതിനാൽ വിദഗ്ധ ചികിത്സയ്ക്കായി തിരുവനന്തപുരം മെഡിക്കൽ കോളജ് ആശുപത്രിയിലെ ന്യൂറോ വിഭാഗത്തിലെ തീവ്രപരിചരണ വിഭാഗത്തിലേക്ക് മാറ്റി.
Read More