തിരുവനന്തപുരം: ഓഗസ്റ്റ് ഏഴിന് കെഎസ്ആര്ടിസി ജീവനക്കാർ പണിമുടക്കും. ആറിന് അർധരാത്രി മുതൽ ഏഴിന് അർധരാത്രി വരെയാണ് പണിമുടക്ക്.സംയുക്ത ട്രേഡ് യൂണിയൻ സമരസമിതിയാണ് സൂചനാ പണിമുടക്കു പ്രഖ്യാപിച്ചത്. കെഎസ്ആര്ടിസിയിൽ നടപ്പിലാക്കുന്ന ഭരണപരിഷ്കാരങ്ങൾ, വാടകവണ്ടി ഓടിക്കാനുള്ള തീരുമാനം, കെഎസ്ആര്ടിസിയെ മൂന്ന് കന്പനിയാക്കാനുള്ള തീരുമാനം, ജീവനക്കാരെ പിരിച്ചുവിടുന്ന നടപടി തുടങ്ങിയവയ്ക്കെതിരെയും ശന്പളപരിഷ്കരണം നടപ്പിലാക്കാത്തതിനെതിരെയുമാണ് യൂണിയനുകൾ സമരം പ്രഖ്യാപിച്ചത്.
Read MoreCategory: TVM
ഉരുട്ടിക്കൊലക്കേസ്: പ്രതികൾക്കുള്ള ശിക്ഷ ബുധനാഴ്ച; കൊലക്കുറ്റം ചുമത്തിയിരിക്കുന്ന ഒന്നും രണ്ടും പ്രതികളെ റിമാൻഡ് ചെയ്തു
തിരുവനന്തപുരം: ഫോർട്ട് പോലീസ് സ്റ്റേഷനിൽ വച്ച് ഉദയകുമാറിനെ ഉരുട്ടിക്കൊലപ്പെടുത്തിയ കേസിൽ പ്രതികളായ അഞ്ച് പോലീസ് ഉദ്യോഗസ്ഥർക്ക് ബുധനാഴ്ച ശിക്ഷ വിധിക്കുമെന്ന് കോടതി അറിയിച്ചു. ഇവർ കുറ്റക്കാരാണെന്ന് തിരുവനന്തപുരം സിബിഐ കോടതി രാവിലെ കണ്ടെത്തിയിരുന്നു. കൊലക്കുറ്റം ചുമത്തിയിരിക്കുന്ന ഒന്ന്, രണ്ടു പ്രതികളെ കോടതി റിമാൻഡ് ചെയ്തു. ഫോർട്ട് പോലീസ് സ്റ്റേഷനിലെ ഹെഡ് കോണ്സ്റ്റബിൾമാരായിരുന്ന ജിതകുമാർ, ശ്രീകുമാർ, എസ്ഐയായിരുന്ന അജിത്കുമാർ, സിഐയായിരുന്ന ഇ.കെ. സാബു, അസിസ്റ്റന്റ് കമ്മീഷണറായിരുന്ന ഹരിദാസ് എന്നിവരെയാണ് കോടതി കുറ്റക്കാരെന്ന് കണ്ടെത്തിയത്. കേസിലെ മറ്റൊരു പ്രതിയായിരുന്ന സോമൻ വിചാരണ വേളയിൽ മരിച്ചിരുന്നു. ഇവരിൽ ജിതകുമാർ, ശ്രീകുമാർ എന്നിവർക്കെതിരെയാണ് കൊലക്കുറ്റം ചുമത്തിയിരിക്കുന്നത്. ഇവരെ ഇതോടെ കോടതി റിമാൻഡ് ചെയ്യുകയായിരുന്നു. മറ്റ് മൂന്ന് പ്രതികൾക്കെതിരേ തെളിവ് നശിപ്പിക്കൽ, ഗൂഢാലോചന എന്നി കുറ്റങ്ങൾ തെളിഞ്ഞിട്ടുണ്ടെന്നും കോടതി കണ്ടെത്തിയിരുന്നു. ഹരിദാസും സാബുവും എസ്പിമാരായി സർവീസിൽ നിന്നും റിട്ടയർ ചെയ്തിരുന്നു. മറ്റ് പോലീസ് ഉദ്യോഗസ്ഥരും…
Read Moreലോറി സമരം: സർക്കാർ ഉറക്കത്തിൽ; അടിയന്തിരമായി ബദല് സംവിധാനം ഏര്പ്പെടുത്തണമെന്ന് രമേശ് ചെന്നിത്തല
തിരുവനന്തപുരം: ലോറി സമരത്തെ നേരിടാൻ ബദൽ മാർഗങ്ങൾ സ്വീകരിക്കാതെ സംസ്ഥാന സർക്കാർ ഉറക്കത്തിലാണെന്ന് പ്രതിപക്ഷ നേതാവ് രമേശ് ചെന്നിത്തല. അയല് സംസ്ഥാനങ്ങളില് നിന്നുള്ള ചരക്ക് വരവ് നിലച്ചതോടെ നിത്യോപയോഗ സാധനങ്ങളുടെ വില ഇരട്ടിയിലധികമായി കുതിച്ചുയര്ന്നതായി ചെന്നിത്തല ഫേസ്ബുക്കിൽ കുറിച്ചു. വില പിടിച്ചു നിര്ത്തുന്നതിനുള്ള ബദല് സംവിധാനങ്ങളൊന്നും സംസ്ഥാന സര്ക്കാര് കൈക്കൊണ്ടിട്ടില്ല. അയല് സംസ്ഥാനങ്ങളില് നിന്ന് പച്ചക്കറിയും മറ്റും എത്തിക്കുന്നതിന് അടിയന്തിരമായി ബദല് സംവിധാനം ഏര്പ്പെടുത്തണമെന്നും ചെന്നിത്തല ആവശ്യപ്പെട്ടു.
Read Moreമോഹൻലാലിനെ പുരസ്കാരദാന ചടങ്ങിലേക്ക് ക്ഷണിച്ചിട്ടില്ലെന്ന് മന്ത്രി ബാലൻ
തിരുവനന്തപുരം: സംസ്ഥാന ചലച്ചിത്ര പുരസ്കാരദാന ചടങ്ങിലെ മുഖ്യതിഥിയെചൊല്ലിയുള്ള വിവാദത്തിൽ വിശദീകരണവുമായി മന്ത്രി എ.കെ. ബാലൻ രംഗത്ത്. മോഹൻലാലിനെ ചടങ്ങിലേക്ക് ഇതുവരെ ക്ഷണിച്ചിട്ടില്ല. നിലവിലെ വിവാദം എന്തിനാണെന്ന് മനസിലാകുന്നില്ലെന്നും മന്ത്രി പറഞ്ഞു. മോഹൻലാലിനെ ക്ഷണിച്ചിട്ടില്ലെന്നും ചിലരുടെ രാഷ്ട്രീയ താല്പര്യമാണ് ഭീമ ഹർജിയെന്നും ചലച്ചിത്ര അക്കാഡമി ചെയർമാൻ കമലും വ്യക്തമാക്കി. അടുത്ത മാസം എട്ടിന് തിരുവനന്തപുരത്ത് നിശാഗന്ധി ഓഡിറ്റോറിയത്തിൽ നടക്കുന്ന ചടങ്ങിൽ ലാലിനെ പങ്കെടുപ്പിക്കരുതെന്നാവശ്യപ്പെട്ട് ചലച്ചിത്രപ്രവർത്തകരടക്കം 105 പേർ ഒപ്പിട്ട ഭീമ ഹർജി മുഖ്യമന്ത്രി പിണറായി വിജയനു നൽകിയിരുന്നു. അവാർഡ് ജേതാക്കളെ മറികടന്ന് മുഖ്യാതിഥി വരുന്നത് അനൗചിത്യം എന്നാണ് വിമർശകരുടെ വാദം.
Read Moreഉദയകുമാർ ഉരുട്ടിക്കൊല: പോലീസുകാർ കുറ്റക്കാരെന്ന് കോടതി; മോഷണക്കുറ്റം ആരോപിച്ച് അറസ്റ്റുചെയ്ത പ്രതിയെ ഉരുട്ടികൊലപ്പെടുത്തുകയായിരുന്നുവെന്നാണ് സിബിഐ കേസ്
തിരുവനന്തപുരം: ഉദയകുമാർ ഉരുട്ടിക്കൊലക്കേസിൽ പ്രതികളായ ആറു പോലീസുകാരും കുറ്റക്കാരാണെന്ന് തിരുവനന്തപുരം സിബിഐ പ്രത്യേക കോടതി കണ്ടെത്തി. കേസിൽ 13 വർഷത്തിനുശേഷമാണ് കോടതി വിധി പ്രസ്താവം നടത്തിയത്. കേസിലെ ഒന്നും രണ്ടും മൂന്നും പ്രതികൾ കൊലപാതകത്തിൽ നേരിട്ട് പങ്കുള്ളവരാണ്. ഇവർക്കെതിരേ കൊലക്കുറ്റം ചുമത്തും. നാലു മുതൽ ആറുവരെയുള്ള പ്രതികൾക്കെതിരേ ഗൂഢാലോചനക്കുറ്റവും ചുമത്തുമെന്നും കോടതി അറിയിച്ചു. കേസിലെ മൂന്നാം പ്രതി സോമൻ വിചാരണവേളയിൽ മരണമടഞ്ഞിരുന്നു. 2005 സെപ്റ്റംബർ 27 ന് ഉച്ചയ്ക്ക് 1.30 നാണ് ശ്രീകണ്ഠേശ്വരം പാർക്കിൽ നിന്ന് ഇ.കെ.സാബുവിന്റെ നേതൃത്വത്തിലുള്ള പോലീസ് സംഘം ഉദയകുമാറിനെ കസ്റ്റഡിയിലെടുത്തത്. ഇതിനുശേഷം ഫോർട്ട് പോലീസ് സ്റ്റേഷനിൽ ഉദയകുമാറിനെ ഉരുട്ടിക്കൊലപ്പെടുത്തുകയായിരുന്നു എന്നാണു സിബിഐ കേസ്.
Read Moreകേരള, ലക്ഷദ്വീപ് തീരങ്ങളിൽ ശക്തമായ കാറ്റിന് സാധ്യത; മത്സ്യതൊഴിലാളികൾ കടലിൽ പോകരുതെന്ന് കാലാവസ്ഥ നിരീക്ഷണ കേന്ദ്രം
ലക്ഷദ്വീപ് തീരപ്രദേശങ്ങളിൽ ശക്തമായ കാറ്റിന് സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. മണിക്കൂറിൽ 55 കിലോമീറ്റർ വരെ വേഗത്തിൽ കാറ്റ് വീശിയേക്കുമെന്നാണ് റിപ്പോർട്ട്. മത്സ്യതൊഴിലാളികൾ കടലിൽ പോകരുതെന്ന് തീരദേശവാസികൾ ജാഗ്രത പാലിക്കണമെന്നും അധികൃതർ മുന്നറിയിപ്പ് നൽകിയിട്ടുണ്ട്.
Read Moreപതിമൂന്ന് വർഷത്തിനൊടുവിൽ ഉദയകുമാർ ഉരുട്ടിക്കൊല കേസിൽ വിധി ചൊവ്വാഴ്ച; മുതിർന്ന പോലീസുകാർ ഉൾപ്പെടെ ആറ് പേരാണ് കേസിലെ പ്രതികൾ
തിരുവനന്തപുരം: സംസ്ഥാനത്ത് ഏറെ കോളിളക്കം സൃഷ്ടിച്ച ഉദയകുമാർ ഉരുട്ടിക്കൊല കേസിൽ തിരുവനന്തപുരം സിബിഐ കോടതി ചൊവ്വാഴ്ച വിധി പറയും. 13 വർഷത്തിനുശേഷമാണ് കേസിൽ വിധി പറയുന്നത്. മുതിർന്ന പോലീസുകാർ ഉൾപ്പെടെ ആറ് പേരാണ് കേസിലെ പ്രതികൾ. 2005 സെപ്റ്റംബർ 27നാണ് മോഷണ കുറ്റം ആരോപിച്ച് ഉദയകുമാറിനെ തിരുവനന്തപുരം ഫോർട്ട് പോലീസ് കസ്റ്റഡിയിൽ എടുത്തത്. ഉരുട്ടൽ അടക്കം ക്രൂരമർദ്ദനങ്ങൾക്ക് വിധേയനായ ഉദയകുമാർ പിന്നീട് ജനറലാശുപത്രിയിൽ മരണമടഞ്ഞു. കേസ് ഇല്ലാതാക്കാൻ പോലീസ് ആദ്യം ശ്രമിച്ചെങ്കിലും ബഹുജന പ്രക്ഷോഭത്തെ തുടര്ന്ന് നടന്ന സിബിഐ അന്വേഷണത്തില് പ്രധാനപ്പെട്ട മൂന്നു പ്രതികളെ അറസ്റ്റ് ചെയ്തു. കൂടാതെ രേഖകള് നശിപ്പിക്കാനും തിരുത്താനും കൂട്ടുനിന്ന ഏഴുപേരെ കൂടി സിബിഐ പ്രതികളാക്കി കുറ്റപത്രം സമർപ്പിച്ചിരുന്നു. കേസുമായി ബന്ധപ്പെട്ട് സുപ്രീംകോടതിയിലും ഹൈക്കോടതിയിലും ഹർജികൾ നൽകിയതാണ് കേസിൽ കാലതാമസം നേരിടാൻ കാരണമായത്. ജൂലൈ ആദ്യവാരമാണ് കേസിലെ വിചാരണ പൂർത്തിയാക്കിയത്. കേസിലെ പ്രധാന…
Read Moreഅമ്മയോടൊപ്പം നടന്നു പോകുകയായിരുന്ന പെണ്കുട്ടിയെ തട്ടിക്കൊണ്ടു പോകാൻ ശ്രമിച്ചയാൾ അറസ്റ്റിൽ; കുട്ടിയെ തട്ടിയെടുത്ത് ഓടി രക്ഷപ്പെടാൻ ശ്രമിക്കുകയായിരുന്നു
തിരുവനന്തപുരം : തന്പാനൂർ ഓവർ ബ്രിഡ്ജ് യൂകോ ബാങ്കിനു സമീപത്തുനിന്ന് എട്ടു വയസുള്ള പെണ്കുട്ടിയെ തട്ടിക്കൊണ്ടു പോകാൻ ശ്രമിച്ച മാറനല്ലൂർ വെളിയംകോട് ഗുരുസ്വാമി സ്മാരകത്തിനു സമീപം കൈനിക്കര കുഴിവിള പുത്തൻ വീട്ടിൽ രാജു (47) വിനെ തന്പാനൂർ പോലീസ് അറസ്റ്റ് ചെയ്തു. അമ്മയും എട്ടുവയസുള്ള മകളും ആയുർവേദ ആശുപത്രിയിൽ പോകുന്നതിനായി ആർഎംഎസ് ഭാഗത്തു ബസിറങ്ങി തന്പാനൂർ ഓവർ ബ്രിഡ്ജിനു സമീപം എത്തിയപ്പോൾ ഇയാൾ കുട്ടിയുടെ കഴുത്തിൽ ചുറ്റിപ്പിടിച്ച് എടുത്തുകൊണ്ട് ഓടാൻ ശ്രമിക്കുക യായിരുന്നു. അമ്മയുടെ ബഹളംകേട്ട് കുട്ടിയുടെ കഴുത്തിൽനിന്നു പിടിവിട്ട് ഓടി രക്ഷപ്പെടുകയായിരുന്ന ഇയാളെ കൃപാ തിയറ്ററിനു സമീപത്തുനിന്നും പോലീസ് പിടികൂടുകയായിരുന്നു.
Read Moreസ്കൂൾ വിദ്യാർഥിനികളെ നിരന്തരമായി ശല്യംചെയ്ത യുവാവ് പിടിയിൽ; സംഘത്തിൽ പ്രധാനി സ്ത്രീയെന്ന് സംശയം
കാട്ടാക്കട : സ്കൂൾ വിദ്യാർഥിനികളെ നിരന്തരമായി പിന്തുടർന്ന് ശല്യംചെയ്യുന്ന സംഘത്തിലെ ഒരാൾ പിടിയിലായ തിനെ തുടർന്ന് പോലീസ് അന്വേഷ ണം ഊർജിതമാക്കി. ഇവരുടെ സംഘത്തിൽ ഒരു സ്ത്രീയാണ് പ്രധാനിയെന്നാണ് സംശയം. സ്കൂൾ വിദ്യാർഥിനികളെ നിരന്തരമായി പിന്തുടർന്ന് ശല്യം ചെയ്യുന്ന സംഘത്തിലെ ആനപ്പാറ കുടപ്പനമൂട് വയലിങ്കൽ അഖിൽ ഭവനിൽ അഖിൽ( 20) നെ പിടികൂടിയപ്പോൾ നടത്തിയ ചോദ്യം ചെയ്യലിലാണ് ഈ വിവരങ്ങൾ പോലീസിന് കിട്ടിയത്. കൈനിറയെ പണവും മൊബൈൽ ഫോണും. പിന്നെ വിദേശത്ത് യാത്രയും. ഇത് പറഞ്ഞാണ് കഴിഞ്ഞ കുറെ നാളായി വിലസിയിരുന്ന സംഘത്തിലെ ഒരാൾ പിടിയിലാകുന്നത്. പിടിയിലായ അഖിൽ ഇടനിലക്കാരൻ എന്നാണ് അറിയുന്നത്. ഇവർക്ക് പിന്നിൽ ഒരു യുവതിയുണ്ട്. അവരാണ് പ്രധാന പ്രതി. വാണിഭ സംഘവുമായി ഇവർക്ക് ബന്ധമുണ്ട്. ഇവരാണ് പ്രേമം നടിച്ച് സ്കൂൾ കൂട്ടികളെ വീഴ്ത്താനുള്ള ശ്രമം നടത്തുന്നത്. 8ലും 9ലും 10 ലും പഠിക്കുന്ന…
Read Moreസ്ഥിരം പരിപാടിയാ സാറേ..! യുവതിയെ ഫോണില് വിളിച്ച് അപമാനിച്ചു; കോടതി ഉത്തരവ് ലംഘിച്ചു ഭാര്യയെ ദേഹോപദ്രവമേല്പ്പിച്ചു; യുവാവ് പിടിയില്
വിഴിഞ്ഞം: യുവതിയെ ഫോണിൽ വിളിച്ച് അപമാനിച്ച കേസിലും കോടതി ഉത്തരവ് ലംഘിച്ചു ഭാര്യയെ ദേഹോപദ്രവമേൽപ്പിച്ച കേസിലും ഒളിവിൽ പോയ ഓട്ടോഡ്രൈവറെ വിഴിഞ്ഞം പോലീസ് അറസ്റ്റു ചെയ്തു. പുളുങ്കുടി താന്നിനിന്ന ചരുവിള പുത്തൻവീട്ടിൽ ജയൻ (45) ആണ് അറസ്റ്റിലായത്. ഇയാൾ സമാനമായ രീതിയിൽ സ്ത്രീകളെ ശല്യം ചെയ്തിരുന്നതായി നാട്ടുകാരിൽനിന്നും അറിയാൻ കഴിഞ്ഞതായും പോലീസ് പറയുന്നു. സംഭവത്തിനുശേഷം ഒളിവിൽ കഴിഞ്ഞിരുന്ന പ്രതിയെക്കുറിച്ചുള്ള രഹസ്യവിവരത്തിന്റെ അടിസ്ഥാനത്തിൽ വിഴിഞ്ഞം എസ്എെ എൻ. ഷിബുവിന്റെ നേതൃത്വത്തിൽ എസ്എെമാരായ ഗോപകുമാർ, ദീപു, സിവിൽ പൊലീസ് ഓഫീസർമാരായ നിജിത്, ജോസ് എന്നിവർ ചേർന്നാണ് അറസ്റ്റുചെയ്തത്. കോടതിയിൽ ഹാജരാക്കിയ പ്രതിയെ റിമാൻഡു ചെയ്തു.
Read More