പേരൂര്ക്കട: രണ്ടര വയസുള്ള സ്വന്തം മകളെ മാസങ്ങളായി ലൈംഗികചൂഷണം നടത്തിവന്ന പിതാവിന് ഒടുവില് ജയില്. മുട്ടട സ്വദേശി ആണ് റിമാന്ഡിലായത്. തന്റെ രണ്ടരവയസ്സുകാരിയായ മകളെ ഇയാള് മാസങ്ങളായി ശാരീരികമായി പീഡിപ്പിച്ചുവരികയായിരുന്നുവെന്ന് പേരൂര്ക്കട എസ്.ഐ അറിയിച്ചു. കുട്ടിക്ക് പ്രശ്നം ഉണ്ടായതോടെ മാതാവ് കുട്ടിയെ ആശുപത്രിയില് പ്രവേശിപ്പിച്ചു. ഡോക്ടര്മാര് നടത്തിയ പരിശോധനയിലാണ് പീഡനവിവരം പുറത്തറിയുന്നത്. മാതാവിന്റെ പരാതിയിലാണ് പ്രതിക്കെതിരേ അന്വേഷണവും അറസ്റ്റും ഉണ്ടായത്.
Read MoreCategory: TVM
പുതിയ മദ്യശാലകൾ തുറക്കില്ല; പക്ഷേ അടച്ചുപൂട്ടിയ മദ്യശാലകൾ തുറക്കും; മദ്യവർജനം തന്നെയാണു സർക്കാരിന്റെ ലക്ഷ്യമെന്ന് എക്സൈസ് മന്ത്രി
തിരുവനന്തപുരം: സംസ്ഥാനത്ത് പുതിയ മദ്യശാലകൾ തുറക്കില്ലെന്ന് എക്സൈസ് മന്ത്രി ടി.പി. രാമകൃഷ്ണൻ. എന്നാൽ സുപ്രീം കോടതി വിധിയുടെ അടിസ്ഥാനത്തിൽ അടച്ചുപൂട്ടിയ മദ്യശാലകൾ തുറക്കുമെന്നും അദ്ദേഹം പറഞ്ഞു. പൊതുനയത്തിന്റെ ഭാഗമായാണ് സർക്കാർ മദ്യശാലകൾ തുറക്കുന്നത്. ഇക്കാര്യത്തിൽ ആരുമായും ചർച്ചയ്ക്കു തയാറാണെന്നും വാർത്തസമ്മേളനത്തിൽ അദ്ദേഹം പറഞ്ഞു. മദ്യനയത്തിന്റെ പേരിലുള്ള വിവാദങ്ങൾക്ക് അടിസ്ഥാനമില്ല. എൽഡിഎഫിന്റെ പ്രകടനപത്രിക പ്രകാരമുള്ള മദ്യനയമാണ് സർക്കാർ നടപ്പാക്കുന്നത്. കൂടുതൽ മദ്യശാലകൾ തുറക്കുമെന്ന പ്രചാരണത്തിന് അടിസ്ഥാനമില്ലെന്നും മദ്യവർജനം തന്നെയാണു സർക്കാരിന്റെ ലക്ഷ്യമെന്നും അദ്ദേഹം പറഞ്ഞു. 121 ബീയർ വൈൻ പാർലറുകളും മൂന്ന് സൈനിക കാന്റിനുകൾ 499 കള്ളുഷാപ്പുകളുമാണ് പുതിയ വിധിയുടെ അടിസ്ഥാനത്തിൽ തുറക്കുന്നത്. ഷാപ്പുകൾ അടച്ചതോടെ 12,100 പേർക്കാണ് തൊഴിൽ നഷ്ടപ്പെട്ടത്. ബീയർ വൈൻ പാർലറുകളിലെ 7,500 ജീവനക്കാർക്കും തൊഴിൽ നഷ്ടപ്പെട്ടുവെന്നും മന്ത്രി പറഞ്ഞു.
Read More“ജയരാജന് വധഭീഷണിയുണ്ടെന്നത് നാടകം മാത്രം; ഭീഷണിയുടെ പേരിൽ പോലീസ് സംരക്ഷണം നൽകാനാണ് സർക്കാർ ശ്രമിക്കുന്നതെന്ന് വി. മുരളീധരൻ
തിരുവനന്തപുരം: സിപിഎം കണ്ണൂർ ജില്ലാ സെക്രട്ടറി പി. ജയരാജന് വധഭീഷണിയുണ്ടെന്നത് നാടകം മാത്രമാണെന്ന് ബിജെപി മുൻ സംസ്ഥാന അധ്യക്ഷൻ വി. മുരളീധരൻ. ജയരാജനെ വെള്ളപൂശാനുള്ള സിപിഎം ശ്രമമാണിത്. ഇല്ലാത്ത ഭീഷണിയുടെ പേരിൽ പോലീസ് സംരക്ഷണം നൽകാനാണ് സർക്കാർ ശ്രമിക്കുന്നതെന്നും മുരളീധരൻ പറഞ്ഞു. ജയരാജനെ ആക്രമിക്കാനായി ആർഎസ്എസ് പ്രവർത്തകരുടെ നേതൃത്വത്തിൽ ക്വട്ടേഷൻ സംഘത്തെ നിയോഗിച്ചതായാണ് പോലീസ് റിപ്പോർട്ട്. ഇതിന്റെ അടിസ്ഥാനത്തിൽ ജയരാജന്റെ സുരക്ഷ പോലീസ് വർധിപ്പിച്ചിരുന്നു. കതിരൂരിലെ മനോജിന്റെയും ധർമടത്തെ രമിത്തിന്റെയും കൊലപാതകത്തിന് പകരം ചെയ്യാനാണ് ജയരാജനുനേരേയുള്ള ആക്രമണം ആസൂത്രണം ചെയ്യുന്നതെന്നും പോലീസിന്റെ മുന്നറിയിപ്പ് സന്ദേശത്തിലുണ്ട്.
Read Moreപി.സി. ജോർജിന്റെ പ്രസ്താവനകൾ സ്ത്രീവിരുദ്ധം; അപമാനിക്കാൻ ശ്രമിച്ചയാളുടെ പേര് നിഷ വെളിപ്പെടുത്തിയാൽ കേസെടുക്കാമെന്ന് വനിതാ കമ്മീഷൻ
തിരുവനന്തപുരം: നിഷ ജോസ് കെ. മാണിയുടെ “ദ അദർ സൈഡ് ഓഫ് ദിസ് ലൈഫ്’ എന്ന പുസ്തകത്തിലെ വിവാദ പരാമർശത്തിൽ പി.സി. ജോർജ് എംഎൽഎ നടത്തിയ പ്രസ്താവനകൾ സ്ത്രീ വിരുദ്ധമെന്ന് സംസ്ഥാന വനിതാ കമ്മീഷൻ അധ്യക്ഷ എം.സി. ജോസഫൈൻ. ട്രെയിനിൽ അപമാനിക്കാൻ ശ്രമിച്ചയാളുടെ പേര് നിഷ ജോസ് കെ. മാണി വെളിപ്പെടുത്തിയാൽ വനിതാ കമ്മീഷൻ കേസെടുക്കാമെന്നും ജോസഫൈൻ പറഞ്ഞു.
Read Moreഘട്ടംഘട്ടമായി കേരളം മദ്യത്തിൽ മുങ്ങും; മദ്യശാലകൾ തുറക്കുന്നത് ബാറുടമകൾക്ക് സിപിഎം നൽകിയ വാഗ്ദാനം പാലിക്കാൻ: ചെന്നിത്തല
തിരുവനന്തപുരം: കേരളത്തിൽ പൂട്ടിയ മദ്യശാലകളെല്ലാം തുറക്കുന്നതു വഴി യുഡിഎഫ് സർക്കാരിനെ അട്ടിമറിക്കാൻ ബാറുടമകൾക്ക് നൽകിയ വാഗ്ദാനം ഇടതു മുന്നണി നിറവേറ്റിക്കൊടുക്കുകയാണ് ചെയ്തിരിക്കുന്നതെന്ന് പ്രതിപക്ഷ നേതാവ് രമേശ് ചെന്നിത്തല. സുപ്രീംകോടതി വിധി ഇതിന് സൗകര്യമായി ഉപയോഗിക്കുകയാണ്. മുൻധനകാര്യ മന്ത്രി കെ.എം. മാണിക്കെതിരെ കേസ് നടത്തിയാൽ ഇടതു മുന്നണി അധികാരത്തിലേറിയാൽ പൂട്ടിക്കിടക്കുന്ന ബാറുകളെല്ലാം തുറന്നു തരാമെന്ന് സിപിഎം നേതാക്കൾ ഉറപ്പു നൽകിയിരുന്നതായി ബാറുടമകളുടെ അസോസിയേഷൻ നേതാവ് ബിജു രമേശ് കഴിഞ്ഞ മാസം വെളിപ്പെടുത്തിയിരുന്നു. ആ വാഗ്ദാനം നിറവേറ്റുകയാണ് ഇപ്പോൾ ചെയ്തിരിക്കുന്നത്- ചെന്നിത്തല കുറ്റപ്പെടുത്തി. ഘട്ടംഘട്ടമായാണ് സർക്കാർ കേരളത്തെ മദ്യാലയമാക്കി മാറ്റിയിരിക്കുന്നത്. കേരളത്തെ മദ്യത്തിൽ മുക്കിക്കൊല്ലാനുള്ള സർക്കാർ നീക്കത്തെ ശക്തമായി ചെറുക്കുമെന്നും ചെന്നിത്തല പറഞ്ഞു.
Read Moreമണിക്കൂറുകൾക്കകം അത്യന്താധുനിക ആശുപത്രി; വിമാനത്തിൽ പറന്നെത്തി ഡോക്ടർമാർ
റിച്ചാർഡ് ജോസഫ് തിരുവനന്തപുരം: ശംഖുമുഖത്തെ വ്യോമസേനയുടെ ടെക്നിക്കൽ ഏരിയയിൽ പറന്നിറങ്ങിയ വിമാനത്തിൽ നിന്നും ഡോക്ടർമാർ ചടുലവേഗത്തിൽ പുറത്തിറങ്ങി; കൂടെ ഒരു ആശുപത്രിയും! ദുരന്തമുഖത്തേക്കു പാഞ്ഞെത്തിയ വിദഗ്ധഡോക്ടർമാരും നഴ്സുമാരും ചേർന്ന് പരിക്കേറ്റവർക്ക് പ്രാഥമിക ശുശ്രൂഷ നൽകി. അതേസമയത്തു തന്നെ പരിക്കേറ്റവർക്ക് വിദഗ്ധചികിത്സ നൽകാൻ സമീപത്ത് ഒരു അത്യാധുനിക ആശുപത്രിയും ഉയർന്നു. മണിക്കൂറുകൾക്കകം. ടെക്നിക്കൽ ഏരിയക്കു സമീപമുള്ള വ്യോമസേന മൈതാനമായിരുന്നു ആ ’സാങ്കൽപ്പിക’ ദുരന്തസ്ഥലം. ഉത്തർപ്രദേശിലെ ഗാസിയാബാദിൽ നിന്ന് ശംഖുമുഖത്തേക്ക് ആശുപത്രി പറന്നെത്തിയത് മൂന്നു മണിക്കൂർ കൊണ്ടാണ്. രാജ്യത്തെവിടെയും വിമാനത്തിലെത്തിച്ചു സജ്ജീകരിക്കാവുന്ന ആശുപത്രി സജ്ജമാക്കിരിയിക്കുന്നത് ഇന്ത്യൻ വ്യോമസേനയാണ്. പെട്ടികളിലാക്കി വ്യോമസേനയുടെ വിമാനത്തിൽ എത്തിക്കുന്ന ന്ധആശുപത്രിന്ധ സജ്ജീകരിക്കാൻ വേണ്ടിവരുന്നത് ആറുമണിക്കൂർ. പൂർണമായും ശീതീകരിച്ച കൂടാരത്തിലെ ആശുപത്രിയിൽ കാഷ്യാലിറ്റി മുതൽ ഓപ്പറേഷൻ തീയറ്റർ വരെ മണിക്കൂറുകൾക്കുള്ളിൽ റെഡി. അത്യാഹിതങ്ങൾ ഉണ്ടാകുന്പോൾ വ്യോമസേനയുടെ റാപിഡ് ആക്ഷൻ മെഡിക്കൽ ടീമിന്റെ പ്രവർത്തനങ്ങൾ എങ്ങനെയെന്നു വ്യക്തമാക്കുന്ന രക്ഷാ…
Read Moreവാഹന പരിശോധനയ്ക്കിടെ എസ്ഐ ഉൾപ്പെട്ട പോലീസ് സംഘത്തെ ആക്രമിച്ച സംഭവം: രണ്ട് പേർ അറസ്റ്റിൽ
തിരുവനന്തപുരം: വാഹനപരിശോധന നടത്തുകയായിരുന്ന എസ്ഐ ഉൾപ്പെട്ട പോലീസ് സംഘത്തെ ദേഹോപദ്രവമേൽപ്പിച്ച സംഭവത്തിൽ രണ്ട് പേരെ വഞ്ചിയൂർ പോലീസ് അറസ്റ്റ് ചെയ്തു. അന്പലത്തറ സ്വദേശി അഫ്ലം (32), മണക്കാട് സ്വദേശിയും വെൽഫെയർ പാർട്ടി നേതാവുമായ ഷാജി (38) എന്നിവരെയാണ് പോലീസ് അറസ്റ്റ് ചെയ്തത്. ഇന്നലെ രാത്രി ജിപിഒ ജംഗ്ഷന് സമീപമായിരുന്നു സംഭവം. ബൈക്ക് ഓടിക്കവെ മൊബൈൽ ഫോണിൽ സംസാരിച്ച് വരികയായിരുന്ന അഫ്ലത്തിനെ പോലീസ് തടഞ്ഞ് വച്ച് പിഴ ഈടാക്കി. ഇത് ചോദ്യം ചെയ്ത് ഷാജി കന്േറാണ്മെന്റ് എസ്ഐ.ഷാഫിയെ ദേഹോപദ്രവമേൽപ്പിക്കുകയും ഒൗദ്യോഗിക കൃത്യനിർവഹണം തടസ്സപ്പെടുത്തുകയും ചെയ്തുവെന്ന് പോലീസ് പറഞ്ഞു. ഇരുവരും പോലീസിനെ ആക്രമിക്കാൻ മറ്റ് സുഹൃത്തുക്കളെ വിളിച്ച് വരുത്തിയതോടെ പോലീസ് ബലംപ്രയോഗിച്ച് ഇരുവരെയും അറസ്റ്റ് ചെയ്യുകയായിരുന്നുവെന്ന് പോലീസ് പറഞ്ഞു. പ്രതികളെ ഇന്ന് കോടതിയിൽ ഹാജരാക്കും.
Read Moreബാറുകൾ തുറക്കുന്നത് സർക്കാരിന് തിരിച്ചടിയാകും; ചെങ്ങന്നൂർ ഉപതെരഞ്ഞെടുപ്പിൽ അത് പ്രതിഫലിക്കുമെന്ന് സുധീരൻ
തിരുവനന്തപുരം: സംസ്ഥാനത്ത് പൂട്ടിയ ബാറുകൾ തുറക്കുന്നത് സർക്കാരിന് വലിയ തിരിച്ചടിയാകുമെന്ന് കോൺഗ്രസ് നേതാവ് വി.എം. സുധീരൻ. സർക്കാർ നിലപാട് ചെങ്ങന്നൂർ ഉപതെരഞ്ഞെടുപ്പിൽ പ്രതിഫലിക്കുമെന്നും സുധീരൻ പറഞ്ഞു. സുപ്രീം കോടതി വിധിയുടെ പശ്ചാത്തലത്തിൽ സംസ്ഥാനത്ത് അടച്ചുപൂട്ടിയ ബാറുകൾ മാത്രമായിരിക്കും തുറക്കുകയെന്ന് എക്സൈസ് മന്ത്രി ടി.പി. രാമകൃഷ്ണൻ പറഞ്ഞിരുന്നു. സംസ്ഥാനത്ത് 10,000 പേരിൽ കൂടുതൽ അധിവസിക്കുന്ന പഞ്ചായത്തുകളെ നഗര മേഖലകളാക്കി കണക്കാക്കി പൂട്ടിയ മദ്യശാലകൾ തുറക്കാനാണ് എക്സൈസ് വകുപ്പ് കഴിഞ്ഞ ദിവസം നിർദേശം നൽകിയിരുന്നത്.
Read Moreകാട്ടുതീ നിയന്ത്രിക്കാൻ ഹെലികോപ്റ്റർ വാങ്ങണം; കാട്ടുതീയുടെ പശ്ചാത്തലത്തിൽ ഹെലികോപ്റ്റർ വാങ്ങണമെന്ന് കാട്ടി സർക്കാരിന് നിർദേശം നല്കി അഗ്നിസുരക്ഷാ വിഭാഗം
തിരുവനന്തപുരം: കാട്ടുതീ അടക്കമുള്ള അപകടങ്ങൾ ഉണ്ടാകുന്പോൾ അവ നിയന്ത്രണ വിധേയമാക്കുന്നതിനും രക്ഷാപ്രവർത്തനങ്ങൾക്കുമായി ഹെലികോപ്റ്റർ വാങ്ങുന്നതിനു ശിപാർശ. അഗ്നിസുരക്ഷാ വിഭാഗം ഇതു സംബന്ധിച്ച നിർദേശം സർക്കാരിലേക്കു നൽകും. തേനിയിലുണ്ടായ കാട്ടുതീയുടെ പശ്ചാത്തലത്തിൽ ഫയർ ആന്ഡ് റെസ്ക്യൂ സർവീസസ് ഡയറക്ടർ ജനറൽ ടോമിൻ ജെ. തച്ചങ്കരി, പ്രിൻസിപ്പൽ ചീഫ് കണ്സർവേറ്റർ ഓഫ് ഫോറസ്റ്റ് പി. കെ. കേശവൻ എന്നിവരുടെ നേതൃത്വത്തിൽ നടന്ന ഉന്നതതല യോഗത്തിലാണു തീരുമാനം. കാട്ടുതീ അടക്കമുള്ള അപകടങ്ങൾ ഉണ്ടാകുന്പോഴുള്ള അഗ്നിശമനരക്ഷാ പ്രവർത്തനത്തിലെ അപരിചത്വം ഒഴിവാക്കാനായി ഫോറസ്റ്റ്- ഫയർ ആൻഡ് റെസ്ക്യൂ വകുപ്പുകൾ സംയുക്തമായി കൃത്യമായ ഇടവേളകളിൽ വനത്തിനുള്ളിൽ മോക്ഡ്രിൽ സംഘടിപ്പിക്കും. കാട്ടുതീ നേരിടാനായി വനമേഖലയിൽ സ്ഥിതിചെയ്യുന്ന ഫയർ ആന്ഡ് റെസ്ക്യൂ സ്റ്റേഷനിലെ ജീവനക്കാരും ഫോറസ്റ്റ് ജീവനക്കാർ ഉൾപ്പെട്ട 30 അംഗങ്ങൾ വരെയുള്ള പല ജോയിന്റ് ടീമുകൾ രൂപീകരിച്ചു പരിശീലനം നൽകും.
Read Moreമന്ത്രിമാരുടെയും എംഎൽഎമാരുടെയും ശമ്പളം കുത്തനെ വർധിപ്പിക്കുന്നു; മന്ത്രിമാരുടെ ശമ്പളം 90,300 രൂപയാക്കാൻ നിർദേശം
തിരുവനന്തപുരം: മന്ത്രിമാരുടെയും നിയമസഭാ സാമാജികരുടെയും ശമ്പളം കുത്തനെ വർധിപ്പിക്കാൻ തീരുമാനം. ഇതു സംബന്ധിച്ച ബില്ലിന് മന്ത്രിസഭ അംഗീകാരം നൽകി. മന്ത്രിമാരുടെ ശമ്പളം 90,300 രൂപയാക്കാനാണ് നിർദേശം. നിലവിൽ 52,000 രൂപയായിരുന്നു മന്ത്രിമാരുടെ ശമ്പളം. എംഎൽഎമാരുടെ ശമ്പളത്തിലും വൻ വർധനവാണ് വരുത്തുന്നത്. രണ്ടിരട്ടിയായാണ് നിയമസഭാ സാമാജികരുടെ ശമ്പളം വർധിക്കുക. 39,000 രൂപയിൽനിന്നും 62,000 രൂപയിലേക്ക് എംഎൽഎമാരുടെ ശമ്പളം കുതിക്കും. നടപ്പ് നിയമസഭാ സമ്മേളനത്തിൽ ബിൽ അവതരിപ്പിക്കാനാണ് തീരുമാനം.
Read More