തിരുവനന്തപുരം: 13 സംസ്ഥാനങ്ങളിൽ നാളെയും മറ്റന്നാളും ശക്തമായ കാറ്റിനും മഴയ്ക്കും സാധ്യതയുണ്ടെന്ന മുന്നറിയിപ്പുമായി കേന്ദ്ര കാലാവസ്ഥാ നിരീക്ഷണ കേന്ദ്രം. ദില്ലി ,പഞ്ചാബ്, ഹരിയാന, ഉത്തർപ്രദേശ് എന്നിവിടങ്ങളിൽ കനത്ത മഴയും കാറ്റുമുണ്ടാകും. കേരളം, കർണാടക എന്നിവിടങ്ങളിൽ കനത്ത മഴയും രാജസ്ഥാൻ, ഉത്തർപ്രദേശ് സംസ്ഥാനങ്ങളിൽ വീണ്ടും ശക്തമായ പൊടിക്കാറ്റിനും സാധ്യതയുണ്ട്. കേന്ദ്ര കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പിനെ തുടർന്ന് കേന്ദ്ര ആഭ്യന്തര മന്ത്രാലയം സംസ്ഥാനങ്ങൾക്ക് ജാഗ്രതാ നിർദേശം നൽകി. കടലാക്രമണത്തിന് സാധ്യത ഉള്ളതിനാൽ മത്സ്യ ബന്ധന തൊഴിലാളികൾ ജാഗ്രത പാലിക്കണമെന്നും മുന്നറിയിപ്പ് നൽകിയിട്ടുണ്ട്.
Read MoreCategory: TVM
ചെങ്ങന്നൂരിൽ എൽഡിഎഫും ബിജെപിയും തമ്മിൽ രഹസ്യധാരണ; കോടിയേരിയും കാനവും പരസ്പര വിരുദ്ധമായി പറയുന്നത് വെറും നാടകമെന്ന് ഹസൻ
തിരുവനന്തപുരം: ചെങ്ങന്നൂർ ഉപതെരഞ്ഞെടുപ്പിൽ എൽഡിഎഫും ബിജെപിയും തമ്മിൽ രഹസ്യധാരണയെന്ന് കെപിസിസി അധ്യക്ഷൻ എം.എം. ഹസൻ. കൂട്ടംപേരൂർ ആറിനെക്കുറിച്ചുള്ള മോദിയുടെ പരമാർശത്തിൽ മുഖ്യമന്ത്രി പെട്ടെന്ന് നന്ദി പറഞ്ഞത് ഒത്തുകളിയുടെ തെളിവാണെന്നും അദ്ദേഹം പറഞ്ഞു. സിപിഎമ്മിന്റേത് മൃദുഹിന്ദുത്വ സമീപനമാണ്. എൽഡിഎഫ് ആർഎസ്എസിന്റെ വോട്ട് പ്രതീക്ഷിക്കുന്നുവെന്നും കോടിയേരിയും കാനവും പരസ്പര വിരുദ്ധമായി പറയുന്നത് നാടകമാണെന്നും ഹസൻ പറഞ്ഞു.
Read Moreകൊല്ലപ്പെട്ട വിദേശ വനിതയുടെ പേരിൽ പണപ്പിരിവ് ; അശ്വതി ജ്വാലയ്ക്കെതിരായ അന്വേഷണം അവസാനിപ്പിക്കുന്നു
തിരുവനന്തപുരം: സാമൂഹ്യപ്രവർത്തക അശ്വതി ജ്വാലയ്ക്കെതിരായ അന്വേഷണം പോലീസ് അവസാനിപ്പിക്കുന്നു. കൊല്ലപ്പെട്ട വിദേശ വനിതയുടെ പേരിൽ അശ്വതി പണപ്പിരിവ് നടത്തിയെന്ന പരാതിയാണ് പോലീസ് അന്വേഷണം അവസാനിപ്പിക്കുന്നത്. കോവളം സ്വദേശി ഡിജിപിക്കു നൽകിയ പരാതിയിലായിരുന്നു അന്വേഷണം. പരാതിക്കാരനിൽനിന്നും മൊഴിയെടുത്തെങ്കിലും തെളിവുകൾ ഒന്നും ഹാജരാക്കാൻ ഇയാൾക്കു സാധിച്ചിരുന്നില്ല. ഇതോടെയാണ് പോലീസ് കേസ് അന്വേഷണം അവസാനിപ്പിക്കാൻ ഒരുങ്ങുന്നത്. വിദേശ വനിതയുടെ ബന്ധുക്കളെ സഹായിക്കാനെന്ന പേരിൽ അശ്വതി 3.8 ലക്ഷം രൂപ പിരിച്ചെന്നാണ് പരാതി. അശ്വതി തങ്ങൾക്കുവേണ്ടി പണപ്പിരിവ് നടത്തിയിട്ടില്ലെന്ന് വിദേശ വനിതയുടെ ബന്ധുകളും വ്യക്തമാക്കിയിരുന്നു.
Read Moreചാത്തന്നൂരിൽ കെഎസ്ആർടിസി ബസിടിച്ച് ബൈക്ക് യാത്രികൻ മരിച്ചു; അപകടത്തിൽപ്പെട്ട ബസിന് പിറകിൽ ടൂറിസ്റ്റ് ബസിടിച്ച് 18പേർക്ക് പരിക്ക്
ചാത്തന്നൂർ : കെഎസ്ആർടിസി ബസിടിച്ച് ബൈക്ക് യാത്രികൻ മരിച്ചു. വരിഞ്ഞം ഊഴായിക്കോട് ലൈലാഭവനത്തിൽ സുരേന്ദ്രൻ -ലളിത ദന്പതികളുടെ മകൻ സുരേഷ്കുമാർ (37) ആണ് മരിച്ചത്. ഇന്നലെ രാത്രിയിൽ ചാത്തന്നൂർ കുരിശടി മുക്കിലായിരുന്നു അപകടം. പരിക്കേറ്റ സുരേഷ്കുമാറിനെ ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സഹോദരി ലൈല. അതേസമയം അപകടത്തിൽപ്പെട്ട കെഎസ്ആർടിസി ബസിന് പിറകിൽ ടൂറിസ്റ്റ് ബസിടിച്ച് 18പേർക്ക് പരിക്കേറ്റു. ഇവരെ പാരിപ്പള്ളി ഇഎസ്ഐ ആശുപത്രിയിൽ പ്രവേശിപ്പിച്ചു. ആരുടെയും പരിക്ക് ഗുരുതരമല്ല. ചാത്തന്നൂർ പോലീസ് കേസെടുത്തു.
Read Moreവിദേശ യുവതിയെ കൊലപ്പെടുത്തിയ സംഭവം; ഇന്നു മുതൽ തെളിവെടുക്ക് ആരംഭിക്കും; കൊലപ്പെടുത്താൻ സഹായിച്ചവരുടെയും വിവരങ്ങൾ പോലീസിന്
തിരുവനന്തപുരം: വിദേശ യുവതിയെ കൊലപ്പെടുത്തിയ കേസിലെ പ്രതികളായ ഉമേഷ്, ഉദയകുമാർ എന്നിവരെയും കൂട്ടിയുള്ള തെളിവെടുപ്പ് ഇന്ന് മുതൽ ആരംഭിക്കും. കോവളത്തും സമീപ പ്രദേശങ്ങളിലുമാണ് ഇന്ന് പ്രധാനമായും തെളിവെടുപ്പ് നടത്തുന്നത്. പ്രതികൾക്ക് ലഹരിമരുന്നുകളും കഞ്ചാവും ലഭിച്ച കേന്ദ്രങ്ങളിലെത്തിച്ചാകും ഇന്നത്തെ തെളിവെടുപ്പ്. തങ്ങൾക്ക് കഞ്ചാവ് ആരാണ് നൽകിയതെന്നും ഉൾപ്പെടെയുള്ള കാര്യങ്ങൾ അന്വേഷണ സംഘത്തോട് പ്രതികൾ ചോദ്യം ചെയ്യൽ വേളയിൽ വെളിപ്പെടുത്തിയിട്ടുണ്ട്. ഘട്ടംഘട്ടമായി തെളിവെടുപ്പ് നടത്താനാണ് അന്വേഷണ സംഘത്തിന്റെ തീരുമാനം. യുവതിയുടെ മൃതദേഹം കണ്ടെത്തിയ വാഴമുട്ടത്തെ പൊന്തക്കാട്ടിൽ ഇന്ന് തെളിവെടുപ്പിനായി പ്രതികളെ എത്തിക്കില്ല. വരും ദിവസങ്ങളിൽ മാത്രമെ പൊന്തക്കാട്ടിലേക്ക് തെളിവെടുപ്പ് നടത്താനായി പ്രതികളെ കൊണ്ട് പോകുകയുള്ളുവെന്നാണ് പോലീസ് വൃത്തങ്ങളിൽ നിന്നും ലഭിക്കുന്ന സൂചന. വിശദമായി ചോദ്യം ചെയ്യാനും തെളിവെടുപ്പിനുമായി 14 ദിവസത്തേക്ക് പ്രതികളെ കസ്റ്റഡിയിൽ വിട്ട് തരണമെന്ന അന്വേഷണ സംഘത്തിന്റെ അപേക്ഷ പരിഗണിച്ച് കോടതി ഈ മാസം 17 വരെ പോലീസ്…
Read Moreഡോക്ടര് സത്യസന്ധനാണ്! പ്രതിക്കനുകൂലമായി മൊഴി നൽകിയെന്ന ആരോപണം: ഡോക്ടറെ കുറ്റവിമുക്തനാക്കി; പ്രതി ഗോവിന്ദ ചാമി ഇപ്പോൾ ജയിൽ ശിക്ഷ അനുഭവിക്കുകയാണ്
തിരുവനന്തപുരം: പെൺകുട്ടി ട്രെയിനിൽ പീഡനത്തിനിരയായി കൊല്ലപ്പെട്ട കേസിൽ മൃതദേഹം പോസ്റ്റ്മോർട്ടം നടത്തിയ സംഭവത്തിൽ ആരോപണ വിധേയനായ ഡോ. ഉൻമേഷിനെ വകുപ്പ് തല അന്വേഷണത്തെ തുടർന്ന് കുറ്റവിമുക്തനാക്കി. ഡോ. ഉൻമേഷ് പ്രതിക്ക് അനുകൂലമായി മൊഴി നൽകിയെന്ന ആരോപണത്തെ തുടർന്ന് ഉൻമേഷിനെ സസ്പെൻഡ് ചെയ്തിരുന്നു. പ്രതിഭാഗവുമായി ഒത്തുകളിച്ചെന്നായിരുന്നു അന്ന് ആരോപണം ഉയർന്നത്. ഏഴ് വർഷത്തിന് ശേഷമാണ് ഉൻമേഷ് കുറ്റവിമുക്തനാണെന്ന് ആരോഗ്യവകുപ്പ് കണ്ടെത്തിയിരിക്കുന്നത്. ഉൻമേഷ് സത്യസന്ധനായ ഡോക്ടറാണെന്നാണ് ഇത് സംബന്ധിച്ച് അന്വേഷണം നടത്തിയ സമിതിയുടെ കണ്ടെത്തൽ. കേസിൽ അറസ്റ്റിലായ പ്രതി ഗോവിന്ദ ചാമി ഇപ്പോൾ ജയിൽ ശിക്ഷ അനുഭവിക്കുകയാണ്.
Read Moreനെയ്യാറ്റിന്കര കോടതിയില് മാധ്യമ പ്രവർത്തകരെ അഭിഭാഷകര് തടഞ്ഞു; വിദേശ വനിത കൊല്ലപ്പെട്ട കേസിലെ പ്രതികളെ കോടതിയില് ഹാജരാക്കുന്നത് റിപ്പോർട്ട് ചെയ്യാനെത്തിയതായിരുന്ന മാധ്യമ പ്രവർത്തകർ
തിരുവനന്തപുരം: നെയ്യാറ്റിൻകര കോടതി വളപ്പിൽ മാധ്യമപ്രവർത്തകരെ അഭിഭാഷകർ തടഞ്ഞു. കോവളത്ത് വിദേശ വനിത കൊല്ലപ്പെട്ട കേസിലെ പ്രതികളെ കോടതിയില് ഹാജരാക്കുന്നത് റിപ്പോർട്ട് ചെയ്യാനെത്തിയ മാധ്യമപ്രവര്ത്തകരെയാണ് അഭിഭാഷകര് തടഞ്ഞത്. കോടതിവളപ്പില്നിന്ന് പുറത്തുപോകണമെന്നായിരുന്നു അഭിഭാഷകരുടെ ആവശ്യം. ഇതിനിടെ, കേസുമായി ബന്ധപ്പെട്ട് കസ്റ്റഡിയിലെടുത്ത പ്രതികളെ പോലീസ് ക്രൂരമായി മർദ്ദിക്കുകയാണെന്നു ചൂണ്ടിക്കാട്ടി പ്രതികളുടെ ബന്ധുക്കള് പോലീസിനെതിരെ കോടതിവളപ്പില് പ്രതിഷേധിച്ചു.
Read Moreചെങ്ങന്നൂരിൽ വർഗീയ ധ്രുവീകരണത്തിന് എൽഡിഎഫ് ശ്രമം; ആർഎസ്എസുമായി കൂട്ടുകൂടിയ ചരിത്രമാണ് കമ്മ്യൂസ്റ്റു പാർട്ടിക്കുള്ളതെന്ന് ചെന്നിത്തല
തിരുവനന്തപുരം: ചെങ്ങന്നൂരിൽ എൽഡിഎഫ് വർഗീയ ധ്രുവീകരണത്തിന് ശ്രമിക്കുന്നുവെന്ന് പ്രതിപക്ഷനേതാവ് രമേശ് ചെന്നിത്തല. ആർഎസ്എസുമായി കൂട്ടുകൂടിയ ചരിത്രമാണ് കമ്മ്യൂസ്റ്റു പാർട്ടിക്കുള്ളത്. ആർഎസ്എസിന്റെ വോട്ട് സ്വീകരിക്കുമെന്ന കാനത്തിന്റെ വാക്കുകൾ വർഗീയധ്രുവീകരണം നടക്കുന്നുണ്ടെന്നതിനു തെളിവാണെന്നും അദ്ദേഹം പറഞ്ഞു. ആർഎസ്എസിന്റെ വോട്ട് വേണ്ടെന്ന് കോടിയേരി പറയുന്നു വേണമെന്ന് കാനവും, ഇതിൽ ആരെയാണ് ജനം വിശ്വസിക്കേണ്ടെതെന്നും ചെന്നിത്തല ചോദിച്ചു. വ്യാഴാഴ്ചയാണ്, ചെങ്ങന്നൂർ ഉപതെരഞ്ഞെടുപ്പിൽ ആർഎസ്എസിന്റെ ഒഴികെ ആരുടെ വോട്ടും സ്വീകരിക്കുമെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ പറഞ്ഞത്. എന്നാൽ ഇന്ന് കോടിയേരിയെ തള്ളി സിപിഐ സംസ്ഥാന സെക്രട്ടറി കാനം രാജേന്ദ്രൻ രംഗത്തെത്തിയിരുന്നു. ആർഎസ്എസ് വോട്ട് ചെയ്താലും സ്വീകരിക്കുമെന്നായിരുന്നു കാനത്തിന്റെ വാക്കുകൾ. എന്നാൽ, കേരള കോണ്ഗ്രസ് എമ്മിന്റെ കാര്യത്തില് മുന് നിലപാടില് മാറ്റമില്ലെന്നും അദ്ദേഹം ആവർത്തിച്ചു.
Read Moreഞാൻ നിരപരാധിയാണ്, എന്നെ മനപൂർവം പറഞ്ഞുവിട്ടത്; സൗദിയിൽ നിന്നും നെടുമ്പാശേരി വിമാനത്താവളത്തിലെത്തിയ യാത്രക്കാരന്റെ ജീവനൊടുക്കൽ ഭീഷണി; ഒടുവിൽ പോലീസ് എത്തിയപ്പോൾ…
നെടുന്പാശേരി: വിമാനത്താവളത്തിലെ കാർഗോ കോംപ്ലക്സിന്റെ മുകളിൽ കയറിനിന്നു യാത്രികന്റെ ആത്മഹത്യാ ഭീഷണി. തിരുവനന്തപുരം പൂന്തുറ സ്വദേശി സുരേഷ് (46) ആണ് ആത്മഹത്യാ ഭീഷണി മുഴക്കിയത്. റിയാദിൽനിന്നും സൗദി എയർലൈൻസിൽ വന്നിറങ്ങിയ സുരേഷ് രാവിലെ ഒന്പതോടെ വിമാനത്താവളത്തിലെ കാർഗോ കോംപ്ലക്സിന്റെ മുകളിൽ കയറിനിന്ന് ആത്മഹത്യാ ഭീഷണി മുഴക്കുകയായിരുന്നു. സൗദിയിൽ ജോലി ചെയ്തുവന്ന സുരേഷിനെ ജോലിയിൽനിന്നും പിരിച്ചുവിട്ടിരുന്നു. ഞാൻ നിരപരാധിയാണ്, എന്നെ മനപൂർവം പറഞ്ഞുവിട്ടതാണെന്നു’ പറഞ്ഞാണു ഇയാൾ ആത്മഹത്യ ഭീഷണി മുഴക്കി മുകളിൽ കയറിയത്. ജില്ലാ കളക്ടർ ഉൾപ്പെടെയുള്ള ഉദ്യോഗസ്ഥർവന്ന് ഇതിനു പരിഹാരം ഉണ്ടാക്കാതെ ഇറങ്ങില്ലെന്നും യുവാവ് പറഞ്ഞുകൊണ്ടിരുന്നു. പിന്നീട് നെടുന്പാശേരി പോലീസ് സ്ഥലത്തെത്തി പ്രശ്നങ്ങൾക്കെല്ലാം പരിഹാരം ഉണ്ടാക്കാമെന്നു പറഞ്ഞ് അനുനയിപ്പിച്ച് പത്തരയോടെയാണ് ഇയാളെ താഴെയിറക്കിയത്. പോലീസ് സ്റ്റേഷനിലെത്തിച്ച സുരേഷിനു മാനസിക വിഭ്രാന്തിയുണ്ടോയെന്നും പോലീസ് സംശയിക്കുന്നു.
Read Moreഅമിത കൂലി വാങ്ങുന്നതും ജോലി ചെയ്യാതെ കാശ് വാങ്ങുന്നതും അംഗീകരിക്കില്ലെന്ന് ആനത്തലവട്ടം ആനന്ദൻ
തിരുവനന്തപുരം: അമിത കൂലി വാങ്ങുന്നതും ജോലി ചെയ്യാതെ കാശ് വാങ്ങുന്നതും അംഗീകരിക്കില്ലെന്ന് സിഐടിയു സംസ്ഥാന നേതാവ് ആനത്തലവട്ടം ആനന്ദൻ. തൊഴിലാളി ക്ഷേമനിധി ബോർഡിൽ നിന്നും ലൈസൻസ് എടുത്തിട്ടുള്ള തൊഴിലാളികളെ കൊണ്ട് ലോഡുകൾ ഇറക്കാതെ മറ്റ് തൊഴിലാളികളെ കൊണ്ട് തൊഴിലുടമകൾ ലോഡുകൾ ഇറക്കുകയോ കയറ്റുകയോ ചെയ്താൽ അതിനെതിരെ പ്രതികരിക്കുമെന്നും അദ്ദേഹം പറഞ്ഞു. പത്തനംതിട്ട മല്ലപ്പള്ളിയിൽ വീട് നിർമാണത്തിനെത്തിച്ച 120 ചതുരശ്ര അടി ഗ്രാനൈറ്റ് ഇറക്കാൻ സിഐടിയു തൊഴിലാളികൾ 13,000 രൂപ ആവശ്യപ്പെട്ട സംഭവത്തെക്കുറിച്ചുള്ള പ്രതികരണം ആരാഞ്ഞപ്പോഴാണ് ആനത്തലവട്ടം ഇക്കാര്യം വ്യക്തമാക്കിയത്. മല്ലപ്പള്ളി വെണ്ണിക്കുളം പടുതോട് നാറാണത്ത് രാജു വർഗീസിന്റെ വീട് നിർമാണത്തിനെത്തിച്ച ഗ്രാനൈറ്റ് വാഹനത്തിൽ നിന്നിറക്കാൻ ഏഴ് സിഐടിയു തൊഴിലാളികൾ 13,000രൂപ ആവശ്യപ്പെട്ടതിനെ തുടർന്ന് രാജു വർഗീസ് മല്ലപ്പള്ളി അസിസ്റ്റന്റ് ലേബർ ഓഫീസറോട് പരാതി അറിയിച്ചിരുന്നു. ലേബർ ഓഫീസർ സ്ഥലത്തെത്തി തൊഴിലാളികളുമായി നടത്തിയ ചർച്ചയിൽ പിന്നീട് 2000രൂപയ്ക്ക് ലോഡ്…
Read More