നെയ്യാറ്റിൻകര: പണമോ പാരിതോഷികമോ ആവശ്യപ്പെടുന്നതും സ്വീകരിക്കുന്നതും കുറ്റകരമാണെന്ന ബോർഡ് സർക്കാർ ഓഫീസുകളിൽ പ്രദർശിപ്പിക്കണമെന്ന ചട്ടം നെയ്യാറ്റിൻകരയിൽ വ്യാപകമായി ലംഘിക്കപ്പെടുന്നു. നെയ്യാറ്റിൻകര മിനി സിവിൽ സ്റ്റേഷനിൽ മുപ്പതോളം സർക്കാർ ഓഫീസുകൾ പ്രവർത്തിക്കുന്നുണ്ട്. ബഹുനില കെട്ടിടത്തിന്റെ രണ്ടാം നിലയിൽ ഒരു ഓഫീസിനു പുറത്ത് ജനാലയോട് ചേർത്ത് കെട്ടിവച്ചിരിക്കുന്ന ബോർഡ് കാണാം. പക്ഷെ, അതിലുള്ളത് വായിക്കണമെങ്കിൽ ഏണി വച്ച് മുകളിൽ കയറണം. പണം അനധികൃതമായി വാങ്ങുന്ന തരത്തിലുള്ള സംഭവങ്ങൾ വിജിലൻസ് ആൻഡ് ആന്റി കറപ്ഷൻ ബ്യൂറോയെ അറിയിക്കണമെന്നാണ് രേഖപ്പെടുത്തിയിരിക്കുന്നത്. ബോർഡിലുള്ളത് പഴയ ഏഴക്ക ടെലിഫോണ് നന്പറും. നെയ്യാറ്റിൻകരയിലെ പല സർക്കാർ ഓഫീസുകളിലും സ്ഥിതി ഇതാണെന്നാണ് ആക്ഷേപം. എന്നാൽ മിനി സിവിൽ സ്റ്റേഷൻ അടക്കം പലയിടത്തും വിവിധ സംഘടനകളുടെയും മറ്റും ചെറുതും വലുതുമായ നിരവധി ഫ്ളക്സ് ബോർഡുകളുടെ നീണ്ട നിര തന്നെയുണ്ട്.
Read MoreCategory: TVM
വീക്ഷണത്തിന് പിന്നാലേ ദേ മുരളീധരനും..! പഞ്ചായത്തിലും കോർപ്പറേഷനിലും പിന്നിൽ പോയപ്പോഴും സ്വന്തം ബൂത്തിൽ താൻ ഒരിക്കലും പിന്നിൽ പോയിട്ടില്ലെന്ന് മുരളീധരൻ
തിരുവനന്തപുരം: ചെങ്ങന്നൂർ ഉപതെരഞ്ഞെടുപ്പിലെ യുഡിഎഫ് തോൽവിയിൽ പ്രതിപക്ഷ നേതാവ് രമേശ് ചെന്നിത്തലയെ പരിഹസിച്ച് കെ. മുരളീധരൻ എംഎൽഎ. പഞ്ചായത്തിലും കോർപ്പറേഷനിലും പിന്നിൽ പോയപ്പോഴും സ്വന്തം ബൂത്തിൽ താൻ ഒരിക്കലും പിന്നിൽ പോയിട്ടില്ലെന്ന് മുരളീധരൻ പറഞ്ഞു. ചെങ്ങന്നൂരിൽ ചെന്നിത്തലയുടെ മണ്ഡലമായിട്ടുപോലും യുഡിഎഫ് വളരെ പിന്നിൽ പോയതിലാണ് പരിഹാസം. കോണ്ഗ്രസിൽ തനിക്ക് യാതോരു പദവിയും വേണ്ട, ഒരു സ്ഥാനത്തേക്കും തന്നെ പരിഗണിക്കരുതെന്നും മുരളീധരൻ കൂട്ടിച്ചേർത്തു. കോണ്ഗ്രസിന്റെ പ്രവർത്തന ശൈലിയിൽ മാറ്റം വരുത്തിയില്ലെങ്കിൽ ഭാവിയിലും ചെങ്ങന്നൂർ ആവർത്തിക്കും. സംസ്ഥാന നേതൃത്വം ഉണർന്ന് പ്രവർത്തിക്കണമെന്നും മുരളീധരൻ പറഞ്ഞു. ശനിയാഴ്ച രാവിലെ മുതിർന്ന കോണ്ഗ്രസ് നേതാവ് എ.കെ. ആന്റണിയെ മുരളീധരൻ സന്ദർശിക്കുകയും ചെയ്തിരുന്നു.
Read Moreപരാജയത്തിന്റെ ഉത്തരവാദിത്വം എല്ലാവർക്കുമുണ്ട്; എന്നാൽ ആരേയും കുറ്റം പറയുന്നില്ല; പരാജയത്തിന്റെ ഉത്തരവാദിത്വം ഏറ്റെടുത്ത് ചെന്നിത്തല
തിരുവനന്തപുരം: ചെങ്ങന്നൂർ ഉപതെരഞ്ഞെടുപ്പിലെ യുഡിഎഫ് പരാജയത്തിന്റെ ഉത്തരവാദിത്വം ഏറ്റെടുക്കുന്നുവെന്ന് പ്രതിപക്ഷ നേതാവ് രമേശ് ചെന്നിത്തല. പരാജയത്തിന്റെ ഉത്തരവാദിത്വം എല്ലാവർക്കുമുണ്ട്. എന്നാൽ പരാജയപ്പെട്ടതിന് ആരേയും കുറ്റം പറയുന്നില്ലെന്നും അദ്ദേഹം പറഞ്ഞു. പരാജയത്തിന്റെ ഉത്തരവാദിത്വം ഒന്നോ രണ്ടോ പേരുടെ തലയിൽ കെട്ടിവയ്ക്കാനാവില്ലെന്നും ചെന്നിത്തല കൂട്ടിച്ചേർത്തു. കെഎസ്യു സ്ഥാപകദിനാഘോഷത്തിൽ പങ്കെടുത്തു സംസാരിക്കവേയാണ് ചെന്നിത്തല പരാജയത്തിന്റെ ഉത്തരവാദിത്വം ഏറ്റെടുത്തത്. അതേസമയം കോൺഗ്രസ് നേതൃത്വത്തിനെതിരെ വിമർശനവുമായി കെഎസ്യു രംഗത്തെത്തി. സംഘടനാതലത്തിൽ അടിമുടി അഴിച്ചുപണി വേണമെന്ന് കെഎസ്യു സംസ്ഥാന പ്രസിഡന്റ് കെ.എം അഭിജിത് ആവശ്യപ്പെട്ടു. ചെങ്ങന്നൂർ തെരഞ്ഞെടുപ്പ് മുന്നറിയിപ്പായി കാണണം. പരാജയത്തിൽനിന്നു നേതാക്കൾ പാഠം ഉൾക്കൊള്ളണമെന്നും അദ്ദേഹം പറഞ്ഞു. നേതൃസ്ഥാനത്തു മാറ്റവേണമെന്നും ഡിസിസിയുടെ ജംബോ കമ്മിറ്റികൾ എല്ലാം അടിയന്തരമായി പിരിച്ചുവിടണമെന്നും അഭിജിത് ആവശ്യപ്പെട്ടു.
Read Moreപഠിക്കാൻ താൽപര്യമുണ്ട് പക്ഷേ എവിടെ പോയി പോയി പഠിക്കും; അഗസ്ത്യ വനത്തിലെ ആദിവാസി കുട്ടികൾക്ക് പഠിക്കാൻ സ്കൂളില്ല; വനവിഭവങ്ങൾ ശേഖരിക്കാൻ കുട്ടികൾ കാട്ടിലേക്ക്
കാട്ടാക്കട: മന്ത്രി ഒന്നു ശ്രദ്ധിക്കുമോ ഇവിടെ സ്കൂളുമില്ല, പഠനവുമില്ല. ആദിവാസി കുട്ടികൾക്ക് പഠിക്കണമെങ്കിൽ കാടിറങ്ങണം. അതിനാൽ തന്നെ ഇക്കുറിയും കുട്ടികൾ അമ്പും വില്ലുമായി വനവിഭവങ്ങൾ ശേഖരിക്കാൻ പോകും. അഗസ്ത്യ വനത്തിലെ ആദിവാസി കുട്ടികളാണ് പഠിക്കാൻ കഴിയാതെ ഒറ്റപ്പെട്ടപോകുന്നത്. പഠിക്കാൻ താൽപര്യമുണ്ട്.പക്ഷേ എവിടെ പോയി പോയി പഠിക്കും. ഉണ്ടായിരുന്ന വിദ്യാലയം അടച്ചുപൂട്ടി. അതിനാൽ തങ്ങളുടെ കൂടെ ഉൾകാട്ടിൽ വരട്ടെ , വനവിഭവങ്ങൾ ശേഖരിക്കട്ടെ. ഇതാണ് അഗസ്ത്യവനത്തിലെ കുട്ടികളുടെ നില. പഠിക്കാൻ സ്കൂളുമില്ല, പാഠപുസ്തകങ്ങളുമില്ല. വനത്തിൽ ആദിവാസികുട്ടികൾക്ക് വിദ്യാഭ്യാസം നൽകാൻ സ്ഥാപിച്ച ഏകാധ്യാപക വിദ്യാലയങ്ങളാണ് ഇവരുടെ സ്കൂൾ. ഇപ്പോൾ ആദിവാസി കുട്ടികൾക്ക് പഠനത്തിനായി പ്രവർത്തിച്ചു വന്നിരുന്ന ഏകാധ്യാപക വിദ്യാലയങ്ങൾ ഇല്ലാതായി. കുറ്റിച്ചൽ പഞ്ചായത്തിലെ 27 ആദിവാസി ഊരുകൾക്കായി ഉണ്ടായിരുന്ന ആറ് സ്കൂളുകളിൽ ഒരെണ്ണം മാത്രം പ്രവർത്തിക്കുന്നു. പൊടിയത്ത് അഞ്ച് മുതൽ 16 വരെ പ്രായമുള്ള കുട്ടികളാണ് ഏകാധ്യാപക സ്കൂളുകളിൽ പഠിച്ചിരുന്നത്.…
Read Moreസിപിഐ ആലോചിച്ച് എടുത്ത തീരുമാനം; മാണിയെ വേണ്ടെന്ന നിലപാടിൽ മാറ്റമില്ലെന്ന് ആവർത്തിച്ച് കാനം
തിരുവനന്തപുരം: കെ.എം. മാണിയുടെ എൽഡിഎഫ് പ്രവേശനകാര്യത്തിൽ സിപിഐ നിലപാടിൽ മാറ്റമില്ലെന്ന് ആവർത്തിച്ച് പാർട്ടി സംസ്ഥാന സെക്രട്ടറി കാനം രാജേന്ദ്രൻ. ഇത് സിപിഐ ആലോചിച്ച് എടുത്ത തീരുമാനമാണെന്നും ഇതിൽനിന്നു എങ്ങനെ മാറുമെന്നും അദ്ദേഹം ചോദിച്ചു. മാണിയുടെ വോട്ട് വേണ്ടെന്ന സിപിഐ നിലപാട് ശരിവയ്ക്കുന്നതാണ് ചെങ്ങന്നൂർ ഉപതെരഞ്ഞെടുപ്പ് ഫലം. രണ്ട് വർഷം പൂർത്തിയാക്കിയ സർക്കാരിനു ലഭിച്ച അംഗീകാരമാണ് സജി ചെറിയാന്റെ വിജയമെന്നും കാനം കൂട്ടിച്ചേർത്തു.
Read Moreഡ്യൂട്ടി ഫ്രീ ഷോപ്പ് വഴി മദ്യം മറിച്ചു വിറ്റു: പ്ലസ് മാക്സ് സിഇഒ അറസ്റ്റിൽ; തട്ടിയെടുത്തത് ആറ് കോടിയോളം രൂപ
തിരുവനന്തപുരം: ഡ്യൂട്ടി ഫ്രീ ഷോപ്പ് വഴി മദ്യം മറിച്ചു വിറ്റ സംഭവത്തിൽ മലേഷ്യൻ കന്പനിയായ പ്ലസ് മാക്സ് സിഇഒ ആർ സുന്ദരവാസൻ അറസ്റ്റിൽ. ആറ് കോടിരൂപയുടെ തട്ടിപ്പ് നടത്തിയെന്ന് കണ്ടെത്തിയതിനെ തുടർന്ന് ഡിആർഐ വിഭാഗമാണ് ഇയാളെ അറസ്റ്റ് ചെയ്തത്. യാത്രക്കാരുടെ പാസ്പോർട്ട് കോപ്പി ഉപയോഗിച്ചാണ് സുന്ദരവാസൻ തട്ടിപ്പ് നടത്തിയത്.
Read Moreവീക്ഷണം പറയുന്നു നേതാക്കൾക്ക് ഗ്രൂപ്പ് താത്പര്യം മാത്രം; ചെങ്ങന്നൂരിലെ തോൽവിക്കുള്ള കാരണം തുറന്നടിച്ച് കോൺഗ്രസ് മുഖ പത്രം
തിരുവനന്തപുരം: ചെങ്ങന്നൂർ തോൽവിയിൽ ഞെട്ടിത്തരിച്ചു നിൽക്കുന്ന കോൺഗ്രസിനെതിരെ രൂക്ഷ വിമർശനവുമായി പാർട്ടി മുഖപത്രം “വീക്ഷണം’. ചെങ്ങന്നൂരിലെ അവസരം പാർട്ടി കളഞ്ഞു കുളിച്ചെന്നാണ് പ്രധാന വിമർശനം. കോൺഗ്രസ് പാർട്ടിയും അതിന്റെ ബൂത്ത്, മണ്ഡലം കമ്മിറ്റികളും ഇപ്പോൾ ജഡാവസ്ഥയിലാണുള്ളതെന്നും പാർട്ടിയിലെ നേതാക്കൾക്ക് ഗ്രൂപ്പ് താത്പര്യം മാത്രമാണ് മുന്നിലെന്നും “വീക്ഷണം’ തുറന്നടിച്ചു. പാർട്ടി പുനഃസംഘടന രാമേശ്വരത്തെ ക്ഷൗരം പോലെ ആയെന്നു പരിഹസിക്കുന്ന മുഖപ്രസംഗം പാർട്ടിയുടെ കീഴ്ഘടകങ്ങൾ പുനഃസംഘടിപ്പിക്കാൻ ഒരു നേതാക്കൾക്കും താത്പര്യമില്ലെന്നും ചൂണ്ടിക്കാട്ടി. കോൺഗ്രസിന്റെ നേതൃത്വം ഇനിയെങ്കിലും വിപ്ലവവീര്യമുള്ള യുവതലമുറയ്ക്ക് കൈമാറണമെന്നു പറയുന്ന “വീക്ഷണം’ പാർട്ടിക്കും മുന്നണിക്കും കായചികിത്സ വേണമെന്നും പരിഹസിച്ചു. അണ്ടനും അടകോടനുംവരെ പാർട്ടിയിൽ നേതാക്കളാകുന്നുവെന്നും മുഖപ്രസംഗം നേതാക്കളുടെ പെട്ടി ചുമക്കുന്നവരെ വളർത്തുന്ന രീതി ഒഴിവാക്കണമെന്നും ചൂണ്ടിക്കാട്ടിയാണ് മുഖപ്രസംഗം അവസാനിക്കുന്നത്.
Read Moreനിപ്പാ വൈറസ്: പിഎസ്സി 16 വരെയുള്ള പരീക്ഷകൾ മാറ്റി; ഓണ്ലൈൻ പരീക്ഷകൾക്ക് മാറ്റമില്ല
തിരുവനന്തപുരം: നിപ്പാ വൈറസ് ബാധയുടെ പശ്ചാത്തലത്തിൽ സംസ്ഥാനത്തെ പിഎസ്സി പരീക്ഷകൾ മാറ്റി. ഈ മാസം 16 വരെയുള്ള പരീക്ഷകളാണ് മുൻകരുതലെന്ന നിലയിൽ മാറ്റിവച്ചത്. അതേസമയം, ഓണ്ലൈൻ പരീക്ഷകൾക്ക് മാറ്റമില്ല. അഭിമുഖങ്ങളും സൂക്ഷമ പരിശോധനയും മാറ്റിവയ്ക്കുന്ന കാര്യവും പിഎസ്സി ആലോചിക്കുകയാണ്.
Read Moreസ്കൂൾ പ്രവേശനോത്സവം ; സംസ്ഥാനതല ഉദ്ഘാടനം നെടുമങ്ങാട്ട് മുഖ്യമന്ത്രി നിർവഹിച്ചു
നെടുമങ്ങാട്: മതനിരപേക്ഷത സംരക്ഷിക്കുന്നതിൽ പൊതു വിദ്യാലങ്ങൾ മുഖ്യ പങ്ക് വഹിക്കുന്നുണ്ടെന്നു മുഖ്യ മന്ത്രി പിണറായി വിജയൻ പറഞ്ഞു. സ്കൂൾ പ്രവേശനോത്സവത്തിന്റെ സംസ്ഥാനതല ഉദ്ഘാടനം ഇന്ന് രാവിലെ നെടുമങ്ങാട് ഗവ. ഗേൾസ് ഹയർസെക്കൻഡറി സ്കൂളിൽ നിർവഹിച്ചു പ്രസംഗിക്കുകയായിരുന്നു അദ്ദേഹം . രാവിലെ 9നു നെടുമങ്ങാട് ഗവ.ടൗൺ എൽ.പി.എസിൽവിദ്യാഭ്യാസ മന്ത്രി പ്രൊഫ.സി.രവീന്ദ്രനാഥ് ഗവ. എൽ.പി.എസ് ഒന്നാം ക്ലാസ്സിൽ പ്രവേശിച്ച കുട്ടികളെ വരവേറ്റു . മന്ത്രിയോടൊപ്പം കുട്ടികൾ പുതിയ ക്ലാസ് റൂമിലേക്ക് പ്രവേശിച്ചു.തുടർന്ന് മന്ത്രി കുട്ടികൾക്കായി ക്ലാസെടുത്തു 9.30 ന് മുഖ്യമന്ത്രി പിണറായി വിജയൻ പ്രവേശനോത്സവ പരിപാടികൾ ഗവ. ഗേൾസ് ഹയർസെക്കൻഡറി സ്കൂളിൽഉദ്ഘാടനം ചെയ്തു . വിദ്യാഭ്യാസ മന്ത്രി പ്രൊഫ.സി.രവീന്ദ്രനാഥിന്റെ അദ്ധ്യക്ഷതയിൽരക്ഷിതാക്കൾക്കുള്ള ബോധവത്ക്കരണ കൈപുസ്തകം “നന്മ പൂക്കുന്ന നാളേയ്ക്ക്’ ഡോ.എ.സമ്പത്ത് എം.പി പ്രകാശനം ചെയ്തു. പഠനോപകരണ വിതരണംസി.ദിവാകരൻ.എം.എൽ.എയും അക്കാദമിക് കലണ്ടർ പ്രകാശനം ജില്ലാപഞ്ചായത്ത് പ്രസിഡന്റ് വി.കെ.മധുവും ഫർണിച്ചർ വിതരണത്തിന്റെ ഉദ്ഘാടനം നഗരസഭാ…
Read Moreവീട്ടിലെ വാടകക്കാരിയെ തോക്ക് ചൂണ്ടി പീഡിപ്പിച്ച പോത്ത് ഷാജി പിടിയിൽ; ബന്ധുവീട്ടിൽ ഒളിച്ചു താമസിക്കുകയായിരുന്നു ഷാജി
തിരുവനന്തപുരം: വിതുരയിൽ തോക്ക് ചൂണ്ടി വീട്ടമ്മയെ പീഡിപ്പിച്ച കേസിലെ പ്രതി പോത്ത് ഷാജി പിടിയിൽ. ബന്ധുവീട്ടിൽ ഒളിച്ചു താമസിക്കുകയായിരുന്ന ഇയാളെ വെള്ളിയാഴ്ച രാവിലെയാണ് പോലീസ് പിടികൂടിയത്. കഴിഞ്ഞ ദിവസം പനവൂർ കോളനി നിവാസിയായ വീട്ടമ്മയാണ് പീഡനത്തിന് ഇരയായത്. നിരവധി ക്രിമിനൽ കേസുകളിൽ പ്രതിയായ ഷാജിക്കെതിരേ നേരത്തെ കാപ്പ ചുമത്തിയിട്ടുണ്ട്. പ്രതിയുടെ വീട്ടിൽ നിന്നു നാടൻ തോക്ക് കണ്ടെടുക്കുകയും ചെയ്തിരുന്നു.
Read More