തിരുവനന്തപുരം: പ്രളയക്കെടുതിയേത്തുടർന്ന് സ്കൂൾ കലോത്സവവും ഫിലിം ഫെസ്റ്റിവെലും ഒഴിവാക്കിയ സർക്കാർ നടപടി പിൻവലിക്കില്ലെന്ന് മന്ത്രി ഇ.പി.ജയരാജൻ. എന്നാൽ, സ്കൂൾ കലോത്സവം ഒഴിവാക്കുമ്പോൾ കുട്ടികളുടെ ഗ്രേസ് മാർക്ക് ഉൾപ്പെടെയുള്ള വിഷയങ്ങളിൽ പ്രശ്നങ്ങൾ ഉണ്ടാകുമെന്ന് ചൂണ്ടിക്കാണിക്കപ്പെട്ടിട്ടുണ്ടെന്നും ഇതിനേക്കുറിച്ച് ആലോചിച്ച ശേഷം ഉചിതമായ തീരുമാനങ്ങളെടുക്കുമെന്നും അദ്ദേഹം പറഞ്ഞു. സിപിഎം എംഎൽഎ പി.കെ.ശശിക്കെതിരായ ലൈംഗികാരോപണ വിഷയം പാർട്ടിക്കാര്യമാണെന്നും ഇതേക്കുറിച്ച് പാർട്ടി സെക്രട്ടറിയോട് ചോദിക്കുന്നതാകും ഉചിതമെന്നും ജയരാജൻ പറഞ്ഞു. മന്ത്രി എന്ന നിലയിൽ സർക്കാരിന്റെ കാര്യങ്ങൾ മാത്രമാണ് താൻ സംസാരിക്കുന്നത് എംഎൽഎയ്ക്കെതിരായ ആരോപണം സർക്കാരിന് മുന്നിൽ വന്നിട്ടില്ലെന്നും ഈ വിഷയത്തിൽ കൂടുതൽ അഭിപ്രായ പ്രകടനങ്ങൾക്കില്ലെന്നും മന്ത്രി വ്യക്തമാക്കി. സംസ്ഥാനത്തിന്റെ പുനർ നിർമാണവുമായി ബന്ധപ്പെട്ട് കെപിഎംജി പ്രവർത്തിക്കുന്നത് തീർത്തും സൗജന്യമായാണ്. ഇത്തരത്തിൽ ഇനിയും സൗജന്യമായി പഠനങ്ങൾ നടത്തി റിപ്പോർട്ട് നൽകാൻ ഏതെങ്കിലും ഏജൻസികൾ തയാറാണെങ്കിൽ അവർക്കും ഇതിന്റെ ഭാഗമാകാമെന്നും അദ്ദേഹം കൂട്ടിച്ചേർത്തു.
Read MoreCategory: TVM
അധ്യാപകദിനത്തിലും ആഘോഷങ്ങളില്ല, നല്ല അധ്യാപകര്ക്ക് പുരസ്കാരം മാത്രമെന്ന് വിദ്യാഭ്യാസ മന്ത്രി
തിരുവനന്തപുരം: പ്രളയക്കെടുതിയുടെ പശ്ചാത്തലത്തില് ഇക്കുറി സംസ്ഥാനത്ത് അധ്യാപകദിന ആഘോഷങ്ങളില്ലെന്നും, മികച്ച അധ്യാപകര്ക്കുള്ള പുരസ്കാര വിതരണം മാത്രമേ ഉണ്ടായിരിക്കുകയുള്ളൂവെന്നും വിദ്യാഭ്യാസ മന്ത്രി പ്രൊഫ.സി.രവീന്ദ്രനാഥ്. നല്ല അധ്യാപകന് എന്നും നല്ല വിദ്യാര്ത്ഥിയാണ്. നല്ല വിദ്യാര്ത്ഥിക്കേ നല്ല അധ്യപകനായി മാറാന് കഴിയുകയുള്ളൂ. അധ്യാപക ദിനത്തിന്റെ സന്ദേശം കേരളത്തിലെ മുഴുവന് അധ്യാപകരും വിദ്യാര്ത്ഥികളും ഉള്ക്കൊള്ളണമെന്നും മന്ത്രി അധ്യാപകദിന സന്ദേശത്തില് പറഞ്ഞു.
Read Moreപണം മുടക്കി ആഘോഷങ്ങൾ വേണ്ട; കലോത്സവവും ചലച്ചിത്രമേളയും സർക്കാർ ഒഴിവാക്കി
തിരുവനന്തപുരം: പ്രളയക്കെടുതി നേരിടുന്ന സാഹചര്യത്തിൽ ആഘോഷങ്ങളെല്ലാം ഒഴിവാക്കാൻ സർക്കാർ തീരുമാനിച്ചു. ഇതിന്റെ അടിസ്ഥാനത്തിൽ ഈ വർഷത്തെ രാജ്യാന്തര ചലച്ചിത്രോത്സവവും സ്കൂൾ കലോത്സവവും ഒഴിവാക്കി. ഇത് സംബന്ധിച്ച് പൊതുഭരണ വകുപ്പിന്റെ ഉത്തരവ് പുറത്തിറങ്ങി. വലിയ ചെലവ് വരുന്ന ആഘോഷങ്ങൾ ഒഴിവാക്കാനാണ് സർക്കാരിന്റെ തീരുമാനം. ഒരു വർഷത്തേക്ക് ഇത്തരം ആഘോഷങ്ങൾക്ക് പണം മുടക്കാതെ ദുരിതാശ്വാസ പ്രവർത്തനത്തിലേക്ക് ഈ പണം വകയിരുത്താനാണ് സർക്കാർ ആലോചിക്കുന്നത്. ഇതിന് പുറമേ ടൂറിസം വകുപ്പിന്റെ മറ്റ് വകുപ്പുകളുടെയും ചില പരിപാടികൾ സർക്കാർ വേണ്ടെന്ന തീരുമാനത്തിലെത്തിയിട്ടുണ്ട്. ആഘോഷങ്ങൾ ഒഴിവാക്കാൻ എല്ലാ വകുപ്പുകളോടും സർക്കാർ നിർദ്ദേശിച്ചിട്ടുണ്ട്. സ്കൂൾ കലോത്സവം നടക്കേണ്ട ആലപ്പുഴ ജില്ലയിൽ പലയിടത്തും ഇപ്പോഴും വെള്ളം ഇറങ്ങാത്ത സ്ഥിതിയുണ്ട്. കുട്ടനാട് മേഖലയിലെ പല സ്കൂളുകളിലും നിലവിൽ ക്ലാസുകൾ തുടങ്ങാൻ കഴിഞ്ഞിട്ടില്ല. ഓണത്തിന് മുൻപും നിരവധി അധ്യായന ദിവസങ്ങൾ വിദ്യാർഥികൾക്ക് നഷ്ടമായിരുന്നു. ഈ സാഹചര്യത്തിൽ കലോത്സവത്തിന് വേണ്ടി കൂടി…
Read Moreശനിയാഴ്ചകൾ പ്രവൃത്തിദിനം: പ്രചരിക്കുന്നത് വ്യാജവാർത്തയെന്ന് വിദ്യാഭ്യാസവകുപ്പ്
തിരുവനന്തപുരം: സംസ്ഥാനത്തെ എല്ലാ വിദ്യാഭ്യാസ സ്ഥാപനങ്ങൾക്കും രണ്ടാം ശനിയാഴ്ചകൾ ഒഴികെയുള്ള ശനിയാഴ്ചകൾ പ്രവൃത്തിദിനമായിരിക്കുമെന്ന രീതിയിൽ പ്രചരിക്കുന്ന വാർത്ത വ്യാജമെന്ന് വിദ്യാഭ്യാസമന്ത്രിയുടെ ഓഫീസ് അറിയിച്ചു. ഈ മാസം ഏഴിന് സർക്കാർ അധ്യാപക സംഘടനാ പ്രതിനിധികൾ ഉൾക്കൊള്ളുന്ന ഗുണമേന്മ പരിശോധനാസമിതി യോഗം വിളിച്ചിട്ടുണ്ട്. ഇതിനുശേഷമേ അധ്യായനം ശനിയാഴ്ചകളിൽ വേണമോ എന്ന കാര്യത്തിൽ തീരുമാനമെടുക്കൂ എന്നാണ് വിദ്യാഭ്യാസമന്ത്രിയുടെ ഓഫീസ് അറിയിച്ചത്. സംസ്ഥാനത്തെ എല്ലാ വിദ്യാഭ്യാസ സ്ഥാപനങ്ങൾക്കും ഇനിയുള്ള ശനിയാഴ്ചകൾ പ്രവൃത്തിദിനമായിരിക്കുമെന്ന് പൊതുവിദ്യാഭ്യാസ ഡയറക്ടർ കെ.വി. മോഹൻകുമാർ അറിയിച്ചുവെന്ന തരത്തിലാണ് വ്യാജ സന്ദേശം നവമാധ്യമങ്ങൾ വഴി പ്രചരിച്ചത്. രണ്ടാം ശനിയാഴ്ച ഒഴികെയുള്ള ശനിയാഴ്ചയാവും പ്രവൃത്തി ദിനമെന്നും സന്ദേശത്തിൽ പറഞ്ഞിരുന്നു. പ്രളയക്കെടുതിയുടെ പശ്ചാത്തലത്തിൽ വിദ്യാർഥികൾക്കു നിരവധി അധ്യയനദിനങ്ങൾ നഷ്ടമായതിന്റെ പശ്ചാത്തലത്തിലാണ് ശനിയാഴ്ചകൾ പ്രവൃത്തിദിനമാക്കാൻ തീരുമാനിച്ചതെന്നും ജനുവരി വരെ ഈ ക്രമം തുടരുമെന്നുമായിരുന്നു വ്യാജ പ്രചരണം.
Read Moreവാട്സ് ആപ്പിൽ അശ്ലീല ഗ്രൂപ്പുണ്ടാക്കി വീഡിയോയും കഥകളും പ്രചരിപ്പിച്ചു; മേസ്തിരിപ്പണിക്കാരനായ യുവാവ് അറസ്റ്റിൽ
കോട്ടയം: വാട്സ് ആപ്പിൽ അശ്ലീല ഗ്രൂപ്പുണ്ടാക്കി ചിത്രങ്ങളും വീഡിയോയും കഥകളും മറ്റും പ്രചരിപ്പിച്ച യുവാവിനെ ഈസ്റ്റ് സിഐ സാജുവർഗീസിന്റെ നേതൃത്വത്തിലുള്ള പോലീസ് അറസ്റ്റു ചെയ്തു. വിഴിഞ്ഞം നസീന മൻസിലിൽ സിദ്ധിക് (36) ആണ് അറസ്റ്റിലായത്. ഇയാളെ കോടതിയിൽ ഹാജരാക്കി റിമാൻഡു ചെയ്തു. കോട്ടയം ജില്ലാ പോലീസ് ചീഫ് ഹരിശങ്കറിനു കിട്ടിയ വിവരത്തിന്റെ അടിസ്ഥാനത്തിൽ് ഐടി ആക്ട് പ്രകാരം കേസ് രജിസ്റ്റർ ചെയ്ത് സൈബർ സെല്ലിന്റെ സഹായത്തോടെയാണ് അന്വേഷിച്ചത്. സിദ്ധിക്കിന്റെ ഫോണ് നന്പർ, വിലാസം ഇതെല്ലാം ശേഖരിച്ച ശേഷം പോലീസ് വിഴിഞ്ഞത്തെത്തിയാണ് അറസ്റ്റു ചെയ്തത്. മേസ്തിരി പണിക്കാരനാണ് സിദ്ധിക്. ഇയാളുടെ ഗ്രൂപ്പിലിട്ട അശ്ലീല വീഡിയോയും പോസ്റ്റുകളും മറ്റും സംസ്ഥാനത്ത് പലയിടത്തും പ്രചരിച്ചിരുന്നു. അങ്ങനെയാണ് പോലീസിന് പരാതി ലഭിച്ചത്.
Read Moreകലോത്സവം ഉപേക്ഷിക്കില്ല, ആർഭാടം കുറച്ച് നടത്തും; റിപ്പോർട്ടുകൾ തള്ളി സർക്കാർ
തിരുവനന്തപുരം: പ്രളയക്കെടുതിയുടെ പശ്ചാത്തലത്തിൽ സംസ്ഥാന സ്കൂൾ കലോത്സവം ഉപേക്ഷിച്ചേക്കുമെന്ന റിപ്പോർട്ടുകൾ തള്ളി പൊതു വിദ്യാഭ്യാസ ഡയറക്ടർ. തിയതി മാറ്റി ആർഭാടം കുറഞ്ഞ രീതിയിൽ കലോത്സവം നടത്തുമെന്നും മറിച്ചുള്ള റിപ്പോർട്ടുകൾക്ക് അടിസ്ഥാനമില്ലെന്നും കെ.വി.മോഹൻകുമാർ ഐഎഎസ് അറിയിച്ചു. പ്രളയക്കെടുതിയിൽ നട്ടം തിരിയുന്ന ആലപ്പുഴയിലാണ് ഇത്തവണ സംസ്ഥാന സ്കൂൾ കലോത്സവം നിശ്ചയിച്ചിരുന്നത്. എന്നാൽ, ഒട്ടേറെ സ്കൂളുകളിൽ വെള്ളം കയറുകയും കുട്ടികൾ ദുരിതം അനുഭവിക്കുകയും ചെയ്യുന്ന വേളയിൽ കലോത്സവം നടത്തണോ എന്നതാണ് ഉയർന്നിരിക്കുന്ന ആശയക്കുഴപ്പം. ഇക്കാര്യത്തിൽ അധ്യാപക സംഘടനകളുടെ അഭിപ്രായമറിയാൻ സർക്കാർ ഏഴിന് ഗുണമേ·ാ പരിശോധനാസമിതി യോഗം വിളിച്ചതായാണ് റിപ്പോർട്ട്. ഡിസംബർ അഞ്ച് മുതൽ ഒന്പതുവരെ ആലപ്പുഴയിൽ സംസ്ഥാന സ്കൂൾ കലാമേളയും ഒക്ടോബർ അവസാനം കണ്ണൂരിൽ പ്രവൃത്തിപരിചയ മേളയും നടത്താനായിരുന്നു തീരുമാനം. കലോത്സവത്തിന്റെ കാര്യത്തിൽ അനിശ്ചിതത്വമുണ്ടെങ്കിലും സംസ്ഥാന സ്കൂൾ കായികമേള നടത്തുമെന്ന് ഏറെക്കുറെ ഉറപ്പായി.
Read Moreമണിയാര് ഡാം സുരക്ഷിതം; ആശങ്ക വേണ്ടെ; കേടുപാടുകള് പരിഹരിക്കുന്നതിന് അടിയന്തര നടപടികള് സ്വീകരിച്ചതായി അധികൃതർ
തിരുവനന്തപുരം: പത്തനംതിട്ട ജില്ലയിലെ മണിയാര് ഡാം സുരക്ഷിതമാണെന്നും ആശങ്കപ്പെടേണ്ട സാഹചര്യമില്ലെന്നും ജലസേചന വകുപ്പ് അധികൃതര് അറിയിച്ചു. അതിതീവ്ര മഴയിലും വെള്ളപ്പൊക്കത്തിലും ഡാമിനും അനുബന്ധ നിര്മിതികള്ക്കും ചില കേടുപാടുകള് സംഭവിച്ചിട്ടുണ്ടെങ്കിലും ഇവ ഡാമിന്റെ സുരക്ഷയെ ബാധിക്കുന്നതല്ല. കേടുപാടുകള് പരിഹരിക്കുന്നതിന് അടിയന്തര നടപടികള് സ്വീകരിച്ചുവരികയാണെന്ന് ഇറിഗേഷന് ഡിസൈന് ആന്റ് റിസര്ച്ച് ബോര്ഡ് ചീഫ് എന്ജിനിയര് അറിയിച്ചു. പമ്പ ജലസേചന പദ്ധതിയുടെ ഭാഗമായ മണിയാര് ഡാം കഴിഞ്ഞ ദിവസം വകുപ്പിലെ ഉന്നത ഉദ്യോഗസ്ഥര് സന്ദര്ശിച്ച് കേടുപാടുകള് വിലയിരുത്തി. അഞ്ച് സ്പില്വേകളില് ഒന്നിന്റെ ഉപരിതലത്തിലെ ഫേസിംഗ് കല്ലുകള് ഇളകിയിട്ടുണ്ട്. ഡാമിന് താഴെ ഇടതു ഗൈഡ്വാളിന്റെ അടിഭാഗത്തെ കെട്ട് ഇളകി മണ്ണൊലിച്ചിട്ടുണ്ട്. രണ്ടു സ്പില്വേ ഷട്ടറുകളുടെ ബോഗി വീലുകളും തകരാറിലായിട്ടുണ്ട്. ജലസംഭരണിയില് നിന്ന് ജല വിതരണത്തിനുള്ള കനാല് തുടങ്ങുന്നിടത്തെ ബൈല്മൗത്തിന്റെ ഭിത്തികള് ഇടിയുകയും ട്രാഷ് റാക്കിന് സ്ഥാനചലനം ഉണ്ടാവുകയും ചെയ്തിട്ടുണ്ട്. ഡാമിന് താഴെയുള്ള നദീ…
Read Moreഎലിപ്പനി ; പ്രതിരോധ മരുന്ന് കഴിക്കുന്നതിൽ വീഴ്ച പാടില്ല; ശ്രദ്ധിക്കേണ്ട കാര്യങ്ങൾ ഇവയൊക്കെ…
തിരുവനന്തപുരം: മലിനജലത്തില് ഇറങ്ങിയവരും മലിനജലവുമായി സമ്പര്ക്കമുണ്ടായവരും എലിപ്പനി പ്രതിരോധ മരുന്ന് കഴിക്കണമെന്ന് ആരോഗ്യവകുപ്പ് അറിയിച്ചു. എലിപ്പനി പ്രതിരോധ മരുന്നായ 100 മില്ലി ഗ്രാമിന്റെ ഡോക്സിസൈക്ലിന് ഗുളികകള് ആഴ്ചയില് രണ്ട് എണ്ണം ഭക്ഷണത്തിനു ശേഷം കഴിക്കണം. ഇങ്ങനെ നാലു മുതൽ അഞ്ചു വരെ ആഴ്ച കഴിക്കണം. പ്രതിരോധ മരുന്നു കഴിക്കാത്തവരില് എലിപ്പനി റിപ്പോര്ട്ട് ചെയ്ത സാഹചര്യത്തിലാണു നിര്ദേശം. പനി, ശരീര വേദന തുടങ്ങിയ രോഗ ലക്ഷണങ്ങള് കണ്ടാല് ഉടന് ചികിത്സ തേടണം. ശ്രദ്ധയോടെ നീങ്ങാം കെട്ടിക്കിടക്കുന്ന വെള്ളത്തിൽ ഇറങ്ങിനടക്കുന്നത് ഒഴിവാക്കുക. മനുഷ്യവാസപ്രദേശങ്ങളിൽ മാലിന്യങ്ങൾ കൂടിക്കിടക്കുന്നത് ഒഴിവാക്കുക. ഇത്തരം മാലിന്യക്കൂന്പാരങ്ങളിലാണ് എലികൾ പെറ്റുപെരുകുന്നത്്. * വെളളം കെട്ടിനില്ക്കാനുള്ള സാഹചര്യം ഒഴിവാക്കുക. * കുളങ്ങൾ വൃത്തിയാക്കി സൂക്ഷിക്കുക. ഇടയ്ക്കിടെ കുളത്തിലെ വെളളത്തിന്റെ ശുദ്ധി ഉറപ്പുവരുത്തുക. നീന്തൽക്കുളങ്ങളിൽ മാലിന്യം കലരാതിരിക്കാൻ കരുതൽ നടപടികൾ സ്വീകരിക്കുക. *ജലസ്രോതസുകൾ വൃത്തിയായി സൂക്ഷിക്കുക. പൊട്ടാസ്യം പെർമാംഗനേറ്റ്്, ബ്ലീച്ചിംഗ് പൗഡർ…
Read More‘കേരള കേരള ഡോണ്ട് വറി കേരള’; മുഖ്യമന്ത്രിയുടെ ദുരിതാശ്വാസ നിധിയിലേക്ക് എ.ആർ റഹ്മാൻ ഒരു കോടി രൂപ നൽകും
തിരുവനന്തപുരം: ദുരിതാശ്വാസ പ്രവര്ത്തനങ്ങള്ക്ക് സഹായവുമായി ലോക പ്രശസ്ത സംഗീതജ്ഞൻ എ.ആർ റഹ്മാനും. യുഎസില് പര്യടനം നടത്തുന്ന എ ആര് റഹ്മാനും ട്രൂപ്പിലെ മറ്റു ആര്ട്ടിസ്റ്റുകളും ചേര്ന്ന് മുഖ്യമന്ത്രിയുടെ ദുരിതാശ്വാസ നിധിയിലേക്ക് ഒരു കോടി രൂപ നല്കും. റഹ്മാന് തന്നെയാണ് ഇക്കാര്യം ഫേസ്ബുക്ക് പോസ്റ്റിലൂടെ അറിയിച്ചത്. ‘മുസ്തഫ മുസ്തഫ’ എന്ന ഗാനത്തിന്റെ വാക്കുകള് മാറ്റി ‘കേരള കേരള ഡോണ്ട് വറി കേരള’ എന്ന് അദ്ദേഹം പാടുന്ന വീഡിയോയും കഴിഞ്ഞ ദിവസങ്ങളില് പ്രചരിച്ചിരുന്നു. റഹ്മാനും സംഘത്തിനും നന്ദിയറിച്ച് നിരവധിപേര് രംഗത്തെത്തിക്കഴിഞ്ഞു.
Read Moreജീവനക്കാരുടെ കുറവ്; ഗതാഗത ക്രമീകരണത്തിനുമായി 10 പാസഞ്ചർ ട്രെയിനുകൾ ഇന്ന് ഓടില്ല
തിരുവനന്തപുരം: ജീവനക്കാരുടെ കുറവു മൂലവും ഗതാഗത ക്രമീകരണത്തിനുമായി റെയിൽവേ ട്രയിൻ സർവീസുകൾ റദ്ദാക്കുന്നു. ഇന്ന് തിരുവനന്തപുരം ഡിവിഷനിലെ പത്ത് പാസഞ്ചർ ട്രെയിനുകൾ പൂർണമായും രണ്ട് പാസഞ്ചറുകൾ ഭാഗികമായും സർവീസ് റദ്ദാക്കിയതായി റെയിൽവേ അറിയിച്ചു. ട്രെയിൻ നന്പർ 56043 ഗുരുവായൂർ-തൃശൂർ, ട്രെയിൻ നന്പർ 56044 തൃശൂർ-ഗുരുവായൂർ, ട്രെയിൻ നന്പർ 56333 പുനലൂർ-കൊല്ലം, ട്രെയിൻ നന്പർ 56334 കൊല്ലം-പുനലൂർ, ട്രെയിൻ നന്പർ 56365 ഗുരുവായൂർ-പുനലൂർ, ട്രെയിൻ നന്പർ 56366 പുനലൂർ-ഗുരുവായൂർ, ട്രെയിൻ നന്പർ 56373 ഗുരുവായൂർ-തൃശൂർ, ട്രെയിൻ നന്പർ 56374 തൃശൂർ-ഗുരുവായൂർ, ട്രെയിൻ നന്പർ 56387 എറണാകുളം-കായംകുളം (കോട്ടയം വഴി), ട്രെയിൻ നന്പർ 56388 കായംകുളം- എറണാകുളം (കോട്ടയം വഴി) എന്നീ പാസഞ്ചറുകളാണ് പൂർണമായി റദ്ദാക്കിയത്. ട്രെയിൻ നന്പർ 56663 തൃശൂർ-കോഴിക്കോട് പാസഞ്ചറും ട്രെയിൻ നന്പർ 56664 കോഴിക്കോട്- തൃശൂർ പാസഞ്ചറും ഷൊർണൂരിൽ യാത്ര അവസാനിപ്പിക്കും.
Read More