വിഴിഞ്ഞം: കോവളം ബീച്ച് കാണാനെത്തിയ യുവതി കടലിൽ ചാടി ആത്മഹത്യാശ്രമം നടത്തി. വെള്ളം കുടിച്ച് അവശയായ യുവതിയെ ലൈഫ് ഗാർഡുമാർ സാഹസപ്പെട്ട് രക്ഷപ്പെടുത്തി. ഇന്നലെ വൈകുന്നേരം മൂന്നോടെ കോവളം ഹൗവ്വ ബീച്ചിലാണ് സംഭവം. നരുവാമൂട് സ്വദേശിനിയാണ് കടലിൽ ചാടി ജീവനൊടുക്കാൻ ശ്രമം നടത്തിയത്. ബീച്ചിൽ ഉച്ചയോടെ ഒറ്റയ്ക്ക് എത്തിയ യുവതി കടൽക്കരയിൽ ഏറെ നേരം വിഷാദമായി നിൽക്കുന്നത് സമീപത്തെ കച്ചവടക്കാർ ശ്രദ്ധിച്ചിരുന്നു. അധികം താമസിയാതെ യുവതി കടലിനുള്ളിലേയ്ക്ക് നടന്നു നീങ്ങുകയും തിരയിൽ മുങ്ങിത്താഴുകയും ചെയ്തു. ഉടൻ തന്നെ കച്ചവടക്കാരും ടൂറിസം പോലീസും ലൈഫ് ഗാർഡുകളും ഓടിയെത്തി യുവതിയെ രക്ഷപ്പെടുത്തി. കടൽവെള്ളം കുടിച്ച് ബോധരഹിതയായ യുവതിയെ ഉടൻ വിഴിഞ്ഞം സിഎച്ച്സിയിലും തുടർന്ന് തിരുവനന്തപുരം മെഡിക്കൽ കോളജ് ആശുപത്രിയിലും എത്തിക്കുകയും ചെയ്തു. തുടർന്ന് ബന്ധുക്കളെ വിളിച്ചു വരുത്തി. യുവതി അപകടനില തരണം ചെയ്തതായി കോവളം പോലീസ് പറഞ്ഞു.
Read MoreCategory: TVM
കുളന്പു രോഗം ! തിരുവനന്തപുരം മൃഗശാലയിലെ അന്തേവാസികൾക്ക് ഇനി ബീഫ് ഇല്ല; പകരം ചിക്കനും മട്ടനും
തിരുവനന്തപുരം: മൃഗശാലയിലെ അന്തേവാസികൾക്ക് ഇനി ബീഫ് കൊടുക്കില്ല. പകരം കോഴിയിറച്ചിയും ആട്ടിറച്ചിയും നൽകും. ജില്ലയിലെ വിവിധ സ്ഥലങ്ങളിൽ കുളന്പു രോഗം പടർന്നു പിടിക്കുന്നുവെന്ന മൃഗസംരക്ഷണ വകുപ്പിന്റെ മുന്നറിയിപ്പിനെ തുടർന്നാണ് തീരുമാനമെന്ന് മൃഗശാല സൂപ്രണ്ട് ടി.വി. അനിൽകുമാർ പറഞ്ഞു. നിലവിൽ മൃഗശാലയിലെ മൃഗങ്ങളുടെ ആരോഗ്യനില തൃപ്തികരമാണെങ്കിലും പുറത്തു നിന്നു കൊണ്ടുവരുന്ന മാംസത്തിൽ നിന്ന് മറ്റു മൃഗങ്ങളിലേക്കു വൈറസ് പടരാൻ സാധ്യതയുണ്ട്. ഈ സാഹചര്യം മുന്നിൽ കണ്ടാണ് ബീഫിനു നിയന്ത്രണം ഏർപ്പെടുത്തുന്നതെന്നും അദ്ദേഹം പറഞ്ഞു. കെപ്കോയിൽ നിന്നു ദിവസേന 80 കിലോ കോഴിയിറച്ചിയാണ് വാങ്ങുക. ഇപ്പോൾ എല്ലാ മൃഗങ്ങൾക്കുമായി 150 കിലോ ബീഫാണ് ദിവസേന മൃഗശാലയിൽ വാങ്ങിയിരുന്നത്. മിക്ക മൃഗങ്ങൾക്കു പുതിയ മെനു ഇഷ്ടമായെങ്കിലും കഴുകന്മാർക്ക്, പ്രത്യേകിച്ച് കരിങ്കഴുകനു പുതിയ പരിഷ്കാരം അത്രയ്ക്കങ്ങ് ഇഷ്ടമായിട്ടില്ല. മൃഗശാലയിലെ നാലു കഴുകന്മാരിൽ മൂന്നു പേരും കോഴിയിറച്ചി കഴിക്കുന്പോൾ കരിങ്കഴുകന് ആട്ടിറച്ചി തന്നെ വേണം…
Read Moreഇപ്പോള് പോകേണ്ട! വിവാഹ വാഗ്ദാനം നല്കി പീഡനം; വിദേശത്തേക്ക് മുങ്ങിയ പ്രതി നാലുവര്ഷത്തിനുശേഷം പിടിയില്
കഴക്കൂട്ടം : വിവാഹ വാഗ്ദാനം നല്കി യുവതിയെ പീഡിപ്പിച്ച കേസിൽ ഒളിവിലായിരുന്ന പ്രതി നാല് വര്ഷങ്ങള്ക്ക് ശേഷം പോലീസ് പിടിയില്. തുമ്പ ദേശത്ത് കിന്ഫ്ര അപ്പാരല് പാര്ക്കിന് സമീപം കരോളിന് വീട്ടിൽ കിരണ് ഫ്രാങ്ക്ലിന് (26)ആണ് പോലീസ് പിടിയിലായത്. പെൺകുട്ടിയെ പീഡിപ്പിച്ച ശേഷം ഒളിവില് കഴിഞ്ഞിരുന്ന പ്രതി പിന്നീട് വിദേശത്തേക്ക് കടന്നു. ജില്ലാ പോലീസ് മേധാവി പുറപ്പെടുവിച്ച റെഡ് കോര്ണര് നോട്ടീസിന്റെ അടിസ്ഥാനത്തില് വിദേശത്ത് നിന്നും തിരികെ തിരുവനന്തപുരം എയര്പോര്ട്ടില് ഇറങ്ങിയ പ്രതിയെ വിമാനത്താവള അധികൃതര് തടഞ്ഞുവച്ച് കഴക്കൂട്ടം പോലീസിനെ വിവരം അറിയിക്കുകയായിരുന്നു. കഴക്കൂട്ടം പോലീസ് സ്റ്റേഷന് പോലീസ് അസിസ്റ്റന്റ് കമ്മീഷണര് എ.അനില്കുമാറിന്റെ നിര്ദേശാനുസരണം കഴകൂട്ടം എസ്എച്ച്ഒ എസ്.അജയ് കുമാറിന്റെ നേതൃത്വത്തിലുള്ള അന്വേഷണ സംഘമാണ് പ്രതിയെ അറസ്റ്റ് ചെയ്തത്.
Read Moreആർഎസ്എസ് ശിബിരങ്ങളിൽ നടക്കുന്നത് കൊലപാതക പരിശീലനം; കൊലക്കത്തി താഴെ വയ്ക്കാന് നരേന്ദ്രമോദി കേരളത്തിലെ ആര്എസ്എസുകാരെ ഉപദേശിക്കണമെന്ന്സിപിഎം
തിരുവനന്തപുരം: സംസ്ഥാനത്തെ ആർഎസ്എസ് ശിബിരങ്ങളിൽ കൊലപാതക പരിശീലനമാണ് നടക്കുന്നതെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. കേരളത്തിലെ ക്രമസമാധാനം തകർക്കാനാണ് ആർഎസ്എസ് ശ്രമിക്കുന്നതെന്നും ഈ ലക്ഷ്യം മുൻനിർത്തിയാണ് തിങ്കളാഴ്ച കണ്ണൂരിൽ സിപിഎം പ്രവർത്തകനെ കൊലപ്പെടുത്തിയതെന്നും കോടിയേരി കുറ്റപ്പെടുത്തി. കൂത്തുപറമ്പിലെ തൊക്കിലങ്ങാടിയിലെ ശിബിരത്തില് വെച്ച് ആസൂത്രണം ചെയ്ത കാര്യമാണ് ആർഎസ്എസ് ഇപ്പോള് നടപ്പിലാക്കിയിരിക്കുന്നതെന്നും പുതിയ രീതിയിലുള്ള പരിശീലനങ്ങളാണ് മനുഷ്യനെ കൊല്ലാന് ആർഎസ്എസ് നല്കുന്നതെന്നും കോടിയേരി ആരോപിച്ചു. എല്ഡിഎഫ് സര്ക്കാര് അധികാരത്തില് വന്നതിനു ശേഷം ആര്എസ്എസുകാര് 15 സിപിഎം പ്രവര്ത്തകരെയാണ് കൊലപ്പെടുത്തിയതെന്നും അദ്ദേഹം ചൂണ്ടിക്കാട്ടി. കേന്ദ്ര ഭരണത്തിന്റെ തണലിലാണ് ആര്എസ്എസുകാര് അക്രമ പരമ്പരകള് നടത്തുന്നത്. കൊലക്കത്തി താഴെ വയ്ക്കാന് നരേന്ദ്രമോദി കേരളത്തിലെ ആര്എസ്എസുകാരെ ഉപദേശിക്കണമെന്നും സിപിഎം സംസ്ഥാന സെക്രട്ടറി ആവശ്യപ്പെട്ടു. ആര്എസ്എസ് ആക്രമണത്തിനെതിരെ സംസ്ഥാന വ്യാപകമായി സമാധാനപരമായ പ്രതിഷേധ പരിപാടികള് ഉയര്ത്തിക്കൊണ്ടുവരണമെന്നും, പ്രകോപനത്തില് കുടുങ്ങാതിരിക്കാന് പ്രത്യേകം ശ്രദ്ധിക്കണമെന്നും കോടിയേരി ബാലകൃഷ്ണന്…
Read Moreവിദ്യാർഥിനി കെട്ടിടത്തിന് മുകളിൽ നിന്ന് വീണ് മരിച്ച സംഭവം; മരണത്തിൽ ദൂരൂഹതയുണ്ടെന്ന് ബന്ധുക്കൾ
തിരുവനന്തപുരം: ഹോസ്റ്റൽ കെട്ടിടത്തിന് മുകളിൽ നിന്നും വീണ് മരിച്ച നിലയിൽ കണ്ടെത്തിയ വിദ്യാർഥിനിയുടെ മൃതദേഹം ഇന്ന് ബന്ധുക്കൾക്ക് വിട്ടു നൽകും. വിദേശത്ത് നിന്നും മാതാപിതാക്കളും സഹോദരനും ഇന്ന് നാട്ടിലെത്തും. നേമം അന്പലത്ത് വിള വീട്ടിൽ അബ്ദുൾ റഹിം- റഫീക്ക ദന്പതികളുടെ മകൾ ഫാത്തിമ രഹ്ന (22) ആണ് ഇന്നലെ രാവിലെ പത്തരയോടെ പനവിളയിൽ ഹോസ്റ്റൽ കെട്ടിടത്തിന് മുകളിൽ നിന്നും വീണ നിലയിൽ കണ്ടെത്തിയത്. വഴിയാത്രക്കാരാണ് പെണ്കുട്ടിയെ കെട്ടിടത്തിന് മുകളിൽ നിന്നും നിലത്ത് വീണ് കിടക്കുന്ന നിലയിൽ കണ്ടെത്തിയത്. നാട്ടുകാരും ഹോസ്റ്റലിലെ മറ്റ് കുട്ടികളും ചേർന്ന് ആശുപത്രിയിലെത്തിച്ചെങ്കിലും നേരത്തെ മരണം സംഭവിച്ചിരുന്നുവെന്ന് ഡോക്ടർമാരുടെ പരിശോധനയിൽ വ്യക്തമായി. ഫാത്തിമ രഹ്നയുടെ മൃതദേഹം മെഡിക്കൽ കോളജാശുപത്രി മോർച്ചറിയിൽ പോസ്റ്റ്മോർട്ടം നടത്തി. മൃതദേഹം ഇന്ന് ബന്ധുക്കൾ ഏറ്റുവാങ്ങും. ഫാത്തിമ രഹ്നയുടെ മരണത്തിൽ ദൂരൂഹതയുണ്ടെന്ന് ബന്ധുക്കൾ ആരോപിച്ചു. മാതാപിതാക്കൾ വിദേശത്തായതിനാൽ ബന്ധു വീട്ടിലായിരുന്നു ഫാത്തിമ താമസിച്ചിരുന്നത്.…
Read Moreമുഖ്യമന്ത്രി രാജിവയ്ക്കണം; കേരളത്തിലെ രാഷ്ട്രീയ കൊലപാതകങ്ങളുടെ എല്ലാം പിന്നിൽ സിപിഎമ്മും ബിജെപിയുമെന്ന് ഹസൻ
തിരുവനന്തപുരം: കണ്ണൂരിലെ രാഷ്ട്രീയ കൊലപാതകങ്ങൾ അവസാനിക്കാത്ത പശ്ചാത്തലത്തിൽ മുഖ്യമന്ത്രി രാജിവയ്ക്കണമെന്ന് കോണ്ഗ്രസ് ആവശ്യപ്പെട്ടു. കെപിസിസി അധ്യക്ഷൻ എം.എം.ഹസനാണ് ഇക്കാര്യം ആവശ്യപ്പെട്ടത്. നേരത്തെ പ്രതിപക്ഷ നേതാവ് രമേശ് ചെന്നിത്തലയും മുഖ്യമന്ത്രിക്കെതിരേ രംഗത്തു വന്നിരുന്നു. കേരളത്തിലെ രാഷ്ട്രീയ കൊലപാതകങ്ങളുടെ എല്ലാം പിന്നിൽ സിപിഎമ്മും ബിജെപിയുമാണ്. മുഖ്യമന്ത്രിക്ക് ഇനി സ്ഥാനത്ത് തുടരാൻ അർഹതയില്ല. അദ്ദേഹം രാജിവയ്ക്കാൻ തയാറാകുന്നില്ലെങ്കിൽ ജനകീയ പ്രക്ഷോഭം തുടങ്ങുമെന്നും സംസ്ഥാനത്തെ ക്രമസമാധാന നില പൂർണമായും തകർന്നിരിക്കുകയാണെന്നും എം.എം.ഹസൻ കുറ്റപ്പെടുത്തി.
Read Moreജില്ല വിട്ടുപോകാൻ പാടില്ല! കള്ളക്കടത്തുകാരൻ ബിഷു ഷെയ്ക്കിന് ജാമ്യം; തിരുവനന്തപുരം വിടരുതെന്ന് ഉത്തരവ്
തിരുവനന്തപുരം: അന്താരാഷ്ട്ര കള്ളക്കടത്തുകാരനും കേന്ദ്ര സുരക്ഷാ ഏജൻസികൾ അടക്കം അന്വേഷണം നടത്തുന്ന കേസുകളിലെ പ്രതിയുമായ മുഹമ്മദ് ഇമാമുൽ ഹഖ് എന്ന ബിഷു ഷെയ്ക്കിന് ഉപാധികളോടെ ജാമ്യം അനുവദിച്ചു. തിരുവനന്തപുരം പ്രത്യേക സിബിഐ കോടതിയുടേതാണ് ഉത്തരവ്. തിരുവനന്തപുരം ജില്ല വിട്ടുപോകാൻ പാടില്ല, പാസ്പോർട്ട് കോടതിയിൽ രണ്ടു ദിവസത്തിനകം സറണ്ടർ ചെയ്യണം, അതിർത്തി സുരക്ഷാ ജീവനക്കാരുമായി ബന്ധപ്പെടാൻ ശ്രമിക്കരുത്, അന്വേഷണ ഉദ്യോഗസ്ഥൻ ആവശ്യപ്പെടുന്പോൾ കൊച്ചിയിലെ സിബിഐ ഓഫീസിൽ ഹാജരാകണം, ജാമ്യം നിൽക്കുന്നവർ കേരളത്തിൽനിന്നുതന്നെ ആകണം എന്നീവ്യവസ്ഥകളോടയാണ് ജാമ്യം അനുവദിച്ചത്. നിയമപരമായി പ്രതികൾക്ക് ജാമ്യം അനുവദിക്കാനുള്ള സമയമായതു കൊണ്ടാണ് ജാമ്യം അനുവദിക്കുന്നതെന്ന് ഉത്തരവിൽ വ്യക്തമാക്കി.കഴിഞ്ഞ രണ്ടു മാസമായി ബിഷു ഷെയ്ക്ക് ജുഡീഷൽ കസ്റ്റഡിയിലാണ്. മുൻ സോളിസിസ്റ്റർ ജനറൽ ഓഫ് ഇന്ത്യ ഫാറൂഖ്.എം.റസാക്കാണ് ബിഷു ഷെയ്ക്കിനുവേണ്ടി ഹാജരായത്. കഴിഞ്ഞ മാർച്ച് മാസം നാലിനാണ് ബിഎസ്എഫ് കമൻഡാന്റ് ജിബു.ഡി.മാത്യവിന് കൈക്കൂലി നൽകിയിരുന്ന അന്താരാഷ്ട്ര കള്ളക്കടത്തുകാരനും…
Read Moreതിരുവനന്തപുരത്ത് ഹോസ്റ്റൽ കെട്ടിടത്തിൽനിന്നു വീണ് പെണ്കുട്ടി മരിച്ചു; നേമം സ്വദേശിനി രഹ്നയാണ് മരിച്ചത്
തിരുവനന്തപുരം: പനവിളയിലെ അൽ സബർ ഓർഫനേജ് ഹോസ്റ്റൽ കെട്ടിടത്തിൽനിന്നു വീണ് പെണ്കുട്ടി മരിച്ചു. നേമം സ്വദേശിനി രഹ്നയാണ് മരിച്ചത്. കെട്ടിടത്തിന്റെ മൂന്നാം നിലയിൽനിന്നും വീണ കുട്ടിയെ ഗുരുതര പരിക്കുകളോടെ ആശുപത്രിയിൽ പ്രവേശിപ്പിച്ചുവെങ്കിലും രക്ഷിക്കാനായില്ല. കുട്ടിയുടെ മാതാപിതാകളും സഹോദരനും വിദേശത്താണ്. കഴിഞ്ഞ ഒൻപത് മാസമായി കുട്ടി ഈ ഹോസ്റ്റലിൽ താമസിച്ചു വരികയായിരുന്നു. സംഭവത്തെ തുടർന്നു പോലീസ് സ്ഥലത്തെത്തി അന്വേഷണം ആരംഭിച്ചു.
Read Moreചെങ്ങന്നൂരിൽ ആരാണ് മുന്നിലെന്ന് ഇപ്പോൾ പറയാനാകില്ല; വെള്ളാപ്പള്ളി കേരളത്തിലെ മുതിർന്ന നേതാവാണെന്ന് വി. മുരളീധരൻ
തിരുവനന്തപുരം: ചെങ്ങന്നൂർ ഉപതെരഞ്ഞെടുപ്പിൽ ആരാണ് ഇപ്പോൾ മുന്നിലെന്ന് പറയാനാകില്ലെന്ന് ബിജെപി എംപി വി. മുരളീധരൻ. ബിഡിജെഎസുമായുള്ള ബന്ധം തകരാതെ മുന്നോട്ടുപോകാനുള്ള ശ്രമം തുടരുമെന്നും അദ്ദേഹം പറഞ്ഞു. ചെങ്ങന്നൂർ ഉപതെരഞ്ഞെടുപ്പിൽ ബിജെപി സ്ഥാനാർഥി പി.എസ്. ശ്രീധരൻപിള്ള മൂന്നാം സ്ഥാനത്താണെന്ന വെള്ളാപ്പള്ളി നടേശന്റെ പ്രസ്താവനയോട് പ്രതികരിക്കവെയാണ് അദ്ദേഹം ഇക്കാര്യം പറഞ്ഞത്. വെള്ളാപ്പള്ളി കേരളത്തിലെ മുതിർന്ന നേതാവാണെന്നും മുരളീധരൻ പറഞ്ഞു.
Read Moreസുധീരനെതിരെ ‘കൂടോത്രം; ഇത്തരം പാഴ്വേല ചെയ്യുന്നവരോട് സഹതാപം മാത്രം; പരാതിയില്ലെന്ന് സുധീരൻ
തിരുവനന്തപുരം: കെപിസിസി മുൻ അധ്യക്ഷൻ വി.എം സുധീരന്റെ വീട്ടുവളപ്പിലെ വാഴച്ചുവട്ടിൽ നിന്നും കുപ്പിയിൽ അടക്കം ചെയ്ത നിലയിൽ ശൂലം , ആൾരൂപങ്ങൾ, തകിടുകൾ എന്നിവ കണ്ടെത്തി. “കൂടോത്ര തകിടുകൾ’ കണ്ടെത്തിയ വിവരം വി.എം സുധീരൻ തന്നെയാണ് തന്റെ ഫേസ്ബുക്ക് പേജിലൂടെ അറിയിച്ചത്. നിരന്തരമായി തനിക്ക് ഇത്തരം സാധനങ്ങൾ ലഭിക്കുന്നുണ്ടെന്നും ഇത്തരം പാഴ്വേല ചെയ്യുന്നവരോട് സഹതാപമേയുള്ളുവെന്നും സുധീരൻ പറയുന്നു. സംഭവമറിഞ്ഞ് പോലീസ് എത്തിയെങ്കിലും പരാതിയില്ലെന്ന് സുധീരൻ പറഞ്ഞതിനാൽ കേസെടുത്തില്ല. സുധീരന്റെ ഫേസ്ബുക്ക് പോസ്റ്റിന്റെ പൂർണരൂപം- “”ഇന്നു രാവിലെ വീടിനോട് ചേർന്നുള്ള ഗാർഡനിലെ ഒരു വാഴച്ചുവട്ടിൽ നിന്നും ലഭിച്ച കുപ്പിയിൽ അടക്കംചെയ്ത വസ്തുക്കളാണ് ഇതെല്ലാം.കണ്ണ്, കൈകൾ, കാലുകൾ, ആൾരൂപം, ശൂലങ്ങൾ, ഏതോ ലിഖിതമുള്ള ചെമ്പ് തകിടുകൾ, വെള്ളക്കല്ലുകൾ. ഒമ്പതാം തവണയാണ് ഇതുപോലെയുള്ളത് കണ്ടെത്തുന്നത്. മുമ്പൊക്കെ മറ്റ് പല രൂപങ്ങളിലായിരുന്നു. നേരത്തെയുള്ളതുപോലെതന്നെ ഇതെല്ലാം ഒരു പാഴ്വേലയായിട്ടാണ് ഇപ്പോഴും കാണുന്നത്. തുടർച്ചയായി വന്നതുകൊണ്ടാണ്…
Read More