തിരുവനന്തപുരം: താരസംഘടനയായ അമ്മയുടെ പ്രസിഡന്റ് മോഹൻലാലിനെതിരെയും ഫെഫ്ക ജനറൽ സെക്രട്ടറി ബി. ഉണ്ണികൃഷ്ണനുമെതിരെ ആഞ്ഞടിച്ച് വനിതാ കമ്മീഷൻ അധ്യക്ഷ എം.സി. ജോസഫൈൻ. മോഹൻലാലിൽ വലിയ പ്രതീക്ഷയുണ്ടായിരുന്നു. അത് അസ്ഥാനത്തായി. മോഹൻലാൽ ഉത്തരവാദിത്വ ബോധം കാട്ടണമെന്നും അവർ പറഞ്ഞു. നടിമാർക്ക് നേരെയുള്ള സൈബർ ആക്രമണത്തിൽ അത്ഭുതം തോന്നുന്നില്ല. മോഹൻലാൽ ആരാധകരെ നിലയ്ക്ക് നിൽത്തണമെന്നും നടിമാർക്കെതിരെ അവഹേളനം പാടില്ലെന്ന് മോഹൻലാൽ ഉൾപ്പെടെയുള്ളവർ പറയണമെന്നും അവർ ആവശ്യപ്പെട്ടു. ബി. ഉണ്ണികൃഷ്ണൻ ദിലീപിനെ നായകനാക്കി സിനിമ ചെയ്യുന്നതിനെയും കമ്മീഷൻ വിമർശിച്ചു. കുറ്റാരോപിതനെവച്ച് സിനിമ ചെയ്യുന്നവർ നീതിബോധം കാട്ടണം. സിനിമ മേഖലയിലെ പ്രശ്നങ്ങൾ പരിഹരിക്കാൻ സർക്കാർ ഇടപെടണമെന്നും ജോസഫൈൻ കൂട്ടിച്ചേർത്തു.
Read MoreCategory: TVM
അപേക്ഷാ വിവരങ്ങൾ അന്വേഷിക്കാൻ ഇനി ഓഫിസിൽ പോകേണ്ട; മൊബൈലിൽ അറിയാം
തിരുവനന്തപുരം: റവന്യൂ ഡിവിഷണൽ ഓഫിസ് ഇനി ഇ – ഓഫീസ്. സേവനങ്ങൾ സുതാര്യവും സമയബന്ധിതവുമാക്കുന്നതിനുള്ള ഇ – ഓഫീസ് സംവിധാനം ആർഡിഒ ഓഫിസിൽ നിലവിൽവന്നു. സംസ്ഥാന സർക്കാരിന്റെ ഇ – ഗവേണൻസ് പദ്ധതിയുടെ ഭാഗമായാണ് ഇ – ഓഫീസ് നടപ്പാക്കുന്നത്. ആർഡിഒ ഓഫീസിൽ നൽകുന്ന എല്ലാ അപേക്ഷകൾക്കും ഇനി മുതൽ ഒരു റഫറൻസ് നമ്പർ നൽകും. ഇത് ഇ – ഓഫീസിനായി ഒരുക്കിയിട്ടുള്ള www.eoffice.kerala.gov.in എന്ന വെബ്സൈറ്റിൽ നൽകിയാൽ അപേക്ഷയുടെ തത്സമയ സ്ഥിതി അറിയാനാകും. തിരുവനന്തപുരം ജില്ലാ കളക്ടറേറ്റിനായി പ്രത്യേക ലിങ്ക് ഈ വെബ്സൈറ്റിൽ ഉണ്ട്. റഫറൻസ് നമ്പർ ഇല്ലെങ്കിൽപ്പോലും അപേക്ഷ നൽകിയ ആളിന്റെ പേരോ തീയതിയോ വിഷയം സംബന്ധിച്ച സൂചനയോ നൽകിയാൽപ്പോലും ഫയൽ നമ്പർ കണ്ടെത്താൻ കഴിയുമെന്നത് ഇ – ഓഫീസിന്റെ പ്രത്യേകതയാണ്. ഇ – ഓഫീസ് സംവിധാനം നിലവിൽ വരുന്നതോടെ ഫയൽ കൈമാറ്റം കടലാസ്…
Read Moreബ്രൂവറി അനുമതി റദ്ദാക്കിയ ഉത്തരവ് പുറത്തിറങ്ങി; പുതിയമാനദണ്ഡം നിശ്ചയിച്ച് 31നകം റിപ്പോർട്ട് നൽകാൻ ഒരു സമിതിയെ രൂപീകരിച്ചു
തിരുവനന്തപുരം: ഏറെ രാഷ്ട്രീയ വിവാദങ്ങൾക്ക് ഇടയാക്കിയ ബ്രുവറി-ഡിസ്റ്റിലറി അനുമതി റദ്ദാക്കിക്കൊണ്ടുള്ള സർക്കാർ ഉത്തരവ് പുറത്തിറക്കി. നവകേരള നിർമിതിയുമായി സർക്കാർ മുന്നോട്ട് പോകവെ വിവാദങ്ങൾ ഒഴിവാക്കാനാണ് അനുമതി റദ്ദാക്കുന്നതെന്ന വാദമുയർത്തിയാണ് മുഖ്യമന്ത്രി അനുമതി റദ്ദാക്കിയത്. ചട്ടങ്ങളും നിയമങ്ങളും പരിശോധിച്ചാണ് ബ്രുവറിക്ക് അനുമതി നൽകിയതെന്നാണ് ഉത്തരവിൽ വ്യക്തമാക്കുന്നത്. ബ്രുവറി അനുമതിക്ക് മാനദണ്ഡം നിശ്ചയിക്കാൻ പുതിയ സമിതിയെ നിശ്ചയിച്ചതായും ഈ മാസം 31-നകം റിപ്പോർട്ട് സമർപ്പിക്കാൻ സമിതിക്ക് നിർദേശം നൽകിയിട്ടുണ്ടെന്നും ഉത്തരവിൽ വ്യക്തമാക്കിയിട്ടുണ്ട്.
Read Moreപ്രളയ ധനസമാഹരണം: മന്ത്രിമാരുടെ വിദേശ സന്ദർശനത്തിന് പൂട്ടിട്ട് കേന്ദ്രം; കർശന ഉപാധികളോടെ മുഖ്യമന്ത്രിക്കുമാത്രം അനുമതി
ന്യൂഡൽഹി: മുഖ്യമന്ത്രിയുടെ ദുരിതാശ്വാസ നിധിയിലേക്കുള്ള പണസമാഹരണം ലക്ഷ്യമിട്ട് മന്ത്രിമാർ നിശ്ചയിച്ചിരുന്ന വിദേശ യാത്രകൾക്ക് പൂട്ടിട്ട് കേന്ദ്രം. ഫണ്ട് ശേഖരണത്തിനായി മന്ത്രിമാർക്ക് വിദേശത്തേക്കു പോകാൻ കേന്ദ്രസർക്കാർ അനുമതി നിഷേധിച്ചു. മുഖ്യമന്ത്രിക്കു മാത്രമാണ് കേന്ദ്രസർക്കാർ അനുമതി നൽകിയിരിക്കുന്നത്. അതും കർശന ഉപാധികളോടെയാണ് അനുമതി നൽകിയിരിക്കുന്നത്. ദുരിതാശ്വാസവുമായി ബന്ധപ്പെട്ട യോഗങ്ങളിൽ മാത്രം പങ്കെടുക്കാം. എന്നാൽ വിദേശ ഫണ്ട് സ്വീകരിക്കരുത്. വിദേശ പ്രതിനിധികളുമായി വിഷയം ചർച്ച ചെയ്യരുതെന്നും കേന്ദ്രം നിർദേശം നൽകി. ഇതോടെ മുഖ്യമന്ത്രിയുടെ ഗ്ലോബർ സാലറി ചലഞ്ച് ഉൾപ്പെടെയുള്ളവയ്ക്ക് തിരിച്ചടിയായിരിക്കുകയാണ്. ഈ മാസം 17 മുതൽ വിദേശ സന്ദർശനം നടത്താനാണ് മുഖ്യമന്ത്രിക്ക് അനുമതി ലഭിച്ചിരിക്കുന്നത്. അബുദാബി, ദുബായ്, ഷാർജ, അജ്മാൻ തുടങ്ങിയ സ്ഥലങ്ങളാണ് മുഖ്യമന്ത്രി സന്ദർശിക്കുന്നത്. ഫണ്ട് ശേഖരണത്തിനായി മുഖ്യമന്ത്രിയും 17 മന്ത്രിമാരും വിദേശത്ത് പോകാനായിരുന്നു സംസ്ഥാന സർക്കാരിന്റെ തീരുമാനം. ഈ മാസം 18 മുതൽ വിദേശപര്യടനം തുടങ്ങനായിരുന്നു നിശ്ചയിച്ചിരുന്നത്. സർക്കാരിന്റെ…
Read Moreകാരണം കാണിക്കൽ നോട്ടീസിന് മറുപടി കിട്ടിയില്ല ; കെഎസ്ആർടിസിയിൽ വീണ്ടും കൂട്ടപിരിച്ചുവിടൽ; 134 ജീവനക്കാർ പുറത്ത്
തിരുവനന്തപുരം: കെഎസ്ആർടിസിയിൽ നിന്നും 134 ജീവനക്കാരെ വീണ്ടും കൂട്ടത്തോടെ പിരിച്ചുവിട്ടു. ദീർഘകാലമായി ജോലിക്കുവരാത്തവരെയും നിയമ വിരുദ്ധമായി അവധിയിൽ പോയവരെയുമാണ് പിരിച്ചുവിട്ടത്. ഡ്രൈവർമാരെയും കണ്ടക്ടർമാരെയുമാണ് പിരിച്ചുവിട്ടത്. കെഎസ്ആർടിസി എംഡി ടോമിന് ജെ. തച്ചങ്കരിയുടെ ഉത്തരവ് പ്രകാരമാണ് നടപടി. ദീര്ഘകാലമായി ജോലിക്ക് ഹാജരാകാത്ത ജീവനക്കാർക്ക് കെഎസ്ആർടിസി കാരണം കാണിക്കൽ നോട്ടീസ് നൽകിയിരുന്നു. മേയ് 31-നകം ജോലിയില് പ്രവേശിക്കുകയോ കാരണം കാണിക്കല് നോട്ടീസിനു മറുപടി നല്കുകയോ ചെയ്യണമെന്ന് കോര്പറേഷന് നിർദേശിച്ചെങ്കിലും മറുപടി ലഭിച്ചിരുന്നില്ല. ഇതേത്തുടർന്നാണ് ജീവനക്കാരെ പിരിച്ചുവിടാനുള്ള നടപടി എടുത്തത്. ഇതേകാരണത്താൽ 773 ജീവനക്കാരെ കെഎസ്ആർടിസി കഴിഞ്ഞയാഴ്ച പിരിച്ചുവിട്ടിരുന്നു. നിരന്തരം ജോലിക്ക് ഹാജരാകാത്ത മിനിസ്റ്റീരിയൽ, മെക്കാനിക്കല് വിഭാഗങ്ങളിൽ ഉള്ളവരെയും പിരിച്ചുവിടാനുള്ള നടപടി കെഎസ്ആർടിസി ആരംഭിച്ചിട്ടുണ്ട്.
Read Moreആകെ കുഴപ്പത്തിലാകും; പി.കെ.ശശിക്കെതിരേയുള്ള കമ്മീഷൻ റിപ്പോർട്ട് സിപിഎം പരിഗണിച്ചില്ല; റിപ്പോർട്ട് പരിഗണിച്ചാൽ ശശിയെ പാർട്ടിയിൽ നിന്നു പുറത്താക്കേണ്ടിവരും; പിന്നാലെ എംഎൽഎ സ്ഥാനത്തിനും ചലനം; സിപിഎമ്മിനെ കുഴപ്പിച്ച് റിപ്പോർട്ട്
തിരുവനന്തപുരം: പി.കെ. ശശി എംഎൽഎക്കെതിരേയുള്ള പാർട്ടി അന്വേഷണ കമ്മീഷൻ റിപ്പോർട്ട് ഇന്നലെ ചേർന്ന സിപിഎം സംസ്ഥാന സെക്രട്ടേറിയറ്റ് ചർച്ചയ്ക്കെടുത്തില്ല. എന്നാൽ ശശിക്കെതിരേയുള്ള അന്വേഷണ കമ്മീഷൻ റിപ്പോർട്ട് ഇന്നലത്തെ സെക്രട്ടേറിയറ്റിന്റെ അജൻഡ യിൽ ഉൾപ്പെടുത്തിയിരുന്നു. രാവിലെ സർക്കാരുമായി ബന്ധപ്പെട്ട പ്രവർത്തനങ്ങളും ലോക്സഭാ തെരഞ്ഞെടുപ്പ് പ്രവർത്തനങ്ങളുമാണു ചർച്ച ചെയ്തത്. വൈകുന്നേരം അന്വേഷണ കമ്മീഷൻ റിപ്പോർട്ട് ചർച്ച ചെയ്യുമെന്നു കരുതിയെങ്കിലും പരിഗണിച്ചില്ല. കമ്മീഷൻ റിപ്പോർട്ടിനെ സംബന്ധിച്ചു മുഖ്യമന്ത്രി പിണറായി വിജയനും സിപിഎം സംസ്ഥാന സെക്രട്ടറി കോടിയേരി ബാലകൃഷ്ണനും ഉച്ചയ്ക്കു പിരിയുന്പോൾ പ്രത്യേകം സംസാരിക്കുകയും ചെയ്തു. ഇതിനുശേഷമാണു കമ്മീഷൻ റിപ്പോർട്ട് സംസ്ഥാന സെക്രട്ടേറിയറ്റിന്റെ പരിഗണനയ്ക്ക് എത്താത്തത്. ലൈഗിംക പീഡന പരാതിയിൽ പി.കെ. ശശിക്കെതിരേയുള്ള അന്വേഷണ കമ്മീഷൻ റിപ്പോർട്ടിൽ അവ്യക്തതകൾ ഉണ്ടെന്ന കാരണത്താലാണു സംസ്ഥാന സെക്രട്ടേറിയറ്റ് ഇന്നലെ വിഷയം പരിഗണിക്കാതിരുന്നതെന്നാണു വിവരം. പാർട്ടി കേന്ദ്ര കമ്മിറ്റി അംഗങ്ങളായ എ.കെ. ബാലനും പി.കെ. ശ്രീമതിയും അംഗങ്ങളായിട്ടുള്ള…
Read Moreഅപ്പോ പരാതി ശരിയായിരുന്നോ? ഡിവൈഎഫ്ഐ വനിതാ നേതാവിന്റെ പരാതി; അന്വേഷണ കമ്മീഷന്റെ റിപ്പോർട്ടിൽ പി.കെ. ശശിക്കെതിരെ പാർട്ടിനടപടിക്ക് സാധ്യത
തിരുവനന്തപുരം: ഡിവൈഎഫ്ഐ വനിതാ നേതാവിന്റെ പരാതിയിൽ പി.കെ ശശി എംഎൽഎക്കെതിരെ പാർട്ടിതല നടപടി ഇന്നു ഉണ്ടായേക്കും. ബ്രാഞ്ച് തലത്തിലേയ്ക്ക് തരംതാഴ്ത്തുമെന്നാണ് ലഭിക്കുന്ന സൂചന. ശശിക്കെതിരായ പരാതി പരിശോധിക്കാൻ പാർട്ടി പി.കെ ശ്രീമതി, എകെ ബാലൻ എന്നിവരടങ്ങുന്ന അന്വേഷണ കമ്മീഷനെ ചുമതലപ്പെടുത്തിയിരുന്നു. കമ്മീഷൻ രണ്ടാഴ്ച മുന്പ് റിപ്പോർട്ട് സമർപ്പിച്ചെങ്കിലും കഴിഞ്ഞ സംസ്ഥാന സെക്രട്ടറിയേറ്റോ കമ്മറ്റിയോ ചർച്ച ചെയ്തിരുന്നില്ല. ശശിക്കെതിരെയുള്ള അന്വേഷണ കമ്മീഷൻ റിപ്പോർട്ട് ചർച്ച ചെയ്യുന്നതിനാണ് ഇന്നു സംസ്ഥാന സെക്രട്ടറിയേറ്റ് ചേരുന്നത്. തനിക്കെതിരെ ഗൂഡാലോചന നടന്നിട്ടുണ്ടെന്ന പി.കെ ശശിയുടെ പരാതിയും കമ്മീഷൻ പരിശോധിച്ചിരുന്നു. പാലക്കാട്ടെ ജില്ലാ കമ്മറ്റിയിലുള്ള നാലു നേതാക്കൾക്കെതിരെയാണ് ശശിയുടെ പരാതി. ഇതടക്കമുള്ള കാര്യങ്ങൾ പരിശോധിക്കുകയും പരാതിക്കാരിയുടെ അടക്കം വിശദമായ മൊഴി എടുത്താണ് കമ്മീഷൻ റിപ്പോർട്ട് തയ്യാറാക്കിയിരിക്കുന്നത്.
Read Moreതുള്ളൽ, നാടോടിനൃത്തം, മിമിക്രി; കലോത്സവത്തില് ആണ്-പെണ് വിഭാഗങ്ങള്ക്ക് പ്രത്യേക മത്സരം
തിരുവനന്തപുരം: കേരള സ്കൂള് കലോത്സവത്തിന് പൊതുമത്സരമായിരുന്ന കഥകളി (സിംഗിള്), തുള്ളല്, നാടോടി നൃത്തം, മിമിക്രി എന്നീ ഇനങ്ങള് ആണ് – പെണ് വിഭാഗത്തില് പ്രത്യേക മത്സരമായി നടത്താന് സര്ക്കാര് ഉത്തരവായി. ഈ വര്ഷത്തെ സ്കൂള് കലോത്സവങ്ങള്ക്ക് ബാധകമാണ്.
Read Moreനൂറിലേക്ക് ഇന്ധനവില കുതിക്കുന്നു; എൺപത് കടന്ന് ഡീസൽ വിലയും തൊണ്ണൂറിലേക്ക് അടുത്ത് പെട്രോളും
തിരുവനന്തപുരം: സാധാരണക്കാരുടെ നടുവൊടിച്ച് ഇന്ധനവില പുതിയ ഉയരത്തിലേക്ക് കുതിക്കുന്നു. പെട്രോളിന് 12 പൈസയും ഡീസലിന് 28 പൈസയുമാണ് ഇന്ന് കൂടിയത്. തിരുവനന്തപുരത്ത് ഡീസൽ വില വീണ്ടും 80 കടന്നു. 80 രൂപ 25 പൈസയാണ് തിരുവനന്തപുരത്തെ ഡീസൽ വില. ഒരു ലിറ്റർ പെട്രോളിന് 85.93 രൂപ നൽകണം. കൊച്ചി: പെട്രോൾ- 84.50, ഡീസൽ- 78.91 കോഴിക്കോട്: പെട്രോൾ- 84.75, ഡീസൽ- 79.19
Read Moreശബരിമല വിഷയത്തെ രാഷ്ട്രീയവത്കരിക്കാൻ ശ്രമം; ആരൊക്കെ ശ്രമിച്ചാലും ഇത് വൈകാരിക പ്രശ്നമാക്കി മാറ്റാനാവില്ലെന്ന് സിപിഐ
തിരുവനന്തപുരം: ശബരിമല സ്ത്രീ പ്രവേശന വിഷയത്തെ രാഷ്ട്രീയവത്കരിക്കാൻ ശ്രമം നടക്കുന്നുണ്ടെന്ന് സിപിഐ സംസ്ഥാന സെക്രട്ടറി കാനം രാജേന്ദ്രൻ. എന്നാൽ, ആരൊക്കെ ശ്രമിച്ചാലും ഇത് വൈകാരിക പ്രശ്നമാക്കി മാറ്റാനാവില്ലെന്നും അദ്ദേഹം പറഞ്ഞു. വിഷയത്തിൽ സർക്കാർ നിയമപരമായി തന്നെ മുന്നോട്ട് പോകുമെന്നു പറഞ്ഞ കാനം മലയാളികളുടെ മതനിരപേക്ഷ മനസിനെ തകർക്കാൻ ആരു വിചാരിച്ചാലും സാധിക്കില്ലെന്നും കൂട്ടിച്ചേർത്തു.
Read More