തിരുവനന്തപുരം: സംസ്ഥാന സർക്കാർ ജീവനക്കാരുടെ ശന്പളം ട്രഷറി അക്കൗണ്ടു വഴിയാക്കുന്നു. ഇതിന്റെ ഭാഗമായി എല്ലാ ജീവനക്കാരും എംപ്ലോയീ ട്രഷറി സേവിംഗ്സ് ബാങ്ക് അക്കൗണ്ട് എടുക്കാൻ നിർദേശിച്ചു ധനവകുപ്പ് ഉത്തരവിറക്കി. ഇന്റർനെറ്റ് ബാങ്ക് സംവിധാനം അടക്കം ഇ- ടിഎസ്ബി അക്കൗണ്ടിൽ ലഭ്യമാക്കും. അടുത്ത മാസത്തിനകം അക്കൗണ്ട് തുറക്കാനാണു നിർദേശം. സംസ്ഥാനത്തെ നാലരലക്ഷത്തോളം വരുന്ന സർക്കാർ ജീവനക്കാർക്കായി പ്രതിമാസം 2,000 കോടിയോളം രൂപയാണ് ശന്പള ഇനത്തിൽ നൽകുന്നത്. ഇതിൽ 40 ശതമാനം തുക ഉടനടി പിൻവലിക്കാറില്ല. ഇതിന്റെ പ്രയോജനം സർക്കാരിനു ലഭിക്കാറില്ല. ജീവനക്കാരുടെ വിവിധ ബാങ്കുകളിലെ സേവിംഗ്സ് അക്കൗണ്ടുകളിലേക്കാണ് പണം പോകുന്നത്. ഈ തുക പൂർണമായും ട്രഷറിയിൽ എത്തിക്കാനുള്ള ശ്രമത്തിന്റെ ഭാഗമായിട്ടാണ് നടപടി. സർക്കാർ ഉത്തരവിറക്കിയതോടെ ജീവനക്കാർക്കു ട്രഷറിയിൽ സേവിംഗ്സ് സാലറി അക്കൗണ്ട് തുറക്കേണ്ടിവരും. ട്രഷറി സ്തംഭനം അടക്കം സംസ്ഥാനം നേരിടുന്ന കടുത്ത സാന്പത്തിക പ്രതിസന്ധി പരിഹരിക്കുകയാണു നടപടിയിലൂടെ ലക്ഷ്യമിടുന്നത്.…
Read MoreCategory: TVM
യോഗ നമ്മുടെ സംസ്കാരത്തിന്റെ ഭാഗമെന്ന് മോദി; യോഗയെ പലരും മതവുമായി ബന്ധിപ്പിക്കുന്നുവെന്ന് പിണറായി വിജയൻ
റാഞ്ചി; അന്താരാഷ്ട്ര യോഗ ദിനത്തോട് അനുബന്ധിച്ച് പ്രധാനമന്ത്രി നരേന്ദ്ര മോദി ജാർഖണ്ഡിലെ റാഞ്ചിയിൽ യോഗ ദിന ആഘോഷങ്ങൾക്ക് തുടക്കം കുറിച്ചു. രാജ്യത്ത് വിപുലമായ പരിപാടികളാണ് യോഗാ ദിനത്തോടനുബന്ധിച്ച് ഒരുക്കിയിരിക്കുന്നത്. നമുക്കെല്ലാവർക്കും യോഗയുടെ പ്രാധാന്യം നന്നായി അറിയാമെന്ന് മോദി പറഞ്ഞു. ഇത് എല്ലായ്പ്പോഴും നമ്മുടെ സംസ്കാരത്തിന്റെ ഭാഗമാണ്. നാമെല്ലാവരും യോഗ പരിശീലനം മറ്റൊരു തലത്തിലേക്ക് കൊണ്ടുപോകണമെന്നും മോദി കൂട്ടിച്ചേർത്തു. മോദിയ്ക്കൊപ്പം 30,000 പേരാണ് യോഗയിൽ പങ്കെടുക്കുന്നത്. ആഭ്യന്തര മന്ത്രി അമിത് ഷാ , പ്രതിരോധമന്ത്രി രാജ് നാഥ് സിംഗ് ഉൾപ്പെടെ കേന്ദ്രമാരും യോഗാ പരിപാടികളിൽ പങ്കാളികളാകും. യോഗദിനത്തിന്റെ സംസ്ഥാനതല ഉദ്ഘാടനം മുഖ്യമന്ത്രി പിണറായി വിജയൻ തിരുവനന്തപുരത്ത് നിർവഹിച്ചു. ജാതിമത ഭേദമെന്യേ യോഗ ആർക്കും പരിശീലിക്കാമെന്ന് മുഖ്യമന്ത്രി പിണറായി വിജയൻ പറഞ്ഞു. യോഗയെ പലരും മതവുമായി ബന്ധിപ്പിക്കുന്നു. ഇത് തെറ്റിദ്ധാരണ ഉണ്ടാക്കാനാണെന്നും അദ്ദേഹം ചൂണ്ടിക്കാട്ടി. സമാധാനവും ആരോഗ്യവും നിറഞ്ഞ നാട്…
Read Moreകൊച്ചിയിൽ ഐഎസ് ആക്രമണസാധ്യതയെന്ന് റിപ്പോർട്ട്; സുരക്ഷ ശക്തമാക്കി
തിരുവനന്തപുരം: കൊച്ചിയിൽ ഐഎസ് ഭീകരർ ആക്രമണം നടത്താൻ പദ്ധതിയിടുന്നതായി ഇൻറലിജൻസ് റിപ്പോർട്ട്. കൊച്ചിയിലെ ഷോപ്പിംഗ് മാളുകൾ പ്രധാനപ്പെട്ട കേന്ദ്രങ്ങൾ എന്നിവിടങ്ങളിൽ ആക്രമണമുണ്ടായേക്കുമെന്നാണ് വിവരം. ഇതുമായി ബന്ധപ്പെട്ട ഇൻറലിജൻസ് റിപ്പോർട്ട് പോലീസിനെ ഉന്നത ഉദ്യോഗസ്ഥർക്ക് കൈമാറി. ഐഎസുമായി ബന്ധപ്പെട്ട മൂന്ന് കത്തുകളാണ് പൊലീസിന് ഇൻറലിജൻസ് കൈമാറിയിരിക്കുന്നത്. ഇതിലൊന്നിലാണ് കൊച്ചിയിൽ ഭീകരാക്രമണത്തിന് സാധ്യത ചൂണ്ടിക്കാണിച്ചിരിക്കുന്നത്. റിപ്പോർട്ടിൻറെ അടിസ്ഥാനത്തിൽ നെടുന്പാശേരി വിമാനത്താവളം ഉൾപ്പെടെ കൊച്ചിയിലെ തന്ത്രപ്രധാന മേഖലകളിൽ സുരക്ഷ ശക്തമാക്കി.
Read Moreവ്യവസായിയുടെ ആത്മഹത്യ; ഉദ്യോഗസ്ഥരുടെ വിശദീകരണം തൃപ്തികരമല്ല; നഗരസഭ ഉദ്യോഗസ്ഥരോട് പൊട്ടിത്തെറിച്ച് മന്ത്രി മൊയ്തീൻ
തിരുവനന്തപുരം: കണ്ണൂരിലെ ആന്തൂര് നഗരസഭയില് നിന്നുള്ള നിസഹകരണം മൂലം പ്രവാസി സംരംഭകന് ആത്മഹത്യ ചെയ്ത സംഭവത്തില് നഗരസഭ ഉദ്യോഗസ്ഥരെ ശകാരിച്ച് മന്ത്രി എ.സി. മൊയ്തീൻ. ആന്തൂര് നഗരസഭയിലെ ഉന്നത ഉദ്യോഗസ്ഥരെ തിരുവനന്തപുരത്തേക്ക് വിളിച്ചുവരുത്തിയാണ് മന്ത്രി ശകാരിച്ചത്. വ്യവസായിക്ക് കെട്ടിട സർട്ടിഫിക്കറ്റ് നൽകാൻ അധികൃതർ ആവശ്യപ്പെട്ടിരുന്നു. എന്നിട്ടും ഉദ്യോഗസ്ഥർ അനാവശ്യ കുറിപ്പുകൾ ഫയലിൽ എഴുതുകയായിരുന്നെന്ന് മന്ത്രി പറഞ്ഞു. ഉദ്യോഗസ്ഥരുടെ വിശദീകരണം തൃപ്തികരമല്ലെന്നും ചീഫ് ടൗണ് പ്ലാനിംഗ് വിജിലൻസിനോട് ഒരാഴ്ചയ്ക്കകം റിപ്പോർട്ട് നൽകാനും മന്ത്രി നിർദേശിച്ചു.
Read Moreകല്ലട ബസിലെ പീഡനശ്രമം; ആരോപണ വിധേയനായ ഡ്രൈവറുടെ ലൈസൻസ് റദ്ദാക്കുമെന്ന് മന്ത്രി
തിരുവനന്തപുരം: കല്ലട ബസ്സിലെ പീഡനശ്രമത്തിൽ ആരോപണ വിധേയനായ ഡ്രൈവറുടെ ലൈസൻസ് റദ്ദാക്കാനുള്ള നടപടികൾ സ്വീകരിക്കുമെന്ന് ഗതാഗത മന്ത്രി എ.കെ.ശശീന്ദ്രൻ. ബസിലെ ഡ്രൈവറും കോട്ടയം സ്വദേശിയുമായ ജോണ്സനാണ് യാത്രക്കാരിയെ പീഡിപ്പിക്കാൻ ശ്രമിച്ചത്. പ്രതിക്കെതിരെ കർശന നിയമനടപടികളുമായി മുന്നോട്ട് പോകുമെന്നും മന്ത്രി വ്യക്തമാക്കി. അരുണാചൽ പ്രദേശിലാണ് ബസ് രജിസ്റ്റർ ചെയ്തിരിക്കുന്നത്. അതിനാൽ സംസ്ഥാന മോട്ടോർ വാഹനവകുപ്പിന് ബസിന്റെ പെർമിറ്റ് റദ്ദാക്കാൻ സാധിക്കില്ല. ചട്ടങ്ങൾ പാലിച്ചാണോ ബസുകൾ സർവീസ് നടത്തുന്നതെന്ന് കർശനമായി നീരീക്ഷിക്കുമെന്നും എ.കെ.ശശീന്ദ്രൻ പറഞ്ഞു. കണ്ണൂരിൽ നിന്ന് കൊല്ലത്തേക്ക് പോകുകയായിരുന്ന ബസിൽ ഇന്ന് പുലർച്ചെ രണ്ടോടെയാണ് പീഡനശ്രമം നടന്നത്. തമിഴ്നാട്ടുകാരി യുവതിയെയാണ് രണ്ടാം ഡ്രൈവർ പീഡിപ്പിക്കാൻ ശ്രമിച്ചത്. ഇതേത്തുടർന്നു യാത്രക്കാരാണ് പ്രതിയെ പിടികൂടി പോലീസിനു കൈമാറിയത്. ബസ് മലപ്പുറം തേഞ്ഞിപ്പാലം പോലീസ് പിടിച്ചെടുത്തു. കല്ലട ബസ് ജീവനക്കാര് യാത്രക്കാരെ മര്ദിച്ച സംഭവം കഴിഞ്ഞു മാസങ്ങള് പിന്നിടുമ്പോഴാണ് യുവതിക്ക് നേരെ പീഡനശ്രമം…
Read Moreബസിലെ പീഡനശ്രമം; കല്ലട ഓഫീസിനുനേരെ പ്രതിഷേധം; ബസിന്റെ ചില്ലുകൾ തകർത്തു
തിരുവനന്തപുരം: കല്ലട ബസിൽ യുവതിയെ ഡ്രൈവർ പീഡിപ്പിക്കാൻ ശ്രമിച്ച സംഭവത്തിൽ പ്രതിഷേധം ശക്തമാകുന്നു. തിരുവനന്തപുരം തന്പാനൂരിൽ കല്ലടയുടെ ഓഫീസിലേക്ക് ഡിവൈഎഫ്ഐ പ്രവർത്തകർ മാർച്ച് നടത്തി.ഓഫീസിന്റെ വാതിലുകളും നിർത്തിയിട്ടിരുന്ന കല്ലട ബസിന്റെ ചില്ലുകളും പ്രവർത്തകർ അടിച്ചു തകർത്തു. പിന്നീട് പോലീസ് എത്തിയാണ് പ്രവർത്തകരെ ഇവിടെനിന്നും മാറ്റിയത്.
Read Moreഉത്സവ സീസണിലെ വിമാന നിരക്ക് വർധന; കേരളത്തോടുള്ള വിവേചനമെന്ന് മുഖ്യമന്ത്രി
തിരുവനന്തപുരം: ഉത്സവ സീസണിൽ വിദേശത്തുനിന്നുള്ള വിമാന നിരക്ക് വർധിപ്പിക്കരുതെന്ന് കേന്ദ്രത്തോട് ആവശ്യപ്പെട്ടിട്ടുണ്ടെന്ന് മുഖ്യമന്ത്രി പിണറായി വിജയൻ. വിമാന നിരക്ക് വർധനയിൽ കേന്ദ്രം ഇടപെടാത്തത് കേരളത്തോടുള്ള വിവേചനമാണെന്നും മുഖ്യമന്ത്രി നിയമസഭയിൽ പറഞ്ഞു. നോർക്കയുടെ തിരിച്ചറിയൽ കാർഡുള്ള പ്രവാസികൾക്കും കുടുംബങ്ങൾക്കും വിമാന നിരക്കിൽ എട്ട് ശതമാനം കുറവ് നൽകാമെന്ന് ഒമാൻ എയർവേസുമായി ധാരണയിലെത്തിയിട്ടുണ്ടെന്നും മുഖ്യമന്ത്രി വ്യക്തമാക്കി. തിരുവനന്തപുരം രാജ്യാന്തര വിമാനത്താവളം അദാനി ഗ്രൂപ്പിന് നൽകാനുള്ള വിഷയം പ്രധാനമന്ത്രിയുടെ ശ്രദ്ധയിൽപ്പെടുത്തിയിട്ടുണ്ടെന്നും മുഖ്യമന്ത്രി പറഞ്ഞു.
Read Moreഇവരെ അറിയുമോ ? വയോധികയുടെ മാലപൊട്ടിച്ച സംഘം സിസിടിവി കാമറയിൽ കുടുങ്ങി
മാറനല്ലൂർ: ഉൗരൂട്ടന്പലത്ത് പട്ടാപ്പകൽ വയോധികയുടെ മാലപൊട്ടിച്ച സംഘം സിസിടിവിയിൽ കുടുങ്ങി. ഉൗരൂട്ടന്പലം ഇറയൻകോടിൽ മുറുക്കാൻകട നടത്തുന്ന ദേവിവിലാസത്തിൽ സരോജിനിയുടെ(80) മാലയാണ് ബൈക്കിലെത്തിയ സംഘം മോഷ്ടിച്ചത്. ഇന്നലെ രാവിലെ ഏഴരയോടെ സിഗരറ്റിനായി എത്തിയ യുവാക്കളാണ് മാലപൊട്ടിച്ചതെന്ന് പരാതിയിൽ പറയുന്നു. ചില്ലറയില്ലെന്ന് പറഞ്ഞതിനാൽ സിഗരറ്റ് വാങ്ങാതെ മടങ്ങിയ യുവാക്കൾ ചില്ലറയുമായി തിരികെ എത്തിയായിരുന്നു വയോധികയുടെ കഴുത്തിൽ നിന്നും ഒരു പവന്റെ മാല പൊട്ടിച്ചത്. മോഷ്ടാക്കളുടെ പിന്നാലെ സരോജിനി ഓടിയെങ്കിലും അവർ കടന്ന് കളഞ്ഞു. കടയുടെ തൊട്ടടുത്ത വീട്ടിലെ സിസിടിവിയിൽ മോഷ്ടാക്കളുടെ വ്യക്തമായ ദൃശ്യങ്ങൾ പതിഞ്ഞിട്ടുണ്ട്. മാറനല്ലൂർ പോലീസ് അന്വേഷണം ആരംഭിച്ചു.
Read Moreസമവായത്തിലൂടെ മാത്രം..! പോലീസ് കമ്മീഷണറേറ്റ് ധൃതിപിടിച്ച് നടപ്പാക്കില്ലെന്ന് മുഖ്യമന്ത്രി
തിരുവനന്തപുരം: മജിസ്റ്റീരിയൽ അധികാരമുള്ള കമ്മീഷണറേറ്റുകൾ പോലീസ് സേനയിൽ ധൃതിപിടിച്ച് നടപ്പാക്കില്ലെന്ന് മുഖ്യമന്ത്രി പിണറായി വിജയൻ നിയമസഭയിൽ അറിയിച്ചു. പ്രതിപക്ഷത്തുനിന്ന് വി.ടി ബല്റാം നല്കിയ അടിയന്തര പ്രമേയ നോട്ടീസിന് മറുപടി പറയുകയായിരുന്നു മുഖ്യമന്ത്രി. കമ്മീഷണറേറ്റ് തീരുമാനം മന്ത്രിസഭ അംഗീകരിച്ചെങ്കിലും അന്തിമ തീരുമാനമായിട്ടില്ല. സമവായത്തിലൂടെ മാത്രമേ ഇക്കാര്യം നടപ്പാക്കുകയുള്ളുവെന്നും മുഖ്യമന്ത്രി പറഞ്ഞു. സംസ്ഥാന ഭരണം പോലീസിന് നൽകിയെന്ന പ്രതിപക്ഷ വിമർശനം ശരിയല്ല. നഗരത്തിലെ പോലീസിന് കൂടുതൽ അധികാരം കിട്ടുന്നതോടെ ക്രമസമാധാനം ഭദ്രമാകുമെന്നും മുഖ്യമന്ത്രി വ്യക്തമാക്കി.
Read Moreപ്രശ്ന പരിഹാരത്തിന്..! പി.ജെ. ജോസഫ് യുഡിഎഫ് നേതാക്കളുമായി കൂടിക്കാഴ്ച നടത്തി
തിരുവനന്തപുരം: കേരള കോണ്ഗ്രസ് എമ്മിലെ പ്രശ്നപരിഹാരത്തിന് യുഡിഎഫ് ഇടപെടൽ. പി.ജെ. ജോസഫ് യുഡിഎഫ് നേതാക്കളുമായി കൂടിക്കാഴ്ച നടത്തി. പ്രതിപക്ഷ നേതാവ് രമേശ് ചെന്നിത്തല, മുൻ മുഖ്യമന്ത്രി ഉമ്മൻ ചാണ്ടി, എം.കെ. മുനീർ എന്നിവരുമായാണ് ജോസഫ് ചർച്ച നടത്തിയത്. പാർട്ടി ചെയർമാൻ ആരാകണമെന്നുള്ള വിഷയത്തിൽ നിയമപരമായ പരിഹാരം ഉണ്ടാകുന്നതുവരെ പ്രകോപനം ഉണ്ടാവരുതെന്നും നേതാക്കൾ ജോസഫിനെ അറിയിച്ചു. യുഡിഎഫ് നേതാക്കളുടെ നിർദേശം അംഗീകരിക്കുന്നതായും യുഡിഎഫിന്റെ പ്രതിച്ഛായയ്ക്ക് കോട്ടമുണ്ടാകില്ലെന്നും ജോസഫ് ഉറപ്പു നൽകി.
Read More